قصيرة الدنيا وعميلها معنا

[مصطفى مصطفى]

مساء الخير للجميع
أنا مصطفى كلها كام يوم واتم 35 سنه
افراد الاسره
ابويا: خريج تجاره بالمعاش
امى : مدرسه علوم بالمعاش
محمد : اخويا الكبير
هند : اختي الكبيره
مصطفى: أنا
احمد : اخويا الصغير
نهى : اختى الصغيره
ترتيبي في اخواتي ال 3 في ولد بنت اكبر مني وفي ولد وبنت اصغر مني
أنا اساسا من الارياف مكمتلش شهر بعد ما اتولدت وامي جلها عقد عمل في السعوديه وسافرت السعوديه مع أهلى قعدت 11سنه ورجعنا كلنا مصر
كان والدي معندوش شغل دائم هناك فا كان هوة المسؤل عني وعن اخواتي الأكبر مني طبعا المراحل بتاعت وانا في الفه معرفش عنها حاجه بس كانو بيحكولي أن أنا أول ما اتولدت كنت تخين ومقلبظ بس هبدا من اول ما بقيت واعي وفاهم الي حوليا وهنا تبدأ المعاناه اول حاجه كدا حساسيه على الصدر وانتو طبعا عارفين زمان مكنش ليها علاج غير مهدئات للشعب الهوائية وفي اجازه من إجازات الصيف نزلنا مصر وكان في دكتور شاطر روحنا كشفنا عندو وكتب على ادويه وفعلا اتعالجت منها وبقيت انسان طبيعي وبدأت اعيش حياتي كا *** عادي وشويه عرض جديد للمرض يظهر كنت لما بطلع في الشمس أو في الحر الاقي منخيري بتنزل ددمم لوحده أو عملت مجهود جري أو تنطيط والموضوع اخد فتره حلوه معيا لغايت لما عملت كوى الأنسجة المسببه في النزيف دا تمام خلاص بقى العب براحتي واتنطط بس حصلت مشكله اكبر اني بدأت اخس وديما نفسي مقفوله من الاكل ولو اكلت حاجه غصب برجعها ومعرفش ايه السبب ولا أهلي عارفين اتعرضت على كذا دكتور يقولو وطبعا يطلبو اشعات وتحاليل وفي الاخر يقولو هوة كويس ومفهوش حاجه يكتبولي على شويه ادويه فاتح شهيه برضو مفيش مش قابل الاكل نهائي جربو معيا جميع انواع الادويه الشرب أو البرشام والحقن افتكر كنت كل اسبوع ليا حقنه أخدها من هنا ومعرفش احرك رجلي من هنا ولا فواتح الشهيه الطبيعي العسل الابيض وا الاسود وغذاء ملكات والمفتقه كل الي بتتخيلو والي متتخليوش كنت باخدو سواء طبيعي او صناعي ومش جايب نتيجه وطبعا خوف ابويا وامي عليا مكنوش بيخلوني اني العب مع العيال كنت ديما محبوس في البيت والأكل كان بالغصب وكانت أمي ر🤲🤲.نا يديها الصحه والعافيه كانت تمسكني زي البطه الي بتتزغط ومكنش بيبان عليا حاجه وفضلت مع المعاناه دي شويه حلوين لغايت في مره عمي الكبير كلم ابويا وا قالو فاضل شهر والعيال تخلص امتحانات يخلصوا وتجبهم وتنزل مصر ومنغير اسئله كتير وفعلا خلصنا امتحانات ونزلنا مصر وريحنا في شقتنا في مدينه نصر وبعد كدا نزلنا البلد نسلم على جدتي ام ابويا وقعدنا كام يوم وبعدها طلعنا على على جدي وجدتي ام وأبو امي متجوزش عليهم غير الرحمه هما عند الاحسن من كلو ورجعنا على القاهره تاني وعمي الكبير كلم ابويا وقالو بعد بكره تجهز وتجهز مصطفى وتجولي على المغرب وفعلا ريحنا تاني يوم وتالت يوم كنا عند عمي قعدنا شويه ونزلت أنا وعمي وابويا وامي ورحنا عند الدكتور كشف عادي جداوطبعا طلب اشعات وتحاليل وتجولي بعد ما النتيجه تظهر وطبعا روحنا عملنا الاشاعات والتحاليل استنينا النتيجه تظهر ولما ظهرت اخدناهم وطبعا علي الدكتور وشافهم وتيجي هنا الصدمه ل اهلي والدكتور بيبلغهم اني عندي عيب خلقي ولازم تدخل جراحي وبيتكلمو مع الدكتور عشان يعملو العملية في اسرع وقت رد الدكتور مش قبل سنه من العلاج من العلاج الاول عشان اعمل العيب دا يتعمل ايه هوة العيب دا كان عندي شريان بيضخ ددمم فاسد في الجسم دا عند اي حد طبيعي بيقفل لوحدو عند سن 3 شهور عندي متقفلش بسبب امي لما كانت حامل فيا كانت فطار غدا عشا بتاكل لانشون بسرطمه تونه رنجه بلوبيف فا سبب عندي المشكله دي