ازيكم يا حلوين..عاملين اي..دايما بخير
حبيت انهاردا نتكلم مع بعض في مشكله اجتماعيه وهيا اهمال الرجل ل زوجته
يعني مثلا الاهمال ليه اشكال كتير...
1/اهمال جنسي
يعني لما مراتك تكون عوزاك وانت تقولها لا...اومثلا تشوفها لابسه وجاهزه ليك وعيزاك وانت بكل برود تقولها تعبان
2/ اهمال واجباتها المنزليه
لما تشوفها تعبانه ف البيت وعامله كل حاجه ومتقولهاش كتير خيرك...او تكون عامله اكل وتعبانه فيه ومتقولهاش تسلم ايدك
3/اهمالها ف الرومانسيه والاهتمام ب مظهرها
اوقات الست ممكن تهمل نفسها لاسباب كتير ف الحياه ول ضغوطات الحياه...ممكن ف مره تفوق ل نفسها مثلا وتحاول تعمل حاجه جديده...تروح تلبس وتبقا قمرايه وجوزها ميقولهاش حتى ايه الجمال دا...دا يكااد اصلا مياخودش بالو من التغيير
3/ قلب الطرابيزه
يعني الست لما تلاقي كل دا منك وتزعل وتيجي انت بقا عاوزها وتقولك لا...تبقي نكديه وتستاهل تتخان وزفت وكل حاجه...طب معلش يعني ما انت اللي مش مهنيها خالص ولا بتسمع منك كلمه كويسه..عايز تاخود منها ازاي وانت مش بتديها
ياريت يا جماعه بجد نحترم الست شويه ونقدر تعبها ومافيش مشكله لو تقول ل مراتك كلمه حلوه تحلي بيها يومك ودنيتك..انا مش بتكلم عشان الاقي رجاله داخله تقول طب ما انتوا فيكوا وفيكوا..انا بتكلم من خلال تجربتي..واحب اعرف رأيكم طبعا😌❤️
