نقاش استشارة موضوع مهم جدا للنقاش لجميع الاعضاء اتمنى بجد الكل يشارك

[$$$ الحكيم]

حاليا بعد غلاء الدهب وأصبح لمن استطاع اليه سبيلا هل ممكن اهل البنات اللي بناتهم مقبلين ع الزواج أنهم يتنازلو عن الدهب ويكتفو حاليا بدبلتين ومحبس ومكان الدهب فضه ويتم الزواج من غير دهب لغايه لم الاسعار تنزل ولا صعب جدا ويصبح الزواج صعب ع الشباب وهل انت كشاب لو اتفقت انك تتجوز وتجيب لزوجتك دهب بعد لم الاسعار تنزل وتكتب ورقه ع نفسك بكده فهل توافق وايه الحل لكي يتسهل الزواج ع الشباب

اضغط لقراءة المزيد...

 

[أم قويق]

الدهب ده جزء من المهر
هو كده
الي يقدر يقدر
و الي ما يقدرش يصبر لحد ما يقدر
عشان للاسف لما الاهل و البنت بيقبلو بقليلو… الراجل بيتقنعر و يسترخص الست… و على ايه؟
عانس و اميرة فالبيت و لا متجوزة و جارية عند واحد ما يقدرشب يفتح بيت!

 

[$$$ الحكيم]

الدهب ده جزء من المهر
هو كده
الي يقدر يقدر
و الي ما يقدرش يصبر لحد ما يقدر
عشان للاسف لما الاهل و البنت بيقبلو بقليلو… الراجل بيتقنعر و يسترخص الست… و على ايه؟
عانس و اميرة فالبيت و لا متجوزة و جارية عند واحد ما يقدرشب يفتح بيت!

بس مش كل الشباب بيتصرخص البنت العكس البنت ف بيتي جوهره ثمينه وليها امانها واصونها واقدرها اكتر من بيت اهلها

 

[Any name]

اللي ما يقدريجيب ذهب في البداية بعدين يكون اصعب
والأسعار ما تنزل الا لو حاجة بسيطة جدا
بس هو الأفضل لو تقلل الكمية وبدل بعض الاشياء غير المفيدة يكون شوية ذهب احسن

 

[أم قويق]

بس مش كل الشباب بيتصرخص البنت العكس البنت ف بيتي جوهره ثمينه وليها امانها واصونها واقدرها اكتر من بيت اهلها

الكلام بيكون قصادو كلام و الفعل قصادو فعل
انت اقلبها وشوف لو عندك بنت حترضالها كده والا لا

 

[$$$ الحكيم]

الكلام بيكون قصادو كلام و الفعل قصادو فعل
انت اقلبها وشوف لو عندك بنت حترضالها كده والا لا

مرضاش عن ايه بالظبط

 

[Life selector]

الدنيا مبتمشيش كده في الحواز هي مش قوانين
في ناس كتير بتجهز البنت علشان شافت الراجل حد محترم و بيقدر و بصون

و في ناس دفعت العربس ددمم قلبه من دهب و فرح و مهر و تجهيز في الاخر طلع عين ابوهم كلهم مفتري 😅

الفكرة ان العلاقات الانسانية ملهاش قوانين و بتختلف على حسب الاشخاص و الزمان و المكان