احبائى وأصدقائى وأعضاء المنتدى من وراد قسم الفضفضه الأعزاء
أتت لى فكره بسيطه
هى أننا فى المنتدى كطاقم اشراف نعمل على مساعدتكم لتحسين جوده المعروض من الموضوعات وكذلك تنظيم الموضوعات وما تحتويه حتى لا يسبب لكم ازعاج
وبما أننا نعمل لكم وبكم وأنتم شركاء أساسيين فى المنتدى جاءت لى الفكرة كالتالى
اولا هيكون الموضوع هنا لترشيح حضراتكم لموضوعات قيمه يمكن تثبيتها لمدد مختلفه وفقا لقوة الموضوع
( بمعنى ان فى موضوعات قيميه ممكن احنا كاشراف ما نأخدش بالنا منها من كثرة المواضيع المعروضه وتركيزنا على تنقية الموضوعات وهنا دوركم انتم بعرض الموضوع القيم المحتاج للتثبيت)
ثانيا الموضوع الذى يتم ترشيحه للتثبيت هنحاول نعمل منشن فيه لأكبر عدد من أصدقائنا علشان يناقشوا كاتب الموضوع ويتبادلوا مع بعض الخبرات وده هيكون تحفيز للعضو صاحب الموضوع انه يكتب موضوعات قيمه أكثر
طيب اى موضوع هيتم ترشيحه للتثبيت هيتم تثبيته بناء على معطيين
الاول تقييم طاقم الاشراف للموضوع
والثانى عدد المتفاعلين على الترشيح بزر الاعجاب
يعنى مش اى موضوع هيترشح هيتثبت وخلاص علشان ما فيش حد يحط اى موضوع والسلام
اذا الفكرة لاقت استحسانكم هيتم تطويرها
ولو عندكم اى مقترحات للتطوير سواء للفكرة او للقسم عموما ياريت ما تتأخروش وتكتبوها