عبدالحميد هو الشخص الوحيد اللي كان فاكر عيد ميلاد صاحبه ملاك وجمّعله الناس اللي بيحبوه مخصوص عشان يعمله مفاجأة بوجودهم وفرحتهم بيه ولما جابر قاله "و**** انت رايق هو حد له نِفس لحاجه" رد عليه بجمله عجبتني أوي "لازم نعمله حاجه تبسطه في عيد ميلاده، حتى لو كل واحد فينا فيه اللي مكفيه، حتى لو على حساب نفسنا" ..
عايزة أقول إن الواحد بيستنى جدا وقت زي ده بالذات من السنة للسنة مش عشان الهدايا اللي هتجيله وقيمتها وعددها، لكن بيستنى يشوف مين فاكرُه وحافظ تاريخه وعايز يفرحه حتى لو مش هيجيب حاجه خالص ! المهم وجوده معاه مهما كان بيمُر بمشاكل وأزمات، بيستنى يشوف مين هيكلمه أول ما الساعه تدق ١٢ ومين هيفضيله نفسه مخصوص عشان يشوفه، بيستنى مفاجأة تغيرله موده أو خروجه مع حد بيحبه، بيستنى يشوف غلاوته عند ناس معينه، بيستنى يحس بحُب اللي حواليه .. مش كُل الهدايا والمفاجأت ماديه، محدش يقول أنا مش معايا أجيب هدية لفُلان فَبلاها أشوفه خالص، لأن لو هو بيحبك بجد وجودك في حياته ورغبتك إنك تشوفه مبسوط هيكون عنده بألف هدية ♥️
منقوله
