بقالي فتره هنا و بعتبركوا اخواتي عندي كام حوار عايز افضفض فيه انا كنت من وانا صغير الولد البضان الي محدش بيطيقه و طوب الارض كان بيتنمر عليا مكنش عندي صحاب كنت ضعيف بتضرب في المدرسه ارجع البيت اهلي يضربوني و اخواتي كانوا بيضربوني و بيتنمروا عليا مكنتش مركز اوي في حوار البنات بس في بت واحده كنت معجب بيها اوي و اترفض مكنش عندي حاجه اقدمها كنت تخين و قصير و الدغ و املس و شخصيتي كانت مستفزه و عفويه و طيب و قلبي ابيض بالرغم من كل ده كان عندي اكتائاب و كنت عايز اموت ودي كانت فتره ابتدائي و اعدادي و ثانوي التغير بدا بعد ماخلصت ثانوي و حسيت اني لازم اتغير و سبحان **** انا طولت و بقيت 190 خسيت و عملت جسم حلو شخصيتي اتحسنت و بقيت اعرف اعمل صحاب بسهوله حسنت علاقتي باهلي مبقوش شايفني فاشل ابتديت اقرا وابني ثقافه اتعلم لغات بالنسبه للبنات مع طولي ده اداني عضو كبير وده اداني ثقه كبيره بعيدا عن شكلي الي اتحسن جامد لسه مطلعتش ذقن بس بيقولولي شكلك كده احسن نمت مع بنات ارتبطت بس مكنتش بحبهم كنت بعمل كده عشان عايز اثبت حاجه لنفسي مش اكتر كل ده في فتره الكليه في اخر سنه اتعرفت علي واحده صدفه و ساعتها فاكر شعور ان قلبي دق و دي كانت اول مره حسيت اني رجعت للطفل العبيط تاني اتعرفت عليها و بقينا بنتكلم و بنتقتبل كل فتره مش كتير عشان هي ساكنه بعيد في الفتره دي مكنتش مبين اني معجب كنت متقمص الشخصيه البارده الهادئه شبه شخصيات الانمي كده 😂 لحد ما خلتني اعترفلها اني معجب بيها و طلعت هي كمان معجبه هنا الدنيا ابتدت تبوظ مش عارف ليه انا بقيت over protective بتصل بيها كتير هي كان حوليها ولاد كتير بيحولوا يكلموها فا كنت خايف اخسرها و في نفس الوقت مش عايز اقرب اكتر عشان حاسس اني بغرق كل حركه كل نظره كانت بتوقعني اكتر فا ابتديت ابعد هي بتسال انت متغير ليه بقيت بقول اعذار غبيه الصراحه نسيت اقول اني كنت نهيت كل علاقاتي القديمه من قبل ماعرفها و لما سألتني عن كنت في علاقه قبل كده كدبت و قولت لا و بس علاقتنا انتهت باوسخ طريقه الموت البطيء الكلام قل لحد مابقاش في اصلا و هي عملت move on ولا اكن كان في حد في حياتها و بقت تخرج مع ولاد عادي الفكره اني مركز علي مستقبلي و بحاول ابا احسن بس الفراغ الي في صدري ده قذر و مش عايز املاه باي واحده تاني و مفيش حاجه بتملاه عامل زي الثقب الاسود و معلش علي التطويل و الكلام عشوائي شويه اول مره اكتب