مكتملة الفرعون المصري | السلسلة الرابعة | ـ عشرة أجزاء 13/1/2023

[⭐ الفرعون ⭐]

نار يحبيبي نار

تسلم ياحبيبي

 

[⭐ الفرعون ⭐]

الجزء صغير يسطا نا عاوز جزء اقعد اقرا فيه ساعتين تلاته

حاضر 🤣

 

[your body]

جزء ناااار كالعاده يفرعن يخويا

واعتقد ان اللي ظهر لتيريون كان واحد من المسافرين الاوائل

 

[⭐ الفرعون ⭐]

جزء ناااار كالعاده يفرعن يخويا

واعتقد ان اللي ظهر لتيريون كان واحد من المسافرين الاوائل

حبيبي ياخويا ♥️♥️

 

[⭐ الفرعون ⭐]

خلاص متزقش مخدش بالى انك قايل كده هعديهالك عشان انت حببى

نزل الجديد

 

[Đŕãğøŋ~🐲]

الفرعون المصري | السلسلة الاولي |​

الفرعون المصري | السلسلة الثانية |​

الفرعون المصري | السلسلة الثالثة |​

اهلا ومرحبا بكم في السلسله الرابعه من الفرعون المصري

حرب العوالم ​

/////////////////////////////////////////////////////////////////////////////////////////////////////////////////////////////////////////////////////////////////////////////////////////

ملخص الاجزاء اللي فاتت

لما مي رجعت تاني وعرفت الفرعون انها نفت مورغوث واشباح النازغول الى الماضي ... جمع الفرعون فرقته القديمه ...وعمل خاتم بيفتح بوابة للسفر بالزمن باستخدام ألماسة الخلود ... وعمل خواتم بتفتح بوابات انتقال لكل الفرقة الجديده ... وخد فرقته القديمه وسافر علشان يقضي على مورغوث ... واثناء غيابه في الماضي ظهرت قوات سحرة الدم وسيطروا على مراكز التحكم في العالم بمساعدة مصاصين الدماء ... وقائد سحرة الدم كان حاكم المدينة الغرببه لارين ... وقدر فعلا يسيطر على مملكة ڤالينور كلها ويدمر مصدر السحر الابيض ...وقدر لارين انه يفتح بوابة عالم الظلام ...ودخل المملكه جيش عالم الظلام والملك بيغاسوس ... وأمر مصاصين الدماء بضرب النووي على العالم كله ... ولكن الفرقه الجديده قدرت تنقل معظم سكان المملكه لحصن الفرعون ... وظهرت من العدم حصون تحت كل مدينه في العالم ... وده ادى لإنقاذ البشريه من الدمار ... ولما رجع الفرعون وعرف باللي حصل ... عمل اتفاق مع الملك رع والملك انوبيس .. وربط العوالم ببعض باستخدام ألماسة الخلود .. وده أدى برجوع السحر الابيض من تاني وبشكل أقوى من الاول ... وعمل خطة هجوم على مقر ملك الظلام بيغاسوس ... وحصلت حرب كبيره بينهم ... وتم تدمير جيش عالم الظلام ... واثناء القتال الاخير ظهر الملك بيغاسوس وقعد يهدد جيش الفرعون ... ولكن الفرعون هدده بمعلومات خاصه محدش يعرفها غير ناس محدده ومنهم شخص من عالم تاني اسمه فارازون ... وهنا ملك الظلام انسحب وهرب الى العالم بتاعه تاني ... وبعد مرور ايام رجع الفرعون العالم لطبيعته من تاني ... وخرج سكان العالم من الحصون الى حياته الطبيعيه من تاني
/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الاول / فارازون




داخل حصن الفرعون ... بعد يوم من رجوع العالم لطبيعته

تشارلي : ماتقول بقى مين فارازون ده ... وازاي ملك عاااالم الظلام بجبروته يهرب بعد ماسمع اسمه

انا : يعم هحكيلك بس استنى لما الخانكه تيجي

مونيكا بتفتح الباب وبتقاطعنا : بقى انا خنقه برضه يافرعون ... طب انا هوريك ( وبتجري عليا بغضب 🤬🤬 ) ...ولسه هتمسك في هدومي ... فشدتها بسرعه وقعدتها على رجلي بحركه رومانسيه

انا : خانكه بس بحبك ( وباخدها في بوسه مشبك )

مونيكا : طب ابدأ الحكايه بقى

تيريون : كدا هتبدأوا من غيري

انا : يعم تعالى خلينا نخلص من ام الحكايه دي بقى

تشارلي : احكي بقى ... احكي ياشهريار

انا : كان يمكان .. في سالف العصر والزمان

تيريون بيقاطعني : ابتدينا نهزر ... خش يعم في الحكايه على طول خلينا نخلص

انا : تمام بس اللي هيقاطعني هعلقه من البوكسر بتاعه .... بتبدأ الحكايه لما مي كانت مغمى عليها في عالم الاحلام






.....حكاية فارازون ......فلاش باك داخل عالم الاحلام

انا : مش عاوزه تفوقي ليه يامي ... بقالك كتير نايمه يا أمي ... بس انا مش هيأس ومش هسيبك كدا ... عارفه ايه اللي معايا ده ... ده كتاب سرقته من عند رع من بين العوالم ... حسيت بيه بيناديني ... ( بابتسم بسخريه ) مش عارف اتجننت ولا ايه ... بس الصراحه الكتاب فيه تعويذات جامده جدا ... وقديمه جدا ... وانا بوعدك اني هتقن كل التعويذات اللي فيه ... وهصحيكي من تاني


وخدت بعضي وبعدت عنها .. وبدأت استخدم التعاويذ البسيطه ... ولكن مره واحده حسيت بفجوه اتفتحت في عالم الاحلام ... فاتحولت بسرعة لهيئة الملك الفرعون وطرت للمكان اللي فيه الفجوه ... ولقيت شخص واقف قدام البوابه

انا : انت مين وازاي دخلت العالم ده

الشخص بصلي : بقى انت هو الفرعون

انا ( طلعت السلاح بتاعي ) : انت مين وعايز ايه !!!

الشخص : طيب اهدى ... انا جاي العالم ده لمصلحتك ومصلحة شعبك وبس ... ممكن نتكلم ... بعد اذنك

انا : ده اخر تحذير ليك ... انت مين ؟

الشخص : انا اسمي فارازون ... وجاي من عالم تاني غير العالم بتاعك ده

انا ( بنزل السلاح ) : احنا فعلا لازم نتكلم ... ونزلت عنده

فارازون : ايوا ..اهدى كده وخلينا نتكلم

انا : قول اللي عندك ... ( وبعرض عليه نتمشى سوا )

فارازون : قولي بقى ... تعرف ايه عن العوالم الموازيه

انا : على حسب

فارازون : على حسب ايه بالظبط

انا : اصل العوالم الموازيه مقسومه عندنا نصين ... النص الاول بيقولوا عليه فانتازيا وخيال وان العوالم دي مش موجوده في الواقع ... والنص التاني بيقول انها حقائق علميه وموجده فعلا

فارازون : وانت ... مصدق مين فيهم

انا : الاتنين

فارازون : الاتنين ازاي يعني

انا : يعني انا مصدق ان العوالم الموازيه موجوده فعلا

فارازون : حلو

انا : ومصدق انها فانتازيا وخيال

فارازون : مبقتش فاهمك يافرعون

انا : مش مهم تفهمني ... المهم هو انت ... انت عايز ايه ... وجاي العالم بتعنا ليه

فارازون : جيت علشان انبهك من اشخاص عاوزه تسيطر على العوالم كلها

انا : لا انت شكلك وراك حكايه كبيره اوي ... ( وبطلع من الارض كراسي وسفره صغيره عليها قهوه ) .. اقعد واحكيلي كل حاجه

فارازون منبهر : ايه ده ..انت عملت كدا ازاي

انا : هحكيلك قصتي بعدين ... قول قصتك بقى

فارازون : تمام ... زي ماقولتلك انا فارازون ... من العالم ٦٠٧ ... في يوم من الايام حصل على العالم بتاعي هجوم عملاق ... والهجوم ده كان من احد جيوش عالم الظلام ... واللي كان قائد الجيش ده كان صديق الملك نفسه ... ولكن بفضل واحد من مجلس حكم العوالم قدرنا نهزمهم ... وكمان لعنت القائد ده

انا : طيب واحده واحده كده ... ايه مجلس حكم العوالم ده

فارازون : ده عباره عن مجموعة حكام من كل العوالم موجوده في العالم رقم ١ ... ومن المفترض ان الحاكم اللي قابلك كان موجود هناك قبل كده

انا : ازاي كان موجود هناك ... انت ازاي مقولتليش على الكلام ده يارع

فارازون بقلق : هو انت بتكلم مين

انا بغضب : يارع ... مقولتليش ليييه

وهنا رع خرج مني : اقولك على ايه

فارازون وقف بفزع : ايه ده ... ( وبيستعد علشان يهاجم )

انا بوقفه بسرعه : استنى يعم ... ده تبعي

فارازون : تبعك ازاي ... هو انتو بتتحكموا في shadow ازاي ... انا مبقتش فاهم العالم بتاعكوا ده

انا بتجاهله : مقولتليش يعني على الكلام ده يارع

رع : اقولك على ايه ... انا لا كنت في مجلس حكم ولا اي حاجه من الكلام ده

انا : اومال انت قصدك على مين

فارازون : كان شخص عنده كاريزما وهيبه كبيره كده ... وكان من اقوى الحكام في كل العوالم

رع : يبقى قصده على ملك البشر الاول ... ( بياخد نفس ) ياخي يلعن ابو شكلك ... ده انت فزعتني

انا : لامؤاخذه يارعرع ... طير انت دلوقتي

فارازون قعد تاني : مين ال shadow ده ... وازاي مش موجود في العالم السفلي

انا : هو هيدخل العالم السفلي ازاي .. وهو اخو ملك العالم السفلي ذات نفسه

فارازون برعب : انت بتقول ان shadow ده اخو الملك هايدس

انا : هايدس مين يعم ... ده اخو الملك انوبيس ... اه ممكن يكون اسمه متغير عندكو .. مش عوالم موازية بقى

فارازون بقلق : اسمه ايه اللي متغير ... العوالم كلها عارفه ان ملك العالم السفلي اسمه هايدس ... والعالم بتاعه في نهاية كل العوالم .. عند الانشقاق

انا : مش موضوعنا ... كمل ام حكايتك اللي دخلت الدنيا في بعض دي

فارازون : وقفنا فين ... انا تهت منك

انا : وقفنا لما قولت ان الحاكم اللي قبلي كان موجود في مجلس الحكم

فارازون : اه تمام ... واحد من مجلس الحكم ده كان صاحب الملك بتاع العالم بتاعي ... والملك ده كان ابويا ... والراجل ده ساعدني بتجهيز جيش قوي ومعدات سحريه علشان نواجه جيش عالم الظلام

