الألينز
بصوا مبدأيا كده خلينا متفقين ان عالمنا واسع ع البشر سيكا
علي الرغم من كل الحاجات الاحنا وصلنا ليها حتي الان فاحنا لسه معرفناش غير 1% بس من الكون كله يعني النجهله اكتر من النعرفه بمراحل كبيرة فشخ
فأتوقع ان ممكن من الحاجات الاحنا لسه موصلناش ليها حتي الان هما الألينز
ممكن حد يشوف ان الانا بقوله غلط بس حاجات كتير بتثبت وجودهم
فترة التسعينيات كانت فترة دسمة بالفضائيين او اخبار الفضائيين كانوا دايما بيشوفوا اطباق طايرة كتير وبلاوي بعيد عنك
وسيبك من الفترة الحالية لأنها ممكن تكون فبركة
بس لو رجعنا بالزمن هنلاقي حضارات كتير قامت ملهاش تفسير مقنع ان العملها بشر حضارة المايا ومدينة اطلانتس ( ممكن تكون خيالية بس في حاجات اثبتت وجودها ) حتي الحضارة الفرعونية
اصل معلش يعني طريقة بناء الاهرامات غريبة فشخ ، يعني لحد دلوقت اهم مهندسين العالم مش عارفين الهرم اتبني ازاي وبيحطوا نظريات مش اكتر
ده غير كمان شوية نقوش لمساخيط صغيرة كده واقفة مع البشر وغير سر التحنيط كمان وغير احتمالية ان الاهرامات كانت رصد الاكواكب ولتوصيل الكهربا عن طريق الهوا ودي نظرية ، غير كمان ان اتعملت دراسة ان الهرم الاكبر لو هيتبني دلوقت هياخد قد اي لقيوا انه هياخد حوالي 30 سنه ف احا يعني مدة اكبر من مدة بناءه زمان يعني ايام الفراعنه كان في تكنولوجيا تخليهم يبنوا في 20 سنه بس
فانا انا حاسه واحساسي دايما بيكون صح ان الألينز موجودين معانا
وممكن يكونوا بيختاروا ناس معينه علشان تظهر ليهم زي ما اختاروا الفراعنة مثلا
تحس انهم بيدوروا علي حد يستاهل انهم يساعدوه مش اي حد والسلام
ولا انت اي رأيك