الجزء الأول ..(انت مين..)
في وسط الألاف من الجثث ورائحة الدم في كل مكان والغربان متجمعة فوق بعضها ليأخذ كل منهم نصيبه من اللحم يقف منتصرا رافعا يده وعلى وجهه علامات الجنون جنون العظمة والكبرياء يقف شامخا لا يهمه اي أحد فهو العائد من الموت هو اللعنة الغير قابلة للإنكسار هو الذي تحدى الجميع بمفرده هو ملك ملوك العالم السفلي هو إبليس الملعون .
.
.
.
قبل الأحداث دي كلها ب ١٠٠ الف سنة ابتدت حكايتنا في وسط حرب الشياطين العظمى الرابعة كان جيش الجن خلاص على وشك انهم يُبادوا عن بكرة أبيهم والملك سوميا ملك جيش الجن خلاص مبقاش قادر انه يكمل اكتر من كدة وزوجته الملكة ليسيان واقفة جنبه وعلى ايديها طفلها الرضيع اللي اتحكم عليه انه يعيش الحرب دي وهو يدوب عمره شهر
الملكة ليسيان: هتعمل اي يا جلالة الملك خلاص احنا على وشك اننا نموت كلنا معدش فاضل غير كام الف جندي
الملك سوميا: شكلها كدة النهاية
وبينادي على وزير المملكة واخوه الصغير سيفرام
الملك سوميا : سيفرااااااام
سيفرام بيخلص على العدو اللي كان قدامه وبيطير على سوميا
سيفرام: اؤمرني يا جلالة الملك
الملك سوميا: انا خلاص مبقيتش ملك ولا زفت انا مستاهلش اللقب دة انا ضيعت كل شعبي وقضيت على كل نسلي بسبب غروري وكبريائي
سيفرام: لا يجلالة الملك انت مغلطش انت عملت الصح وكدة كدة كان لازم كل دة يحصل
سوميا: سيفرام اتا عايز اطلب منك مش كملك لا كأخوك
سيفرام: أؤمرني
سوميا : خود مراتي وابني واهربوا بعيد ابعد على قد ما تقدر لو حكمت سيب الكوكب دة كلو المهم انك تحميهم
سيفؤام(بحزن): حاضر يا سوميا
وبيحضنو بعض وسوميا بيودعه وبيودع ليسيان وبيبص لإبنه
سوميا: عزازيل يحبيبي انا اسف انا عارف انك ملكش ذنب في كل اللي حصل دة بس دة قدرنا يا ابني عايزك اما تكبر تبقا قوي وتقدر انك تاخد حق شعبك وجنودك اللي ماتو عايزك تعرف وتحفظ انت مين كويس انت عزازيل ابن سوميا ان عفران ابن الأحدب
سيفرام بياخدهم وبيطير بأقصى سرعته ، وساعتها سوميا بيبص لواحد بصة مليانة كره وغضب وحواليه هالة قتل بتخلي كل جنود العدو اللي حواليه يموتو بمجرد ما يقربو منه
سوميا(بغضب): عيزرااااااااا
الملك عيزرا ملك الشياطين والمسوخ وهو العدو اللي سوميا بيحاربه
عيزرا(باستهزاء): سوميا الأعور
سوميا الهالة اللي حواليه بتتحول لهالة نار عالية جدا وبييخرج السيف بتاعه من الغمد وبيبتدي يقتل في كل اللي حواليه وحرفيا مارحمش حد لدرجة انه لوحده في كام ثانية قتل ٣٠ الف شيطان بس دة مش كافي ابدا عيزرا بيبعت اقوى الجنود والمحاربين بتوعه لسوميا
وفعلا بعتله ١٦٠ محارب وهم دول الأقوى في مملكة الشياطين كلها
سوميا بيبصلهم باستهزاء: ههه تعالوا
اول واحد لسة بيختفي عشان يطعن سوميا بالسيف بتاعه بيلاقي سوميا وراح قاطع رقبته والتاني بيحدف على سوميا سلاسل من جمر البركان ولكنه بيشده بيها وبيسحق راسه تحت رجليه
وهكذا مع الباقي لحد ما كلهم اتجمعو عليه واشتركوا عليه بهجمة واحدة واللي بسببها كانو قدرو انهم يفوزوا عليه