انا : طيب كويس ... ايه بقى عالم الظلام ده ... وليه بيعملوا غزو للعوالم التانيه

فارازون : عالم الظلام ده كان زي باقي العوالم التانيه ... ولكن طمع البشر فيه وصلهم لقوى وسحر المفروض ميقعوش في ايد البشر ... والسحر ده مع الوقت بدأ يسيطر عليهم وخلاهم تحت سيطرته ... ولكن واحد من البشر دول كان عنده حقد ونار في قلبه كافيه انها تولع في العالم كله ... ودى خلى السحر يتحد معاه وبقى الملك ... والعالم كله بقى تحت سيطرته

انا : طيب كويس لحد هنا ... بيعملوا غزوات للعوالم التانيه ليه بقى

فارازون : خليني احكيلك من الاول ... في بداية الزمان اللي نعرفه ... مكنش فيه غير العالم رقم صفر ... وكل البشر والمخلوقات كانت عايشه فيه ... ولكن في يوم من الايام سقط نيزك من السما ... والنيزك ده كان موجود فيه كل انواع السحر اللي نعرفها دلوقتي ... وحاكم العالم وقتها جاله رؤيه او حلم بالمستقبل ... والرؤيه دي ان البشر هيعمروا اكوان وعوالم كتيره جدا .. ولكنها مش هتتحقق غير باستخدام السحر ده

انا : طب والنيزك ده جه منين

فارازون : محدش يعرف

انا : طب كمل

فارازون : حاكم العالم استخدم السحر فعلا وعمل عوالم كتيره ...وعمل ادوات سحريه علشان تساعد البشر ... وبدأ البشر يروحوا العوالم دي ... وزي مانت عارف ان الطمع في ددمم البشر ... حصلت حرب بينهم ادت لدمار العالم رقم صفر ... وقبل مايموت .. فصل العوالم كلها عن بعض ... ووزع الادوات السحريه في كل العوالم

انا : يعني ملك عالم الظلام بيدور على الأدوات دي

فارازون : وهو ده سبب الغزوات بتعته

انا : طب طالما هو موجود من زمان اوي كده ... معملش غزو للعالم بتاعي ليه لحد دلوقتي

فارازون : خليني اعرفك حاجه تانيه ... الزمن والتسلسل بتاعه بيتغير من عالم للتاني ... يعني الغزو اللي عمله على العالم بتاعي حصل قبل ما المبعوث مورغوث ييجي العالم بتاعك

انا : يعني ايه ... دا المفروض مورغوث بقاله هنا ٥٠ ألف سنه

فارازون : يعني فكرة المبعوث دي اتعملت بعد فشل الغزو للعالم بتاعي ... وبقولك تاني ان الزمن بيتغير

انا : واتعملت ليه بقى

فارازون : زي ماقولتلك قبل كدا ان قائد الجيش اللي عمل غزو للعالم بتاعي كان اعز أصحاب الملك بيغاسوس ... ولما الغزو فشل وانا لعنته .. الملك بيغاسوس معرفش يرجعه لشكله الطبيعي تاني ... وعلشان كدا عمل فكرة المبعوث

انا : عملها برضه ليه

فارازون : فتح مخك معايا شويه يافرعون ... عملها علشان يبعت المبعوث للعالم اللي عايز يغزيه ... وبيستنى رد من المبعوث ده ... ان العالم جاهز للغزو او لا ... وبكدا مش هيخسر جندي واحد من جيشه

انا : اه فهمتك ... طب وانت جاي تحذرني منه ليه ... لو بتتكلم عن المبعوث بتاعه ..فاملك البشر الاول سجنه في العالم السفلي قبل ٥٠ ألف سنه تقريبا ... ولما هرب من العالم السفلي قبل فترة بسيطه قدرنا نخلص عليه من العالم تاني

فارازون : وايه اللي مخليك تتأكد كدا

انا (ببص على مي) : متأكد كويس انها مش هتضحي بنفسها من غير هدف

فارازون : بس الكلام اللي قالهولي صديقي بتاع مجلس الحكم مش كدا خالص

انا : كلام ايه

فارازون : بيقول ان مورغوث لسه موجود في العالم بتاعك لحد دلوقتي

انا : موجود ازاي ؟!

فارازون : مش عارف ... وعلشان كده جيت أحذرك ... متخليش مورغوث يرجع لعالم الظلام من تاني

انا : ودي هعملها ازاي بقى ... ما ممكن يفتح بوابه وينتقل بيها على طول

فارازون : لا متقلقش ... بوابة عالم الظلام مش هتفتح غير في المكان اللي اتفتحت فيه أول مره

انا : خلاص هندور على مورغوث من تاني وهنمحيه من على وش الارض

فارازون : حاجه اخيره لازم تعرفها ... بيغاسوس بيدور على مخلوقات ووحوش في كل العوالم ... ولازم نوقفه قبل ما يلاقي الوحوش دي وإلا هيدمرنا كلنا

انا : انا عندي بصراحه سؤال لازم اسئله

فارازون : قول

انا : هو انت ازاي هزمت جيش عالم الظلام ولعنت القائد بتاعه كمان .. ومن غير زعل يعني بقوتك دي

فارازون : مالها قوتي

انا : من غير إهانه ... انا ممكن اسفلتك على الارض حالا

فارازون بابتسامه حزن : عارف يافرعون ... عارف كويس انك قوي ... بس عايزك تعرف ان ملك عالم الظلام بيخاف من اسمي ... خليك فاكر الكلام ده كويس ... يلا سلام

انا : طب وهشوفك تاني ازاي

فارازون : لما تدمر مورغوث ..هعرف من صديقي بتاع مجلس الحكم ... وهتلاقيني عندك علشان نوقف بيغاسوس للأبد






نرجع من الفلاش باك

تيريون : طب واحده واحده كده علشان في اسئله كتير عندنا

انا : قول

تيريون : احنا كلنا شوفنا قوة الملك بيغاسوس والجيش بتاعه ... وانت بتقول أنك حسيت بضعف فارازون ... طب ازاي بيخاف منه

انا : بصراحه مش عارف لحد دلوقتي ... انا لما جبت سيرته قدام بيغاسوس في الحرب لقيته خاف جدا .. وبصراحه خوفه مش مبرر

تشارلي : طب سيبك من دي ... انت قولت من شويه ان فارازون قال ان مفيش غير عالم سفلي واحد وموجود في نهاية كل العوالم عند الانشقاق ... طب عالم انوبيس ده يكون ايه

مونيكا : انت قولتلنا قبل كدا ان ملك البشر الاول هو اللي ادى القوه للملك رع وللملك انوبيس ... وهو اللي عمل العالم السفلي اللي هنا

انا : كلامكوا صح ... وعلشان كدا انا لازم اروح عند انوبيس وافهم منه كويس

تشارلي : هو مش رع معاك دلوقتي

انا : هو ميعرفش حاجه عن الحكايه دي ... وخليته يسبني ويروح للعالم القديم بتاعه

مونيكا : طب وانت مقولتش لينا على الكلام ده من الاول ليه

انا : بصراحه انا لسه قلقان من فارازون ده ... وعلشان كده مكنتش عايز ادخلكم في مشاكل جديده غير اللي كانت عندنا

تشارلي : طب وايه اللي جد

انا : احنا خلاص قضينا على مورغوث ... وكمان هزمنا جيش من جيوش الملك بيغاسوس ... وده معناه ان فارازون هييجي تاني هنا

تيريون : وايه المطلوب مننا

انا : اولا هحتاج منك تروح للسحره الزرق وتعرف منهم اي حاجه عن عالم الظلام ... وعن عالم اسمه سجن الوحوش

مونيكا : ايه سجن الوحوش ده

انا : مش عارف ... بس كل يوم بيجيلي شخص في الحلم ويقول خلي بالك من الوحوش والسجن بتاعها

تشارلي : اهو ده اللي ناقص مش كفايه عالم الظلام

تيريون : ولما اعرف منهم اجيلك على فين

انا : لما تعرف كل حاجه منهم ..هتلمس الخاتم بتاعك وهينقلك ليا على طول

تيريون : اه صحيح نسيت ان الخواتم مربوطه ببعض

مونيكا : طب وانت هتروح فين

انا : اكيد فارازون هييجي ليا وياخدني على العالم بتاعه ... وبعدها هنروح لمجلس حكم العوالم كلها

الكل : تمام ... يلا بينا









في العالم السفلي ... قصر الملك انوبيس

ظهرت في العالم السفلي ..ورحت عند قصر انوبيس ... ولقيته في استقبالي

انوبيس : اهلا بالفرعون ... خدت وقتك يعني

انا : حبيبي يا أنو .. اخبار الدنيا معاك ايه

انوبيس : كله تمام .. والسحر هنا زاد جامد جدا بسبب ربط العوالم التلاته مع ألماسة الخلود

انا : معاك حق فعلا ... كثافة السحر والاشعه بتعته زادت بطريقه مخيفه .. وده من اسباب انتصارنا قدام جيش بيغاسوس

انوبيس : طب كويس اوي ... وانا كنت متأكد انك هتكسبوا وتخليه ينسحب

انا بخبث : ايه اللي مخليك متأكد كدا

انوبيس بقلق : ها ... لا اقصد يعني انك وريث رع ذات نفسه ..يعني قوتك اسطوريه

انا بخبث : بمناسبة الملك رع ... هو صحيح مين اللي كان قبله في الحكم

انوبيس : كان ملك البشر الاول

انا : ومقولتش ليا انه كان في مجلس حكم العوالم الموازيه ليه

انوبيس ( بتنهد ) : انت عرفت

انا : طب ازاي انت عارف ورع ميعرفش حاجه

انوبيس : طب تعالى اقعد وانا هفهمك كل حاجه

انا : ادينا قعدنا .. احكي ياسيدي

انوبيس : اولا رع ميعرفش حاجه فعلا ... ومفيش غيري انا وملك البشر الاول اللي يعرف الحكايه دي .. تمام

انا : تمام ..كمل

انوبيس : ملك البشر الاول كان اقوى حاكم في كل العوالم كلها ... ويعتبر تاني اقوى بشري بعد الملك صانع العوالم بتاع العالم صفر

انا بنبهر : ايه ..ازاي الكلام ده

انوبيس : خليني اكمل ... كل العوالم كانت بتخاف منه وبتعمله ألف حساب .. ومن الحظ السئ لبيغاسوس انه بعت مبعوث للعالم ده

