مجلس النقد الفني ( المشاهدين 2)

[الخديوى]

الاستاذة @H I N A T A
كان ليها سؤال كمان​

 

[Eden]

دي طبيعة في قصص معز١٤
دايما تلاقي العديد من الشخصيات والعائلات
لدرجة اني بحتاح اعمل زي شجرة عائلة عشان متلخبطش

ولو انى مبحبش الاسلوب ده بس بقترح لو ده طبيعة قصصه يبقى كل شخصية يجيب صورة قريبة الشبه منها عالاقل القارئ حيتذكر الشخصية من صورتها وده حيساعد اكتر فى فهم القصة وعدم التشتت

 

[user264276]

ده كلام منطقي، والإكثار من الشخصيات ممكن يسبب تشتت لو ما كانش ليهم دور واضح في الأحداث. لكن المشكلة مش في عدد الشخصيات بقدر ما هي في طريقة تقديمهم. لو الشخصيات ظهرت بشكل تدريجي ومن خلال مواقف بدل ما يكونوا مجرد أسماء مذكورة في البداية، القارئ مش هيحس بالتشتت وهيرتبط بيهم أكتر. الفكرة إن كل شخصية يتم تقديمها لازم يكون ليها تأثير واضح على القصة، وإلا وجودها هيبقى عبء بدل ما يكون إضافة.

​

أعذرنى على التدخل بس أنا أشوف أن الكاتب ينتمى لمدرسه مختلفه تولى الأحداث أهميه أكبر بكثير من الحديث عنها و هى مدرسه كلما زادت شخصياتها كلما زاد معها احتمالات التفاعل بين شخصياتها و بالتالى متعه أكبر بالنسبه للقارئ اللى مع الوقت بيبدأ يعلم الشخصيات بأحداث مش بصفات شخصيه.

 

[ميمو و 372 آخرين]

وفاة شخصيات رئيسية زي حاتم وصفية المفروض يكون ليها تأثير
من وجهة نظر القراء او النقاد

هل موتهم كان مجرد حدث عابر ولا كان ليه أثر فعلي على باقي القصة

 

[user264276]

ده أسلوب مشروع، إن الكاتب يفضل تعريف الشخصيات عمليا من خلال الأحداث بدل ما يقدمهم في البداية بتفاصيل مطولة. لكن المشكلة هنا إن القارئ محتاج حد أدنى من الارتباط بالشخصيات من البداية عشان يهتم بمتابعة تطورهم في القصة. لو التعريف كان بارد أو سطحي، ممكن القارئ ما يحسش بأي اهتمام ليهم، حتى لو ظهر دورهم بعدين. الفكرة مش إن الغوص في التفاصيل من البداية هو الحل الوحيد، لكن لازم يكون فيه توازن يخلي القارئ مهتم ومش متجاهل للشخصيات في البداية.

​

اسمحلى أختلف معاك قصص معز هى من أنجح القصص فى المنتدى على الأقل من حيث عدد المشاهدات و كلها بنفس الطريقه و محدش هيدخل يشوف حاجه لو مش حاببها نقطه تانيه و هى أن أحياناً طرق الكتابه المتطرفه فى الحديث عن الشخصيات أو حتى الإهتمام بالاحداث بتعلم مع الناس اكتر من القصص المتوازنه

 

[الخديوى]

وفاة شخصيات رئيسية زي حاتم وصفية المفروض يكون ليها تأثير
من وجهة نظر القراء او النقاد

هل موتهم كان مجرد حدث عابر ولا كان ليه أثر فعلي على باقي القصة

وفاة الشخصيات الرئيسية زى حاتم وصفية..وحضرتك مذكرتيش رشاد ومنى .. طبعا لازم يكون ليها تأثير واضح على القصة، سواء في تصاعد الأحداث أو في ردود أفعال الشخصيات التانية. لو موتهم كان مجرد حدث عابر بدون ما يترك أثر فعلي، فده يقلل من أهميته ويخليه مجرد تغيير في الحبكة بدون وزن درامي. السؤال هنا: هل الشخصيات اللي تأثرت بوفاتهم تصرفت بشكل يعكس حجم الخسارة؟ وهل القصة نفسها اتغيرت بسبب غيابهم؟ لو الإجابة لا، فده معناه إن موتهم ما استغلش درامياً بشكل كافٍ.

