الجزء التاسع
بعد ما خلصت الاسبوع قاعد مع نفسي بليل قبل ما انام
أنا : اعمل ايه و ابدأ ازاي حاسس اني متلخبط
نفسي : متلخبط ليه مش عايز تاخد حقك
أنا : طبعا عايز اخد حقي اعرف بس مين اللي ورا موت حور
نفسي : يبقي تعافر و تتعب و تكمل تدريبك للنهاية
و بعد شوية كلام مع نفسي نمت و صحيت الصبح و عملت تدريبي اليومي و رحت للهرم و نزلنا أنا و هو تحت الارض و بدأنا تدريب بدني و هو بصراحه طلع عنده خبره ف البدني مش عند اي حد علمني ازاي افكك متفجرات و اركبها و اصنعها من اقل المواد و علمني ازاي اقدر أحلل كل حاجه بتحصل حواليا و ازاي اقدر اسيطر علي الموقف و ازاي اقدر اتغلب علي عدد بسلاح و ازاي اقدر اتغلب عليهم من غير سلاح و بقيت ف مستوي تاني خالص علمني اكتر من لغة هحتاجها بعد كده منهم ( ماندرين و اللغة السواحلية و الماني و ايطالي و اسباني و برتغالي و فرنسي و عبري ) و قعدت معاه بدل ما كان اتفاقنا شهر قعدت اكتر من سنه بس ايه طلعت حاجه تانيه خالص
روحت البيت و دخلت الاوضه و قعدت شوية افكر هعمل ايه و كلمت واحد علي الدارك ويب
أنا : ازيك يا فرعون
فرعون : اهلا بك يا حاوي ماذا تريد
أنا : مصلحه
فرعون : مصلحة ايه
أنا : فيه عربية مش عارف اجبها مصر ف عاوزك تجبها و تسجلها باسم ماثيو لوثر ( اسمي ف جواز السفر الدبلوماسي) و طبعا رخصه دبلوماسيه و عايزها ف ايطاليا
فرعون : مش عايز بيض غنم و لبن العصفور بالمره
أنا : انت هتهزر ياعم
فرعون : انت اللي بتهزر ايه ده كله
أنا : اخلص كده و اتصرف انت قدها
فرعون : تمام تمام بس ايه المقابل
أنا : اللي نفسك فيه
فرعون : بص هقولك علي مكان مقبرة لسه محدش اكتشفها مقبرة من مقابر الاسكندر هتجبلي منها حتتين اشطا يابا
أنا : انت متاكد يسطا انك مش مصري اصلك اتعلمتها بسرعه يعني
فرعون : اتفقنا ولا ايه
أنا : تمام اتفقنا
فرعون : اشطا نوع العربية ايه
أنا : فيراري 296 GTP
فرعون : أنا بقول بردو الحاوي مش هيركب اي عربية تمام اتفقنا
خلصت كلام معاه و قومت خدت دش و لبست طقم عالرايق و نزلت جبت تيليفون جديد و طلعت علي مطعم ( معلش يا صحبي يا صائم انت مش عارف الحاوي مكلش اكل عدل بقاله قد ايه😹)
ويتر : اتفضل يا فندم
أنا : بص عايز المنيو الشرقي كله و بيتزا و ماكن شييز
ويتر : حضرتك حابب حاجه معينه بالظبط
أنا : بص كوارع و عكاوي و كبده و كفته و سجق و شوية محشي ورق عنب و ساندويتش حوواشي و شاورما فراخ و شاورما لحمه و بطاية ثمبوثه و مكثرات بالرز المعمر 😹 و شوية سلطات و شوربة كده يعني
ويتر : حاضر عنيا يا فندم اتفضل حضرتك اقعد علي الطرابيزه دي و استني بس نص ساعة الاكل يجهز
أنا : احلي علي الاحلي ممكن بقي باسورد الواي فاي
الويتر : اكيد اكتب حضرتك (**********)
أنا : تمام
و قعدت شوية علي الفون و كلمت صقر و يوسف و قولتلهم علي مكاني عشان ياكلوا معايا و بعد حوالي تلت ساعه كان الاتنين وصلوا بس كان مع يوسف بنت
انا : ليكو وحشه يا رجاله
صقر : ما انت اللي مش راضي تطلع تفك عن نفسك
أنا : عشان أنجز يا صقر ما انت فاهم
يوسف : وحشني يا اخويا