انا : طب طالما كان قوي كده ..مخلصش على مورغوث على طول ليه

انوبيس : ملك البشر كان بيجيله رؤيه زي صانع العوالم ... والرؤى دي خليته يبني العالم اللي احنا فيه ده ... ومفيش حد يعرف بيه نهائي في كل العوالم ..علشان مفيش غيره اصلا ... وكان ممنوع ان اي حد من العوالم الموازيه انه يدخل العالم بتاعنا اللي هو ٦٠٨

انا : طب وهو دخل مورغوث ليه ... وسابه عايش كل السنين دي ليه

انوبيس : بصراحه معرفش

انا : طب كمل

انوبيس : في واحد من الاحلام بتعته شاف سجن مليان وحوش ... ولو حد فتح السجن ده هيدمر العوالم كلها

انا : اه منا بتجيلي الرؤيه دي برضه ... وبسمع شخص بيقولي خلي بالك من الوحوش والسجن بتاعها

انوبيس بابتسامه : هو قعد كل ده علشان يظهرلك

انا : قصدك مين ... اوعى يكون هو

انوبيس : هو فعلا ... وقالي على وصيه لازم اقولهالك لما تحلم بيه

انا : وصية ايه بالظبط

انوبيس : اولا انت مش وريث رع .. علشان رع عمره مكان ملك للبشر

انا بصدمه : اييييييه

انوبيس : انت وريث ملك البشر الاول ... انت وريث أراغون

انا : يعني ايه ... انا مبقتش فاهم حاجه خالص

القراء : ولا حتى احنا 😂😂😂

انوبيس : الملك اراغون عمل القصه دي كلها علشان مورغوث يتشغل عنه لحد ما يلاقي سجن الوحش

انا : عمل قصة ايه

انوبيس : عمل قصة الملك رع وحكاية الحرب اللي مابينهم وكدا

انا : يعم مكان يخلص عليه مره واحده ... انت هتوهني منك كده

انوبيس : هو كان عادي ممكن يقتل مورغوث ... بس حب يشغله ويشغل بيغاسوس بالمره ... ويدور براحته على سجن الوحوش

انا : طب وعمل ايه بعدها

انوبيس : معرفش .. كل اللي اعرفه انه كتب كل حاجه في كتاب سري ... وحفظه في مكان محدش هيعرفه غيرك

انا : اشمعنى انا

انوبيس : يخربيت دماغك .. علشان انت الوريث الحقيقي بتاعه

انا : دماغ ايه انت خليت فيا دماغ

انوبيس : دلوقتي انت عرفت كل حاجه ... هتعمل ايه

انا : مش عارف ... اشوفك بعدين ... وبختفي من قدامه






في عالم الاحلام

ظهرت في عالم الاحلام وقعدت اتمرن على التعويذات القديمه لحد ماظهر فارازون تاني

فارازون : ايه اخبارك يافرعون

انا : كله تمام ... اتأخرت يعني

فارازون : معلش كنت مشغول بحاجه كدا ... يلا بينا

انا : يلا بينا








في عالم ٦٠٧

طلعنا من البوابه للعالم بتاع فارازون ... وخدنا على البيت بتاعه

انا : هو مش المفروض تكون قاعد في قصر على الاقل

فارازون : ليه

انا : مش انت حاكم العالم ... والمفروض ان حاكم العالم يكون قاعد في قصر

فارازون : ومين قال اني الحاكم

انا : اومال انت ايه

فارازون : هو صحيح المفروض كنت اكون الحاكم بعد ابويا الملك ... بس انا رفضت العرض ده ... وقررت اعيش طول عمري وانا بدافع عن العالم ده

انا : هو انت عندك كام سنه بالظبط

فارازون : بالنسبه ليك ولا ليا

انا : مش فاهم

فارازون : لو بالنسبه ليك فأنا عندي ٥١ ألف سنه

انا : ياااااااااااااه كل ده

فارازون : وبالنسبه للعالم ده ... انا عندي ٢٥ سنه بس

انا : بص خلينا في حكايتنا اللي جايين نعملها ... كلامنا في الزمن مش هيفيد بحاجه

فارازون : عندك حق ... اولا انا نسختك في العالم ده ... وكل حاجه في العالم بتاعك موجوده هنا عادي

انا : كل حاجه

فارازون : لو على كلام صديقي بتاع محلس الحكم ... يبقى كل حاجه في عالم الاحياء

انا : هو مين صديقك ده بقى

فارازون : اسمه يومير ... وهتعرفه بعدين ... خليني اوريك العالم بتاعي الاول

انا : خليك انت وانا هشوفه ... ( وبتحول لهيئة الملك الفرعون بس التحول بيكون ضعيف جدا )

فارازون بابتسامه : قولتلك خليني اعرفك انا بالعالم بتاعي

انا بنهج : هي كثافة السحر ضعيفه كده ليه ... انتو بتستخدموه ازاي

فارازون : ارجع لطبيعتك طيب علشان متتعبش ... ( وهنا رجعت للهيئة البشريه تاني )

انا : هو مصدر السحر اتدمر عندكوا ولا ايه

فارازون : مش بالظبط كدا ... المصدر بيموت وبينفذ بقاله ٥٠ سنه تقريبا .. وعلشان كدا بنستخدم حجات بديله او مقويات

انا : زي ايه مثلا

فارازون : شايف الساحه اللي قدامك دي

انا : اه

فارازون : وشايف التمثال بتاعي ده

انا : ايوا

فارازون : يبقى اكيد شايف الجهاز اللي على ضهر التمثال ... الجهاز ده يعتبر مكبر للسحر

انا : وايه ده كمان

فارازون : الجهاز ده متكون من مرايتين .. واحده بتلقط اشعة السحر من اتجاه .. والتانيه بتوجهه للاتجاه تاني

انا : وجبته منين ده

فارازون : دي من الادوات السحريه اللي صانع العوالم عملها زمان ... وعلشان كدا بيغاسوس كان عايز يغزي العالم ده

انا : علشان الادوات دي كان عايز يدمر عالم كامل

فارازون : مش تستهون بالادوات دي يافرعون ... الادوات دي اللي خلتنا نهزم الجيش بتاعه ... وكمان خلتني ألعن قائد الجيش كمان

انا : هو ايه حكاية قائد الجيش ده ...انا يدوب جبت سيرته لبيغاسوس ووشه جاب ألوان

فارازون : هو انا مقولتلكش صحيح ... اصله كان صاحب الملك

انا : اوعى يكون قصدك

فارازون : بالظبط هو ده قصدي

انا : ما علينا ... هو كان عايز الادوات دي ليه بقى

فارازون : زي ماقولتلك .. الادوات دي مكبره للسحر والكثافه بتعته ... ومش كل العوالم زي العالم بتاعك

انا : وماله العالم بتاعي بقى

فارازون : حسيت فيه بجبروت محستوش من ايام الحرب دي

انا بتعجب : ازاي يعني

فارازون : قبل الغزو وبعده كنت بستعمل ٤ مكبرات للسحر كحد اقصى ...ولكن ايام الغزو استعملت ١١ مكبر للسحر ... وكنت هموت فيها ... ودي القوه اللي احتجتها علشان اهزم قائد الجيش واحوله لكلب

انا : يعني انت بتقول ان كثافة السحر في العالم بتاعي بتساوي استعمال ١١ مكبر للسحر هنا

فارازون : واكتر كمان ... وعلشان كده عرفت مصدر القوه اللي كان فيها الملك اراغون ( ملك البشر الاول بتاع العالم بتاعي )

انا : هو صحيح كان اقوى حاكم في كل العوالم

فارازون : ياااه ... ده انا شكيت انه قوته عدت صانع العوالم

انا بتوتر : ما علينا ... خلينا في القصه بتعتنا

فارازون : ماشي ... كل حكام مجلس الحكم عايزين يقابلوك

انا : ليه بقى

فارازون : علشان العالم بتاعك هيطلع منه شخص اللي المفروض يكون عارف مكان سجن الوحوش

انا : وايه اللي مخليك واثق كده

فارازون : علشان الوحيد اللي وصل ليه كان الملك اراغون ... ولما وصل ليه رجع للعالم بتاعه وقفل كل البوابات بتاعته

انا ( بصطنع الغباء ) : بوابات ايه

فارازون بانفعال : بوابات العالم بتاعك يفرعون ...ركز شويه

انا : بس انا معرفش حاجه عن الحكايه دي

فارازون : ازاي متعر........(ومره واحده لقيت تيريون ظهر عندنا وقطع كلام فارازون )

تيريون : عرفت كل حاجه يفرعون ... وكل ده موجود في كتاب ايام الزمن الفرعوني

فارازون (بياخد وضع الهجوم) : مين ده ... وازاي دخل العالم بتاعي من غير بوابه

انا : اهدى يافارازون ده تبعي ... انا لازم امشي دلوقتي وهرجعلك تاني

فارازون : تمشي فين ... والحكام اللي المفروض يقابلوك دلوقتي

انا : اللي خلاهم يستنوا كل السنين دي .. هيستنوه كام يوم كمان ... سلام ... ( وخدت تيريون واختفينا )


يتبع .......

/////////////////////////////////////////////////////////////////////////////////////////////////////////////////////////////////////////////////////////////////////////////////////////
اخباركو يجماعه عاملين ايه

اول حاجه بشكركم على كل تعليقاتكم الجميله على السلاسل اللي فاتت ... وبوعدكم بسلسله هتنسف دماغكم .... ولو فيه حاجه مش واضحه دلوقتي هتوضح بعدين

واللي عايزني اعمله منشن لما انزل الجزء الجديد يضيف اسمه في التعليقات تحت

سلام من الفرعووووون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الثاني // كتاب اراغون


بنظهر انا وتيريون تاني في العالم بتعنا وبنروح لحصن كون لان ... وبقابل السحره الزرق

الساحر يو : لقيت الاجابه اللي كنت بتسأل عنها

انا : بصراحه مش قادر احدد لسه

الساحر يارين : ومش قادر تحدد ليه

انا : اصل ايه اللي يخلي الملك أراغون يكتب كل حاجه عن سجن الوحوش في كتاب .. وميعرفش يحافظ عن الكتاب ده كويس

الساحر يو : ومين قال انه محفظش عليه كويس

انا : اصل انتو بتقولوا انه مش موجود في العالم دلوقتي ... وانه موجود في الزمن الفرعوني بس ... يبقى ده معناه ايه

الساحر يارين : ده معناه انه قدر يحفظ الكتاب من كل المخلوقات ... اصل مفيش مخلوق سعتها كان يقدر يخالف أمره

انا : ودي يعني مشكله ... ما عادي اي حد يسافر بالزمن وياخد الكتاب ... وعلى ما أعتقد ان زمن الفراعنه مكنش فيه حاكم للعالم يدافع عنه

الساحر يو : اولا انت عندك حق ... الزمن ده مكنش فيه حاكم ... بس احنا كنا موجودين وقتها وكنا بندافع عن العالم ده ... ثانيا ودي اهم معلومه ممكن تعرفها في حياتك

انا باستغراب : ايه

الساحر أيرين : على حد علمنا وعلم كل المخلوقات اللي موجوده في كل العوالم ... مفيش اي مخلوق يقدر يسافر بالزمن ... والوحيد اللي بيقدر يعمل كده هتعرفه بعدين

انا : ازاي الكلام ده ... طب انا بقدر اسافر ازاي ... ومين الوحيد اللي بتقول عليه ده

الساحر يو : اولا انت بتقدر تسافر بالزمن مش بسببك انت بس .. ده بسبب ان ألماسة الخلود اندمجت معاك وده محصلش قبل كده مع اي مخلوق في العوالم

الساحر ايرين ( بيقاطعه ) : هي حصلت مع واحد بس قبل كده

انا : قصدك اراغون !!

