نقاش الحياه

[aahmedegypt]

اديك قولت لو لقيت بقى مش قلتلك انا كل بيقول نفسى ثم نفسى محدش مهتم محدش بيسأل كلو رامى الحمل علينا واحنا بنستحمل ونعدى وفالاخر احنا الى تعبانين و1000منين اعتبرهم جولى هتقدر تقولى يتساو بالاخ/الخت الى من لحم ودم امك وابوك اكيد لا طبعا الفكره لوحدها احنا حاليا بنحارب عشان نوصل للحلال ولما شب يعينى بيغلط ولامواخزه يعمل علاقه محرمه الناس بتلومو اهو دا مينفعش تانى اقتلوه خلاص مهو غصب عنو اناهرده عشان تعف نفسك وتتجوز محتاج مرتب لايقل عن10000جنيه مصاريف ايجار شقه واقساط وكهربا بيحارب عشان الحلال والناس تهون عليه وتشجع لا طبعا تقولك لا دا مش عارف يوكل نفسو ولما يغلط دا مينفعش الناس عايز تعيشنا على هواها وبالذات جيلكم انتو انا والدى عندو حاليا62سنه يعنى من جيلكم وحكالى عن ايامكم كتير بس ايامكم كانت عز مش زى دلوق محدش عارف ينام من التفكير مفيش راحه بال اصلا

أنا ووالدك واللى فى سننا بنحكيلكم عن أيام العز لأن كل واحد طبعا مش هيحكى لأبنه عن الهوان اللى شافه وتحكم واحد غالبا جاهل أو فاسد فى رزقه
طبعا والدك ليه حق إنه شايف إن الطريقة دى هتحسن صورته كأب قدامك
لكن أنا حكيت لولادى الذل اللى شفته لما المكتب اللى كنت باشتغل فيه إتقفل واضطريت اشتغل فى شركات يملكها فاسدين ويديرها جهلة مقعدتش فى أى واحدة منهم أكتر من شهرين ويرفدونى بعدها ... أو لما أضطريت اشتغل بعد الضهر مع شغلى الصبح مندوب توزيع فى شركة علشان أقدر أوفر فلوس للمستشفى اللى هيتولدوا فيها ... كانت بادخل البيت 2 بعد نص الليل واخرج 6 الصبح علشان ميتخصمليش نص يوم
جرب كده وإسأل والدك عن أيام تعب فيها ؟ لو قالك متعبتش بص فى عنيه هتلاقى فيه دموع بيحبسها علشان ميزعلكش

 

[aahmedegypt]

انا ابويا عندو حاليا 62سنه يعنى من جيلكم ايامكم افضل ايام وتعليم مرتاح وحاجه فل عالاخر انما على الى شايفو حاليا بيقولى ان احنا كنا فنعمه دا على ايامكم انتو لكن مش بنفس الفساد الى فأيامنا احنا احنا جيل طالع فاسد بسبب ان ابجواز والشغل والتعليم والغلاء صعب فا احنا مغصوبين مش مخيرين ان احنا نسيب تعليمنا عشان نقدر نصرف على نفسنا

طبعا حال التعليم أيامنا كان أحسن لإن كان لسه فيه مدرسين محترمين
وكان مدرس الفصل مستحيل يدى طالب فى نفس فصله درس خصوصى
لكن كان أهم حاجة إننا بنخااااااف من المدرسين
عارف ليه ؟
لإن كان الطالب حتى لو المدرس كسر إيده مكانش ابوه يقدر يشتكى ولا يروح يعمل للمدرس محضر فى القسم زى دلوقتى
المدرسين الفشلة مش من جيلنا لإن جيلنا طلع عالمعاش
المدرسين الفشلة الموجودين دلوقتى نتاج تشجيع بيزنس التعليم
أيامنا مكانش يدخل مدرسة خاصة غير الفاشل اللى رفضته مدارس الحكومة
لكن فى عصر المحروس وولاده كان لازم التعليم الحكومى يبوظ علشان بيزنس المدارس الخاصة يشتغل

 

[The King👑]

