مساء الخير 🥰
لكل بنت... معلومات جايز تفيدك في يوم من الايام...
جالي سؤال من كام يوم.... بنت بتسألني.... إزاي أعرف إن الشاب إللي أنا بكلمه.... مش شاب جاد... يعني أصح... واحد جاي يلعب و يتسلي فترة و بعدها يقولي شكرا سلام...
دا كان سؤال البنت و بجد أنا حابب أجاوب عليه هنا في البوست دا....
علامات لو لاحظتيها في الشاب.... يفضل إنك تبعدي🙏
1 - هلاقي دايما الكلام طالع منه سهل جدا جدا.... هتلاقيه مبيعملش حساب للكلام....زي مثلا.... كل ما تكلميه... تلاقيه يقولك.... أنتي قمر... انتي بطل... انتي جميلة.... (بيقوله بشكل جد جدا.... و عمال علي بطال و بدون أي مناسبة) الكلام عنده بيطلع بشكل سلس جدا و سهل... زي ما يكون متعود يقول كدا (حافظ كلمتين حلوين بيقولهم.... ما ياما اتسلي ب بنات كتير قبلك)... الشخص دا اوعي تفرحي ب أي كلمة من كلامه...... و يفضل إنك تبعدي عنه
نيجي بقا.... للشخص إللي فعلا جاد.... تلاقيه متحفظ شوية في الكلام.... آه هيقول كلام جميل.... لكن هو بيكون قد كلمة بيقولها.... و بيكون فعلا فيه سبب يخليه يقول الكلام الجميل دا... و الكلام بيطلع منه ب شئ من الصعوبة.... مش. بقول... صعب جدا.... لكن بسبب تحفظه لإنه عارف إنه مسئول عن كل كلمة بيقولها.... هتلاقيه بقول كلام حلو لكن بالعافية 😅
2 - متحرش.... شكرا 😅
دا تعرفي إنه شوية و هيخلع منك فورا... يخلع إيه.... دا هيختفي حرفيا 😂 😂.... تيجي تخرجي معاه... اي خروجة.... هتلاقيه بيخرجك في الاماكن الهادية إللي مفيش فيها ناس... اومال هيتحرش إزاي 😅......تلاقيها دايما عينه علي جسمك... سواء أنتوا بتهزروا....بتضحكوا....بتتكلموا بجد.... مش بجد... في معظم الحالات و الوقت... عينه هتكون علي جسمك و بس من أبو آخر.... دا واحد عايز ياخد حاجة قبل أوانها.... دا مش يفضل إنك تبعدي عنه.... لا.... انتي لازم تبعدي عنه....😅
اما الشخص الجاد.... هتلاقي سايب كل حاجة جميلة.... تيجي في وقتها....
طبيعة الذكر.... إنه بيمل بسرعة.... ف لو أخدت حاجة قبل وقتها.... هيقولك شكرا سلام.... و تبقي حرفيا أخدتي احلي خازوق...😂😂
3 - إللي دايما مشغول.... ايوه زي ما بقولك كدا.... هتلاقيه طول اليوم كل ما تكلميه. أو تتصلي بيه... (معلش يا قلبي أنا مشغول... اصل الشغل كتير عليا اليومين دول.... هاااا... الشغل بقا كتير عليه في الوقت إللي بقا يعرفك فيه 😅)
هتلاقيه بيحجج و خلاص.... علشان يهرب من الكلام معاكي... لإنه خلاص.... جاله ملل منك.... هنا انتي هتعملي فيها المحقق كونان... و تروحي تبصي علي كل السوشيال بتاعه إذا كان اونلاين أو لا... و مش هتلاقيه اونلاين... لان ببساطة... هو بيكلمك من اكونتات غير أساسية هو عاملها.... علشان يتسلي بدون علم حد. ... لازم تفهمي إن محدش مشغول 24 ساعة...الشخص دا تعامليه زي ما بيعاملك بالضبط...
اما الشخص الجاد.... اللي فعلا مهتم بيكي و حابب يكلمك و يعرفك اكتر ..... هتلاقيه الصبح... بيقول صباح الخير... مسافة. ما. تيجي تقرئي الرسالة دي إللي فيه صباح الخير... هتلاقي بعدها يمكن خمس ست رسايل منه.... طمنيني عليكي.... فطرتي ؟...... أخدتي قهوتك..... اصل و مش أصل.... و حرفيا بيكون عنده إستعداد يسيب إللي وراه علشان بس يكلمك و لو حتي شات.... هتلاقيه كل شوية داخل يقولك. أنا عملت و سويت... و هروح و هاجي و. هعمل و هسوي........ اللي مهتم بيكي هتلاقيه عاوز يعرف كل تفاصيلك.... بتصحي امتي.... بتنامي امتي... بتاكلي إيه.... بتحبي تاكلي إيه... طب اكلتي إيه.... و مش. بعيد يقولك انتي هتاكلي إيه السنة الجاية 😅😂.... هو كدا... هو عايز يعرف كل تفصيله في حياتك و مهما كانت صغيرة... الا إنها تفصيله كبيرة بالنسبة ليه... و دا... لان التفصيله دي هتخليه يقرب منك آكتر علشان كدا هي تفصيله كبيرة بالنسبة ليه.... هو عايز يقرب منك... هو عايزك انتي و بس.. هتلاقيه بيتصرف قدامك زي العيل الصغير... هو كدا... 😅😂.
