➤السابقة
ازيكم يا اخواتي واسف جدا على التأخير ال حصل دا بس كنت مشغول جدا بالقصه ال فاتت وحاجات تانية فحياتي ويلا،، نبدأ السلسة الثالثة..............................
الجزء الأول.................................
وقفنا الجزء ال فات لما قتلت فيكتور
( بعد ال حصل فنجع العطارين بيومين)
واقف وقدامي إسراء مربوطة فكرسي فمكان تحت الارض تحت القصر بتاعي
انا : معاد موتك وصل
إسراء بتعب : مش مهم الأهم اني حرقت قلبك وضعفتك ودا اهم حاجه عندي كدا انا نفذت مهمتي
انا : بس خسرتي حياتك ال ملهاش لازمة لا عندي ولا عندهم ( وضربتها بالنار فدماغها)
كدا مين ال مات يا كاظم
كاظم : تميم وابو بكر وفارس وخاشجقي وبحر وعلى دول ال ماتوا من رجالتنا برا مصر وال جوا مات كبير بيت الأمير والشيخ صالح بس الغريبة ان عيلة الخديوي محصلهمش حاجة لا هما ولا كبيرهم
انا : هما دخلو القرية من اي جهة
كاظم : من الطريق الغربي ال بتأمنو عيلة الخديوي من برا ومن على حدود القرية جبل من العيلة
انا : راقب الاتنين لان الاتنين هما ال خانو هما ميقدروش يدخلو القرية بالسهولة دي بس عايز دليل عليهم وعايزك تعرفلي من ال هيبقا كبير عيلة الأمير وتبلغ الكل ياخدو العزا التار اتاخد خلاص
كاظم : تمام ياخويا ارتاح انتا شويه انتا ليك يومين منمتش.
انا بهدوء : مش وقت نوم يا كاظم ولازم نسرع خطواتنا شويه علشان كدا عايزك بعد ما تخلص ال قولتلك عليه تعمل.............
كاظم متفاجئ : حاضر يا محمد هنفذ
انا : تمام بس بسرعة وانا معايا معاد تاني ومش هتأخر لما ارجع عايز ال قولتلك عليه جاهز
{ على جبل الطور فسينا}
واقف موسي وانا معاه بشخصيه البروفيسور ولابس قناع
موسى 'انتا تعرف ان الجبل دا مقدس عندنا اوي
انا بهدوء : اه عارف لكن لية جبتنا هنا.
موسى :لان المعلم بيكلفك بكام مهمة جديدة
انا : وهيا اي
موسى : هتوصلك التعليمات بكل حاجه ولازم تنفذ صح لان المهمات دي هيا ال هتوضح اذا كنت تستاهل المكانة ال مخترهالك المعلم ولا لا
انا : وهيا اي المكانة دي
موسى : هتكون معانا هنا فأرض الميعاد بعد يوم التطهير هتكون من الصفوة الذهبية يا بروف وخلي بالك ان الوقت دا بدأ يقرب جدا وكل الناس عارفة دا ومحدش فأيدو يوقفوا فركز علشان تركب السفينة بدل ما تغرق فالطوفان سلام يا بروف
مشي موسى وانا قعدت شويه واقف بفكر وبعدها مشيت ورجعت لكاظم
انا؛ : احنا لازم نتحرك بسرعة يا كاظم عملت ال قولتلك عليه ولا لا
كاظم : عملت وكلهم مستنيين فأوضة الاجتماعات جوا
انا : تمام كويس جدا انتا روح وشوف موسى هيبعت ايه واول ما يبعت حاجة تقولي عليها وانا داخل ليهم جوا
لبست قناعي ودخلت اوضة الاجتماعات وكنت مركب جهاز تغيير الصوت ودخلت بهدوء
انا : بعتذر عن الطريقة ال جابكم بيها كاظم لهنا
( كان قدامي رؤساء الدول العربية كلها)
رئيس مصر : واي سبب الاجتماع دا
انا : في تحركات كتير بتحصل فالعالم الفتره ال جايه روسيا عايزه تسيطر على العالم وبتفتعل احداث كتير جدا علشان تلهي أمريكا ودولة الكيان بيها وبتضم حلفاء ليها كتير جديدة زي الصين وكوريا وغيرهم
رئيس السعودية : احنا عارفين دا وكمان عارفين ان في حركة بتحصل جوا الأراضي المحتلة بس محدش قادر يحدد ال بيحصل
انا : اقولكم ايه ال بيحصل المقاومة هتضرب قريب وواخده مساعدات كبيره مني ومن كذا مكان تاني ومنهم روسيا ودا طبعا مش هنقول موقف هيا تشكر علية لأنها برضو مش همها غير مصلحتها بس ال بتعملوا هيبقا كويس لو احنا استغليناه صح
رئيس تونس : تمام بس لازم نثق فبعض وفيك انتا على وجه الخصوص احنا نعرف انك عربي لكن لا نعرف جنسيتك ولا شكلك ودا يوضح انك مش بتثق فينا فلية نثق فيك