أنا : و انت كمان يا جوو بس مش تعرفنا
يوسف : اه معلش محمد دي بسملة خطيبتي بسملة ده محمد اخويا اللي حكيتلك عنه
بسملة : ازيك يا محمد عامل ايه
أنا : كويس الحمد لله
( بسملة بنت جميلة و طيبه و فرفوشه و بيضا )(اوعي تكون مستني اوصفها لا يا صحبي مش ينفع احنا ف رمضان )
الاكل نزل
صقر : فيه ايه يبني ده كله
يوسف: اسكت الراجل ده مكلش من حوالي سنه اكل عليه القيمه
أنا : قوله و النبي يا جوو
أنا بشاور الويتر : بعد اذنك
الويتر : تحت امرك يا فندم
أنا : بتعملوا عصائر
الويتر : طبعا يا فندم اي عصير نفسك فيه
أنا : طب بص هتعمل عصير بلح رطب و معاه لبن و شوية عسل و كيوي بالعسل و اه نزلنا نص تيس و اربعه كيلو كفته كمان و شوفهم يشربوا ايه
الويتر: تشربي ايه يا استاذ
أنا : كلك ذوق الست الاول
الويتر : آسف يا فندم تشربي ايه
بسملة : عصير مانجا
الويتر : وحضرتك
يوسف : تمر هندي
أنا : ايه حلو ده اعملي معاه بالمره
صقر : أيس كوفي كلاسيك يكون معمول بقهوة اسبريسو
الوتير : تمام يا فندم
بعد ما الويتر مشي قعدنا ناكل
و بعد شوية و احنا بنتكلم طلعت اللاب بتاعي لقيت الفرعون باعت رساله
الفرعون : مكان المقبرة (*********)
أنا : تمام
و بعد ما خلصنا اكل و شربنا العصير
صقر : ناوي علي اي يا محمد
أنا : هكون ناوي علي ايه يعني خرااااب
يوسف: طيب هقوم اوصل بسملة و ارجعلكو تاني
أنا : تمام معاك العربيه ولا تاخد بتاعتي
يوسف : لا هات عربيتك عشان كنا بنتمشي و جينا علي هنا
أنا : ماشي امسك
أنا : صقر معاك سجائر
صقر : لا خلصت
أنا : طب اطلع هات علبتين ميريت
صقر : حد قالك اني الشغال عند اللي جابك.
أنا : اخلص يا صقر
صقر : ابعت حد من الاستف
أنا : حد قالك أنهم شغالين عند اللي جابونا
صقر : طب اسألهم
أنا : يبني مينفعش أنت اهطل الناس دي شغاله ف المطعم مش شغاله عند الجيستس
صقر : طب اسأل الويتر شوف هيقولك ايه
أنا : خلاص ياعم ده انت صداع
و ندهت علي الويتر
الويتر : تحت امرك يا فندم
أنا : اسمك ايه
الويتر : فاروق يا باشا
أنا : اتشرفنا يا فاروق أنا محمد من غير باشا ولا فندم
فاروق : اتشرفنا يا استاذ محمد
أنا : ممكن اطلب منك طلب
فاروق : اؤمر يا محمد
أنا : عاوز علبتين سجائر ممكن تبعت حد يجيبهم
فاروق : و ابعت حد ليه اروح اجيبهملك أنا
أنا : عشان مش تسيب شغلك يعني
فاروق : لا مش تقلق هروح اجيبهم و أجي علطول
أنا : تسلم يا رجولة و خد ٢٠٠ جنيه اهي روح هات علبتين
فاروق : عنيا يا محمد
و مشي فاروق و بعد أقل من خمس دقائق كان جه و جايب علبتين و جاي يديني الباقي
أنا : بتعمل ايه خدهم ليك دول
فاروق : بس دول كتير
أنا : ياعم كتير ايه بس دول ولا حاجه
فاروق : شكرا يا محمد
أنا : حبيبي أعملنا بقي واحده اسبريسو تربل و واحد موكا دارك و واحد قهوه مظبوط
فاروق : عنيا يا محمد
و مشي فاروق و جاب الحاجه كان يوسف جه و قعدنا ولعنا و بنشرب يوسف خد القهوه المظبوط و صقر الموكا و انا خدت الاسبريسو
يوسف : ها بقي فهمني ناوي علي ايه
أنا : الاول صحيح انت تعرف المكان ده (*******)
يوسف : اه اشمعنا
أنا : عندنا طلعه هناك
يوسف : هنعمل ايه
