عشرين سنة واحد وعشرين سنة وبنموووت
بصو يا جماعه انهارده كنت بتكلم مع حد علي حوار ان احنا جيل بايظ الهو جيل اللعشرين سنة لحد ٣٥ سنة تقريبا
والكلام مخلاش من ان احنا جيل متدلع ومفيش حاجه صعبة فحياتنا وللأسف في ناس مقتنعة بكده فعلا
بس الحقيقة ان احنا اكتر جيل عاصر مصايب فحياته
♡ اولا :
احنا الجيل العاصر مصيبة التضخم في ٢٠٠٨ ودي كانت من اصعب الحاجات الحصلت في الالفية التانية لو كانت حصلت فجيل تاني مكنوش هيتحملوها .
◇ ثانيا :
شوف احنا عاصرنا كام مرض سواء انفلونزا خنازير او طيور او سارس او غيرهم ، ده طبعا غير وباء كورونا العدي علينا وكان ممكن اي حد يموت بسببه .
♤ ثالثا :
احنا عاصرنا حروب ومصايب مستحيل حد غيرنا كان يستحملها بدءا من حافة حرب اهلية لغاية الحرب الروسية الاوكرانية ، وده طبعا مرور بمشاكل في القارة علي حروب مش واضحة ، والرعب الكل شوية من الحرب العالمية التالته المحدش عارف هي هتقوم امتي لكن متأكدين انها هتقوم .
♧ رابعا :
تعب نفسي وعزلة عن الناس حتي لو بنقابل بعض كل يوم .
والحاجات دي مش اول مرة تحصل لأ دي حصلت كتير قبل كده للأجيال الفاتت بس الاجيال الفاتت كان كل جيل بيعاني من حاجه واحدة بس من دول انما جيلنا الحمد لله عاصرهم كلهم
فعلشان كده يسطا متخليش حد يقلل منك
انت عشت المحدش عاشه
قصتك غير قصتهم ، ظروفك غير ظروفهم ، متحاولش تشوف نفسك تافه لأ هما التافهين مش انت خالص ، تجاربك غير تجاربهم يبني ، احناا ممكن كمان نكون احسن منهم
احنا لو قارنا نفسنا بيهم فاحنا اتعلمنا حاجات وعملناها وجربناها هما حتي الان ميعرفوش عنها حاجه
والحاجات الانت مريت بيها علي ال غم من صغر سنك تخليك تستاهل فعلا كلمة جدع يا جدع
ولا انت اي رأيك