انا : ممكن يكون عندك حق سيادة الرئيس بس ال انا بعملو ليكم ومساعداتي الفترة ال فاتت تخليك تثق فيا انا نقذت بلادكم كتير وبدون أي مقابل وكمان اغلب حراستكم من رجالتي وبساعدكم ضد الدول ال بتكرهكم وعايزه توقعكم فأعتقد ان دي اسباب كفاية وفنفس الوقت ساعدت محمد العطار انو يكون معاكم المتحكم الرئيسي فاقتصاد الدول العربية علشان انتوا كنتوا عايزين حد عربي وثقة يبقا هوا ال ساند الاقتصاد بتاعكم ومتقلقش كدا كدا هتعرف انا مين قريب اوي بس انا بخفي وشي لاسباب تانية فمتقلقش
رئيس مصر : انا واثق فيك يا بروف ومعاك فال انتا ناوي عليه اهم حاجه بلادنا متوقعش احنا تعبنا كتير جدا علشان نوصل للاتحاد ال احنا فيه دا اي نعم هوا لسه فالسر بس مينفعش نتفكك تاني وانتا كنت السبب الرئيسي فالاتحاد دا ولا اي
(كلهم ايدوه وقعدوا سمعوا كلامي ال بقولو)
انا : دلوقتي احنا تخوفنا الرئيسي من الكيان مش من دوله الاحتلال لان الكيان هوا ال بيتحكم فيها هيا وامريكا فا احنا لازم نتحرك فوقت واحد فالنور والضلمة نضعف الكيان والدول ال معاه فالنور والضلمة بخط متوازي علشان ميقدروش يقوموا تاني احنا حربناهم الفترة الاخيرة فالضلمة بطريقة غير مباشرة الفتره الجاية لازم ننقل الحرب فالنور وقدام العالم كلو ودا دوركم
رئيس مصر : طيب وانتا هتعمل ايه
انا : الفتره الجايه لازم اهدا وابينلهم اني معاهم علشان يثقوا فيا شوية لان دول اصلا مش بيثقوا فأي حد غيرهم فلازم احاول على الاقل انهم يشيلوا عينهم من على المنظمة بتاعتي علشان اتحرك بسهولة لان انا هجمع ضرباتي فضربة واحده فلازم حربي تهدأ شويه
رئيس قطر : ازاي وانتا قولت لازم نمشي فحط متوازي
انا : هقولك احنا لعبنا معاهم فالضلمة سريع اوي وخلاهم يفتحوا عينهم فلازم ننقل اللعب فالنور شوية لان اصلا اللعب فالضلمة ومن ورا الستارة دا بتاعهم هما ومتفوقين فيه من زمان فلازم ننقلهم شوية لملعبنا علشان لما نرجع نلعب فملعبهم نكون ضامنين الفوز ولو بنسبه 60% فهمتني
رئيس قطر : فاهمك بس قولي هنعمل اية
انا : لازم نقوي اقتصادنا اكتر وجيشونا اكتر وعلاقتنا مع الدول الغربية الداعمة لينا زي تركيا وفي دول تانيه زي أفغانستان مثلا ونستغل روسيا وحلفاؤها زي ما هما بيستغلونا ونطلع على الساحة لعيبة جداد زي الأفارقة نساعدهم انهم يعلوا ويكبروا ويبقوا اقويا علشان يقفوا فضهرنا بس تحت اشرافنا وفنفس الوقت نحسن معيشتهم لأنهم طول عمرهم مهدور حقهم وال هيرجع ليهم ولو جزء بسيط من حقهم وقوتهم هيدينوا ليه بالمعروف طول العمر ودا ال عايزه تعملوا روسيا معاهم ومعانا فلازم احنا ناخد منها دا وكدا كدا هما شبههنا لا احنا هنظلمهم ولا هما هيأذونا فنركز على الحاجات دي فالوقت الحالي ومتقلقوش الدولة ال هتعترض من الغرب انا هتصرف معاها او هخلي رجالتي ال فالنور يتصرفوا أمثال محمد العطار ال انضم ليا مؤخرا علشان تعرفوا اني اهل للثقة واي حد يعرفني بيثق فيا وكدا انا خلصت كلامي لو حد عايز يقول حاجه يتفضل
قعدوا يرغوا شويه وبعدين مشيوا لغاية ما فضل رئيس مصر ( واسموا آدم وبعد كدا هقول اسموا علطول وهوا عندو ٤٦ سنة)
انا : في حاجه يا سيادة الريس عندك كلام تاني تقولو
آدم : مخلاص ياض كلهم مشيوا اقلع الهبل دا
انا : هههههههههه ماشي يعم ( وقلعت الماسك)
( آدم اصلا كان عارف اني البروفيسور من فتره من اول ما بدأت أظهر على الساحة ولانو كان صاحبي جمعتني بية معرفة قبل ما يبقا ريس واتحولت لصداقة قوية قولتوا كل حاجه وبقا معايا على الخط)
آدم : ايوه كدا شاطر عايزك فموضوع بالنسبة لكل ال قولتوا فالاجتماع دا انتا قولت انك هتأجل حربك فالضلمة صح
انا : مظبوط وبعدين
آدم :حلو يبقا تحارب معايا فالنور
انا : منا كدا كدا معاك يسطا في اي
آدم : فاهم بس انا اقصد ان محمد العطار يكون معايا ديما
انا : ازاي مش فاهم
آدم بهدوء : يعني تكون النائب بتاعي نائب الرئيس
انا بتعجب واستغراب : اية!!!!!.................................
نهاية الجزء الأول من السلسة الثالثة من البروفيسور والي اللقاء فالجزء الثاني❤️
سلام من البعبع................................
