رجعنالكم بسلسلة جديدة من مشاعر مكبوتة
اميرة المراهقة هل سينتصر الحب ام الجنس ؟
أميرةٌ أنتِ على قلبى ............عنكِ أضلُ وبكِ اهتدى
.
تنظر من نافذة الطائرة وعيناها تختزن الدموع بداخلها كى لا تهطل.
فقد قررت عدم البكاء مرة أخرى مهما حصل...
وتذكرت أخر مرة بكت فيها يوم وفاة أمها فى المستشفى وكيف كانت تحضن والدها بقوة وهى تغمره بدموعها حزنا على رحيل أمها رغم صغر سنها حينها ..
واليوم فى رحلة العودة إلى القاهرة
هى تعرف انها زارت القاهرة من ذى قبل ..لكن لا تتذكر شيئا عن هذا
عاشت هذه السنوات العشر مع ابيها فى الولايات المتحدة الأمريكية
وها هى تعود الآن بعد وفاة ابيها منذ اسبوع خلا..
عادت لتعيش مع عمتها رقية بعد وفاة والدها فى حادثة
وتعود لتتذكر ما حدث
كانت جالسة تجهز أوراقها لتقدم فى جامعة بنسلفانيا
ورن جرس الهاتف فطارت إليه ظنا منها انه والدها
لكن كان المتصل من احد مستشفيات الولاية ليخبرها بأن ابيها فى المستشفى نتيجة حادث سيارة...فألقت ما بين يديها وخرجت مسرعة لتطمئن على ابيها
اخذت سيارة أجرة وذهبت إلى المشفى ليخبروها الخبر المؤلم ..لم نستطع انقاذه
فتصرخ لحظتها بأنه على قيد الحياة
خرج صباحا دون أن يودعنى
وعدنى اليوم سيذهب معى لتقديم اوراقى للجامعة
أبى هذا أخر شخص لى فى الحياة فتقع مغشيا عليها
وبعد ان اسعفوها وافاقت
وجدت المحامى يقف على رأسها يربت على كتفها
يحاول تهدئتها ..لكنها غير مستوعبة الأمر وغير مصدقة لما يحدث
وهنا المحامى يطلب منها ان يتكلم معها فى أمور هامة
المحامى....
انت ما زلت فى الـــ 17 من عمرك
ستعودين لمصر لتعيشين مع عمتك رقية
لقد أرسلت لابن عمتك فادى ليكون فى استقبالك فى المطار
وهما مرحبان بك وبوجودك بينهم
سيكونان بانتظارك بعد اسبوع من اليوم
ومر الأسبوع بمرارة على أميرة بعد ان قضته فى بيت المحامى مع بناته وزوجته
اوصلها المحامى إلى المطار مخبرا إياها أنه سيقوم بتصفية جميع الاعمال المتعلقة بوالدها وسيرسل كافة التفاصيل لابن عمتها فادى
وكل الأمور المادية ستكون تحت تصرفه حتى بلوغك الـ 18 عشر
وحين تبلغين سن الرشد ستستلمين منه كل شيء
ركبت أميرة الطائرة ونظرت أخر نظرة على بلد أمها التى قضت فيها أحلى واجمل أيام حياتها .وهى لا تذكر عمتها الكبيرة ولا الصغيرة ولا فادى اصلا
وتذكرت كلام ابيها معها حين كان يقول لها عمتك رقية الكبيرة
وعمتك فريال الصغيرة
وكان يقول لها لا بد فى يوم ما سنعود إلى مصر بلدنا
لكن للأسف عادت وحيدة ........................
المضيفة نطلب من الركاب ربط حزام الامان
لأن الطائرة اوشكت على الهبوط فى مطار القاهرة
أحيانًا تتملكنا الرهبة والخوف الشديد من المجهول وما تخفيه الأيام لنا،
لا تعرف ما ستواجهه فى مصر
لا تعرف مصيرها ومآلها وما سيكون فى قابل الأيام
ينتظرها مصير مجهول
لا تعرف ابن عمتها ..ألا يمكن أن يطمع فى أموالها وأموال ابيها
وعاد الخوف ليتملكها
الخوف هو ذلك الشعور القاتل الذي إذا تملك من الإنسان سيحوّل حياته إلى جحيم مُتقد، والخوف الزائد عن الحد يجعل الشخص يتمتع بالسلبية
لكنها تذكرت كلام ابيها ماذا تفعل عندما تشعر بالخوف
اغمضت عينيها واخذت تردد بعض آيات من القرآن حتى سيطرت على نفسها
نزلت اميرة سلم الطائرة
انهت اجراءاتها بسرعة نظرا لوجود جواز سفر امريكى
اخذت حقيبتها من على سير الحقائب
شكلها يوحى بالجمال
الجمال نعمة وهبها اياها رب العالمين، فجمالها لا يوصف ولا يكتب على ورق
فلكل فتاة جمالها الخاص الذي ميزها به الـله، ومن يجهل البنت وجمالها ولايقدرها يفقد جمال الحياة، لأن البنت بصفة عامة هي الحياة
كان شكلها ملفت للانظار
كانت طويلة نوعا ما..بشرتها بيضاء كضوء القمر
عيناها تمتازان باللون العسلى الفانح
شعرها بنى اللون وطويل وشديد النعومة فى ضفيرة واحدة على جانبها الايمن
ترتدى بنطال جينز سماوى محتشم وتيشرت بينك فاتح
تجر حقيبتها لتخرج من بوابة المطار
وقفت بالخارج تنتظر عمتها رقية
كانت عيناها تدور فى كل الاتجاهات تبحث عن عمتها
وفجأة يأتيها صوت قوى من خلفها
شخص...
انت اميرة محمد راجح ؟
تظرت إليه ولم تستطع الرد خوفا ورهبة من الموقف الذى هى فيه
متخوفة من النصب والاحتيال وخطف البنات كما تسمع فى امريكا عن امور العرب..
تنظر لصاحب الصوت
شاب طويل ضخم الجسم .شعره اسود شديد السواد ..عيونه ذات لون بنى غامق
به ذقن دوجلاس خفيفة
شكله مخيف
يرتدى بدلة سوداء وقميص أسود
شعرت أميرة بالخوف وامتلأت عيونها بالدموع
لكنها تمالكت نفسها وهزت رأسها لاعلى وأسفل وكان الجواب على سؤاله.
الشاب نظر إليها من أعلى لأسفل كأنها يتوقع ردة فعلها
الشاب...
انت بتتكلمى عربى ؟
اميرة اجابت بهز رأسها مرة اخرى اى نعم
الشاب ...
انا فادى ابن عمتك
حاوصلك للفيلا عشان عمتك منتظراك
اخذ منها الحقيبة وسار أمامها يسرع الخطى
وهى اخذت تجرى لتلاحق خطواته
وخرجو من المطار ووقف بجوار سيارة ميرسيدس فخمة جدا
فتح لها الباب ودخلت وجلست وربطت حزام الامان
وفتح الباب الخلفى ليضع حقيبتها
وركب وتحرك بسيارته
كانت اميرة ملتصقة بالباب والكرسى من خلفها
لا تعرف ما تقول فقررت ان تلتزم الصمت
فادى.....
عايز اقولك امى تعبانة شوية والتعب زاد عليها بعد ما سمعت خبر موت خالى اللـه يرحمه ..عشان كدة مقدرتش تيجى المطار
وهى مستنية وكان نفسها تقابلك ف المطار عشان تبقى اول واحدة تشوفيها
لكن الدكتور قالها بلاش تتعبى نفسك فى المشاوير وكدة
والدكتور اصلا طلب مننا نعاملها معاملة خاصة
متعرضهاش لاى ضغط عشان قلبها تعبان..
اميرة نظرت إليه ولم تنطق بحرف وظلت صامتة .
فادى ...هو انت سامعانى
اجابت بهز رأسها
فادى ...
طب كويس...انت حتروحى البيت تقعدى شوية مع ماما وتشوفى اوضتك
وعايزك تنامى بدرى عشان بكرة نقدم لك فى الجامعة الامريكية تكملى دراستك
ظلت اميرة على صمتها
وصلت السيارة الفيلا ودخلت من بوابة كبيرة سوداء
الفيلا كانت واسعة فيها حديقة واشجار كثيرة وورود وحمام سباحة
وفيها جراش واسع فيه اكثر من سيارة
وقفت السيارة امام باب الفيلا
نزل فادى وفتح لاميرة باب السيارة
وباب الفيلا يفتح لتظهر امامها خادمة اجنبية لتحمل الحقيبة
فادى ....
اتفضلى ماما منتظراك جوة
دخلت اميرة الفيلا خلف فادى
لتجد الفيلا من فخامتها تخطف الانظار
فيها نافورة فى منتصف القاعة
مليئة بالتحف القيمة والجميلة
ونظرت امامها لتجد امرأة طويلة بشعر ابيض وناعم
ترتدى بنطالا اسودا وبلوزة بيضاء تتجه ناحيتها
رقية .......
اميرة حبيبتى .الغالية بنت الغالى ..حمداللـه على سلامتك يا حبيبتى
مدت اميرة يدها لتسلم
رقية....
انا عمتك يا حبيبتى
اميرة..... وهى تترعش
ازاى حضرتك يا طنط
فادى....
انت بتتكلمى بجد .... اومال كنت زى الصنم معايا من المطار لهنا
رقية....
بالراحة على بنت خالك .لسة متعرفكش ولسه حزينة على ابوها
فادى....
انا جبتها واهى معاك..عن اذنك ورايا شغل
ذهب فادى وترك اميرة مع عمتها رقية
عمتها اقتربت منها واخذتها فى حضنها
حينها حست اميرة بالأمان
ودخلت فى حضن عمتها ودفنت وجهها فى صدر رقية
وبدأت بالنحيب والبكاء
.............................
الجزء الثانى
.
رقية ....
عيطى يا اميرة عيطى يا حبيبتى
وكأن اميرة كانت تنتظر هذه اللحظة وتأخذ الأذن لعينيها للبكاء
فتنزل دموعها كالسيل
وكأنها تنتظر الحضن الذى ترتاح معه لتبكى
بعد ساعة من الزمن
كانت اميرة جالسة على كنبة انتريه حاضنة عمتها رقية
طلبت لها مشروب الكاكاو الساخن ليهدئها
وبعد ان انهت شرب الكاكاو اخذتها عمتها لغرفتها لتراها
وصعدا الدور الأول
وما ان فتحت عمتها الغرفة
غرفة واسعة لونها بينك بالكامل .فيها دولاب كبير وتسريحة كبيرة
وسرير واسع بشكل دائرى
فيها حمام كبير لونه بينك ايضا وفيه جاكوزى ومرايات كثيرة
وارفف مليئة بالكريمات المختلفة والبرفيومز والشامبوهات
واى شيء تحتاجه فتاة بعمر اميرة
رقية....
انا اشتريت لك الحاجات الضرورية اللى حتحتاجيها
وفتحت الدولاب
وكمان اشتريت لك شوية لبس حاجة مؤقتة علبال ما ننزل انا وانت ونشترى على ذوقك
اميرة...
متشكرة اوى ..بس ده كتير يا عمتو
رقية ...
مفيش حاجة تكتر على بنت اغلى واحن واحد فى الدنيا اللـه يرحمه
اميرة....
كان بيحبك قوى يا عمتو
رقية....
عارفة يا حبيبتى واحنا برضو بنحبه كتير
حاسيبك دلوقت ترتاحى وحاقول لهم يطلعولك العشا هنا
وبعدها تنامى من تعب السفر
عشان بكرة ورانا امور كتير حنعملها سوا
اميرة.......حاضر
رقية .....
اسيبك دلوقت ولو احتجت ايتها حاجة انا اوضتي تبقى لاصقة ف اوضتك
اميرة.......حاضر
و خرجت رقية وتركت اميرة وحدها ,وبعد قليل اتاها العشاء
وبعد العشاء
جلست اميرة على السرير وهي لا تعرف ما تفعل
فقررت تدخل لتاخذ شاور كى تنام .
دخلت الحمام بعد ان القت ملابسها فى سلة الغسيل
اخذت تتأمل جسدها العارى والمرايا تعكس لها كل جوانبها
رفعت ذراعها وشمت ابطيها
رأت على جسدها بعض حبات العرق الجافة
اخذت تفرك حتى وصلت اصابعها لمكان عفتها
بعدها دخلت الجاكوزى بعد ان ملأته بالمياه الفاترة
تذكرت ابيها لحظات
لكن المتعة داعبت اوصالها
اغمضت عينيها وهى تداعب بظرها
لكنها افاقت لتكمل استحمامها وتلبس ملابس النوم وتنام
...................................
نعود لنكتب باللهجة العامية لتكون اقرب واسرع
........................................
صحيت اميرة من نومها وبعدين بصت حواليها واستغربت من المكان اللى هى فيه ولكن افتكرت انها فى مصر ورجعت عشان تعيش عند عمتها رقية
وقامت من ع السرير وراحت بصت من البلكونة
وكانت لابسة بيجاما بينك نص كوم وشورت برضو بينك قصير
ولقيت اشجار ياسمين تحت بلكونتها وريحتها جميلة اوي واتعجبت عشان هى بتحب الياسمين ولما كانت ف امريكا كان تحت اوضتها برضو ياسمين
وسمعت صوت في البيسين بصت ولقيت فادى بيعوم بسرعة ومن غير ما يشوفها
دخلت عشان تغير هدومها ووقفت قدام الدولاب محتارة تلبس ايه وعايزة حاجة تلفت نظر فادى .عشان قلبها ابتدى يروح له.. واخيرا اختارت فستان وردى نص كوم ولبست شوز بينك ونزلت جرى لقيت عمتها قاعدة ع السفرة لوحدها منتظراها
رقية........صباح الخير يا حبيبتي , نمت كويس؟ وعجبتك اوضتك ؟
اميرة بصوت ملائكى ......
