طبعا الصيف داخل والشهرين الجايين بيبقي كلهم مصايف انا النهاردة هقولك ازاي تتجنب مشاكل السفر وغدر عربيتك واقولك يبقي معاك اي وانت مسافر .
اول نقطة ودي بديهيا جدا بس فيه ناس بتشيلو هوا مفتاح العجل او الصليبة بالبلدي + الكوريك
تاني نقطة وصلة البطارية
ودي مهمة علشان لو الأمورة بتاعتك عملتها معاك وانت في الاستراحة
تعرف تاخد من حد وصلة وتدور عربيتك
تالت نقطة كومبوريسور الهوا او المنفاخ ولازم يكون معاك علشان لو فردة من الفرد نامت يبقي تنفخها من غير تعب ولا تشيل الاستبن
رابع نقطة سير الكاتينة او المجموعة
علشان لو اتقطع منك من غير ما تجيب صبابات تغيرو في ساعتها
خامس نقطة سلك الدبرياج
لازم يبقي معاك سلك الدبرياج لو انت عربيتك مانوال لو لقدر **** اتقطع تعرف تغيرو
سادس نقطة سلك قطر او حبل شد
لازم يبقي معاك علشان لقدر **** لو عربيتك عطلت حد يسحبك ودلوقتي فيه كذا ونش سحب الموضوع الجاي هجبلك كل ارقام الطوارئ علشان انا واثق انك هتحتاجها
سابع نقطة والاخيرة لازم يكون معاك طقم مفكات ومسامير ومعاك مفك حرف T ولقم علشان دول اكتر حاجه هتحتاجهم وهات طقم مفاتيح من.الاخر هات طقم كامل ودا يكون معاك دائماً
وبس كدا دمتم في سلامة وأمان.