عيزرا بيضحك بأعلى صوته وبيقول قتلته هههههها قتلته قتلت سوميااااااا
عند سيفرام كان بيطير بأقصى سرعته وفعلا كان قدر انه يطلع براالغلاف الجوي وكمل طريقه وهو شايل مرات اخوه ليسيان واللي هي شايلة ابنها عزازيل
ليسيان بتعيط : سوميا مات
سيفرام بحزن ولكنه ثابت: مات وهو بطل وهييجي اليوم اللي ابنكوا هياخد حقه
بيفضلو طايرين مدة طويلة جدا شهرين ونص بدون توقف كان سيفرام جاب اخره وعلى وشك انه يفقد الوعي ولكنه بيلمح كوكب من شكله بيبان انه صالح للحياة بيطير ليه بسؤعة وفعلا بيوصلوا
اول ما بينزل بيقع من طوله وكان خلاص اغمى عليه من شدة التعب
ليسيان بتسنده وبتفضل ماشية بيه لحد شجرة ضخمة وبتسنده تحتيها وبتروح تدور على اي حاجة ياكلوها وبتلاقي فاكهة شبه بتاعت الأرض وبتجمع شوية منها وبتاكل وبتأكل سيفرام الغريبة ان طول المدة دي عزازيل ما عيطش ولا مرة وهو اصلا اول ما اتولد ما عيطش ارتاحو شوية وكان ساعتها الدنيا ليل بتفوق بعد كام ساعة بتلاقي ان النهار طلع وكان المكان اللي هم فيه عبارة عن جنة حرفيا شلالات متعلقة في الهوا واشحار ضخمة اضخم من اللي هم كانو تحتيها شيفرام ابتدى يفوق وانبهر من اللي شايفه
وفجأة في وسط ما هم مركزين طلع عليهم اهل الكوكب واللي كانو شبه الجن بتسب٦كبيرة جدا ولكنهم اضخم وواحد منهم راح لسيفرام وابتظا يملمه والمفاحأة انهم كانو بيتكلمو نفس اللغة
الكائن:انتو مين وجيتو هنا ازاي
سيفرام : احنا جينا بالغلط وكنا تايهين
الكائن: انتو شكلكو من المنطقة الجنوبية
سيفرام : اه اه صح احنا فعلامن هناك
الكائن خلاص تعالو معايا
سيفرام خد ليسيان والطفل
وراحوا معاهم وهم قلقانين
ليسيان بهمس : انت لبه قولتلهم اننا مالمنكقة الجنوبية واحنا اصلا منعرفش حاجة فالكوكب دة
سيفرام : كان لازم اقول كدة افرضي كانو تبع الشياطين وانتي عارفاهم ليهم كواكب كتيير تحت سيطرتهم
فضلوا ماشيين شوية لحد ما لقوا اللي خلاهم مصدومين ومش عارفين ينطقوا
الى اللقاء في الجزء القادم✌💙
الجزء الثاني.. (صدمة)
كان سيفرام ماشي ومعاه ليسيان وطفلها وفجأة شافوا اللي خلاهم مصدومين
مدينة اجمل ما رأت عيونهم قصور من ذهب والماس طايرة في الهوا وكائنات غريبة طايرة في المكان كلو وحراس ماشيين في كل مكان
الكائن: استنوا هنا لحد ما ارجعلكو
ليسان : سيفرام ايه المكان دة
سيفرام(بذهول) : معرفش
رجعلهم الكائن بعد مدة وخادهم معاه لأكبر قصر موجود هناك
ودخلو استقبلهم كائنات من انواع مختلفةبس لابسين نفس اللبس وكانوا دول الخدم بتوع القصر
سيفرام وهو واقف مكانه بيراقب كل حركة حواليه ومستعد لأي حاجة فجأة شاف اللي خلاه تايه
نزلت من عالسلم واحدة هي اجمل ما رأت عينه
البنت: انتو جايين عشان التجارة مش كدة
سيفرام(متوتر): اه اه احنا هنا جايين عشان نشتري شوية بضاعة ونمشي
البنت: استنى انت برا يا كيران
كيران (الكائن): أمرك يمولاتي
كدة بقا المشهد موجود فيه سيفرام وليسيان والطفل والأميرة
