🍂الراجل اللي كل يوم مع واحدة علاجه مش الجواز، لأن مفيش حد بيتغير عشان حد، ولو حصل بيبقى تغيير مؤقت، وبيرجع تاني❗
ومراته بتتعب جدا، وبتتوجع كل يوم وهي شايفاه مع واحدة غيرها، وشايفة انها مش مميزة عنده، ولا مكفياه، وبتبدأ تفقد الثقة في نفسها، وتدبل 🥀💔
✨بس العيب مش فيها، هو لو متجوز أحسن وأحلى واحدة في الدنيا هيخونها برده ❗
✨اللي بيتغير بجد بيتغير عشان نفسه، عشان هو عايز يتغير، وغالبا بيقرر انه يتغير بعد حدث كبير في حياته( صدمة، حادثة، خسارة كبيرة،.. الخ)
🍂بنات كتير بتفرح ان الراجل اللي كل يوم مع واحدة قرر يتجوزها هي، وبتفتكر ان هي كدة كسبت كل البنات اللي عرفها، بس الحقيقة ده مكسب مزيف ومؤقت❗
✨لازم تختاري صح عشان متتعبيش، الراجل الخاين بطبعه متعب جدا، وهيدمر نفسيتك، ويفقدك الثقة في نفسك
✨وافهمي ان مش وظيفتك انك تغيريه، وأن حقك تكوني الوحيدة في قلب وحياة جوزك
✅اختاري راجل بيتقي **** بجد مش كلام وده تعرفيه من الخطوبة
✅راجل عامل حدود مع البنات مش بيهزر مع دي، ويفضفض مع دي، ويضحك مع دي
✅راجل أخلاقه عالية، وبيحترم ويقدر نفسه، مبيحبش يلف ويدور ويخبي ويكذب
✅اختاري راجل تكوني مالية عينه وقلبه وعقله ومأثرة في حياته وفارقة معاه
