متسلسلة مكتملة التاجر ـ خمسة أجزاء 15/9/2022

[Elgeneral1511]

كالعادة انت مبدع في اي حاجه بتكتبها استمر يا غالي منتظرين الجديد يا (زوز😂😂😂)♥♥♥

 

[حماده فتحي محمود]

انت علي الريق انا متابعك من 2019

حبيبي على قديمو 😍

 

[BASM17 اسطورة القصص]

تم أضافة الجزء الثاني

 

[البهظ بيه]

روعه كما عودتنا

 

[kingooo]

جامد ياعم حماده طول عمرك

 

[الذئب الوحيد]

لا برنس وفعلآ التقيل لسه جاي عاش يافخم تحياتي

 

[مرحب]

باركولى خلصت الجزء فى ساعة 👏👏👏👏

يا عزيزي انا مش عارف اكتب ايه

اقسم .... ما عارف اكتب ايه جزء لا يقارن بال سابق
عيب اقارن الشمس و القمر
و الشمس هى البتنور القمر

اجزاء متماسكة ملامح القصة بانت اكتر

مش هزود

بس تحذير لو حسام فكر يعمل حاجه مع ندى هقتلك و هقتل حسام ماشى انا بحذرك

تحياتي يا زوز العالمى

(( تستحق المركز ال first 😁))
​

كاتبلك رسالة مشفرة
​

سلام يا عزيزي​

 

[moo ahmed]

ممتازه تحياتي في انتظار الباقي

 

[برنس الكون]

تسلم ايدك بجد يا عم الكتاب كلهم عمنا حمادة فتحى الجزء جامد وشكلنا داخلين على بعبع جديد بس القديم محدش يقدر ياخد مكانه لانه فى قلوبنا تسلم ايدك بجد 👏👏🔥💪❤

بس انت مش رديت على سوالى عايز اسماء قصصك كلها غير الفنجان و زلزال و حكاية الحق انت كتب حاجه غيرهم ولا انت نسيت ولا ايه 😂

 

[برنس الكون]

بس بلاش حسام يعمل حاجه مع ندى عشان انت كبرت على الخطف و البهدلة و Elnamr مستنى عشان يخطف اى حد ❤😂😂

 

[حماده فتحي محمود]

باركولى خلصت الجزء فى ساعة 👏👏👏👏

يا عزيزي انا مش عارف اكتب ايه

اقسم .... ما عارف اكتب ايه جزء لا يقارن بال سابق
عيب اقارن الشمس و القمر
و الشمس هى البتنور القمر

اجزاء متماسكة ملامح القصة بانت اكتر

مش هزود

بس تحذير لو حسام فكر يعمل حاجه مع ندى هقتلك و هقتل حسام ماشى انا بحذرك

تحياتي يا زوز العالمى

(( تستحق المركز ال first 😁))
​

كاتبلك رسالة مشفرة
​

سلام يا عزيزي​

حبيب قلبي انا اولا اسف على سواء التفاهم في اللي طلع مني في الكومنت اللي قبل ده انا اسف قريت الكلمه غلط
ثانين حسام لو فكر يقرب من ندي بدر ها ينفخه و انا ها نفخه 😂😂

 

[مرحب]

حبيب قلبي انا اولا اسف على سواء التفاهم في اللي طلع مني في الكومنت اللي قبل ده انا اسف قريت الكلمه غلط
ثانين حسام لو فكر يقرب من ندي بدر ها ينفخه و انا ها نفخه 😂😂

لا ولا يهمك مفيش حاجه

المهم طمنتنى

 

[حماده فتحي محمود]

تسلم ايدك بجد يا عم الكتاب كلهم عمنا حمادة فتحى الجزء جامد وشكلنا داخلين على بعبع جديد بس القديم محدش يقدر ياخد مكانه لانه فى قلوبنا تسلم ايدك بجد 👏👏🔥💪❤

بس انت مش رديت على سوالى عايز اسماء قصصك كلها غير الفنجان و زلزال و حكاية الحق انت كتب حاجه غيرهم ولا انت نسيت ولا ايه 😂

تسلم لي كلامك الجميل
و لا يا سيدي مش ناسي بس الفنجان و بعدها البدايه و بعدها البدايه اعداء بالدم و بعدهم السلسله الخامسه من الفنجان و بعدهم حكايه الحق و بعد كده زلزال

 

[حماده فتحي محمود]

بس بلاش حسام يعمل حاجه مع ندى عشان انت كبرت على الخطف و البهدلة و Elnamr مستنى عشان يخطف اى حد ❤😂😂

يا صحبي ميقدرش يقرب ليها يخط فين دي تخطف بلد 😂😂

 

[برنس الكون]

تسلم لي كلامك الجميل
و لا يا سيدي مش ناسي بس الفنجان و بعدها البدايه و بعدها البدايه اعداء بالدم و بعدهم السلسله الخامسه من الفنجان و بعدهم حكايه الحق و بعد كده زلزال

تمام انا قراءت الكل بس فكرت في حاجه تانية من العظمة فكان لازم اسأل

 

[برنس الكون]

يا صحبي ميقدرش يقرب ليها يخط فين دي تخطف بلد 😂😂

لا انت فهمت غلط انت الى هتتخطف لو حصلها حاجه ❤😂😂

 

[THE BLACK HORSE]

مش مطمنلك، انت عديت الجزء ده بهدوء غريب ماعدا موضوع عمات بدر يبقي النار هتقوم الجزء الجاي 🙂😂

 

[Elnamr]

بس بلاش حسام يعمل حاجه مع ندى عشان انت كبرت على الخطف و البهدلة و Elnamr مستنى عشان يخطف اى حد ❤😂😂

ياعم متسيب النمر في حاله هو عمل حاجة دلوقتي بصو انتو اللي بتنكشوا فيه اهو😂🙂

 

[Alkn Drakol2]

جزء فاجر اوي اوي اوي اوي اوي يا بعبع والكلام ع عدو وكل هيجي ع بدر ومحدش عارف بدر هيبقى الدنيا بتضحك لي ولا أي

 

[Le loup]

مشاهدة المرفق 316876


الفصل الاول بعنوان افتتاحية
​

اهلا و سهلا يا شباب منورين قصتي قصه التاجر انا حماده فتحي محمود في منكم اللي يعرفني و في اللي لا بس مفيش مشكله اعرفكم بنفسي و افتكر ان قصه التاجر دي ها تكون خير تقديمه لي اسمي و لي اعمالي يله نبدأ
عزيزي القارء الجميل تعاله اعرفك على الشخصيه الرئيسيه في القصه و هيا شخصيه البطل طبعاً و اسمه بابلو لا يا عزيزي اوعا تفهمني صح اكيد مش قصدي بابلو من مسلسل بابلو بتاع حسن الرداد لالا بابلو تاني خالص
بابلو هو دلع اسم بدر بطلنا يا عزيزي اسمه بدر هو شخص بسيط جدا عادي زي اي حد منا هدفه في الحياه يحي انقاد عائله قديمه جدا من اكبر تجار المحافظه بتعته و ده لي تعلقه الشديد بجده الان جده كان يحكي ليه كتير عن ابوه و عن حياه ابوه اللي كانت مليانه ثراء فاحش في فتره ما بعد ثوره الضباط الاحرار فا حكايه من الحكايات اللي قلها الجد لي حفيده عن جده الكبير انه في مره كان راكب عربيه توزيع البضاعه و سمع واحده ست بتتكلم من بره و هيا ميعرفهاش
ست١ : سمعتي يا حببتي اخر الاخبار
ست٢ : يا ندامه يا حببتي.... ما سمعت
ست١ : بيقوله غفران السلامي اشتره ست عمارات جداد في وسط البلد
ست٢ : اهي كيف ده لسه شاري اربعه من قيمه يومين
ست ١ : ايوه و دول كمان
ست٢ : ده غير الخمسين فدان اللي اشتراهم من قيمه يومين و بتوع القانون الجديد ماخدوش منه الحاجه دي كيف
ست ١ : اسكتي مهو بعد ما اشتراهم كتبهم بأسم ابنه الصغير و بتوع الحكومه معرفوش ياخده منه حق وله باطل
ست٢ : (كانه في نص السوق كلمت الرجاله) يا رجاله حد يقتل غفران السلامي قبل ما يشتري المحافظة كلها
راجل : يا..... ارزقني زيه
راجل٢ : يرزقك كيف هو فاضي من ولاد السلامي و ابو شاهين
و دي قصه يا عزيزي من ضمن قصص كتير جدا سمعها الجد و حكاها لي حفيده و من ضمن حجات كتير جدا أثرت في نشأت ابننا بدر السلامي تعاله اعرفكم بالاسم كامل بدر حبيب حسن غفران السلامي ولده متوفي حبيب السلامي و توفه بالسرطان في الدم اتعذب حبيب جامد قبل ما يموت مرض جديد مش معروف علاجه ايه وله منتشر علاجه غير كده المرض ده مؤلم جدا و معذب لي المريض بشكل كبير و اتربا بدر في بيت جده بعد ما ولدته اتجوزت بعد وفات ابوه و الجد حسن رفض بشده ان حفيده يتعيش بعيد عنه رغم إلحاح زوج الام و موافقته على تربيه بدر الانه كان راجل محترم و مراعي انه *** يتيم الاب مكنش حابب يكون يتيم الام كمان و إلتقت افكاره مع افكار الجد ان مينفعش يتربا يتيم الام و هيا عايشه فا حياته انقسمت بين بيت جده و بيت جوز امه في طفولته
بدر : وصف الشخصيه (بدر حبيب حسن غفران السلامي من عائله السلامي من اكبر عائلات محافظه المنيا (و بعد اذنك يا عزيزي بلاش تعليق على موضوع المحافظه ده و اني بستخدمه كتير الان دي محافظتي و حافظها مش هاكتب انه من الشيخ زايد و انا اقصي حته رحتها في محافظه القاهره كانت المعادي) عنده ٢٠ سنه و زي اي شاب في السن ده طاغي عليه وسواس الجسم المظبوط فا مهتم بجسمه و شكله و حياته بشكل كبير شاب مسؤل في موافق محدده تستدعي يكون مسؤل فيها و شاب طايش جدا في مواقف تانيه و انتا و حظك على حسب الحاله الميزاجيه ليه)
سمر : وصف الشخصيه (سمر احمد العربي تبقي اخت بدر من الام بنت بسيطه جدا بس دماغها مقلوبه بشكل كبير ليها تفكير و عقليه مختلفه متقلبه المزاج و ده بفضل طبعا سن البلوغ و الهرمونات بتدرس في الثانويه مدرسه خاصه)
ادم : وصف الشخصيه (ادم احمد العربي اخو بدر الصغير عنده ١٤ سنه لسه في مقتبل الحياه)
الجد حسن السلامي : (راجل في سن السبعين أرمل من قريب و توفت جده بدر راجل اتجوز و طلق فوق الخمس مرات و خلف عيال كتير عشر بنات و خلف من جده بدر ولد واحد بس واللي هو ابو بدر حبيب)
الام : اسمها امال ست عاديه زي اي ام مصريه اصيله املا القزايز و جيب العيش الصبح من الفرن ام عاديه جدا
زوج الام : احمد العربي احمد تاجر عنده المطبعه بتعته بيطبع حجات كتير اكياس و علب و بيشتغل في الورقيات شخصيه طيبه جدا و محترمه جدا لي ابعد الحدود لدرجه ان في فتره طفوله بدر كان في الوقت اللي بدر فيه بايت عندهم طبيعي زي اي راجل ياخد مراته في حضنه و هما قاعدين او يعمل حركه كده وله كده هيا مراته في الاول و الاخر بس احمد كان بيحترم وجود بدر جدا في البيت
بدر ساكن مع جده في بيته اغلب الوقت بيراعي جده او. ينزل الوكاله اللي مش جايبه همها يا عزيزي على القد مصاريف و بس بدر طالب في الجامعه بيدرس اقتصاد و علون سياسيه
طولت عليكم في البدايه صح انا اسف جدا بس لزم اقدم الشخصيات صح (و للعلم انا مش بكتب بلغه عربيه فصحا علشان محدش يجي يتكلم معايا و اتمني تتقلبه الموضوع ده)

بدايه الفصل
​

يوم عادي يصحي بدر الساعه سبعه الصبح كا العاده بتعته يقوم بتكاسل من على السرير زي اي شاب يدخل الحمام و يغسل وشه و يدخل المطبخ يطلع قدره الفول يحطها على النار و يسلق البيض و يجيب العيش من على الباب و يطلع الجبنه القريش و يحظر الفطار و يحطه على الصينيه و يطلعه بره في السفره و يروح اوضه جده يدخل يلقيه صاحي و قاعد
انا : صباح الفل على عم تجار المنيا تما عم حسن السلامي (باس دماغه و ايده الاتنين) صباح الفل
الجد : ههههه ياض يا بكاش كل يوم اصتباحه شكل و سلام شكل
انا : طبعا ده انا كل يوم اضرب لك سلام مربع كمان و رقصني يا جدع هههه
الجد : (باس دماغ حفيده).... يخليك ليا يا نور عيني
انا : يله بقي ياعم حسن نفطر عملك فطار ملوكي
الجد : هو في غيره الفول و البيض و الجبنه القريش
انا : ايه ده في ايه يا حج انتا بدأت تتخنق مني وله ايه لا شكلك شايفلك شوفه تانيه ايه عايز تتجوز و تجيب واحده تدلعك و تعملك الحمام الصبح
الجد : حد يفطر حمام يا عبيط
انا : هيا دي اللي مسكت فيها يعني يبقي شايف شوفه و بعدين ابوك كان بيفطر حمام
الجد :جدك كان يفطر فول بليه الخروف (صدقني يا عزيزي لو متعرف الفول بليه الخروف يبقي متعرضتش لي تصلب شرايين قبل كده صدقني ها تحبه) الحمام ده لي الغدا
انا : ايوه يا اخويا ابوك يفطر فول بالليه و يتغدا حمام و احنا هنا
الجد : (بحزم) بدر اوعا تتبطر على عيشتك انتا عايش احسن من شباب كتير
انا : خلاص يا حج وله تزعل نفسك مش هاحسد ابوك في فطاره خد ادويتك بقي يله

اخد الجد الادويه و طلع يفطر مع حفيده و قعده يتكلمه شويه و بعدها ساعد جده انه يدخل الحمام اخد دش و بعدها لبسه لبس داخلي و وداه اوضه نومه قعده تحت البطانيه علشان يدفا لحد الساعه ١٠ الصبح دخل لي جده ساعده يلبس لبس نزول كان جلابيه صعيدي و عبائه و شال و اخده و نزله من العماره راح عند دكان كبير و مساحته كبيره فتحه و دخلت العمال بدأت تنضف و دخل الجد قعد على مكتبه
و بدر واقف على دماغ العمال علشان يشوفه شغلهم و عدت عربيه نزل منها شاب و رفع راسه لي فوق ينادم
شاب : يا بابلوووووو
بدر : (من جوه الوكاله) في ايه يابن المصروعه بتنادم ليه انتا عارف اني تحت في الوقت ده
شاب : خلاص يا عم متزوقش (رفع ايده يسلم) صباح الفل يا حج حسن
حسن : (رفع ايده ليه)
شاب : ولاا يا بابلو جدك مش طايقني
بدر : ياض اذا كان ابوك نفسه مش طايقك
شاب : علي رأيك يله اركب
بدر : طب ثواني (دخل لي جده) جدي ها تحرك انا اروح الجامعه
الجد : ماشي **** معاك
بدر : (مشي خطوتين و رجع لي جده و هو مديق عينه) عارف يا حسن يا سلامي ما ارجع استلم منك و اعرف من القهوجي انك شرب فنجان قهوه واحد ها يحصل ايه ها حرمك من الميراث
الجد : (مسك العكاز بتاعه) يله يلا من هنا يله

جري بدر و ركب مع صحبه اللي نسيت اعرفكم به اسمه حسام صاحب بدر من زمان الان حسام ابوه ساكن في العماره بتاعت جد بدر ايجار قديم و جد بدر مش بيطيقه لي هدف واحد ابوه دكتور كبير جدا و عنده مركز لي علاج العيون كبيره جدا و رغم ده كله لسه ساكن بالايجار القديم و بيدفع خمسه جنيه في الشهر في شقه مساحتها ١٥٠ متر في منطقه حيويه الشقه فيها ايجار جديد ٥ الف جنيه بس بدر منفض دماغه من الحوار ده غير كده حسن مش مدخل حفيده في اي حاجه من الحجات دي وله عمره منعه عن صحبه ابدا

وصله الجامعه و دخله من البوابه طبعا بعد ما الامن شاف الكرنهات و دخله ماشين عادي جدا
حسام : شوفت البت حبيبه منزله ايه شوفت صورتها ياض بالمايو البكيني الاحمر مولعها في شرم
بدر : ياعم دي عبيطه فكره نفسها من جردن ستي و هيا من المنيا مش عايشه عيشه اهلها خالص
شاب : (سلم) صباحه يا بابلو
بدر : حبيب قلبي ها روح و اجيلك
حسام : مين ده
بدر : و حيات دقنك دي ما اعرفه
حسام : طيب ها ترجع ليه
بدر : ارجع فين يابني انا رايح الكافتيريا يا عمنا عندنا امتحان نجيب كبايه شاي و ساعتين جد و نلم الماده
حسام : فاضل ساعه على الامتحان
بدر : خلاص نص كبايه شاي و ساعه جد يا فصيل سبني احلم

وصله الكافتيريا عادي قعده و جابه شاي و فتحه شويه ورق علشان يلمه الماده و طبعا يا عزيزي مفيش ماده تتلم في ساعه ابدا خصوصاً لو قانون التجارة الدولية
حسام : (قفل الورق) بااااااس
بدر : بس ايه خلصت
حسام : لا اكتشفت ان الماده محتاجه اكتر من ساعه علشان لمها
بدر : اتعلوقنا زياده؟؟
حسام : جدا
بدر : يله مش مهم نعوض في
حسام : لو قولت فاينل هانفخك ده الفاينل
بدر : لا ياعم في السمر كرس
حسام : ايوه كده

دخله علشان يمتحنه و طلعه بعد ثلاث سعات و ركبه العربيه و اتحركه
بدر : (ولع سجاره و تلفونه رن) ياض الواد سامر بيرن
حسام : احلف
بدر : و حيات امي (رد عليه) ابو سامر الجامد اخبارك
سامر : بابلو واحشني يا واطي
بدر : يا جدع واحشك منين قولي ده من ساعت ما سافرت و احنا منعرفش عنك حاجه
سامر : معلش يا صحبي انتا عارف مشاغل الشغل مش مرحوم (سامر شغال مصور صحفي لي جريده اجنبيه بره مصر و هو عايش بره)
بدر :..... معاك
سامر : الدنيا عمله ايه عندكم سمعت انها مولعه
بدر : مولعه ازي
سامر : يابني مصر مقلوبه مظاهرات (عزيزي وقت الاحداث دي كانت اخر شهر في سنه ٢٠٠٩)
بدر : بجد وله بتهجس
سامر : و حيات امي بجد الدنيا مقلوبه و شكل في ثوره ها تحصل
بدر : ياعم فكك من الكلام ده مفيش حاجه ها تحصل
سامر : لالا شكلها بجد نتيجه الانتخابات مولعه الدنيا
بدر : يعني ده كلام اكيد
سامر : تابع الاخبار بس و انتا تعرف
بدر : ماشي بقولك ايه حسام عايز يسلم عليك خد كلمه
حسام : (اخد التلفون من بدر) الو اخبار النسوان ايه عندك
سامر : اخوك خاربها يا صحبي
حسام : (فتح الاسبيكر) قول
سامر : من يومين كان معايا بت طليانيه حاجه جاحده عين خضره و شعر اصفر و جسم يودي القسم
بدر : يلا مش دي البت اللي كانت بتمثل في الافلام السكس اللي كنت بتجبهلنا و احنا صغيرين
حسام : هههههه ايوه كان يسرقها من عند عمه و معاه ابن عمه
سامر :تصدقه انته عيال زباله انا غلطان اني بحكلكم عن صولات الفرعون المصري
بدر : يا جدع
سامر : قولي ياض جدك لسه عايش وله مات
بدر : عايش و بيقولي ابقي سلملي على سنية (دي جده سامر) و شاكك في نسب ابوك هههههه
حسام : هههههه ياض بس
سامر : ههههه اه يابن الكلب امته بقي حسن يموت و اورث العمارات و الاطيان و الوكاله
حسام : و انتا تورث ليه
سامر : هو مش بيقول شاكك في نسب ابويا و ماله بس اورث
بدر : ههههههه يابن الجزمه ياض دي جدتك
سامر : يا جدعان عايز اورث
بدر : (بجديه) بجد ياض محتاج فلوس قول
سامر : تسلم يا صحبي مستوره
بدر : قول ياض متتكسفش لو امك او اخواتك محتاجين حاجه قول اخواتك هنا يسده عنك
سامر : متأكد و بعدين بلاش حوار ابنك باعت دول من السفر عيب يا بابلو
بدر : ياعم انا بلقي اختك تيجي تستلف بصلتين و شويه ملح و مره بطاطس قولت يعني هههههه
سامر: ههههه ياض مش عايز اغلط في الشريفه امك
بدر : لا يا عمنا دي بره اختي و امي مهما كان اهلنا و عنينا ليهم
سامر : تسلم يا صحبي بقولكم ايه اقفله دلوقتي علشان في حوار كده ها كلمكم بعدين سلام يا بابلو سلام يا حس
حسام : سلام يا صحبي و خلي بالك من نفسك في الغربه
سامر : تسلم
بدر : سلام يا حبيب قلبي سلام