​

 

[Smsm]

ولو انى مبحبش الاسلوب ده بس بقترح لو ده طبيعة قصصه يبقى كل شخصية يجيب صورة قريبة الشبه منها عالاقل القارئ حيتذكر الشخصية من صورتها وده حيساعد اكتر فى فهم القصة وعدم التشتت

بس هو فعلا بيقوم بوضع صور تشبه ابطال القصة

 

[جاسسر]

اسمحلى أختلف معاك قصص معز هى من أنجح القصص فى المنتدى على الأقل من حيث عدد المشاهدات و كلها بنفس الطريقه و محدش هيدخل يشوف حاجه لو مش حاببها نقطه تانيه و هى أن أحياناً طرق الكتابه المتطرفه فى الحديث عن الشخصيات أو حتى الإهتمام بالاحداث بتعلم مع الناس اكتر من القصص المتوازنه

ده رايك وراى ناس كتير بس كل شخص بيختلف بنوع معين وسيستم معين

 

[Eden]

بس هو فعلا بيقوم بوضع صور تشبه ابطال القصة

مش كل الشخصيات بعض الشخصيات فقط انا قصدى عند ذكر اسم شخصية يضع صوره لها

 

[Eden]

انا كان ليا سؤال

 

[الخديوى]

اسمحلى أختلف معاك قصص معز هى من أنجح القصص فى المنتدى على الأقل من حيث عدد المشاهدات و كلها بنفس الطريقه و محدش هيدخل يشوف حاجه لو مش حاببها نقطه تانيه و هى أن أحياناً طرق الكتابه المتطرفه فى الحديث عن الشخصيات أو حتى الإهتمام بالاحداث بتعلم مع الناس اكتر من القصص المتوازنه

انا كناقد شايف من رؤيتى نجاح القصة من حيث عدد المشاهدات دليل على إنها جذبت القارئ، وده شيء لا يمكن إنكاره. لكن النجاح الجماهيري مش دايمًا معيار للجودة من ناحية البناء الدرامي والتأثير العاطفي. فيه قصص بتعتمد على الإيقاع السريع أو الصدمات لجذب الانتباه، وده أسلوب ناجح عند شريحة كبيرة، لكن ده لا يعني إن كل عنصر فيها كان مستغل بشكل مثالي.
أما بخصوص طرق الكتابة المتطرفة، فهي فعلاً ممكن تسيب تأثير أكبر، لكن ده بيعتمد على التنفيذ. لو التركيز على الأحداث على حساب الشخصيات كان متعمد كأسلوب، فده خيار سردي، لكن ده ما يمنعش إن بعض القراء كانوا ممكن يتفاعلوا أكتر لو كان فيه اهتمام أعمق بالشخصيات. في النهاية، كل أسلوب ليه جمهوره، والمهم هو مدى تحقيق القصة للهدف اللي الكاتب حطه في البداية.
​

 

[DR MK]

هل يمكن لعضو غير ناقد الدخول في النقاش؟

 

[user264276]

ده رايك وراى ناس كتير بس كل شخص بيختلف بنوع معين وسيستم معين

مقدرش اختلف مع ده و أكيد بحترم رأى الجميع مش بفرض رأيى أنا بس بحب اعرض الرأى الآخر ليثبت أنه موجود و بالمناسبه أنا مش شرط علشان قولت الرأى أكون متفق معاه أنا بعرض اللى شايفه فى الأحداث و الكتابه مش أكتر

 

[عابر سبيل 1]

ده رايك وراى ناس كتير بس كل شخص بيختلف بنوع معين وسيستم معين

انا معاك في دي بس معاذ من افضل الكتاب اللي في المنتدى وقصصه جميله جدا وده مش رايي انا لوحدي

 

[ميمو و 372 آخرين]

وفاة الشخصيات الرئيسية زى حاتم وصفية..وحضرتك مذكرتيش رشاد ومنى

قولت زي بمعني مثلا

السؤال هنا: هل الشخصيات اللي تأثرت بوفاتهم تصرفت بشكل يعكس حجم الخسارة؟ وهل القصة نفسها اتغيرت بسبب غيابهم؟ لو الإجابة لا، فده معناه إن موتهم ما استغلش درامياً بشكل كافٍ

وبالتسبة لاجابة السؤال ده
موت حاتم وصفية في القصة حصل بشكل سريع ومن غير أي تمهيد أو توضيح لسبب الوفاة أو تأثيرها على باقي الشخصيات، وده بيخليه مجرد حدث عابر بدل ما يكون نقطة تحول في الحبكة
المفروض وفاة شخصيات رئيسية زيهم تأثر على الشخصيات التانية أو تغير مجرى الأحداث
لكن هنا مفيش أي رد فعل واضح من أي حد غير إن ريم ورثت كل حاجة وخلاص
مفيش مشهد حزن أو حتى ذكر لتأثير غيابهم على أي شخصية
وده بيخلّي موتهم بلا قيمة درامية
وده طبعا من وجهة نظري

