______________________________________________________________________
قبل ما ابدء حبيت اشكر الناس اللي شجعوني اكمل واشكر الناس اللي كانت بتقول رايها في القصة عشان يفيدوني واحسن من القصة زيادة
حكمة: لا يمكنك ان تشفى في نفس البيئة التي جعلتك مريضا.
__________________________________________________
الجزء الرابع : مش هو ده اللي خططنا له
_____________________________
انتهى الجزء اللي فات ان القائد دخل الاوضة بتاعتي من الازاز ووقف على الارض وباصصلي
نور بفزع: سيف اهرب بسرعة
انا قمت جري من على السرير ووقفت بين نور والقائد
انا بحزم: خليكي ورايا
القائد بيتكلم بلغة غريبة بس انا سامع الكلام في دماغي بلغتنا عادي
القائد: متقاومش, اقبل قدرك
وبيقرب مني
انا بحزم: اقف عندك
والقائد وصل عندي ومسكني من رقبتي ورفعني في الهواء
نور بحزم وخوف: لا سيبه
وبتنط على القائد وبتحاول تخليه يسبني ولكن هو زقها بكل سهوله ووقعت على السجادة على الازاز المكسور
نور بتكح: ااااه
والقائد بيبص وراه مفزوع وانا شفت الدم مغرق السجاده
انا مفزوع: نور نور
وجريت عليها مسكتها ولقيت قطعة ازاز كبيرة داخله جوه بطنها
انا بحزن: لا لا لا لا ركزي معايا
نور بتوجع: خلاص يا ... سيف ده .. اخري
القائد بغضب: انا مكانش ... هي قاومت المفروض ده مكانش يحصل
انا رفعت نور في حضني وجسمها ابتدى يسقع والدموع ماليه عينيا
انا بعيط: لا متسيبينيش يا نور متسبينيش ركزي على صوتي, خليكي مفتحه ابوس ايدك
نور: انا مش ... هسيبك ... ابدا
نور: بس ... الحقيقه ... انا محظوظة ... اني فضلت عاي ... عايشه عشان .... اقضي اليوم .... ده ....... معاك
والنور اطفى في عينيها وخدتها في حضني اكتر وفضلت اعيط
القائد: ده ميغيرش حاجه انت لازم تيجي معايا
وحط ايده على كتفي وانا زقتها علطول وقمت اديته بوكس في وشه وهو فقد التوازن بتاعه ووقع وانا رحت عليه وكملت ضرب
انا بعيط ومتعصب على اخري: انت السبب انت اللي قتلتها
وانا بضربه مسكته من سلسله هو لابسها كان لونها ازرق وبتنور واتقطعت ومسكتها في ايدي ولحظتها كل العصبية والغضب اللي جوايا ابتدى يختفي وكل اللي جه في دماغي هي نور وهي بتبتسم ونايمه في حضني على السرير وبنتكلم مع بعض
نور: انا كنت عايزاك من ساعة ما شوفتك في الطياره لما عديت من جنبي في الطياره وانا حسيت بشراره كده بيننا وحسيت ان انا لازم ابقى معاك
انا فجاه لقيت نفسي على السرير وابتديت اغمض عيني وافتح
نور بحزن: انا زودت في الكلام صح, انا اسفه انا احيانا بتكلم من غير ما افكر انا بقول ايه
انا قمت عدلت نفسي وحسيت ان جسمي كله بيقشعر وحاسس ان كل ده حقيقي
انا بحزن: نور ده انتي فعلا
انا خدتها في حضني ودموعي نزلت تاني
نور مستغربه: ايه
انا فتحت عيني وبصيت على ايدي ولقيت السلسله معايا بس بدل ما كان الحجر اللي فيها منور ازرق دلوقتي بقى مطفي ولونه رمادي
نور: ايه البتاع ده
انا مستغرب: ده كان حقيقي كل ده كان حقيقي
نور مش فاهمه: ايه اللي مش حقيقي
انا: بتثقي فيا
نور: اكيد
انا: خلاص تعالي معايا حالا
انا مسكت ايدها وشدتها من على السرير ودخلنا الدولاب وقفلت الباب وببص من فتحات صغيرة في الدولاب
نور مبتسمه: اها انت بتلعب ...
