في مكان ما ،،،
الفقر و الجوع مسيطرين ع الكل .. الضعف اتملك من الناس بسبب سكوتهم .. الخوف منع اي تغيير و حط اللوايح و القوانين .. القانون الخالد فيهم هو ان الانسان مالوش حقوق غير انه يتنفس .. النفس نفسه صحيح حقك بس كل حاجة و ليها حدود .. و علشان لكل قاعدة شواذ كان لازم يكون في حاجة مالهاش حدود .. الحاجة دي كانت العتمة ....
هنرسم خريطة للمملكة دي هتلاقي في بحر كبير محيط بيه من حدود الشمال .. و الشرق في سور عظيم من الجبال محدش قبل كدا قدر يعديه .. الغرب صحاري الحياة فيها مستحيلة لانعدام المياه و شده الحر و لو بطريقة ما قدرت تتجاوز الصحرا دي هيقابلك قبائل بدائية تخليك تتمني تكون مطلعتش من سجن الواقع .. قبل ما نتكلم عن الجنوب هنرسم خط متعرج بطول الخريطة كلها و في فترة من الفترات لونه كان ازرق بس للاسف دوام الحال من المحال .. نروح بقا للجنوب هتلاقي حدود وهمية و مقابر بطول الحدود دي .. في احد الفترات الجنوب دا كان أشبه بمخزن للعبيد .. و لأن دوام الحال من المحال العبيد اصبحوا اسياد في نفس الوقت اللي انقلبت فيه الصورة و الأسياد بقو عبيد .. نتيجة الانقلاب دا قامت الحرب .. حرب النخاسين اللي نتج عنها اكتر من 30 مليون قتيل و تكريماً ليهم بعد ما حصلت مفاوضات و معاهدات سلام اتعملت مقابر مختلطة و اتحطت كحدود بين المملكتين ...
المملكة الرئيسية بتاعتنا النظام فيها ماشي ان الناس متقسمة قبائل .. القبيلة الاولي و هي الأشراف و دول اللي ساكنين الشمال .. الانقياء هما فعلياً أقوي قبيلة في المملكة كلها و علشان كدا حاكم المملكة لازم يكون منهم .. الجنوب بيسكن فيه قبيلة الجبابرة و دول هما اللي مات منهم النسبة الأكبر في حرب النخاسين بس برغم كدا كقوة جسدية هما اقوي كتير من الاشراف بس الفارق هنا هو الموارد ... الغرب زي ما قولنا حدوده صحاري بعدها في قبائل بدائية متعتبرش من المملكة بس قبل الصحاري دي بيعيش قبيلة الهمج و دول بحكم الحياة و المخاطر اللي بتقابلهم بقا الوضع اشبه بالهمجية ما بينهم ...
الشرق دا بقا لغز كبير ، في فترة من الفترات الحكم كان في ايد قبيلة الانقياء اللي ماسكين الشرق .. لحد ما في يوم من الايام تشرق الشمس علي المملكة كلها ما عدا الانقياء الشمس طلعت و مكانش في ولا واحد منهم موجود .. برغم انهم محتجزين ما بين الجبال و باقي المملكة بس هما بجد اختفوا و بس كدا ما بين ليلة و صبح ...
النظام زي ما قولنا ان المملكة ليها حاكم .. و حاكم مملكتنا اكيد هيكون من الانقياء .. و الانقياء ميعرفوش معني للعدل ...
و زي ما كل مملكة لازم ليها حاكم ، كل قبيلة ليها زعيم .. و زعيم القبيلة بيكون كبير العيلة الحاكمة للقبيلة بمعني ان كل قبيلة بيسيطر عليها عيلة و العيلة دي بيكون ليها كبير هو اللي بيكون الزعيم .. و كدا يبقا قبيلة الانقياء ليهم زعيم غير حاكم المملكة اللي طالع منهم ...