برضو الشخص الجاد لو فعلا مشغول... تلاقيه بيتأسف ليكي... و بيقولك أنا أسف لأني مقصر في حقك.... لكن هتلاقيه لما بيكون فاضي بيكلمك قبل ما يكلم. أي حد.... لإنه بيكون مستني الوقت إللي يكون فاضي فيه علشان أصلا يكلمك
4 - مش بياخد رأيك في حاجة.... و هنا بقا تحطي مليون علامة استفهام......
هتلاقيه بيتصرف في أي حاجة. و في كل حاجة و في أي وقت بدون ما حتي يفكر يديكي علم بالكلام. دا.... طبعا تبعدي عنه 😅😂
الشخص الجاد... اللي مهتم بيكي... خصوصا لو بيحبك... هتلاقيه.... دائما.... بياخد رأيك في كل حاجة.... لأنك وقتها بالنسبة ليه. هتكوني الام و الاخت و الحبيبة..... هيتعامل معاكي معاملة الطففل ل أمه..... دا مش بعيد. ياخد رأيك في لون بوكسراته 😂😂
5 - شاطر اوي في الكلام بليل 😉😉 (بوم طخ أوف أح 🤣🤣)
آه زي ما بقولك. كدا... هتلاقيه أول ما. البيت عنده يكون هادي... تلاقيه. يتصل بيكي بعد 12 بليل كدا... و تلاقيه يوطي صوته.... و. فيه بحبحه في صوته. و. النحنحة تشتغل بقا 😂🤣 اخلعي فورا 😂😂. النوع دا بيعض 🤣
6 - مظهرك مش مهم خالص بالنسبة ليه....
هتلاقي مظهرك لا يعني له أي شئ.... يعني مثلا... لما. تخرجوا مع بعض... و يلاقيكي لابسه قصير.... لو لاقيته موافق عادي و ساكت... هنا بقا فيه كلام تاني.... لان دا شخص مش تمام.
البنت منكم لما تيجي تخرج مع حبيبها أو خطيبها....و تكون لابسه قيصر و هو موافق عادي... المفروض هنا انتي تسألي نفسك.... فين غيرته عليا.... فين نخوته.... فين شهامته.... فين الرجولة يا جدع... 🤣🤣..... طبعا أكيد انتي فهمتي... إن منظرك بالنسبة ليه لا يعني أي شئ.... لإنه عارف إن كلها الفترة دي و يختفي من حياتك لما يخلص تسليه معاكي..... ههههه.... دا المفروض تقطعي علاقتك بيه فورا....
7 - تلاقيه بيبص لغيرك دايما....
و أنتوا ف خروجه مع بعض.... و مهما كنتي جميلة.... هتلاقيه بيبص لأي بنت قدامه في الشارع.... (عينه فارغة... مش مليانه....) النوع دا بالذات.... لو اتجوزتيه....تأكدي مليون المية.... إنه هيخونك... مع واحد و اتنين و مليون... (شخص ناقص عينه فارغة.... متوقعه منه إيه غير كدا 🤷🏻♂️)..
8 - شاطر في الهروب
هتلاقيه دايما بيهرب من أي مسئولية.... اي مسئولية.... تيجي مثلا تطلبي منه مساعدة في حاجة.... هتلاقيه بيتهرب.... أصله هيساعدك ليه.... هو عارف و مقرر إن كلها شوية و هيخلع.... يبقي يتعب نفسه معاكي ليه.
9 - بيقول أي كلام و خلاص...
لما تيجي تطلبي رأيه في حاجة معينة.... هتلاقيه يقول الرأي إللي إنتي عاوزه تسمعيه.... حتي لو هو شايف إن رأيك غلط... لكنه هيقولك كلامك فعلا صح.... لإنه مش مهتم أصلا.... هو واحد عايز يتسلي... ف مفيش حاجة بينكم تخليه يصدع نفسه معاكي... (دا طبعا بالنسبة ليه)....
دول الكام نقطة الشائعين جدا جدا... اللي لو شوفتيهم في أي شخص... المفروض فعلا تبعدي عنه.... و دا مش كلامي... لا طبعا.... لكن دي تجربة بنات أنا اعرفهم... و حكوا ليا كذا نقطة من دول فعلا.... زي هو إزاي موافق اخرج معاه. ب لبس قصير... هو إزاي مش بياخد رأي رغم اننا مرتبطين... و هكذا.... و ف الاخر فعلا بيطلع الشخص بيتسلي....
اتمني فعلا إن أي بنت تقرأ الموضوع... فعلا تستفيد منه و أسف جدا للإطاله 🙏