انا سكتها وشفت من على الشباك خيال عدى بسرعة وبعدين كسر الشباك ودخل وكان القائد
ولقيت نور فتحت بقها من الخضة
نور بتهمس: يا نهار اسود
انا: ششش اسكتي
والقائد واقف وبيبص حواليه راح ناحية السرير وبعد كده جه قدام الدولاب وانا ونور كتمنا نفسنا وبعد كده مشي وطلع برا الاوضة
نور بخوف: ده قرب يقفشنا
وطلعنا من الدولاب وشفت الازاز المكسور على الارض وجسمي قشعر تاني لما افتكرت شكل نور وهي على الارض بتنزف
نور: سيف هو ايه اللي حصل
انا قعدت شرحتلها كل حاجه وورتها السلسله
انا: انا اكتر حاجه كنت عايزها اني ارجع اقعد معاكي تاني على السرير, قبل ما كل ده يحصل ولما لمست السلسلة دي ده اتحقق فعلا
نور: انا مصدقاك, اللي بتقوله ده مرعب قوي
نور: بس دلوقتي القائد بيلف في الممر بيدور علينا احنا لازم نحذر الباقي
لبسنا بسرعة وطلعنا من الاوضة ومشينا في الممر ورحت زاقق نور على الحيطة وببص من الركن في حد ولقيت حد من الكائنات دي كانت ست وبشرتها خضرا وراجل تاني لابس قناع جمجمه
انا: في اتنين هنا
نور: هما ازاي دخلوا
انا: اظن اللي عملناه كله مفادش ده فيه كتير منهم هنا, انا اسف يا نور بس احنا لازم ننفصل عشان نقدر نحذر الكل
نور: ماشي بس خد بالك
وباستني ومشيت الناحية التانية وانا بصيت على ناحيتي انا المفروض امشي لقدام في الممر ولكن اخره ممر تاني وفي اتنين من الكائنات دول بيدوروا في الاوض
الكائن 1: لاش كانا
الكائن 2: دو جورموند ني
وانا استعديت عشان اجري لما الاتنين يلفوا ولما لفوا وطيت شوية وجريت للناحية التانية وبصيت على الاتنين من الركن والاتنين ماخادوش بالهم مني وبلف عشان امشي لقيت حد ازرق في وشي وانا اتخضيت وصوت
ايريس: انا اسفه اني خوفتك يا سيف
حسن: ياريتني صورتك كان شكلك مسخره
وحسن ماشي بكيس شيبسي وبيلف في الممرات ومعاه ايريس, انا وطيت صوتي
انا بعصبية: انتوا بتنيلوا ايه
حسن: بنتكلم عن الحياه وحاجات تانيه, استنى انت بتهمس ليه هو انا المفروض اهمس
انا: يا نهار اسود انت بتسال يعني انا بهمس اكيد في خرا بيحصل
وقلتلهم على كل اللي بيحصل
حسن بخوف: هما هنا احيه احيه
ايريس: دي حاجه مؤسفة انا كنت مستمتعه وانا بتكلم مع حسن
انا: المهم دلوقتي نحذر الباقي قبل ما يتمسكوا, الكائنات لازم يدوروا في كل اوضة وده في صالحنا لو سرعنا هنكسبهم
واحنا التلاته كملنا لاخر الممر ناحية الاسانسير, انا شفت حاجه بتلمع على الحيطة وطلع سيف (ده سيف حقيقي مش اسم الشخصية ها)
وانا خدته معايا قلت يمكن احتاجه
حسن: ايه ده سيف شايل سيف ازاي هههههه
انا: روح اسال امك وهي هتقولك ازاي هي ناقصة هزار بميتين امك
حسن: خلاص ياعم يعني منهزرش بس السيف ده شكله جامد عامل زي بتاع القراصنه بالظبط وتقليد جامد فشخ
ايريس: ده مش تقليد التحاليل بتقول انه سيف من سنة 1638م
انا: بتهزري صح ده شكله جديد
حسن: ده حامي
انا: افرد دراعك وتعالى نجرب
حسن: شوف مين اللي بيهزر دلوقتي
انا: ما انت اللي بتسال اساله ملهاش كسم لازمه
وكان في ستاره على شباك وضربتها بالسيف اتقسمت نصين
انا: احا ده طلع حامي فشخ
حسن: خد بالك بقى لتشوهنا
وفجاه حسيت بقشعره غريبه في جسمي بصيت على السيف وشفت رؤية اني في منجم والسيف في ايدي ولكن لما بصيت على ايدي لقيتها متغيره دي ايد واحد كبير
انا بكلم نفسي: انا مش في جسمي ازاي, والمنجم ده شبه المنجم اللي كنت فيه لما مسكت الكريستاله
وسمعت حد بيصرخ وبصيت ورايا لقيت ناس كتير بيتخانقوا مع بعض, في جنب شوفت قراصن وشوشهم عليها ددمم وماسكين سيوف ورماح وفي الناحية التانية شفت نفس الكائنات الزرق والخضر
كائن (ست): كاشتا ميشرام نارا
كائن (راجل): ذيل بير لوك
مجموعة من الكائنات بيقاتلوا القراصنة وواحد من القراصنة واقع على الارض وصدرة مجروح
القرصان: كابتن ... ساعدنا ....