صباح الخير يا عمتو, الحمد للـه نمت كويس
رقية......انا مرضتش افطر من غيرك انت و فادى
وفادى اصله بيحب يعوم شوية قبل ما يروح الشركة
اميرة......هو كان قالي انه حيقدملي في الجامعة الامريكية
رقية ....ايوه يا حبيبتي هتروحو بعد الفطار علطول
اميرة....كنت عايزة اسأل عن حاجة كدة
رقية ....اسألى يا حبيبتى
اميرة....هى الاوضة اللى انا فيها بتاعة مين بالظبط
رقية...دى عاملاها مخصوص عشانك
........كل اللى بتحبيه عملته زى اوضتك اللى ف امريكا
اميرة.... ومنين عرفت كل ده.. وعرفت ازاى انى حاجى مصر
رقية.......بابا اللـه يرحمه وصفلى اوضتك
.......... واكيد كنتو حتيجو زيارة فى اى وقت
.......... وانا جهزتها زى ما وصفها الغالى
دخل فادى عليهم وباس مامته في خدها وقال
فادى .....صباح الخير يا ماما, صباح الخير يا اميرة
رقية....صباح الخير يا حبيب ماما
اميرة ...صباح الخير
فادى ...حنروح نقدم اوراقك في الجامعة
اميرة هزت راسها
فادى....هو معايا بس هز الراس ده ولا مع الكل
رقية ......لسه مش واخدة عليك واكيد مكسوفة
فادى.....حتختاري كلية ايه ؟ دى مفيهاش هز راس ..ههه
اميرة.....هه ادارة اعمال
فادى .....اشمعنى ادارة اعمال يعتى؟
اميرة ....اصل بابا كان عايزني ادرس كده
فادى......طيب يلا نفطر عشان نروح
بعد الفطار سلمت اميرة على عمتها
خرجت ركبت مع فادى العربية
وكان لابس بنطالون جينز وقميص ابيض نص كوم
وفضلت اميرة ساكتة طول الطريق
وفادى كان بيتكلم في الموبايل مع سكرتيرته فى امور الشغل لغاية ما وصلوا للجامعة ودخلوا وقدمت اميرة اوراقها وكتبت استمارة كلية ادارة الاعمال
والموظفة قالت ان التنسيق حيظهر كمان بعد اسبوع .
وهما راجعين ف الطريق.
فادى....هو انت مكنش ليك اختلاط ف امريكا ولا اصحاب
اميرة هزت راسها بلا
فادى....عايز اسمع صوتك مش حينفع كل حاجة هز راس
فادى وصل اميرة البيت ورجع لشغله
وفضلت اميرة طول اليوم مع عمتها تفرجها ع الجنينة ويتكلموا عن مصر
والاماكن اللي لازم تزورها و الحاجات اللي هينزلو عشان يشتروها عشان الجامعة , وفي وقت الغدا اتصل فادى يعتذر لمامته انه مش حيقدر يجي يتغدى معاهم
رقية.........تعرفي يا اميرة يا حبيبتى
فادى .بيشتغل في شركة والده اللـه يرحمه من ساعة ما كان طالب في الجامعة
ومن يوم ما اتوفى وهو كل وقته للشغل تخيلي شاب عمره 27 سنة كل وقته مشغول ومش بيرتاح ابدا.
اميرة.......شكله بيحب شغله يا عمتو
رقية .......اوي اوي بيفكرني بوالدك الـله يرحمه
اميرة.......فعلا...بابا كان بيحب شغله
رقية.......تعرفي لما كان عندك ست سنين قبل ما تسافري امريكا مع باباكي
كان فادى عمره 16 سنه يومها
لقيته زعلان اوي باقوله مالك يا حبيبى ..راح قايل
خالي وميرو حيوحشوني اوي.
اميرة.....انا مش فاكره خالص اننا كنا في مصر زمان اصلا
رقية......انت كنت صغيرة ساعتها
اميرة بصت لعمتها بحب ....انا مش عارفة من غيرك كنت حاعمل ايه؟
رقية مبتسمة......الحمد للـه ان **** طول في عمري عشان آخد بالي منك ومن فادى
اميرة .....قامت وحضنت عمتها جامد وفضلوا سهرانين والساعه 9 رقية قالت
رقية....حبيبتى انا حاقوم عشان معاد نومي جه خليكي براحتك
اميرة ...........لا ..وانا كمان اطلع انام
رقية.........تنامي ايه ده انت لسه شباب
روحي انزلي البيسن وبلبطى شوية .مش بتعرفى تعومى او اتفرجي ع التليفزيون
اميرة .......ايوة باعرف اعوم ..... انا حنزل البيسين شوية
رقية........حتلاقي اكتر من مايوه في الدولاب بس يا رب يعجبك ذوقى
وطلعت رقية عشان تنام ...واميرة راحت لقيت 3 مايوهات
واحد اسود وواحد برتقالى وواحد احمر بيكيني
بس هي اختارت الاسود عشان كان قطعة واحدة وكمان خايل على جسمها الابيض
واخدت فوطة ونزلت الجنينة وسابت الفوطة ع الكرسي ولبست البونيه على شعرها
ونزلت المية ونزلت تحت الميه كتير كأنها محتاجة تريح اعصابها من الايام الصعبة اللي فاتت
وطلعت راسها وابتدت تعوم وهي مسترخية
upload image
upload picture
بس حست ان في حد بيبص عليها
راحت خرجت من المية ولفت الفوطة حوالين جسمها ورجعت عشان تدخل الفيلا
بس لقيت فادى قدامها:
فادى.......فين ماما ؟
اميرة ...طلعت تنام
فادى.... انت تنامي بدري عشان الدراسة قربت
اميرة اتضايقت عشان فادى بيتعامل معاها على انها طفلـة فبصتله وسكتت
فادى .......يلا اطلعي اوضتك تصبحي على خير
وسابها لوحدها ودخل اوضة المكتب بتاعته عشان يكمل شغل
وهي طلعت اوضتها خدت شاور
وقبل ما تنام غمضت عيونها تتخيل انها فى حضن فادى
و نامت نوم عميق….
....الجزء الثالث
.
اميرة فضلت الايام اللى بعد كدة مع عمتها
يشترو لوازم اميرة لبس وخلافه قبل بداية الدراسة
وكانت فرحاتة جدا عشان اتعلقت بعمتها كأنها مامتها بالظبط
وكان اليوم كله يقضوه مع بعض
اما فادى مش بيجى البيت كتير قوى الا وقت النوم عشان مشغول قوى بشغله جدا
بس اميرة كانت بتفرح لما تلاقيه بيعوم ف البيسين الصبح او بالليل
وكتير كانت تتخيل انها بتعوم معاه وبياخدها ف احضانه
ويدوس على صدرها وهو بيهزر معاها
وانها تتخيل انها تخطف منه بوسه خطف
وقبل بدء الدراسة بيوم جاتها الشغالة تبلغها ان فادى عايزها فى مكتبه
فرحت اميرة وراحت تجرى للمكتب
خبطت اميرة على باب المكتب وفتحت الباب
فادى .......تعالي اقعدي يا اميرة
اميرة .....نعم
فادى.....افتحي العلبة اللي قدامك دى
فتحت اميرة العلبة لقيت لاب توب لونه فوشيا فاتح
فبصت لفادى باستغراب
فادى .....انا جبتهولك مخصوص عشان اكيد حتحتاجيه في دراستك
اميرة ....متشكرة اوي
فادى .... اهم حاجة عايزك تكوني متفوقة ومجتهدة في دراستك
اميرة ......ان شاء الـله
فادى ......تقدري تروحي اوضتك دلوقت
عشان من بكرة حيبقى معاك سواق مخصوص هيوصلك الجامعة الصبح
اميرة......عن اذنك
فادى كان شغال ع اللاب ..........اتفضلي
طلعت اميرة اوضتها وهي مش عارفة تفهم فادى
هو طيب ولا قاسي ؟ وليه بيعمل معاها كل ده ؟ عشان بنت خاله؟ ولا حاجة تانية
ولا عشان هو حاسس انها لسه طفلـة صغيرة
يا اخى بص كويس
قدامك بنت جميلة وفايرة ومقلووظة تتاكل اكل
وتساؤلات كتير بتدور جوه دماغ اميرة
مش عارفة تلاقيلها اجابة وكل مالها بتدوب فى حب فادى بس كاتمة
ونامت اميرة وهي لسه بتفكر فى فادى
************************
الصبح صحيت اميرة بدري ولبست جينز ازرق وعليه بلوزه وردى وكوتشي بينك وعملت شعرها ضفيرة لورا وحطت ميك اب خفيف
و نزلت لقيت عمتها وفادى مستنينها ع الفطار
رقية .........صباح الخير يا حبيبتي, ها مستعدة للدراسة؟
اميرة ........ان شاء الـله..صباح الخير
فادى ........صباح الخير
..............خلي بالك من نفسك يا ميرو
.............السواق مستنيكي ف العربية وحيستناكي لما تخلصي
اميرة مبسوطة من كلمة ميرو
بصتله بابتسامة وقالت.............حاضر
وبعد الفطار قام فادى واميرة وخرجوا من باب الفيلا سوا
وفادى فتحلها باب العربية اللي ورا واداها فلوس
اميرة....ايه ده؟
فادى....ده مصروف ليكي عشان لو احتجت حاجة ..اكيد مش معاك فلوس مصرى
اميرة........سورى .....انا مش عايزة
فادى .......وبعدين يا ميرو اسمعي الكلام
اميرة ابتسمت عشان بيقولها ميرو وسكتت
وقفل فادى باب العربية والسواق اتحرك وفضلت اميرة باصة على فادى لغاية ما اختفى عن عينيها,
وصلت عند باب الجامعة و نزلت ودخلت الكلية بتاعتها
وعرفت المكان اللي حتدرس فيه اول مادة
وهتاك اتعرفت على بنتين سها و سهام وقضوا اول يوم مع بعض
والبنتين كانوا بيدرسوا في مدارس لغات في مصر واميرة ارتاحت لهم اوي
وآخر اليوم لقيت اميرة السواق مستنيها
ورجعت البيت لقيت فادى موجود في الجنينة
اميرة ....مساء الخير .يا فادى
فادى.....مساء النور, ها عملت ايه النهارده؟
اميرة .....الحمد لـله..من اول يوم اخدنا محاضرات
فادى..........طيب كويس
اميرة كانت عايزه تحكيله عن صاحباتها
بس هو مكنش باصصلها وكان بيقرا ورق شغل
فاستأذنت ودخلت الفيلا وقابلت عمتها وحكتلها كل اللي حصل في اول يوم دراسة .
