بصى كون انك عايزه تتجوزى ده مش عيب ولا حرام بس موضوع ان اولاد حضرتك يرفضوا ده امر طبيعى جدا ومتوقع بس التعامل فى موقف زى ده لازم يكون بالعقل والحكمه
لازم الاول تحددى موقفك وتقررى انتى عايزه تتجوزى ليه هل لغرض جنسى بس وانك محتاجه حياه جنسيه فقط او انك فعلا عايزه تتجوزى عشان يبقى فى شريك فى حياتك تكملوا حياتكم مع بعض بحلوها ومرها عشان زى مفهمت من البوست ان حضرتك كبيره يعنى اسفه فى اللفظ اللى جاى مش اد اللى راح ولازم تفهمى كده كويس
ثانيا لازم تاخدى القرار انتى واللى انتى حابه تكملوا حياتكم مع بعض وتتفقوا على مسار حياتكم بكل تفاصيله
وبعدين لو حصل اتفاق ان شاء **** لازم الشخص ده يروح لاولادك ويطلبك منهم وانتى قاعده معاهم ومتتكلميش خالص خلى اولادك والشخص ده هما بس اللى يتكلموا وهنا فى سيناريوهين لو الشخص ده قدر فعلا يقنع اولادك يبقى الف مبروك مقدرش يقنعهم وبردوا متمسكين برائيهم يجى دورك بقى لازم تاخدى صف اولادك وتبينى ليهم انهم بالنسبالك فوق اى اعتبار وسعادتهم وراحتهم فوق ساعدتك حتى لو هتتبنى على تعاستك بقيت عمرك بس وانتى بتعملى كده حاولى تبينى احساسك انك فعلا قرار الجواز هو اللى هيخليكى سعيده وانك محتاجه حد فى حياتك ومع مرور الوقت ولادك لما يشوفوا حالك من الاستسلام لرغبتهم برغم تعاستك هما اللى هيعرضوا عليكى الموضوع وهيوافقوا