لما تخش بطاقة الذكورة متمثلة في الحماية والأمان تظهر هي طاقة الأنوثة متمثلة في الرعاية والحنان
الجملة دي بتلخص مشكلة كبيرة بين الراجل والبنت
المجتمع فيه البنت المؤمنة بفكرة الاسترونج اندبندنت وومن ومصرة تكمل فيها، وتعيش دور المكتفية بنفسها ،ومستغنية، وتشيل أي مسؤولية لوحدها، وغالبا بتتجوز الراجل لللي رافض يقوم بدوره ويتحمل أي مسؤولية، والاتنين بيتعبوا لأنهم عايشين عكس فطرتهم‼️
او تتجوز راجل عارف دوره وعايز يقوم بيه وهي ترفض ويبدأ الصراع‼️
وفيه بقى البنت اللي غصب عنها مضطرة تعيش دور الاندبندنت الجامدة المكتفية بنفسها ومستغنية ومتحملة المسؤولية لوحدها لأن مفيش حد في حياتها يمنحها الأمان ويهتم بيها، ولا بيساعدها
بس النوع ده من البنات مش حابب يكمل حياته كدة، وأول ما تلاقي راجل بجد، وتطمن وتحس معاه بأمان بتكون انثى فعلا
المشكلة ان الراجل الحقيقي المتزن اللي عايز يقوم بدوره بيتخيل انها حتى بعد الجواز هتفضل استرونج ومستغنية وملوش دور في حياتها فبيخاف يقرب منها وبيبعد
لما كل واحد يقوم بدوره الدورين بيكملوا بعض والبيت بيكون متزن
لما كل واحد يقوم بدوره بيعيش على فطرته وبيكون متزن وهادي
