كنت داخل اعيط امتحان الديناميكا لاننا خلصنها متأخر وداخل بس على شرح المدرس ليها فقط وحل الواجب اللى كان بيديهولنا بس
الفيزيا مكنتش مذاكرها كنت فاهمها ومكتفى باسئله المدرس اللى لاقيتها بالنص فى الامتحان
الكيميا والعربى كنت مجتهد فيهم اوى من اول السنه
الفرنساوى كنت بذاكر عشان الكراش معايا
الانجليزى احبطنى طول السنه لحد اخر شهرين تماسكت وظبتها
الرياضه مكنتش بذاكر كنت فاهم وبحل الواجب بس
مجموعى 96.5 % معظمهم فى الرياضه للاسف
اللى جابلى النتيجه كان اخويا الكبير وهو برا مصر ورن عليا دولى ووقتها كنت بلعب كوره وقفلنا الحجز فى نص الوقت عشان النتيجه
مفرحتش للاسف لانى كنت مقهور من درجتى فى الرياضه بسبب واحد زميلى حسدنى بطريقه مهينه وكنت خايف م رد فعل والدتى وفى نفس الوقت محدش من اهلى سأل عليا لان كان معايا 2 كمان فى ثانوى واحد شال ماده (تاريخ) والتانى جايب 89 علمى رياضه وكمان كان فى حاله وفاه عند جيرانى