ايه ده انا عايزة اطبخ معاكم ..معايا هتاكلوا احلى رغيف حواوشى هتاكلوه فى حياتكم وتحدي .. يلا بقى كله يسيب اللى فى ايده ويركز معايا ..اول حاجه هنروح للجزرا ونقوله مفيش فرارجى قريب من هنا😂😂 ..مسكك وحالف يقطعك على الاورمة احسن احسن حد يسمع كلامي بردوا 😂..هنقوله يقطع كيلو الا ربع لحمة من وش الفخدة ونخليه يفرمها وربع كيلو دوش ونخليه يفرمهم مع بعبض وش واحد على الخش ونص فرمة على الناعم حلو ناخد اللحمة بتاعتها بقى على البيت وفى بوله كبيرة نبشر بالمبشره اربع بصلات كبار ونصفيهم كويس من مايه البصل ونحط على اللحمة ونبشر خمس ست فلفلات ونحط على اللحمة ونتبل اللحمه بتاعتنا معلقة ملح كبيرة معلقه بابريكا معلقه توم باودر معلقه بصل باودر معلقه فلفل اسود معلقة شطةونبشر بلحة جوزة الطيب عليهم ونمكسهم مع بعض حلو ونلف البوله فى استيرتش ونسيب اللحمه ساعتين على الاقل فى التلاجه تهدي مع نفسها وتشرب اللتبيله الخطيرة ..ونيجى لتاني مرحله هنروح لفرن العبش البلدي نقول للراجل هات اعم 20 رغيف نص سوا عشان الحواوشى ..ايوة قولوه نص سوا ونروح البيت نفتح العيش نص فاتحه ونملاه لحمه وعلى درجه حرارة 200 نخلى الفرن بتاعنا يسخن وندهن الصاح بتاع الفرن زبده ونرص الحواوشى بتاعنا اللى بياخد على كل وش 15 دقيقة وبونا بيتى