قفل مع سامر و حسام لوي بوزه
بدر : لوي بوزك ليه يا حيلتها
حسام : أنتا طلبت مني الفين جنيه من يومين صح
بدر : حصل
حسام : انتا اديت الفلوس دي لي ام سامر صح
بدر : ايوه و حطيت عليها من عندي كمان
حسام : طب ليه
بدر : حسام ام سامر الدنيا ملطشه معاها قوي و عمك عيد كبر على الشغل و الواد متغرب بره حياته كحط شغل بدل الشغلانه ثلاثه مصور صحفي و سواق و بار مان كمان و برده مش مكفي و اخته الصغيره في سننا عايزه تعيش حياتها
حسام : على قفانا
بدر : (فزع في حسام) جري ايه يا روح امك من امته و بنقول على قفا مين انتا ناسي سامر اخد سبع غرز في رجله يوم ما حبيت تستظرف و تلطف مع بت اخوها بوظ وشك اتعدل البت دي لو نقصها حاجه ها تشوف حد يعوض النقص ده لو مكنش احنا يبقى غريب و الغريب مش باينه نيته اتعدل بدل ما اعدلك
حسام : جري ايه يا بدر انتا ناسي مصاريف التقيله على جدك و مصاريف جدك في الادويه لوحدها من الصيدليه بتعتنا معديه ١٠ الف جنيه (ايوه يا عزيزي في مرضا بيسحبه ادويه بأضعاف المبلغ ده كمان و الصيدليه بتاعت اخت حسام الكبيره) قولي الوكاله بتدخل ايه على ده كله
بدر : يا عبيط بترزق متخفش عليا و لو على السلف ها رجعه ليك قريب
حسام : ياعم اتنيل ترجع ايه انتا لقي تاكل اساسا
بدر : طب شد طيب خلينا نوصل انجز
حسام : سواق اهلك انا طيب

وصلنا تحت العماره و نزلت دخلت الوكاله
الجد : اخرت يعني
بدر : معلش يا جدي شويه بس
الجد : طيب الست ام عبير بعتت الغدا على البيت (دي واحده ست بنبعت ليها الحاجه تطبخها و ترجعها البيت و بتاخد اجر على ده)
بدر : اطلع انتا يا جدي خد الدوا ها الدوا يا جدي و بعدها اتغدا انا مش عايز اكل
الجد : حاضر اسمع عماتك ها يجيه النهارده بليل علشان ياخده الشهريه انا حاطتها ليهم في الدرج كل ظرف عليه اسم ماشي
بدر : حاضر يا جدي


قام جدي طلع فوق و انا فتحت الدرج شوفت وضع الشغل عامل ازي لقيت الدرج فيه حسبه ٢٠ جنيه و اظرف عماتي كل واحد فيهم قاعده في بيت جوزها حتى مش مكلفين خاطرهم واحده فيهم تيجي تنظف شقه ابوها حتي و الشغل ماشي بالزق و مفيش اي بضاعه في المخازن كل البضاعه اللي في الوكاله دلوقتي مفروشه و مفيش غيرها وله فلوس تدخل مكانها تعرف يا عزيزي سبب سقوط حسن غفران السلامي تجاريان ايه القروض يا عزيزي القروض نصيحه لي اي حد ها يبدا شغل تجاري في اي بزنس بلاش يبدأ القروض ابدا او يشتغل بيها الان مكسبك ها يروح لي اتجاهين اتجاه كاش علشان تعرف تجيب بضاعه تاني و اتجاه تاني كاش علشان تعرف تسدد القرض في حاله الجد هو اتجاه لي تسديد القروض و اتجاه تاني لي مصاريف البيت و مصاريف بناته و مصاريف حفيده و لما فكر صاحبنا بدر ينزل شغل عند حد تاني يجيب جزء من مصاريفه كانت النتيجه قلم حكومي على وشه من الجد

قعد بدر على المكتب بعد ما قفل الدرج ولع سجاره و قعد يفكر ازي يعدل الحال ده و هو باصص لي حيطان الوكاله اللي معشش فيها العنكبوت الارفف الفاضيه من البضاعه ايام ابوه مكنش في حاجه اسمها رف فاضي او مخزن فاضي و مقفول بس اللاسف الجد مقدرش يكمل الانه محكوم بالسن شاف حيطان الوكاله اللي اكلتها الرطوبة و الديق اشتد عليه فتح التلفزيون و جاب وكالات الاخبار المصريه لقي الدنيا ربيع و الجو بديع جاب وكالات الاخبار الاجنبيه لقها حريقه قفل التلفزيون و طلع تلفونه و رن على رقم واحد اسمه ممدوح
بدر : مساء الخير يا استاذ ممدوح
ممدوح : مساء الخير يا استاذ بدر اتمني تكون بخير اقدر اخدمك بأيه
بدر : (خد نفس عميق و رد) عايز اجي بكره البنك علشان اكسر الوديعه و اخد جزء من الفلوس
ممدوح : استاذ بدر كسر الوديعه دلوقتي
بدر : استاذ ممدوح معاد نهايه الوديعه اخر الاسبوع و انا مش هاقدر انتظر محتاج فلوس
ممدوح : اوكي بس حابب ابلغ حضرتك كده فوائد السنه مش ها تظاف
بدر : عارف بس مينفعش اصبر محتاج سيوله الفتره دي
ممدوح : مفيش مشكله حضرتك تعدي عليا بكره في البنك و نخلص ها خلص الورق و احضر المبلغ حبيت تسحبه كله يكون جاهز اقل مفيش مشكله
بدر : تمام يا استاذ ممدوح شكرا جدا ليك
ممدوح : العفو اتفضل

قفل بدر مع الاستاذ ممدوح و طلع ورقه و قلم و بدأ يعمل يعمل حسابات ها يخسر كم في الوديعه و محتاج كم علشان يبدأ من جديد و درس معدل مبيع علشان يعرف ها يحتاج يبيع بقد ايه يومياً علشان يسدد قروض الجنينه بتعت جده و يطلع مكسب ليه و يغطي مصاريف البيت خلص الدراسه و بدا يحسب ها يحتاج بضاعه قد ايه و من انهي شريكات لحد ما خلص
شكري : (واحد من العمال سنه كبير ايوه بس مش قوي الانه بدأ شغل في الوكاله لما استلمها الحج حبيب) يا بدر الساعه دخلت على عشره يابني مش ها تقفل
بدر : (بص لي الساعه محسش بالوقت نهائي) ياه الوقت عدا بسرعه
شكري : كنت سرحان يابني و لقيتك بتفكر فكرتني يابوك.... يرحمه لما كانت دماغه تروح في التفكير كان ينسا نفسه امسك إراد اليوم و الكشكول اهو سجلت كل حاجه و ده المجمل عد الفلوس دي
بدر : و انا ها عد ورك يا عم شكري (بصيت في الكشكول لقيت المجمل ٥٠٠ جنيه و يوميت كل عامل في الخمسه ١٠٠ جنيه) اتفضل يا عم شكري وزعهم علي العمال اليوميه
شكري : بدر يابني انا كنت بقول يعني تخفض العماله شويه يعني علشان الدنيا تمشي و انا بفكر امشي الصراحه
بدر : تمشي ايه يا راجل يا طيب انا اقدر اثق في حد غيرك ده انتا من ريحه الحج
شكري : غصب عني يابني مش مستحل الفلوس دي و الدنيا واقفه و شايف الحج الكبير بيغرق و انتا لسه في عز شبابك الحمل تقيل عليك
بدر : عم شكري بكره الصبح تيجي بدري عندنا شغل كتير و بعدين مش يمكن الدنيا تتغير
شكري : في ليله يابني
بدر : احنا ها نكفر يا عم شكري وله ايه ده رزق و محدش عارف معاده امته و بعدين فلوسك حلال اشتغلت بيها و عرقت بيها ارتاح و ريح قلبك
شكري :.....يبارك فيك يابني و في شبابك
بدر : تسلم يا راجل يا طيب

قام شكري و طلع قبض العمال و مشيه و قعد بدر شويه و وصلت اول عمه من العمات اسمها نوال دخلت نوال و هيا لبسه عبايه خليجي مطرزه جوز نوال يا عزيزي شغال مدرس في الكويت عاش بره مصر يتنقل في الدول العربية يشتغل بقاله ٤٠ سنه ليبيا العراق الامارات عمان الاردن سوريا السعوديه الجزائر مخلاش بلد هو مدرس و اشتغل في الكويت و لسه فيها لحد دلوقتي و مرتب المدرس في دوله الكويت يا عزيزي حادث وله حرج مبلغ محترم
دخلت نوال و هيا رافعه ايدها بالعافيه من الغوايش الدهب و الخواتم كل دراع فيه عشر غوايش دهب يا عزيزي و كلهم تقال
نوال : بدر اخبارك يا حبيبي
بدر : بخير يا عمتي اخبارك انتي ايه و اخبار الشباب و البنات ليهم واحشه
نوال : تسلم يابني الواد يا حبه عيني الاسم ضابط و مرتبه لا يودي وله يجيب و البت الاسم مهندسه و هيا قاعده في البيت لا شغل وله مشغله و الصغير يا عيني عليه من ساعت ما دخل النيابه و هو مش بينام الليل من الشغل و متغرب في اسكندرية يا حبه عيني يقولي البرد يا ماما الجو برد و مش عارفه ابعتله بطانيه
بدر : (في سري (اه يا زباله هاحسدهم على ايه يا عره) ابتسمت بحزن).... معاهم يا عمتي و يوفقهم و يعينك انتي كمان عليهم (فتحت الدرج و لقتها بتفط بعنيها تبص فيه طلعت الظرف بسرعه و رزعت الدرج)
نوال : بترزع الدرج كده ليه يا ولاا ها حسد رزق ابويا وله ها حسده
بدر : برده يا عمتي ده مالك تحسدي ايه بس انتي عرفه الادراج القديمه دي بتعلق و هيا بتتقفل اتفضلي يا عمتي كل شهر و انتي طيبه
نوال : (اخدت الظرف و فتحته عدت الفلوس و كانه الفين جنيه) شكرا يا بدر يله سلام
بدر : طلعه فوق
نوال : ها لا ده اسكت ابن عمتك جي النهارده من اسكندريه اللحق اقعد معاه شويه لحسن مسافر الفجر بكره ابقي عدي على ابويا سلام سلام

قامت و مشيت جري زي الحراميه ضربت كف على كف شويه و دخلت عمتي التانيه و اسمها كوثر كوثر بقي يا عزيزي مش عايز اقولك انها لوحدها تمتلك عشر فدن ارض ورثها عن جوزها دخلها السنوي من الارض دي لا يقل عن ٥٠ الف جنيه في السنه عندها بنتين بتلبس احسن لبس لو شوفتها في الشارع بالصدفه و تجيب لبسها هيا و بناتها من القاهره من اكبر البرندات بس تيجي عند اول الشهر يا عزيزي و تيجي الوكاله و هيا لبسه عبايه طلعه من بوق كلب مقطعه و متوسخه و مرقعه اكتر من رقعه تطلع تمشي خطوتين و تركب تاكس تيجي بالتاكس من بيتها تنزل قبل الوكاله بشارع ترفض تحرك عربيتها من الجراج
كوثر : (وشها كله عرق مبهدله و صوتها مليان غلب و مرهقه شكلها نزلت من التاكس بعيد المره دي) سلام عليكم يا بدر يابني اخبارك يا غالي يابن الغالي اخويا
بدر : بخير يا عمتي اقعدي ارتاحي اجبلك مايه
كوثر : ياريت يابني لحسن المشي هدني
بدر : من عنيا (جبت ليها كبايه المايه و رجعت لقتها بتسيب كشكول الشغل) اتفضلي يا عمتي اتفضلي
كوثر : (شربت الكبايه) تسلم يابني اسقيك جنب العروسه
بدر : في حياتك (قعدت على المكتب طلعت فتحت الدرج و بصيت لي عمتي لقيت على وشها حياء الدنيا كلها و الكسوف كله طلعت الظرف بتاعها و ادته ليها) اتفضلي يا عمتي كل شهر و انتي طيبه
كوثر : (بصت لي الدرج و لمحت ظرف عمتي سوسن و عسعست على الظرف بتاعها) ايه ده اشمعنا ظرف سوسن مبطرخ و ظرفي رفايع
بدر : كلهم واحد يا عمتي الفرق بس ان ظرف عمتي سوسن كله عشرات و عشرينات لكن انتي ميات و ميتنات
كوثر : تلقيت مديها اكتر طبعا مهي السنكوحه بنتها بتيجي اكيد و تقعد تتمايص عليك انا ها عرفها كهينه زي امها الزباله
بدر : (فتح ظرف سوسن و عد الفلوس قدام كوثر و طلعه الفين جنيه) شوفتي
كوثر : (فتحت الظرف بتاعها و عدت الفلوس طلعه الفين جنيه طلعت ٢٠٠ جنيه) شكلها مزوره غيرها
بدر : (مد ايده في جيبه)
كوثر : لا فكها كمان
بدر : (فهم هيا عايزه ايه اخد من فلوس سوسن و ادها) اتفضلي
كوثر : (نتشت الفلوس من بدر و ادته ٢٠٠ جنيه) هات عايز تاكل مالي انتا و سوسن و بنتها
بدر : مال ابوكي ها تطلعي تسلمي على ابوكي
كوثر : مش النهارده بكره اكون عملتله لقمه يتقوت بيها


مشيت كوثر و انا عارف انها مش ها تيجي اصلاً غير اول الشهر الجديد و تولا الشخصيات الزباله من العمات و اللي حتي مكلفوش نفسهم يطلعه يبصه على ابوهم و كمان في منهم اللي مجاش بس ازي يفوت الظرف لا يبعت بنته او ابنه هههههههه تخيل يا عزيزي كده تبقي قاعد مفيش في جيبك غير عشرين جنيه المفروض تكفيك بكره غدا و لو البيت احتاج حاجه و انيل و اضل سبيل لو حسن تعب و دخل المستشفى تبقي طبلت على الاخر و اللي يغيظ بقي ان في من ولاد العمات و بنات العمات جيه و بيجي يتقرف حتي يقعد على الكرسي من منظر الوكاله اللي الصراحه عندهم حق يتقرفه منها بس سؤال لما انتا قرفان جيت ليه و جي تاخد فلوس عشر عمات كل عمه ب٢٠٠٠ جنيه يعني ٢٠ الف في الشهر غير طبعا الحجات المسحوبه على النوته و البضاعه اللي خلاص بتخلص و ديون القرض القديم اللي ها يستحب عليه جديد يتسدد به نص القديم و حلني بقي دوامه و دايره مقفوله
قام بدر و قفل الوكاله و طلع فوق لي جده لقه قاعد قدام التلفزيون قدامه الكيك و العصاير و الفواكة و اللب و الفول السوداني لا و الباشا طالب من ام عبير متعملش غدا لا دي وليمه علشان يتعشه في بيت ابوهم رغم انه بيبعت ليهم الفلوس كان يقدر يكتفي بيها لكن محصلش فضل متعشم في بناته اللي كل واحده فيهم متجوزه و قاعده في شقه في عماره من العمارات بتعته و طبعا إيجار قديم
بدر : ايه ده يا حج حسن محضر السهره لي مين كده
الجد : (بص لي حفيده بأبتسامه رضا) ليا انا و انا يا حفيدي الغالي
بدر : إذا كان كده الواحد يغير هدومه و يجي قعد معاك و انا عايزك في موضوع مهم جدا
الجد : (بفرحه) عايز تتجوز صح
بدر : جواز ايه يا حج. حسن الصراحه مفيش احسن من قعده العزوبيه
الجد : ياض انا شاكك فيك انتا و الواد البسكلته اللي اسمه حسام
بدر : لا اهدا كده شاكك في ايه احنا رجاله اوي انا بقولك اهو تلاعبني رست
الجد : هههههه طب ادخل غير هدومك و تعاله شوقتني روح


دخلت الاوضه بتعتي غيرت هدومي و لبست بيجامه بيتي و قعدنا انا و هو نتعشا و هو نفسه مفتوحه على الاكل علشان انا معاه و بعد العشا عملت اتنين شاي متين و قعدنا
الجد : قولي يا سيدي عايز ايه عايز فلوس
بدر : خيرك سابق يا جدي انتا مخليني محتاج حاجه
الجد : طيب عايز ايه
بدر : بص يا سيدي بكره اخر يوم في الوديعه بتاعت فلوس ابويا و المفروض اروح البنك اجددها
الجد : امممم يعني عايز تسحب منها فلوس صح
بدر : انتا مخاوي
الجد : بفهمك من عنيك بس قولي يابني انا مقصر معاك قول و صدقني مش هازعل بس لو قولت هاعرف انتا محتاج ايه و اجيبه اجبلك عربيه عايز عربيه صح
بدر : طيب اهدا كده و انتا و رحمت ابويا ما مقصر انا اللي مقصر معاك
الجد : مقصر في ايه حد اشتكا ليك (فزع) قول
بدر : (اتاخد شويه من الفزعه) لا مش قصدي بس انا في دماغي فكره حلوه و نفسي و منا عيني توافق عليها
الجد : فكره ايه
بدر : بص يا سيدي انا هاسحب نص الفلوس ها جدد الوكاله و اعمل فيها شغل محترم حلو و نسدد جزء من الديون
الجد : (بحزم) الديون دي بتعتي انا ملكش دعوه بيها
بدر : يا جدي
الجد : اسمع اللي بقولك عليه فاكرني عجزت وله ايه تصرف عليا
بدر : يا جدي مش قصدي و.... افهمك الديون اللي اقصدها دلوقتي الشريكات بتعمل خصم لي تاجر الجمله ١٠٪ احنا بناخد من تجار جمله علشان مفيش كاش بناخد خصم اتنين جنيه او ثلاثه و لو حد مكارمنا بيعمل خصم اربعه جنيه مش مكفيه و بناخد منهم اجل كمان احنا نعمل ايه نسدد الفلوس دي و ندخل ناخد من شريكات بخصم حلو نشتغل قطاعي و جمله الاتنين
الجد : مستحيل اقرب من فلوسك انسا
بدر : فلوسي منين دي فلوسك انتا و هو ابويا كان عمل الفلوس دي منين من شغله معاك
الجد : اللي كان بيني و بين ابوك كانت شراكه مش شغل عادي ابوك كان شريكي في الوكاله
بدر : طيب ايه رأيك اشاركك انا وله انا مش قد المقام
الجد : مش وقت هزار يا بدر
بدر : طيب قولي دلوقتي اعمل ايه احنا اشتغلنا ب ٥٠٠ جنيه النهارده اخدها العمال يوميه ناكل و نشرب منين انتا اللي علمتني اني مقعدش اتفرج ارجوك يا جدي سبني اتحرك مره واحده بس
الجد : من يوم ما اتولدت يا بدر و انا واخدك معايا الوكاله علشان تتعلم و تعرف تدبر نفسك و شوفتك و انتا بتتحرك و تتصرف و شهادتي فيك واحده يابني انا مش خايف من تصرفك لا مش عايزك تخسر
بدر : سبني اجرب ارجوك يا جدي و انتا معايا ها تعلمني اكتر و اكتر اجرب دلوقتي تحت عينك احسن من اني اجرب من بعدك اضيع
الجد : طيب سبني لحد بكره ادورها في دماغي و ارد عليك
بدر : ماشي يا جدي اللي تشوفه

