عن نفسى عمرى ما قلت إنكم جيل فاسد ولا يصلح
إنتم جيل طلع لقى نفسه العالم قدامه قرية مفتوحة بيتحكم فيها ناس قاصدين يحسسوكم بالإحباط
والعالم الخربان ده حضراتكم مشوفتوش الخراب اللى كنا فيه وقتها
وقت توحش القطاع الخاص بدون رابط وإستيراد اللحوم الفاسدة وشركات توظيف الأموال ومعاملة موظف القطاع الخاص كإنه عبد ولو مش عاجبه يتفضل باب الشركة مفتوح
كنا بنحاول نخرج من دايرة بتلف بينا تطحن عضمنا
كان الواحد بيضطر ياكل وجبة واحدة علشان يقدر بس يعزم البنت اللى بيحبها على سينما وإزازتين حاجة ساقعة
طبعا مكانش فيه ستاربكس ولا مكدونالدز ولا أوبر
كان أوتوبيس النقل العام أبو ربع جنيه ... بس جدع إعرف اركبه
لما تكبروا هتلاقى ولادكم بيقولوا اللى بتقولوه علينا دلوقتى ... ويمكن لو حظكم حلو الدنيا تتغير