أنا : هنطلع اثار
يوسف : بس دي مش شغلتنا و ليها ناسها ليه نروح احنا
أنا : عشان دي حاجه تخصني بس
صقر : بس لازم ناخد معانا شيخ أو ساحر عشان. يعرف يفتح المقبرة عشان الخادم اللي بيبقي عليها
أنا : هتصرف أنا ف الحوار ده
و طلعت اللاب و كلمت فرعون
أنا : يا فرعون
فرعون : ايه يا برنس
أنا : عاوز ساحر
فرعون : ليه
أنا : عشان اعرف افتح المقبرة
فرعون : تمام هكلمك ساحر من اقوي السحرة
أنا : تمام كده يجي بكرا بقي ها
فرعون : تمام
و بتكلم مع يوسف و صقر : كده تمام يا جدعان الدنيا حلوه و ظبطت ساحر جاي بكرا
الاتنين : تمام بكرا نتقابل بقي ف المكان ده و ابعتلنا اللوكيشن
أنا : اشطا بس مين هيحاسب 😹
يوسف : نحاسب علي ايه لا مؤاخذه
أنا : علي الاكل ده كله
صقر : انت اللي عازمنا يا برنس حلاوة رجوعك
أنا : يا اندال طب يلا اخلعوا انتو هروح احاسب و اطلعلكو
الاتنين : تمام
و روحت علي الكاشير
أنا : كام الحساب
الكاشير : خلي علينا خالص يا فندم
أنا : حبيبي تسلم
الكاشير : الحساب ١٩ الف جنيه
أنا : تمام اتفضل الفيزا و خد ٢٠ و وزع الالف علي الرجاله
الكاشير : شكرا ليك يا فندم تشرفنا ف اي وقت
أنا : حبيبي تسلم
و طلعت خدت عربيتي وصلت يوسف و مشيت رجعت علي البيت و دخلت نمت و صحيت تاني يوم الساعه ٨ علي صوت حد بيخبط لاقيت واحد واقف قدامي و بيتكلم انجليزي هترجمو عربي
شخص : هل انت محمد
أنا : ايوه اساعدك بحاجه
شخص : لقد أرسلني أحد من الدارك ويب اليك
أنا : انت ساحر
شخص : نعم أنا اقوي ساحر ف العالم حاليا
أنا : طيب خش تعالي
و دخلت كلمت فرعون و هو قالي أن ده فعلا هو الساحر و دخلت عملت قهوه و سألته تشرب ايه مطلبش غير شوية مياه
أنا : اسمك ايه
الشخص : فولر
أنا : تمام يا فولر ممكن اسألك كذا سؤال
فولر : اكيد اسأل
أنا : هو الخادم بتاع المقبرة ده بيبقي قوي
فولر : علي حسب المقبرة بس فيه خدام كتير أقوياء
أنا : طب ينفع اخلي واحد منهم تحت طوعي
فولر : ممكن بنعمل حاجه عهد بينك و بينه
أنا : تمام أنا عايز خادم يكون قوي جدا منهم يبقي تحت ايدي
فولر : ثواني اسألك الخادم بتاعي
فولر و الخادم بتاعه من الجن
فولر : هل ينفع اعمل بينه و بين حد تاني عهد
الخادم : اكيد ينفع بس لازم هو يبقي قوي و يستحمل
فولر : هو باين عليه اقوي مني و يستحمل بص أنا عايز اقوي خادم انت تعرفه
الخادم اسمها مليكه : طيب هشوف و اقولك
فولر : سألت و طلع ينفع و هجبلك كمان خادم قوي جدا
أنا : تسلم يا فولر تعالي يلا نروح علي المقبرة
فولر : لا مش ينفع بالنهار لازم بليل
أنا : تمام نستني لحد بليل
أنا طلبت اكل من مطعم عقبال ما جه كان فولر بيكلم مليكة
فولر : ها عملتي ايه
مليكة : اقوي خادم موجود دلوقتي هو اللي انت رايحله برجلك
فولر : هو اللي بيحمي المقبرة
مليكة : اه
فولر : كويس اوي
مليكة : بس خلي بالك ده من اقوي الجن اللي موجودين
فولر : تمام متقلقيش بس هو مين بقي
مليكة : الملك شمهروش قاضي قضاة الجن
فولر : تمام
عندي كان الاكل جهز علي الطرابيزه و قاعدين بتاكل
فولر : أنا عرفتلك مين اقوي جن ممكن يخدمك بس ده صعب اوي
أنا : ليه و مين هو