انا بكلم نفسي: هو بيكلمني انا هو انا في جسم الكابتن
والجسم اللي انا فيه بيجري عشان يساعد الراجل ولكن بيقف وبيتالم, وبصيت لتحت لقيت سهم طالع من صدري وسهم تاني جه وراه وسهم تاني ووقعت على الارض وجه واحد من الكائنات ناحيتي
الكائن (ست): ميشراب تادورين
وضربتني بمضرب ضخم على وشي وابتدت الدنيا تضلم واخر حاجه حسيت بيها هي السيف بيقع من ايدي, وبعد كده خلصت الرؤية ولقيتني لسه واقف مكاني
حسن: انت كويس يا سيف انت سكت كده فجاه شويه
انا: اظن انا عارف ايه اللي حصل للقراصنه اللي كانوا على الجزيرة دي
ايريس: انا استشعرت موجه من طاقة غريبة دلوقتي والواضح ان الطاقة دي جايه من سيف
انا: نبقى نتكلم بعدين المهم لازم نتصرف مع الكائنات دي والا هيحصلنا زي ما حصل لصاحب السيف ده
ومشينا شويه لحد ما وصلنا لممر تاني ووقت لما سمعت صوت انا عارفه صوت زمجره وبصيت براحه في الممر اشوف اللي في دماغي صح ولا لا ولقيت في اخر الممر اتنين من الكائنات ومعاهم النمر اللي كان بيطاردنا
ايريس: الواضح ان الدخلاء جابوا كائن مفترس معاهم
حسن: انتي عايزه تقوليلي ان النمر ده بالنسبة ليهم قطة قاديرين يسيطروا عليه
ومن بعيد لاظت النمر بيشم الجو والكائن اللي جنبه لاحظ كده
كائن: يريت ترانا
كائن: لوك لوك
انا: هار اسود ده بيشم حاجه
حسن: يبقى بيشم الكيكة
انا: كيكة ايه انت مش كنت بتاكل شيبسي, يعني في الاخر كرشك هو اللي هيتسبب في قتلنا
حسن بصلي وبص لايريس وبص على النمر
حسن: انا هسحب القط ده بعيد انتوا روحو دوروا على الباقي
ايريس: انت متاكد
حسن: ايوه متاكد يلا اجروا
انا كملت لقدام وحسن رجع تاني والنمر راح وقعد يشم مكان ما كنا واقفين وراح ناحية حسن
ايريس: انا مش مصدقة ميزان الشجاعه اللي عندي حصل فيه عطل من كتر شجاعة حسن
انا: الناس هيفاجئوكي احيانا يلا بينا
وصلنا للاسانسير ونزلنا اربع ادوار لتحت
انا: ماشي ده الدور اللي فيه ندى انا هروح اجيبها, وانتي روحي شوفي الكائنات موجودين فين
ايريس: فكره كويسه يلا بينا
هولوجرام ايريس اطفى والطيارة مشيت في الممر
انا وصلت لاوضة ندى وخبط بصوت واطي على الباب
انا: ندى انا سيف انا عايز ....