وعدى التيرم الاول وكانت اميرة منتظرة النتيجة على نار ولقيت موبايلها بيرن:
اميرة...الو
سهام...الو يا مرمر
اميرة....ها عندك اخبار؟
سهام.....تدفعي كام؟
اميرة.... قولي بقى
سهام.....مبروك طلعت التانية ع الدفعة
اميرة....بجد
سهام....ايوه يا بنتي النتيجة ع النت
اميرة ....طب وانتي وسها عملتوا ايه؟
سهام........الحمد لـله نجحنا
اميرة ......مبروك
سهام.....لازم نخرج النهارده نحتفل
اميرة ....مش عارفة فادى حيوافق ولالأ؟
سهام....قولي لعمتك تقول له
اميرة ...حاحاول واتصل بيكي
سهام....حاستناكي
اميرة ....اوكيه باي
سهام.....باي
نزلت اميرة و لقيت عمتها فاعدة في الصالون
اميرة....... عمتو
رقية.......نعم يا حبيبتي
اميرة .........انا نجحت و طلعت التانية ع الدفعة
رقية .......مبروك يا حبيبتي , روحي قولى لفادى وفرحيه . هو موجود ف المكتب
اميرة .....اوكيه
وقفت اميرة على باب المكتب مترددة
وبعدين اخدت نفس طويل
وهي مش عارفة ايه سر الرهبة اللي بتحسها من ناحية فادى
اميرة.......فادى
فادى ......تعالي يا اميرة, عايزة حاجة؟
اميرة .....النتيجة ظهرت
فادى ساب الورق اللي في ايده وبصلها .....ها عملت ايه؟
اميرة .........طلعت التانية ع الدفعة
فادى ابتسم ............مبروك الف مبروك يا ميرو
بصتله اميرة جامد زى ما يكون بتتأمله
عشان كان اول مرة تشوفه بيضحك......... **** يبارك فيك
فادى .......اختاري اي هدية
اميرة بصوت متردد.....كنت عايزة اخرج مع صحباتى النهرده نحتفل مع بعض
فادى .بصلها اوي .........حتروحوا فين؟
اميرة .....مش عارفة لسه
فادى......ماشى يا اميرة
....... ...بس السواق حيوصلك ويستناكي عشان يرجعك
اميرة وهي مش مصدقة انه وافق ....متشكره يا فادى وراحت اخدت بوسة من خده
فادى وهو شايف الفرح ف عينيها .......روحي جهزي نفسك بقى
فضل فادى لحظات يفكر شوية بعدها رجع لورق الشغل
و جريت اميرة علشان تكلم سهام ويتفقوا على المكان اللي حيسهروا فيه
وبعد ما كلمت سهام وقفت قدام الدولاب
واختارت فستان ابيض لتحت الركبة
وشوز فلات بيضا وشنطة بينك صغيرة وحطت حزام رفيع ابيض عليه خطوط دهبي
ولبست حلق لونه دهبي وحطت ميك اب رقيق و فردت شعرها
ونزلت لقيت فادى واقف عند الباب حاطط ايده في جيبه
وكان بيبصلها وهي نازله من فوق
وده كان اول مرة يشوفها حاطه ميك اب و شعرها مفرود لورا
ولما وصلت اميرة لآخر السلم خرجت عمتها من الانتريه وقالت
رقية ......شايف يا فادى قد ايه اميرة كبرت ازاي؟
فادى ......آه فعلا , اميرة متتأخريش عن الساعه 9
اميرة .....حاضر
وخرجت اميرة وركبت العربية
وفضل فادى باصص عليها وهو قلقان عليها
عشان اول مره تخرج لوحدها في مصر……
وصلت اميرة الكافيه اللي حتقابل فيه سهام وسها
وقعدوا وطلبوا عشا وفضلوا يتكلموا ويضحكوا وبعد العشا طلبت سهام شيشة
اميرة....ايه ده ... انت بتشربي شيشة؟
سهام......ايه يا بنتي عادي
اميرة.... بس ده مضرة جدا ع الصحة
سهام ...يا مرمر بقى ده النهارده بنحتفل بنجاحنا
سها.....انا بقالي كتير باقولها لازم تبطلها وهي مش عايزة
اميرة.....مامتك وباباكي بعرفوا؟
سهام....لا طبعا انت عارفة التفكير الشرقي المتخلف
سها....على فكرة التفكير الشرقي غالبا بيبقى صح جدا
اميرة.....انا موافقه سها على كلامها
سهام...انا بقى ضد الفكر الشرقي المتخلف
اللي دايما بيقيد حرية البنت ويدي للولد كامل حريته
اميرة بصت في الساعه لقيتها 8 و نص فقامت بسرعة وقالتلهم
اميرة.......انا اتأخرت ولازم امشي عن اذنكم
سهام...........شوفتي بقى لو كنت ولد ما كنتيش قومتي تجرى عشان تروحى بدرى
اميرة....انا قومت عشان وعدت فادى اني ارجع البيت الساعه 9
سها ....برافو عليكي يا مرمر كده حيثق فيكي وحيوافق تخرجي معانا تاني
سهام .........انا مش مصدقة انك امريكية وكنت عايشة في امريكا
اميرة....متنسيش ان بابا الـله يرحمه كان مصري وربانى على تقاليد المصريين
سها......يلا يا مرمر علشان متتأخريش
اميرة ....يلا باى
سها ....مع السلامة
سهام ....باى
و خرجت اميرة من الكافيه و ركبت العربية
ووصلت البيت الساعه 9 بالثانية
لقيت عمتها نامت وملقيتش فادى ....طلعت اوضتها غيرت هدومها ونامت
…… وبرضو حلمت بفادى……………….
...
الجزء الرابع
.
خلص التيرم التاني ونجحت أميرة وعمتها فرحانة بيها
وفادى بارك لها وقال لها تختار اى هدية
بس أميرة شكرته
وفي يوم على الفطار الصبحية
فادى......أميرة حتعملي ايه النهارده
أميرة ..............ولا حاجة عايزة اروح النادي مع عمتى
فادى .......ماشى انتو روحو وانا اجى اتغدى معاكم
وخرج فادى و راح الشغل
وطلعت أميرة اوضتها تغير عشان تروح النادي ولبست
ونزلت لقيت عمتها بتقولها
رقية..... معلش يا أميرة انا تعبانة شوية روحي انت
أميرة............... سلامتك يا عمتواطلبلك الدكتور؟
رقية ....لا يا حبيبتي انا حاطلع ارتاح شوية في اوضتي
أميرة ............طب انا حاطلع معاكي
رقية.....لا يا حبيبتي
انت روحي النادي غيري جو وكمان عشان تتغدي مع فادى هناك
أميرة .......لا مش حاروح من غيرك
رقية....اسمعي الكلام يا أميرة , يلا السواق مستني برة
وراحت أميرة النادي وكانت متعرفش حد خالص
وفضلت قاعدة على ترابيزة قريبة من حمام السباحة تتفرج ع العيال الصغيرة اللي بيلعبوا وافتكرت باباها الـله يرحمه لما كان بيلاعبها وهي صغيرة ,
وهي قاعدة واحد بيجرى وخبط ف كتفها من غير قصد فاتخضت
وبصت لقيت شابين بيلعبوا وبيرشو مية علي بعض ومن غير ما يقصدو المية جت عليها فأميرة وقفت عشان تمسح المية بالمنديل فقرب شاب منها
الشاب.........انا آسف جدا من غير قصد واللـه
بصتله أميرة لقيته شاب طويل وشعره اصفر وعيون زرقا وشكله محترم جدا فقالتله
أميرة .....حصل خير
الشاب.........بجد مكنتش اقصد
أميرة ابتسمت .........خلاص حصل خير
الشاب مد ايده يسلم وقالها .....
....اعرفك بنفسي اسمي سمير طالب في آخر سنة في كلية هندسة الجامعة الامريكية
أميرة مدت ايدها..........
اهلا بيك ,انا أميرة سنه تانية كلية ادارة اعمال الجامعه الامريكية برضو
سمير.....ايه الصدفة الحلوة ده
أميرة ........هي فعلا صدفة
سمير....انت قاعدة لوحدك ليه؟
أميرة........لسه معرفش حد هنا .. اصلي رجعت من امريكا اول السنة ..
سمير........معقول لسه متعرفتيش على حد هنا
ده النادي كله اصحابي ثواني اغير هدومي وآجي اعرفك على اصحابي
وراح سمير يغير وساب أميرة تستناه
ولما رجع قالها.
سمير....... اتاخرت عليك
أميرة.......لا ابدا
وفضلوا يتمشو لغاية ملاعب التنس ودخلوا لقيو شلة بنات وولاد واقفين بيشجعوا واحد صاحبهم وهو بيلعب وعرفها سمير على اصحابه
و كانوا كلهم في الجامعة الامريكية وقضت أميرة اليوم معاهم ومحستش بالوقت خالص غير وموبايلها بيرن:
أميرة............الو
فادى....ايوه يا أميرة انتو فين؟
أميرة............انا عند ملاعب التنس
فادى...........طيب انا جايلك
وبعد شوية جه فادى وكان لابس شورت اسود وعليه تيشيرت احمر وشوز اسود وكان لابس نظاره شمس فأميرة بصت عليها فسألها سمير:
سمير...............مين ده يا أميرة؟
أميرة..............ده فادى ابن عمتي
بنت من البنات..........واو ده وسيم اوي
أميرة باصتلها وحست انها متضايقة من كلامها وسكتت
فادى ........هاي يا جماعة
سمير.....اهلا بيك انا سمير
فادى....اهلا يا سمير انا فادى, وبقى عندك اصحاب يا أميرة؟
أميرة......اتعرفت عليهم النهارده
فادى.........طيب يلا عشان نروح نتغدى
بصت البنت لفادى ومدت ايديها...........هاي انا ميرنا
فادى.....اهلا يا ميرنا , فرصة سعيدة يا جماعة عن اذنكم
أميرة.......باي يا سمير
سمير .....باي
ومشيت أميرة مع فادى وراحوا مطعم النادي وبعد ما قعدوا
فادى.............هي ماما مجتش ولا ايه؟
أميرة............لا اصلها تعبت وطلعت ترتاح في اوضتها
فادى .......... زهقت لوحدك؟
أميرة...........لا ابدا
فادى.......انت عرفت سمير ازاي؟
حكتله أميرة اللي حصل وقالت له انهم زملا في الجامعة ,
وطلبوا الغدا وفضل فادى يسألها على دراستها وبعد الغدا روحوا البيت وفادى غير هدومه وراح الشركة تاني وفضلت أميرة بقية اليوم لوحدها في الجنينة…………
بعد اسبوع نزلت أميرة عشان تفطر مع عمتها
ولقيت فادى موجود وحط قدامها علبة كبيرة
أميرة..............ايه ده؟
فادى بصلها بحنان....كل سنة وانت طيبة يا ميرو النهارده عيد ميلادك
أميرة.......انت عرفت منين؟
فادى.....العصفورة اللى قالت لي, مش حتفتحي الهدية
أميرة فتحتها لقيت دبدوب بينك وماسك علبة بينك صغيرة فتحتها لقيت سلسلة دهب وفيها نجمة الماظ فبصت للسلسلة وقالت
أميرة..........شكرا يا فادى ده حلوة اوي
فادى......حتقضي عيد ميلادك ال17 ازاي؟
أميرة.........مش عارفة, يمكن سها وسهام يعدو عليا
فادى....طيب انا اقوم اروح الشغل صبحي على ماما لما تنزل
أميرة بصتله وعينيها بتلمع..........حاضر
ولبست أميرة السلسلة واول ما عمتها نزلت:
أميرة ..........شوفتي يا طنط فادى جاب لي ايه هدية عيد ميلادي؟
رقية باستها في خدها...........
كل سنة وانت طيبة يا حبيبتي , حلوة اوي السلسلة و آدي هديتي انا
أميرة فتحت هدية عمتها
لقيت حلق جميل فيه فص ازرق........شكرا يا طنط ربنـا يخليك ليا
وبالليل جت سهام وسها عند أميرة وجابو تورتة وعملوا لأميرة عيد ميلاد في الجنينة وفضلو يغنولها وبعد ما طفوا الشمع
سهام..........يلا اتمني امنية
سها ..... يلا يا مرمر
أميرة غمضت عينيها و ملقيتش حاجة الا تفكر فى فادى
واول ما فتحت عينيها لقيته واقف بيبصلها
ولقيت سهام وسها باصين لفادى بصة اعجاب
فادى....اتمنيت ايه؟
سهام..........لا ده سر على فكرة, هاي انا سهام
فادى............اهلا يا سهام , وانت اسمك ايه؟
سها .....انا سها فرصة سعيدة اننا نشوفك .. أميرة بتتكلم عنك علطول
فادى يبص لاميرة ..... ويا ترى بتقول عليه ايه؟
فضلت اميرة باصه في عينيه ومتكلمتش خالص
كأنها مش حاسة بوجود اي حد في الدنيا غيره و بس…….
ابتدت السنة الدراسية وكانت اميرة بتروح كل يوم الجامعة
وبقت بتقعد مع سهام وسها وسمير واصحابه
و حست اميرة ان سمير معجب بيها
بس هي مش حاسة ناحيته بأي حاجة
كان بالنسبه ليها صديق واخ
لغاية ما جه آخر يوم في امتحانات التيرم الاول وجالها سمير عند الكلية
سمير .....ازيك يا اميرة
اميرة ....ازيك يا سمير عملت ايه في الامتحانات؟
سمير ........الحمد لـله, ايه رأيك نتعشى سوا النهارده
اميرة .......لوحدنا؟؟
سمير.........انا كنت عايز اتكلم معاك في موضوع مهم
اميرة ......بس فادى ...مش حيوافق
سمير ..........انا حاكلمه
اميرة....بس………
سمير...........ارجوك مترفضيش
اميرة حست بالاحراج واضطرت توافق
بس كان اكتر حاجه قالقاها فادى حيقول ايه؟
رجعت اميرة البيت لقيت عمتها مستنياها عشان تطمن عليها عملت ايه في الامتحان وبعد ما طمنتها طلعت اوضتها تغير وبعد شويه طلعت الشغاله تخبط عليها وتقولها ان فادى مستنيها في المكتب:
خبطت اميرةعلى الباب وهي خايفة
وفتحت الباب ودخلت على فادى
اميرة....مساء الخير
فادى كان واقف وضهره ليها..........اقعدي يا اميرة
فادى....تعرفي ان سمير كلمني النهارده
اميرة.........ايوه هو قالي
فادى ........طلب مني تتعشو سوا برة النهارده
اميرة......هو طلب منى بس انا موافقتش غير لما يستأذنك
فادى...... بصلها وقالها............انت عايزه تخرجي معاه؟
اميرة......هو قالي انه عايز يكلمني في موضوع مهم
فادى وتعبيرات وشه ثابتة....... عايزة تروحي ؟
اميرة ....لو انت وافقت
فادى ....خلاص روحي يا اميرة
اميرة ......طيب عن اذنك
فادى......اتفضلي
طلعت اميرة اوضتها وهي متضايقة ان فادى وافق
ومش عارفة ليه
مع انها المفروض تفرح انه سايبها براحتها
بس برده حست انه المفروض كان يرفض ………
....................
الجزء الخامس
الساعه سبعة بالظبط
نزلت اميرة من اوضتها
ولقيت آدم قاعد في مكتبه:
اميرة.....فادى
فادى....ها جاهزة
اميرة.......ايوه سمير حيجي كمان ربع ساعة
فادى..........طيب كويس
اميرو............لو مش عاوزني اروح انا ممكن اعتذرله
فادى بصلها وفي عينيه ابتسامة...........
................روحي يا اميرة بس تكوني في البيت الساعه 9
اتغاظت اميرة انه بيضحك ومش متضايق انها حتخرج مع سمير
وسابته وراحت عشان تستنى سمير في الجنينة ولقيت عمتها قاعدة
اميرة......انا جاهزة
رقية......مالك متضايقة ليه؟
اميرة.......ابدا
رقية .......فادى قالك حاجة زعلتك؟
اميرة بصت لعمتها والدموع في عينيها.....لأ…. مقلش حاجة
رقية حست ان اميرة مش عايزه تخرج مع سمير
بس هي كانت فاكراها معجبة بيه ومعرفتش هي زعلانة ليه….
