نقاش نقاش مثير للجدل

[محب الغمـوض]

تحياتي الكبيرة لك
ولو فاكر كويس ف انت من افضل ناشرين المواضيع ال ليها قيمه أخيرا

تسلم بجد
كلامك شهادة تسعدني

 

[majiida]

العدل انو يحصل كدا ف اهله وف حد منه
لو متسجنش
انو يتفرج علي حد بيحصل فيه كدا من اهله نفي الانتقام

 

[الجنتل الزبير]

هو فعلا موضوع صعب لكن البنت ملهاش اى ذنب

ياباشا أنا لا الوم علي البنت مطلقا بس بكلمك بتفكير رجل شرقي هيفضل في حاجز نفسي وجانب خفي بيوسوس له

 

[الجنتل الزبير]

العدل انو يحصل كدا ف اهله وف حد منه
لو متسجنش
انو يتفرج علي حد بيحصل فيه كدا من اهله نفي الانتقام

مش دفاعنا عن مجرم...ميحكمش اني اي حد يتحط في الموقف ده إنما هو يعاقب علي زنبه باشد العقوبات ولكن اعترض علي كلام حضرتك بخصوص أن يحصل بالمثل في اهله

 

[the dead man]

هى معملتش غلط من الأساس عشان تتسامح عليه
هى ضحيه

بس في نظر المجتمع الشرقي غلطت

 

[إيرين إبن الحج يغير]

حاجات كتير جدا فى المجتمع عاوزة مواجهه وتغيير

المشكله انك عايز تحل مشاكل تعتبر صغيره بالنسبه للاكل والشرب والمعيشه
المجتمع شاغل باله باللقمه وازاي يوفر مرتبه مش فاضي يحل مشاكل زي دي للأسف

 

[محب الغمـوض]

العدل انو يحصل كدا ف اهله وف حد منه
لو متسجنش
انو يتفرج علي حد بيحصل فيه كدا من اهله نفي الانتقام

لكن اهله برضه مفيش ليهم ذنب
هو يستاهل يتقطع من جسمه حى
لكن اهله معملوش حاجه

 

[محب الغمـوض]

ياباشا أنا لا الوم علي البنت مطلقا بس بكلمك بتفكير رجل شرقي هيفضل في حاجز نفسي وجانب خفي بيوسوس له

لو عارف نفسه كده يبقى بلاش ياخدها ويظلمها معاه من البداية

 

[محب الغمـوض]

مش دفاعنا عن مجرم...ميحكمش اني اي حد يتحط في الموقف ده إنما هو يعاقب علي زنبه باشد العقوبات ولكن اعترض علي كلام حضرتك بخصوص أن يحصل بالمثل في اهله

رأيى من رأيك لان مفيش ليهم اى ذنب

 

[محب الغمـوض]

بس في نظر المجتمع الشرقي غلطت

هو مش كل المجتمع لأن فى ناس فاهمه وان كان عددهم قليل
واللى شايفها مذنبة لازم يراجع نفسه من تانى

 

[محب الغمـوض]

المشكله انك عايز تحل مشاكل تعتبر صغيره بالنسبه للاكل والشرب والمعيشه
المجتمع شاغل باله باللقمه وازاي يوفر مرتبه مش فاضي يحل مشاكل زي دي للأسف

ما هى مشاكل زى دى لو متحلتش بتبقى النتيجه كارثه اكبر لأن البنت من الظلم والقهر والضغوط ممكن تقتل نفسها

 

[M&I]

انت رديت على نفسك في النقطة الثانية
لازم تبلغ طبعا عشان اما تتجوز يبقى معروف انه تم اغتصابها ده غير ان لازم تبقى حاطة في دماغها ان اللي عمل معاها كده لو هيا مابلغتش هيفكر الموضوع انها مبسوطة بيه فممكن يعمله معاها تاني او يغتصب غيرها

 

[S A R A H]

طبيعة المجتمع الشرقي أنه بيخاف من الفضيحة خصوصا اذا كانت حادثة اغتصاب .اخر همهم أنه يفكر في حق المغتصبة ... المهم الستر ما حدا يعرف بالموضوع كأنه عملت شي جريمة لاتغتفر