فولر : الملك شمهروش قاضي قضاة الجن و ممكن تقدر تخليه يخدمك و هنعرف لما نروح المقبرة لانه هو اللي بيحمي المقبرة
أنا : تمام يا فولر خلص اكل و هننزل عشان نقابل بقية الناس اللي هتيجي معانا
فولر : مين اللي هييجي معانا
أنا : يوسف و صقر صحابي
فولر : تمام بس محدش هيدخل المقبرة غيرك حتي أنا مش هدخل
أنا : ليه
فولر : عشان انت اللي هتعرف تدخل
أنا : تمام
و نزلنا رحنا ليوسف و صقر و طلعنا علي مكان المقبرة
المقبرة كانت عبارة عن مغارة
اول ما وصلنا هناك و نزلنا من العربية
فولر : يلا يا محمد
أنا : ماشي استنونا هنا يا رجالة
اول ما وصلنا لقيت الساحر بدأ يشوف شغله و مفهمتش اي حاجه من اللي هو عملوا
و بعد شوية لقيت المغارة فتحت
فولر : أنا مينفعش أدخل ادخل انت
أنا : تمام
اول ما دخلت و ببص ورايا لقيت فولر بيبتسم بشر و المغارة قفلت عليا و انا جوا
قعدت انادي بصوت عالي جدا علي أن حد من اللي برا يسمع مفيش و طبعا جوه مكان زي ده مفيش اصلا نت أو شبكة و مكنتش عارف اعمل ايه ف اتمشيت شوية ف المغارة علي كشاف الموبيل و بعد شوية لقيت الفون فصل مع أن فيه شحن وصلته ب باور بانك بردو مفيش ف كملت مشي شوية ف الضلمه و فجأه حسيت نفسي بدوخ و أغم عليا
ف الحلم
شخص هيبه كبير ف السن : مرحبا بك يا محمد
أنا : انت مين و أنا فين
شخص : أنا اللي جيت عشانه
أنا : أنا جيت عشان المقبرة
شخص : و انا حامي المقبرة
أنا : انت الملك شمهروش
قال بصوت فيه فخر و كبرياء : أنا الملك شمهروش احكم الحكماء و قاضي قضاة الجن
(الملك شمهروش شكله شكل راجل كبير ف السن حكيم جدا تشوفه تديله ٩٠ سنه ١٧٠ سم ٦٥ك ابيضاني و عينه عسله تبص ف وشه تحس أن قدامك بحر علم)
أنا : عارفك بس أنا فين
الملك شمهروش : انت ف المغارة بس اغم عليك
انا : انت هتقتلني ولا ايه
الملك شمهروش : أنا لما لقيتكو قربتو من المقبرة انت و الساحر اللي كان معاك بعت لواحد من معاونيني يعرف انتو مين و قالي حياتك كلها انت و الساحر كمان و الساحر بتخدمه مليكه و البي قاله أنه يساعدك واحد انت تعرفه باسم فرعون و كان نيته أنه يفتحلك المقبرة بس فرعون مكنش يعرف أن فولر من رجالة هولاكو
أنا بغضب : هما عاوزين مني ايه مش كفاية بقي اللي حصلي بسببهم حراااام
الملك شمهروش : أنا مستعد اساعدك و اقولك ازاي تفتح المقبرة و ازاي نعمل عهد سوا
أنا : ايه شرطك طيب مفيش حاجه بتتعمل ببلاش
الملك شمهروش ابتسم : صح مفيش حاجه ببلاش بس شرطي سهل و هو انك تبقي مع الحق و متمشيش ف الشر ابدا
أنا : موافق بس مش عايز حد يعرف الموضوع ده حتي مليكة
الملك شمهروش : تمام اتفقنا و علمني كل حاجه محتاجها و قالي ازاي نعمل العهد و فوقت من الحلم و دخلت قعدت ادور لحد ما وصلت لحيطة كده زي الباب و قابلت الملك شمهروش و عملت اللي هو قالي عليه و فتحت المقبرة و عملنا العهد سوا و انا خدت تمثال عشان فرعون
أنا : ممكن اطلب منك طلب
الملك شمهروش : انت بتستأءن اؤمر علطول
أنا : عايزك تعلمني أساليب الدفاع القديمه و الهجوم كمان
الملك شمهروش : طيب بص اول ما تنام هجيلك ف الحلم اعلمك كل حاجه