روحنا وطبعا الهم والنكد والزعل بقو من سمات البيت الاجازه خلصت وسافرنا السعوديه تاني وطبعا مجهودي قل وبقيت محبوس في البيت مابين المذاكره وبس والسنه عدت في كئابه وحزن في البيت ونزلنا مصر عشان اعمل العملية وكالعاده ريحنا وسافرنا البلد عشان جدودي ورحنا للدكتور تاني وطلب اشعات وتحاليل عشان يعرف الحاله ايه وا عملنا الاشاعات والتحاليل ورحنا للدكتور وحدد معاد العمليه أنا لسه فاكرو لسه كان يوم 1995/7/19 روحنا من عند الدكتور وابويا خدنا فسحنا كنا كل يوم في مكان يوم الاهرامات ويوم جنينه الحيوانات ويوم بانوراما حرب اكتوبر لغايت لما جه يوم العملية لقيت ابويا بيصحيني مع أدان الفجر وصلينا الفجر ونزلنا لقينا عمى مستنينا تحت وكنت أنا وابويا وامي وعمى روحنا مستشفى عين شمس التخصصي ورحنا والدنيا لسه كحل وصلنا المستشفى وقاعدين جنب أوضت العمليات ولما النهار بدأ يطلع بدئو يجهزوني للعمليه ولبسوني ( الجوان) وبعد شويه أدوني دوا منوم ولما مفول الدول اشتغل اخر حاجه فاكرها قبل ما ادخل العمليات انى حاضن ابويا ودماغي مقلبوه لورا بعد كدا محستش با اي حاجه غير لما مفعول المنوم والبنج راح وكنت في العنايه المركزه ومش فاهم حاجه وانا فين وبعمل ايه هنا وعمال اعيط ومسكتش غير لما ابويا دخلى وهداني شويه وخرج وقعدت يومين في العنايه المركزه لغايت لما بقيت تمام وخرجت في اوضه عاديه وطبعا الأهل والاحباب كلو كان بيجلي المستشفى يطمنو وكدا لغايت لما الدكتور كتبلى على خروج خرجت وطبعا كانت كل طلباتي مجابه بس انا مكنتش بحب ولا زلت مبحبش الاستغلال بدأت صحتي تتحسن عن اليوم الي قابلو وخلاص بدأت اتحرك براحتى واجري واتنطط ومتابعه مع الدكتور بعد العمليه وكل دا معرفش الدكتور عمل ايه ولا حتى بصيت على مكان العمليه لاني كنت عايز اعوض الي فاتني من لعب وجري وتنطيط وا بعد ما فكيت الخياطه خلاص مسمحلي ادخل استحمى وا اول مره ابص على مكان العمليه في جنبي الشمال تخيلو كدا من عند القفص الصدري لغايت العمود الفقري كل دا مفتوح بس بعد العمليه في حجات اتغيرت فيا معرفش دا بسبب العمليه ولا لا كنت الاول مدمن حاجه اسمها افلام رعب وبعد العمليه بقيت بقرف اشوف اي حاجه رعب او فيها ددمم كنت الاول مش بتخض بسرعه دلواتي لو أنا مش واخد بالي من حد وجه خضني بتخض بسهوله جدا ولما اتخبط جامد في صدري أو بطني اضهري كنت بقعد بتاع 5 دقايق باخد نفسي بصعوبه جدا بس دلواتي الموضوع دا راح خلاص الاجازه خلصت ورجعنا السعوديه تاني وكانت مفيش اختلاف كتير في حياتي قبل العمليه بس بقيت اروح المدرسه بعدها ابويا لقى اخويا الكبير خلص لغايت الثانوي ولازم ينزل مصر فا ابويا قرر أن كلنا هننزل كلنا مصر وفعلا نزلنا كلنا مصر وكنت وروحنا قعدنا في البلد سنه وكنت ساعتها في 2 أعداي وطبعا كانو قدموا ليا في مدرسه في البلد كلها ولاد فا كان الموضوع بنسبالي حلو ابويا في السنه دي كان بنى لينا بيت في اكتوبر وانا بقالي في اكتوبر 27 سنه جيت اكتوبر وانا في 3اعداي ودخلت مدرسه مختلطه وكان الموضوع بنسبالي جديد ومختلف لان من ايام السعوديه ومكنش في اختلاط في المدارس وكدا