 

[user264276]

انا كناقد شايف من رؤيتى نجاح القصة من حيث عدد المشاهدات دليل على إنها جذبت القارئ، وده شيء لا يمكن إنكاره. لكن النجاح الجماهيري مش دايمًا معيار للجودة من ناحية البناء الدرامي والتأثير العاطفي. فيه قصص بتعتمد على الإيقاع السريع أو الصدمات لجذب الانتباه، وده أسلوب ناجح عند شريحة كبيرة، لكن ده لا يعني إن كل عنصر فيها كان مستغل بشكل مثالي.
أما بخصوص طرق الكتابة المتطرفة، فهي فعلاً ممكن تسيب تأثير أكبر، لكن ده بيعتمد على التنفيذ. لو التركيز على الأحداث على حساب الشخصيات كان متعمد كأسلوب، فده خيار سردي، لكن ده ما يمنعش إن بعض القراء كانوا ممكن يتفاعلوا أكتر لو كان فيه اهتمام أعمق بالشخصيات. في النهاية، كل أسلوب ليه جمهوره، والمهم هو مدى تحقيق القصة للهدف اللي الكاتب حطه في البداية.
​

ممكن أرد عليك بدورى كقارئ للعمل الفنى و حتى ككاتب أن القصص كتبت للقراء و أن استغلال كل حدث فى القصه بشكل مثالى ده شئ مستحيل طبيعى فى حاجات هتفوت الكاتب فى النهايه الكتاب هنا يمارسون هواية و تانى هرجع أقول لو التنفيذ سئ مكنش بقه ليها جمهور أو كنا بنراجعها هنا

 

[جاسسر]

مقدرش اختلف مع ده و أكيد بحترم رأى الجميع مش بفرض رأيى أنا بس بحب اعرض الرأى الآخر ليثبت أنه موجود و بالمناسبه أنا مش شرط علشان قولت الرأى أكون متفق معاه أنا بعرض اللى شايفه فى الأحداث و الكتابه مش أكتر

انت تشوف القصه من جميع الاتجاهات كحبكه وسرد وتزامن وربطط مع الاحداث مع تهيى حوار لنص جديد وافكار جديده

فيه قصص كتير بها نسبه مشاهدات عاليه وينقصها كل ما سبق من كلامى وهناك مشاهده متابع جيد يراى القصه جميله من كل الجوانب الفنيه

 

[user264276]

قولت زي بمعني مثلا


وبالتسبة لاجابة السؤال ده
موت حاتم وصفية في القصة حصل بشكل سريع ومن غير أي تمهيد أو توضيح لسبب الوفاة أو تأثيرها على باقي الشخصيات، وده بيخليه مجرد حدث عابر بدل ما يكون نقطة تحول في الحبكة
المفروض وفاة شخصيات رئيسية زيهم تأثر على الشخصيات التانية أو تغير مجرى الأحداث
لكن هنا مفيش أي رد فعل واضح من أي حد غير إن ريم ورثت كل حاجة وخلاص
مفيش مشهد حزن أو حتى ذكر لتأثير غيابهم على أي شخصية
وده بيخلّي موتهم بلا قيمة درامية
وده طبعا من وجهة نظري

اسمحيلى أعقب و أقول إن دى طبيعة كتابات الكاتب أو حتى النوع ده من الكتابه لا يوجد وقت للتعاطف و الأجواء الدراميه أنت هنا لتقرأ أحداثا و ترى جحودا من شخصيات و تصرفات تعكس نظرتهم للأمور التى تجرى من حولهم دون النظر للطبيعى حتى

 

[DR MK]

مع احترامي لكل الاراء كلامي لا يقلل من رأي اي ناقد من النقاد المتميزين

لكن وضع صور لوصف شكل الشخصيه دي من ركائز و المدرسه الذي ينتمي لها الكاتب

مع احترامي الكامل ايضا لكن عدد المشاهدات لكل قصه لا تعبر عن مدي نجاح القصه و روعتها و لكن هذا نظام منتديات و المشاهده من الزائر تحسب عادي حتي لو دخل علي القصه بدون ان يكمل قرأتها او لم تعجبوا من الاساس

تحياتي لهيئة النقد الفني و اتمني تقبل مروري

 

[الخديوى]

هل يمكن لعضو غير ناقد الدخول في النقاش؟

بالتأكيد اتفضل​