- إنضم
- 29 ديسمبر 2021
- المشاركات
- 2
- مستوى التفاعل
- 0
- نقاط
- 0
- الجنس
- ذكر
- الدولة
- Egypt
- توجه جنسي
- أنجذب للإناث
مسا الخير أنا سني 42 مطلق سبب الطلاق اني حصلتلي حادثة و خبطتني عربية و فضلت سنتين اتعالج خسرت شغلي و فلوسي و طليقتي ببساطة تعبت معايا مش عايزة تقف جنبي طلبت الطلاق و نولتهولها و مش راجعلها تاني لو اخر انسان على وش الأرض زواجنا كان عشر سنين كنت فيهم زوج مثالي و كان زواج صالونات تقليدي و كنت بحاول اكون رومانسي مش مجرد راجل بيصرف و بس و لا عمري ضربتها و لا قولت لفظ وحش و لا عملتلها حاجة وحشة و مكنتش باسمع بحبك و لا اي تقدير مع اني على العكس كنت شخص فعلا كويس دلوقتي بعد ثلاث سنين من الطلاق رجعت وقفت على رجلي مش كدة بس بعد ما كنت مش لاقي اكل حرفيا بقى عندي شركة كبيرة ده بسبب اني مهندس و صممت حاجة مهمة و **** كرمني و بقيت معايا اللي يكفيني بزيادة اوي أنا في السنين اللي فاتت اتبهدلت حقيقي و مكنتش مهتم بنفسي و كانت حياتي متمحورة حول البزنس و بس مع العلم اني مش زاهد في الحياة أنا بحب الستات زي اي راجل و عايز احب و اتحب و اتمتع بحياتي أنا عندي اولاد من زواجي السابق فمش عندي رغبه للاولاد تاني و الحقيقة اني الموضوع اخد من تفكيري و اهتمامي مساحة ضخمة اعصابي تعبت فعلا بشوف البنات و الانستجرام و الحتت اللي فيها بنات ببقى فعلا عايز اتعرف على بنت أو ادخل مجتمع يسمحلي بده أنا في سني معنتش عارف اكلم بنات ازاي و سني كبر و كل اللي بحاول اتعرف عليهم أما بيرفضوني أو عايزين فلوس و بس بلا مقابل و أنا عايز اتجوز و احب مش عايز جواز صالونات تاني مش عايز احس اني موجود عشان القرشين فقط عايز اتحب عايز حد يعلمني ازاي اكلم بنت أنا من ضيع في البزنس و الدراسة عمره و نسى ان الدنيا فيها متع تانية و مش عايز محاضرات دينية يا جماعة أنا الاكتئاب حيموتني حرفيا أنا مدفون بالحياة بسافر و بروح و باجي و لوحدي مبسمعش كلمة كويسة و أنا اهلي متوفيين و اخواتي بره مصر و بعد الحادثة كل اصحابي اللي كنت فاكرهم اصدقائي ولا حد فيهم وقف جنبي فقطعت علاقتي بيهم دلوقتي أنا يائس جدا عايزكوا تقلولي ازاي الواحد يتعرف على بنت جميلة و يخليها تحبه عايز اتعلم من اول و جديد عايز اعيش تاني
