الجنس في فتره الحمل

[دكتور نسوانجي]

أوضاع الحمل

طبعا الحامل بتمُر بمراحل نفسية وجسدية خاصة بالعلاقة الجنسية أثناء فترة الحمل منقسمة لثلاث فترات

كل التغيرات دي معتمدة على الهرمونات

وشرحت قبل كده ان هرومانت الدورة ممكن حرفيا تشقلب لك كيانك انت شخصيا .. تلاقي الست بتعيط وبعد محاولات مضنية علشان تفهم في ايه تلاقيها مثلا شافت نمله ضايعه من اخواتها ومش عارفه توصل للجحر بتاعها..

وهيتفتح لك باب فلسفي عجيب ان شايف ازاي الكائنات الحية معذبة في الأرض وإن النملة ذنبها ايه وياترى ضايعه ولا انطردت وفاكر لما اتخانقنا وكنت متعصب فنزلت من البيت ولما سألتك ليه نزلت قلت لي بدل ما اطردك انتي.. كنت هتحولني نملة وحدوته كبيره واحنا مطالبين نستحمل ...

الهرومانات بقى في بداية الحمل بتقلب معاها بإنك ريحتك وحشه، ومش طايقاك، ولا طايقة أي حاجة ولا اي حد من طرفك، ومش طايقة نفسها وام محمد ومحمد ابن الجيران، ومشابك الغسيل.. هي مش طايقة حاجة

فمتحاولش غير انك تهديها نفسيا واستحمل يا ديب فريزر انت يا جميل **** يكملك بعقلك

اول ما الهرمونات تبدأ بقى تتعدل شويه ونفسيتها تستقر وآلام بداية الحمل والترجيع تنتهي، هتبدأ رغبتها الجنسية تزيد، ويمكن في الفترة دي " الثلث الثاني من الحمل " العلاقة الجنسية تكون لطيفة
أما الثلث الأخير

ف ده عجيب شويتين.. النساء فيه يا إما تزيد رغبتهم بشكل مبالغ فيه وكفي انت بقى يا معلم.. يا إما تنقلب الضد تماما، ف انت ونصيب.. الموضوع عامل زي البطيخه، بتشتري سمك ف ميه حرفيا يا قرعة .. يا حمراء البطيخه هاه..

الجنس أثناء الحمل لطيف جدا نفسيا ليهم، ولينا الحقيقة
التقارب الجسدي ده بيخلي حالتهم النفسية مستقرة وده بينعكس على الجنين، تخيل إنك لما كنت جنين كنت بتتبسط من العلاقة بس خلاص
كمان الجنس بيساعد على تهدئة آلام الجسد، وعلى تفريغ التوتر وضبط صحة القلب وضرباته بشكل عام..

كل اللي فات ده حمادة

والحمادة اللي جاي أهم... اوعى تعمل حاجة غير تحت اشراف الطبيب المتابع لحالة زوجتك.. وتيجي تقول لي *** يسامحك انت اللي قلت لي .. لا يا سيدي كل واحده وليها حال غير التانيه ..

وربنا يكمل الحمل على خير
Eng.ahmed