الساحر يارين : بالظبط كده يافرعون ... انت الحاكم الوحيد من بعد اراغون اللي قدرت تستعمل كل الطاقة من ألماسة الخلود

الساحر يو : ومسئلتش نفسك ليه ... ليه الحكام اللي قبلك واللي بعد الملك رع موصلوش للقوه دي

انا : علشان انا وريث الملك اراغون

التلاته بصدمه : انت عرفت ؟!؟؟؟

انا : مش مهم انا عرفت ولا لسه ... المهم اجيب الكتاب ده ... ودلوقتي قبل بكره ... الحلم اللي كل يوم بحلمه ده بقى مزعج بطريقه وسخه

الساحر يارين : طب احكلنا عن الحلم ده بشوية تفاصيل كمان

انا : اول الحلم بلاقي نفسك في عالم مظلم ... مش بشوف فيه اي حاجه خالص ... ومره واحده بلاقي شخص منور طاير في السما ... وبيفضل يبصلي كتير ... وفي الاخر يقولي خلي بالك من الوحوش وسجنها

الساحر يارين : ومش حاولت تكلمه ؟؟

انا : مش عارف ايه اللي بيحصلي لما بدخل العالم ده ... صوتي وحركتي بيتعدموا ... مبقدرش احرك جزء من جسمي نهائي

الساحر ايرين : دي حاجه غريبه فعلا ... بس مش وقتها دلوقتي .. خلينا في المهم ... هتسافر امتى

انا : هجمع الفرقه وهسافر على طول

الساحر يو : اولا فيه شوية حجات لازم تاخد بالك منها

انا باستغراب : ايه

الساحر يو : مينفعش حد يشوفكوا هناك ابدا ... انت والفرقه بتعتك لو قابلتونا ودخلنا معاكوا في قتال اهربوا على طول

انا : وهندخل معاكوا في قتال ليه ... ونهرب ليه برضوا

الساحر ايرين : في الزمن ده مكنش عندنا غير وظيفه واحده ... اي مخلوق خارجي نقتله فورا

انا : ومين اللي قالكوا على الوظيفه دي

الساحر يارين : ملك البشر بنفسه اللي عملنا زي ما عمل رع وانوبيس ... ومتسئلش كتير عن الحكايه دي

انا باستغراب : تمام ... هنتخفى لحد ما نوصل للكتاب .. ونرجع على طول

الساحر يو : وياريت تلبسوا زي الفراعنه كمان

انا : تمام ... فيه حاجه تاني

التلاته : لا

انا : يلا بينا يا تيريون








في حصن الفرعون

مونيكا : انا مبقتش مطمنه ... وليد غايب بقالوا كام يوم

تشارلي : اهدي يمونيكا ... انتي بتتكلمي عن الفرعون مش اي حد

مونيكا : واحنا لسه منعرفش اللي اسمه فارازون ده .. وايه نيته الحقيقه

تشارلي : حتى لو نيته وحشه الفرعون هيعرف يتصدى ليه كويس

مونيكا : لا انا هروح ليه

تشارلي : طب استني اروح معاكي ... انا مش مطمن برضه

مونيكا : ياراجل .. اومال عامل فيها اسد ومش خايف عليه ليه

تشارلي : مش وقت كلام يلا بينا .. انا قلبي مخطوف عليه

مونيكا ( بتطبطب عليه ) : اهدى يواد .. ايه اللي جرالك .. ده انت كنت بتطمني لسه

تشارلي : وانا ايه عرفني اذا كان كويس ولا لا ... انا كنت بحاول اطمنك

.... وهنا ظهرت انا وتيريون ... ولقيت تشارلي جري عليا وخدني بالحضن ..

انا : فيه ايه ياض ايه اللي جرا

تشارلي : عليا الطلاق لو سبتنا ورحت لوحدك بعد كدا لاموتك بايدي

انا بشاور لمونيكا : ده اتجنن ولا ايه

مونيكا : احنا فعلا اتجننا علشان سبناك تروح لوحدك مع الراجل ده

انا : يعني مش واثقين فيا ولا ايه

الاتنين : لا احنا خايفين عليك

تشارلي : مش انت اخونا ولا ايه

مونيكا : لا اتكلم عن نفسك ... انت عايز تضيع الواد من ايدي

انا : هو انا اطول يكون عندي خوات ذيكوا كدا

مونيكا : ايه ياخويا 🤨

انا ( بكمل بسرعه ) : وحبيبتي تكون ذيك كده

مونيكا : ايوا كده اظبط








في قصر مي

سمر : باااس ... هي دي كل الحكايه

غاده : قوليها كمان مره .... please

شروق : متسكتي بقى يبنت ... بس بصراحه قصه مؤثره جدا يسموره

مي بدموع : ياحبيبي يوليد ... بقى كل ده يحصلكوا وانا معرفش

سمر : انتي مش كنتي هربانه برضه

شروق بضحك : اه عندها حق ... احنا كنا مفكرينك ميته كمان

مي بزعل : بقى كده ... ماشي بعد اذنكوا ... ( وسابتهم وطلعت فوق )

سمر : ايه ده انا كنت بهزر معاها .. انا طالعه اصالحها

شروق : لا هي مزعلتش منك .. دي زعلت مني انا .. انا اللي هطلع لها ... ( وطلعت وراها )

نور : وخالد بقى كان عامل ازاي

سمر : كان قمر وشيك في نفسه كده ... والصراحة كان بيحبني جامد جدا ... ووليد كان واخده مثله الاعلى في كل حاجه

سلمى : وادينا عرفنا اخرة النتيجه كانت ايه

غاده : وايه اخرتها يعني .. لولا اللي عمله اونكل خالد زمان ... مكنش وليد عرف يحمي العالم كله

سلمى : مقصدش كده .. انا اقصد لو كل ده محصلش كنا عيشنا حياتنا كلها مع بعض

سمر : اهو اللي حصل بقى ... وانتي ياختي هتفضلي قاعده كده لحد ما الواد يطير منك

نور : تقصدي ايه بكلامك ده

سمر : ما تردي يغاده

غاده : وانا اعمل ايه يعني ... كلنا رجعنا القصر وهو لسه هناك .. عايزاني اعمل ايه

نور : بتتكلموا عن ايه يجماعه

سلمى : ده انتي ضايعه .. دول شكلهم بيتكلموا عن وليد

سمر : ومين اللي قالك

سلمى : مجرد استنتاج ... عموما ... انتي بتقولي الواد هيطير منها ليه

سمر : علشان هو بيحب البنت اللي كانت معاه دي من زمان بس مكنوش مع بعض .. وفي الفتره اللي فاتت كان بيحب غاده ... بس لما رجعوا من السفر بالزمن بتعهم ده ..لقيتهم مع بعض تاني

نور : وايه اللي حصل ما بينهم علشان يرجعوا تاني

سمر : محدش يعرف غير مقصوفة الرقبه دي

غاده : معرفش حاجه معرفش حاجه .. وبتبكي وبتجري على فوق كمان








عند فارازون

فارازون : معرفش ايه اللي حصل ... انا لقيت واحد ظهر من العدم وقال للفرعون حاجه ومشيوا بعدها

يومير ( صديقه بتاع مجلس حكم العوالم ) : يعني ايه ظهر من العدم

فارازون : يعني ظهر من غير بوابة

يومير : اممم .. قصدك انه من نسل المسافرين

فارازون باندهاش : هما مش انقرضوا من زمان اوي

يومير : او هما اللي عايزين كل الناس يعرفوا كده ... عموما خلينا في الفرعون ... هو مقلش هيرجع امتى ؟؟

فارازون : قال هيخلص اللي معاه وهيرجع تاني

يومير : ومقولتش ليه ان مجلس الحكم منتظرينه ليه

فارازون : قولتله ولقيت رده غريب جدا

يومير : قال ايه

فارازون : قال ان مجلس الحكم منتظرينه من سنين مجتش على كام يوم زياده

يومير بابتسامه : شكلنا كده هنشوف الملك اراغون من تاني







في حصن الفرعون

مونيكا : يعني هنسافر في الزمن تاني

تشارلي : ما دي بقت وظيفتنا خلاص

انا : يجدعان وفروا في هري الكلام ده خلونا نخلص

تيريون : كل اللي نعرفه ان الكتاب موجود في زمن الفرعنه عموما

مونيكا : بس الزمن بتعهم كبير جدا ... هنبدأ منين بقى

انا : خلونا نبدأ من الاول خالص

تشارلي : اشمعنى بقى

انا : مش عارف بس عندي احساس ان الكتاب هيكون موجود هناك

الكل : طب يلا بينا

.... وفتحت بوابة واختفينا كلنا ......








العصر الفرعوني

ظهرت انا والفرقه في وسط الصحراء ... ومفيش اثر لاي شئ حولينا

مونيكا : هو احنا المفروض فين يافرعون

انا : بصراحه مش عارف ... بس المفروض اننا في ٦ اكتوبر

تشارلي : ينهار اسود .. وكلها صحراء كده

انا : بقولك يا تيريون .. عارف هتعمل ايه

تيريون : ياخي يلعن تيريون لابو تيريون ... هو كل مره

انا : يحماار علشان انت بتتنقل بسهوله ... يلا بقى بسرعه 🤣

...وبعد خمس دقايق لقيت تيريون ظهر ومعاه ملابس فرعونيه ...