قام الجد دخل اوضته و حصله بدر اده الادويه بتعته و راح اوضته الخاصه فتح جهاز الكمبيوتر بتاعه متوصل بالنت و بدا يعمل ابحاث عن الوضع السياسي لي البلد من كل وكالات الانباء جوه و بره مصر و نفس اللي شافه الصبح على التلفزيون شافه بليل فتح كشكول و بدأ يعمل دراسه جدول بالملي عمل كبايه قهوه ليه و رجع يكمل بحث عن شريكات و منتجات و حوارات كتير جدا دماغ بدر في اللحظه دي يا عزيزي شغاله زي الساعه بيحسب كل تفصيله و قعد يضحك علي نفسه شويه لما افتكر فتره قال فيها (محاسبه ايه دي اللي احتاجها يا راجل بلاش كلام فارغ) رجع يكمل تاني و الجد قام لي **** الفجر و عدا عند اوضه بدر قرب من الباب لقه موارب و بدر شغال حسابات رجع اوضه نومه و طلع مفتاح الخزنه القديمه فتحها و طلع منها صندوق خشب و قفلها تاني

الساعه سبعه الصبح المنبه بيرن و بدر نايم على التربيزه من امبارح فات معاد صحيانه لحد ما صحي من نفسه الساعه ١١ الصبح قام مفزوع لما شاف الساعه الان معاد فطار جده و الادويه عدا خرج من الاوضه جري لقي الجد قاعد في الصاله
بدر : معلش يا جدي راحت عليا نومه ثواني و اعملك الفطار
الجد : لا انا فطرت و اخدت الادويه بتعتي و بشرب الشاي ادخل ها تلقي فطار مجهزه افطر
بدر : (بوست دماغه) حقك عليا مش ها كررها تاني
الجد : اهو مره من نفسي ابص في الثلاجه هههه ادخل يله افطر و تعاله
بدر : حاضر


دخل بدر يفطر و عمل الشاي و طلع لي جده
الجد : (حط صندوق خشب قديم و كبير قدام بدر) اسمع يابني الوديعه اللي عايز تكسرها دي ابوك بيحوش فيها من ايام ما كان في سنك ابوك كان تاجر شاطر جدا اشطر من ابويا بكتير لو كان العمر فيه ثانيه واحده بس كان عمل فيها ١٠٠ الف جنيه مش الف بس ابوك كان يشتري الجرنال الصبح بدري و يدخل على اسعار الدهب نازله ينزل يشتري و لو معهوش فلوس كان يجري يستلف مني او من ستك علشان يشتري دهب و يشيل الدهب مع ستك لحد ما يسدد تمنه ليها او ليا مكنتش بركز خالص هو اخد كم مني او من ستك كان الخير كتير بس ابوك كان حاسب كل مليم ابوك لحد ما مات كان يشتري الدهب ده و يشيله و الصندوق ده فيه اتنين كيلو دهب شراهم ابوك
بدر : طيب و حضرتك مكنتش بتبيع منه ليه علشان مصاريفي و مصاريف كليتي
الجد : لا يابني الفلوس اللي ها تخدها ها تروح مش ها ترجع لكن لما تاخد الفلوس تدخلها في مشروع ها يروح جنيه يجي اتنين خدهم و روح لي عمك جرجس اللي فاتح في العماره اللي قدامنا بيعهم و خد فلوسهم اشتغل بيهم
بدر : تصدق يا حسن انتا طلعت تاجر بس مش اوي يعني
الجد : حسن
بدر : ايون حسن الان الدهب يا جدي العزيز اسمه اصول ثابته قيمته بتزيد لكن الفلوس لا اسمع مني يا جدي خد الصندوق ده و دخله جوه خليه لي وقت ذنقه لكن الوديعه ها تافك دول يفضله لكن الكاش يغور
الجد : (ابتسم لي حفيده) طيب روح غير هدومك
بدر : ماشي (قام بدر)
الجد : (في سره ( اول اختبار عدا منه)

قام بدر دخل اوضه نومه غير هدومه النهارده معندوش امتحانات في الجدول لبس و طلع لابس جده و اخده و نزلين تحت عده على مكتب محامي فاتح عندهم في العماره اسمه اكرم
الجد : ياض يا اكرم انتا ياض
اكرم : (طلع على الصوت جري و راح لي الحج حسن) خير يا حج و بعدين بلاش ياض دي انا بقيت محامي دلوقتي
الجد : ياض ده انتا كنت بتعملها عليا
اكرم : كله من خيرك يا حج
الجد : عايزك تعدي عليا كمان عشر دقايق
اكرم : من عنيا يا عم الحج اعدي عليك حاضر
الجد : و هات شاي معاك علشان معندناش شاي
اكرم : (باس دماغ الجد) كله من خيرك يا عم حسن يا شاه بندر التجار يا عسل (شاه بندر ده لقب مملوكي يا عزيزي معنه التاجر الكبير)
الجد : ماشي يا بكاش يله يا بدر

نزلت انا و جدي كانت الوكاله مفتوحه من شكري و العمال دخلته و روحت انا اخدت مفتاح العربيه من الزفت حسام و روحت على البنك كان استاذ ممدوح مخلص كل حاجه استلمت نص مليون جنيه (و كانه رقم في وقتها يا عزيزي) و سبت النص التاني وديعه في البنك و رجعت تاني الوكاله و لقيته قاعد
الجد : ها سحبت كم
بدر : نص الوديعه يا جدي و سبت الباقي في وديعه جديده
الجد : قولي محتاج مني ايه
بدر : المخازن كلها
الجد : (طلع من جيبه مدليه مفاتيح و حطها قدام بدر) اتفضل المخازن كلها و مش ها تدفع فيها إيجار كلها بتعتنا في العمارات بتعتنا ايه تاني
بدر : الدكان اللي جنبنا المقفول هو و الشقه اللي وره الوكاله
الجد : دول خرابه
بدر : ها تشوف الخرابه دي هاعمل بيها ايه
الجد : لما نشوف دول سهلين
بدر : و تسبني اتصرف براحتي
الجد :مقدور عليها (طلع عقد) خليت الواد اكرم عمل لينا عقود شراكه بيني و بينك اهو نطلع من وره بمصلحة بدل ما بيدفع خمسه جنيه من ايام ابوه
بدر : ملهوش لزوم يا جدي كل حاجه بتعتك انتا دلوقتي و بعدين و كله من خيرك
الجد : يا تمضي يا نقفل القصه دي وله ليها اي لزمه امضي
بدر : حاضر يا جدي (فتحت الورق من غير ما اقراء مضيت كان ورق كتير جدا) خلصت يا جدي
الجد : (فتح الملف و طلع منه ثلاث ورقات) انتا مستهتر ازي تمضي كده عارف الثلاث ورقات دول ايه
بدر : ايه
الجد : دي اقرار انك واخد مني فلوس سلف كل ورقه فيها ٢٠٠ الف جنيه (قطع الورق قدامي و حرقه في سله الزباله الحديد) تاني مره تمضي تقرأ الاول
بدر : (فهم حسن بيعمل ايه) حاضر يا جدي بعد اذنك يا عم شكري
شكري : ايوه يا استاذ بدر
بدر : عايز تشوف ست انفار يروحه الست مخازن بتعتنا ينضفرها هما و الشقه اللي ورانا و كمان الدكان اللي جنبنا
شكري : حاضر

فرح شكري و هو ماشي الان كده يبقي نزله لينا بضاعه جديده
بدر : عايزن نوضب المكان هنا ها نفتحه هايبر ماركت كبير لي البيع القطاعي حلو و الدكان ها يكون لي الجمله
الجد : (بص لي كل ركن في الوكاله و ابتسم) ابوك كان عايز يجددها برده في اخر ايامه بس اللي ملحقش يعمله اعمله انتا

مسكت التلفون الارضي و بدأت اكلم الصنايعيه قدام جدي و هو باصص ليا بسعاده و بعدها بدأت اكلم الشريكات اللي اخترتها
بدر : الو مطحن الشوري مع حضرتك بدر السلامي من المنيا كنت عايز اعمل معاكم طلبيه..... لا خمسين طن دقيق...... طبعا.... لا انا هادفع تلت الفتوره و التلتين ها دفعهم على ثلاث دفعات..... رفضين ليه علي فكره انا قدامي عرض من مطحن الاسماعيلي و مدفعش مقدم..... لالا هيا هيا الجوده لا تختلف انا بس بتكلم بنصيحه تاجر كبير جدي الحج حسن السلامي..... تمام معنديش مشكله النص بس النص التاني اخر السنه و اهم حاجه البضاعه توصلني بعد بكره.... تمام (مضرب الرز) الو.... لا يا فندم السعر ده مينفعش معايا انا بتكلم في ثلاثين طن مش ثلاثه كيلو..... لا انا ممكن ازود الطلبيه عشره طن دلوقتي و عشره طن تاني بعدها بشهر بس امضي عقد معاكم ان سعر الطن من النهارده..... ممكن نحط اثر رجعي زياده ٣٠٪ مش اكتر من كده..... تمام بس عايز البضاعه توصلي بعد بكره الصبح.... مفيش مشكله شكراً (شركه الزيت) الو.... لا طبعا انا قدامي عروض كتير انا طالب ٥٠٠ لتر مشكلين من اول لتر لحد اكبر حجم...... تمام تمام بس مش هادفع كاش هامضي ورق بسعر البيع يوم ما اسلتم البضاعه و بدون اثر رجعي تمام (كلم بدر شريكات زيوت كتير علشان ينزل الفين لتر من ست او سبع شريكات)

الجد اول ما شاف حفيده شادد حيله بص لي قائمه الشريكات اللي عملها بدو و بدأ يتصل هو عليهم من التلفون الارضي التاني و هو قدر يجيب خصومات كويسه الان اسمه كبير و سجله التجاري قديم برده فا ليه سيط

خلصه القائمه و وصلت الصنايعيه علشان يبصه علي الشغل في الشقه و مكنش شغل كبير او كتير بالعكس شويه محاره و كهربه من اول و جديد و خلاص طلب منهم يبدأه من تاني يوم الفجر و لي اول مره الجد من سنين طويله يحس انه شباب و الدم بيجري في عروقه بسرعه كبيره بيسابق الوقت مع حفيده بس كان مستغرب من استعجال بدر بس قال هيا حماوه الشباب في الاول و بعدها الوضع ها يختلف
روح الجد علشان يتغدا
بدر : عمي شكري عايزك
شكري : (قعد) خير يابني
بدر : عمي شكري انا داخل على فتره صعبه طحن شغل و عايز اعرف انتا و الرجاله معايا وله ايه
شكري : معاك طبعا يابني
بدر : ها حتاج عمال تاني معاكم عايز سته تاني يبدأه شغل من بعد ما توصل البضاعه بيوم
شكري : بس كده اعتبرهم عندك
بدر : كويس انا ها روح مشوار و ارجع مش مأخر
شكري : ماشي يابني... معاك


قام بدر و مشي شويه لحد ما وصل لي محل تصليح ادوات كهربائيه دخل
بدر : سلام عليكم يا عم قدري
قدري : و عليكم السلام يا بدر يابني ايه سخان الفول عطل تاني
بدر : و هو برده في حاجه يصلحها عم قدري عم اسطوات المنيا تماً و تبوظ برده بس انا عايزك في حاجه
قدري : ههههههه ماشي يا بكاش قولي جي في ايه
بدر : الصراحه عايز مكنه تغليف
قدري : عايزها ايه اوتوماتيك وله نص اوتوماتيك وله منول
بدر : عايزها منول و ياريت تكون لط
قدري : عايز واحده
بدر : لا سته
قدري : و عايزهم لط قد ايه يعني
بدر : يكون سعرهم حنين و يكونه محتاجين تصليح بس مش كبير و يكون سعر التصليح ليها حنين
قدري : بس كده اكلم حبايبي في مصر يبعته السته و انا اطلحهم
بدر : و ست موازين كمان من الحساسه دي الدجتل
قدري : برده لط
بدر : لا دول جداد علشان يكون مزانهم مظبوط
قدري : يا سيدي سهله اجبهملك مع مكان التغليف و مش ها نختلف في الحساب
بدر : لا هيا دي نقطه ها نختلف فيها ها ديك نص فلوسك و النص التاني اول شهر اتنين في السنه الجديده
قدري : يعني انا ها سرقك يابني خدهم و لو معكش فلوس عادي
بدر : لا يا سيدي مسطوره بس انا معتمد عليك تجبلي انضف حاجه و تكون لقطه
قدري : من عنيا يابني
بدر : اسيبك انا سلام

سبت عم قدري و طلعت على الشقه روحت لي جدي طلعت اكل من الثلاجه من الوليمه بتاعت امبارح سخنته و اكلنا اديته الادويه و عرفته اني بعد الأكل هانزل الوكاله و بعدها اروح ازور امي و اخواتي هو رحب جدا خلصت اكل و انا نازل خبطت في المتر اكرم
بدر : ابن حلال عايزك
اكرم : هو الصبح جدك بطلباته الغريبه و دلوقتي انتا
بدر : هو جدي طلب منك ايه بالضبط
اكرم : بدر سبني اكل عيش بلاش اقولك
بدر : خلاص ياعم على ورق الشراكه انا عارف
اكرم : يعني انتا عارف
بدر : ايوه مهو الورق ده ليا انا اساسا
اكرم : طيب قولي عايز ايه
بدر : تعرف تفتحلي سجل تجاري و تسجلي اسامي تجاريه مركات تحت اسمي مركات تغليف من الاخر
اكرم؛. بس كده اخر الشهر
بدر : لا اخر السنه اجازه رأس السنه و حوار
اكرم : بص السجل التجاري ده افتحه ليك من بكره لو عايز بس المركه المسجله ده فلم تاني و محتاج حوارات و محكمه و جلسه و نتأكد ان الاسم ده مش مسجل بأسم حد تاني
بدر : طيب تعرف تمشيلي في القصه دي
اكرم : قبل بدايه السنه الجديده ابقى بكذب عليك
بدر : و مش عايزك تكذب عليا بس امشيلي في الحوار ده و من غير ما جدي يعرف
اكرم : اشمعنا
بدر : حافظ على اسرار العملاء يا متر
اكرم : ماشي يا سيدي بس كده اعتبره حصل
بدر : تمام بعد اذنك

ساب اكرم و نزل عدا على محل حلويات اشترا شويه حلويات شرقي و راح عند برج جنب المحل دخل الاسنسير و طلع الدور الخامس دور كامل معمول شقه لي امه و اخواته رن الجرس و فتحت ليه اخته سمر اول ما شافته شدته من هدومه دخلته جوه و اخدته بالحضن
سمر : بابلو بابلو واحشني اوي يا بيبو
بدر : بس بقي كفايه مخمضه فيا انا مش حمل صحتك
سمر : ههه واحشني اوي
بدر : و انتي اكتر يا عسل فين القرد الصغير

في لحظه كان في قطر داخل فيه و هو بيقول بابلوووووووو وقع بدر في الارض و كان اخوه الصغير
ادم : واحشنييييي
بدر : (زقه و قام) يا جدع اوعا فرهدته امي فين امي عملته فيها ايه انطقه
سمر : قاعده جوه مع بابا في الصالون و معاهم ابن عمي بيطرقوه
بدر : اشمعنا
سمر : جي يطلب ايدي ابن المقشفه و ابويا راسه و الف سيف مستحيل يحصل
بدر : و انتي
سمر : ياعم انا ايه اتجوز و افتح بيت ده انا بغسل طبق بالغافيه يا بابلو فوق معايا كده
بدر : و ابوكي عرفك اكيد ها يرفض المهم جاب جاتو
سمر: ايوه
بدر : تعالي نندمه على اليوم اللي عملها فيها يله
سمر : يله
ادم :و انا
بدر : و انتا مكنش ليه لزوم أجيب العلبه دي معايا
سمر : عادي ها سيبها لي بابا و ماما يله احنا بس ندخل المطبخ


و دخلنا المطبخ يا عزيزي انتقمنا من علبه الجاتو و عرفت ليه سمر قالت عليه مقشف جايب جاتو من الرخيص بس اكلنا امه لحد ما سمعنا عمو احمد بيطرد الواد و امي دخلت المطبخ شافتنا ملحوسين بوقنا و متبهدلين
امال: (بفرحه اخدتني بالحضن) بدر حبيبي واحشني اوي
بدر : و انتي اكتر يا حببتي تاخدي حته جاتو
امال : المعفن جايب من الرخيص
ادم : معفن معفن ها ناكل برده
امال : طيب يله ناكل بره يله

طلعه بره و بدر وراهم و احمد اول ما شافه ابتسم
احمد : ايه ده بدر باشا منورنا يا الف نهار ابيض
بدر :اخبار حضرتك ايه يا عمو
احمد : بخير يا حبيبي انتا اللي عامل ايه و جدك عامل ايه
بدر : الحمد..... كويس
امال : عمل ايه في الكليه و المذاكره
بدر : عيب عليكي تقدير السنه دي برده زي اللي قبلها
امال : استنا اقوم اجبلك العصير اللي بتحبه (قامت)
احمد : (بصوت واطي) تقدير ايه اللي جبته السنه اللي فاتت ها نحور ده انتا جايب جيد بالعافيه
بدر : افضحني ها افضحني علشان امال تحلف عليا ما راجع بيت جدي و اجي اقعد معاكم على قلبك
احمد : هههه ياهبل انتا تنور
بدر : و ماله انور بس ها سخن عليك ياجوج و مأجوج ها (و شاورت بعيني على سمر. ادم و هما شغلين اكل)
احمد : بيت جدك اولا بيك برده
بدر : حبيبي يا عم احمد يا عسل