وصلت اميرة مع سميرالمطعم وكان مطعم هادي وقعدو على ترابيزه في الجنب عليها شموع وطلبوا عشا وبعد ما خلصوا أكل وسمير فضل باصص لاميرة وقالها:
سمير........اميرة انا………..
اميرة.......خير يا سمير
سمير......انت عارفة اني فاضل لي تيرم واتخرج ان شاء اللـه
اميرة.......ان شاء الـله
سمير......وانا اتفقت مع بابا اني ارجع امريكا اشتغل في شركة عمي هناك
اميرة.........ده خبر كويس ربـنا يوفقك يا سمير
سمير......انا معجب بيكي يا اميرة و اتمنى توافقي اننا نتخطب الفترة اللي حتكملي دراستك في مصر وبعدين نتجوز ونسافر امريكا سوا
اميرة بصت وهي مش عارفة تقول ايه
سمير..........ارجوك تفكري كويس , انت الانسانة اللي طول عمري باحلم بيها
اميرة.............بس انا مبفكرش في الجواز دلوقتي خالص
سمير..........انا عارف بس انا باقول نتخطب لغاية ما تتخرجي
اميرة.. فكرت شوية وقالت ...........هو انت قلت لفادى ع الموضوع ده
سمير.............ايوه انا استأذنته اني افاتحك وهو وافق اننا نخرج
....................عشان تقولي رأيك بصراحة
اميرة...............وهو رأيه ايه؟
سمير..........بصراحة انا بحترم فادى جدا
................بس باحسه غامض وعينيه متعرفيش جواها ايه
..................وحتى كلامه قليل
...............بس متهيألي هو عايز يعرف رأيك الاول, ها يا اميرة قررت ايه؟
اميرة..............يا سمير انا بعتبرك اكتر من صديق .مش اكتر من كدة
.....................وانت انسان ممتاز بس انا مش بافكر ف الجواز خالص
سمير اتصدم من كلامها...........ارجوك فكري تاني
اميرة.................انا آسفة ده قرارى يا سمير
سمير................على العموم انا حستناكي تفكري تاني وانت معاك ارقامي هنا وفي امريكا كلميني اي وقت حتلاقيني مستنيكي
وفضلوا يتكلموا كلام عادي عن الدراسة و بعد كده وصل سمير اميره عند باب الفيلا ومشي وهو زعلان وكان نفسه تكون اميرة بتبادله نفس الشعور
بس فضل عنده امل تغير رأيها في يوم من الايام……………….
دخلت اميرة الفيلا وفضلت قاعده في الجنينة تفكر في كلام سمير وطلبه للجواز منها , واكتر حاجة استغربتلها ان فادى مقلهاش اي حاجة عن طلب سمير انه يخطبها , وكلمت نفسها بصوت عالي:
اميرة................وبعدين معاك يا فادى؟ انت تقصد ايه بتصرفاتك دى معايا؟
......................نفسي اعرف بتفكر في ايه؟
ودخلت اميرة الفيلا عشان تطلع تنام بس لقيت نور المكتب منور فقررت تدخل تتكلم مع فادى , خبطت ودخلت لقيته مرجع راسه لورا ع الكرسي وكان شكله مرهق جدا فحاولت تخرج تاني عشان تسيبه يرتاح بس هو فتح عينيه:
فادى ...........انت رجعت يا اميرة؟
اميرة ......... ايوه رجعت قبل الساعه 9
فادى...........ها اتبسطتي؟
اميرة...........عادي, انت عارف سمير كان هيكلمني في ايه؟
فادى.............ايوه عارف
اميرة ...............وانت رأيك ايه ف الموضوع ده؟
فادى ....................مش مهم رأيي المهم رأيك انت
اميرة بصتله وسكتت شوية وبعدين قالت......انا مش عايزة اتجوز خالص
وسابته وطلعت تجري على اوضتها ولقيت نفسها بتعيط ومكنتش عارفه ليه ؟
*********************************************************
*********************************************************
بعد اليوم ده ابتدت اميرة تتجنب تشوف فادى
وبقت اغلب وقتها في الجامعة وفي الاجازات في النادي مع عمتها وسهام وسها
صاحباتها وفضلت تسأل عنه عمتها بطريق غير مباشر
وعرفت انه حيسافر ايطاليا في شغل
و قالت لنفسها انها لازم تسلم عليه قبل ما يسافر
ده ابن عمتها برضو………
و قبل السفر بيوم نزلت اميرة عشان تتعشى مع عمتها خصوصا ان فادى بقاله فترة بياكل بره البيت وبعد ما ابتدو يتعشو دخل فادى من باب الفيلا
وكان بقاله كتير ما شافش اميرة
فادى ......مساء الخير يا ماما, مساء الخير يا اميرة
بصتله اميرة بنظرة شوق وحنين و قالت............مساء النور
رقية .......مساء النور يا حبيبي, كويس انك جيت عشان تتعشى معانا
وقعد فادى ع السفرة وقال........ حد فيكم محتاج حاجة من ايطاليا؟
رقية ...........ميرسي يا حبيبي
اميرة.......شكرا
اميرة من غير ما تفكر.........حترجع امتى؟
فادى........اسبوع او اتنين حسب ما اخلص شغلي
رقية ...........كان نفسي اسافر معاك ومعانا اميرة نتفسح شوية
فادى ......اوعدكم مرة تانية نسافر سوا نغير جو وكمان عشان ارتاح من ضغط الشغل
اميرة ........حتنزل فين في ايطاليا؟
فادى ..........حانزل الاول على روما العاصمة
وقامت رقية عشان تنام وسابت اميرة مع فادى اللي كان بيشرب قهوة في الانتريه وفضلت اميرة ساكتة وفادى اتكلم فجأة
فادى ............عامله ايه في دراستك؟
اميرة ........ تمام الحمد لـله
فادى.......واخبار سمير ايه؟
اميرة ........كويس
فادى........كلمك تاني في موضوع الخطوبة؟
اميرة .........لا ابدا
فادى.....انا حاتصل بيكم كل يوم عشان اطمن عليكم ومش حاوصيكي على ماما
اميرة ......متقلقش فى عنيا ...دى امى التانية
فادى ..........مش حتنامي
كانت اميرة عايزة تقوله انا عايزة اقعد معاك ده انا حافضل اسبوعين ما شوفكش
اميرة.....خلاص انا اطلع واحاول انام
فادى بصلها بصة غريبة وعينيه بتلمع..........تصبحي على خير
اميرة...........تصبح على خير
صحيت اميرة بدري عشان تسلم على فادى قبل ما يسافر ولبست بنطالون جينز و تيشيرت احمر وعملت شعرها ضفيرة ع الجنب
ونزلت بسرعه لقيت عمتها و فادى صاحين:
اميرة.........صباح الخير
فادى ..........صباح الخير
رقية ............ايه اللي صحاكي بدري يا حبيبتي
اميرة....عادي صحيت وقلت انزل اقعد معاكم
رقية ...........طيب روحي عشان تفطري
اميرة مكنتش عايزه تسيب فادى فقالت......... انا مش جعانة
وفضلوا قاعدين يتكلموا عن ايطاليا والاماكن السياحية اللي فيها
و قام فادى وقالهم:
فادى.......اسيبكم انا بقى وحاكلمكو لما اوصل ان شاء الـله
رقية ......مع السلامة يا حبيبي
اميرة وعينيها فيها دموع.........مع السلامة
فادى ...........خلي بالكم من بعض
وخرج من الباب وسمعت اميرة صوت العربية وهي بتبعد
وحست ان قلبها راح مع فادى………………..
فاتوا الاسبوعين على اميرة كأنهم سنة وكانت بتروح الكلية ومش بتركز في اي حاجة ومبقتش تروح النادي ودايما قاعدة في الجنينة او بتعوم في البيسين وكل يوم تستنى فادى لما يكلم مامته عشان تطمن عليه وساعات كانت رقية تقول له خد اميرة حتسلم عليك وكان صوتها بيبقى فرحان لما تسمع صوته وحدد فادى يوم الوصول وكان حيوصل بالليل خالص وفضلت فريدة مستنياه هي ورقية
بس رقية نامت وهي قاعده فاميرة قالت لها
اميرة...........اطلعي انت يا طنط ارتاحي وانا حاستناه
رقية ...........طيب يا حبيبتي انا اقوم عشان تعبت خالص
اميرة...........تصبحي على خير
رقية ...........وانت من اهله
وفضلت اميرة قاعدة ف الجنينة مستنية فادى و جابت شال اتغطت بيه عشان الجو كان برد شوية ونامت وهي قاعدة ع الكنبة وكان شكلها برئ اوي …
..
دخل فادى من باب الفيلا لقى اميرة نايمة ومتغطية
فصعبت عليه عشان الجو برد فصحاها بالراحة :
فادى .....اميرة....اميرة .ميرو
اميرة كانت بتحلم حلم جميل وان فادى ماسك ايديها وبيبص في عينيها ………….
اميرة.....مبسوطة مع الحلم
فادى ........اميرة
اميرة ...........فادى .. وحشتني اوي
فادى بصوت عالي شوية......... اميرة اصحي عشان تنامي جوه
اميرة فتحت عينيها لقيت فادى قريب منها اوي.....فادى انت جيت ؟
فادى ...........ايه اللي نيمك كده؟
اميرة...........كنت مستنياك
فادى بصلها بحنان...............طيب يلا ادخلي نامي ..كده هتاخدي برد
اميرة قامت وشعرها كان مفرود وشكلها جميل اوي ودخلت جوه عشان تنام ,
وفضل فادى قاعد مكانها ومسك الشال اللي كانت متغطية بيه وحضنه
وفضل يفكر فيها وقال لنفسه:
انت بتعملي ايه فيا يا اميرة……….؟
مينفعش افكر فيك… انا اكبر منك بـاكتر من 10 سنين ,
لازم ابعدك عني عشان تعيشي حياتك وسنك, بس يا ترى حاقدر اقاومك لغاية امتى؟
............
الجزء السادس
.
وحاول فادى يقضي اغلب اليوم برة البيت عشان يبعد عن اميرة
وهي مش عارفة تشوفه عشان دراستها
وخلصت السنة الدراسية وجت الاجازة
وبرضو فادى بيهرب واميرة بقت علطول زعلانة وبطلت تخرج من البيت
عشان تحاول تشوفه بس هو كل ما يشوفها يسلم عليها ويدخل المكتب او يخرج من البيت وعمتها حست ان اميرة مش سعيدة خالص وبطلت تروح النادي وتشوف اصحابها:
رقية .......مالك يا بنتى ؟ مش بتخرجي مع صحباتك ليه؟
اميرة .........عادي مش عايزة
رقية وهي بتهزر...............ولا عشان عيد ميلادك قرب؟
اميرة..........آه صحيح ده يوم الخميس
رقية ..........ايه رأيك نعمله في الفيلا ؟
اميرة..........لا لا مفيش داعي
رقية ...........السنه اللي فاتت مرضيناش نعمله عشان كان باباكي لسه متوفي
...............بس السنه ده هنعمله ونعزم كل معارفنا عشان الناس تتعرف عليك
اميرة..........بجد مش عايزة
رقية ..........انا قلت حنعمله يعني حنعمله وبكرة حننزل نشتريلك فستان يجنن
عشان كل الناس يشوفوا بنت اخويا اللي زي القمر
امسرة......ضحكت عشان عمتها متزعلش
.............................**** يخليكي ليه, هو عيد ميلاد آدم امتى؟
رقية ..............3/3 بتسألي ليه؟
اميره.............عشان اجيبله هدية
رقية ..........ربـنا يخليكوا ليعض
اميرة ابتسمت وبصت بعيد………………….…
نزلت تاني يوم اميرة مع عمتها واتفقوا على التورته والجاتوهات و كل طلبات العيد ميلاد وراحو يشتروا الفستان فاختارت رقية فستان لونه سماوى طويل وحمالات وقماشته ناعمة جدا وليه ديل بسيط من ورا ومفتوح من عند الصدر وقاسته اميرة وكان شكلها زي القمر و رجعو البيت شايلين حاجات كتير وبيضحكوا وهما داخلين لقيوا فادى خارج:
رقية ...فادى .. كويس اني شوفتك تعالى شوف جبنا ايه عشان عيد ميلاد اميرة
فادى بص لاميرة...............كل سنه وانت طيبة
اميرة وهي فرحانة ........... وانت طيب
رقية .........اوعى تكون نسيت عيد ميلادها؟
فادى بص في عينين اميرة........عمري ما اقدر انساه
اميرة كانت حتطير من السعادة عشان فادى فاكر عيد ميلادها ,
واستأذن فادى وخرج وفضلت اميرة فرحانة لحد ما دخلت سريرها عشان تنام … وحلمت بفادى بيضحكلها من بعيد ففضلت تضحك وهي نايمة…………
**********************************
يوم عيد ميلاد اميرة صحيت بدري وفطرت مع عمتها وابتدوا يجهزوا الفيلا والجنينة عشان العيد ميلاد وبعد ما خلصوا جت سهام وسها عشان يساعدوا اميرة و هي بتلبس و فضلوا قاعدين في الاوضة يتكلموا واميرة بتجهز نفسها وكان فستان سهام لونه احمر وقصير وفستان سها لونه موف وطويل وكانوا الاتنين شكلهم جميل وبعد ما اميرة لبست الفستان وحطت ميك اب دهبي في بيج ولبست صاندال دهبي :
سهام ...........ايه ده؟ شيك اوي اشترتيه منين ؟
سها .............هتبقي احلى واحدة النهارده يا مرمر
اميرة ...........بجد شكلي حلو
سهام ...........جدا جدا
سها .............هو سمير حيجي؟
اميرة .........انا عزمته بس مش عارفه حيجي ولا لأ,
................اصله بيجهز اوراقه عشان يسافر خلاص
سها ............لسه مش موافقة تتجوزيه؟
اميرة ..........لأ مش موافقة .سمير مش هو الانسان اللي باحلم بيه
سها ............ وايه مواصفات الانسان ده بقى ؟
اميرة............عايزاه حنين ورقيق ويكون ناضج ويكون…..