الأميرة: قولوا الحقيقة انتوا مين احنا بقينا لوحدنا
سيفرام: بصراحة احنا مش من هنا ومش جايين عشان التجارة
الأميرة: منا عارفة بس عايزة اعرف انتو مين
سيفرام: احنا مش من الكوكب أصلا
الأميرة: انتو جن مش كدة
سيفرام (بقلق): ايوة
الأميرة: طب تعالوا معايا
وقبل ما تمشي بصت للطفل واستغربت شوية
فضلوا ماشيين لحد ما وصلوا لغرفة والأميرة خبطت عالباب ودخلت وقالت
الأميرة: استنوني دقيقة
ليسيان بعد ما مشيت: سيفرام انا خايفة
سيفرام: متقلقيش لو حصل حاجة انا هعرف اتصرف
عدا خمس دقايق والأميرة خرجت وقالتلهم يدخلوا معاها
دخلوا ولقوا المكان اللي هم فيه مايقلش جمال وعظمة عن كل حاجة شافوها من ساعة ما جم الكوكب دة وكان قاعد على عرش ضخم في اخر المكان واللي للمفاجأة طلع كبير جدا شخص شكله مُهيب وكله عظمة وكبرياء وبصوت سببلهم رهبة قال
الشخص: احكولي بقا انتو مين
سيفرام : انا قولت للأميرة اننا مش من الكوكب دة ومش هقدر اقول اكتر من كدة وكنت جاي طالب منكو اننا نقعد هنا فترة لحد ما نظبط امورنا وبعد كدة هنمشي
الشخص (بهدوء): انت من عشيرة الهوائيين مش كدة
سيفرام (بذهول): انت عرفت منين
الشخص : انا الملك هارون ابن الأجش كنت من جنود الملك سوميا وهو اللي أمرني اخد نسلي واجي الكوكب دة واقعد فيه ومتحركش منه ابدا ولو جالي شخص غريب بعد فترة يبقا انت يا سيفرام واكيد انتي ليسيان ومين الطفل دة
ليسيان: دة عزازيل ابني
الملك هارون: الملك سوميا مات صح
سيفرام: ايوة
الملك هارون : يبقا كدة النهاية قربت
وقام من عالعرش ولما قام قدروا يشوفوا شكله وهيئته واللي كلعت فعلا مخيفة ومهيبة طوله اكتر من 3 امتار ولابس درع من ذهب وخطواته كانت ثابتة جدا قرب من ايسيان و قالها
الملك هارون: ممكن اشوف الطفل
ليسان (بخوف): اتفضل
اخد منها عزازيل وفضل يتأمله كتير وقال
الملك هارون: انت النبوءة انت الوعد انت الوريث انت ملك النور انت عزازيل ابن سوميا
الملك هارون: هيفيار
الأميرة: أمرك يمولاي
الملك هارون: خدي الملك سيفرام والملكة ليسيان على أوضهم عشان يرتاحو
الأميرة: أمرك يمولاي
سيفرام: شكرا يجلالة الملك
وفعلا طلعو ارتاحو وطبعا مش محتاج اقولكوا ان الغرف اللي طلعوا ايها كانت في منتهى الجمال
عدى اليوم الأول ليهم من غير اي احداث كتير
تاني يوم سيفرام نزل وقابل هيفيار وكان الحوار بينهم
سيفرام: صباح الخير
هيفيار بابتسامة: صباح النور أتمنى تكون ارتحت شوية
سيفرام: ارتحت جدا بجد مش عارف اشكركوا ازاي
هيفيار : قالتله العفو الملك كان عاوزك
سيفرام : هروح ليه دلوقتي وفعلا راح
واول ما دخل حس بحاجة غريبة
الملك هارون: تعالى يا سيفرام
الملك هارون : انا عايز اعرف اي اللي حصل انا اخر اخبار وصلتني ان الملك سوميا اعلن الحرب على عيزرا الملعون
سيفرام: اللي حصل ان باقي الممالك اتحدت مع عيزرا ضدنا والملك سوميا خسر الحرب بعد خيانة مملكة كينسور ليه
الملك هارون: سيفرام انا عايز منك طلب
سيفرام: اؤمرني
الملك هارون: عايزك.......