جت امال و في ايدها العصير
امال : امسك يا بدر اشرب يا حبيبي
بدر : تسلم ايدك يا ست الكل هو انته طرقته الواد اللي كان هنا ليه
احمد : انتا هنا من بدري بقي
بدر : يعني مش قوي
احمد : عايز يتجوز سمر و متكملش تعلمها لا و يعيشه هنا كمان
بدر : مش عايز كمان دي في دي
ادم : ياعم فكك منه ده معفن أساساً اشتري دماغك
بدر : هيا الناس بقت معفنه زياده عن اللزم وله بقه نصحين زياده عن اللزم
احمد : مفنين يابني
امال : سيبك منهم و قولي انتا كده أحوالك ايه
بدر : زي الفل
امال : مفيش بت كده معاك في الجامعه عايز تتجوزها
بدر : انا اقوم امشي
امال : خلاص اقعد و مش ها تكلم اقعد
بدر : يا امي اشتري دماغك من موضوع جوازي ده نهائي انا لسه بدري عليا و في رقبتي عيل صغير
سمر : عيل صغير انتا خلفت من ورانا
بدر: لا لو مستوي الحوار وصل لي كده يبقي اقوم امشي
سمر : يعني قصدك مين
بدر : جدي حسن الناس لما توصل لي سن جدي كده يكبره يقلبه زي العيال الصغيره و يمكن اكتر فهمتي
سمر : فهمت
احمد : يا سيدي..... يقدرك عليه قولي انتا الشغل عامل ايه معاك
بدر : اهو ماشي بس في شويه نموس كل ٣٠ يوم يجه يمصه دمنا و يمشه
امال : لسه عماتك متغيروش
بدر : هو في حاجه بتتغير
امال : ده انا من يومين شوفت عمتك كوثر في الدور العاشر سألتها بتعملي ايه هنا قالت بزور واحده صحبتي و سكان الدور العاشر انا واخده عليهم سألتهم انته تعرفوها تخيل طلعت هيا اللي شاريه الاربع شقق اللي في الدور الرابع و مأجرهم
بدر. : اهي دي تيجي اخر الشهر لبسه عبايه مقطعه و حالتها بالبلا تحسي انك عايزه تديها فلوس و هيا ماشيه من جيبك
امال : وله نوال
بدر : نوال دي بتيجي لبسه الصيغه بتعتها لكن دي اخبث من نوال بكتير المهم عمو احمد انا عايزك في حاجه كده
احمد؛ تحت امرك يا حبيبي خير
بدر : عايزك في شغل
احمد : شغل ايه
بدر : عايز منك الف كيلو اكياس تعبأة مطبوعه و الف كرتونه بتصميم معياً مطبوعه برده
احمد : بس كده من عنيا
بدر : تسلم عنيك بس انا معيش فلوس
احمد : مش ها تكلم معاك في فلوس
بدر : لا نتكلم ده حقك انا هاخد البضاعه و اديك حسابها بعد شهر
احمد : ماشي لو حابب نمشيها شغل خلاص ها خد منك الفلوس بأثر مرجعي
بدر : لا من غير اثر مرجعي
احمد : مش ها ينفع يابني
بدر : خلاص اجبهم من القاهره
احمد : في القاهره ها تدفع كاش
بدر : مين قال انها كاش لا هامضي شيكات
امال : و ليه ده كله عمك احمد موجود جري ايه ياحمد مش ضامن ابني
بدر : بعد اذنك يامي احنا بنتكلم في شغل لا فيها ابني وله ابنك (سكت شويه و رديت) طيب هادفع اثر مرجعي
احمد : ٥٠
بدر : ١٠
احمد : ٤٠
بدر : ١٠ و مش ها زود فوقها حاجه علشان نكون متفقين هادفع تلتين الفلوس الاول
احمد : (ديق عينه شويه و ابتسم و رد) ماشي ياعم بدر موافق عايزهم امته و ايه مواصفات الكراتين اللي عايزها
بدر : اعدي عليك في المطبعه اديك المواصفات و خلي الأكياس قريب اول الاسبوع
احمد : سهل
امال : استنا احضر العشا
بدر : عشا ايه ده لو اتعشيت حسن ها ينام على لحم بطنه و انا ها موت و انام يله استاذن انا
احمد : خليك قاعد
بدر : معلش مره تانيه
سمر : خليك قاعد شويه
ادم : ايوه شويه بس
بدر : ياعم عدي عليا اقعد معايا بكره في الوكاله
ادم : ماشي
بدر : يله سلام


سبتهم و مشيت
امال؛ ينفع اللي عملته في بدر ده ياحمد دي وصيتي ليك تكون ليه اب و صديق و سند ليه
احمد : مش فاهمك
امال : انتا قرصت عليه قوي في الفلوس و اديك سامع عماته شفطينه و حسن بطل شغل و بدر بس هو اللي شغال يعني شافطين تعبه و شقاه
احمد : ده انتي ابنك يوديني البحر و يرجعني عطشان ابنك عارف ان في زياده اسعار اول السنه ٥٠٪ و انا هاخد زياده بس من الفلوس المكرونه ١٠٪ و كمان مش على النص يعني مبلغ كبير لا على التلت بس يعني ابنك جيه اكل جاتو و شرب عصير و جاب علبه حلويات ضحك عليا و مشي هههههه بس الصراحه مبسوط
ادم : اشمعنا يا بابا
احمد : علشان اخوكم ناصح يعرف يحمي مصالحه و بعد عمر طويل ليا انته اخواته ها يعرف يحافظ على مصالحكم معاه و بعدين يا ست امال متقفيش كده ده انا هاحسب عليه كليو الكرتون بجنيه و كيلو الاكياس بنفس السعر بالطباعه كمان الواد عايز يقف على رجله و انا مش ها كسره
امال : يباركلي فيك و في صحتك و عفيتك و يجعل حسك في الدنيا
احمد : ههههه ماشي يا ستي كلي بعقلي حلاوه انتي و ابنك



رجع بدر الشقه يا عزيزي مقتول عايز ينام انجز كتير في يوم واحد عمل العشاء و اده جده الادويه و دخل السرير نام زي القتيل من غير ما يتقلب و تاني يوم صحي زي عادته و نزل و في ايده جده وقف على دماغ الصنايعيه خلاهم يعمله الدكان المهجور بعد ما يخلصه شويه التلقطات في الشقه الاول و خلاهم يهده الحيطه الفيصل بين المحل المهجور و الشقه و بنه بوابه لي المحل و شغالين فيه ها يسلموه بليل و فعلا بليل كان مستلم المحل و طلع هو و جده و كر اليوم يوم تاني نقل المكتب في المحل و قعد هو و جده استنه عربيات البضاعه اللي وصلت ياخد شكري العربيات لي المخزن و هناك ينزله البضاعه و يعدها شكري و يرجع مع العربيه يديهم حسابهم و يمشه و هاكذا عربيه وره عربيه لحد ما شطب بدر كل الفلوس و مضا على الورق اللي المفروض يمضيه و خلصه خالص و قام الجد يروحه و قعد بدر يقيد كل البضاعه و يعملها تسعيره و الناس اللي ليهم فلوس من التجاره الجمله ها يبعت ليهم بضاعه مكان الفلوس يا يصبره

عدا شهر و الناس شغاله في الوكاله تجديد و الشغل ماشي من المحل الجمله مغطي مصاريفه و الديون و جايب مكسب بسيط استلم بدر مكن التغليف من قدري و كمان الاكياس و حطهم في الشقه اللي وره المكتب و دخلت السنه الجديده 2011 و اكرم سلم بدر الاول السجل التجاري و بعدها اضاف المركات و بدأ في الشغل الكبير هو نزل الرز و الدقيق و السكر و العدس و المكرونه و فول التدميس في شكاير العشره كيلو كانت شغلته بقي التعبأه لي اسماء (البدري لي السكريات و السلامي لي البقوليات و الحبيب لي الرز و الحسن لي المكرونات) اسماء التعبه و وزن الكيس كيلو حلال وزن صافي دخوله في التعبأه خسره المكسب و كمان جزء من رأس المال و الجد سايبه براحته خالص يكسب يخسر براحته لحد ما جيه الوقت المناسب 25 يناير من سنه 2011 سنه الثوره يا عزيزي اللي معاها الاسعار رفعت ٥٠٪ نظره بدر المستقبليه كانت اكيده صح فتح الهايبر كان بيبيع في الهايبر سعر القطاعي نفس سعر الجمله حلو طبعا بعد ما يغطي مصاريف التجهيز و كمان مكسب و برده كان سعره اقل من السوق بقيمه ٥ جنيه ده علا اسهمه جامد و البضاعه المتخزنه عملت شغل معاه قومته على رجله في خلال شهرين بالعدد
الجد : (قاعد مع حفيده في البيت على السرير في اوضه نومه بيعده فلوس) ادي عشر الف جنيه
بدر : (خلص عد) و ادي كمان عشره
الجد : كده تاني مليون جنيه يا بدر من تعبك و شقاك بس قولي عملتها ازي
بدر : معلومه صغيره فاكر زمان كنت تقولي ايه واد يا بدر المعلومه في السوق تفرق امته تزيد الاسعار و امته تنزل و لما سالتك ازي غفران السلامي عمل الثروه دي كلها قلتلي الفتره اللي اشتغل فيها كانت فتره ثوره الدنيا قايمه و هو كان بيكسب بس بيبيع اقل من السوق لحد ما بقي غفران السلامي عرفت معلومه ان البلد على صفيح ساخن بسبب نتيجه الانتخابات و اللي أكد ليا هيا قنوات الاخبار الاخبار المصريه الدنيا ربيع و الجو بديع زياده عن اللزم اما القنوات الاوروبية لا الدنيا مولعه معلومه صغيره تفرق يا جدي
الجد : طيب و ايه ضمنك ان فعلا الثوره ها تنجح و الاسعار فعلا ها ترفع
بدر : اولا نتيجه الانتخابات كانت غريبه و الكل كان مخنوق لما تقوم ثوره زي دي يتحرك كلاب السلطه علشان يحمه نفسهم يهربه فلوسهم و يقمعه الثوره بالقوه سواء نجحت او فشلت نتيجه لي الاتنين هيا البنك الدولي ها يبص يشوف الناس اللي هربت فلوسها قد ايه الوضع ميطمنش و كمان نتيجه الثوره في كلا الحالتين ها تسبب تضخم و تضخم يعني زياده اسعار يعني فرصه تمضي عقود مع شركات تورد ليك اغذيه بأسعار قابله لي الزياده الطفيفه الفكره هنا هو معاد التعاقد انا مضيت العقود قبل ما حد يحس اصلا و إلا كانت الشركات ها تنكر العقود و اخبط دماغك في الحيط الكل كان فاكر ان الزياده خمسه عشره عشرين ثلاثين في المية لكن خمسين دي كانت الصدمه
الجد : (باس على دماغ حفيده بفخر) بسببك انتا ها موت و انا شايف اسم العيله بيكبر قدامي يوم عن يوم بفضل انتا فرحتني يابني
بدر :و لسه اللي جي اكبر
الجد : ناوي على ايه
بدر : ناوي ابيع من شغل التعبأة جمله مش قطاعي
الجد : تمام بالنسبه لي الزيت اللي جبته و ركنته
بدر : الزيت شغال عادي
الجد : ايوه بس مش اللي يخلص الكميه دي كلها
بدر : عادي تتفتح الكرتونه بتاعت المصنع يتاخد منها اربع قزاير زيت يتحطه في الكراتين اللي طبعتها و مكتوب عليها عرض خاص بدل ١٥٠ جنيه ١٠٠ جنيه
الجد : بس هما سعرهم فعلاً ١٠٠ جنيه
بدر : بس بعد ما الناس تشوف كلمه عرض خاص دي اراهنك كميه الزيت دي كلها ها تخلص في ايام و زيهم التون
الجد : طيب ايدي على كتفك لما نشوف
بدر : اطمن يا جدي حفيدك مظبط الدنيا
الجد : طيب خد الفلوس دي وديها البنك
بدر : بنك ازي البنوك مقفوله بسبب الدنيا الولعه دي
الجد : طيب (فتح الخزنه طلع السلاح بتاعه) حط الفلوس هنا


رص بدر الفلوس و قفل الجد الخزنه
الجد : امسك المفتاح
بدر : يا جدي عيب مفتاح ايه اللي اخده منك الخير خيرك بعد اذنك خلي المفتاح معاك
الجد : (اداني السلاح بتاعه) امسك ده دة سلاح ابوك.... يرحمه خليه معاك الكم يومين دول مش امان تمشي كده لوحدك عريان
بدر : ماشي يا جدي المهم بالنسبه لي العقود المضية مع مضارب الرز و شريكات السكر و المطاحن انا ها نزل منهم بضاعه قريب على السعر القديم
الجد : و ها يدوك ليه على السعر القديم
بدر : اولا العقود اللي اتمضت بدري و ثانين الالتزام بتاعي في تسديد الفلوس قبل معادها
الجد : فواتير اهم حاجه الفواتير ليها فواتير ماشي ملهاش تبقي تغور بمكسبها شغل دماغك احنا في فتره معلن فيها احكام عرفيه و شغل الاغذية الغير مظبوط يضيع الدنيا
بدر : ده كلام يا حج حسن برده طبعا بالفواتير بتعتها
الجد : ماشي يله روح ادخل نام
بدر : ماشي يا جدي

دخل بدر اوضه نومه فرد جسمه على السرير و حط السلاح في الدرج ملهوش قيمه بالنسبه ليه (اللي زي بدر دول يا عزيزي السلاح مش قوه بالنسبه ليهم لا بالعكس دي غلطه عندنا في الصعيد رفع السلاح من شخص على شخص تاني غلط الشاطر بقي يا عزيزي هو اللي يكون في جنبه السلاح و ميرفعهوش الانه كده وقع عدوه في الغلط و هو اللي معاه الحق هو ده السر اللي زي بدر قوتهم في دماغهم و ازي يشغلوها و بس) صحي بدر تاني يوم على الجد
الجد : بدر يا بدر
بدر : (قام مفزوع) ايوه يا جدي خير انتا كويس قلي
الجد : ايوه كويس بس قوم الساعه تسعه الصبح
بدر : (قام) ايه صحاك قبلي بس اخدت ادويتك
الجد : ايوه اخدت الدوا قوم يله
بدر : ماشي

قام بدر دخل الحمام و أخر فيه غسل وشه و طلع بره لقي جده واقف مع صنايعي نجاره في اوضه نوم بدر دخل بدر الاوضه لقي جده و كمان الشغالين في الوكاله شايلين الخزنه بتاعت الجد و حطنها في اوضه نوم بدر وقف يبص عليهم و هو ساكت ها يتكلم و يفهم بس لما الناس تمشي
خلص النجار تركيب القفل و نزل و الشباب نزله
بدر : ايه ده يا جدي
الجد : ايه بديك حقك
بدر : حقي في ايه
الجد : الخزنه فيها دهبك و فلوسك و اوراقك كلها اخليها عندي ليه انا مش حمل الامانه دي خدها خليها معاك انتا ها تخاف عليها اكتر مني (مسك ايد بدر حط فيها المفتاح) و يله الشباب جابه طاعميه سخنه عيش و سلطات يله نفطر

طلعه يفطره و لبسه و نزله الوكاله قعد الجد في الوكاله و دخل بدر الهايبر و قعد على الكاشير بيحاسب و يخلص الزبائن لحد المغرب طلع الجد و جيه اللي ها يستلم شفت الكاشير و دخل بدر الوكاله قعد مكان جده شويه و وصل تاجر من التجار اللي كانه شغالين معاهم زمان دخل و قعد و اسمه همام
بدر : يا اهلا و سهلا يا حج همام منور
همام : ده نورك يا بدر يابني
بدر : تشرب ايه
همام : تسلم يابني
بدر : لالا قول تشرب ايه
همام : خلاص شاي
بدر : سيد ابعت لي الواد بتاع القهوه قوله يعمل شاي علشان عندنا ضيف عزيز
سيد : حصل يا استاذ بدر (و راح لي القهوه)
همام : يكرم اصلك يا بدر
بدر : (فتح الدفتر بتاع الحسابات صفحه همام شاف اخر مديونيه) تمام يا حج كده حضرتك ليك في زمتنا ١٠ الف جنيه اخر حاجه صح
همام :مظبوط
بدر : انا عندي ليك فكره حلوه ايه رأيك تاخد مكنها بضاعه
همام : يابني هو انا مطلع بضاعه علشان اخد مكنها بضاعه
بدر : (بهزار) جري ايه ياعم همام مش عايز تشتغل معانا وله ايه مش عايزنا ننول الشرف وله ايه
همام : هههههه يا سيدي انته ناس غاليه بس الوقت ده محتاج سيوله و اديك شايف الكل بيهش و ينش و انته اللي شغالين.... ما لا حسد
بدر : حسد ايه يا راجل يا طيب مفيش بين الاهل حسد ده احنا اهل بس الموضوع و ما فيه انا ها نزل لي حضرتك بضاعه أجل من اللي شغال فيها ها تبيع بنفس سعري و ها عملك خصم شركه كمان يله (يعني خصم ١٠٪)
همام : (بصوت واطي) قولي لو الشغل واقف معاك احنا اهل زي ما قولت اصبر مفيش مشكله خلص الغريب و انا اصبر
بدر؛ مسطوره يا عمي همام بس انا عايزك تشتغل في الشغل ده اذا كان السكر او الرز او المكرونة
همام : طيب يا عم بدر نبدأ بكميه صغيره طن من كل صنف
بدر : بكره الصبح العربيه تكون عندك
همام : ماشي يا سيدي

جيه الشاي
بدر : اتفضل اشرب شايك
همام : ماشي
بدر : (فتح الدرج و طلع منه فلوس عدها ١٠ الف) عد دول يا حج بس بعد ما تشرب الشاي
همام : انتا مش قولت اخد بضاعه
بدر : البضاعه بدايه حساب جديد لكن ده القديم نقفله و نفتح الصفحه الجديده
همام : ماشي يابن السلامي لما نشوف اخرتها معاك ايه
بدر : كل خير يا عم همام اشرب شايك يا راجل اشرب


خلص همام الشاي بتاعه و اخد فلوسه و مشي
بدر : عم شكري
شكري : ايوه يا بدر
بدر : عايزك تحضر المخازن نزله بضاعه جديده
شكري : احضر ايه كل المخازن مليانه بضاعه مفيش مكان
بدر : مشكله دي (سكت يفكر شويه و رد) الشونيه القديمه اللي جنب بيتك وضعها ايه
شكري : من ساعت ما الحج حبيب توفا و هيا مقفوله
بدر : طيب نفتحها علشان البضاعه الجديده نزله فيها و انا ها ضاعف الكميه علشان بعد كده مش ها نعرف نجيب بضاعه تاني بالسعر ده
شكري : ماشي هات المفتاح
بدر : (فتح الدرج) اتفضل
شكري : تمام الصبح ها خلي الشباب ينضفه المكان و بليل نخزن
بدر : ماشي (تلفون الوكاله رن من رقم البيت و رد) الو يا جدي
الجد : اسمع النهارده اول الشهر و عماتك شويه و يوصله اوعا تطلع لي حد فيهم قرش و لو رخمه زقهم عليا فوق
بدر : بس كده ها ندخل في وش احنا في غنا عنه
الجد : اسمع اللي بقولك عليه دول بناتي و انا اعلم بيهم منك اسمع الكلام ده دلوقتي تعبك و شقاك مش عرقي انا يعني هما ملهمش حق فيه اسمع كلامي و إلا هاقلب عليك
بدر : اللي تشوفه يا جدي براحتك

قفل الجد مع بدر و رجع يكمل شغله عادي جدا لحد ما دخلت عليه امه و اخواته
بدر : ماما اتفضلي
امال : تسلم يا حبيبي
سمر : بابلو
بدر : لا اعقلي انا في الوكاله اهدي
سمر : ماشي يا عسليه
بدر : فين ادم
امال : نزل مع ابوه المطبعه يقعد معاه يسلي نفسه شويه و انا قولت اعدي عليك
بدر : ده انتي منوره المكان كله
شكري : سلام عليكم يا ام بدر
امال : و عليكم السلام يا عم شكري اخبارك ايه و اخبار الولاد
شكري : بخير يا ست الكل (حط الكشكول قدامي) اخر اليوم ده الحساب اليومي
بدر : (فتح الكشكول و شاف الحساب زمان مكنش بيعمل كده عملاً بمبدأ عد غنماتك يا جحا قال واحده قايمه و واحده قاعده بس دلوقتي مينفعش) تمام
شكري : الاجمالي سبع الف جنيه و قبل ما الحج يطلع مستلم مني ٣٠ على ثلاث مرات
بدر : تمام وصلت يا عم شكري
شكري : (اده الفلوس) عد كده
بدر : (عد الفلوس و طلع يوميه العمال في الهايبر و الوكاله) دي يوميه الوكاله و دي يوميه الهايبر قبض الشباب
شكري : ماشي بكره في معادنا
بدر : ايوه تصبح على خير
شكري : تلاقي الخير

طلع شكري قبض الشباب و مشي
امال : بس ايه اتطورنا و فهمنا الشغل
بدر : و لسه بقي الصدام جي جدي قفل المحبس الشهر ده و بعدين كمان
امال : عماتك مش ها يسكته
بدر : معرفش بقي انا عمري ما حبيت أجل مشكله بس دي مشكله مينفعش غير انها تتأجل

وصلت عمتي نوال اول واحد لزم توصل و اول واحده تمشي اول واحده
نوال : اخبارك يا بدر
بدر : بخير يا عمتي
نوال : (بصت لي امال بتكبر و قرف) فين
بدر : الظرف مع جدي مش معايا يا عمتي
نوال : طيب اطلع هاته
بدر : جدي مأكد عليا لا اطلع اخد اظرف وله اطلع فلوس من عندي اللي عايز حاجه يطلع ليه فوق
نوال : مش هاقدر اطلع السلم انا ركبي بتوجعني
بدر : معرفش ده كلامه
نوال : اقول ايه مانتا عيل مش متربي محدش رباك ابدا تطلعني السلم
بدر : عمتي دي بينك و بين جدي مليش دعوه شوفي بقى عايزه الفلوس اطلعي فوق مش عايزه امشي لكن تقعدي تغلطي فيا لا و بدماغك بقي
نوال : ماشي يابن امك