وبحكم انى كنت بقعد كتير لوحدي بسبب مرضي وكدا فا مكنتش بعرف اتكلم أو اعبر عن شعوري فا كنت ديما لوحدى حتى في المدرسه وطبعا الشباب كانت بتطلع المواهب عشان يكلمو البنات وكدا ومع تاني اسبوع دراسه بقى عندي معجبه ومن احلى واجمل البنات الي موجودين في المدرسه والشباب كلهم نفسهم تكلمهم وا اسمها هديل ومش سيباني في حالى كل ما اروح في حته تيجي وريا وكانت متعرفش اسمي فا كانت بتندهلي با احمد حلمي وطبعا أنا مكنتش اعرف ان لما اكرف للبنت هيه الي هتتعلق بيا وتتشعلق اكتر وهنا ظهرت مشكله صحيه تانيه انى كنت ممكن امسك ماده من المواد اذاكر فيها طول اليوم وحد يجي يسئلني فيها كنت بنسى الاجابه روحت كشفت اكتشفت أن حجم المخ عندى صغير وفي جزء منو متكونش لغايت دلواتي ومش هيتكون فا أهلى قررو انى أعيد السنه اكون حليت مشكله النسيان دي وفضلت على الحال دا مع هديل هيه عماله تلف وريا عشان اكلمها وانا مش معبرها اول سنه عدت والحال كما هوة عليه بس كنت باخد ادويه عشان تنشط الذاكره الاجازه جت وعشان كنت منعزل عن الناس من صغري فا كنت بفضل القاعده في البيت أو اروح النادي وأشوف اكتر مكان هادي واقعد فيه وفي يوم دخلت النادي ومش متوقع أنها تكون موجوده فا ماشي لوحدى وا اسمع صوت انثوى بيقولي يااحمد ياحلمي بصيت اشوف مين الي بينده لقتها هديل وسعتها كا اسم احمد حلمي ديما بتنده بيه سواء ولاد عمامي أو الي ميعرفونيش لانى كنت شبهو اول ما طلع وطبعا سبتها ومشيت هوب الاجازه خلصت والدراسه بدأت وانا في 3 اعدادي وهديل في أولى ثانوي كا العاده بلف في المدرسه لوحدي أو قاعد لوحدي وهيه برضو مش عاتقه المهم تمر الايام والامتحان بتاعت نص السنه تيجي وانا اختفي قبل الامتحانات وكدا واضهر في الامتحانات بس الترم الاول عدى تمام وخدنا الاجازه وكنت بدأت انزل العب في الشارع وا اكون صداقات بدأت الدراسة عادي والحال كما هو والترم التاني قرب يخلص وفي يوم كنت رايح المبنى بتاع ثانوي عشان اختى الكبيره كانت معيا في نفس المدرسه أنا طالع على السلم وهديل وا أصحابها نازلين ودا كان اول كلام بنا هوة مش كلام كتير كان مجرد سوال سئلتني انتا اسمك مصطفى رديت اه وهما نزلو وانا كملت عشان اروح ل اختى في اليوم دا مشوفتش هديل غير المره بتاعت السلم بس المهم خلصنا الحصص ومروح لقتها مستنياني على باب المدرسه وبتقولي ممكن نتكلم شويه قولتلها ماشي مفيش مشكله ووقفنا بعيد عن باب المدرسه واتعرفنا على بعض شويه وبعد كدا لما لقينا المدرسه كلها طلعت واتئخرنا كل واحد روح لبيتو وفضلت كام يوم اروح المدرسه ومكنش في كلام بنا في المدرسه كان كل الكلام بيبقى برا بعد ما بنخلص وخلاص كان فاضل حجات بسيطه على الامتحانات وتبدأ فا ابويا قالي اقعد في البيت بقى وذاكر عشان الامتحانات وكدا وانا طبعا كنت هموت وأشوف هديل المهم في يوم قولت ل ابويا هروح المدرسه عشان اعرف الجدول واجيب رقم الجلوس قالي ماشي روحت ويارتني ما روحت في اليوم دا انا روحت مواصلات غير كل مره كان ابويا بيوصلني وعشان اوصل للمدرسه باخد حته بتاع دقيقتين كدا مشي وكلها شجر ومعرفش مين عرفها انى رايح المدرسه في اليوم دا لأنها كانت واقفه هيه وصحبها في الطريق الي بيودي على المدرسه حاولت اروح من طريق تاني لقيتهم برضو جاين يتئكدو أني فعلا موجود عند المدرسه روحت واقف في مكان هما مش شايفني فيه وتقريبا كانو اتئكدو أن أنا لسه موصلتش عند المدرسه اخر ما زهقت قولت خلاص هطلع وامري إلى اللة وفعلا طلعت من مكاني وانا عامل من بنها ومش باصص نحيتها خالص ومره واحده هديل بتنده عليا بصوت عالي وجايه جري عليا وعايزه تحضني وبما أننا في الشارع وكل الي كان واقف شاف الحوار كلو وكان منظري تحفه في الشارع وقفت معها شويه وبعد كدا دخلت المدرسه عشان اجيب رقم الجلوس وجدول الامتحانات ومكنوش لسه نزلو فا طلعت وقفت شويه معاهم وروحت بعدها خليت اختى تجيب رقم الجلوس والجدول ليا وروحت على الامتحانات بس وكنت بشوفها كل يوم في الامتحانات والإجازة جت ومن بعدها لغايت وقتنا دا معرفش عنها حاجه وسئلت عليها أصحابها برضو ميعرفش عنها حاجه وطبعا رجعت كئيب تاني ومحبوس بعد ما بدأت احب واتحب زي كل الناس واستمرت