ولقيت الباب اتفتح وعلى طلع والقميص بتاعه مفتوح
انا مستغرب: على
على مخضوض: انا ... احنا ... مفيش حاجه احنا كنا بنتكلم بس
انا: الواضح اني جيت في وقت مش مناسب يا خلبوص انت
علي: احنا ملحقناش نعمل حاجه قصدي معملناش حاجه
ندى: ايه اللي بيحصل يا سيف
انا حكتلهم كل حاجه, وندى حضنت على من الجنب
على: كل الحتت الي سدناها والبلالين اللي ملناها زيت في الجزء اللي فيه المحلات والصاروخ اللي ندى قالت على في المطبخ كل اللي خططنا ليه ده وفي الاخر برضو جم واحنا مش مستعدين
انا: انا عارف اننا مفشوخين بس احنا لازم نركز, احنا لازم نجمع الكل في حته امان
ندى: ممكن اوضة الامن اللي ورا اوضة الالعاب
انا: تمام مكان كويس بس في مشكلة ان في جزء من صحابنا في الجناح التاني من البرج, لازم انزل اللوبي عشان اقدر اروح هناك بس انتوا اسبقوني على اوضة الالعاب وخدوا اي حد تقابلوه معاكوا وانا هروح الجناح التاني وهرجع اقابلكوا هناك
على بعصبية: اعمل اللي انت عايزه انا هاخد ندى ونخرج من هنا
ندى: لا انا مش هسيب سيف ولا اي حد من صحابنا
على: بس يا ندى
ندى بعصبية: ده مش موضوع قابل للنقاش
انا: خلاص متعصبهاش بقى
وانا خارج لقيت ندى جتلي
ندى: سيف ممكن اطلب منك حاجه
انا: طبعا
ادتني ورقة مطبقة
ندى: لو حاجه حصلتلي عايزاك تدي الورقة دي لماما في حاجات كتير كنت عايزه اقولها ليها
انا: متقلقيش يا ندى انتي هتقوليلها اللي انتي عايزاه بنفسك لما نخرج من هنا
ندى: سيف انا بطلب منك الطلب ده عشان عارفه انك كويس وهتنفذه
انا خدت الورقه منها من سكات
انا: انا هتاكد انها تقراها
على وندى راحوا ناحية اوضة الامن وانا نزلت في الاسانسير في اللوبي واول ما الباب اتفتح لقيت واحده ست من الكائنات دي ي وشي
الكائن: في لونشانكرا
ولقيت مجموعة من الكائنات دي شافوني وبيجروا عليا بسرعة كبيرة جدا
انا: احا
خالد: سيف تعالى هنا
انا رحت على خالد
انا: احنا مش هنعرف نهرب منهم دول اسرع مننا بكتير احنا لازم نوديهم للفخاخ اللي احنا عاملينها
خالد: طب هما فين اصلا
انا: اجري ناحية المحلات
انا وخالد طلعنا على السلم وبنجري وسط المحلات
خالد: اهم هناك
وصلنا عند محل كبير ولقيت هرم من بلالين دهان الزيت اللي علي عملها
انا: ماشي بقولك ايه ركز متبقاش شواحه ماشي مش ناقصة حول
خالد: ياريت شريف كان معانا
ولقينا الكائنات جايه ناحيتنا وقعدنا نحدف البلالين عليهم وجت في اول واحد وبقى مش شايف حاجه وضرنا واحد تاني
خالد: يلا بينا نجري
جرينا بس كان فيه كائنات لسه بتجري ورانا
خالد: لسه فيه تاني ورانا في افخاخ تانيه
انا: اها صاروخ الاوكسجين احنا حاطينه في المطبخ
وصلنا المطبخ ولقينا الصاروخ
خالد: طب هتعمل ايه بيه
ودخل الكائنات المطبخ
كائن: جانا شانلينزي
كائن تاني: ديما نيج شالا
انا: عايز تشوف هعمل بيه ايه اتفرج على الدماغ يلا خش كده شوية
ولقيت شاكوش مطوط في جنب رحت ماسكه وضربت الانبوبة من ناحية المقبض بتاعها والانبوب طارت زي الصاروخ
كائن: اي هولن
والصاروخ لبس فيهم وطيرهم على الارض
انا: على اللوبي
حسن: انت بتلعب ببجي ايه اللي على اللوبي
انا: اجري على اللوبي يابن الفقرية
واحنا بنجري في اللوبي لقيت انعكاس مياه على الارض
انا: ده الفخ اللي ليلى عملاه
ولقيت سلكين محطوطين في المياه وبصيت مكان ما السلكين طالعين ولقيت ليلى واقفه وهتدوس على الزرار
ليلى: سيف خالد تعالوا بسرعة
