بص ياعم
الاهرامات مش تلاته بس لا هما اكتر من كده بكتير وفيه اهرامات كتير جدا وانت اكيد عارف حاجة زي كده
بس ليه دول بالذات اللي كده وجمب بعض
عشان محدش من قبلهم ولا بعدهم قدر يوصل للتقنيه اللي تخليهم يعملوا هرم بنفس الشكل ونفس الحجم
الحضارة المصرية والرومانية
ببساطة لان المصرية جت الاول 😂✌🏼
المياه اسمها كده ببساطة لانها مأخوذة من القرآن
انا متسمي علي اسم جدي وانا معرفش ليه جدي متسمي كده بس هنقول مثلا تيمنا باسم سيدنا علي مثلا يعني
ليه لناس ليهم لهجة
ده بيبقا حسب موقعهم الجغرافي ونشأتهم والبيئة اللي اتولدوا فيها واختلاطهم بالناس
وفيه بلاد عملوا لهجة خاصة بيهم مثلا عشان لما يبقا بينهم حد غريب ميفهموش هما بيقولوا ايه
واللغة العربية ايوة اتعلمناها من نفس المصدر بس كل بلد بتأثر فيها حضارتها في الكلام واللهجة
يعني احنا مثلا متأثرين بالحضارة المصرية والفتح والاستعمار الانجليزي والفرنسي
والسعودية مثلا متأثرة بقريش وهكذا
اسم ابو الهول تعددت فيها الاقاويل بس الاقرب للحقيقة انه اتعرف في الدولة المصرية القديمة باسم ( بر - حور) اللي معناها مكان حورس وبعدها اتحورت وبقت ( بو - هول) لحد ما وصلتلنا وبقت ابو الهول
وليه مش اسمه خالد عشان مكانش فيه خالد وقتها 😂✌🏼
وهو اتبني في المكان ده عشان كان قدام معبد الشمس وليه قصة كبيرة ممكن تبحث عنها في جوجل وهتلاقي اجابتك عادي
لكن هو اتبني فعلا في فترة بناء الاهرامات بعد الهرم الاول تقريبا وقبل الهرم الثاني عشان اللي بناه اصلا كان خفرع باني الهرم الثاني ومش عشان يدافع عن الاهرامات ولا حاجة لو هو كان رمز وزي قربان كده لابوه ولآله الشمس
والمغول ممكن ميكونوش اول ناس فكروا في الموضوع ده بس هما اخدوا الشهرة دي لانهم كانوا الاقرب لتحقيقها وطبعا بسبب وحشيتهم ودمويتهم المعروفة ف بدأت قصتهم تدور حول العالم كله
نفرتيتي او نفرت يتي اتسمت بالاسم ده لانها كانت ايقونة في الجمال
واسمها معناه آتون (اللي هو آله الشمس) يشرق لان الجميلة اتت
النجوم موجودة في الفضاء لانها نتيجة انفجارات او حاجات بتحصل في الفضاء وليه اسمها نجوم لان بردو اسمها مأخوذ من القرآن
الشبشب والجزمة والكلام ده كله اسامي مستحدثة
لكن هي في الأصل ليها اسامي تانيه في اللغة العربية وليها اصول ومعاني
الطائر هو الاسم من الفعل طار
بس كده ياعم 😂✌🏼