سها.............بس بس وهو فين فارس احلامك ده بقى؟
سهام...........اوعي تكوني بتحبي من ورانا يا يا اميرة ؟
اميرة ..........لا ابدا , يلا بقى عشان اعمل شعري الضيوف قربو يجو
ونزلت اميرة وصاحباتها الساعه 8 عشان يستقبلوا اصحابهم وابتدى الضيوف يجو وفضلت اميرة عينيها ع الباب مستنيه فادى يجي
بس هو اتأخر وكانت عايزه تسأل عليه بس كانت مكسوفة
وخصوصا ان عمتها كانت قاعدة مع مرات عم فادى وبناتها الاتنين وناس تاني من عيلة فادى
واميرة راحت سلمت عليهم وبعد كده راحت تسلم على سمير واصحابه.
جنب باب الفيلا كان فيه ترابيزة كبيرة اتملت من الهدايا
بس اميرة كانت مستنية فادى عشان فرحتها بعيد ميلادها تكمل
والساعة عشرة قامت اميرة عشان تطفي الشمع
وكانت بتضحك عشان محدش ياخد باله انها متضايقه وبعد ما اصحابها غنوا طفوا النور وطفت اميرة الشمع و غمضت عينيها واتمنت ان فادى يجي بسرعة
ولما فتحت عينيها اصحابها فتحوا الانوار لقيت فادى واقف قدامها
وكان لابس بدله لونها اسود وتحتها قميص ابيض مخطط بأسود وحاطط بيرفيوم حلو اوي فراحت عنده :
اميرة.......أتأخرت ليه؟
فادى ابتسم........ كل سنة وانت طيبة .معقول اتاخر ف يوم زى ده
اميرة.......وانت طيب
سهام.........ازيك يا فادى, ها فين هدية مرمر
فادى.........الهدية برة الفيلا
وخرجت أميرة واصحابها برة الباب لقيو صندوق احمر كبير جدا ومليان شرايط ساتان بيضا بتلمع ووقفت اميرة مش عارفة ايه اللي جوه الصندوق:
سهام .....يلا يا مرمر شدي الشرايط خلينا نشوف ايه الهدية
اميرة قربت وشدت الشرايط الصندوق اتفتح
ولقيت جواه عربية لونها احمر مرسيدس صغيرة
سهام وسها وباقى البنات ..........واااااااااااااااو
فادى ...........مبروك يا ميرو
سهام ...........مش ممكن فادى ده هايل
سها ............مبروك يا مرمر
اميرة راحت لفادى... شكرا يا فادى بس ده كده كتير اوي
فادى ..........مفيش حاجة تكتر عليكى يا ميرو
وفضلوا باصيين لبعض وساكتين ومخدوش بالهم من البنت اللي قربت من فادى وبكل خبث راحت غمت عينيه بايديها وقالت:
البنت..........انا مين؟
فادى شال ايد البنت وقال........مش ممكن ازيك يا لولا عاملة ايه؟
لولا .........وحشتني موت
وحضنت فادى وهو بيضحك وفضلوا يتكلموا مع بعض , اميرة فضلت واقفة تتفرج عليهم وكانت عايزة نجري تروح اوضتها
بس اصحابها خدوها من ايديها عشان يرقصو
وفضلت اميرة عينيها على فادى وهو مشغول بلولا اللي كانت لابسه فستان قصير وضيق لونه اخضروشكلها جميل وشعرها طويل واصفر
واميرة عايزة تعرف مين لولا وايه علاقتها بفادى……
فضل فادى طول الحفله قاعد مع لولا في الجنينة يتكلموا ويضحكوا واميرة كانت اول مرة في حياتها تعرف يعني ايه غيرة
وكانت بتضحك غصب عنها عشان اصحابها
وبعدين واحد صاحبهم عزف اغنيه هادية ع الجيتار بتاعه
فكل واحد اختار بنت ورقصوا
وقامت لولا وفادى يرقصوا
واميرة كانت متضايقة وقرب منها سمير وقالها يلا نرقص وراحت معاه
وعينيها على فادى
و مش مركزه في كلام سمير اللي كان بيقوله :
سمير .........اميرة انت مش معايا خالص
اميرة............ها.. بتقول ايه؟
سمير .......باقول انك مش معايا خالص
اميرة.........معلش مسمعتكش
سمير بص ناحية فادى وقالها..........بتحبيه؟؟
سمير وعينيه كلها حزن.........انا حاسس بيكي
مفيش داعي تخبي عشان باين اوي في عينيك اللي مبتفارقهوش ولا ثانية
فريده بصت بعيد وعينيها دمعت
سمير..........وهو ايه شعوره ناحيتك؟
اميرة..........مش عارفة .. يا سمير.. مش عارفة
وفضلت ترقص مع سمير لغاية ما قرب منهم فادى
فادى......تسمح لي بالرقصة ده يا سمير
سمير...........طبعا اتفضل وغمز لاميرة من ورا فادى ومشى
قرب فادى من اميره ومسك ايديها وابتدوا يرقصوا مع بعض
واميره مكسوفة تبص لفادى وهو فضل باصصلها:
فادى........كل سنه وانت طيبة يا ميرو
فستانك جميل اوي
اميرة بصتله وهي فرحانة ان الفستان عجبه .............بجد
فادى...... اصحابك شكلهم لطاف خالص
اميرة.........آه فعلا , مين اللي كانت بترقص معاك؟
فادى وعينيه بتضحك ............ده لولا
اميرة.........انا عرفت اسمها بس هي مين؟
آدم وهو بيضحك ..............ده بنت صاحبة ماما ومتربين سوا
اميرة............بس شكلها واخدة عليك اوي
فادى..........انت بتغيري عليه ولا ايه؟
اميرة..........لا لا اغير ايه
فادى........طيب يلا روحي لاصحابك عشان ابتدو يمشو
اميرة.............انت حتروح للولا طبعا
فادى و هو بيضحكلها...........لا حاقعد مع ماما
اميرة راحت لأصحابها وهي فرحانة اوي ان فادى مقعدش مع لولا تاني
بس وهي واقفة مع اصحابها جت لولا و قربت منها وقالتلها:
لولا.........انت بقى اميرة
لولا..........ده انت صغيرة اوي
اميرة وهي متغاظة منها..........انا تميت 18 سنه النهارده
لولا .............برضو صغيرة , ده حتى فادى دايما يقولي اميرة دى اختي الصغيرة
اميرة............وقالك ايه كمان؟
لولا...............كل حاجه ده حتى انا اللي اخترتلك لون العربية
اميرة.............انت؟
لولا................ايوه , ايه رأيك في ذوقي؟
اميرة.............حلو اوي
لولا...............طيب عن اذنك بقى عشان فادى مستنيني عشان يوصلني
اميرة.............اتفضلي
وبصت اميرة لقيت لولا ماشية مع فادى وخارجين من باب الفيلا ,
وفضلت اميرة مع اصحابها لغاية ما مشيوا كلهم
وطلعت اوضتها وقعدت ع السرير
وقعدت تفكر ان لولا هي المناسبة لفادى عشان كبيرة مش لسه بتدرس زيها
وكمان جميلة جدا وواضح انه بياخد رأيها في كل حاجة ,
وكمان بيقول انى اخته الصغيرة ………
وفضلت اميرة تعيط لغاية ما نامت ع السرير بهدومها.
................................
الجزء السابع
.
قررت اميرة تحاول تنسى حبها لفادى
عشان هو بيعتبرها زي اخته زي ما عرفت من لولا
وركزت في دراستها و خصوصا انها طلعت الاولى على الدفعة في سنه تانية
وابتدت السنة الدراسية الجديدة و بقت اميرة تروح بعربيتها
وكان شكلها حزين وسهام وسها ما عرفوش يخرجوها من الحزن اللي هي فيه
بقت اميرة علطول بتذاكر
وبقت كل ما تقابل فادى بالصدفة تسلم عليه عادي وتستأذن بحجة ان عندها مذاكرة وفات اول تيرم وابتدت الاجازة
واول يوم الاجازه جه فادى يكلم اميرة وهي قاعدة تقرا في الجنينة
فادى..........صباح الخير يا اميرة
اميرة............صباح الخير يا فادى
فادى..........مالك يا اميرة فيه حاجة مزعلاكي؟
اميرة............لا ابدا... ليه بتقول كده؟
فادى..........اصل شكلك حزين وكمان خاسة جدا
اميرة.............ده بس من كتر المذاكرة
فادى ..............طيب ايه رأيك نخرج نتعشى سوا النهارده انا وانت برة
اميرة ايتسمت لأول مرة من مده طويلة ................بجد
فادى................بجد
اميرة...............اوكيه
فادى..............عايزك تكوني جاهزة الساعه 8 بالضبط
اميرة...............حاضر
وسابها فادى وراح شغله
وكانت اميرة حتطير من الفرحة وجت عمتها تقعد معاها:
رقية...........ايه اللي مفرحك كده يا حبيبتي؟
اميرة...........اصل فادى عازمني على العشا النهارده
رقية ...............بقى عشان كده فرحانة
اميرة.اتوترت .............. اصلي بقالي كتير مخرجتش
رقية فكرت شوية وقالت...........ربـنا يسعدك يا اميرة
لبست اميرة فستان لونه اخضر فاتح كات وقصير و نازل على واسع ولبست حزام عريض بني وصاندال بني وشنطة صغيرة بني وسابت شعرها مفرود وحطت بيرفيوم وميك اب بيج في اخضر ونزلت الساعه 8 تستنى فادى ولقيته واقف عند السلم مستنيها وكان لابس بدله لونها كحلي وتحتها قميص لبني وكرافت كحلي في ابيض وحاطط بيرفيوم جميل فادى بصلها نظرة بإعجاب :
فادى.......ايه الجمال ده كله ..انت جاهزة
اميرة بكسوف ..........ايوة جاهزة
وسلموا على رقية وخرجو من الفيلا
وفتحلها فادى باب العربية وبعد ما قعدت راح ركب وساق العربية
اميرة..........حنروح فين؟
فادى...........دى مفاجأة
اميرة رجعت راسها لورا وغمضت عينيها
عشان تخبي مشاعرها اللي حاولت تداريها كتير ومعرفتش
واكتشفت انها مش هتقدر تبعد عن فادى لأن حبه بيجري جواها غصب عنها
ويظهر انها حتتعذب كتير بسبب الحب ده وخرجت من افكارها على صوت فادى
فادى......روحت فين؟
امير .......ها ..انا معاك
فادى .......كنت بتفكري في ايه؟
اميرة....... لا مفيش ...عادى
فادى..........اخبار سمير ايه؟
اميرة...........سافر امريكا وبيشتغل هناك
فادى.............بيكلمك؟
اميرة..........ساعات بنبعت لبعض ايميلات
فادى..........هو وحشك ولا ايه؟
اميرة بصتله و هي زعلانه منه
عشان مش حاسس بحبها ليه وفاكرها بتحب سمير
اميرة........لا طبعا ويوحشني ليه
فادى.......عادي يعني عشان كان زميلك ومعاك ف النادي
اميرة..........مش معنى كده اني افكر فيه او يوحشني
فادى..........طيب خلاص انت زعلتي ليه
اميرة ........مش زعلانة...بس سؤالك غريب
فادى........طب يلا اضحكي بقى عشان وصلنا المطعم المفاجأة
نزلوا م العربية وسابو المفتاح للحارس يركن العربية
ودخلوا المطعم الموجود ع النيل وكل الترابيزات عليها شموع ملونة واضاءة المطعم هادية خالص والمنظر كله ع النيل وقعدو على ترابيزة جميلة كان فادى حاجزها وطلبو
عشا وراح الجرسون يجيب الاكل وفادى قال:
فادى.......نفسي اعرف بتفكري في ايه؟
اميرة............عادي في الدراسة
فادى..............انا جايبك هنا عشان عايز افاتحك في موضوع
اميرة..............اتفضل
فادى.............بعد العشا
ووصل الاكل وكان الاكل جميل وطلب فادى قهوه وطلب لاميرة عصير وابتدى يقول :
فادى............انت عارفة طبعا ان ماما تعبانة جدا
اميرة.............ايوه عارفة, هو في حاجة بخصوص طنط
فادى.............انا نفسي اعمل حاجة عشان افرحها واساعدها تقاوم التعب
وتحس انها لازم تخف عشانها
اميرة...........يا ريت يا فادى
فادى............:بس الحاجة ده لازم تساعديني فيها
اميرة...........انا عشان طنط اعمل اي حاجة
فادى..........اي حاجة
اميرة بثقة جامدة جدا...........اي حاجة
وبص فادى في عينين اميرة وسكت……………..