وجرينا ناحيتها وبقيت الكائنات بيجروا ورانا وطبعا رجليهم حافيه واول ما طلعنا من المياه ليلى شغلت الكهرباء وكل الكائنات الباقية اتكهربوا, وبعد كده الكائنات بقت واقفه ومش عارفه توصلنا ازاي وهما بيدوروا على طريق يوصلوا لينا منه انا شميت ريحة حاجه بتتحرق
انا: هو فيه حاجه بتتحرق
ليلى: هناك ورا المكتب
ولقيت ورا المكتب جزء من الحيطه بيتحرق
خالد: احا يعني كان لازم يستخدوا ورق حيط مالها البويه العادية
انا: تلاقي كان فيه جهاز في الحته دي وكانت الاسلاك دي بتشغله ولما قطعناها تسبب في النار
ليلى: بس ايه هو
انا جبت طفايه الحريق وطفيت النار ولقيت في حته مخفيه في الحيط صندوق خشب ومحفور عليه
انا: ايه الصندوق ده
خالد: ده مكتوب عليه مزكرات زهران, ناساو, 1980
ليلى: انا متاكده انه ملوش لازمه احسن حاجه نسيبه مكانه انتوا عارفين يعني الخصوصية وكدا
خالد: يعني زهران زارع كاميرات في كل حته في الفندق وخصوصيته هو اللي مهمه, اقرا ياعم البتاع ده
وانا خدت الصندوق من الحيطه وبفتح الغطا
ليلى: استنى
انا لقيت جوا الصندوق اربع ورقات لونهم اصفر وحوافهم متاكله وكان مكتوب فيهم ان زهران السفينه بتاعته عطلت عند الجزيرة دي من اكتر من اربعين سنه وانه شاف حاجات كتيره في الجزيرة وانه لاحظ اختلاف النجوم في السماء وان فيه قوه على الجزيرة دي وهو عايز ياخدها
انا: مكتوب ان زهران السفينه بتاعته عطلت على الجزيرة دي من اكتر من اربعين سنه
ليلى: الكل عارف الموضوع ده
انا: بس هو مقالش لحد هو لقى ايه
خالد: قو ايه اللي بيتكلم عليها
انا: هو لاحظ النجوم الغريبه هو كمان بس ياترى ايه علاقة النجوم بكل ده
ولقيت صوت من ورانا وده معناه ان الكائنات لقوا مكان من ورا الفخ بتاع ليلى عشان يوصلوا لينا
ليلى: تعالوا ورايا بسرعة
انا وخالد وليلى جرينا على الجناح التاني من البرج ولقينا مريم واحمد
احمد: هو ايه اللي بيحصل بالظبط
مريم: احنا سامعين دوشه برا
انا: تعالوا ورايا وهشرح واحنا في الطريق
جرينا بسرع ووصلنا لاوضة الالعاب (قبل ما تسالوا هما بصوا على الاوض بتاعت الباقي اللي قي الجناح التاني بس ملقوش حد هناك) وقفلنا على نفسنا ورا الباب السري ولقيت الكل موجود هناك والكل خد بعض بالحضن
انا: ثانيه يا جماعه فين سلمى
حسن: انا رحت ليها وحذرتها من الكائنات بس اول ما قولت هي جريت علطول
احمد: هي سابتنا ومشيت؟
حسن: للاسف اها
وثلجاوي طلع على كتفي وقعد يلحس وشي
انا: وحشتني ياعم كنت فين
احمد: ايه ده يا سيف هو ده سيف قرصان
نرمين: طب حلو ده هنستفاد بيه
ليلى: فعلا انت ممكن تقطع راس واحد من ضربتين ثلاثه
انا: ايه ياجدعان انتوا بتتكلموا في ايه هو القتل بالساهل كده
ايريس: سيف انا عملت المهمه اللي طلبتها مني, يتم تحميل الاستطلاع
وعلى شاشه في الاوضة لقيت زي خريطه للفندق وارقام
معتز: طب كويس احنا ممكن نشوف طريقة نهرب من هنا
وسمعنا خبط على الباب خلى الكل يسكت وسمعت صوت كذا حد برا وكانوا بيتكلموا بلغة الكائنات
مريم: كده مش هنعرف نعمل حاجه هما واقفين برا الباب
نور: طب احنا هنعمل ايه احنا في امان دلوقتي بس احنا متحاصرين برضو
انا: مفيش غير حل واحد دلوقتي طالما احنا كلنا هنا يبقى نقاتلهم كلنا
احمد: انت بتهزر نقاتلهم بايه احنا معناش حاجه
ندى: ونروح فين
معتز: شويه من الكائنات دي عدوا من الحواجز اللي كنا عاملينها وكنا ممكن نصدهم لو كنا قفلنا المكان بوضع الحمايه من الكوارث الطبيعية بس لو كنا عملنا كده وحد منهم دخل كان زمانا محبوسين هنا دلوقتي مفيش مهرب من الفندق خالص لكن دلوقتي احنا عندنا فرصة اننا نهرب