أما الزواج من مغتصبة اعتقد انه من أبسط حقوقها أنها تتزوج لأنها بكل بساطة هي ضحية وهذا لا يمنع أنها تأسس حياة جديدة مع رجل حقيقي

 

[Coraline]

بس في نظر المجتمع الشرقي غلطت

غلطت في ايه يا باشا ديه جسديا و نفسيا اتحطمت مستقبلها اتدمر و مرت بي حاجه مش هتعرف تتعافي منها ابدا
بتقول ايه و اي مجتمع يلوم علي ضحيه هو مجتمع فاسد و مؤذي

 

[إيرين إبن الحج يغير]

ما هى مشاكل زى دى لو متحلتش بتبقى النتيجه كارثه اكبر لأن البنت من الظلم والقهر والضغوط ممكن تقتل نفسها

واحده قتلت نفسها عشان اغتصاب
تعال شوف الي بيموت كل يوم من الجوع
صدقني عشان الناس تبدأ تفكر في المشاكل دي لازم بطنهم تكون شباعنه وعقلهم طبعا

 

[Coraline]

واحده قتلت نفسها عشان اغتصاب
تعال شوف الي بيموت كل يوم من الجوع
صدقني عشان الناس تبدأ تفكر في المشاكل دي لازم بطنهم تكون شباعنه وعقلهم طبعا

هو حضرتك بتقارن اي بي اي معلش ؟

 

[إيرين إبن الحج يغير]

هو حضرتك بتقارن اي بي اي معلش ؟

انا مش بقارن انا بتكلم عن الواقع
الشعب اغلبه معندهوش الوعي انوا يقول ان المغتصب مجرم هل انا غلطان
لان كل همه الاكل والشرب حاليا

 

[TheBlackCat]

وارد جدا ان يحصل حالات اغتصااب سواء ستات او بنات ( طبعا اللى بيعمل كده عاوز اعدام عشان محدش يفهم غلط ) وفى حالات زى كده ناس بتبلغ عشان تاخد حقها وناس بتخاف وتقول فضيحه وخلافه
اية وجهة نظركم هل اللى يحصل معاها كده تبلغ ولا لا
النقطه التانية هل لو قدامك عروسة وحصلها حالة زى كده والبنت فعلا كويسه وقاومت هتوافق تتجوزها ولا هتقول لا اخد واحده غيرها احسن

بشكل عام، قرار الإبلاغ يعتمد على اعتبارات شخصية وقانونية. الإبلاغ خطوة لتحقيق العدالة، بس يجب مراعاة تأثيراته على الضحية. من الضروري دعم الضحية في اتخاذ القرار المناسب لها.
والزواج، فإن قرار العروسة بشأن مستقبلها يعتمد على تجاربها وقوتها النفسية.

 

[TheBlackCat]

وارد جدا ان يحصل حالات اغتصااب سواء ستات او بنات ( طبعا اللى بيعمل كده عاوز اعدام عشان محدش يفهم غلط ) وفى حالات زى كده ناس بتبلغ عشان تاخد حقها وناس بتخاف وتقول فضيحه وخلافه
اية وجهة نظركم هل اللى يحصل معاها كده تبلغ ولا لا
النقطه التانية هل لو قدامك عروسة وحصلها حالة زى كده والبنت فعلا كويسه وقاومت هتوافق تتجوزها ولا هتقول لا اخد واحده غيرها احسن

خلو الوضع relax ياحماعة

 

[Coraline]

انا مش بقارن انا بتكلم عن الواقع
الشعب اغلبه معندهوش الوعي انوا يقول ان المغتصب مجرم هل انا غلطان
لان كل همه الاكل والشرب حاليا

لا طبعا
مشكله لوم الضحيه ديه موجوده من زمان من قبل اي ازمه اقتصاديه و ده بيرجع للان الاسهل انهم يلوموا الست علي انهم يعترفوا ان في خلل
حضرتك مشكله زي الاغتصاب و التحرش كبيره و اي حد حرفيا ممكن يتعرض ليها بنت ولد *** و نتائجها بتأدي لي خراب لي عائلات كامله
متقارنهاش بي حاجه ملهاش علاقه بالموضوع حتي لو الحاجه التانيه ازمه برضو