سابتهم و راحت تطلع فوق
سمر : ملها دي
بدر : اشتري دماغك منها خلينا فيكي انتي الناس اللي ها تدخل جامعه السنادي
سمر : ايوه بقي
امال : ده انا خايفه عليها خوف يا بدر
بدر : تخافي على مين بنتك تخوف بلد ياما


قعد بدر مع امه و اخته و توالت العمات و توالا ولاد العمات و بنات العمات و نفس الرد اطلعه فوق و الوقت اتأخر قام بدر قفل الوكاله و ركب امه و اخته تاكسي و ركب معاهم وصلهم و رجع في نفس التاكسي على العماره حاسبه و طلع فتح الباب و سمع صوت عالي جي من الصالون وقف وره الباب و سمع جده مع عماته
الجد : هو ده اللي عندي
نوال : ازي يا بابا بس ده ظلم
الجد : لا مش ظلم انته بتاكله في اته محلوله زمان كان تعبي و شقايا انا و بدر في مالي لكن دلوقتي المال ماله و لو ادتكم منه ابقى بظلمه انا مجرد شريك معاه
كوثر : خلاص طلع الشهريه من مالك انتا انتا مش شريكه وله الواد ده بيضحك عليك
الجد : اسفوخس عليكي بدر برقبه اي واحده فيكم
انور : يا جدي ده حقنا في مالك
الجد : بالذمه مش مكسوف من نفسك و انتا شحط كده عندك ٢٥ سنه و لسه بتاخد مصروف من امك بلاش دي مش مكسوف و انتا جاي لي جدك تخبط على باب شقه تانيه
انور : نسيت كفرت يعني
الجد : لا مكفرتش بس انتا مدخلتش البيت ده من يوم ما كان عنده ١٠ سنين تيجي من على الباب تاخد الشهريه و تمشي و علشان نكون واضحين انا عليا ديون و قروض لي بنوك بضمان الارض و العمارات و الفلوس دي لزم تتسدد و شراكتي مع بدر بفلوسها بسدد الديون دي و كلها رايحه لي الدين و مصاريفي علاج و اكل و شرب و بيت مفتوح اللي مفيش واحده فيكم بتعتبه
كوثر : يعني ايه بقي
الجد : يعني مفيش واحده فيكم ها تاخد مني حاجه تاني و انا عايش و كفايه عليكم كل واحده فيكم عندها شقه في عماره من بتوعي و إيجار قديم مش بتدفع حتي تمنها و هو ده اللي عندي
نوال : (صوتها بقي عالي) لا انتا شكلك كبرت و خرفت عايز تحرمنا من حقنا
الجد : ملكمش عندي حقوق و ده اللي عندي عاجبكم ماشي مش عاجب اخبطه دماغكم في الحيط
نوال : يبقي هاحجر عليك
كوثر: ايوه

لحظه صمت عدت على الجد و صوت اخر كلمه سمعها اثارت غضبه و حنقه الشديد قام من كرسيه
الجد : اطلعه بره انا غضبان عليكم لي يوم الدين و عايزين ترفعه قضيه حجر اتفضلي المحكمه قدامك و اعلا ما في خيلك اركبي اطلعه بره بره بيتي يا بزره وسخه منك ليها و نصيحه ارفعه القضيه مع بعضكم علشان اتعاب المحامي تبقى خفيفه عليكم (بكل قوه و صلابه و قوه) اطلعه بره بيتي


جري بدر على الحمام و قفل الباب عليه و سمع اصواتهم و هما طلعين بيدعه علي ابوهم يا عزيزي تخيل ابوهم طلعه و قفل الجد باب الشقه بغضب و طلع بدر و بص لقي الجد القوي الصلب رغم السن ضهره مفرود واقف وره الباب ضهره محني و دموعه علي وشه جري عليه بدر بسرعه اخده بالحضن
الجد : انتا هنا من امته
بدر : سمعتهم يا جدي سمعتهم
الجد : اههههه يا ولادي اه
بدر : حقك عليا يا جدي انا السبب هما كرهني انا
الجد : انتا ملكش ذنب يابني انا السبب انا اللي عملت كده بدلعي ليهم و موافقتي على كل حاجه بيعملوها انتا مش غلطان انا الغلطان انا الغلطان انا الغلطان

و سقط الجد و هو يبكي بحسره و هستريا و لا ينطق إلا بكلمتين انا الغلطان سقط الجد امام حفيده و قد كان الحصن المنيع له و مصدر قوته و شجاعته و طاقته لقد كان الجد هو الاب و الام و الجد لي هذا الشاب الصغير فا لك ان تتخيل يا عزيزي ماذا سوف يحدث لك مطلق الحريه في التوقع و رسم السناريوهات و التفكير العميق ماذا سوف يحدث بعد ذلك

نلتقي مره اخره في روايه (التاجر) يقدمها لكم حماده فتحي محمود


يتبع.......

تنويه : شباب اتمني الجزء يعجبكم و الفكره الجديده تعجبكم و تقوله رأيكم فيها طبعاً في سؤال ها يجي. اكيد و يقولي الجزء مفهوش جنس ايوه مفهوش انا مقتنع بفكره احداث ماشيه و موضوع الجنس بيجي مع الوقت مش اكتر اتمني تتفهمه الفكره و بلاش حد يسأل علي قصه حكايه الماضي او زلزال لسه مجاش وقتهم و مش مستعد ليهم دلوقتي علشان اكملهم دلوقتي و اتمني التفهم و سؤال تالت ها يجي ان الاحداث سريعه احب اقول لي القارء الجميل اقراء عنوان الفصل هو مجرد افتتاحية و تقديمه اتمني يعجبكم
شكراً



الفصل الثاني

موت و صدمه و صدام!!

كل شخص منيا يا عزيزي القارء محكوم بحكم اختياراته في الحياه يعني لو اخترت طريق محدد فا انتا محكوم بختيارك كل اللي ها تشوفه في الطريق ده و المترتب عليه اختيارك انتا و بس حتي لو حد اجبرك على اختيار او اداك نصيحه لي طريق محدد و انتا كملت فيه برده محدش دافع التمن غيرك انتا و بس يا عزيزي كان نفسي اقولك انه هو يدفع معاك صدقني بس لما يجي الشيك علشان تحاسب يا حلو اللي قعد و شرب و نصح ها يخلع و يسيبك تحاسب اوعا تخلي حد يختار ليك اي حاجه حتي لو كان لون جراب التلفون حتي مش ها قولك اكبر من كده صدقني يا عزيزي محدش ها يقعد وقت الحساب معاك و انا و ظروف بقي يا عزيزي يله نكمل القصه


بدايه الفصل


سقط الجد امام الحفيد و قلبه حزين مكلوم و معرز فيه خنجر بالسم من اقرب الاقربون و وقف الشاب البسيط لا يعلم ماذا يفعل لقد سقط جبل امامه و لا يدري كيف يقف من بعده

رفع بدر الجد لي اوضه نومه و طلع يجري جاب تلفونه كلم حسام صحبه
حسام : (بصوت ناعس) ايه يا بابلو بتتكلم متأخر يعني
بدر : (بفزعه) حسام هات اختك و اطلعلي جدي وقع مني و مش عارف افوقه
حسام : (منتبه) طب اقفل بسرعه و انا طالع دلوقتي

قفل حسام الخط مع بدر و راح بدر اوضه الجد و هو بيحاول يفوقه و دموع الخوف ماليه عينه الخوف يا عزيزي اللي عمر بدر ما عرفه في حياته ابدا بسبب دعم حسن ليه اللي علمه ان عمره ما يهاب وله حتي الموت هو دلوقتي بين الوعي و الغياب صامت ساكت لا يملك حتي الكلمه اللي يواسي بيها حفيده كالمعتاد

فاق بدر من خوفه على صوت الجرس جري فتح و دخل حسام بسرعه و معاه اخته الكبيره الدكتوره داليا و ابوه الدكتور عرفه هما عرفين الاوضه بتاعت حسن مش اول مره يتعب بس اول مره يقع دخله عليه و داليا بدأت تقيس نبضه و الضغط و السكر
داليا : حسام انزل دور العربيه بسرعه لزم نروح مستشفي بسرعه
حسام : ماشي (طلع من الشقه جري)
عرفه : انا جي معاكم

بدر بسرعه شال جده بين ايده زي الطفل الرضيع لي صغر جسمه الذي اهلكه المرض و الحزن و فراق الاحبه

نزل به بدر بسرعه على الشارع و حسام وقف العربيه قدام باب العماره و فاتح الباب دخله الجد بسرعه و اتحركه به على المستشفي و عرفه و بنته قفله باب الشقه وراهم و نزل عرفه شقته فتح الباب لي بنته و اخد مفتاح عربيته و نزل بسرعه ركب عربيته لوحده و اتحرك وراهم وصل بعدهم و دخل على الاستقبال
الاستقبال : اهلا يا دكتور عرفه حضرتك عنك عمليه النهارده
عرفه : لالا بس في حاله لسه داخله دلوقتي مع ابني افتحه ليهم اوضه العنايه حاله حسن السلامي
الاستقبال : ايوه احنا فتحنا الرعايه دكتور الورديه كشف عليه و امر بتحويله
عرفه : طيب (طلع فلوس من جيبه) امسك دول ١٠ الف جنيه من تحت الحساب
الاستقبال : (اخد الفلوس عدها و كتب الوصل) اتفضل يا دكتور و الف لا بأس عليه
عرفه : شكراً

ساب الموظف و طلع فوق الدور اللي فيه قسم العنايه لقي ابنه واقف و بدر واقف في حاله زهول لا يرثا لها من الصدمه وقف جنبه بدر و اشفق عليه شاب صغير اختبر جميع انواع الفراق في حياته من موت الاب لي جواز الام لي موت الجده لي مرض الجد و بعدها شغل و مرمطه علشان يجيب جنيه و دلوقتي الجد بين الحياه و الموت من تبقه له

طلع دكتور العنايه بعد ثلاث سعات متواصله و راح ليهم
دكتور : استاذ بدر
بدر : (انتبه لي الدكتور) ايوه انا جدي ماله
دكتور : من الواضح كده ان الحج تعرض لي صدمه شديده جدا و هو ليه سجل هنا في المستشفي عمل عمليه تغير شريان و ركب ثلاث دعامات في القلب مريض ضغط و سكر الحج جاتله جلطه في القلب اخد مذيب لي الجلطه و منتظرين النتيجه
بدر؛. يعني ها يقوم منها صح ها يقوم اكيد
دكتور : منقدرش نحكم دلوقتي لزم نصبر هو على الاجهزه دلوقتي لحد ما نطمن ها ننقله جناح تاني بعد اذنكم

سابهم و مشي و قعد بدر على الكرسي حاطت ايده الاتنين على دماغه ها تنفجر في اللحظه دي من وهل الصدمه من شده تعلق بدر بالجد حسن مكنش متخيل ابدا انه ممكن يموت رغم انها حقيقه واضحه وضوح الشمس بس لما تيجي عن الحبيب و الغالي يا عزيزي حتي الشمس مش بنشوفها

فضله قاعدين لحد الفجر مكانهم استقرت حاله حسن شويه و الدكتور اطمن عليه بشكل مبدأي و بدر ارتاح شويه و غفل مكانه لحد ما فاق الساعه سبعه الصبح على امه و احمد جوز امه
امال : (حضنت بدر) الف سلامه على جدك يا بدر هو ايه اللي حصل
بدر : الكللابب هددوه انهم يرفعه عليه قضيه حجر الكللابب عايزن يقتلوه (دخلت في حضن امي و انا ببكي بحرقه) عايزن ياخدوه مني
امال : (حضنتني جامد) اهدا يابني شويه ها تموت نفسك اهدا
احمد : يا دكتور عرفه هو الدكتور قال ايه
عرفه : حالته استقرت شويه و فاق اول ما فاق دخلتله و اول حاجه قالها اطلب احمد العربي خليه يجي و يدخلي لوحده الاول
بدر : انا لزم ادخله
عرفه : بدر انتا عارف جدك قال احمد يبقي احمد اصبر شويه كلها خمس دقايق و تدخله
حسام : اصبر يا بدر و بعدين هو كويس و ها تدخل تطمن عليه
احمد : اهدا يابني و اصبر مش ها طول معاه اطمن

سابهم و اوضه العنايه دخل و راح قعد جنب الجد على كرسي جنب سريره
احمد : ايه يا عم حسن جي تتعب دلوقتي مالك يا راجل يا عجوز تعبت من شيل حفيدك وله ايه
الجد : (بياخد نفسه بالعافيه) العمر جري مني ياحمد و الوقت عدا و مش ندمان عليه كل لحظه عشتها مع بدر مش ندمان عليه و لو على الموت فا هو امر محتوم كده كده ها موت بس عايز اطلب منك طلبين انا اعتبرتك ابني علشان انتا راجل محترم و متربي و ابن اصول انا حاسس اني مش خارج من الاوضه دي غير على قبري
احمد : متقولش كده يا حج
الجد : دي حقيقه يابني شايفه شايفة في كل حته و كل ركن و شامم ريحته قريب مش بعيد ياحمد بس عايزك تاخد بالك من بدر كويس اوي انا عارف انك ها ترعيه بس لزم اوصيك الواد بعد موتي ها تتفتح عليه أبواب جهنم من اهله و اعدائي و الواد بيكبر و ها يعمل عداوات اكتر و اكتر و هو مش واخد باله راعيه و ادعمه و عايز اعرف احنا لسه على اتفقنا القديم بخصوص امه
احمد : اديك قولتها امه مقدرش احرمها منه وله احرمه منها
الجد : اصيل يابني اصيل و ابن اصول اسمع عايزك (و قاله على حاجه) فهمت
احمد : (سكت بحزن و تنهد) انا تحت امرك يا حج
الجد : عرفه اصله و فصله و اهله و سلساله نسبنا و احبابنا و اعدائنا كمان كل حاجه بس في وقتها
احمد : حاضر يا حج بعد اذنك ادخلهم يطمنه عليك
الجد : ماشي


طلع احمد شاور ليهم يدخله و دخل بدر جري على الجد و عينه مليانه دموع مسك ايده و نازل على دماغه باسها
الجد : اسمح دموعك اصلها غالية عليا يابن حبيبي
بدر : خلاص اهو مش ها عيط تاني (مسحت دموعي) حقك عليا
الجد : خلص دموعك عليا دلوقتي و لو وقفت في عزاية تقف قوي صلب اوعا دمعه تنزل من عينك
بدر : طوله العمر ليك يا جدي
الجد : العمر مكتوب يابني انا يدوبك ماشي عليه
امال : الف سلامه عليك يا حج
الجد :.... يسلمك يا ام بدر
عرفه : الف سلامه عليك يا حسن
الجد : و انا اقول الريحه الوحشه دي جايه منين اكيد منك
عرفه : كده مقبوله منك يا حسن يا سلامي
الجد : تقدر متقبلهاش
عرفه؛. و انا اقدر برده (قرب من حسن و مسك ايده و ابتسم ليه) ايه يا عجوز مالك بس ده انا بفكر اجوزك يا عمي
الجد : تجوز مين يابن امبارح نسيت لما كنت بتعملها عليا
عرفه : وله اقدر انسا كنت ابونا و اخونا بعد ابويا
الجد : ولاد اخويا اللي مكنش من لحمي وله دمي و اغلا منك انتا و اخواتك عندي مفيش يا عرفه
عرفه : عارف يا عمي
الجد : طب مش ناوي تسيب الشقه لي عمك او تخلي عندك ددمم و تدفع إيجار عدل
عرفه : (ابتسم بالعافيه) مش ها تتغير على فكره
الجد : ايوه
عرفه : اسيبك انا تقعد مع اهلك و ارجع انا اطمن داليا و ابقي اجيلك بليل
الجد : ماشي يا حرامي

طلع عرفه مع ابنه حسام و نزله تحت ركب عرفه مع ابنه الانه مش ها يقدر يسوق و اتحركه
حسام : بابا نفسي اعرف ايه سبب المشاكل اللي بينك و بين الحج حسن
عرفه : مشاكل!!!!!! مشاكل ايه
حسام : مشاكل ايه مشاكل الشقه
عرفه : ههههههه و انتا صدقت ياهبل عارف ياض يا حسام انا اعرف عمي حسن من امته من يوم ما وعيت على الدنيا دي و انا في وشي حسن السلامي كان صاحب ابويا جدا الروح بالروح انا اصغر ولاد جدك و هو اللي سماني عرفه عارف صرف على تعليمي لحد ما بقيت دكتور و اول عياده فتحتها هو فتحها ليا و جهزها كلها كان اب بالنسبه ليا انا و عمك حبيب ابو بدر وعينا على الدنيا مع بعض و طبعا انا ابن الموظف الكادح و هو ابن حسن باشا السلامي تصدق ياض الواد حبيب كان يتمرمط في الشغل مع ابوه علشان يجيب مصاريفه عارف حوش مصاريفه و اشتره عجاله كان يركب الولاد عليها و احنا عيال علشان يوصلهم لي المدرسه بالفلوس هههههه وله يوم من ايامك يا حبيب
حسام : طب و هو بيقولك ليه كده
عرفه : هو كده يحب الرخامه زي عنيه و يناقر و يفاصل و يهزر عمي حسن يا حسام عمل معايا و مع اعمامك اللي عمي نفسه معملهوش علشان كده عمري ما قولتلك ابعد عن بدر بالعكس كل شويه اقربك منه ده غفران السلامي اللي جاي ده اللي ها يدخل على القصر الجمهوري يقولهم بقولكم ايه المنيا دي تلزمني شوفه تمنها كام و ادفعه و ها يبقي معاه التمن كمان
حسام : ازي بقي
عرفه : من الشغل يابني في كلمه حلوه جدا كان يقولها حبيب كان يقول الاوقات الصعبه تصنع رجاله اقوياء و الرجال الأقوياء يصنعه اوقات سهله و الاوقات السهله تصنع رجال سهله و الرجاله السهله تصنع اوقات صعبه علشان كده امنيه حياتي يا حسام تتحمل مسؤوليه علشان متبقاش سهل يابني و وقتك صعب
حسام : ماشي يا دكتور


في المستشفي
بدر قاعد جنب جده و ماسك ايده مش عايز يسبها و نام مكانه من التعب لحد ما فاق على ايد الجد
بدر : (مفروغ) مالك يا جدي انتا كويس
الجد : ايوه بس عايزك توصل لحد الشقه تجيب ليا لبس قبل اخر الزيارة و بعد ما الزياره تخلص عايزك تروح البيت و تنام و تقفل على نفسك كويس
بدر : لالا مش ها سيبك خليني جنبك
الجد : قوم ياض اعمل اللي بقولك عليه تعاله قرب اقولك كلمه
بدر : (قرب و مايل على الجد)
الجد : (بصوت واطي) روح هات اللي قولت عليه و تجيب فلوس من تحت مرتبه السرير تدفع حساب المستشفي و مفتاح خزنه الوكاله تخليه معاك و متشلش فلوس في درج المكتب وله في درج الكاشير و تشيل مفاتيح الخزن في جيبك انتا و بس
بدر : مش وقته
الجد : لا وقته لزم حد يلم الدنيا دي و المال بتاعك اللي مرمي في كل حته يا تلمه انتا و واحد يجي يسرقك روح و فوق لي نفسك امشي يله
بدر : حاضر يا جدي

و ترك الجد يد حفيده بصعوبه لم يكن يريد ان يتركها ابدا
حسن يا عزيزي حاسس ان خلاص دي الساعه بتعته مهو اصل الميت بيحس بمعاد موته يا عزيزي لانه خلاص مهما تدخل دكتور او مستشفي او منظمه الصحه العالميه مش ها تعرف تنقذه و هو مدرك ده كويس جداً علشان دي حقيقه بوضوح الشمس

