يجى واحد يقولى طب انا ادندش مغترب وحالى يعب على الكافر ومبعرفش اطبخ ونفسى فى اكل اكله تفكرنى بالاكل البيتى وتبقى سهله ومتتعبنيش اقوله عيونى هعملك اصعب اكله باسهل طريقة هتروح للجزار تقوله انت اعم الجحزار ماتوزنلى نص كيلو لحمه جملى من الرقبه الهى تنستر دنيا واخرة وتكون محضر معاك ربع كيلو رز مغسولين ومنقوعين ومصفيهم كويس وبصلتين وربتتين بقدونس وفصين توم وقرنين فلفل وقرن فلفل حامي وتديله الكيسه اللى انت محضرها دي وقوله افرم لى اللحمه كفته رز اعم وحياهالى بمعلقتين ملح ومعلقه كمون من ايديك الحلوة .. وبعد ما تفرم الكفته وتروح البيت وتسيبها ساعه تهدي مع نفسها تجيب طاسه وتملى نصها زيت وتجيب طبق جنبك تحط فيه ربع كوبايه زيت وتقعد بقى تبل صوباعك زيت وتدهن بطن ايدك وتصبع صباع الكفته وعلى الطاسه على طول ..واياك ثم اياك تعمل زي وتخلصها وانت بتقليها استحمل وبطل تنانا فيها واتلم 😂 ..وبعد متخلص قلى الكفته تاخد الباقى ده ان اتبقى حاجه اصلا وتعينهم على جنب وفى حله تنزل فيها ب عصير نص كيلو طماطم وبصله مبشورة وورقتين لرورى ومكعب مرقه دحاج ورشه ملح ورشه فلفل ومعلقه سكر ورشه شطه ناعمه وفص توم مبشور كله على بعضه وتقلبهم كويس وتزود العصير بلتر مايه وتسيبه يغلى ربع ساعه تكون الصلصه اتسبكت وبقت حاجه لوز الجوز وبعد المصلصه تتسبك تنزل فيها بالكفته وتسيبهم ربع ساعه يغلو وتتطفى النار وفى حله تانيه تنزل فيها بمعلقتين سمنه وكوبايه رز منقوعه وتشوح الرز فيها نص تشويحه وتنزل عليها بكوبايه ونص مايه مغليه ورشه ملح ومكعب مرقه وتوطى على الرز لحد ما يستوى ويفلفل وبالف هنا وشفا
نصيحه اوعى تفكر ان الوصفه صعبه بالعكس دي خطواتها بسيطه بس بتاخد شويه وقت ..بس هتاكل اكله مش هتنساها طول عمرك
نصيحه اوعى تفكر ان الوصفه صعبه بالعكس دي خطواتها بسيطه بس بتاخد شويه وقت ..بس هتاكل اكله مش هتنساها طول عمرك