أنا : تمام اتفقنا دلوقتي بقي عايز افتح المغاره
الملك شمهروش: امرك
و فتح المغارة و طلعت منها لقيت فولر واقف معاهم و اتفاجئ لما لقاني طلعت
أنا : ياعم المغارة الغريبة دي نشفت ريقي عقبال ما عرفت أخرج منها
فولر متوتر : اااايه جبت الحاجه
أنا : اه بس ملقتش غير تمثال
فولر : ازاي ده فيه جوه مقبرة المفروض
أنا : معرفش
و ركبنا العربية و طلعنا علي الطريق لقينا كمين و يوسف اللي كان سايق و اول ما وصلنا الكمين
الظابط : رخصك
يوسف : اتفضل يا باشا معاك يوسف ابن اللواء صلاح زكريا مخابرات
الظابط : اهلا يا يوسف
بطايقكو
طلعنا البطايق و فولر طلع جواز سفره
الظابط : انزلولي بقي من العربية عشان افتشها
يوسف : تفتش مين يابا انت كمان عمال اتكلم معاك عدل مش تخليني اعملها معاك
الظابط : اظبط كلامك يلا بدل ما اسجنك
يوسف : تسجني ههههههههه انت اللي جبته لنفسك ها يا محمد
أنا : ايه يا اخويا
يوسف : كلم السقا و قوله اللي بيحصل و محدش هيفتش العربية دي غير لما اخلص مكالمتي
أنا بكلم المشير محمود
المشير محمود : بقي كده يا واطي خدت مصلحتك من عندي و مبقتش تزورني
أنا : آسف يا سيادة المشير
المشير محمود : ها بقي قولي بترن ليه
أنا : موقفنا ف كمين و الظابط عايز يتفش العربية عافيه و انت فاهم بقي يعني ايه احنا نتفتش
السقا : انت هتهزر مين ده اللي يقدر يعمل كده انتو فين
أنا : احنا ف ****
السقا : دقيقه واحده و جايلك
بعد أقل من دقيقه
لقيت الظابط وصله مكالمه
الظابط : يا فندم ازاي يعني العربية دي لازم تتفتش
الشخص اللي بيكلمه : نفذ الأمر يا حضرة الظابط
الظابط من تحت ضرسه : امرك يا باشا
الشخص : هات يوسف أكلمه
الظابط : اتفضل يا يوسف بيه كلم وزير الداخليه
يوسف : أهلا يا سيادة الوزير عامل ايه
الوزير : كويس يا جو و انت
يوسف : الحمد لله يا باشا شكرا
الوزير : علي ايه ولا اي حاجه هو غلط لازم يتعاقب
عامة اعتذر للناس الي معاك كلهم علي اللي حصل
يوسف : محصلش حاجه يا فندم و اسفين أننا ازعجناك
و الظابط اداهم حاجتهم و سابهم يمشوا و راح مكلم الوزير تاني
الظابط : ايه اللي انت عملته ده يا عمي مشيتهم ليه
الوزير : عشان انت مش عارف ممكن يعملوا فينا فيه
الظابط: انت وزير الداخليه هيعملوا ايه يعني
الوزير : ممكن اتشال من منصبي
و كملوا كلامهم عندنا احنا و احنا راكبين العربية
يوسف : هو ازاي ده يحصل يعني أنا عمري ما وقفت في كمين
أنا : اتقل نوصل البيت
أول ما وصلنا البيت عندي لقيت البيت متكسر مكتوب علي الحيطه.......
يتبع...
متسلسلة منقول واقعية أولاد يوسف (للكاتب توماس جرجس) ـ حتي الجزء الثاني 9/5/2024
متسلسلة منقول رواية مارد المخابرات (للكاتبة اسماء جمال) الجزء الاول
متسلسلة واقعية طموح رجل ريفي ـ حتي الجزء الثالث 11/5/2024
متسلسلة فانتازيا وخيال إستكمال عربية فصحى رحله الى الجحيم (A TRIP TO HELL) ـ حتي الجزء الثاني 9/5/2024
متسلسلة بائع الورد اليتيم- حتى الجزء السادس 15/2/2024
مكتملة منقول أحببت تلك السمراء ـ ستة وعشرون جزء 14/10/2023
متسلسلة رساله من مجهول ـ حتي الجزء الثاني 26/4/2024