سيفرام (بصدمة): مستحيييييل
الملك هارون: صدقني دة الحل الأنسب
سيفرام بعد تفكير طويييل: والمفروض هيجهز امتى
الملك هارون: قريب كدة كدة هو جاهز اصلا
سيفرام: تمام
بعد مرور 12 سنة
شخص : ضرباتك ضعيفة
*** ( بإجهاد ): اعمل اي يعني انا بخاول بكل قوتي بس مش عارف
شخص: استخدم عقلك يا عزازيل
عزازيل: انت اللي طلبت
المشهد كالآتي عزازيل بشعره الذهبي وجسمه اللي اكبر من سنه وباين عليه جروح ناتجة من شدة التدريب ماسك سيف وبيبص للشخص اللي قدامه بنظرات كبرياء وفجأة اختفى وظهر وراه وراح ضاربه في رجله موقعة وخبطة بالسيف علىدماغه وراح راجع مكانه تاني
عزازيل (بغرور): انت اللي طلبت افتكر كدة يا زينجار
زينجار: كدة انت وصلت لمستوى محارب درجة تالتة
عزازيل: مش كفااية
بننتقل للمشهد في مكان تاني
مكان في ظلام مخيف قاعد في النص شخص اقل ما يقال عنه أنه الموت في حد ذاته
الشخص: انا مستنيك... مستنيك يا اب
الى اللقاء في الجزء القادم🤘
مقدمة الجزء الثالث .....:-(القوة ليس لها حدود لمن يستطيع)
عزازيل : بابا انا خلصت التدريب
الملك هارون: كويس
عزازيل :...تمام
مشي وراح على اوضته وهو متعصب
عزازيل: انا معرفش ليه بيعاملني كدة انا بحاول ارضيه بكل الطرق وبرضو بيكرهني
نفسه: خلاص يبقا مترضيهوش تاني
عزازيل: ازاي بس
نفسه: انسى كل حد وركز على نفسك ولا انت مش عايز تعرف اي سر القوة المفاجأة اللي جاتلك دي
عزازيل: عايز اعرف طبعا
وفكر شوية ونزل من القصر وراح طاير لمكان معين وهو كان اول مرة يطير بحرية كدة
اول ما وصل ، كان المكان اللي نزل فيه بيت قديم متكسر في منطقة معزولة مفيهاش حد
عزازيل : فيه حد هنا
صوت: تعالى
راح لمصدر الصوت لقا عجوز قاعد وكإنه كان مستنيه
العجوز: اقعد يا عزازيل
عزازيل: انت تعرفني
العجوز: ومين ميعرفش الأمير مبعوث النور
عزازيل: انا كنت جاي اسألك على حاجة
العجوز: القوة من نصيبك ونصيبك مكتوب وقدرك محفوظ من قبل بداية الخلق لو سكتت هتبقا شيطان خسيس ولو اتمردت وغضبت هتبقا ملعون يا ابليس
عزازيل: ابليس مين؟
العجوز:مش مهم هومين المهم هو هيبقا هيبقا ملك النور هيبقا اللعنة الغير قابلة للإنكيار هيبقا العائد من جهنم هيبقا ملك ملوك العالم السفلي هيبقا المتحدي والمنتصر وقتك انتهى يا عزازيل
