نحب نسمع من الى سبقونا نصائح عن مواقف أو تجارب مرو بيها و الدروس الى اتعلموها من خلال التعامل
خليك على طبيعتك ومتكدبش ولا تتجمل ولا تعشم بنت الناس بحاجات انت متقدرش عليها
فكر واختار بعقلك مش قلبك ولا بتاعك
مفيش حاجة اسمها حب من نظرة واحدة والكلام الفاضي ده
الحياة بعد الزواج مش كلها بمبي فيه ايام صعبة وايام حلوة وشطارتك انك تختار اللي تحلي ايامك وتهون الصعب
اختار اللي تعرف تفتح بيت وعارفه يعني ايه راجل ويعني ايه ست
تعليم البنت اخر حاجة تدور عليها الشهادة مش هترتب بيتك ولا تطبخلك ولا تقوم على مصالحك
الراجل النطع اللي يدور على قرش يجيي من تحت ايد واحدة حتى لو كنت مراته
اوعى تمد ايدك على فلوس مراتك كل قرش هتاخده منها هتدفع مقابله اضعاف من كرامتك ورجولتك
الرجولة مش بالقوة ولا الشخط ولا طولة اللسان والايد: الرجولة انك تتحمل مسئولية بيتك
اوعى تسمح بحاجة في بيتك فوق طاقتك المادية
على قد لحافك مد رجليك
والست اللي هتزن على دماغك عشان تورطك في حاجة من الكماليات نفسها هتعايرك لما تقع في ديون وتبقى محتاج
الجواز واجبات وحقوق زي ما ليك حقوق فانت عليك واجبات
اختار من بيت اللي حاكمه راجل تعرف ترجعله لو حصلت مشكلة واهرب بجلدك لو لقيت البيت حاكماه ست
البنات عاطفية بطبعها وتحب الكلام الحلو وتكره الكلام الوحش حتى لو كان الحقيقة
حسسها بحنيتك لدرجة انها لما تهرب منك تلجألك
ما بين الحزم والغشومية شعرة اوعى تقطعها
وما بين اللين والدلدلة شعرة اوعاك تكون مدلدل
بيت الاصول مش بالفقر ولا الغنى
متتغرش في المظهر اللي برا
اهم شي التعامل وخصوصا وقت الخصومة