الحياة ودخلت مدرسه الاورمان سياحه وفنادق وكانت في الهرم الي في شارع زغلول وكانت الايام شبه بعضها من المدرسه للبيت ومن البيت للمدرسه خلصت الثانويه وطبعا مجموعي مش عالي عشان مشكله الذاكره الي كانت عندي وقدمت في معهد في اسكندريه كانو احسن ايام حياتي الصراحه كنت بعمل الي يجي في دماغي من غير اي قيود ولا حسابات عارفين المثل الي بيقول البلد الي محدش يعرفك فيها امشي وشلح فيها كنت كدا فعلا يعتبر بدأت اجرب كل حاجه في الفتره دي سجاير مخدرات معدا اني اعمل علاقه مع انو كان موجود قدامي وكتير بس كان حلمي سعتها اخلص دراسه واطلع اشتغل في شرم ولا الغردقه وافتح مشروع لنفسي وأجهز شقتي واتجوز المهم السنين عدت واتخرجت وكان المعهد بيطلع فتره تدريب في فنادق 5 نجوم وطبعا كل واحد على حسب هوة ساكن فين الي كان مسموح ليهم يختارو الفنادق الي يروحوها هما بس بتوع الصعيد هما الوحيدين الي يختارو يروحو فين في فتره التدريب القاهره او اسكندريه أو شرم والغردقة المهم خلصت امتحانات ولميت حاجتي ونزلت القاهره ومستني المعهد يبعتلي جواب بمكان التدريب بتاعي وقاعد في البيت مش بعمل حاجه غير اني نايم الصبح وصاحي طول اليل سواء فرجه على التلفزيون أو اطلع البلكونه مع كوبايه القهوة الجميله وا الراديو اسمع اسامه منير أنا والنجوم وهواك كان يومي كدا المهم العماره الي جنبي كانت فاضيه وجم مره واحده ناس سكنت جنبي طبعا أنا مش هغير النظام بتاعي عشان الناس
ترتيب جراني
محمد : مهندس بترول
مراتو : معرفش اسمها ولا سنها الصراحه بس هيه ربت منزل
منى : اخت محمد وكانت بتدريس صيدله
أنا طلعت البلكونه لقيت منى موجوده وبتذاكر بحكم أن المكان عندنا كان هادي
قاعد في البلكونه ومعيا قهوتي والراديو والساعه 12 بليل جت واسامه منير بدأ المهم اتكلم في موضوع الحلقه وا خد اول اتصال وقعد يتكلم شويه وقام جاب اغنيه اهواك ل عبد الحليم وانا نسيت خالص أن في حد في البلكونه الي جنبي ولا كمان بنت ومندمج جدا مع الاغنيه الي خلاني افصل من الاندماج دا لمحتها بتبص عليا من تحت الصور بتاع البلاكونه ومركزه معيا قمت وشويه والأغنية خلصت وا رجع اتكلم تاني واستقبل تليفون وخلص وشغل اغنيه في عشق البنات لمحمد منير وانا خلاص بطلت اندماج عشان البنت متخدش بالها بس بقت كل اغنيه تيجي تبص عليا من تحت الصور وفضلنا كدا لغايت لما هيه دخلت تنام الساعه 1:30 تاني يوم مشوفتهاش الصبح خالص وطلعت الساعه 12 طلعت أنا كمان بس مطولتش وكل شويه اطلع وادخل تاني وهيه دخلت نامت تالت يوم طلعت بالقهوة بتعتي والراديو وقاعد اسمه اسامه منير والي حصل اول يوم حصل تاني فضلنا على كدا لغايت لما خلصت امتحانات وهيه حفظت مواعيدي محدش بيشوفها غير بليل على الساعه 12 وشويه والجواب بتاع التدريب وكان تدريبي في مينا هاوس وكان لازم اروح اسلم الجواب عشان ابدا تدريب روحت سلمت الجواب واستلمت اليونيفورم ولوكر وكل حاجه واتوزعنا على الاقسام وانا كنت في قسم BBQ وا banquet والشغل فيهم بليل ورحت وقضيت اخر يوم ليا في الاجازه قبل الشغل في البلكونه عشان تطلع وابلغها اني بكره شغال بليل ومطلعتش المهم دخلت نمت وصحيت الصبح فطرت وظبط نفسي ونزلت على الضهر وبرضو ملمحتهاش قعدت يومين مش يشوفها وكنت معين جواسيس يشوفو رد فعلها ايه لما اكون مختفي وفعلا كان احساسي مخيبش أنها بتحبني لأنها كانت تسمع صوت اغاني في البلكونه كانت تطلع جري تشوف مين مش انا الي مشغل تدخل جري عدو اليومين ومش عارف أشوفها أو تشوفني تالت يوم اتحكالي أنها قاعده في البلكونه من الساعه 12 بليل لغايت الساعه 2 لما أنا رجعت من الشغل وفعلا أنا دي أنا حستها بجد عارفين