يا اهل الموقع في مشكلة كبيرة لو حد يقدر يساعد
واحد صاحبي كان عارف بنت عالنت بقالهم فترة كبيرة وهي نصبت عليه
كانت عايزة تشتري حاجة عالنت وهو ادالها رقم الفيزا بتاعته على اساس انهم يعرفوا بعض من فترة كبيرة و انها تشتري وكدة اونلاين وجاله الرسالة بتاعة الباسورد بعتهولها وهو كان عارف المبلغ اللي في الرسالة كان حوالي 1000 جنية وكان تمام بس اتفاجئ بعدها بكذا يوم ان العملية كانت شرا تقسيط على 3 سنين يعني 1000 جنية في 3 سنين يعني 36 الف جنية
ودلوقتي هي اختفت بعد الحوار دة ومش عارف مكانها طبعا وطلعت باسم تاني غير اسمها
وكلم موقع الشراء الاونلاين قالوله ان الموضوع في سرية معلومات العميل والاكونت معمول جديد
ويمكن يكون الموبايل بقى مش متسجل وكمان العنوان اكيد اي كلام
يعمل ايه يروح البنك ؟ هيقولوله ان العملية تمت بعلمه وجاله الرسالة على موبايله يعني هو وافق عالعملية
هل في حل انه يوصل للشخص دة وهيروح مثلا يعمل محضر بايه
افيدونا يا قوم