فضل فادى ساكت شوية وبعدين قال:
فادى............اميرة تقبلي تتجوزيني؟
اميرة حست انها مش فاهمة هو قال ايه ومصدقتش ودانها انه عايز يتجوزها وانه حس بيها بعد الوقت ده كله بس فكرت تاني في كلامه وقالت:
اميرة.............. وايه علاقة طلبك ده بطنط رقية ومرضها
فادى...............اصل ماما بتحبك اوي
وعلطول بتقولي انها قلقانه عليكي وعليا و نفسها تفرح بينا قبل ما تموت
اميرة بصتله جامد وكأنه كسر فرحتها مليون حتة وانه مفكرش يتجوزها الا عشان مامته تفرح وانه محسش بحبها له ابدا وحست ان قلبها اتكسر
فادى...........سكت ليه؟
اميرة...........عايزني اقول ايه؟
فادى..............موافقة.. نمثل اننا متجوزين قدام ماما ولا لأ؟
اميرة...........انا قلتلك انا ممكن اعمل اي حاجة عشان طنط رقية
فادى...........يعني موافقة
اميرة وعينيها كلها الم..........موافقة
فضلت اميرة طول الطريق وهما راجعين البيت ساكتة وعمالة تفكر ليه فادى محبهاش
وصلوا البيت لقيو رقية مستنياهم
واول ما دخلوا فادى لف دراعه حوالين وسط اميرة وقال لمامته:
فادى........ماما باركى لنا اميرة قبلت تتجوزني
رقية ..........صحيح يا اميرة؟
اميرة بتضحك وهي عايزة تعيط..............صحيح يا طنط
رقية ودموعها بتنزل من الفرحة.
.................الحمد للـه انا كنت بدعي ربـنا كل يوم انكو تكونو لبعض
وحضنت فادى وبعد كده حضنت اميرة وطلعت تنام وهي فرحانة وحست اميرة ان عمتها تستاهل اي تضحية عشان هي اطيب انسانة قابلتها في حياتها.
طلبت رقية ان فرحهم يكون يوم عيد ميلاد اميرة الـ20 و خلال الوقت ده استمرت أميرة تحاول ما تقابلش فادى
وهو كمان حس انها بتبعد عشان مش عاوزة تتجوزه ووافقت بس عشان رقية
فقرر يبعد عنها
وفاتت سنتين واميرة خلصت الكلية و اتخرجت
وابتدوا يجهزوا الفيلا ويحضروا للفرح وانشغلت اميرة وعمتها بتجهيز دور في الفيلا عشان فادى واميرة يعيشوا فيه بعد الجواز وجهزو من بلاد برة .
واميرة حست ان رقية خفت من كتر فرحتها بخبر جوازها من فادى,
وسهام وسها فرحو وقالوا لاميرة انهم كانوا حاسين انها وفادى كانوا بيحبو بعض واميرة مرضيتش تقول لأي حد عن حقيقة الجواز المزيف وفضلت مخبية كل ده جواها وفادى فضل مشغول طول الوقت ومكنوش بيشوفوا بعض الا مع رقية ع السفره و كانوا بيمثلوا قدامها انهم فرحانين ,
وطلبت اميرة انهم يعملوا فرح بسيط في الفيلا ويعزموا ناس قليلين خالص ورقية ماكانش عاجبها الفرح الصغير بس قدام اصرار اميرة وافقت وبعت فادى اشترى فستان اميرة من فرنسا بعد ما اختارته من كتالوج ع النت وقبل الفرح بيوم كانت اميرة في اوضتها قاعده تعيط عشان مش مصدقة انها هتتجوز فادى وهو مش بيحبها وكان نفسها كل ده يكون حلم وتصحى منه وفجأة خبط الباب و قامت وهي بتمسح دموعها عشان تفتح الباب…………………
قامت اميرة تفتح الباب وكانت لابسة بيجاما نص كوم وشورت لونها احمر في اسود عليها رسمة ميكي ماوس وكانت عاملة شعرها ضفيرة للجنب و اول ما فتحت اتخضت عشان لقيت فادى واقف قدامها لابس بنطالون بيجاما كاروهات صغيرة احمر في كحلي وتيشيرت احمر و كان شاكله لسه واخد شاور عشان شعره كان مبلول وريحة الشامبو بتاعه حلوة :
بصلها ولقي عينيها حمرا من العياط فاتأكد انها بتحب سمير
واكيد ندمانة انها حتتجوزه وبقت عينيه كلها حزن وقالها:
فادى ..........انت كنت بتعيطي؟
اميرة...... لا ابدا انا تقريبا عندي برد
اميرة كان نفسها يقولها انه بيحبها وانه هيتجوزها عشان ميقدرش يعيش من غيرها وياخدها ف حضنه بس هو ما قالش كده خالص
كان ماسك علبه لونها بيج وفتحها قدام اميرة
فادى.....انا اشتريت الشبكة على ذوقي يا رب تعجبك
وكان طقم الماظ فيه احجار لونها ازرق عبارة عن كولييه واسورة وحلق وخاتم جميل وكمان معاه دبلة دهب عريض مكتوب عليها اميرة من بره وفادى من جوه وكمان دبلة فضه لفادى نفس الشكل مكتوب عليها فادى من برة واميرة من جوه:
اميرة.........حلوة اوي
فادى ..........لفي عشان البسهالك
ولفت وقرب منها وبعد شعرها عن رقبتها عشان يقفلها الكولييه وكانت حاسة بنفسه على رقبتها و ده كانت اول مره فادى يكون قريب اوي منها و كان نفسها تلف وتحضنه جامد وتقوله بحبك بس فضلت ساكتة ومغمضة عينيها وبعد ما فادى قفل الكولييه لفها تاني و مسك ايدها اليمين عشان يلبسها الدبلة وكانت ايديها صغيرة اوي بالنسبه لأيده وكانت بيضا و ناعمة و لبسها الدبله برقة و راح باس راسها وخرج وسابها ....
حاسه انها اكيد بتحلم و ريحته لسه حواليها وايديها لسه دافية من لمسة ايديه ودخلت اميرة في سريرها ونامت وهي بتبتسم وفرحانة ومقلعتش الكولييه من رقبتها ....
صحيت اميرة الصبح على صوت رقية
رقية ...........اميرة حبيبتي يلا قومي ورانا حاجات كتير
اميرة كانت صاحية بتضحك .........صباح الخير يا طنط
رقية ...........صباح الخير يا عروسة, اللـه.. ايه الكولييه الشيك ده؟
اميره وشها احمر وقالت ..........دى الشبكه فادى جابهالي
رقية بصت بشك ...........جابهالك امتى؟
اميرة وهي مكسوفة عشان افتكرت انه باسها في راسها...........بالليل
رقية وهي بتضحك...........ربـنا يسعدكوا يا حبيبتي ,
قومي بقى خدي شاور عشان الكوافيرة جات و حتطلعلك كمان شوية
اميرة.........حاضر
ودخلت اميرة الحمام و خدت شاور وخرجت لقيت الشغالة جايبة الفطار وبعد ما فطرت طلعت الكوافيرة والمساعده بتاعتها ابتدوا يعملوا لاميرة الماسكات ويجهزوها عشان الفرح بالليل……………
.........................
الجزء الثامن
.
خلصت اميرة شعرها والميك اب اللي كان ابيض في فضي وعملت شعرها تسريحة على فوق وخصل نازلة على وشها ولبست الفستان اللى كان روعة عليها
رقية........ما شاء **** يا اميرة زي القمر
اميرة........... شكرا يا طنط
رقية ........... ها جاهزة عشان فادى يطلع ياخدك, المعازيم كلهم مستنينك
اميرة وقلبها بيدق جامد ........جاهزة يا طنط
وقربت منها الكوافيره وغطت وشها بالطرحة ومسكت بوكيه ورد ابيض في اخضر وطلع فادى اللي كان لابس بدله بيضا وتحتها فييست ابيض بيلمع وبيبيون فضي وكان شعره بيلمع وحاطط بيرفيوم حلو اوي شمته اميرة اول ما دخل اوضتها وكان جاي معاه مصور بالكاميرا الفيديو عشان يصورهم وقرب فادى منها وابتدى يشيل الطرحة بالراحة واول ما شاف وشها ابتسم وراح باسها في راسها و فضل حاطط شفايفه كتير على راسها وهي كانت بتترعش ومكنتش عارفة ليه
وبعدين بعد عنها وحط دراعها في دراعه ونزلوا السلالم على أغنية
FROM THIS MOMENT
و وصلوا تحت والضيوف بتصقفلهم وقعدوا ع الكوشة اللي كانت على شكل قلب كبير وقعدوا جنب بعض وطلب منهم الDJ يقفوا عشان يبتدوا الرقصة الأولى و كانت على اغنيه على بالي حبيبي لاليسا وابتدوا يرقصوا واميرة بتهرب من عينين فادى وبعد الرقصه ده ابتدى فادى واميرة يلفوا ع الترابيزات عشان يسلموا ع الناس وفضل فادى يعرفها على عيلته واصحابه وبعدين قعدوا في ترابيزه لوحدهم و جه المأذون وكتب الكتاب والناس كلهم كانوا مبسوطين وبيضحكوا بس اميرة كان نفسها تقولهم ان كل ده كدب ومش حقيقي بس بصت لقيت رقية بتمسح دموع الفرح فقررت تكمل عشان عمتها متحسش بحاجة وبعد كتب الكتاب جت سهام وسها يباركولها وقالولها ان شكلها جميل ومن بعيد لقيت اميرة فادى واقف مع لولا وحاطط ايده على كتفها فاميرة بعدت عينيها و عملت نفسها مش شايفاهم بس لولا جت تبارك لاميرة:
لولا وعينيها كلها غيرة ...........مبروك يا عروسة
اميرة رفعت دقنها لفوق .........شكرا
لولا بصوت واطي.........................اوعي تكوني فاكرة انك تقدري تاخديه مني ,
احنا بنحب بعض طول عمرنا
اميرة ............ولما هو بيحبك اتجوزني ليه؟
لولا........................مجرد لعبه حيلعب بيها يومين ويرميها ويرجعلي تاني ,
انت مش اول واحدة تدخل حياته
اميرة.................مش اول واحده !!
لولا ......اومال فاكره ايه ؟ فادى كل يومين يتعلق بواحدة بس ف الآخر بيرجعلي انا ههههههههههه
و مشيت لولا وسابت اميرة عقلها بيعيد الكلام اللي قالته وحست انها مش قادره تقف على رجليها بس مسكت نفسها عشان الضيوف وعشان رقية وكملت اميرة الفرح مش عارفة ازاي ولا فاكرة ايه اللي حصل ومين باركلها كانت كأنها عروسة لعبة
حد بيحركها وكل تفكيرها كان في كلام لولا
*************************
بعد ما الفرح خلص مسك فادى ايد اميرة عشان يطلعوا الفيلا
بس اصحابها واصحابه قعدوا يقولوا بصوت عالي:
شيلها.. شيلها..شيلها
وقبل ما اميرة تقول لأ كان فادى شايلها بين ايده وابتدى يطلع بيها السلالم وهي كانت بتموت من الكسوف و فتح فادى الباب وهو شايلها ودخلوا جوه وقفل الباب برجله وفضل باصصلها ونزلها بالراحة وقالها:
فادى .......كان شكلك زي القمر
اميرة..........شكرا
فادى..........انا حاغير في الليفنج خدي راحتك
و راح فادى يقعد في الليفنج واميرة فضلت قاعده ع السرير مش عارفه تعمل ايه
وكان الفستان كبير وكله فيونكات شرايط من ورا وهي مش عارفة تفكه لوحدها وعدت ربع ساعة ودخل فادى عليها عشان ياخد هدومه من الدولاب فلقيها لسه بالفستان فقالها:
فادى ............مغيرتيش ليه يا اميرة؟
اميرة ......اصل ……..
فادى .............انت تعبانة؟
اميرة.......لأ … بس… محتاجة حد يساعدني
فادى.........قولي محتاجة ايه؟
اميرة وهي حتموت من الكسوف ......اصلي مش عارفة افك الفستان من ورا
فادى .........بس كده تعالي افكهولك
و وقفت اميرة وقرب منها فادى وبعد الطرحة وحطت ايديها على صدر الفستان و فادى لقي الشرايط لغاية آخر ضهرها فوشه بقى احمر وابتدى يفك الشرايط واميرة كانت حاسة بايديه الدافية على ضهرها و لما خلص قال بصوت متغير:
فادى......انا فكيته كله
اميرة وصوتها بيترعش........شكرا
وخرج واخد بيجامته معاه وساب اميرة لوحدها ولما اتأكدت انه خرج شالت ايديها والفستان وقع على الارض فدخلت الحمام وفضلت تشيل الميك اب و تفك شعرها وخرجت فتحت الدولاب ولبست بيجاما ساتان بكم بيضا وفردت شعرها و علقت الفستان ودخلت ع السرير واتغطت لغاية دقنها وفضلت تفكر ليه ميكنش ده يوم فرحهم الحقيقي وفضلت صاحية كتير بس نامت في الآخر قبل ما فادى يجي وبعد ساعة دخل فادى الاوضة لقي النور مطفي ما عدا الاباجورات ولقي اميرة نايمه زي الملايكه وشعرها مفرود ع المخده وقرب من السرير ودخل وقعد يبصلها وقعد يدعي ربـنا انها تحبه وتنسى سمير وهو باصصلها لقاها بتتحرك ولقي الدموع بتنزل من عينيها وهي نايمه فقرب منها وطبطب عليها راحت لفت ودخلت في حضنه ونامت وهو حضنها ونام , اميرة كانت بتحلم انها في حضن فادى وحست انها حتنام نوم عميق لأول مرة من مدة .
