مش عارف يا معز
حاسس ان الخيوط بتفلت منك
و القصة بقت مسخ كدة وانت مش مركز فى حاجة واحدة
و انا حذرتك من فكرة استخدام الكاميرات اللى اتهرست فى الف قصة
تقوم تخترع افتكاسة هاك الموبايل و متصور ان الناس كلها بتظبط تليفوناتها فى وضع يسمح للهاكر انه يصورهم بشكل واضح فى بيوتهم و على سرايرهم و كأن حد بيصورهم!!!
و كمان حولت ايمان الكيوتة و نسمة اللى كانت قطة مغمضة لاكبر شراميط
و مش مركز على خط درامى معين
عمال تخرج من مشهد تدخل على مشهد... و قبل ما يكمل بتخرج منه تانى و تدخل على حوار جديد
و عامل من ادهم هركليز فى كل حاجة
من اول البطل اللى بيقبض ع العصابة و البوليس واقف برة مستنيه يخلص عليهم لغاية البطل اللى بيحل مشاكل كل الناس بمنتهى البساطة
و كمان خليته مدير فرع بنك بعد سنة او سنتين شغل و كأنه سوبر ماركت او شركة قطاع خاص
انا اسف على احباطك
بس بداية قصتك غير اللى وصلت اليه فى السلسلة التالتة خااااالص
و عموما انت حر
و دى قصتك وانت اكيد مخطط للى فاضل منها
بس نصيحة
حاول تنهيها بسرعة قبل ماتفلت منك اكتر
انت عارف انك لو مش كاتب كويس ولا كنت هعلق اصلا على قصتك
بس بيصعب عليا مجهودك و فكرتك تتشتت بالشكل ده
و فى انتظار ابداعك وتميزك