صادفنا كتير وبنصادف موضوع فضيحه لبنت ما
الكلام هنا على شقين
الشق الأول خاص بالذكر اللى بيفضح بنت او يبتزها او يستغلها إلى آخره وطبعا الكلام معاه مش مؤثر لأنه لو كان بنى ادم من البدايه مكنش هيعمل كده فمهما نقول انه هيترد فى اهلك سواء بقى ام اخت زوجه بنت إلى آخره مش هيفرق معاه اصلا بس اعرف ان كل اللى بتعمله مع الناس هيخلص فيك بطريقه انت مش متوقعها وهتاخد عقابك هتاخده وخصوووووصا اذا كانت البنت غلبانه وملهاش حد
الشق التانى بقى وده الأهم وده اللى يمنع الموضوع من بدايته عند البنت نفسها
انتى بايدك كل شئ بلاش تثقى فى حد بسهوله بشكل عام ما بالك فى مكان زى ده غالبيتنا العظمى مجهوله اساسا
بلاش بياناتك الشخصيه متتخدعيش بالكلام مهما كان لبق ومعسول
الكلام سهل جدا والكل بيحاول يبان ملاك فى البدايه
فى طبعا ناس كويسه لأن انا ضد التعميم لكن ايه يضمنلك انك تقعى مع شخص عنده رادع انه يفشى سرك
للأسف مفيش اى ضمان نهائى
وكله فى كفة وصورك فى كفه اوعى صورك يا بنت الناس اوعى صورك مهما كان وخصوصا لو صور مكشوفه
النفوس معظمها مريض واللى مش هيفضح ممكن مع اى خلاف على الاقل يهدد
عشان كده قولت من البدايه الموضوع فى ايدك انتى والقرار قرارك هو مش هيجبرك تبعتي صورك لكن عشان متندميش لان وقتها الندم مش هيفيدك واحساسك فى وقت زى ده ملوش وصف لانه اقل ما يكون هيكون مدمر
ومتبصيش لتجارب غيرك كان فيها الشخص امين مع غيرك لان مش شرط اللى حصل مع واحده تعرفيها يتكرر معاكى لان زى ما قولت مفيش اى ضمان ابدا
وبعتذر عن الاطاله