قصة وموقف حصل معايا بس اتصرفت وقتها بشكل مختلف
من حوالي سنتين خرجت مصيف مع أهلي تبع شغل والدي الغردقة لمدة أسبوع تقريبا
الرحلة مكنش فيها حد قريب من سني غير بنت وكانت اصغر مني ب3 سنين تقريبا وكنت حاسس بملل رهيب لغاية يوم كنا في يخت وكنت قاعد في ركن لوحدي لقيت البنت دي جاية جيت أقوم قالتلي هو انا مش جاية علشان اقومك يعني وخليك قاعد وفتحنا كلام وهنا قولت في دماغي اهو حاجة تسليني في الملل ده وقضينا الرحلة كلها مع بعض تقريبا لدرجة أننا رجعنا في الباص كرسيين جنب بعض وساندة راسها علي كتفي وبنسمع أغاني في هاند فري واحدة
حبيت أحكي الموقف ده علشان في ناس هنا افتكرت اني لخمة ومش بعرف اتكلم مع بنات والجو ده لكن الحقيقة انه في فرق بين اللي مش عاوز واللي مش بيعرف أو بيكون لخمة