خرج عزازيل وهو مش فاهم حاجة بل بالعكس دي أسئلته زادت فضل ماشي لحد ما لقى جنود كتير متحركين استخبى وحب يعرف هم رايحين فين
جندي1: انا خايف انت متعرفش المنطقة دي خطر ازاي
جندي2: يعم متقلقش كدةكدة احنا رايحين عشان واحد بس انما الباقي ملناش علاقة
جندي3: وافرض الباقي كانو هناك
جندي2: خلاص بقا اسكتوا مش هيحصل حاجة
عزازيل فضوله شده انه يروح معاهم وفعلا فضل بيتحرك وراهم وهو بيستخبي لحد ما لقاهم وصلوا منطقة هو عارفها كويس كان زينجار قاله عليها
(فلاش باك)
عزازيل(بينهج): انا برضو مش عارف اوصلك
زينجار :عشان انت بتمنع نفسك انك تستخدم قوتك
عزازيل: منا بستخدم كل قوتي وبرضو مش عارف
زينجار: كل قوتك هههه دي متجيش واحد على مليار من قوتك الحقيقية
عزازيل: كنت عايز أسألك عن حاجة
زينجار:اسأل
عزازيل: هي اي المنطقة اللي الحراس بيروحوها كل يوم دي
زينجار: بص يعزازيل احنا مش عايشين فالعالم دة لوحدنا فيه كائنات تانية عايشة معانا بس المشكلة انهم متطفلين فبيدخلو العالم بتاعنا هنا فالجنود دول كل دورهم انهم يتخلصو منهم عشان ميأذوش حد
عزازيل: وبيظهرو فين
زينجار: في مكان بعيد كدة اسمه المقبرة
(عودة من الفلاش باك)
عزازيل بيمشي وراهم بيحس بحاجة غريبة اول مرة يحس بيها
هو اول ما دخل المكان دة وهو حاسس بطاقة روح كل اللي حواليه هو مش عارف يعني اي طاقة روح لكن هو حاسس حرفيا بكل حاجة حواليه
وهو ماشي حس بطاقة تانية كبيرة جدا جاية ناحيتهم
جندي2: خلو بالكم عشان فيه واحد جاي ناحيتنا
وبيطهر الكائن وكان منظره غريب ملهوش وصف غير انه وحش كبير
الجندي بتطلع حواليه هالة قتل عزازيل بيستغربها بس هو فهم معناها هو فهم ان الحندي بيحاول يخوف الكائن دة
ولكن الكائن بيهجم عليه بسرعة عالية الجندي برضو كان سريع جدا وقدر يتفادي هجمته وراح بمهارة ناطط بإنخفاض على رجول الكائن وقطعهم بالسيف
وجندي تاني راح جه وقطع راس الكائن
جندي1: اخيرا خلصنا منه يلا بينا بقا
جندي2: يلا بينا فين مش دة اللي احنا عاوزينه
وفعلا فضلوا ماشيين وعزازيل وراهم بيحاول يركز عشان مفيش حاجة تهجم عليه وهو سرحان معاهم
جندي4: كلو يقف مكانه
وبيبص وراه ناحية عزازيل وبيروح ليه بيقوله
جندي4: انت اي اللي جابك هنا
عزازيل:.......