نزل بدر اخد تاكسي و راح به على طلع العمارة فوق دخل الحمام اخد دش و طلع غير هدومه و راح عند اوضه الجد رفع المرتبه و طلع من تحتها فلوس و لم كم طقم في شنطه ضهر و راح اوضه نومه امن على الخزنه و اخد مفتاحها في جيبه و هو طالع بص لي باب اوضه نومه كويس و رجع قفل الباب بالقفل اللي ركبه حسن السلامي و نزل راح لي الوكاله
شكري : طمني يا بدر الحج عامل ايه
بدر : بخير الحمد لله المهم عمي شكري الحج بيقولك شيل الحصاله معاك الهايبر و الوكاله اقفل المكان اخر اليوم لحد ما نقعد مع بعض
شكري : حاضر يا بدر بس ابقا طمنا كل شويه
بدر : ماشي يا عم شكري

وقف تاكسي اخده و طلع على المستشفي وصل هناك و طلع قسم العنايه المركزه و قعد مع جده ساعه و سابه بالعافيه علشان معاد الزياره خلص و معاه امه. و احمد جوز امه فضل قاعد في المستشفي هناك لحد الساعه عشره بليل
احمد : قوم يا بدر روح
بدر : لا مش ها روح روحه انته علشان سمر و ادم
امال : رجلي على رجلك
بدر : و انا مش ماشي
احمد : بطل شغل عيال انتا تعبت مطبق من امبارح و واقف على رجلك روح علشان تنام و تيجي الصبح لي جدك تاخد الزياره من اولها زي النهارده قوم يا بدر و اكبر لي الراجل اللي بيكلمك يله

قام بدر معاهم بصعوبه و نزل ركب معاهم العربيه و اتحرك احمد لحد العماره و ركن قدام الوكالة بص بدر جوه الوكالة و استشاط غضب و نزل بدر
احمد : امال بيتي النهارده مع بدر
امال : حاضر بس ممكن تنزل تحصله
احمد : اكيد هانزل وره

نزل احمد من عربيته و دخل و جوه الوكاله كانت العمه نوال قاعده على كرسي المكتب و قدامها ابنها اسمه تامر (المقدم تامر يبقي ابن نوال الصغير عيل فرحان بدبوره)
بدر : انتي بتعملي ايه هنا
نوال : بشوف مال ابويا اللي انتا واكله في بطنك
بدر : ابوكي مين روحي شوفي ابوكي اللي دخل المستشفي الفجر بسببك انتي و اخواتك و كلامكم معاه امبارح
نوال : اكيد لزم يعمل حركه زي دي يكذب و يدعي المرض علشان يهرب من المواجهه
بدر : (بص حوليه لقي الموظفين وقفين و بيسمعه فزغ فيهم) انته بتعمله ايه اتفضله شوفه اشغالكم خلصته روحه بيوتكم و بكره الصبح الوكالة مفتوحه اتفضله

طلع الموظفين من الوكاله
بدر : اسمعي بقي الكلمتين دول اطلعي بره انتي و ابنك بدل ما تشوفه الوش التاني
تامر : ههههههه احترم نفسك يا زباله و اتكلم عدل بدل ما ازعلك فاهم انتا فاكر نفسك مين ده انتا مجرد حشره

دخل احمد العربي
احمد : ام تامر خدي ابنك و امشه و بلاش تعتبه الوكاله وله العماره الكبيره انا معايا نص صريح من الحج حسن ان اي واحده فيكم تقرب من هنا تشوف الوش التاني و اتعامل معاها على اساس انها مش بنته
نوال : (بصت ليا) و انتا بقي جايب جوز امك معاك لا ده كده بانت عايز تأكل ابويا لي جوز امك. و امك الحربايه اللي كان وشها و وشك نحس على اخويا
تامر :..... يرحمك يا خالي اكيد كان ها يزعل اوي لما يشوف ابنه واخد صف جوز امه
بدر : (بغضب شديد مسك طفايه السجاير الرخام و رفعها و ها يرميها في وشه اهو على عتبت خطوه زي دي بس لمح في عينه نظره ترجي لي الفعل ده فا بدر رمه الطفايه على الارض)
احمد : طيب اسمع يا روح امك لو جي فرحان ببدلتك اللي ملهاش اي قيمه في الوقت تبقي عبيط نسيت اعرفك قائد الشرطه العسكريه في محافظه المنيا حبيبي جدا صدقني لما اقولك انهم بيدوره على ناس كتير اوي قائمه اسامي ممكن يضاف ليها اسم جديد و اهو اخدم واحد حبيبي بيك من الاخر كده انتا و امك و اخوك لو فكرتم تقربه من الوكاله او الهايبر او العماره الكبيره و حيات بدر لا احطك في قفص خرصانه حولين ناس اكيد ها يحبه انهم يتعرفه علي ضابط شرطه وسطهم
تامر : (بص لي احمد بتجهم)
احمد : (طلع تلفونه و اتصل) معاك لحد ما يرد
تامر : (بص لي امه)
نوال : (قامت و هيا متعصبه) و حيات امك يا بدر مهي خلصانه لحد دلوقتي بس ها دفعك التمن غالي انتا و امك و جوزها و حق ابويا هاخده منك كل لقمه اكلتها في بيته ها تدفع تمنها و تطلع منها حافي يا حافي يابن الحافية

طلعت نوال هيا و ابنها
احمد : (الخط اتفتح) الو سياده العقيد اخبارك...... لا يا باشا اكيد عارف.... طبعا طبعاً ضغط الشغل كبير بس عايز منك خدمه في واحد عايز اقرص ودنه....... انا عارف انها صعبه الايام دي بس الباشا خاض في شرف المدام و حاجه من اتنين يا تقرص ودنه يا تسمع بكره عن اختطاف ضابط شرطه و افتكر انها مش حلوه في حقك اليومين دول يطلع كلام زي ده في المحافظه بتعتك....... تمام اعتبر ده اخر كلام...... يا باشا محسوبه عندي ها قدر ده اكيد..... تمام تسلم يا باشا اتفضل (قفل معاه و حط ايده على كتف بدر) عارف لو كنت ضربته بالطفاية كان خدك في حق كبير يا بدر
بدر : عارف علشان كده نزلتها بس مش عارف اعمل ايه مع الأشكال دي نفسي افهم اعملهم ايه اكتر من اني كل الفتره اللي فاتت كنت بقنع جدي بالعافيه انه يصرف ليهم الشهريه اكتر من كده ايه هو اللي رفض انا مليش دخل بده و هو قالها كلمه ليا رصيدك في العشم عندي خلص من كتر ما بتدافع عنهم
احمد: اهدا و اطلع ريح فوق يله قفل و شيل كل حاجه من هنا دفاتر فلوس و اقفل كويس على بضاعتك يله

دخل بدر الشقه اللي وره اللي هيا مخزن برده قفل بابها من جوه كويس و طلع تاني لي الوكاله و قفل الباب اللي يوصل من الوكاله على المخزن بالقفل و طلع دخل الهايبر سحب الحصاله منه و نزل الباب الحديد و دخل الوكاله فتح الخزنه طلع الدفاتر و الفلوس الكاش اللي فيها و حطهم في شنطه في المحل و قفل الباب الحديد و نزلت امه و طلعت معاه و احمد اخد عربيته و مشي رجع بيته

طلع بدر الشقه فتح الباب و دخل حط حاجته و امه قعدت تواسيه شويه و هو دخل اوضه نومه غير هدومه و قعد على السرير بيحاول ينام بس مش عارف لحد ما غلبه التعب و نام


في المستشفي
غرفه الامن
قاعد موظف الأمن و دخل عليه شخص طويل القامه لبس بدله رسميه اده ظرف و الامن فتح الظرف و طلع منه الفلوس عدها و قفل الظرف حطه في جيبه و داس على زرار فصل كاميرا مراقبه

في دور العنايه المركز
يمشي شخص بالغ من العمر السبعين يرتدي بدله سوداء قاتمه و يمسك في يده سيجار و يدخنه و مع كل نفس يخرج تشعر ان الموت يخرج معه يدخل لي غرفه الجد حسن و ينظر له بأبتسامه شامته و يجلس على المقعد بجانب سريره
شخص : ايه يا حج حسن مالك بقوله انك تعبان
حسن : (بتعب) انتا جاي تشمت صح اكيد
شخص : (ببرائه الذئب) انا يا حسن كده تظن فيا الظن ده لالالا مكنش العشم يا صحبي
حسن : و انتا فاكرني ها صدق انك جاي كده صدقه
شخص : الصراحه جي اشمت ههههههههه شكلك يفرح و انتا على سرير المستشفي هههههه
حسن : مهي طول عمرها فيها كلاب زي عينتك و اكتر كمان
شخص : بس بجد يا حسن انا لسه راجع من بره مصر من قريب اهو و سمعت عن حفيدك بدر كلام جميل جدا وكاله جديده و هايبر ماركت و ارخص سعر في السوق (ابتسم) نفسي في حفيد زيه بس اللاسف كلهم اغبيه
حسن : (بشماته) ها تفضل دايما تبص للي في ايد غيرك عمرك ما تكتفي وله تسكت وله تشبع عارف انتا معندكش زي بدر ليه علشان انتا ربيت نسوان لكن انا ربيت راجل يقف و يشتغل و يعاند مع الدنيا
شخص : و اديني جيت من بره علشان اشوف البتاع اللي اسمه بدر ده ها يعمل ايه انا ها جبلك احسن دكاتره في العالم علشان تقف على رجلك و تطلع من هنا علشان تشوف بدر حفيدك و انا بغرقه و واحده واحدة اوعا تموت يا حسن مش لزم تتفرج الاول غرقتك و لسه اهو ها هغرق ابنك جيه الموت بس ملحوقه ها غرق حفيدك و انتا ها تفضل تتفرج بس في امل ممكن اسيبه في حاله لو عملت حاجه واحده بس
حسن : ايه هيا
شخص : تعترف اني احسن منك بكتير احسن من شعاراتك و افكارك و و قيامك اللي ملهاش اي لزمه و شعاراتك الفارغه و تتنازل عن العماره اللي فيها الشقه و الوكاله ليا و عندي استعداد ادفع عشره مليون جنيه تمن العماره
حسن : عارف لو وقفت علي شعر راسك يا خدام مش ها تنازل حتي عن الشراب اللي لبسه في رجلي ليك مش افكار و قيام و بيتي جي عايز تمحي كل حاجتنا عايزنا نتنسا زي ما اتنسيتم زمان
شخص : ها تتنسه يا حسن مفيش في سلسال غفران السلامي غير حفيدك ده حل سيب العماره و اخد حفيدك و امشي او اقعد و اتفرج و انا بقتله

تشنج حسن من الغصب و بدأت ضربات قلبه تبقي اسرع و اسرع و قام الشخص ده طلع بره العنايه و هو مبتسم بشماته ماشي و الدكتور دخل اوضه الجد حسن من صوت الاجهزه اللي بدأت تطلع انذار دخل و حاول حاول حاول و لكن اصدر الجهاز صوت الصفير المستمر
الدكتور : اعلنه حاله الوفه و اتصله بالدكتور عرفه بلغوه


في الشقه عند بدر صحي بعد الفجر قلق في نومه قام دخل الحمام غسل وشه و طلع فطر فطار خفيف و عمل كبايه قهوه و دخل اوضه نومه ولع سجاره و قعد يشرب القهوه و هو فاتح دفتر حساب امبارح و قعدت ابص فيه و اجرده لحد ما قامت امه من النوم راحت اوضته
امال : صباح الخير يا بدر
بدر : صباح النور يا ماما
امال : ثواني و اعملك فطار
بدر : لا فطرت افطري انتي و انا ها تصل على المستشفي اطمن على جدي (اتصل على رقم المستشفي مرتين بس محدش رد عليه) ده محدش بيرد
امال : طيب انا ها تصل عليهم و انتا غير هدومك البس و نروح نلحق الزياره من اولها يله

طلعت تلفونها و كلمت المستشفي
امال : الو
شخص : صباح الخير يا فندم مع حضرتك مستشفي المنيا
امال : لو سمحت كنت عايزه اعرف مواعيد الزياره في العنايه النهارده
شخص : معاد الزياره النهارده يا فندم ها يتأخر ساعه بس الان في مريض توفا في العناية امبارح
امال : (سكتت شويه و وشها قلب اصفر) ممكن اعرف اسمه
شخص : اسف يا فندم مينفعش
امال : طيب ممكن تحولني لي دكتور العنايه المركزه
شخص : تمام يا فندم دقيقه

حول الخط من الاستقبال لي مكتب العنايه المركزه مكتب الدكتور
الدكتور : الو
امال : صباح الخير يا دكتور و اسفين على الازعاج بس كنت عايزه اطمن على حاله عندكم
الدكتور؛. ممكن اعرف صله القرابه
امال : حمايا الحج حسن السلامي
الدكتور : (سكت شويه و رد) انا بلغت الدكتور عرفه الفجر ان الحج حسن توفا الفجر
بدر : (قدمها) ها قالك ايه
امال : يعني هو كويس
الدكتور : يا هانم
امال : اه فهمه طبعا ها نيجي ده بدر قدامي دلوقتي مستني معاد الزيارة علشان يشوف جده احنا مسافه الطريق و نوصل
دكتور : فهمت بعد اذنك (قفل معاها)
بدر : مالك يا ماما وشك اصفر ليه
امال : لا يا حبيبي مفيش بس انتا عارف بقي السكر و قرفه المهم اللبس خلينا نلحق نتحرك و انا ها كلم عمك احمد يجي يوصلنا
بدر : بلاش تتعبي عمو احمد يا ماما الوقت بدري قوي
امال : لالا ده هو صاحي اساسا و هو اللي صحاني

دخلت امال الاوضه و قفلت الباب وراها و هيا مصدومه و دموعها على خدها كلمت جوزها
امال؛. احمد انتا فين
احمد : في المستشفي يا امال عرفت الخبر الفجر من الدكتور عرفه و بلغت المستشفي انهم ميردوش على رقم بدر
امال : طيب احنا جاين في دلوقتي
احمد : طيب

قفلت مع جوزها و بعدين لبست عبايا حريمي سوده و طلعت نزلت مع بدر و بدر رما السلام على الموظفين و استنه لحد ما ركب التاكس و مشي و بعدها شكري بلغهم ان الحج توفا و قفله المحلات علشان الموته ميصحش يفتحه

وصله المستشفي و نزل بدر حاسب التاكس و طلع فوق لي العنايه
عرفه : تعاله يا بدر اقعد
بدر : ايه هيا الزياره لسه بدري عليها
عرفه؛ اقعد بس
بدر : (قعد جنب عرفه)
عرفه : بدر ** ادك نعمه امانه و كانت جدك بس ليه راي تاني في عمرها بدر يابني ** استرد امانته بليل الفجر

صدمه و صمت و مفيش صوت بعد كلمه عرفه بدر شاف في وشه سواد و قبر مفتوح بدر شاف الموت و لمسه ايوه يا عزيزي احنا بنلمس الموت و احنا عايشين في الدنيا ايوه بنشوفه و نعيشه لما الموت يجي علشان ياخد حد غالي علينا اب ام جد جده خال عم اخ اخت ابن ابنه حفيد حفيده الموت مش شرط موتك انتا يا صديقي لا موت شخص عزيز عليك برده موت ليك بيموت مع العزيز و الغالي كل لحظه حلوه عشتها معاه كل ذكره حلوه و واحشه

بدأ بدر يبكي بصمت
الجد : (بصوت رخيم) بدر
بدر : (بحزن) جدي
الجد : (بحزم) امسح دموعك و اقف مالك عيل طري صحيح جي تبكي فوق انتا كبرت علي البكا فز قوم غسلني و كفني و صلي عليا و ادفني و اقف اقبل عزايا قوم فز مالك قوم ياض انا ربيت راجل وله مرا تبكي قوم و خليك فاكر انتا راجل و الرجاله تقف زي الرجاله و تلبس عبايتي عبايه جدك و جدود جدودك و تقف راجل راسك مرفوعه لا تبكي وله تنكسر قدام الناس
بدر : مش هاقدر من غيرك
الجد : ها تقدر يا ولدي ها تقدر يابن الحبيب

فاق بدر و مسح دموعه و وقف
بدر : دكتور عرفه خليهم ينقله جدي المشرحه علشانس اغسله
احمد : معلش يا بدر خليك انتا و انا و الدكتور عرفه ها نقوم باللزم
بدر : لا محدش ها يغسله غيري بعد اذنكم
عرفه : (بتفهم) ماشي يا بدر

نقله الجثمان لي المشرحه تحت و جيه مغسل علشان يشرف على بدر و هو بيغسل و ده طبيعي علشان الغسل لزم يبقي شرعي
اول ما اتكشف الجد على الحفيد تمالك نفسه بصعوبه و غسله بالدموع قبل المايه و كفنه بالشوق قبل القماش و في اللحظه دي كانت الجوامع و المكرفونات بتلف المناطق السكنيه لي اهل المتوفي بالتحديد و بند المنيا بشكل عام علشان تنادي على المتوفي حسن غفران السلامي

وصلت العمات و اولادهم و قبلهم كان واصل اصحاب المرحوم من التجار و اصحاب بدر و المعارف من العائلات الكبيره و الاعيان و طلعه بالنعش في عربيه الاسعاف لحد ما وصله لي جامع الفولي (جامع مشهور جدا في المينا و هو ضريح من الاساس و حسن كان بيحب يزور الاضرحه) اقامه عليه صلات الجناره بعد **** العصر و طلعه به على المدافن كان الغفير متبلغ و فاتح المدفن نزل بدر القبر تحت مع الغفير و اخد الجثه و نزلها تحت لي الطربي و هو رايح الميت و طلعه قفله القبر و قرأه الفاتحه و دعه لي المتوفي بالثبات عند السؤال و وقفه صف لي قبول العزاء قدام الكل و الاحفاد نصهم دمه محروق كل اللي رايح يعزي رايح لي بدر الانه المعروف وسطهم انه حفيد حسن ينزل معاه الشغل و الوكاله و مسك مكانه في اخر فتره فا الواجب الاساسي كان ليه لحد ما مشي اخر فرد غريب بص بدر لي ولاد عماته و سابهم و ركب مع حسام صحبه لحد العمار طلع فوق الشقه فتحها لي الحريم و قفل باب اوضته بالمفتاح قدام عماته و دخل اوضه الجد طلع عبائه الجد حطها عدى كتفه و طلع قدام الكل
بدر : امي
امال : ايوه يابني
بدر : كمان شويه ها يوصل بتاع البوفيه اي ضيف جي بلغيه يطلع ليكم صانيه
امال : حاضر يابني

نزل بدر وقف تحت مع عمال الفراشه لحد ما نصبه الصوان و شغله الكهربا و وصل البوفيه و بدأ شغل بردات الشاي و كنك القهوه و وقف بدر اول الصف يقبل العزاء و وره الباقي فضل في الصوان لحد اخر اليوم و الناس مشيت و طالع بدر الشقه وقفه الدكتور عرفه
عرفه : بدر تعاله شقه اكرم
بدر : دلوقتي
عرفه : معلش
بدر : طيب

اخده عرفه و راحه مكتب اكرم المحامي اللي في نفس الدور دخل جوه لقي اكرم قاعد بعد ما طلع من الصوان و معاه احمد جوز امال
بدر : خير يا عم اكرم
اكرم : اقعد يا بدر
بدر : (بص ليهم كلهم) شكل اليوم مش ها يخلص دلوقتي طيب (قعد بدر) في ايه
اكرم : في........ بس
بدر : عارف معني كلامك ايه
اكرم : اللاسف عارف
بدر : (بص لي الكل) مدركين انا داخل على ايه
احمد : انتا قدها يابني و بعدين بعد بكره اخطف رجلك لحد البنك الزراعي قفل حسابات جدك هناك
بدر : اخرها مش هنا يا جماعه لسه فوق بقي تفتكره ها يدفعه جنيه معايا
عرفه : متشلش هم الفلوس يا بدر دي ديون جدك علينا و احنا ها نسددها
بدر : ( فرك وشه شويه) طيب حضرتكم مشرفين معايا فوق لحد ما اليوم ده يخلص
احمد : معلش يا بدر انا مش ها ينفع يبقي ليا اي صفه في القاعده دي انا كلمت امك تنزل اختك و اخوك هاخدهم و امشي سامحني وجودي انا مش ها يجيب خير ابدا
بدر : طب تمام

قومت و طلعت فوق و هما معايا سلمت على سمر و ادم هما نزله و انا دخلت لقيتهم متجمعين كلهم و معاهم ولادهم
بدر : غطه راسكم معايا اغراب