اميرة حست ان في تقل عليها ففتحت عينيها بالراحه لقيت فادى نايم و دراعه حواليها فاتكسفت ومعرفتش تبعد دراعه فعملت نفسها نايمة بس كانت خايفة ومكسوفة
وابتدى فادى يتحرك وراح حضن اميرة جامد
واميرة كتمت نفسها خالص وبعدين حست ان فادى فتح عينيه لانه بعد دراعه عنها بسرعه وقام من السرير وراح الحمام واميرة اخيرا عرفت تتنفس وفضلت مغمضة عينيها وخرج فادى من الحمام واميرة فتحت عينيها لقيته بيبصلها وهو لابس البرنس:
فادى ..........صباح الخير
اميرة........صباح الخير
فادى.......انا حاخليهم يطلعوا الفطار تحبي تشربي ايه؟
اميرة.........نيسكافيه
فادى............كلم الشغاله في المطبخ وطلب الفطار
وفادى بيتكلم قامت اميرة دخلت الحمام وخدت شاور وخرجت لابسه البرنس ولافه شعرها بفوطة كبيرة وقعدت على كرسي التسريحة وابتدت تنشف شعرها الطويل وجه فادى من وراها :
................ممكن اسرحهولك
اميرة استغربت ...........بتعرف؟
فادى وهو بيضحك......حاتعلم
ومسك فادى المشط وابتدى يسرح شعرها وهي غمضت ايديها وسرحت بعيد
فادى ...........شعرك جميل اوي
اميرة.............بس نفسي اقصره
فادى ...........اوعي تعملي كده ابدا
اميرة...........ليه ما هو حيطول تاني؟
فادى .............اوعديني عمرك ما تقصيه
اميرة.............طيب حاضر اوعدك
وبعد ما فطرو
فادى..........انا اخدت اجازه اسبوع تحبي تسافري فين؟
اميرة............انت عمرك ما اخدت اجازه؟
فادى بسخرية ............مش انا عريس ولا ايه؟
اميرة وشها احمر.............آه صحيح مع ايقاف التنفيذ ..صح
فادى.............ايه رأيك نسافر فرنسا؟
اميره...............اوكيه
فادى .................خلاص احجز بكرة الصبح على اول طيارة
اميرة................طب و طنط؟
فادى...........اكيد ماما حتفرح لما نسافر اسبوع عسل ولا ايه؟
اميرة اتكسفت ومردتش عليه
بعد ما خلصوا فطار الباب خبط فتح فادى كانت رقية:
رقية..........صباح الخير يا حبيبي مبروك , الف مبروك يا اميرة
فادى .................الـله يبارك فيكي
اميرة ..................شكرا يا طنط
رقية ...............انا جبتلك هدية الجواز
كانت علبه لونها اسود فيها خاتم سوليتير شيك اوي وقدمته لاميرة
اميرة.............ده حلو اوي يا طنط متشكرة
رقية ..................ده كان هدية بابا فادى يوم فرحي
اميرة ...............بس ده ذكرى من انكل اللـه يرحمه خليه مع حضرتك
رقية ..................وانا عندي اعز منك يا حببتي
وحضنوا بعض , وبعدين فادى قال لمامته انهم حيسافروا فرنسا اسبوع وهي اتبسطت جدا ونزلت رقية وسابتهم لوحدهم تاني………..
فادى ...............ايه رأيك ننزل البيسين سوا
اميرة ..........فكرة حلوة
فادى ...........طيب روحي غيري وانا استناكي تحت
وخرج فادى وساب اميرة تغير هدومها
ونزل هو غير عند البيسين ولبس مايوه لونه اصفر فوق الركبه
ربع ساعة عدت ونزلت اميرة
فادى بص لقي اميرة جايه بس مكنش مصدق عينيه.
لقي اميره لابسة مايوه بيكيني احمر وعليه كاش مايوه لونه اسود جميل وقربت من البيسين وقلعت الكاش مايوه ونزلت الميه
وراحت تعوم جنب فادى اللي ملقيش حاجه يقولها
وابتدوا يتسابقوا وهما بيضحكوا واميرة كانت مصرة تكسبه وهو سابها تسابقه شوية وبعدين سبقها
وهى حاولت تكسبه بس جالها شد عضلي و فادى افتكرها بتهزر بس لقيها بتحاول تخرج من المايه ومش عارفه راح فادى نده عليها و رجعلها بسرعة و راح شالها وخرجها بره الميه وقعدها على الشيزلونج وقعد يدلك رجليها وعملها تمرين عشان الشد العضلي يروح وفضل جنبها لغاية ما بقت كويسه :
فادى ..........ها احسن دلوقتي
اميرة وهي بتكح........احسن الحمد للـه
فادى .............مكنش فيه داعي تعومي بسرعة
اميرة........كان نفسي اسبقك
فادى ...........خلاص المرة الجاية اخليكي تسبقيني
اميرة ضحكت وهو ضحك كمان وبعدين بصوا لبعض وسكتوا وراح فادى قام فجأه وقالها يلا عشان نطلع نغير هدومنا عشان متبرديش
قامت اميرة وهي مش عارفة مالها وطلعوا سوا
دخل فادى الحمام الاول اخد شاور ولبس شورت وتيشيرت وخرج وفضل يستنى في الليفنج لغاية ما اميرة تخلص,
دخلت اميرة الحمام وملت البانيو و قعدت في الميه وغمضت عينيها وحست بدموع سخنه بتنزل من عينيها من غير ما تعرف ايه آخرة اللي بيحصلها ده وغمضت عينيها وناامت
حس فادى ان اميرة اتأخرت ف الحمام
فراح يطمن عليها فخبط مردتش عليه فقلق عليها وخبط جامد بس مسمعتش وراح فتح الباب بكتفه لقي اميرة نايمه فراح صحاها وهو بيزعق:
فادى ...........ايه يا اميرة؟ بقالي كتير بخبط
اميره اتخضت وقالت...........فيه ايه يا فادى
فادى ........انت كان ممكن تغرقي لو كنت لوحدك
اميره ابتدت تعيط بصوت عالي
فادى ..........متعيطيش
اميرة كملت عياط
فادى .......عشان خاطري خلاص بقى
اميرة .......طب .. ممكن .. تطلع برة
فادى ...........طيب انا حاستناكي برة
وخرج فادى وطلعت اميرة من البانيو ولبست البرنس ونشفت شعرها
وخرجت لقيت فادى بيقولها:
فادى ..........يلا عشان نخرج نتغدى برة
اميرة ...........مش عايزة اخرج
فادى ........عشان خاطري
اميرة ....لا
فادى ......واهون عليك
اميرة ضحكت وقالت .............لا متهنش عليا
فادى وهو بيضحك............طيب يلا البسي
وراح يستناها في الليفنج لحد ما تلبس…………………
.........................
الجزء التاسع
.
خرجت اميرة من اوضة النوم وراحت لفادى الليفنج
وكانت لابسه جينز ازرق و عليه بادي بني عليه تطريز دهبي حمالات وصاندال دهبي
و سابت شعرها مفرود واول ما شافها:
فادى ............ايه القمر ده!!!!
اميرة وهي مكسوفه............ مش حنخرج و لا ايه؟
فادى..........يلا بينا
و نزلوا لقيوا رقية في الجنينة بتقرا كتاب وقالولها انهم حيخرجوا وراحوا ركبوا العربيه وهما في الطريق شغل فادى اغنية اهواك بتاعة عبد الحليم حافظ وفضلوا ساكتين طول الطريق و وصلوا مطعم ع النيل ودخلوا قعدوا على ترابيزه وقبل ما يطلبوا الاكل لقيو لولا قاعدة على ترابيزه مع اصحابها واول ما شافتهم قامت:
لولا قربت من فادى وحضنته وباسته...............وحشتني اوي
فادى بعد ايديها بغضب ..........اهلا ازيك يا لولا
اولا .............ازيك يا اميرة؟
اميرة وهي متغاظه منها ................تمام
لولا ................هو فيه عرسان يخرجو اول يوم كده؟
فادى ...............عادي حبينا نغير جو البيت
لولا وهي بتضحك ......آه عشان كده, طيب اسيبكم بقى تغيرو جو براحتكم
ومشيت وسابت فادى واميرة متضايقين من كلامها:
فادى.......متزعليش من كلامها هي طول عمرها كده
اميرة............انت تعرفها كويس بقى
فادى .............ما قلتلك قبل كده متربيين سوا
اميرة .............بس.؟
فادى ............لازم يكون عندك ثقة فيا اكتر من كده يا اميرة
اميرة .............اصل اسلوبها معاك غريب شوية
....................يعني انت مش بتحبها؟
فادى وهو بيضحك ......انا احب دى؟ لأ طبعا ده مش الانسانة اللي ممكن احبها
اميرة ..............اصلها قالتلي ان انت…………..
فادى ................كملي كلامك يا اميرة
اميرة ...........قالتلي ان انت بتاعها وحاجات زي كده
فادى .................و انت صدقتيها
اميرة سكتت
فادى .................انا عمري ما حبيت ولا حاحب لولا,
ممكن بقى نطلب الغدا عشان نروح ننام بدري عشان الرحله حتقوم الفجر
اميرة ابتسمت ...............اوكيه
حست اميرة ان فادى يحبها زي ما هي بتحبه
ولما جه الاكل كلت طبقها كله وفضلوا يتكلموا ويضحكوا…
لولا كانت باصة عليهم من بعيد وهي متغاظة من اميرة اللي قدرت تخلي فادى يحبها ويتجوزها وهي بقالها سنين بتحاول تخليه يتجوزها
ومعرفتش……………
رجعت اميره و فادى البيت ولقيوا رقية نايمه فطلعو فوق و قعدو يتفرجو على التليفزيون و اميرة قامت :
اميرة.........اعملك حاجه تشربها ؟
فادى .........اي حاجه من ايديك
و دخلت المطبخ عملت نيسكافيه و رجعت لقيت فادى نايم ع الكنبه فحطت الصينية وقعدت جنبه تبصله وحطت ايديها على شعره وكان نفسها يكون صاحي ويحس بحبها بس فكرت نفسها ان فادى اتجوزها عشان يفرح مامته بس …
فتح فادى عينيه لقي اميرة قاعدة جنبه وحاطه ايدها على شعره فمسك ايدها و قربها من شفايفه وباسها بوسة طويلة وكانت اميرة مش عارفة تتصرف ازاي و راح فادى اخدها في حضنه و ضمها جامد وهي حضنته ...
بس فجأة افتكرت انه مش بيحبها فبعدت عنه وجريت ع الحمام تستخبى منه
ومن نفسها ومن قلبها اللي كل ما يكون قريب منه بيضعف
وفضلت تعيط…
فادى ندم انه اتسرع معاها وانه كان المفروض يستنى لما تحبه وتنسى سمير
بس هو مقدرش يقاوم
بس اخد قرار انه مش حيلمسها تاني غير لما تكون بتحبه زي ما بيحبها,
وفضل فادى قاعد في الليفنج لغاية ما قرب معاد المطار فراح خبط عليها في اوضة النوم وقالها تلبس عشان يروحوا المطار
وحضرت اميرة شنطتها ولبست فستان كات لونه بيج واسع وفيه زراير من قدام وعملت شعرها ضفيره عالجنب ,
وهو حضر شنطته ولبس شورت جينز وتيشيرت اصفر و شوز بني ونزلوا مع بعض وسلموا على رقية وركبوا العربية والسواق وصلهم المطار وفضلوا قاعدين قدام بوابة الطياره وكل واحد فيهم غرقان في افكاره ومش عاوز يكلم التاني………….
ركبوا الطياره وقعدوا في الدرجه الاولى وقبل ما الطياره تطلع:
وابتدت الطياره تتحرك وهما قعدوا يتكلموا عن باريس والاماكن اللي حيزوروها وكانت ده اول زياره لباريس بالنسبه لاميرة
وطبعا فادى قالها انه حيخليها تشوف كل الاماكن الحلوو هناك
وبعد ما فطروا رجعوا الكراسي لورا وناموا وصحيوا لما المضيفه جابت الغدا وبعدين طلبوا قهوه ولما وصلت الطياره نزلوا خلصوا الاجراءات وحجزوا ليموزين يوصلهم الفندق واختار فادى فندق (استور سان اونر) والفندق من افخم فنادق باريس وكل الديكورات فيه على طراز التلاتينات ومليان لوحات غالية جدا و موقعه في شارع هادي جنب الاوبرا ومتحف اللوفر
و كمان قريب من شارع الشانزليزيه وعجبتها اوي ديكورات الفندق وعجبها كمان الجناح اللي اختاره .. كل الشبابيك ممتدة من الارض لغاية السقف وبتبص على باريس كلها و الحيطان متغطية بورق حائط مخطط بلون سماوي ,
بعد ما اتفرجت على كل حاجة دخلت اخدت شاور و طلعت لابسه البرنس وفادى دخل الحمام وابتدت اميرة تلبس فاختارت فستان لونه بينك حمالات قصير و لبست عليه صاندال ابيض فلات ورفعت شعرها ديل حصان وحطت ميك اب هادي بينك في ابيض و خرج فادى ولبس شورت اسود وعليه تيشيرت ازرق وشوز ازرق وقرروا ينزلوا يتمشوا في شارع الشانزليزيه وكانت اميره مبهورة بكمية المحلات الموجوده فيه ودخلت محل للبيرفيومز (غيرلان) وده اشهر محل للعطور في فرنسا واشترت بيرفيومز لرقية وسهام وسها.. وفادى اختارلها واحد على ذوقه وخرجوا من المحل وفضلوا يتمشوا ووصلوا ل(قوس النصر) وده مكان امر نابليون انه يتبني عشان يخلد ذكرى المعارك و كانت اميرة فرحانة اوي كأنها طفلة
وكان فادى كل شويه يصورها في مكان مختلف وطلب من شاب انه يصورهم سوا ولما تعبوا قرروا يرجعوا الفندق ويكملوا تاني يوم, دخلوا الفندق و طلب ان العشا يطلعلهم فوق وطلعوا وهما فرحانين ودخل لبس بيجاما لونها كحلي و هى لبست بيجاما ساتان لونها احمر حمالات وبنطالون وقعدوا ياكلوا وفضل فادى يكلمها حيعملوا ايه تاني يوم بس لقيها بتنام وهو بيكلمها فشالها وهي بتنام
وحطها على السرير وهي نامت علطول وفضل يبص من الشباك وفي الآخر تعب ودخل ينام جنبها بس ريحة البيرفيوم بتاعها كانت جميلة فقرب منها وحضنها من ورا بس هي لفت وحضنته جامد وناموا وهما حاضنين بعض….