تيريون : عليا الطلاق دي اخر مره ... اصل انا مش حرامي يفرعون

انا : خلاص ياض اهدى .. هروح انا المره الجايه ... ألبسوا بقى الهدوم خلونا نخلص











عند السحره الزرق في زمن الحاضر

الساحر يو : تفتكر هيلاقوا الكتاب

الساحر ايرين : كل خوفي بس انهم يقابلونا هناك ويدخلوا معانا في قتال

الساحر يو : كان لازم نحذره اكتر

الساحر يارين : مكنش ينفع نقوله

الساحر يو : لا كان لازم نقوله ... انت عارف الفرعون كويس .. وعارف كمان انه مبيهربش من قتال ابدا

الساحر ايرين : ولو دخل في القتال معانا هيموت

الساحر يارين : خلينا نعتمد على ذكاؤه بقى










عندي انا والفرقه في زمن الفراعنه

تيريون : وهنعمل ايه يافرعون ... احنا بقالنا ايام بندور ومفيش حاجه

مونيكا : وكلنا تعبنا بصراحه

انا : يبقا مفيش قدامي غير طريقه واحده

تشارلي : طريقة ايه بالظبط

انا : الطريقه دي لازم اعملها عليك وانت بهيئة الشبح

مونيكا : انت هتعمل فيه ايه يافرعون

انا : متقلقوش يجماعه .. انا بس هخليه يشوف اشعة السحر

تشارلي : وازاي هتعمل كده

انا : هعمل عليك تعويذه قديمه ... وهنشوف تأثيرها عليك هيكون ازاي

تيريون : لا الطريقه دي شكلها خطر ... خلينا زي ما احنا

تشارلي : لا احنا بقالنا كتير جدا بندور .. وشكلنا مش هنلاقي حاجه ... انا جاهز يافرعون .. ( وبيتحول لهيئة الشبح )

مونيكا : استنوا بس يجماعه ... الطريقه دي خطر جدا

انا : جاهز ياتشارلي

تشارلي : جاهز 😖

انا باللغه الرونيه القديمه : جادو مي بيند

وطلع مني برق ابيض ضرب تشارلي الشبح ... وخلاه يطير في السما

مونيكا : انت كويس ياتشارلي

تيريون اختفى وظهر عنده .. وخده وظهر عندنا

انا : انت كويس ياتشارلي

...وتشارلي كان بهيئة الشبح .. وجسمه كله متصلب وباصص في السما ... ومش بيتكلم .. كأنه بيشوف رؤيه او حلم وهو صاحي ...

تيريون : طب هنعمل ايه دلوقتي

مونيكا : قولتكوا الطريقه دي خطر ... وبعدين انت جبت الطريقه دي منين

انا : اهدوا يجماعه تشارلي كويس ... هو مش بيرد علشان بيشوف رؤيه

مونيكا : وانت عرفت منين

انا : فاكرين التعويذات اللي علمتها ليكو من كام يوم

الاتنين : اه ... دي تعويذات قديمه خالص مش موجوده في اي كتب

انا : علشان التعويذات دي مكنتش في العالم بتعنا

تيريون : اوعى تقول انك جبت الكتاب ده من عند فارازون

انا : لا يعم مش من عنده ... ده التعويذات العاديه بتعتنا اقوى من اي تعويذه في العالم بتاعه

مونيكا : اومال جبتها منين

انا : من عالم الملك رع من بين العوالم

تيريون بخبث : وهو عارف انك خدته

انا : لا .. وعايزه يبقى يتكلم في الحكايه دي

مونيكا باستغراب : اشمعنى

انا : علشان بيخبي عني معلومات مهمه

تيريون : انت مش قولت قبل كدا انه ميعرفش حاجه

انا : ودي اوسخ من انه يعرف معلومات ويخبيها عني ... كدا هو عايش وكأنه مش معانا

... وبيقطع كلامنا تشارلي وهو بيفوق ...










في قصر مي في الوقت الحاضر

شروق بتطلع لمي في الغرفه بتعتها وبتخبط على الباب

مي : بعد اذنكو سيبوني لوحدي شويه

شروق بتفتح الباب : انا اسفه يا مي ... انا عارفه اني اتخطيت حدودي ... ولو عوزاني امشي قولي دلوقتي

مي : لا تمشي فين ...انا بس افتكرت الايام الوحشه ... ومقدرتش استحمل ... (وهنا شروق دخلت وخدتها بالحضن)

شروق : عارفه ان الحكايه دي كانت كتيره عليكي

مي بدموع : كانت كتيره اوي ... انتي مش عارفه يعني ايه الواحدة تعيش بعيد عن اهلها ... وتخلي واحده تانيه تربي ابنها

شروق : وده كان غلط مين ... انت عارفه كويس لو كنتي عرفتينا زمان ..كنا هنقف معاكي

مي : مكنتش مستحمله فكرة ان حد منكوا يموت بسببي

شروق : وانتي عارفه كويس اني هضحي بحياتي علشانك يامي

مي : ميحرمنيش منك تاني ياحبيبي








عند غاده في الاوضه بتعتها

غاده : لازم اقوله انه يختار ما بيني وما بين مونيكا

نفسها : وانتي قد النتيجه دي ... انتي عارفه كويس انه بيحبها اكتر منك وهيختارها كمان

غاده : طب اعمل ايه .. انا مبقتش قادره

نفسها : هو فعلا عنده حق ... ايه اللي فيكي يتحب

غاده بدموع : مفيش ... مفيش فيا حاجه تتحب خالص

نفسها : انتي مجرد نكره .. واحده ينام معاها لما يحب .. ويسبها لما يحب

غاده بتبكي بحرقه : عندك حق .. انا واحده رخيصه ... انا رخيصه

نفسها : والرخيص اخره ايه

غاده : الموت








عندي في زمن الفراعنه

تشارلي : هو ايه اللي حصل

مونيكا : الفرعون عمل عليك التعويذه ... انت بقى شايف ايه ... ( وهنا تشارلي بيقوم ويطير في الهوا )...

تشارلي : واااااو 😱😱😲.... ايه المنظر ده

انا : شايف ايه

تشارلي : مش هتصدقوا ... انا شايف أشعة السحر في كل مكان

انا : كويس يبقى التعويذه نجحت ... ( وبتحول لهيئة الملك الفرعون وبطير ليه )

مونيكا : هتعمل ايه تاني

انا : هنطير لارتفاع عالي علشان يشوف اكبر تركيز لاشعة السحر ... ( وباخد تشارلي الشبح وبطير لارتفاع عالي جدا )

تشارلي : بااااس .. شوفتها ...

انا : شوفت ايه

تشارلي : ده اكبر تركيز لاشعة السحر موجود في المنطقة كلها

انا : طب يلا بينا









.... وصلنا للمكان وخليت تيريون يختفي ويشوف مين اللي موجود داخل المكان ده .. وبعد شوية ظهر تاني وهو مرعوب ....

تيريون مرعوب : ينهار اسود .. هما بيعملوا ايه جوه

انا : مين دول

تيريون : هيكون مين غيرهم ... يلا بينا نهرب قبل مايشوفونا

انا : انت بتهظر ولا ايه ... اثبت وخلينا نشوف حل

تيريون : انت اللي بتهظر ... دا الحاجه الوحيده اللي حذرونا منها اننا نهرب ومندخلش معاهم في قتال

مونيكا : مين دول يجماعه اللي بتتكلموا عليهم

تيريون : السحره الزرق ... وقالوا لنا لو قابلتونا اهربوا فورا

مونيكا : واكيد مش هنهرب يعني ... ولا ايه يافرعون

تشارلي : ماتتكلم يافرعون

انا : انا خلاص عملت خطه وهنمشي عليها .. ومش عايز اعتراض ... فاهم

تيريون : فاهم

انا : واثقين فيا

الكل : طبعا

انا : طب كويس .. الخطه هتكون ان انتو التلاته هتدخلوا جوه .. تيريون هو اللي هينقلكوا .. وتشارلي هو اللي هيشوف مكان الكتاب كويس ... ومونيكا هتحمي ضهركوا كويس

تيريون : بس كده مش عدل ليك ... ليه هتواجههم لوحدك

انا : ده قدري ... وقولتلك مش عايز اعتراض ... اجهزوا بسرعه ... وانا هحاول اطلعهم برا المعبد ... يلا بسرعه







... ودخلت المعبد وانا بهيئة الملك الفرعون وطلعت سلاح الكوساري جاما وجهزت للقتال ... ومره واحده لقيت برق عملاق نازل من السما عليا ... فعملت بوابه فوقي وخليت البرق يدخل فيها .. وبعدين وجهته لداخل المعبد

.. وهنا لقيت السحره الزرق خرجوا بسرعه والمكان حصل فيه انفجار كبير ... ولقيتهم بيهجموا عليا من غير كلام ... ولقيت هجمات كتير جايه عليا من كل مكان ... وهنا عملت بوابه ودخلت فيها وظهرت قدام المعبد من بره ... والمتوقع حصل ولقتهم خرجوا ورايا وبدأنا رزع في بعض


... ومن الناحيه التانيه تيريون خد تشارلي ومونيكا واختفوا وظهروا داخل المعبد

تيريون : مكان الكتاب فين بسرعه ؟؟؟

تشارلي : لحظه واحده .. انا شايف تجمع الاشعه في التمثال ده

تيريون : طب يلا نجيبه بسرعه .. وانتي يا مونيكا احمي ضهرنا

... وفعلا تشارلي وتيريون كسروا التمثال ولقوه جواه كتابين .. وخدوهم ورجعوا عند مونيكا بسرعه ...

مونيكا : ايه دول مش المفروض يكون كتاب واحد

تشارلي : مش قادر افرق بينهم ... اشعة السحر متركزه فيهم اكتر من اي حاجه هنا

تيريون : مش مشكله ناخدهم دلوقتي ونشوف مين فيهم الكتاب بعدين

مونيكا : طب يلا بسرعه زمان الفرعون بيموت بره





... ولما خرجوا من المعبد لقوا السحره التلاته محاصريني من كل اتجاه وانا راكع على ركبي والدم مغطي جسمي ... ولقيت الساحر يو بيعمل تعويذة الموت عليا .. وانا راكع على الارض ومش قادر اتحرك ... ولكن تيريون اختفى وظهر عندي وخدني بسرعه واختفينا في وسط الصحرا في المكان اللي ظهرنا فيه اول مره ... ولقيت تشارلي ومونيكا هناك كمان


تيريون : هما عملوا فيك كدا ازاي

انا بصعوبه : مش عارف .. المهم جبتوا الكتاب

تشارلي : لقينا كتابين .. فخدتهم وجينا على هنا

مونيكا : هما ازاي عندهم القوه دي ... دول في العالم بتعنا مش اقويا كده

تيريون : علشان كده حذرونا اننا نقاتلهم

انا : كفايه كلام يلا نرجع لعالمنا ....( وبفتح بوابه زمنيه وبنرجع للعالم بتعنا )










قصر مي ... الوقت الحاضر

البوابه بتفتح في القصر وبنخرج منها ولكن من كتر التعب اغمى عليا ... وفقت بعدها ولقيت نفسي في الاوضه بتعتي في القصر ... ولقيت سمر نايمه على كرسي جنب السرير ... وجيت اقوم ولسه بمشي لقيت رجليا مش شيلاني ووقعت على السرير .. وسمر فاقت على الصوت

