بجد يا جماعة انا حزين اووي علي الرجالة اللي بتشتغل في غربة سواء في محافظة تاني او حتي برا البلد خالص.. تخيل هو بيشتغل و طالع عينه و مراته بسبب شهوتها توسخ شرفه...
يعني ايه مهملك حضرتك... دا مش مبرر عشان تخونيه مع الشاب الأمور ابو غمزات اللي شغال في السوبر ماركت اللي علي الشارع... ولا الواد الفرفوش اللي هزر مرة معاكي في المول و عجبك جرائته و كلامه الإيحائي القبيح.. ولا حتي ال bad boy اللي البنات هتموت عليه و اغلبهم بيكرشه عليه و تلاقيه بيبصلك وانتي في الكافيه... طبعآ هو عجبته البضاعة اللي قدامه مهتمش اوي بالوجه ولا السن... هو ركز في تفصيل جسمك همه يوصل معاكي للسرير مش اكتر.. ركز في تفصيل ملابسك الداخلية اللي جوزك دافع حقهم هما كمان ... وانتي بتقولي في نفسك ما أصل انا جوزي مسافر و مهملني...
لا حضرتك جوزك مش مهملك .. جوزك مهتم بيكي لدرجة سافر عشان يحسنلك وضعك المادي و الأجتماعي بين الناس...
عشان متبصيش للسلسة اللي اختك اشترتها في يوم و تقولي لجوزك عايزة سلسلة زيها و يقولك معيش... لا هو بيشتغل عشان يخلي عينك مليانة و راسك مرفوعة بين الناس
فا بلاش انتي ارجوكي تنزلي راسه قدام ابن الجيران اللي ساكن قصادكم ولسه بياخود مصروف من اهله و بيصرف فلوس الدروس علي السجاير و البلايستيشن و تخلي جوزك قرتاص قدام واحد لسه بشخة زي دا
فا لو حضرتك مش قادرة تستحملي غيابه عنك و نفسك في العلاقة الجنيسة و شهوتك عالية... اطلبي الطلاق احسن ما توسخي اسمه.. هو ما يستحقش دا منك..
انتي تعرفي حاجه عن شغله اللي هو مسافر عشانه... تعرفي هو بيستحمل قد ايه عشانك.. تعرفي هو نفسه في الجنس قد ايه بس مفكرش يخونك و مهتم بالشغل...
طيب قوليلي لو هو كدا مهملك.. و قرر يبطل اهمال و يفضل جمبك يشتغل اي حاجه و يبعد عن الغربة.. انتي مش هتبصي لجارتك اشترت ايه ولا بنت خالتك سافرت تصيف فين... طيب لما تخلفي و ابنك يحتاج مصاريف دروس عشان ما يعيدش السنة في المدرسة مين اللي هيدفع تمن كل دا... ها؟
ايه دلوقتي دور جوزك.. هو اللي المسؤل عن المصريف مش كده.... طيب ما انتي اللي كنتي عايزة الاهتمام و خلتيه يسيب الشغل اللي في الغربة ابو 200 في الساعة... و وافقتي علي اللي الشغل ابو 50... ايه يدفع حق العيش الفينو بتاع العشا اهتمام...
ارجوكي جوزك الراجل اللي اختارك زوجة ليه و بعد عن الحرام و اتجوزك... بلاش انتي تكوني مراته هو و اخوه في نفس الوقت... عشان في يوم سترك هيتكشف و هتتفضحي من أقل حاجه ممكن مكنتيش حتي تتخيلي انك تتفضحي بسببها
# احفظي غياب زوجك
