في واحدة طلعت في قناة قبل كدا اسمها نشوى العجوز، رضوى الشربيني استضافتها من فترة في مناظرة عن تعدد الزوجات، الست دي اتجوزت راجل متجوز 3 ستات وهي كانت الرابعة وبعدها خلته يطلقهم كلهم وبقت هي الزوجة الوحيدة،
الست دي نفسها كانت ظهرت قبلها بكذا سنة في برنامج الستات مبيعرفوش يكدبوا وقالت بالحرف "الراجل دا كائن لا يمثل ليا أي شئ هو بالنسبة لي زي الموبايل ده كدا"
طبعاً بعض الناس، الرجالة تحديداً، هيفتكروا إنه في تناقض في كلامها مع أفعالها، بس في الحقيقة اللي فاهم سيكولوچية الستات مش هيستغرب خالص،
في نوع وسخ من الستات مريضة نفسيا بتمثل دايماً إنها مبتحبش غير نفسها والعواطف في حياتها ملهاش مكان والراجل بالنسبة لها لا شئ، وده بيبقى بسبب إنها تعرضت لخذلان ما في حياتها، او اتعرضت لغسيل دماغ من الافكار النسوية، فبتلجأ كإسلوب دفاعي إنها تبين للرجالة إنها مش مهتمة ومش مضمونة ومبتحبش غير نفسها.. النوع ده موجود بشكل كبير وأغلب الستات اللي بتتبنى الخطاب ده بيبقى دا تحليلهم النفسي
لكن في نوع تاني من الستات وهما الستات النرجسيات بطبعهم، هي فعلاً مبتعرفش تحب غير نفسها مش بتمثل، النوع ده ملوش عزيز، استحالة تحب راجل بجد أو تكرس جزء من حياتها لخدمته إلا لو في مقابل، بيبقوا استغلايين وخبثـاء جداً، معندهاش مانع تستغنى عن الراجل وعن ولادها حتى عشان مصلحتها، لما بتتحط في موقف تختار فيه أسرتها أو نفسها بتختار نفسها
النوع التاني دا الرجالة الطيبة السذج بيجروا وراها بالمشاوير، لأنها بتحسسه إنه مهما عمل مش هيعرف يوصل لقلبها و رجالة كتير من النوع دا بتاخد الemotional validation بتاعها من فكرة الchallenge دي رغم انه بيندم في الآخر، فطبعاً الست دي بتبقى مناسبة جداً للنوعية دي، ميعرفش إنها ممكن حرفياً تبيعه اللي وراه واللي قدامه وتدمرله حياته.
المهم أنا كلامي هنا للرجالة، خلي بالك دايما من النوع دا، ومتضيعش واحدة سوية كانت معاك عشان أشكال وسخة زي دي.. اللي بيمشي وراهم بتخرب حياته وبيتخرب بيته زي جوزها اللي اتكلمنا عنه.. واكيد انه بردو كان فاكر في الاول انه بيعمل الصح او انه هيكسب حاجة في النهاية..