لما حد بيكون بيطلع في الروح وترجعلو الروح تاني حستها كدا فعلا ومدخلتش تنام غير لما طلعت البلكونه وادتها التمام اني وصلت مع العلم أن كل دا حصل ومن غير حد فينا يتكلم مع التاني كلها نظرات بس ودخلت نامت تاني يوم بالصدفه لقتها واقفه في البلكونه وانا نازل عشان الشغل فا كدا عرفت معاد نزولي ومعاد رجوعي أنا مشيت روحت الشغل وهيه دخلت مطلعتش غير في معاد رجوعي هتقولي عرفت من فين وانتا في الشغل هقولك من الجواسيس بتوعي الي سايبهم في البيت المهم اخويا الكبير كان شغال في شركه موبينيل الي هيه دلواتي اورنج هوة لاحظ وجودها فا كان بيحاول يلطف ويعمل فيها عم المهم قدمها وهيه مش معبراه ولا مهمته ولما اكون واقف في البلكونه وهيه تكون موجوده بيحاول يدخلني أنا وولاد خالتي بس للاسف كنت أنا ادخل هيه تدخل ومتدليوش فرصه انو يلطف لقى السكه دي مش جايبه نتيجه فا قال يجرب حاجه تانيه وكلم اختى الكبيره عشان تكلم منى انو يتجوزها وطبعا اختي كلمتها وهيه رفضتو وهوة لسه عندو امل أنها توافق عليه وكان لسه مستمر يلطف وكان بيدايق لما يلاقيني في البلكونه وهيه موجوده فا حب يمنعني من دخول البلكونه فا كلم ابويا وبيزعقلي عشان واقف في البلكونه فا بقولو البلكونه ملك لكل أفراد الأسرة ومحدش يحتكرها لنفسو فا قالي بتقف في البلكونه وبتعاكس بنت الجيران قولتلو محصلش ومليش كلام معها ولا عمري وجهت ليها كلمه وبعدين أنا بقف بكل احترام وأدب ولا بقول كلام جارح ولا شتايم ولا قالع ملط وواقف في البلكونه الصراحه أحرجت ابويا واخويا الكبير وبقيت اقف براحتي في البلكونه وطبعا اخويا هيولع فكان متعمد يدخلني جوا المهم اخويا معرفش ياخد معيا ولا حق ولا باطل وفي مره خالتي واختي الصغيره وابن خالتي واخويا الكبير كانو تحت في الجنينه وانا وواحد من ولا خالتي واقفين في البلكون الي قدام البيت فا خالتي عملت سباق ما بين اختي الصغيره وابن خالتي المهم اختي الصغيره وقعت فا اخويا الكبير قال كلمه المفروض انها تضحك ومفيش حد ضحك تخيلوا كدا كان شكلو ازاي وانا بعدها أنا قولت استنو اتصل با المقاولين العرب يبعتولنا ونش ولا حاجه يجو يقومها كلو ضحك على الجمله دي وخصوصا منى لأنها فطست على نفسها من الضحك وكمان ضحكتها كانت مسموعه فا دا زاد في حرق ددمم اخويا لان زي ما عمر دياب قال ضحكت يبقى قلبها مال وبقي في سيم ما بيني وبين منى اطلع البلكونه لو سمعت صوتي أو صوت اغاني تطلع فضلنا كدا شويه حلوين ولما خلاص مبقتش طايق حبي ليها وبدأت اتعزب بسبب حبي عمال يكبر في قلبي وهيه في اليوم دا فعلا اول مره أشوفها في الشارع وكانت راحت اتفقت مع صيدليه جنبنا تنزل تدرب فيها المهم أنا كنت بتلكك عشان انزل الشارع واشوفها والمغرب جه وهيه خرجت من الصيدليه وقولت بس هتتطلع البيت دلواتي لقتها كملت ناحيه الشارع برا قولت شكلها هتروح ومش هعرف أشوفها تاني قومت نازل وراها ولحقتها في نص الشارع وا وقفتها وعرفتها على نفسي وقولتلها اني بحبها وعايز اتجوزها وطبعا ردها كان صادم ليا وقالتلي أنها مخطوبه ومقري فتحتي وا ورتني اديها ومكنتش لابسه ولا دبله ولا خاتم ولا محبس ولا اي حاجه تدل أنها مخطوبه طبعا رجعت البيت مكسور وبدأت افتكر كل الي حصل يعني كل دا وهم وحب من طرف واحد ورجعت انعزلت في البيت والساعه 12 جت لبقيت اخويا الصغير بينده عليا في البلكونه عشان يوقولي انها جت أنا دخلت لغايت لما طلعت العماره مع مرات اخوها طلعوا ودخلت البلكونه ل اخويا ومشغلتش اغاني بس واقف بتكلم مع اخويا فا سمعنا مرات اخوها بتقولها اطلعي الحقيه هوة واقف في البلكونه اهوى أنا سمعت الكلام دا وكان في قرار في عقلي لو فتحت وطلعت ادخل