دايما لما بتكلم ف حاجه بحاول احط نفسي مكان كل الأطراف عشان احاول اطلع بحكم سليم نوعا ما ف هنقسمهم على حسب الأطراف لأن الكلمه امانه قدام مالك الملك.
اولا قبل اي حد خطيبك
انتي لازم تسيبيه انتي بتخونيه و الخائن لا يؤتمن وهو ملوش ذنب ياخد واحده زيك لمجرد أنه مشي بالأصول و دخل البيت من بابه
ثانياً اهلك
الناس دي ذنبها ايه تعلم و تربي و تخلف و تلبس و تاكل و تشرب و تجري وراكي ف تعبك و تسهر الليل عشان توفرلك حياه كريمه وف الاخر تكسري رقبتهم و تفضحيهم و يتسالوا عنك منه و يتحاسبوا على تقصيرهم و ثقتهم فيكي منه
طب هو هيحاسبهم بعدين .. لو حصل اي حاجه و اتفضحتي بعملتك الناس حواليكم مش هترحمهم
ثالثا نفسك
النهارده انتي مستوره بس حبال الستر له اخر
و انتي عارفه الباقي عن نفسك اكتر من اي حد ف ملوش داعي اكملك شرح عن نفسك و نفسيتك وووو .
رابعا
الشخص اللي معاكي
في مقوله متدواله بين الرجاله اللي شبهه كده او اللي كانت شبهه يعرفوها كويس
( ليه اشتري البقره طالما اللبن ببلاش)
المعنى واضح مش محتاج تفسير
خامسا و ده الاهم من كل دول
بس مش هينفع اتكلم فيه باستفاضة عشان قواعد المكان .. بس الحلال بين والحرام بين و الصح و الغلط مش محتاجين حد يعرفهم من جديد
...
أن كانت نفسك رخيصه عندك في أطراف تانيه ملهاش ذنب ف رخصك ف نظر نفسك