جندي4: انت تايه مش كدة
عزازيل: انا مش تايه انا جيت معاكو عشان كنت عاوز اوصل للمكان اللي الوحوش دول بيدخلوا منه
جندي2: وعايزتوصلهم ليه
عزازيل: عشان زهقت منهم كل شوية بيظهروا وبيصدعوني
الجنودبيضحكو على جرأته وانه مش خايف من الوحوش
جندي 2: انت اسمك اي
عزازيل: اسمي عزازيل
جندي 2: تمام خليك معانا بس بعد كدة ابقى اخفى طاقتك عشان كانت ظاهرة اوي
عزازيل:.....مهو..انا
جندي2: انت اي
عزازيل: انا معرفش ازاي اخفيها ولا ازاي بتظهر ولا اي دي اصلا
جندي 2 بيروح ليه وبيقوله كل واحد جواه روح وانت اكيد فاهم يعني اي روح الروح دي بقا فيها قوة عظيمة جدا اسمها الكي وعلى حسب مهارة الشخص بيقدر انه يستخدم الكي بأشكال مختلفة ويسخره بطرق كتير وعلى حسب طبيعة روحك هتبقا منجذب لعنصر من عناصر الطبيعة
عزازيل: وانا ايه العنصر اللي بكون منجذب ليه
جندي2: انت اللي تقدر تجاوب عالسؤال دة مش انا
وبيتحركو وعزازيل بيفكر في كل كلمة قالهاله الجندي وفجأة بيحس بطاقة وحش اكبر بكتييييير من اللي فات
كلهم بيقفوا
جندي2(مبتسم): بقالي كتير بدور عليك
الوحش بيظهر واللي كان شكله مرعب بمراحل عن اللي قبله وكان له هيئة وجسم شيطاني من غير ملامح
جندي 2 بيقف ز
مكانه وبيدخل السيف بتاعه قي الغمد وبياخد وضعية القتال وبيشاور بإيده اليمين للسما الأرض اللي كانت تحت الوحش بترتفع لفوق والجندي بيقوم منزل مرة واحدة بيخلي الأرض بالوحش يتهبدوا مكانهم وبيجري عليه بسرعة ولكن الكائن بيفاجؤه بإنه دخل مخلبه جوا جسم الجندي
ولكن الحندي مبيتأثرش وبيناظي عالباقيين يساعدوه وفعلا كلهم بيروحو يساعدوه وكل واحد فيهم بيستخدم قدرته جندي1 بيطلع من معاه سكاكين وبيحاوطها بنار وبيحدفها عالوحش ولكن مبيتأثرش وكل الجنود بيحاولوا ولكن مفيش فايدة عزازيل بيبتدي يفكر يعمل اي بيتخيل نفسه واقف على حافة بركان وبيرمي نفسه جواه واول ما بينزل بتظهر هالة قتل مرعبة حوالين عزازيل بتخلي الوحش يسيب الجنود ويركز معاه وعزازيل بيبصله بعيون مليانة غضب وعيونه لونها اتحول للأحمر وفي اقل من ثانية كان عزازيل قاطع رقبة الوحش بالخنجر بتاعه
وبعد ما بيعمل كدة بيفقد الوعي
فالحلم .....
عزازيل واقف في مكان متقسم لأربعة اتجاهات كل اتجاه له شكل مختلف
الاتجاه الأول عبارة عن طريق من جمر ونا وفي نهايته بركان
الاتجاه التاني بحر وامواج عالية جدا وفي حالة تسونامي
الاتجاه التالت اعصاار ضخم جدا
الاتجاه الرابع جبال بتتهز اهتزازات عنيفة وكل شوية جبل يقع ويطلع غيره
صوت: تختار انهي يعزازيل
عزازيل: انت مين
صوت: انا روحك والاتجاهات اللي انت شايفها دي حدود قوتي تختار انهي فيهم
عزازيل: اختارهم كلهم انا عايز اكون الأقوى عايز الأكون الأعظم
الى اللقاء في الجزء القادم 🤘
xn--mgbkt9eckr.net
وتطلب دمج الجزء الجديد من قصتك وتكتب اسم قصتك وتكتب رقم المشاركة التي فيها الجزء أو تنسخ رابط قصتك
متسلسلة فانتازيا وخيال التوأم | السلسلة الأولى | ـ حتى الجزء الثالث 28/2/2024
متسلسلة فانتازيا وخيال أميرة الموت (((أسطورة العين)))
متسلسلة فانتازيا وخيال انا والمملكة الجزء الاول (كتابة ريهام احمد)
متسلسلة فانتازيا وخيال غبار الزمان السلسلة الثانية (صراع مع النفس) - حتي الجزء الثالث 3/5/2024
متسلسلة واقعية طريق المال - حتى الجزء الثالث - بتاريخ 25/4/2024
متسلسلة واقعية نجلاء | السلسلة الثانية | ـ حتي الجزء الأول
متسلسلة واقعية نعيد العيد ـ حتي الجزء الثاني 25/4/2024
متسلسلة واقعية تحرش مواصلات عامه ـ حتي الجزء الثاني 26/2/2024
متسلسلة فانتازيا وخيال عربية فصحى دماء الجحيم - السلسلة الثانية ـ حتي الجزء العاشر 21/4/2024