لان خلاص مفيش حاجه من ناحيتها ليا ايه لازمه الكلام وفعلا مفيش سواني ولقيت باب البلكونه عندها اتفتح وطلعت واحنا داخلين وسمعتها وهيه بتقول بس بس بس بتنده عليا بس للاسف كنت خدت القرار خلاص لانو مينفعش خلاص حتى لو كانت بتقف في البلكونه مكنتش بتتكلم وممكن نبقى لوحدنا بعدها بكام يوم عزمو حد عندهم ومنى والشب دا كانو بيتعمدو يطلعو البلكونه عايزه تعرفني أن دا خطيبها أنا قولت خلاص ر🤲🤲نا يصلح ليها الحال وانا شوفت طريقه التعامل مع بعض ميبنش عليهم انهم مخطوبين تشوفهم أو تسمعهم تحس انهم ارايب في بعض و best friend بس مش اكتر واليوم خلص والراجل دا مشي من عندهم وحوار تسمع صوتي أو صوت اغاني تطلع البلكونه دا لسه شغال معها وبتعملو أنا كنت سعات لما هيه تطلع افضل موجود ومش مركز معها وسعات ادخل واسبها برا المهم جت فتره هيه مشيت عشان الدراسه وكدا وكانت بتيجي في الاجازه وكانت برضوا تطلع لما تسمع صوتي أو صوت اغاني وتفضل عنيها معيا ولو حد تاني طلع بتدخل فضلنا كدا كتير وانا مش مدي اهتمام مع اني كنت بحبها الحب الصامت دا على قد ما هوة حلو في النظرات الابتسامات علي قد ما هوة متعب ومؤلم لانك مش عارف تعبر عن الي جواك مع الشخص الي بتحبو
قعدت فتره طويله مش بتيجي خالص والي استلم مكانها مين مرات اخوها بنفس الدماغ والي اكتشفتو في الفتره دي أن في مشاكل ما بنها وبين جوزها وكمان بحكم انو مهندس بترول فا مش بيقعد في البيت كتير وهيه معندهاش حد تهتم بيه فا أنا بطبعي بحب الرومانسيه أو رومنسي مش بشكر في نفسي ولا حاجه وانا سعتها مشاعري مش مع مرات اخوها مشاعري كانت مع منى فالقيت مرات اخوها بدأت تحبني وكدا وانا الصراحه مش حابب كدا تبقى متجوزه وتخون جوزها معيا فا كان سعتها في اغنيه لتامر حسني من فلم عمر وسلمى 2 اسمها شوفي بقى مرات اخوها سمعت الاغنيه دي من هنا عينك متشوفش الا النور عملتلي مشكله مع أعلى واهل منى واتصلت جابت منى واشتكتني ل ابويا وكان حوار وخناقه في البيت وفعلا البلكونه اتمنعت اني ادخلها خالص والموضوع خلص ومبقاش في تعامل معاهم تاني وقلت خلاص انا كدا اركز على شغلي وخلاص وسبها للظروف واكيد هلاقي الي احبها وتحبني وهتجوز وطبعا كان في الشغل يوم حلو ويوم وحش واروح اشتغل هنا شويه وهنا شويه ولو حسيت أن في بنت معجبه أو مثلا تقعد تتكلم عن نفسها قدامي بشكل ملحوظ دا غير نظرتها ليا بحاول افهم في اي اعجاب أو حب ليا كنت بتكلم معها عشان لو اتفقنا مع بعض يبقى نتجوز ونكون اسره وللاسف كان في بنات بتحبني مش حب اخوي ولا حاجه كان حلم برضو الجواز وكدا بس لما اتكلم معاهم واعرض عليهم الجواز رضهم اسفه يا مصطفى انتا شخص كويس ومحترم وابن ناس والف واحده تتمناك ودا الي كان بيجنني منكو انتو البنات وكالعادة كنت ديما وحيد ومليش اي لازمه في حيات حد ولا حد بيهتم بيا ولا بحب حد ولا حد بيحبني وكان ديما الموضوع دا تعبني وعاملي ازمه في حياتي وعقده خلاص انا مش محبوب ومفيش بنت هتحبني وانا هحبها ونعيش قصه حب زي الي بنشوفها في الافلام أو نسمع عنها في الوقت دا لاحظت حاجه واخويا الصغير لاحظها نرجع شويه لورا مع جراني أنا واخويا الصغير لاحظنا أن مرات جاري ديما تطلع البلكونه وتعمل نفسها بتتكلم في التليفون وكل كلامها عن منى في مره دي الي قفلت الموضوع خالص ومرجعش اتفتح تاني فا
اخويا الصغير : انتا مش ملاحظ حاجه قولتلو ايه قالي جارتنا دي كل ما تعرف أن انتا في الشارع أو البلكونه يكون كلامها كلو عن منى
أنا : ملاحظ بس عامل من بنها فا بديلو تشبيه وانا كدا فعلا
