نايم وبتتقلب
لكن لحظه مش عارف تتقلب!!
امممم انت مش عارف تتحرك من مكانك حتى
رجلك ايديك ثابتين بدون حركة
كأنك مشلول!!!
بتنادي على حد يساعدك بس صوتك مش طالع احساس بالخنقة بيزيد وانت مش عارف تتنفس
نفس؟!
مجرد نفس من الهوا بس مش لاقيه
ولا قادر تعمل حاجه غير انك فاتح عينيك وبتدور على اي حاجه تخلصك
عيونك بتقف على كيان غريب مش معروف لكن مرعب
ذعر وخوف!!
فجأة بتاخد بالك انها مش اول مرة ليكتحس بده اه انت بتحلم
_انا الجاثوم (شلل النوم)
ورغم معرفتك انك بتحلم لكن خايف ومش عارف تنهيه
واخيرا خرجت بعد معاناه وانت بتتنفس بصوت عالي وعيونك مفتوحة للسقف لكن....
مبتلحقش تاخد النفس التاني!!
وتلاقي صوتك مرجعش واحساس الاختناق زاد اكتر مفيش اي نفس لكن انت بتحرك اطرافك بتنزل من سريرك تدور على حد يساعدك
لكن نفسك المقطوع يمنعك
وبتقع على الارض ونفس الكيان تلاقيه واقف فوقك وانت على الارض مع اصوات مش مفهومه لكن مخيفة
انت لسه مصحيتش من نومك!!
بترفع ايديك وتعد صوابعك 1,2,3,4,5,6,7
ااه ده فعلا حلم لسه مفوقتش لكن ده مش كفايه عشان تصحى
دموعك بتنزل وبدأت تضرب نفسك على صدرك وتخبط نفسك في اي حاجه لكن مفيش فايدة
خلاص بتستسلم لأسوأ كوابيسك وفي اخر لحظه..
نفس صغير بيوصل لرئتك وبعده نفسك طويل وانت بتفتح عينيك فجأه وبتصحى بفزع
حبات العرق بتنزل من على وشك وهدومك كلها مايه.
بترفع ايديك وتعد عشان تتأكد انك فعلا صحيت وبتكون صحيت فعلا المرة دي..
لكن عيونك بتخونك وعايز تنام وغصب عنك بتغمضها لكن احساسك انك بتقع لمالا نهاية بيصحيك تاني
لانك مش عايز اعيش نفس الاحساس من تاني....
ويبقى الحل فنجان قهوة سادة😍