دقيقه و دخل الدكتور عرفه و معاه اكرم
اكرم : البقاء.... يا جماعه المرحوم كان غالي علينا كلنا المرحوم قبل ما يموت بمده طويله اتكلم معايا بخصوص الورث و اداني امر صريح اتصرف على اساسه
كوثر : اكرم هات من الاخر
اكرم؛ احم طيب الحج حسن طلب مني عقود عقود بيع و شراء اخلصها لي املاكه الحج كان مقسم ورثه قبل ما يموت و قالي ان محدش ضامن الدنيا و عايز ادي كل واحد حقه
نوال : حلو بص يا اكرم الورق اللي عمله الحج.... يرحمه نلغيه و نعمل ورقنا بالقسمه بتعتنا يعني انا عايزه العماره اللي ساكنه فيها و جنينه الطريق الصحراوي و الوكاله شوفه انته بقي انا كده راضيه بنصيبي و مش ها تكلم عن حساباته في البنوك انا كده راضيه
كوثر : راضيه ايه عايزه تاخدي ده كله العماره و جنينه الصحراوي و كمان الوكاله لا الوكاله دي انا اللي ها خدها
نوال : (ردحت ليها) نعم يا عين امك وكاله ايه اللي تاخديها تفهمي ايه انتي ايه في التاجره علشان تدوري وكاله الحج حسن السلامي على سن و رمح
سوسن : يا ام تامر يا ام شهد
نوال : عايزه ايه ياختي ده انتي كنتي شافطه ابويا و هو عايش انتي و عيالك
بدر : (فزع بصوت عالي) باااااس

الكل استغرب انه بيتكلم اساسا
بدر : يا ولاد عماتي اللي مش عايز فيكم يسمع امه بتتهان من اخته علشان احنا لسه مبدأ ناش يتفضل يستنه بره الصالون و ده مش طرد علشان بس محدش بيحب يسمع امه بتتهان من اختها قدام اغراب
كل واحده منهم شاورت لي عيالها يطلعه و قفله الباب
نوال؛. انتا قاعد ليه
بدر : قاعد ليه!!!
كوثر ؛ ايوه ايه فاكر ان ليك حق في ورث تبقي عبيط ابوك مات و ابويا عايش يعني انتا متورثش فيه (حقيقه يا عزيزي ده الشرع)
سوسن : كوثر اهدي في ايه بدر ابن اخوانا و مش ها نسيبه اكيد
كوثر؛. طبعا مهو هو كان يسرق من ابويا و يديكي انتي و عيالك و جوزك العاطل
سوسن : (اتجرحت من كلام اختها) كده يا كوثر بتعيريني انا اختك
كوثر : و اديكي بالجزمه كمان اسمع ياكرم الوكاله و الهايبر و تجاره ابويا محدش واخدها غيري ده حقي انا و إلا عليا و على اعدائي
اكرم؛. طيب ممكن اكمل الوصيه و شوفه قسم ابوكم لو معترضين عليها نتكلم و نوسطن الامور
نوال : كمل
اكرم؛. طيب الحج كان واخد قروض كتير جدا بظمان العمارات و الارضي كمان كل حاجه عليها ديون ورثكم ديون جماعه من بعضكم كده مبلغ مليون و نص خده إفراج عن الاملاك و بعدها خده حقكم
كوثر؛. وله جنيه و بعدين ازي عليه ديون و هو عنده فلوس في البنك
اكرم : الحج مكنش عنده جنيه في البنك
نوال : و انا معايا منين
كوثر : انا محلتيش حاجه غير معاش المرحوم و لو على كم حته صيغه دي فا دي فلصه دهب صيني ملهوش قيمه
سوسن : (بص لي اخواتها بستغراب هما ها يعرفه يدبره نفسهم كل هيا عندها جوز سكري و عاطل و دلوقتي شهريه ابوها اتقطعت معاش اي مصادر لي الدخل نهائي)

الكل اجمع انهم مش ها يدفعه
اكرم : (بص ليهم كويس) طيب من الاخر كده الحج حسن كان عارف بالكلام ده و قالي اكرم لو وافقه يدفعه و خلصه الدين ياخده حقهم في الورث و تقطع الورق اللي معاك بس انته رفضته و شاهد عليكم الدكتور عرفه قدامكم اهو دكتور عرفه تشهد انهم رفضه
عرفه : اشهد بالحق انهم رفضه
اكرم : طيب الحج قبل ما يموت طلب مني اكتب عقود بيع و شراء لكل املاكه و كتبهم بأسم بدر حبيب السلامي

ثوره يا عزيزي من الصوت العالي و السب والشتم في بدر
نوال : ايوه كده بان على حققتك يا حرامي مضيت الراجل على حاجته
كوثر : ابويا كان مجنون و خرف في اخر ايامه
سوسن : عيب اللي بتقوله في حق ابوكم
كوثر : اسكتي يا بت
العمة حنان : انته مطبخنها مع بعض (بصت ليا) انتا قتلته بقي بعد ما بصمته على العقود و هو نايم اكيد ابويا مش ظالم
بدر : قتلته انا وله انته لما قولته ليه ها نرفع عليك قضيه حجر انته اللي قتلتوه بجحدكم عليه و رميتكم ليه تعرفه ايه انته عن ابوكم تعرفه كان مريض بأيه انا انا اللي شلته من و انا عيل لما تعب و كبر انا كنت عكازه و دلوقتي مش عايزن تدفعه دين ابوكم الميت اللي مش ها يتحاسب قبل ما ديونه تخلص (ايوه يا عزيزي المتوفي و عليه ديون يتم تسددها لسبب واحد الميت يقف حسابه لحد ما دينه ينقضا)
حنان : تبقي قتلته انا هارفع عليك قضيه و اطلب فيها الطب الشرعي
بدر : لالا طب شرعي يشرح جثته انته مجانين لو علي الورث كل واحده تاخد حقها بس طب شرعي لا
حنان : يبقي قتلته
بدر : يعني علشان مش عايزكم تبهدله ابوكم بالتشريح تقوله قتلته طيب اخبطه دماغكم في الحيط محدش ليه عندي حاجه و روحه مكان ما تروحه و اللي بتتكلم عن التجاره الوكاله و الهايبر ده من فلوس ابويا انا و تعبه و شقاه انا اللي بغامر بيها و لو على ديون ابوكم فا هيا كانت ٣ مليون جنيه انا و هو دافعين نصها لو على الحق فا انا الوحيد صاحب الحق هنا محدش فيكم كان جنبنا لقمه بعملها شغل و اشتغلت و تنضيف و كنت بنضف و مراعي جدي لكن انته لا ابوكم مفيش واحده فيكم بعتت ليه لقمه وله غسلت ليه طبق وله حتي غيار عندكم حل من الاتنين يا تطلعه بره دلوقتي بكرامتكم يا تطلعه بره بعد ما ابلغ عنكم
اكرم : (طلع ملف) و دي نسخ تثبت ملكيه بدر لي املاك الحج ابعتوها لي المحامين بتوعكم و لو فيها ثغره قدموها في المحكمه

حط اكرم الورق على التربيزه قدامهم و مستني يشوف مين ها ياخده اخدته كوثر و طلعه كلهم اخده عيالهم و مشيه قعد بطلنا مهموم و حاطت ايده على دماغه ها تنفجر من كتر المشاكل اللي حصلت واللي جايه
اكرم : بدر فوق معايا
بدر : ها
اكرم : اشهد يا دكتور اسمع يا بدر لو اتصرفت من دماغك تاني ها خسرك
بدر : اتصرف من دماغي في ايه
اكرم : عرضك ليهم ياخده نصبهم بس من غير ما يرفعه قواضي
بدر : اعمل ايه
اكرم : (بغضب) تسكت و متتكلمش انتا ورط نفسك اكتر لو كان عندهم شك دلوقتي بقي تأكيد دول مش ها يسبوك ابدا
بدر : لا ياخده الورث كله بس محدش يقرب من جدي
اكرم : جدك مات و لو على الورث فا ده حقك انتا مش حقهم هما و انا شاهد على كده شاهد على وقفتك مع جدك نزولك كل يوم على مدار ١٠ سنين سانده من ايده شاهد على وقفت في البلكونه و انتا شاب راجل بينشر هدوم شاهد على مسحك الشقه دي كل يوم جمعه شاهد على جريك به على المستشفي و الدكاتره و الادويه دي شاهدتي فيك ده حقك
عرفه : بدر يابني اكرم بيتكلم صح و بعدين حتي لو سبت ليهم كل حاجه ها ياكله بعض في بعض لكن كده مش ها ياكله في بعض ها تقبل ان ابن واحده فيهم يقتل ابن التانيه علشان امه سخانته علي الورث
بدر : يعني اقبل و اقول ايوه
اكرم : معندكش حل تاني انتا مضيت على ورق البيع و الشراء مكنش في ورق شراكة اصلا
بدر : ازي مفيش
اكرم : هو في ورق شراكه بقي دوسيه كامل عقد الشراكة بيكون ورقه نسختين و بس اسمع عقودك موثقه في الشهر العقاري اللي يقرب منك حط صباعك في عينه
عرفه : يله يا اكرم نسيب بدر يرتاح النهارده
اكرم : يله يا دكتور (كلم بدر) لو احتجت اي حاجه كلمني فاهم
بدر : حاضر

قام بدر معاهم وصلهم لي الباب و قفل وراهم و قعد يبكي لحد ما امه طلعت بطل بكاء و قام دخل اوضته و قفل على نفسه و قعد يبكي لحد ما غلبه النوم صحي الصبح على صوت كركبه قام لقي امه بتنضف الشقه
امال : معلش بدر صحيتك بس البيت لزم ينضف علشان الناس ها تيجي تعزيك
بدر : لا انا كدة كدة كنت هاصحي بدري
امال : ثواني اعملك تفطر مأكلتش حاجه من امبارح
بدر : لا مليش نفس
امال : مينفعش يابني كده ها تقع من طولك حرام ها تموت نفسك وره
بدر : (بحزن) اللقمه ملهاش طعم من غيره
امال : معلش يابني معلش ها تعمل ايه امر **** مش ها نعرف نغيره ده قدر ها عملك فطار

دخلت المطبخ و بدر قعد في الصاله باصص لي الكرسي اللي كان الجد بيحب يقعد عليه و بدر حس انه لسه قاعد قدامه بدر مكنش متخيل انه يفقد حسن ابدا بس تأتي الرياح بما لا تشتهي السفن رجعت امال بالفطار
امال : عرفه ان ملكش نفس بس معلش كل لقمه كده تسند نفسك بيها علشان تعرف تقف على رجلك
بدر : حاضر يامي

اكل بدر بس مش العادي قليل و قام دخل الحمام اخد دش و غير هدوم النوم و عمل كبايه قهوه و دخل الصالون ولع سجاره و قعد و بدأت الناس تيجي تعزي في البيت يقعده يسمعه ربع و ياخده واجبهم و يمشه لحد ما خلص اليوم و اليوم جر يوم و زي اللي قبله مفيش فرق ناس جايه تعزي و تمشي و خلصت الثلاث ايام و خلصت فتره الحداد لحد كده و رابع يوم صحي من النوم بدري على المنبه قام دخل الحمام اخد دش و غير هدوم النوم و طلع بره دخل المطبخ و بدأ يعمل فطار ليه و لي امه دخل صحاها و قعده يفطره مع بعض
بدر : بقولك ايه اعملي حسابك ترجعي النهارده
امال : و اسيبك ازي
بدر : معلش يا ماما ها كون مرتاح اكتر و بعدين في كده كدة ها ترجعي و ها قعد لوحدي مفيش جديد
امال : طيب ما تيجي تقعد معانا و غلوتك عندي عمك احمد ها يفرح اوي
بدر : متعودتش اجي عندكم و اعيش و بعدين اهله يقوله ايه جايب ابن مراته يأكله و يشربه في بيته
امال : احمد بيعرف يحط حد لي اهله و مش بيدخلهم في حياتنا
بدر : بلاش هما ها يقبل جوزك اني احط ايدي في جيبي و اطلع احط في مصروف البيت اكل و شرب و فواتير كهربا و مايه
امال : و تصرف ليه
بدر : علشان انا مليش اي صفه اني اقعد في بيته اكل و اشرب و انام على قفه امي ابنك مش نطع بعد اذنك ارجعي لي جوزك و بيتك عندك بنت داخله جامعه و عيل صغير ركزي معاهم محدش ضامن الدنيا و انا كبرت و شوفت الدنيا و اعرف افرق بين الصح و الغلط ابنك عياره مش ها يفلت
امال : انا عرفه انك عاقل بس مش عايزه اسيبك لي الوحده ها تقتلك
بدر : و مين قال اني لوحدي انتي ها تروحي فين الشغل ها يروح فين الشقه مش ها طلعها غير على النوم مش اكتر متخفيش عليا يا امي ابنك راجل يعرف يعيش حياته صح من غير غلط
امال : طب تيجي تتغدا معانا النهارده
بدر : لا لو علي الغدا يا ستي اطلبيهم نتغدا مع بعض هنا و ها سيبك تطبخي مش ها طبخ انا
امال؛. خايب مش بتعرف تطبخ
بدر؛. اجي في طبخك ايه بس يا عسل انتا
امال : ماشي يا بكاش
بدر : انا نازل اشوف شغلي
امال : ينصرك و يحفظك و يبعد عنك ولاد الحرام
بدر : امين

سابها بدر و نزل من الشقه على السلم قابل اكرم لسه واصل المكتب
بدر: صباح الخير يا عمي اكرم
اكرم : صباح النور يا بدر رايح فين كده
بدر : نازل افتح اشوف اكل عيشي
اكرم : (ابتسم لي بدر) ايوه كده ارجع بدر العماره مضلمه بقالها ثلاث ايام
بدر : اللي منورها مات
اكرم : اللي اسمهم ممدود في الدنيا مش بيموته يابن السلامي يله انزل شوف رزقك

اتفتح باب الشقه المقابله و طلعت منه الدكتوره داليا
داليا : ايه ده بابلو مره واحده صباح الفل صباح الفل يا عمو اكرم
اكرم؛ صباح الخير على عروستنا
بدر : صباح الفل يا دكتور
داليا : رايح فين كده
بدر : نازل الوكاله انتي نزله بدري يعني
داليا : الواد اللي شغال معايا مجاش يفتح النهارده نزله انا
بدر : طب تعالي اوصلك
داليا : توصلني فين ده انا في العماره اللي في الوش بتعتكم
بدر : تصدقي انا غلطان اني ها نزل و ارفع الباب بدل ما تتعبي
داليا : لا يا حنين مش ها تعب
اكرم : هههههه لسه ناقر و نقير انزل ياض انتا و هيا خلوني ادخل اشوف اشغالي يله
بدر : يله علشان بنطرد
داليا : يله

نزله الدور الاول و باب شقه اتفتح و طلعت منه ست كبيره في السن و هيا ام سامر صاحب بدر و في ايدها كيس اسود فيه القمامه
ام سامر : صباح الخير يا بدر يابني عامل ايه
بدر : بخير يا خالتي انتي عمله ايه كويسه
ام سامر : ايوه كويسه صباح الخير يا دكتوره
داليا؛. صباح الخير يا ست الكل عمي ابو سامر عامل ايه
ام سامر. :بخير يا حببتي
داليا : بياخد الدوا
ام سامر : ها اه بياخده انا بدهوله بنفسي
داليا : يبقى العجوز مش بياخده مانا شرطه الادويه في العماره دي بلغيه بقي اني جايه النهارده بليل ازوره و اديله الدواء بنفسي اكيد بعد ما خلصه مرضيش يكرره عرفه غلباوي بس انا ها جيب الدوا و اجيله بس حضري معلقه حلوه كده علشان اجري وره بيها
ام سامر : (كتمت ضحتها مراعه لي حاله الوفاه عند بدر) ملهوش لزم
داليا : لا طبعا ليه لزمه هو احنا عندنا بركه غيره
ام سامر : **** يكرمك يا بنتي
بدر : يا خالتي سامر بعت حواله من بره في اليوم اللي تعب فيه جدي سامحيني معرفتش اسحبها علشان الموته و كده معرفتش اتحرك فا سامحيني ها سحبها النهارده و اجيلك تحبي اجبلك حاجه
ام سامر : مش عايزه اتعبك يابني
بدر : و لو يا خالتي تعب ايه بس ها تسوقلك و اجيلك النهارده
ام سامر : مش عايزه اتعبك
بدر : يا حجه بلاش الكلام ده انا زي سامر يله صباح قشطه

نزلت انا و داليا طلعت من العماره و عديت معاها الطريق لي العماره التانيه بتعتنا برده بس فيها كم محل كده الحج تفاوض مع المستأجر القديم دفع ليه فلوس و طلعه و عرفه اخد محل منها إيجار علشان يفتحه صيدلية لي بنته و متكونش بعيده عن عينه برده اخد بدر المفتاح فتح الاقفال و رفع الباب لي داليا
داليا : شكرا يا بابلو
بدر : بقولك ايه عايز اعدي عليكي اصفي حساب جدي بتاع الادويه و اشوف حساب ابو سامر
داليا؛. حساب مين يا بدر جدي حسن كان جدي و اكتر كمان اكتر منك انتا نفسك و بعدين ابو سامر يبقى ابو اخونا سامر ده متربي معايا من و انا صغيرة
بدر : معلش الديون لزم تتقفل بتاعت جدي و كده كدة سامر باعت فلوس من بره فا بعد اذنك اهله مش محتاجين شفقه من حد و اخر مره هو دب معايا خناقه بسبب الموضوع ده و زعل معايا انا و اخوكي
داليا : هو بيكلمك
بدر : ايوه
داليا : طيب يا بدر ماشي
بدر : اسيبك انا اشوف اكل عيشي سلام
داليا : سلام

عده بدر الشارع تاني دخل الوكاله وسط تعازي الموظفين
داليا دخلت الصيدلية و طلعت تلفونها و اتصلت
داليا : الو يا سامر
سامر : داليا حببتي مش ها قدر اتكلم دلوقتي علشان داخل الجريده
داليا : و دي الشغلانه الكم بقي
سامر : (اتعصب عليها) الثالثه يا داليا الثالثه و لو حتي المليار مش مهم عندي
داليا : و صحتك (برجاء) ارجع
سامر : مش مهم عندي كل ده اسمعي انا مش راجع مصر نهائي غير لما ابقى حاجه
داليا : انتا حاجه
سامر : انا وله حاجه و انتي عرفه كده كويس انا ببني نفسي يا داليا ببني نفسي علشان اعرف ارجعلك
داليا : بالوضع ده ها ترجع ليا ميت
سامر : (سكت شويه و قال) مش مهم المهم اني حاولت

قفلت مع سامر و الدموع في عنيها و قلبها مجروح بسبب حبيب الطفول (عزيزي سامر اكبر من بدر و حسام بكتير بس اتربه مع بعض جيران و اصحاب و حبايب كمان)

عند بدر
قعد على المكتب و قدامه شكري
شكري : (طلع فلوس) خد دول عدهم
بدر : (اخد الفلوس و عدها) دول حساب
شكري : الهايبر (طلع فلوس تانيه) عد دول
بدر : (عد الفلوس) و دول حساب الوكاله طيب (عد فلوس تاني و طلع لي كل موظف الف جنيه) امسك دول وزعهم على الوظفين دي عديه من الحج حسن.... يرحمه
شكري :..... يرحمه