بقولو كدا بس بصوت جارتي تسمعو بقولو عارف المج بتاعي الي بحب اشرب فيه الشاي أو القهوة قالي اه قلتلو يعني لو هوة اتشرخ بس والشرخ دا مش هيقصر عليها في حاجه ممكن استخدمها تاني عادي أنا بقى مش بستخدمها تاني أنا برميها مع انها تعتبر سليمه هيه سمت الكلمتين دول ومجبتش سيرت منى تاني وتعدي الايام والسنين وانا لوحدي ولا صديق ولا حبيب وكانت ديما الاقي عيال لسه صغيرين والي في بدايت ال 20 مرطبطين وبيحبو ويتحبو وانا لوحدي وخلاص بقى عندي ثقه اني خلاص ولا هتجوز وهقعد كدا لوحدي لغايت لما اموت ولما وصلت سن ال 26 ولقتهم في البيت جايبن عروسه ليا وقولتلهم لا مش عايز اتجوز وللاسف مسمعوش كلامي ولا اعتبروا أن في واحد اسمو مصطفى وليه شخصيه وليه حريه الاختيار المهم راحو اتكلمو وقعدونا مع بعض بس من الأساس احنا التنين مغصوبين على بعض فا وافقنا على الخطوبه عشان نرضي الأهل بس ومع الوقت حبيت خطبتي وللاسف ولما حبتها واتعلقت بيها الموضوع اتفشكل وفي كل مره يرجع احساسي بالفشل واني مش محبوب بيزيد وعزلتي بتزيد ودخلت في حاله اكتئاب ومابقتش بهتم با حاجه وكنت بموت نفسي في الشغل مش بكلم حد ممكن اروح الشغل اقعد فيه باليوم واليومين مش بروح وسايب شعري ودقني طوال بس يهتم بالنضافه مش سايبهم معفنين ولما بدأت افوق من دور الاكتئاب دا اشتريت تليفون جديد لان ابويا كان واخد تليفوني وا ادني تليفون قديم ابو كشاف دا الي هوة أخرو مكالمات بس
بعد ما جبت التليفون الجديد وخط جديد وعملت فيس وا الواتس دخلت على جروبات جواز على الفيس وبدأت اتفاعل مع الناس وكدا
وجيت في يوم 5/26 وكانت الساعه 12 بليل لقيت بنات كتير بتتكلم وتتفاعل وتنزل مواضيع قمت كاتب
أنا اسمي مصطفى عندي 27 سنه من اكتوبر القاهره وخريج سياحه وفنادق شغال شيف في مستشفى وعندي شقتي في منطقة كويسه ومش شعبيه وبضور على عروسه
واستنيت لغايت الساعه 1 ومحدش عبرني حتى با لايك حتى وسبتو ودخلت نمت لقيت حاجه جويا بتصحيني بتقولي قوم في حد رد على البوست بتاعك وفعلا دخلت لقيت بنت ردت عليا اتكلمنا شويه في البوست بتاعي وطلبت منها ادخل اكلمها خاص وفعلا وافقت واتكلمنا خاص واتعرفنا على بعض واتفقنا اني هتقدم ليها فعلا اخت رقم ابوها وعرفت اهلي وفرحو جدا معدا ابويا لانو كان معترض على حاجه تافهه ابويا أنا واخد منك التليفون عشان متكلمش حد تقوم تشتري واحد وتتكلم
المهم اديت رقم ابوها ل ابويا عشان يكلمو ونروح نتعرف عليهم اول القصيده كدا خناقه بين ابويا وأبوها والتنين حلفو بالطلاق محدش هيدخل بيت التاني أنا اسكت لا أحاول الطف هنا شويه وازن وكلمت ابوها وعرفتو علي نفسي وقاتلو عايز اجي اقعد مع حضرتك قالي تنور في اي وقت اتفقنا ورحت عندو وعرفتو عليا واتفقنا على كام حاجه كدا وكتر زني على ابويا فا حد اقترح أن احنا نروح نسئل الاول لو ناس كويسه نكمل ناس مش كويسه نبعد من الاول ورحنا وسئلنا وطلعو ناس محترمه وحصل واتخطبنا وا اقل من من سنه كنا كتبنا الكتاب وعملنا الفرح بعدها بكام شهر في أول الجواز كان الموضع تمام والدنيا حلوة بعد كدا بقى عينك متشوفش الا النور المشاكل بدأت مع مرات اخويا وامي وا اخواتي البنات دا غير الحوارات الكتير ومطلعاني وحش عند اهلها واني بضربها ومش بصرف عليها ولا على كريم ابنى منها والكلام ده مش صحيح لاني مش بعترف أن الراجل يضرب مراتو الشخص الي بيضرب مراتو أنا مبعترفش بيه انو راجل اصلا اتصالحنا كذا مره واخر مره قررنا الطلاق هوة الحل الوحيد وفعلا حصل الطلاق وكل واحد فينا في حالو مفيش غير لما اخلص شغلي اروح اجيب كريم يقعد معيا الاجازه بتعتي ولما ابدا شغل اروح ارجعوا لمامتو أو اروح ليه لو كريم طلب يشوفني في اي وقت
اتمني تعجبكم وكلنا نتعلم منها ونحاول نتعلم من أخطاء الغير

