A
Anonymous (6002)
ضيف
انا متزوج وشغال فى شركة قطاع خاص من فترة جت زميلة لسة تخرج جديد كانت روحها حلوة وكنت بحترمها جدا لدرجة ان وقعت فى حبها للاسف فضلت كاتم السر ده مع نفسى طبعا لانه مينفعش اقوله لها او لحد جه زميل تالت وفى نفس المكتب وسنه قريب منها بقت تكلمه كتير وتهزر معاه لدرجة ان نار الغيرة زادت فيا وبقيت زى المجنون بتصرفاتى ولانى بردوا انا المسئول فى المكان ده ايضا ومديرهم مكانش ينفع الهزار والكلام الكتير ده وهو بردوا مرتبط وخاطب قلبت وشى عليها استغربت وهو كمان طبعا لحد ماجه فى يوم كنا انا وهى فى المكتب اعترفتلها بس واحده واحدة على كذا مرة هى رد فعلها ساعتها انها مرتبطة ومش عارفة ايه المطلوب منها حتى سالتنى السؤال ده قلتلها انت مش مطلوب منك حاجه ولا ينفع اطلب منك حاجه وانكفوق دماغى وبعزك بس دى حاجه جوايا مش عارف اكتمها ولا عارف افضفض بيها لحد قالتلى عادى كتير بتحصل قلتلها بس عندى طلب واحد انها تخف كلام مع زميلها قالتى انه كويس وانهم اصحاب عمل وعدى اليوم ده على كده بعدها بفترة لاقتها متغيرة من ناحيتي وحسيت انها ممكن تستغل اعترافى ليها وتضرنى وبقت تتصرف بطريقة مش كويسة معايا طلبت منها تتنقل من المكتب ودى كانت غلطة قالتلى لا اتنقل انت ولو ماتنقلتش هاحكى على كل حاجه فكر ورد عليا اتصدمت من كلامها واصريت انها تغير مكانها وفعلا انتقلت وقالت لمديرى على كل حاجه لدرجة انها فعلا كانت عايزة تنتقم منى وتضرنى باى طريقة وانا فى نفس الوقت كنت على اخرى منها لانى كنت شايلها فوق دماغى واكتر حد ساعدته وهى اكتر حد ضرنى بس قد تكون معذورة مع الوقت ندمت عن اللى عملته وزعلت لانى كنت بعزها فعلا بس هى مابقتش على اى حاجه حلوة عملتها معاها من سنتين اتنقلت لمكان تانى وهى راحت شركة تانيه بس لحد دلوقتى بتابعها وبعرف اخبارها عمرى مانستها من يومها ولا غابت عن خيالى يوم نفسى ارفع التليفون واطمن عليها واصالحها واراضيها بس خايف تبقى مشكلة اكبر انا عارف ان عندى غلط كبير بس هو ده اللى حصل والمشكله لسة فى دماغى لحد دلوقت لاعارف انساها ولا عارف اصالحها ومش عارف قرار ان اصالحها ده صح ولا غلط لانها غلطت فيا بردوا برجاء النصيحة
