لاصقه منع الحمل للسيدات

[دكتور نسوانجي]

وسيله منع الحمل اللي معظم الناس بتسال اسئله كتير عنها

هنتكلم عنها شويه ونحاول نغطي كل التساؤلات ولو فيه حد عنده اضافه يا ريت يفيدنا بيها
هيا بدأ إستخدامها ف العام 2002 بعد ما تم إجراء التجارب الخاصه بيها عل اكتر من 3000 سيده وتم الموافقه علي استخدامها

لاصقات منع الحمل هيا عباره عن استروجين وبروجسترون
يعني زي حبوب منع الحمل المركبه اللي كلنا نعرفها زي جنيرا والحبوب اللي بتنزل ف علبه 21 حبه معروفه للجميع بس الفرق البسيط أنها لاصقات بتلصق ف أماكن معينه ف الجسم بدل ما يتم اخدتها عن طريق الفم زي الحبوب ودا طبعا ميزه كبييره جدا لأنه بالتالي هيقلل من الآثار الجانبية للحبوب
زي السمنه والاكتئاب والعصبية

طريقه الاستخدام
ودي هيا أهم نقطه ف الاصقات دي لأن عدم الاستخدام الأمثل ليها كأنه لا شيء ##

تضع المرأة ملصق منع الحمل على
الجزء الخارجي من الجزء العلوي
للذراع
المؤخرة
البطن
أو الفخذ

ابتداءا من أول يوم من الدورة الشهرية(اليوم 1) أو أول يوم أحد بعد ذلك اليوم حسب ما تفضله بس الأفضل نخليها اول يوم الدوره لأن مش هيبقي فيه أي علاقه جنسيه ف وقت الدوره وكمان هيا بتاخد أسبوع علشان يبدأ تأثيرها يشتغل
طيب لو مش هنعرف نحطها ف اول يوم الدوره ومحتاجين نحطها ف أي يوم مفيش مشكله بس هيضطر الزوج يستخدم واقي أثناء اول أسبوع من وضعها عما يبدأ ثاثيرها

أول يوم تضع فيه الملصق يبقي هوا ده اليوم المحدد لموعد تغيير الملصق بعد سبعة أيام##

عندما يحل موعد تغيير الملصق تزيل المرأة الملصق القديم وتضع ملصقا جديدا على أحد مواضع الجسم المحددة سابقا عند حلول موعد تغييرها
بعد 3 أسابيع بيكون فيه أسبوع راحه يعني الشهر فيه 3 أسابيع اللصقه محطوطه واسبوع راحه وهكذا
اذا كانت المرأه لسه خارجه من إجهاض بتركب اللصقه علطول ومش محتاجه تستخدم أي وسيله حمايه ولا الزوج محتاج لواقي
طب لو جه ميعاد تغيير اللصقه وهيا نسيت تغيرها
اول ما تفتكر تغيرها فورا مع استخدام واقي

##ملصق منع الحمل يجب استخدامه على جزء نظيف و متصل من الجلد هذا يعني إذا كان الجلد محمر أو ملتهب أو مقطوع لا يجب وضع الملصق عليه بالإضافة تجنب استخدام مرطبات أو بودرة أو مكياج حول المنطقة التي عليها الملصق
كمان يفضل تغيير المكان اللي هتتحط فيه كل مره
احنا عندنا اكتر من مكان نقدر نغير فيه
بالنسبه للاستحمام يفضل حمايتها من البلل بقدر الإمكان حتي لا تكوني عرضه للتحسس أو تهيج المنطقه الموضوع عليها الاصقه

####الاصقه دي مش هتنفع للست اللي وزنها اكتر من 90 كجم لأن فعاليتها هتكون قليله جدا ×××
بالنسبه لاثار الجانبيه فهيا قليله مقارنته بالحبوب

ولكن

(((الستات اللي دايما عندها مشاكل ف الدوره الدمويه وبالذات الجلطات أفضل نصيحه انهم ما يستخدموش لا الحبوب ولا الاصقات لأن كلهم بيسببو مشاكل من النوع ده ))

والأفضل ليها أن الزوج يستخدم واقي ذكري ويبتعد عن الأيام اللي ممكن يحصل فيها تبويض

وده موضوع مهم هنبقي ننزل فيه مقال آخر يوضح أيام التبويض وكيفيه معرفتها بسهوله وتلافي حدوث حمل فيها أو حتي الناس اللي عاوزه تخلف وده هيفدهم كتير جدا ف انهم يقدرو يعرفو ايه اكتر أوقات بيبقي فيه نسب الحمل عاليه جدا ..........

ملحوظه مهمه جدا ######
استخدام الحبوب أو الاصقات أو أي وسيله لمنع الحمل لازم يكون تحت إشراف طبي ومتخصص لأن الطبيب هوا الأجدر بمعرفه تداعيات استخدام كل نوع ولكن هذا المعلومات قد تفيدك اكتر ف المعرفه العامه
منقوله #

اضغط لقراءة المزيد...