اضغط لقراءة المزيد...

 

[مجنونة مطرقعة]

قصة جميلة اوي اوي يادرش 🌹🌹

وافضل حاجة فيها انها واقعية جدا وواضح انك عنيت اوي في حياتك 🤷🤷

اني واي قصة جميلة وبتمني متكونش البداية وحسب. ،☕☕

 

[مجنونة مطرقعة]

@juba4
شوف صحبك ياعم ☕☕

 

[مجنونة مطرقعة]

@Life selector
رايك يهمنا

 

[مجنونة مطرقعة]

@Aymanx123
رايك يهمنا

 

[مجنونة مطرقعة]

@الحزين عطلان 💔💔
رايك يهمنا

 

[Life selector]

ابدعت يا درش
عجباني طريقة السرد الواقعية و البسيطة و الحكمة المستترة في داخل القصة

 

[مجنونة مطرقعة]

@

ابدعت يا درش
عجباني طريقة السرد الواقعية و البسيطة و الحكمة المستترة في داخل القصة

درش عامل عظمة بجد 🤩🤩

 

[Life selector]

@

درش عامل عظمة بجد 🤩🤩

طول عمره الصراحة 🙏👏👏

 

[مجنونة مطرقعة]

طول عمره الصراحة 🙏👏👏

بس واضح أنة بيعاني كتير زي حالاتي 😁😁

 

[Life selector]

بس واضح أنة بيعاني كتير زي حالاتي 😁😁

كلنا بنعاني
الحياة مليانه بالمشاكل و كل واحد فينا بياخد نصيبه
اتعلمت اني مشتهونش بمشاكل الناس حتى لو بسيطة
لان مشكلة كل واحد فينا هي الدنيا و ما عليها بالنسباله و ده حقه المشروع في الدنيا

 

[mor2010]

جميل يا طيب ..
مؤثرة فعلا ..
لكن مع الاسف انا مثلك سلبى وبتدخل ع طول فى حالة الاكتئاب والعزلة بعد اى حوار ..
يلا ما علينا ..
أتمنى لك التوفيق والنجاح الدائم فى حياتك العملية والعاطفية

 

[صقر الغرام 🧡🧡]

@الحزين عطلان 💔💔
رايك يهمنا

بجد قصه تحفه وحاسس انه بيكلم عن حالي دلوقت وطريقه السرد روعه وشكلي كده هنزل قصه حياتي انا كمان 😂😂

 

[مجنونة مطرقعة]

بجد قصه تحفه وحاسس انه بيكلم عن حالي دلوقت وطريقه السرد روعه وشكلي كده هنزل قصه حياتي انا كمان 😂😂

لا مصطفى أبدع بصراحة 😍😍

 

[مجنونة مطرقعة]

جميل يا طيب ..
مؤثرة فعلا ..
لكن مع الاسف انا مثلك سلبى وبتدخل ع طول فى حالة الاكتئاب والعزلة بعد اى حوار ..
يلا ما علينا ..
أتمنى لك التوفيق والنجاح الدائم فى حياتك العملية والعاطفية

ميرسي يا مور علي دعم القصص بجد انت شخص مميز🌹🌹

 

[مجنونة مطرقعة]

كلنا بنعاني
الحياة مليانه بالمشاكل و كل واحد فينا بياخد نصيبه
اتعلمت اني مشتهونش بمشاكل الناس حتى لو بسيطة
لان مشكلة كل واحد فينا هي الدنيا و ما عليها بالنسباله و ده حقه المشروع في الدنيا

بالضبط المهم نخرج الكلام دة بقي 🤷🤷

 

[صقر الغرام 🧡🧡]

لا مصطفى أبدع بصراحة 😍😍

فعلا ابداع بجد بس احنا حياتنا بائسه ليه مش فاهم🤔🤔

 

[مجنونة مطرقعة]

فعلا ابداع بجد بس احنا حياتنا بائسه ليه مش فاهم🤔🤔

كل واحد حواء بلاوي
السر في الي يخرجها

 

[Marioumaa1]

ربنااا يعملك اللي فيه الخير يا درش

 

[مصطفى مصطفى]

قصة جميلة اوي اوي يادرش 🌹🌹

وافضل حاجة فيها انها واقعية جدا وواضح انك عنيت اوي في حياتك 🤷🤷

اني واي قصة جميلة وبتمني متكونش البداية وحسب. ،☕☕

الحياه من غير معاناه متبقاش حياه وادينا لسه بنعافر