سمر : انت فوقت ياحبيبي ... استريح دلوقتي انت تعبان

انا : هو ايه اللي حصل

سمر : مش عارفه .. انا لقيت صحابك شايلينك وداخلين بيك القصر وانت سايح في دمك ... وبعدها مي عملت عليك سحر وجروحك اتشفت .. وبعدها جابوك على السرير علشان ترتاح

انا : هما راحوا فين

سمر : قالوا هيروحوا على الحصن

انا : تمام ... وانتي نايمه كدا ليه

سمر : نايمه كده ليه !!!! .. ده انا كنت هموت ساعة ماشوفتك

انا : ليه بس .. دي حاجه عاديه وبتحصلي تقريبا كل فتره

سمر بدموع : بس انا عمري ماشوفتك كده ... وفكرت انك هتسبني وتروح للحبايب

انا بخدها بالحضن : متقلقيش ... لسه قدامي حجات كتير علشان اعملها ... ولا عوزاني اموت بدري كده

سمر بتخبطني على صدري : بعد الشر









عند حصن الفرعون

تيريون : مش معقول الكتب دي .. حتى بعد كل ده ومش عارفين نقرأهم

تشارلي : اكيد الملك اراغون عمل سحر عليهم علشان مش اي حد يعرف يقرأهم

مونيكا : طب وهنعمل ايه

تيريون : مش قدامنا حل غير اننا نستنى الفرعون










في قصر مي

حبيت اطلع اشم هوا ... ولقيت غاده واقفه على سور البلكونه ... وهنا جريت عليها بصعوبه

انا : بتعملي ايه يا غاده ... انزلي بسرعه

غاده بدموع : لا انا لازم اموت

انا : انتي بتقولي ايه ... بقولك انزلي بسرعه

غاده : لازم اموت الروح الرخيصه اللي عايشه جوايا ... لازم تموت ... ( وبتنط من فوق السور )

وهنا نطيت وراها بسرعه ومسكت فيها ... وفتحت بوابه تحتنا ودخلنا فيها قبل ما نقع على الارض ... وظهرنا في عالم الاحلام

غاده بارتياح : يااااه بعد كل اللي عملته ده ادخل الجنه كده

انا بحاول افوقها : جنة ايه ... انتي ماموتيش ... فوقي يغاده

غاده : بس انا لازم اقتل الروح الرخيصه اللي جوايا ... هي قالتلي كده

انا : مين اللي قالتلك كده ... مفيش ارواح رخيصه جواكي

غاده : اومال سبتني ليه بعد اللي عملته فيا ... اقولك انا سبتني ليه ... علشان انا رخيصة .. ورخصت نفسي لما سبتلك جسمي

انا : بس انا مش هاسيبك يا غاده ... انا فعلا حبيتك

غاده : وهتعمل ايه في مونيكا

انا : ملكيش دعوه بيها ... انتي محفورة في قلبي ... انا مستحيل اسيبك

غاده : اومال بعدت عني كل ده ليه

انا : بصراحه حاولت ابعد عنك علشان ترتاحي مني ومن مشاكلي وقرفي ... بس ماقدرتش .. ماقدرتش

غاده : يعني انا مش رخيصه ومش هاتسبني

انا : قطع لسان اللي يقول عليكي كده ... وزي ما قولتلك مستحيل اسيبك

غاده : يعني عندك استعداد تتجوزني

انا بفكر : مش ملاحظه ان احنا لسه صغيرين على حكاية الجواز دي

غاده بدموع : يبقى انت مش بتحبني

انا بسرعه : هتجوزك ... يخربيت دماغك ... بس لما تتخرجي من الكليه الاول

غاده : وانا موافقه ... يلا بقى رجعني للقصر

انا : استني بس عاوز اعمل حاجه الاول










بعد مرور يوم ... عند حصن الفرعون

ظهرت في الحصن ولاقيت الكل قاعد بيتدرب ... وتيريون جه ليا

تيريون : بقيت كويس دلوقتي ولا ايه

انا : انا تمام ... المهم الكتب فيها ايه

تيريون : مش موجود فيها حاجه

انا : زي ما توقعت بالظبط ... مفيش حد غيري هيعرف يقرأهم

تيريون : طب يلا بينا .... ( ورحنا عند الكتابين ولاقيت تشارلي ومونيكا هناك )

انا : يلا نشوف الكتاب الاول بيقول ايه

مونيكا : انت واثق كده ليه انك هتعرف تقراه

انا : هتعرفي بعدين ... ( وبفتح الكتاب الاول وبتصدم لما بشوفه )

تيريون : ايه اللي موجود فيه ... انت مفزوع كده ليه

انا : ده الكتاب اللي قال عليه ... ده كتاب سجن الوحوش

مونيكا : طب كويس انك عرفت تقرأه ... بيقول ايه بقى

انا : لو اي حد غيري قرأ الكتاب ده هيموت على طول ... الملك اراغون عامل عليه تعويذات مشوفتش زيها

تيريون : طب كويس اننا شوفناه فاضي ... بيقول ايه بقى

انا : الكتاب بيقول ......

يتبع ....

/////////////////////////////////////////////////////////////////////////////////////////////////////////////////////////////////////////////////////////////////////////////////////////

اسف جدا على التأخير ده ... بس وانا برفع الجزء للأسف اتمسح واضطريت اكتبه من تاني ... وبوعدكم ان الجزء الجاي مش هيتأخر

توقعاتكم كالعاده
ليه السحره الزرق في زمن الفراعنه عندهم القوه دي
والكتاب الاول بيقول ايه
والكتاب التاني موجود فيه ايه
وايه اللي الفرعون كان عايز يعمله لما كان هو وغاده في عالم الاحلام


سلام من الفرعون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الثالث / مجلس الحكم





في قصر مي

سمر : شكلك مبسوطه وفرحانه كده ليه

غاده : اسكتي ده انا هموت من الفرحه

سمر : اوعي يكون وليد رجعلك تاني ... ومقولتيش ليا على طول ليه يابت انتي

غاده : الموضوع لسه حاصل اصلا ... ( وبتسرح 😌) وبعدين انا لسه مفوقتش من اللي حصل

سلمى (نازله من فوق): بتتكلموا في ايه يبنات

سمر بتغمزلها : حب جديد ..او قديم ... بصراحه مش عارفه .... البت دي قلبت دماغي 🤣

سلمى : يعني هي ووليد رجعوا لبعض

غاده بتكبر *****: ومين قال ان هو سابني اصلا 😏

سلمى : خلاص يعم براحه علينا

سمر : وانتي ياسلومه مفيش حاجه كده ولا كده

سلمى : مفيش ياسموره ... واهدي شويه

سمر : يابت انا بقول كده لمصلحتك ... ده مقصوفة الرقبه اللي اصغر منك هتتجوز اهي

غاده بتوتر ملحوظ : مين قال اني هتجوز ...اوعى يكون وليد قالك ... يوووووه كنت عاوزه اعملها مفاجأة

سمر بانفعال : ينهار ابوكي اسود ... بقى وليد عايز يتجوزك وانتي متقوليش ليا

غاده : لحظه ..انتي ..انتو

سلمى : لبستك ياهبله 🤣🤣🤣









في حصن الفرعون

تيريون : الكتاب الاول بيقول ايه بقى

انا : مكتوب فيه رساله من الملك اراجون ... والرساله بتقول

" من ملك البشر الأول الى ملك كل العوالم ... هذا الكتاب لعنة على من يحمله ... وهذه اللعنه مسؤليتك لتوجهها اينما شئت ... ولكن عند كسر حاجز الانشقاق لن يكون الكتاب هو مسؤوليتك الكبرى ... بل العالم اجمع "


مونيكا : ايه الرعب ده

تشارلي : دي شكلها احلوة اوي

تيريون : وايه اللي موجود تاني ... إطربنا

انا : لا دي البدايه بس 🤣

تيريون : كمل ياسيدي ...كمل

انا : بيقول ان فيه لغز لازم نحله علشان نوصل لمكان السجن

تشارلي : ايه اللغز ده

انا : اللغز بيقول ......
"من منبع القوه الى روح السحر ... انا الواقع في زمن الانتقال ... مصيري هو السيطره على العقول "

تشارلي : لا كده بقى هو بيهزر ... هو فيه ايه يعم

تيريون : طب واحده واحده كده وخلينا نفكر ... ايه هو منبع القوه ده

انا : اممممم ... ممكن يكون قصده الشجاعه مثلا

مونيكا : او ممكن يكون قصده الثقه ... اصل القوه مش بتيجي غير من حد عنده ثقه

تشارلي : لا احنا لو فكرنا كده يبقى فيه حجات كتير بتنطبق على الكلام ده

تيريون : طب وايه هو روح السحر ده كمان

انا : مش عارف ... ممكن يكون امممم ... لا بصراحه مش عارف

تيريون : طب بقولك ايه ... كمل قرأه في ام الكتاب ده .. ممكن يكون الحل في حته تانيه

انا بقلب في الكتاب : اممم ... لا .. والصفحه دي اممم اكيد لا ... لحظه واحده

تيريون بفرح : ايه لقيت الحل

انا : ممكن يكون عايز يورينا حاجه في اللغز ده

مونيكا : زي ايه

انا : زي ان ده مش لغز اصلا ... والكلام اللي فيه عباره عن مكونات من العوالم

تيريون : يعني قصده ندور على روح السحر ... وزمن الانتقال ... انت بتهزر يافرعون

انا ببص لتشارلي : شكلك فهمتني

تشارلي بابتسامه : دي هتحلوا اكتر يافرعون ... يلا نبدأ التخطيط










في عالم فارازون

ظهرت انا وتيريون قدام تمثال فارازون ... وشويه ولقيت فارزون جه علينا

فارازون : اتأخرت يعني

انا : معلش حصل شوية مشاكل وكان لازم تتحل

فارازون : عموما مش مشكله ... والمجلس كله في انتظارك

انا : انت مستعجل كده ليه ... خلينا نتكلم شويه

فارازون : عن ايه

تيريون : عن سجن الوحوش ده

فارازون : ماله سجن الوحوش

انا : ايه اللي تعرفوه عنه ؟؟

فارازون : معلومات قليله جدا ... واللي عرفنا عن المعلومات دي كان صانع العوالم

انا : وعرفكوا المعلومات دي ازاي وهو ميت من زمان جدا

فارازون : مش عرفنا احنا .. هو عرف اللي كانوا عايشين وقتها .. والمعلومات اتورثت على مر الزمن

