لما يكون فى ارتباط قوى وجاد بين شخصين ويحصل سوء تفاهم بسيط او اختلاف فى وجهات النظر بسبب اشياء عادية وعابره المفروض انها لا تؤثر على استمرارية العلاقة والشراكة بينهم..خصوصا اذا كان الطرفين يفهم كل منهم الأخر.. لكن المحزن والمؤسف هنا لما يقوم احد الطرفين باستغلال هذا الاختلاف البسيط بينهم والغير مؤثر يقوم بتحويله لمشكلة كبيرة وتصعيده لمرحلة المشادة الكلامية بالإستفذاذ المتعمد لمشاعر شريكه و من ثم تصعيدها الى التراشق بالألفاظ النابيه ومن ثم الى مرحلة التشابك بالأيدى المتعمد منه كى يتحقق له مراده ثم يترك شريكه ويبتعد عنه ويقرر الانفصال ويقنع نفسه بان شريكه هو اللى غلطان وانه صاحب حق يعنى نظام ( تلاكيك) طب ليه تعمل كده؟ وتظلم شريكك اللى حبك من قلبه وتجرحو وتوجعو برحيلك عنه بهذه الطريقة المؤسفة والمرفوضه ليه؟؟ ولما شريكه يتودد له بل يتوسل اليه بالمصالحه المتكرره حفاظا على عدم انهيار علاقتهم بببعض والعيش والملح اللى بينهم وان إنت اللى استفذيتو وبتتلكك له على أتفه الأسباب تلاقيه يعاند أكتر ويرفض التسامح و التصالح معاه بعد عشرة طويلة طب ليه كده؟ ياسيدى انت مش عاوزه كنت رفضته م الاول ولا كنتش تعشمه بالشراكه والارتباط وتخليه يتعلق بيك وبعد كده تتلكك له.. والتالته لما لقيتو جاى يصالحك ويعتذرلك مكنتش ترفض وتوجعو وتحرجو برفضك وتكسرو خصوصا انك عارف انه بيحبك جدا و متمسك بيك وبعادك عنو يعنى تعزييب شديد له طب ليه؟ ياجماعة. واللهى الوضوح جميل و التسامح أجمل والعيش والملح اقوى من الإتنين ودى عندك ودي عندى الدنيا هتمشى والمسامح كريم
