انا قررت اكتب كا شخص مجهول علشان عارف نوعية الردود اللى هتجيلي كلها شهوه فاضية بدون واقعية ولا موضوعية
انا مأجر شقة في عمارة بقالي 3 سنين ومكنش في اي مشاكل
المشكلة ظهرت من حوالي شهر بعد ما بواب جديد للعمارة جه من اخر شهر ابريل ( بس من ابريل لشهر فات كانت كل حاجة عادية)
مراتي كانت عاوزة تقولي حاجة ومترددة وانا حسيت بكده فقالتلي هقولك بس توعدني ماتعملش مشاكل
وعدتها علشان اعرف ايه الموضوع
حكتلي ان البواب الجديد مرة كانت بتركب الاسناسير دخل قبل ما الباب يقفل بلحظة وركب معاها وسألها علي اسمها وهي قالتله انا مرات فلان ( مرديتش تقول اسمها ) وخلص الموضوع علي كده
ومرة تاني عمل نفس الحكاية ودخل ومد ايده علشان يدوس علي زرار الدور وخبطها في صدرها عن قصد وبعدين قلها اسف مقصدش
ومرة تاني كانت لوحدها خبط علي الشقة وقالها لو عاوزة اي حاجة انا في الخدمة فسألته حاجة ايه يعني قالها اي حاجة تعوزيها حضرتك فقالتله لا شكراً ( علي اساس يعني انه بواب وبيعرض خدمته انه ينضف او اي حاجة )
واخر مرة كانت بالليل وانا كنت نزلت بشنطة سفر علشان اصلحها ( غالباً فكرني مسافر) طلع الساعه 11:30 بالليل وخبط عليها بالراحة ( مارنش الجرس) وهي شافته من العين السحرية ومارضيتش تفتح
( كل ده ممكن يخلص بخناقة ولو مش هعرف اعمل معاه حاجة هجيب اللي يهمل معاه ويعلمة الادب ......
ولكن)
لاحظت حاجات مكنتش واخد بالي منها الا لما هي حكتلي الموضوع
انها كذا مرة بتبص من ورا الشيش عليه وهو بيغسل العربيات مثلاً
اننا طول عمرنا بنغسل السجاد في مغسلة ولكن العيد اللي فات قالتلي هاخلي ( البواب ) يطلع ياخد السجاد يغسلهم
انها مرة كنا نازلين وقابلنا البواب في المدخل ورميت عليه السلام عادي وبعد ما طلعنا من العمارة سألتني هو منين ؟ قولتلها غالباً سوهاج بتسألي ليه قالتلي اصل الصعيادة جسمهم قوي
طيب !!!!!!!!!!!!!!!!!!!!!!
هي لو بتخوني معاه هتشتكيلي ليه؟؟
طيب لو مش بتخوني الملاحظات اللى انا قولتها دي معناها ايه ؟؟
انا دماغي هتفرتك