فتح بدر الدرج و طلع منه ورقه و كانت ورقه مطبوعه معموله في مطبعه على اساس انها ورقه سحب من البنك و فيها رقم حساب وهمي و اسم بدر و اسم سامر و مبلغ وهمي كمان
جاب قلم دوكو ابيض (قلم الدوكو قلم زي الفولوماستر كده بس بطلع لون ابيض زي الكوركتور بس ده مش بيبان) حط نقطه في خانه التاريخ و عدله لي تاريخ قبل الوفاه و عدل تاريخ السحب لي اليوم اللي هما فيه و عدل خانه المبلغ و كتب فيها احدا عشر الف جنيه مصري فقط لا غير
بدر : يا رضا
رضا : (واحد من الموظفين) ايوه يا استاذ بدر
بدر : الجزار اللي في العماره اللي جنبنا فتح
رضا : ايوه
بدر : طيب تروح تجيب من عنده ثلاثين كيلو لحمه و تقف على دماغه اوعا يحط حاجه فيها شغت او دهن تركز معاه
رضا : عيني يا استاذ بدر
بدر : تقوله يحط عشره كيلو لوحدهم و العشرين التانين مع بعض و تروح لي بتاع الفراخ تجيب منه خمس اجواز فراخ وزنهم ميعديش وزنهم ٩٠٠ جرام و يقطعهم ارباع و تجيب من عنده خمس اجواز فراخ بس بلدي فراخ بلدي و تخليه ينظفهم كلهم و اداي الفلوس خلص معاهم قبل ما شده الشغل تبدأ
رضا : حاضر يا استاذ بدر (طلع رضا من الوكاله)
بدر : يا عم شكري
شكري : ايوه يا بدر
بدر : عايزك تجيب لفه سكر و لفه رز و لفه دقيق و كرتونه زيت و لفه شاي و خمس اكياس مكرونه كيلو مشكلين و تجيب الحاجات دي بس مش اللي عليها اسم حاجتنا ماشي تحطها هنا هاوصل لحد السوق اجيب الخضار و ارجع
شكري : خليك و ابعت حد من الشباب
بدر : لالا عايز امشي رجلي شويه
شكري : ماشي يابني اللحق اتحرك علشان ترجع بدري قبل دوشه الشغل
بدر : ماشي

اتحرك بدر و اتمشا لحد اول الشارع و دخل السوق اشترا الخضار طماطم و خيار و فلفل و بطاطس و بتزنجان اتسوق من كل حاجه و جاب فاكهه الموسم و جاب من كل حاجه اتنين و اخد الاكياس و وقف تاكسي علشان اكياس كتير مش ها يعرف يمشي بيها كلها و رجع الوكاله تاني دخل الحاجه و جاب اكياس سوداء و حط فيها البقاله مرضيش يحطها في اكياس المحل عنده و قعد اتصل على حسام صحبه
حسام : الو يا بدر انتا كويس
بدر؛ . زي القرد انتا نايم
حسام : ايوه كنت نايم
بدر : نايم ايه احنا الضهر يابني
حسام : نمت متأخر
بدر : طيب اللبس و انزلي الوكاله عايزك
حسام : ماشي اغسل وشي بس و انزلك
بدر : طيب

قعد بدر يحسب الحجات اللي اشتراها بكام و طلعت حسبه الف جنيه كتب حسابهم في ورقه و فتح الدرج طلع منه ١٠ الف جنيه و استكهم كويس و قفل الدرج تاني بالمفتاح و نزل حسام من فوق
حسام : صباح الخير يا بدر
بدر : صباح النور يا سيدي ايه ها تنام بس مش تدور على شغل يابني في الاجازه
حسام : بدر فكك انا شبعان الكلام ده من عمك عرفه فا كبر دماغك مني
بدر : ياعم بدماغك مش بتعتي بس ابوك مش ها يصرف عليك كتير ها تتخرج و تدخل جيش و بعدها ها يقولك مع نفسك يا حلو
حسام : كده كده بعد ما اتخرج ابقي اشوف وزاره الخارجية
بدر : ماشي اعمل حسابك ها نطلع نزور ام سامر كمان شويه بقالك من يوم ما سافر سامر و انتا مدخلتش بتهم من اربع سنين
حسام : اطلع اعمل ايه
بدر : ها تطلع معايا انا سامر بعت فلوس من بره قبل موت جدي و لسه ساحبها النهارده هاطلع اطلعها و ازورهم و اديهم طلبات البيت
حسام : بعت فلوس وله انتا
بدر :حسام انا و سامر واحد و بلاش تندمني اني احكيلك حاجه
حسام : يا عم مش قصدي كده بس لما الواد ملطشه معاه كده بره ما يرجع احسن و يشوف زفت هنا
بدر : هو دماغه جايه في بره ملناش دعوه
حسام : يا عم ماشي

دخلت ست اسمها سعديه ست فلاحه رافعه قوطه فوق دماغها
سعديه : ساالخير
بدر : سالنور يا ست سعديه اخبارك
سعديه : بخير يا بدر يا ولدي وه فا عم الحج مش قاعد الصبحيه يعني
بدر : (تنهد) الحج **** افتكره يا ست سعديه
سعديه : يا ندامه ابا الحج مات
بدر : ايوه
سعدية : (بحزن) **** يرحمه يا ولدي شد حيلك البقيا في حياتك
بدر : حياتك البقيا
سعديه : سامحني يا ولدي قلبت عليك (بكسوف) يله قولت اجاي اسلم على ابا الحج بس مليش نصيب استأذن انا اشوف رزقي (لفت تمشي)
بدر : جري ايه يا ست سعديه استني
سعديه : عايزه اللحق السوق يا ولدي
بدر : (بص ليها و ابسم و قالها نفس كلمه الجد حسن اول كل شهر لما يشوفها) قليلي في القوطه ايه من خير البلد
سعديه : يوه كل خير يا ولدي معايا بيض و سمن و و لبن بقري و لبن جموسي و جبنه بلدي و قريش و شويه نعناع
بدر : شامم ريحته طيب يا ست الكل طلعيهم كلهم لي الشقه فوق ها تاخدهم منك امي و انزلي علشان احاسبك
سعديه : القوطه كلها
بدر : ايوه (مسكت كيس) و خدي الكيس ده هاتعبك تديه لي الحجه فوق
سعديه : تعبك راحه يا غالي

اخدت كيس اللحمه و طلعت به
بدر : (رفع سماعه الارضي اللي موصل على خط واحد لي الشقه فوق و داس علي زرار رن التلفون فوق و رفعت السماعه امه) الو
امال : ايوه يا بدر
بدر : في ست فلاحه طالعه ليكي فوق معاها قوطه و كيس اسود خديهم منها و حطيهم في الثلاجه القوطه فيها خير من البلد و الكيس في لحمه انا قاطعها (اتكلم بصوت واطي) تقطعي كيلو احمر و تحطيه في كيس و تديه ليها و الباقي تقطعيه كيلوات تحطي كل كيلو في كيس لوحده و تلمي عشر اكياس تحطيهم في كيس واحد
امال : حاضر يا حبيبي
بدر؛. سلام (قفل معاها)

قام بدر طلع كيس اسود و دخل الهايبر جاب كم كيس رز على شويه سكر و شاي و طلع بره استنه الست سعديه لحد ما نزلت
بدر : ها يا ست سعديه حسابك كام
سعديه : خلي يا ولدي
بدر : و لو ده حقك
سعدية : (بحياء) ٣٠٠ جنيه
بدر : (طلع من جيبه ٣٠٠ جنيه) اتفضلي
سعديه : (اخدت الفلوس) **** يرحمك يا ابا الحج خيرك واصل و انتا حي و انتا ميت ربيت و كبرت راجل زيك
بدر : ادعيله و اوعي تقطعي العاده بنحب نتنسم بريحه البلد
سعديه : تتنسم في الجنيه يا ولدي
بدر : امسكي الكيس ده
سعديه : كتير يا ولدي كفايه كل ده
بدر : مفيش كتير عليكي يا ست سعديه ده خير المرحوم مش من خيري ابدا
سعديه : (اخدت الكيس و بصت لي بدر بمتنان)
بدر : اوقفلك تاكسي

شاور لي تاكسي ركبت فيه و عرف التاكسي انه ينزلها عند موقف المنيا و حاسب التاكسي و مشي
دخل بدر الوكاله لي حسام
بدر : يله يا حس
حسام؛. يله (و رايح يمشي)
بدر : خد تعاله رايح فين
حسام : ها نطلع
بدر : نطلع فين شيل الاول
حسام : لا شيل انتا انا تعبان
بدر : يلاا ها ضربك شيل معايا خدام ابوك انا
حسام : خلاص ياعم اهو شايل

أخده الاكياس كلها و طلعه الدور الاول
بدر : خليك هنا هاطلع الاكياس دي فوق و انزل
حسام : تطلع فين
بدر : ياعم دي طلبات البيت عندي انا ها طلعها و انزلك (رجع بضهره لي وره رن الجرس من غير ما حسام ياخد باله) بص دقيقه اقفها هاديهم لي امي من على الباب
حسام : يا بدر
بدر : اسمع مني بس

سابه و طلع فوق جري و وقف حسام و الباب اتفتح لقي بنت من وره الباب مده راسها شويه و لفه الطرحه فوق دماغها شافها حسام و استغرب هيا مين
بنت : انتا مين
حسام : انتي اللي مين
بنت : احنا ها نستظرف يا استاذ وله شكلك شارب على الصبح
حسام : شارب انتي مين يابت انتي
بنت : بت لما بتك ما تتلم يلاا
حسام : يلاا!!!!!
بنت : ايوه يلاا لما تكون طول بعرض كده و مسطبح الصبح تبقي يلاا بلاش ترن الجرس تاني بدل ما اطلع اعلق اهلك هنا غور ياض

قفلت الباب و حسام اتعرض لي صدمه بكل ما تحمله الكلمه من معني الواد اتغسل و اتنشر على اوسخ حبل غسيل
نزل بدر وقف جنبه
بدر : انتا لسه بره وله ايه محدش رد عليك
حسام : انا اتمسحت بكرامتي الارض يا بدر حتت عيله بشنب طولها ١٥٠ سم طلعت مسحت بكرامتي الارض و دخلت
بدر : بت مين
حسام : و حيات امي معرف
بدر : ازي

رن الجرس و اتفتح الباب من نفس البت بس كان في وشها حسام و هيا مرجعه الباب فا مشفتش مين بره كويس غير حسام
بنت : يلاا يا مسطول مش قولتلك لو رنيت الجرس تاني هاطلع اعلق اهلك وله انتا عايز تتهزق
بدر : بت يا ندي
ندي : (بصت جنبه لقت بدر) عايز ايه علي الصبح و شوف البتاع ده جي يتلزق فينا
بدر : بتاع ايه ده حسام
ندي : حسام حسن يعني مقرر علينا وزير حضرته ايوه حسام مين
بدر : حسام صحبي
ندي : اذا كنت انا مش بطيقك اطيق اصحابك جايبه ليه هنا
بدر : يا هبله ده حسام اخو داليا
ندي : (بصت ليه من فوق لي تحت بزدراء) ده
بدر : ايوه ده
ندي : الهلف ده
حسام : ما تتلمي يا بت بدل ما المك
ندي :تلم مين ياض انا لحد دلوقتي محترماك
حسام : كل ده
ندي : ايون انتا متعرفش الوش التاني
بدر : يا بت ندمي امك جايبلها طلبات
ندي : ثواني ابلغها

قفلت الباب في وشهم و حسام لف وشه نحيه بدر بصدمه لفي بدر لفف وشه النحيه التانيه و بيبص على دهانات السلم و بيصفر عمل من بنها يا عزيزي من الاخر
لحد ما ام سامر فتحت الباب ليهم بكل ترحيب
ام سامر : (بترحيب شديد) يا اهلا وسهلا يا ولد اتفضله نورته البيت كله اتفضله اتفضله

دخلتهم الصالون و هنا بقي يا عزيزي يظهر الفرق بين بيت فيه اتنين ستات و بيت فيه اتنين رجاله طبعا رغم الوضع المادي الصعب لي اسره سامر و لكن البيت نضيف و مرتب و متروق مفيش عفش مهترء وله مكسر بالعكس البيت مظبوط بالملي ايوه الفرش قديم بس مهتمين به كويس اوي

دخله الصالون و نزل حسام الاكياس
ام سامر : عامل ايه يا حسام ليك واحشه يا حبيبي مش بتيجي تزورني ليه يا واد
حسام : معلش يا طنط مشاغل
ام سامر : **** معاك يا حبيبي
بدر :بصي يا ست الكل (طلع ليها ورقه صغيره) دي ورقه الحساب رجعيها
ام سامر : (قطعت الورقه) ده كلام يا بدر يابني عيب يا واد ده انا مربياك على ايدي دي امك كانت خايبه مكنتش بتعرف تغيرلك
حسام : ههههههه
ام سامر؛. بتضحك على ايه يا واد المرحومه امك كانت دكتوره فنفسها شويه برده مكنتش بتعرف تغير دكتوره ***** ازي دي مكنتش عرفه
بدر : هههههههه
ام سامر : واحشني يا ولد بجد مش ناقص بس غير ان الغايب يرجع
بدر : و غايب ليه بقي مش احنا مكانه وله قصرنا لو قصرنا قولي يا خالتي متتكسفيش احنا ولادك (طلع من جيبه الظرف) اتفضلي (و اداها الوصل) و ده وصل الحواله
ام سامر : معلش يابني تعباك معايا انا قلتلك افتحي حساب في البتاع اللي اسمه البنك ده علشان اروح انا بدلك
بدر : و هو انتي مربيه رجاله ليه غير علشان حاجه زي دي
ام سامر : تسلمه يا ولادي

دخلت ندي بعد ما لبست عبايه استقبال و في ايدها صينيه عليها ببسي و حطهم على التربيزه و قعدت
ندي : اتفضله
ام سامر : عيب يا بت قدمي الحاجه
ندي : اقدم ايه حتي انتي ده بدر عايش معانا هنا
بدر :. مقبوله منك يا قمر ماشي
ندي : ايه ياض الحجات اللي جايبها معاك دي جاي تطلب ايدي وله ايه اخيرا بقيت راجل و ها تدخل البيت من بابه
بدر : انا اقدر على مهرك يا وحش
ندي : وله تقدر
ام سامر : تعبت نفسك يا بدر كنت ها نزل ندي السوق تجيب الطلبات
بدر : تنزلي مين يا حجه دي عروسه متنزلش تجيب طلبات و بعدين احنا صعايده معندناش حريم تنزل السوق
ندي : اهي يابا العمده
بدر : يا شيخ الغفر

و ضحك الاتنين
بدر : و بعدين تنزل تتعاكس اروح اسوق اصور قتيل يعني
ام سامر : تتعاكس ايه ام لسان اطول منها دي
بدر : طبعا تتعاكس ايه يا طنط انتي عندك بطل في البيت هههه
ندي : ولاا ها ضربك
بدر : خلصانه يا وحش
ام سامر : بس الواد سامر باعت فلوس كتير المره دي
بدر : لا مانا مش شغال عندكم تمشروني علي البنك كل يومين خليته يبعتهم و انا جمعتهم على بعض و سحبتهم
ندي : (بصت على الوصل بحناكه) ايه ده ده بالجنيه هو بيقبض بالجنيه
بدر : جنيه ايه بس يا حجه ده في إيطاليا
ندي : طيب فين اليورو
بدر : ها (نغز حسام براحه من غير ما حد ياخد باله)
حسام : اكيد فكهم في السوق السوداء علشان يستفيد من سعر العمله العالي
ندي : هو في سوق سودا في إيطاليا
بدر : هو في سوق سوداء في إيطاليا
حسام : اكيد دي مافيا
ام سامر : (بخضه) يا لهوي ابني بيتعامل مع المافيا
بدر : ايوه مافيا و سلاح و مخدرات و عبيد
ندي : سلاح و مخدرات
بدر : بالنسبه لي عبيد عادي عندك
ام سامر : يا لهوي
بدر : ياما نصحته يبعد عن السكه دي و اقوله يا سامر مش مهم الفلوس مش مهم و هو يقولي لا الفلوس مهمه و تجاره العبيد بتجيب
ام سامر : (صدقت شويه و بعدها ديقت عنيها بشر و رفعت الشبشب) يابن الجزمه
بدر : خلاص مش ها هزر تاني بس بلاش الشبشب
ام سامر : (لبست الشبشب من تاني) ماشي يابن السلامي
ندي : يا بدر عايزه منك خدمه في الجامعه
بدر : رقبتي ها نخطف انهي دكتور الدكتور عبد السلام مش بحبه بتاع الاقتصاد الدولي مش نزلي من زور
ندي : وله انا بس مش ده
بدر: مين يعني
ندي : عايزك تيجي معايا و انا بدفع المصاريف علشان الامن بيرخم عليا
حسام : انتي معانا في الجامعه
ندي : (بسأله) خليك في حالك (كلمت بدر) امين
بدر : امين يا كبير نولع في الأمن كلهم و في الجامعه و الدكتور عبدالسلام
ندي : اشطا قوينا الشر
بدر : (ابتسم و قام) استأذن انا علشان انزل الوكاله
ندي : احسن برده انزل وكاله البلح بتعتك
بدر : ماشي (مد ايده ياخد كبايه الببس)
ندي : و حيات امي يا بدر لو شربت كبايه الببسي لا انفخك سيب الببسي
بدر : خلاص ده انتي طفسه
ام سامر : يا جزمه
بدر : جري ايه يا ست الحجه سبيها على راحتها هو انا غريب ده هيا مدمنه ببسي قرب يجلها هشاشه عضام
ندا : ملكش دعوه
بدر : ماشي يا عسليه يله يا حس
حسام : يله
ندي : متجوش تاني بقي

سلمه على ام سامر و مشيه نزل بدر الوكاله و معاه حسام و حسام سرحان
بدر : ايه يابني سرحان في ايه
حسام : مش البت ندي دي كانت بتلعب معانا و احنا صغيرين
بدر : ايوه ايوه البت ام شنب دي اللي كانت بتقعد تضربك و لسه محلقتش الشنب ههههه (بص في الكشكول قدامه)
حسام : شنب مين يابني البت زي القمر مزه
بدر : (بص لي حسام بغضب و قرف في نفس الوقت)
حسام : (انتبه لي بدر و لنظرته ) ياعم مش قصدي
بدر : قصدك ايه
حسام :. قصدي اني حاسس ان الواحد مقصر جدا في حقهم لدرجه ان ندا دي اخر مره شوفتها فيها كان في اعدادي
بدر :. اه تمام ايوه يابني شوف عدا كم سنه
حسام : عنده حق اروح اطلع انا عايز حاجه
بدر : لا يا سيدي

طلع حسام و بدر كلم احمد جوز امه يعرفه انه ها يتغدا معاه عنده و اتغده مع بعض و قعده لحد بليل و مشيت امه بالعافيه و بعد ما مشيت فتح بدر الثلاجه طلع اللحمه اللي قال لي امه تشلها على جنب لوحدها اخد الكيس اللي فيه العشره كيلو و نزل تحت وزعهم على موظفين الهايبر و الوكاله و قفل الحساب و بعده الوكاله و رجع تاني شقته و حس بالوحده لي اول مره في حياته ليله صعبه أليمه تعدي على واحد كان متعود علي الونس حتي لو راجل عجوز و عدا مده على بدر و بيحس بالوحده اكتر و اكتر مش متعود يدخل الشقه و هيا فاضيه كده فا قرر يشتري كلب و الكللابب يا عزيزي هيا حيوانات أليفا بس حركه يعني تجري و تتنطط و تفرح بصاحبها كلب مدرب على دخول الحمام و الاكل و الشرب بمواعيد و الكلب ده خفف شويه عن بدر ان معاه روح مسؤول عنها مكنش متعود ان يعيش لي نفسه متعود انه يعيش لي الجد حسن و لي نفسه لكن لي نفسه بس دي غريبه عليه جدا عدا على موت الجد شهر
و في يوم بدر قاعد في الوكاله خلص الشغل و قفل حساباته و معاه قلبه حورس نايم في الارض فجأه حورس قام لما حس ان في حد قريب و بدأ يهوهو و بدر مستغرب و دخل اخر شخص ممكن تتخيلوه على بدر في الوكاله في وقت متأخر زي ده


يا تره مين اللي دخل الوكاله و داخل يعمل ايه و ليه حورس نبح هل لما شم خوف حد وله لما شم ريحه الخطر و اللي جاي ده حكايته ايه و شايل ايه معاه لي ابننا بدر التاجر بدر السلامي

كل ده و اكتر في الفصول القادمه من روايه التاجر انتضرونا

اول حاجة مفيش تسريع انت بتوضح الصوره وبتمهد لإحداث وبينت اكتر ان هيبقي في اكتر من حدث واحد وثاني حاجه تابين لك يا اخي بلاش كده وترجع تقولي بلاش غموض حراااااام عليك بس بجد ابدعت يا اخويا ♥️