و لحد هنا أقدر أقولكم نتقابل في الجزء الاول
دي كدا مقدمة بسيطة اتمني اكون وضحت فيها معالم المكان اللي بتدور فيه القصة علشان بعدها ادخل في الاحداث علي طول .. اتمني الاقي تشجيع علشان اعرف انكم حابين تقروها
و بيس يا مان 🦊💛
الفقر و الجوع مسيطرين ع الكل .. الضعف اتملك من الناس بسبب سكوتهم .. الخوف منع اي تغيير و حط اللوايح و القوانين .. القانون الخالد فيهم هو ان الانسان مالوش حقوق غير انه يتنفس .. النفس نفسه صحيح حقك بس كل حاجة و ليها حدود .. و علشان لكل قاعدة شواذ كان لازم يكون في حاجة مالهاش حدود .. الحاجة دي كانت العتمة ....
هنرسم خريطة للمملكة دي هتلاقي في بحر كبير محيط بيه من حدود الشمال .. و الشرق في سور عظيم من الجبال محدش قبل كدا قدر يعديه .. الغرب صحاري الحياة فيها مستحيلة لانعدام المياه و شده الحر و لو بطريقة ما قدرت تتجاوز الصحرا دي هيقابلك قبائل بدائية تخليك تتمني تكون مطلعتش من سجن الواقع .. قبل ما نتكلم عن الجنوب هنرسم خط متعرج بطول الخريطة كلها و في فترة من الفترات لونه كان ازرق بس للاسف دوام الحال من المحال .. نروح بقا للجنوب هتلاقي حدود وهمية و مقابر بطول الحدود دي .. في احد الفترات الجنوب دا كان أشبه بمخزن للعبيد .. و لأن دوام الحال من المحال العبيد اصبحوا اسياد في نفس الوقت اللي انقلبت فيه الصورة و الأسياد بقو عبيد .. نتيجة الانقلاب دا قامت الحرب .. حرب النخاسين اللي نتج عنها اكتر من 30 مليون قتيل و تكريماً ليهم بعد ما حصلت مفاوضات و معاهدات سلام اتعملت مقابر مختلطة و اتحطت كحدود بين المملكتين ...
المملكة الرئيسية بتاعتنا النظام فيها ماشي ان الناس متقسمة قبائل .. القبيلة الاولي و هي الأشراف و دول اللي ساكنين الشمال .. الانقياء هما فعلياً أقوي قبيلة في المملكة كلها و علشان كدا حاكم المملكة لازم يكون منهم .. الجنوب بيسكن فيه قبيلة الجبابرة و دول هما اللي مات منهم النسبة الأكبر في حرب النخاسين بس برغم كدا كقوة جسدية هما اقوي كتير من الاشراف بس الفارق هنا هو الموارد ... الغرب زي ما قولنا حدوده صحاري بعدها في قبائل بدائية متعتبرش من المملكة بس قبل الصحاري دي بيعيش قبيلة الهمج و دول بحكم الحياة و المخاطر اللي بتقابلهم بقا الوضع اشبه بالهمجية ما بينهم ...
الشرق دا بقا لغز كبير ، في فترة من الفترات الحكم كان في ايد قبيلة الانقياء اللي ماسكين الشرق .. لحد ما في يوم من الايام تشرق الشمس علي المملكة كلها ما عدا الانقياء الشمس طلعت و مكانش في ولا واحد منهم موجود .. برغم انهم محتجزين ما بين الجبال و باقي المملكة بس هما بجد اختفوا و بس كدا ما بين ليلة و صبح ...
النظام زي ما قولنا ان المملكة ليها حاكم .. و حاكم مملكتنا اكيد هيكون من الانقياء .. و الانقياء ميعرفوش معني للعدل ...
و زي ما كل مملكة لازم ليها حاكم ، كل قبيلة ليها زعيم .. و زعيم القبيلة بيكون كبير العيلة الحاكمة للقبيلة بمعني ان كل قبيلة بيسيطر عليها عيلة و العيلة دي بيكون ليها كبير هو اللي بيكون الزعيم .. و كدا يبقا قبيلة الانقياء ليهم زعيم غير حاكم المملكة اللي طالع منهم ...
و لحد هنا أقدر أقولكم نتقابل في الجزء الاول
دي كدا مقدمة بسيطة اتمني اكون وضحت فيها معالم المكان اللي بتدور فيه القصة علشان بعدها ادخل في الاحداث علي طول .. اتمني الاقي تشجيع علشان اعرف انكم حابين تقروها
و بيس يا مان 🦊💛
