معلش شباب وبنات المنتدي هاخدكم لمنطقه يمكن الغالبيه العظمي منكم مايعرفوش عنها حاجه
انا من الجيل اللي لحق كتابه الجوابات الغراميه وكنت بكتبها للبنت اللي بحبها وافتكر اول جواب كتبته في حياتي كنت في سته ابتدائي وكتبت ورقه فيها شويه هبل كنت فاكره قمه الشعر الرومانسي سعتها وحطيتها في درج الديسك بتاعتها وبنت التيييييت خدت الورقه وعطتها للاستاذ بتاع العربي وحرفيا فشخني ضرب اصلي كنت عامل فيها مهم وماضي تحت في اخر الورقه
وبما اني اول مره اكتب وانا مصطبح من مده طويله فاطلبت معايا اسال لو حد هنا جرب موضوع الجوبات دي يحكيلنا الموقف
وحبايبي الاجيال المميكنه الجديده بتاعه الفون والنت اتمنيتم موضوع الجوبات ده ولا ماتعرفهوش اصلا
طيب انا عارف اني طولت ومش كل الناس هاتقري الهري ده كله وخصوصا ان الكاتب بشنب مش حته طريه يتحك فيها
تعالو كل واحد فينا يكتب رساله للي بيحبها او اللي بتحبه ولو من جمله واحده
انا هاكتب ليها
__بيني وبينك ما بين البينين بين كا قاف بعد الشين تسبقهما عين __
الخال