فضفضه نكد

[helal32]

اعرف ازواج من كثرة نكد زوجته عليهم ما بيطقوش يجلسوا في منازلهم . منازلهم دي اللي طلع عينهم و تعبوا و شقيوا عشان يجمعوا فلوس عشان يشتروها و يفروشها بالاثاث و الأجهزة الكهربائية و في الآخر تطلعله وحده ما تخلهوش يعرف يرتاح فيها ، و يلاقي راحته على القهوة أو كافيه ، ده حتى يوم الاجازة بيصحى من بدري و ينزل يلف في الشوارع لحد ما يجي ميعاد النوم عشان يروح ينام
ده بيبقى نتيجه لسوء اختيار الزوجه من البداية ، فهو اختار زوجته على أساس الجمال أو على أساس النسب و تغاضى عن أي شيء آخر
و بعد الزواج بتستخدم جمالها أو نسبها في ازلال الزوج الضحية
لما تيجي تختار شريكة حياتك أختارها صح ، أعرف شريكة حياتك من خلال حماتك ، في فترة الخطوبة راقب أم خطيبتك أكثر ما تراقب خطيبتك
فخطيبتك هي النسخة المصغرة لأمها فإذا كانت حماتك هي من تتفق معك في تفاصيل الزواج أو لها كلام مؤثر على حماك فاعرف إن حماتك مسيطرة و متسلطه و خطيبتك قد تربت على هذه الأسس و إن امها هي المثل الأعلى لها و إن امها هي من ستسدد لها النصائح الزوجيه بعد زواجكم ، فترة الخطوبة اتعملت عشان كده مش عشان النحنحه
و أنت بتختار اعرف انك بتختار واحده هتعيش معاك العمر كله يعني تأبيده و اعرف انك هتدفع فلوس كتير جدا جدا عشان الجوازه دي تتم و اعرف إنك هتكتب على نفسك مؤخر كبير جداً عشان لو فكرت تنفصل عنها
حتى لو اخدت كل احتياطاتك و جاء نصيبك في وحده متسلطه أو عنديه أو....... أعرف بردوا إن شخصيتك معاها هي اللي هترسم لها الخطوط الحمراء و شخصيتك هي اللي هترودها و تخليها مستانسه ، و إياك إنك تتنازل عن وجه نظر أنت مقتنع انها صحيحه عشان ترضيها ، فأعلم أن التنازلات مثل العقد إذا انفرطت أول حبه انفرط العقد كله

اضغط لقراءة المزيد...

 

[M&I]

بشوف ناس كتير اعرفها متجوزة وفي المرحلة ديه وبقعد اقولهم طلق وارتاح يقولي انت ماتعرفش حاجة والطلاق مش سهل وكده ومش بيبقوا متجوزين صالونات في منهم متجوز عن حب انا اعرف واحد علق واحدة وهربت معاه وكتب عليها وحصل مشاكل كبيرة جدا بين اهله واهلها عشانها واتمسكوا ببعض وعملوا روميو وجوليت والاخر اهل الاتنين وافقوا واتجوزوا ومعاهم اربع عيال دولقتي ونفسهم يتطلقوا من كتر المشاكل والخناقات اللي بينهم بس يقولك عشان العيال المصيبة ان العيال ديه هتطلع معقدة من كتر الخناقات اللي بين ابوهم وامهم صوتهم بيجيب اخر الشارع والجيران تدخل وفضيحتهم على كل لسان بصراحة بستغرب للي متجوز يقول الاول عشان ارتاح وتلاقيه بيسب الدين للحياة كلها طب بتتجوز ليه من الاول؟