تيريون : وايه بقى هي المعلومات دي

فارازون بتردد : هو ليه انا حاسس بعدم ثقه من ناحيتك يافرعون

انا : ومين قال كده بس ... احنا بس عايزين نعرف المعلومات اللي عندكوا الاول

فارازون : وبعدها ؟؟

تيريون : هل هنقدر نساعدكم ولا لا

انا : هتحكي بقى عن المعلومات دي ولا نرجع للعالم بتعنا

فارازون : تمام يافرعون هاحكي

انا : على فكره اللي بيحصل ده مش مشكله شخصيه ... ده مجرد اجراء احترازي

فارازون في سره : ما عادي يافرعون ماممكن اكدب عليك

انا : وماتفكرش انك تكدب عليا ... علشان هعرف يافرازون 😉

فارازون : اولا احنا منعرفش مكان سجن الوحوش ده .. بس اللي نعرفه ان اللي هيفتح ليهم الباب هيكونوا تحت خدمته

تيريون : تحت خدمته ازاي يعني ... يعني من غير وعي

فارازون : بالظبط

انا : وهيقعدوا تحت خدمته لامتى

فارازون : محدش يعرف

انا : يعني انتوا عايزين توصلوا لسجن الوحوش وتحرروهم او بمعنى اصح تسيطروا عليهم قبل بيغاسوس

فارازون : كلامك صح يافرعون

تيريون : طب وايه اللي يخلينا نثق فيكم علشان نوصلكوا للقوه دي

انا : ومش اي قوه ... دي السيطره على العوالم كلها .. بما فيها عالم الظلام

تيريون : وممكن العالم السفلي الاخير

فارازون : انا عارف مهما قولتكم على الحجات الكويسه اللي عملناها طول السنين ان ده مش هيغير رأيكوا

انا : ولكن

فارازون : ولكن ممكن رأيك يتغير لما تيجي معايا عند مجلس الحكم وتشوف بنفسك

انا : وانا معنديش مشكله ... يلا بينا













مجلس حكم العوالم

بنظهر انا وفارازون في عالم المجلس ... والعالم ده من جماله يكاد يكون أقرب للخيال ....عباره عن ارض خضرا على طووول النظر ... وفي وسط العالم برج عملاق مبني من الذهب ....وعلى اعلى البرج مبني مجلس الحكم على شكل حلقه




انا : ايه الجمال اللي احنا فيه ده

فارازون : لا انا عايزك تهدى كده وتسيطر على نفسك ... الجماعه هنا مبيحبوش اللي بيبص على حاجتهم

انا : حاجة ايه ... مش كل ده المفروض ملكيه عامه للعوالم كلها

فارازون : يعم وطي صوتك ... انا جبت معايا ثورجي ولا ايه

انا : لا مش اسمها ثورجي ..اسمها مناضل ... على العموم خلينا في اللي جايين علشانه


...وبنوصل للبرج الذهبي وشكله من قريب يهبل طبعا ... وبعدين ركبنا اسانسير وصلنا لحد سطح البرج ... ولقيت على السطح منظر يخض ...

انا بهمس : دول بس

فارازون : قولتلك اهدى خالص ... تعالى ورايا

... وكان المنظر عباره عن كرسي الحكم على احد جوانب السطح وبجانبه كرسيين ... وقدام كرسي الحكم طاوله مستديرة عملاقه ... وقاعد عليها ٧ اشخاص

... مشي فارازون لحد كرسي الحكم وركع قدام شخص ...

فارازون : ملك العوالم ... الملك ارثر ... هو ده الفرعون من العالم ٦٠٨

الملك ارثر : انت الفرعون

.... ولقيت فارازون بيشدني وبيقولي اركع ليه .. بس انا فضلت واقف زي مانا ....

انا : وانت ارثر الملقب باسطورة السيف

الكونتيسا ( قاعده على كرسي جنب الملك ارثر ) : احنا مش هنخلص من عجرفة العالم بتعهم ده ولا ايه

ليث ( اللي قاعد على الكرسي التاني ) : مين اللي عرفك بالمعلومات دي ياطفل

انا بهدوء : دي اخر مره تقول عليا *** ... علشان مش هتلاقي راسك لو قولتها تاني

الكونتيسا : واو .. وكمان بيخربش

فارازون برعب : انت بتعمل ايه ... دول مش بيتهزر معاهم ... ارجوك دول ممكن يمحوا عالم من الوجود بطرقة صوابع

انا : ابلع لسانك انت بقى

ارثر : انت مش خايف مننا ولا ايه يافرعون

انا : وهخاف منكوا ليه ... عملتوا لينا ايه علشان نخاف منكوا ... انا عايز اسئلك سؤال واحد من ساعة ماجيت هنا ... هو انتوا سايبين بيغاسوس بيدمر ويقتل في العوالم التانيه ليه ... ليه يا حكام العوالم

ليث : ماتبقاش غيرك ياطفل عل......

... وقبل ما يكمل كلامه طلعت المنجل وقطعت راسه في لحظه قبل ما اي حد يرمش بعينه ....والكل واقف مصدوووم ومرعوب من اللي حصل ...

فارازون مرعوب : انت عملت ايه

انا : مسمعش كلامي

أرثر وقف : انت مجنون ... انا هدمر العالم بتاعك كله

... وقبل ما يكمل كلامه طرقعت بصوابعي ... وظهر في السما بوابات كتييير جدا وواقف وراها جيوش الملك رع ....

انا : واحنا جاهزيين للحرب .. بس اوعدك ان الحرب معايا هتكون خساره ليكوا كلكو

يومير ( صديق فارازون ) : اهدوا يجماعه وخلونا نتفاهم

ارثر : نتفاهم على ايه ... انا هدمر العالم بتاعه ده

يومير : يعني هو هيسيبك تدمره كده من غير حرب ... ومتنساش ان قرار الحرب لازم يكون بالاجماع

ارثر : بس ده قتل واحد من المجلس

يومير : وهيتحاسب عليها بعدين ... المهم خلونا في المشكله الرئيسيه ... تمام ولا ايه يافرعون

انا : قول اللي عندك

يومير : اولا احنا عايزين ندمر فعلا عالم الظلام وبيغاسوس بس مش عارفين .. والقوه الوحيده اللي ممكن تدمره هي قوة الوحوش

انا : ازاي يعني مش قادرين تدمروه

يومير : صعب اشرحلك الحكايه دي دلوقتي .. واوعدك اني هشرحهالك بعدين ... بس المهم ان قوة الوحوش هي اللي قادره انها تدمره فعلا

انا : وبعد ماتدمروا العالم بتاعه ... هتعملوا ايه بالوحوش دي

يومير : هنبعتها للعالم السفلي ... وهاديس هيدمرها

انا : وايه اللي يخليني اثق في كلامك

يومير : انا عارف انك بتقرأ افكاري وافكار كل الحاضرين ... واكيد انت عارف احنا بنفكر في ايه

انا : عارف طبعا ... زي مثلا الشخص اللي جنبك ده بيقول انا جبت القوه اللي عندي دي منين .... او الشخص التاني ده بيقول هو بيستعمل سحر نوعه ايه ... بس اهم حاجه كلكو بتفكروا فيها حتى الملك ارثر بنفسه انها ازاي تهربوا من هنا

يومير : ممكن يكون كلامك صح ... بس هل كل اللي انا قولته فيه حاجه غلط او كدب مثلا

انا : الصراحه لا

يومير : يبقى اتفقنا

انا : على ايه

يومير : انك توصلنا لسجن الوحوش وتساعدنا في تدمير بيغاسوس

انا : بس انا عندي شرط واحد

يومير : واحنا تحت امرك

انا : انا اللي هتحكم في الوحوش دي

يومير : واحنا معندناش مانع

انا : تمام ... اول ماوصل لنتيجه هرجعلك تاني ... سلام











في حصن الفرعون

... ظهرت تاني داخل الحصن ولقيت الباقي في انتظاري ...

تيريون : عملت ايه

انا : الخطه ماشيه تمام ... وزي ماتوقعنا بالظبط

مونيكا : يعني مكنش فيه طريقه غير دي .. كان لازم تقتل

انا : كده احنا اثبتنا وجودنا ... ومفيش واحد فيهم هيقدر يعترض طريقنا في اللي جاي

تشارلي : هو عندك حق فعلا ... بس كل اللي حصل ده مش هيكون ليه معنى لو موصلناش ليهم

انا : هنوصل ... وانا بنفسي اللي هروح واجيب اول واحد

مونيكا : واحنا في انتظارك












في عالم مجلس الحكم

الملك ارثر : انت ازاي بتعترض عليا وتخليه يمشي من غير عقاب حتى

يومير : يعني انت كنت عايز تعمل ايه ... ده قطع راس ليث زي مايكون بيلعب

ارثر : وانت مقولتش لينا على قوته دي ليه يافارزون

فارازون برعب : علشان القوه دي مكنتش عنده ... ده لما اتحول لهيئة المحارب في العالم بتاعي كان هيموت

ارثر : يبقى لازم نعرف ايه اللي بيحصل .. وفي اسرع وقت

يومير : هنعرف بس متستعجلش ... ده الشخص الوحيد اللي ممكن يوصل لسجن الوحوش

ارثر : اهو ده السبب الوحيد اللي مخليني اصبر عليه











عند الكونتيسا

الكونتيسا : هو ازاي عنده القوه دي

نفسها : دي تبقى كارثه لو خد قوة أراغون

الكونتيسا : لا ده شئ مستحيل ... الزمن بينه وبين اراغون في العالم بتاعه حوالي ٥٠ ألف سنه

نفسها : اومال القوه اللي عنده دي مصدرها ايه

الكونتيسا : مش عارفها ... انا هتجنن

...وبيقطع كلامها دخول ليث من تاني ...

الكونتيسا : إتأخرت ليه

ليث ( اللي قطعت راسه ) : بصراحه خدت وقت لما فوقت من الصدمه

الكونتيسا : انت محظوظ جدا ... مش كل الحكام اللي كانوا حاضرين كانوا بجسم روبوتات

ليث : حتى لو كنت في جسم روبوت .. بس احساس المنجل بتاعه لسه في دماغي

الكونتيسا : مش انت اللي استفزيته ... وبعدين متزعلش اوي كده

ليث : مازعلش ازاي بس ... ده خلى شكلي زباله قدام المجلس كله

الكونتيسا : علشان كده عرفنا قوته عامله ازاي ... وده هيخلينا نتصرف صح في اللي جاي









في قصر مي

ظهرت في القصر ولقيت الكل متجمع وبيتعشوا سوا

انا : مساء الخير يجماعه

مي : مساء الفل ياحبببي ... بقى كده تمشي وانت تعبان

سمر : تعبان ايه ... ده كان متخرشم

انا : يجماعه انا كويس

سمر : طب تعالى اتعشى معانا ... ده انا اللي طابخه

انا ( جريت بسرعه ): وبتقولي دلوقتي ... ( وباكل زي المسروع )

مي : كل براحه هو الاكل هيطير

انا ( والاكل في بوقي ) : اسكتي يامي ... انا مكلتش من ايدها من زمان اوي

سلمى ( وبوقها مليان اكل ) : بصراحه اكلها يجنن


.... وبعد ماكلنا طلعنا قعدنا مع بعض في الجنينه شويه ....

