اغلب الوقت بيبقا عندي احساس ال هو متوتر و بفكر كتيير جدا لدرجة اني ببقا نايم بتبقا دماغي شغاله تفكير مش بيقف كأن مليون صوت بيتكلموا ف نفس الوقت كل صوت و ليه رأي
بالنسبالكم هل عندكم نفس المشكلة و لو عندكم بتتعاملوا ازاي و ياتري اي هو السبب🤔🤔
اه انت مش لوحدك ديه اول حاجه عاوزاك تعرفها
عامه انا عانيت من القلق و مازلت بس فيه كام حاجه ساعدتني شويه
Out of your hands out of ur mind
بمعني لو الحاجه انت ملكش تحكم فيها يبقي ملهاش لازمه انها تشغلك
ثانيا انت ممكن تكتب الافكار ديه و تبدأ تركز هي جايه منين و ايه اسبابها و ايه تأثيرها علي مشاعرك طب هي لو مشكله و تبدأ تدور علي حل
التفكير هيزيد كل ما هتكون فاضي حاول متبقاش لوحدك دايما تكون مشغول بي حاجه
الرياضه حلوه و مفيده جداا جداا للقلق
دايما حاول تركز في اللحظه الي انت فيها علشان القلق احيانا بيعزلك عن الحاجه الي بتعملها او انت فين (ده كان بيحصل معايا) فا دايما ركز انت فين و بتعمل ايه خلي عقلك منتبه دايما
تمارين التنفس هتاخد نفس و تطلعه بالراحه (ممكن الموضوع يكون مضحك بس حقيقي كان بيسحب عقلي عن التفكير ) لان تركيزك كله هيكون ازاي تنظم نفسك
ممكن لو انت حابب تقرأ عن cbt علاج المعرفي السلوكي ممكن يفيدك
و اخيرا لو حاسس ان موضوع مأثر عليك بشكل مبالغ فيه ممكن تستشير مختص مش عيب