على: وفين بقى الفرصة دي
ومعتز شاور على مكان في خريطه المبنى
معتز: انا كنت بتمشى في المكان هنا في بداية الاسبوع ولقيت انهم عندهم حاجات التزلج الهوائي
احمد: تزلج مين اللي بتقول عليه
معتز: حاجات بتلبسها وبنط من مكان عالي وبتخليك تطير بيها لمسافة لغاية ما تنزل على الارض
احمد: اها قصدك زي الباراشوت
معتز: لا يا نبيه لو كان قصدي على الباراشوت كنت هقول باراشوت, بقولك ايه خليك ساكت انت مبتفهمش اصلا من الاخر هي حاجات هتخلينا نخرج من هنا
انا: ماشي هنجيب الحاجات دي وننط من السطح
معتز: بالظبط
احمد: احا انت بتهزر على جثتي اعمل اللي بتقول عليه ده
معتز: ما انت كنت لسه بتسال وشرحتلك وسكت
احمد: بس ده مش معناه ان انا موافق انت عبيط لو حد وقع كده خلاص مات
حسن بعصبية: اكتم بقى لو عندك فكره تانيه احسن قول
وفي ثواني الكل كان بيتخانق مع بعضه
ندى: انا استحاله اطلع برا انا هفضل هنا
شريف: كل ده معتمد لو احنا فضلنا مع بعض احنا بنخاطر بحياتنا وكل واحد فينا حياته في ايد التاني
انا: يا جماعه اسمعوني ....
مريم بعصبية: بقولك ايه يا سيف خلي رايك لنفسك محدش عايز يعرف رايك, من ساعة ما جيت هنا وانت كل حاجه بتقولها زفت
انا: ياستي ممكن تكوني صح بس مفيش حاجه اوحش من الموقف اللي احنا فيه ده انتي عايزانا نطلع ليهم واحنا خايفين وبنتخانق مع بعض
انا: دلوقتي احنا عندنا اختيار
على بعصبية: ازاي عندنا اختيار في وسط كل الخرا احنا فيه ده
انا: انت ممكن تختار انك تفضل مكانك وتبقى متردد وخايف او انك تواجه المشكلة اللي احنا فيها دي وتعمل كل اللي تقدر عليه مهما كانت النتيجه
احمد: انا معاك
معتز: ماشي انا هفتح الباب بعد ثلاثه ولما افتح الكل يجري باقصى سرعته
والكل بيجهز لقيت خالد جه جنبي وصوته هادي
خالد: بقولك يا سيف قبل ما يحصل اي حاجه انا عايز اشكرك على كل حاجه
انا: قصدك ايه
معتز: ثلاثه
خالد: انا عارف انه كلام اهبل بس انا حاسس ان خليت حياتي مميزه كده ومختلفة
معتز: اتنين
خالد: ممكن اكون دايما مليش دور رئيسي في اي حاجه واني دايما تقدر تقول مساعد بس انا فخور اني ابقى المساعد بتاعك لان من غيرك كان زمانا غرقانين من بدري انت اللي مخلينا مكملين لحد دلوقتي بس وعشان كده لو هنموت دلوقتي كنت عايز اقولك شكرا (انا عارف ان الجمله كبيره انها تبقى في كام ثانية بس المخرج عايز كده)
معتز: واحد
انا: متقولش كده تاني ياض والا هزعل منك انت عمرك ما هتخسرني
ومعتز فتح الباب وانا مسكت السيف وطالع جري والكل ورايا
وينتهي الجزء ده على كده وعارف اني هتشتم دلوقتي بس معلش بقى وعارف ان الجزء صغير شويه بس الجزء الجاي هينزل علطول مش هيتاخر
ياريت تكتبولي رايكم في التعليقات
ولو حد عنده سؤال يسال وانا هجاوب عليه
متسلسلة فانتازيا وخيال صيف بلا نهاية (القدر الملعون) | السلسلة الثالثة | ـ حتي الجزء الثاني 9/9/2023
متسلسلة فانتازيا وخيال إستكمال زي ما بقولك كده (نقطه تحول) | السلسلة الثانية | - حتي الجزاء الثاني 25/4/2024
متسلسلة واقعية طريق المال - حتى الجزء الثالث - بتاريخ 25/4/2024
متسلسلة واقعية نعيد العيد ـ حتي الجزء الثاني 25/4/2024
متسلسلة واقعية نجلاء | السلسلة الثانية | ـ حتي الجزء الأول
متسلسلة واقعية النهاية لها بداية مختلفة | السلسلة الثانية | حتي الجزء الثالث 19/4/2024