حاليا محدش عارف من الشباب ياخد خطوه فأنو يتجوز فا احنا كا شباب ايه الحل الى هو هنعيش ازاى ومطلوب شقه وعفش و......... الخ حد عارف خطه او حل النقاش باحترام

شغل دماغك بس مش في الشمال من الاخر سافر و اشتغل عايز تتجوز من هنا اتجوز و سافر او سافر و اعمل فلوس و انزل اتجوز الدنيا خربت حرفياً الا لو ليك شغل و مظبط مصالحك هنا

 

[الأستاذ المنحرف]

حاليا محدش عارف من الشباب ياخد خطوه فأنو يتجوز فا احنا كا شباب ايه الحل الى هو هنعيش ازاى ومطلوب شقه وعفش و......... الخ حد عارف خطه او حل النقاش باحترام

اي حد يدور علي فرصة شغل بره مصر سواء شرعي او غير شرعي مصر دلوقتي بتاع سكان إيجيبت بس هما اللي يقدروا يعيشوا فيها مرتاحين

 

[EL_BEBO]

حاليا محدش عارف من الشباب ياخد خطوه فأنو يتجوز فا احنا كا شباب ايه الحل الى هو هنعيش ازاى ومطلوب شقه وعفش و......... الخ حد عارف خطه او حل النقاش باحترام

انا لسه ف اول سنة كلية ..... اهلي بيقولولي شد حيلك كدا و خلص و اشتغل و جيب شقة علشان نجوزك .... قعدت احسبهلهم طلع ان شكلها مفيهاش جواز غير بعد 20 سنة ع الاقل 🤣🤣

 

[S A N T A]

حاليا محدش عارف من الشباب ياخد خطوه فأنو يتجوز فا احنا كا شباب ايه الحل الى هو هنعيش ازاى ومطلوب شقه وعفش و......... الخ حد عارف خطه او حل النقاش باحترام

مبقاش فيه حل للاسف

 

[MOHAMMED APDEL MOHSEN]

انا لسه ف اول سنة كلية ..... اهلي بيقولولي شد حيلك كدا و خلص و اشتغل و جيب شقة علشان نجوزك .... قعدت احسبهلهم طلع ان شكلها مفيهاش جواز غير بعد 20 سنة ع الاقل 🤣🤣

يسطى احنا بنموت بالبطئ

 

[MOHAMMED APDEL MOHSEN]

اي حد يدور علي فرصة شغل بره مصر سواء شرعي او غير شرعي مصر دلوقتي بتاع سكان إيجيبت بس هما اللي يقدروا يعيشوا فيها مرتاحين

حصل ياباشا اعرف ناس بتنام منغير عشا 💔🙁

 

[EL_BEBO]

يسطى احنا بنموت بالبطئ

خليها ع **** بقا

 

[T i to]

حاليا محدش عارف من الشباب ياخد خطوه فأنو يتجوز فا احنا كا شباب ايه الحل الى هو هنعيش ازاى ومطلوب شقه وعفش و......... الخ حد عارف خطه او حل النقاش باحترام

ولسه هنشوف كتير خصوصا جيل ٢٠٠٠ بقي وانت طالع في حاجات كتير ملهاش لازمه انا مش مقتنه بيها بعيدا عن دماغ الناس زي النيش والصباحيه والعزال بتاع العروسه الي بيعملوا له زفه ده والحنه اي المشكله لما تبقي حفله واحده مثلا؟؟؟!

 

[الأستاذ المنحرف]

حصل ياباشا اعرف ناس بتنام منغير عشا 💔🙁

للاسف فعلا **** يرزق الناس كلها من فضله

 

[MOHAMMED APDEL MOHSEN]

ولسه هنشوف كتير خصوصا جيل ٢٠٠٠ بقي وانت طالع في حاجات كتير ملهاش لازمه انا مش مقتنه بيها بعيدا عن دماغ الناس زي النيش والصباحيه والعزال بتاع العروسه الي بيعملوا له زفه ده والحنه اي المشكله لما تبقي حفله واحده مثلا؟؟؟!

دا كلو الى قلتو لو اتوفر هيبق فل وحاجه على قدنا