شكرا جدا على تعليقك الحقيقة كلامكم بيسعدني واتمنى اكون عند حسن ظنكم.
لما أنا قدمت سونيا كنت بفرش للأحداث لأن سونيا هي قوادة الطبقة دي وعشان كدا البطل محافظ على علاقته بيها لانه بيبني اسمه من خلال طاولة اللعب وهو بقى محامي مشهور بسبب كدا، علوان بيروح هناك عشان يبان قدام الطبقة بتاعته أنه فحل وبيختار اجمد بنت فيهم زي ما هو متجوز صاروخ مع أنه مش بكفيها بس عشان مظهره الاجتماعي ، واختاريه لبيت سونيا لنفس السبب لانها القوادة اللي هتحافظ على سره.
ام ليه علوان مراقبش فارس فدا لسببين الأول أنه علوان اتفاجئ بأن مراته راحت لمحامي غير محاميهم وهو بقى خايف من اللي مراته قالته فعايز يبان بأنه قوي بس ظهر العكس أما السبب التاني أن فارس معندوش حاجة يخبيها وعنده علاقات قوية جدا مع رجال الدولة وهو محامي لفئة كبيرة منهم يعني عنده حمايه وعشان كدا انجي اختارته لانه شاطر وفي نفس الوقت قادر يحميها وممكن تلاحظ طريقة كلامه مع دكتوره محامي علوان وأنه هو اللي كلمه بنفسه ودا بسبب المكانة اللي وصل ليها وهو وضح كدا في الأحداث الاولى. انا عايز اعمل قصة اخلي اللي بيقراه زي اللي بيشوف فيلم سينما عشان كدا حاطط صور قريبه للشخصيات . اتمنى اكون وضحت النقاط اللي سالت عليها وشكرا جدا على مرورك الكريم