انا هتكلم من وجهة نظري انا
انا كست لو شايفه جوزي عامل اللي عليه و متأكده انه مش مقصر في حاجه من ناحية انه بيعمل اللي عليه و زياده في الشغل و في الحياه علشان يوفر ليا و لبنتي حياه كويسه بس ظروف الحياه دلوقتي زي ما انت شايف صعبه جدا جدا جدا
مش هتردد ثانيه في إني اسنده و اقف جمبه
جوزي سوري في اللفظ مش حيوان مربوط في ساقيه مطالب منه يدور بيها طول الليل و النهار علشان انا اكل و اشرب و انام و خلاص لا لا لا بالعكس جوزي بني ادم و يستاهل معامله اكرم من كده
مش معني انه جوزي و راجل البيت اني استنزفه ماديا و جسديا و نفسيا
القلب علي القلب رحمه
مش هبقي بنت اصول ولا بنت ابويا لو شوفت جوزي محتاج سنده مني و سبته
انا اقرب حد لجوزي و اولي حد لجوزي يسنده
و جعلنا بينكم مودة و رحمة
بس كل الكلام اللي قولت فوق دا في حاله واحده
ان جوزي عامل اللي عليه و مش مقصر في حقي ولا حق بيته
ساعتها مش عيب اني اسنده