تاني يوم صحيو بدري وفطرو وقررو يروحو برج ايفل ولبست اميرة فستان ابيض طويل وواسع وصاندال فضي وسابت شعرها مفرود وهو لبس شورت نبيتى وتيشيرت ابيض و نزلوا طلبو تاكسي ووصلو برج ايفل الساعة 8ونص عشان يلحقو يدخلو قبل الزحمة واول ما جت الساعة تسعة دخلو و فادى قالها:
فادى وهو بيضحك ............اسمحيلي اكون المرشد السياحي بتاعك
اميرة .................. يا ريت
فادى ................بصي بقى يا ستي برج ايفل فضلو يبنوه سنتين وخلصوه سنة1889 وطوله 300 متر و فضل اطول مبنى فى العالم لمدة40 سنه
وبيتكون من 3 ادوار اول دور عبارة عن متحف بيحكي قصة بنائه والدور التاني محلات للتذكارات ومطاعم والدور التالت فيه متحف فيه مكتب المهندس ايفل اللي بناه
فادى …..و بتبصيلي كده ليه؟
اميرة ...........اصل شكلك حلو اوي وانت بتشرح وبعدين انت دقيق اوي
فادى ضحك وقالها......... وبالنسبه لطلوع البرج ممكن نقطع تذاكر ونركب الاسانسير و ممكن نطلع مجانا على رجلينا تحبي ايه؟
اميرة........اوكيه تعالى نطلع على رجلينا
فادى وهو بيضحك.......... هتطلعي 1653 سلمة على رجليكي!
اميرة ..........ايه ؟ لأطبعا يلا نركب الاسانسير
و طلعو البرج واتفرجو على كل حاجة وفي الآخر قعدو في مطعم جوه البرج عشان يتغدو وبعد ما خلصو غدا فادى قالها:
فادى.........مبسوطة يا اميرة ؟
اميرة ........اوي اوي ده احلى يوم قضيته فى حياتي
فادى .........وانا كمان , انا جيت هنا كذا مرة بس ده احلى مرة فيهم
اميرة وشها احمر............اشمعنى؟
آفادى ............عشان انت معايا, اقولك على سر؟
اميرة .............قول
فادى .............عارفة لما كنت صغيرة قبل ما تسافري امريكا مع باباك ومامتك كنت وقتها عندك 6 سنين تقريبا فاكرة ؟
اميرة ..........لأ خالص بس بابا كان بيحكيلي
فادى ..........كنت كل ما تيجي عندنا البيت تفضلي قاعدة جنبي وتروحي ورايا في كل مكان وكانت مامتك تقعد تقولك بالانجلش عيب كده
وانت تقوليلها بالمصري انا بحبه وانا كنت باقعد اضحك على اسلوبك في الرد عليها
اميرة اتكسفت ..............انا كنت بعمل كده؟
فادى كمل بحزن.....بس انا ساعتها كنت في الثانوى وانت يدوب دخلت المدرسة
اميرة ............ليه محسسني انك عندك 60 سنه؟
فادى ............بس انا فعلا اكبر منك بكتير
اميرة ......اولا 10 سنين مش كتير ..ثانيا بابا كان اكبر من ماما ب16 سنة وهي اللي صممت تتجوزه من كتر حبها ليه
فادى ..........شوفتي اديك بتقولي هي اللي صممت مش وضع اتفرض عليها
اميرة .............بس يا فادى…….انا
فادى ..........انت ايه يا اميرة ؟
اميرة ..........انا با………
جه صوت من وراهم......اميرة مش معقول
بصت اميرة وفادى لقيو سمير قدامهم
.........
الجزء العاشر والاخير
بصت اميرة وفادى لقيو سمير قدامهم ..... اهلا يا سمير
سمير ..................بتعملوا ايه هنا؟
فادى و هو متضايق........احنا في شهر العسل
سمير .................بجد الف مبروك
اميرة .................الـله يبارك فيك
فادى .................ميرسي يا سمير
سمير.................لازم نسهر سوا النهارده
فادى ................ ان شاء الـله
سمير.................خلاص نتقابل بالليل في الشانزليزيه
واتفقو على اسم كافيه ومشي سمير وسابهم مع بعض
بس كان فادى شكله متغير
فاميرة سألته:
اميرة..........مالك يا فادى انت اتضايقت عشان قابلنا سمير ؟
فادى..............انت اللي قولتيله اننا بنتغدى هنا؟
اميرة..............لأ طبعا انا مكلمتوش بقالي مدة طويلة
فادى.......طيب يلا عشان نروح الفندق نرتاح شوية عشان ننزل نقابل سميربالليل
اميرة............... لو متضايق بلاش نقابله
فادى...........لأ طبعا عشان تطمنوا على بعض ما انتو بقالكو كتير متكلمتوش
وسكتت اميرة ورجعو الفندق وهما متضايقين من بعض وفضلو ساكتين
وبالليل لبس فادى بنطالون لونه اسود وعليه قميص اخضر وشوز ابيض وهى اختارت فستان لونه فوشيا بكوم ومفتوح7من عند الصدر ونازل على واسع وقماشته ناعمة وعملت شعرها ضفيرة ع الجنب وحطت ميك اب هادي والبيرفيوم اللي فادى اشتراهولها وفادى بصلها وهو حاسس انها لابسه كده عشان سمير ومكنش يعرف انها بتحاول تبين له انها بتحبه بس هو مش قادر يفهم………………
وصلو اميرة وفادى المكان اللي حيقابلو فيه سمير ولقيو سمير قاعد على ترابيزه ومعاه بنت شقرا وشعرها ناعم وقصير وقام سمير لما وصلوا عنده وقال:
سمير...............اهلا بالعرسان
فادى واميرة ...........اهلا سمير
سمير................اعرفكم بهنا بنت عمي وخطيبتي هنا
اميرة ...................مبروك يا سمير
سمير................الـله يبارك فيك
اميرة ...............اتخطبتوا امتى؟
سمير ...............بعد ما وصلت بشهرين حبينا بعض وقررنا نكمل حياتنا سوا
اميرة بصت لفادى
وهو حس انه ظلمها وقال لسمير ............مبروك يا سمير
اميرة...........حتتجوزوا امتى ان شاء الـله
سمير...........اول ما الفيلا بتاعتنا تخلص
وفضلوا قاعدين فادى وسمير بيتكلموا واميرة وهنا بيتكلموا وطلبوا العشا وبعد العشا اميرة وهنا قاموا يتمشوا ويتفرجوا ع المحلات وفضل فادى وسمير لوحدهم:
سمير..............انا فرحان اوي ان انت واميرة اتجوزتو
فادى ...............شكرا يا سمير
سمير ............دى كانت بتحبك اوي
فادى بص لسمير وقال له .........انت بتقول ايه؟
سمير .......باقولك ان اميرة بتحبك من زمان انت مكنتش تعرف ولا ايه؟
فادى..........هي اللي قالتلك كده؟
سمير.............ايوه يوم عيد ميلادها لما جبتلها عربية هدية كانت متضايقه من بنت كانت واقفة معاك واتكلمنا ف الموضوع ده
فادى كان مش مصدق نفسه وقاله.............انا كنت فاكرك بتحبها؟
سمير.........بصراحه اميرة واحدة ممتازة
...............بس بعد ما رفضت انى اتقدم لها ...بقينا صحاب وبس
ولما رجعوا اميرة وهنا استأذن فادى عشان يروحوا الفندق عشان يناموا وطول الطريق للفندق فضل فادى ساكت واميرة كانت زعلانه انه بيشك انها بتحب حد غيره
و اول ما وصلوا الفندق طلعو اوضتهم و فادى قالها:
فادى......... انا حانزل شوية وحارجع بعد شوية نامي انت لو حبيت
اميرة .............رايح فين؟
فادى .............مش حاتأخر
و نزل وسابها لوحدها فدخلت اخدت شاور و خرجت لابسة البرنس وفتحت الدولاب لقيت اللانجيري اللي كانت مشترياه مع رقية عشان الجواز واللي ملبستش منه ولا واحد وقررت تلبس واحد عشان تجربه وتبقى تغير قبل ما فادى يرجع و اختارت لانجيري لونه وردى وفيه دانتيل ع الصدر وحمالات ساتان رقيقة وطويل و فيه فتحة طويله من الجنب وفردت شعرها وحطت ميك اب هادي ورشت البيرفيوم اللي اشتراه فادى و قعدت على السرير تقرا كتاب تتسلى فيه
فادى كان بيتمشى ويفكر في كلام سمير
وحس انه ضيع وقت طويل وهو مش فاهم ان اميرة بتحبه
وان فرق السن بينهم مش سبب انهم يبعدوا عن بعض
وقرر انه يعترف لها بحبه ويبتدوا حياتهم مع بعض
بس مش عارف ازاي يقول لها انه بيحبها
وحس انه مكسوف منها
خصوصا انه كلمها بطريقة بايخة لما قابلوا سمير
ففضل يفكر في طريقة حلوة عشان يعترفلها بحبه……
دخل فادى الاوضة وكان جايب بوكيه ورد لونه احمر كبير ومعاه بالونات حمرا وعلبة شيكولاته على شكل قلب ولقي النور مطفي ما عدا الاباجورة اللي جنب اميره اللي كانت نايمة وهي ماسكة كتاب في ايديها ولقاها لابسة لانجيري رقيق فقرب منها وصحاها براحه و هو حاطط ايديه على شعرها:
فادى..... ميرو ....ميرو حبيبتى
اميرة.....ايه
فادى......اصحي يا ميرو
اميرة بصوت واطي........بحبك اوي
فادى ضحك وباسها في راسها.........طيب اصحي عشان نتكلم
اميرة فتحت عينيها لقيت فادى قاعد جنبها ع السرير والغطا اتشال من عليها فاتكسفت وغطت نفسها:
اميرة.........انت جيت امتى؟
فادى ...............من شوية
بصت اميرة في الاوضة
لقيت الورد والبالونات راحت قامت ومسكت الورد وقربته منها وبصت لفادى :
اميرة .............عشاني؟
فادى .............ايوه يا حبيبتي
اميرة .............ايه....انت بتقول ايه؟
فادى ..............باقول حبيبتي وروحي وقلبي و
اميرة...............استنى استنى بس ... انت تقصد انك بتح..
فادى قرب عليها وحضنها جامد وقالها :
بحبك يا اميرة
بحبك من يوم ما شفتك في المطار وانت واقفة لوحدك وخايفة
بحبك لما عينيك بتضحك ولما بتبصيلي ببراءه ولما بتزعلي منى ولما بتقولي اسمي بطريقة غير كل الناس ولما وافقت تتجوزيني وانت فاكراني مش بحبك و لما شلت الطرحه من على وشك ولقيت اجمل عروسة في الدنيا و لما بتغيري عليه …..
بحبك يا اميرة بحبك اوي
الدموع ابتدت تنزل من عينين اميرة علي هدوم فادى اللي قالها وهو بيبوس دموعها:
فادى..........اوعي اشوف دموعك تاني , عايزك تضحكي علطول
اميرة ..........انا اكيد بحلم
فادى ...........لا يا اميرة ده حقيقة
اميرة........... ياااااااااااااه يا فادى لو تعرف بحبك اد ايه؟
فادى وهو بيبوسها في خدها ................اد ايه؟
اميرة........... اكتر من نفسي و من حياتي
فادى وهو لسه بيبوسها ............ وايه كمان؟
اميرة .................انت بتعمل ايه؟
فادى ...............انا ؟ مش باعمل حاجة خاااالص
وشالها حطها على السرير وقرب منها
وهوب دخل زبه وهى تصرخ وطلعه بدمه
وكمل نيك وهى بين احضانه
بعد ساعتين كانت اميرة نايمة في حضن فادى بعد اول نيكة حب
وهو حاضنها كانه خايف تبعد عنه تاني و قالها:
فادى .............بحبك
اميرة قربت منه وباسته في خده.... وانا بمووووت فيك..انت فرمتنى
ومد فادى ايده وطفى الاباجورة تاني وقال نكمل فرم
بعد تسع شهور كان فادى واقف ماسك ايد اميرة وهي بتولد ف المستشفى وعمال يمسح العرق عن وشها وبعد نص ساعة سمع صوت بيبي بيعيط فراح جرى وحضن اميره اوي وباسها في راسها و راح حضن البيبي وجابه لها عشان تشوفه
وكانت بنت شبه اميرة بالظبط و فادى حضنهم هما الاتنين :
اميرة بصوت تعبان ..................حنسميها ايه؟
فادى والدموع في عينيه من السعاده ...................أميـــــرة طبعا
************* تمت
.