انا : يااه .. ياما نفسي اللحظه دي تفضل طول العمر

مي : وليه ماتفضلش ... ليه متفضلش معانا على طول

انا بزعل : علشان هيكون فيه اختيار من اتنين ... اول واحد اني افضل هنا واسيب العالم كله وطظ فيه

شروق : واحنا عارفين نهاية الاختيار ده هيكون ايه

مي : وعلشان كده كلنا عارفين انك هتختار الاختيار التاني

نور : اختيار ايه

غاده بزعل : انه يحمي العالم كله

انا : متزعلوش اوي كده ... ده قدري

سلمى : قصدك قدرنا كلنا

انا : يلا بقى انا لازم امشي دلوقتي

مي : هترجعلنا متخرشم تاني ولا ايه

سلمى : يعني هتكون اخر مره

انا : ولا ايه ( وببتسم ) ... يلا اشوفكم على خير ... ( وبفتح بوابه وبدخل فيها )












عند ملك الظلام بيغاسوس

بيظهر شخص داخل قصر الملك بيغاسوس وبيروح لكرسي العرش وبيركع قدامه

بيغاسوس : ايه اخر الاخبار

الشخص : هايساعدنا ..بس عنده طلب الاول

بيغاسوس : ايه

الشخص : انه يتحكم في الوحوش بنفسه

بيغاسوس : تمام ... خليه مفكر انه متحكم فينا لحد اللحظه الحاسمه

الشخص : تمام ... اي اوامر جديده

بيغاسوس : لا روح انت












في احد العوالم الموازيه

... ظهرت انا لوحدي في العالم الجديد .. وكنت بدور على مصدر القوه اللي مذكور في الكتاب الاول .. والحل الوحيد علشان اعرف مكانه كان بتعويذه مذكوره في الكتاب التاني ....وهنا اتحولت لهيئة الملك الفرعون .. وطرت في الجو

انا باللغه الفرعونيه القديمه : باور اوف هانت

.. وهنا طلع مني نبضه كهرومغناطيسية في كل انحاء الكوكب ... ولما النبضه رجعت ليا تاني .. ظهر مكان مصدر القوه على جهاز الكتروني كان معايا ... وهنا فتحت بوابه ورحت على المكان ده

... لما فتحت بوابه وخرجت كان المكان في القطب الشمالي في احد مناطق الفايكينج ... والمكان مغطيه التلج واللون الابيض في كل مكان على مد البصر ... والشفق القطبي مغطي السما باللون الاخضر وشكل المكان مهيب جدا

... ولقيت شخص عملاق قاعد على جذع شجره .. وماسك فأس كبيره وعمال يسن فيها ... وكان لابس سلسله على رقبته ومتعلق فيها مفتاح ذهبي

الشخص ( بصوت عميق ) : انت مين وازاي دخلت المنطقه بتعتي

انا بهدوء : قدامك خيارين .. انك تديني المفتاح بسلام ... او هاخده غصب عنك

الشخص نط من على جذع الشجره ونزل على الارض ... والارض اتهزت تحته ... ومسك الفأس بتعته واستعد للهجوم

الشخص : لو انت هنا علشان المفتاح يبقى عارف انك مش هتاخده بسهوله

انا بتحول لهيئة الملك الفرعون : عندك حق يا كريتوس (بتاع god of war )

..... ومره واحده لقيته رمى الفأس عليا ..ولكن طلعت السلاسل بسرعه وخليت السلسله تمسك طرف الفأس وتلفها ناحيته تاني

بس كريتوس شاور للفأس ورجعتله تاني ( زي ثور بتاع مارفل ) ... وجري عليا بأقصى سرعته والارض بتتهز تحته

وانا طرت في السما وطلعت المنجل ولفيته في الجو بسرعه ونزلت بيه على كريتوس

ولكن كريتوس طلع النصول بتعته وسحب نفسه بسرعه من تحت الهجوم بتاعي ... وانا نزلت على الارض وحصل انفجار عملاق

ولكن مره واحده لقيته رمى نصل زي السيف عليا وكان ربطته بسلسله ... وانا صديته بسرعه بالمنجل بتاعي

وفضلنا نرزع في بعض بس من بعيد لبعيد .. وكل واحد مننا استهلك طاقته في القتال من عن بعد .. ونزلنا على ركبنا من التعب ... ولقيت كريتوس بيضحك جامد

انا : بتضحك على ايه

كريتوس : مش فاكر اخر مره دخلت قتال زي ده

انا : تصدق وانا كمان ... بس كنت فاكر انك هتستخدم قوة المفتاح على طول

كريتوس : ومين قال اني بستخدمه اصلا ... انا طول حياتي مستعملتوش غير مره واحده بس

انا : قصدك لما استعملته في هيلهايم

كريتوس بغضب : انت عرفت منين ... محدش غيري يعرف ... ومحدش تاني هيعرف ... ( وبيمسك المفتاح )

... وبيحصل انفجار كبير للطاقه ... ولقيت كريتوس جاله امداد كبير للقوه ... وجري عليا بغضب جامد جدا ...

... وقبل مايوصل ليا ..لمست خاتم بوابة الانتقال .. ولقيت كمية سحر غير طبيعيه وصلت ليا .. وحصل انفجار كبير جدا جوايا .... ولون جسمي اتغير للون الاحمر

...ولكن كريتوس نزل عليا بالفأس بتعته ...وحصل انفجار جامد سبب في انكسار الفأس بتعته ...ولقيت كريتوس طار بعيد عني

... وانا طرت وراه بسرعه ونزلت عليه زي النيزك ..وحصل انفجار نووي سبب في زوبان الجليد من حوالينا ... وكريتوس فقد الوعي

...رحت عنده وخدت منه المفتاح .. وعملت عليه تعويذة شفاء للجسم ..ورجعته مكانه تاني

انا : بوعدك اني هرجع المفتاح تاني قبل ماتفوق ...( وبختفي )










في عالم مجلس الحكم

طلعت من البوابه على طاولة مجلس الحكم ..ولقيت كل المجلس متجمع

الملك ارثر : انت ازاي تدخل هنا من غير استأذان

انا : وانا مش شايف فيكم كبير علشان استأذنه

يومير بيقاطعنا : نورت يافرعون ... المهم وصلت لحاجه

انا : انا جيت اعرفكم اني وصلت لاول الطريق

يومير : ولكن !!!

انا : ولكن الباقي انا هكمله لوحدي ...ولا عندك رأي تاني يا ليث ( اللي قطعت راسه )

ليث ( من تحت ضرسه ) : لا معنديش مشكله

انا : تمام ... تعالى معايا يافارازون عايزك ...( وخدته واختفيت )









عالم فارازون

...ظهرنا انا وفارازون داخل العالم بتاعه ..ولقيت فارازون غضبان جدا ...

انا : مالك غضبان كده ليه

فارازون : بصراحه انا مش فاهمك ... ازاي بتتصرف بالطريقه بتعتك دي قدامهم

انا : هي دي الطريقه اللي تنفع معاهم

فارازون : ثانيا انت جبت القوه دي كلها منين ... انت لما كنت عندي هنا كنت هتموت لما اتحولت

انا : مش مهم تعرف ...المهم ده ( وبطلع مفتاح القوه )

فارازون : ايه ده

انا : اسمع مني الحكايه كويس علشان عايزك توصلها لمجلس الحكم كله

فارازون : حكاية ايه ... وليه متقولش انت الحكايه دي

انا : اولا هما مش هيثقوا فيا لو قولتلهم ... وثانيا عايز اقول للخاين المعلومات اللي عايزه يعرفها بس

فارازون : انت بتقول ايه ... ازاي يكون فيهم حد خاين

انا : انا مش بقول ..انا بأكدلك ان فيهم ٢ خاينين على الاقل

فارازون : ومين هما بقى

انا : مش لازم تعرف علشان كده هتكشفنا قدامهم ...هما لسه ميعرفوش اني كشفتهم

فارازون : طب وايه الخطه بتعتك بقى

انا : الخطه ..........










في عالم مجلس الحكم

الملك ارثر : انا مش مصدق الانسان ده ...ازاي بيعمل اللي عمله ده

الكونتيسا : ده ولا الملك اراغون في عز قوته

...وهنا بيظهر فارازون تاني قدامهم ....

فارازون : انا عندي معلومات مهمه جدا عن سجن الوحوش

الملك ارثر : معلومات ايه

فارازون : الفرعون حكالي على كل حاجه ... وبيقول ان فيه حجات لازم يلاقيها الاول وهي هتوصله لمكان السجن ده

الكونتيسا : ايه الحجات دي

فارازون : بيقول عباره عن مفاتيح ... والمفاتيح دي من اهم مكونات العوالم

ليث : بس المعلومه دي مش مفيده ... ده كده وسع طريق البحث علينا

فارازون : وبيقول كمان انه لقى اول مفتاح كمان

ارثر : ولقاه ازاي ..وفين ... ولسه كام مفتاح باقي

فارازون : مقلش حاجه تاني للاسف

الملك ارثر : يبقى لازم كل الباحثين بتوعنا يجيبوا المفاتيح السحريه من كل العوالم












عندي في حصن الفرعون

... جمعت كل فرقة الفرعون من تاني ..وابتدينا الخطه ....

انا : الكل بقى هنا ولا لسه حد

تيريون : الكل حضر يافرعون ... ابدأ يلا

انا : اولا شكرا على حضوركم من تاني ... والمره دي غير اي مره ... دي ممكن تكون لحظة الفرق في حياتنا كلنا

مي : ادخل في الموضوع على طول يافرعون

انا : تمام ... طبعا انتوا عايزين تعرفوا سبب الغزو بتاع بيغاسوس للعالم بتعنا

الكل : طبعا

انا : زي ما عرفتوا قبل كدا ان فيه عوالم موازيه ... واحب اعرفكم ان كان فيه ملك قبلي كان اسمه اراغون ... الملك ده وصل لمكان المفروض محدش يوصله

الاميره استيلا : مكان ايه ده

انا : مكان اسمه سجن الوحوش ... وده مكان فيه اكتر المخلوقات رعبا في الكون كله ... واللي هيحررهم من السجن ده هيكونوا تحت سيطرته تماما

سلمى : وده ايه علاقته مع بيغاسوس

انا : بيغاسوس بيدور على السجن ده بقاله قرون طويله ..ولكن ممكن في يوم انه يلاقيه ...فعلشان كده لازم نتدخل احنا ونلاقي السجن قبله

مياده : وده هنعمله ازاي بقى

انا : الملك اراغون كتب عن سجن الوحوش ده ... وكتب عن طريقة الوصول للسجن ده

مي : وايه الطريقه دي بقى

انا : اولا لازم نلاقي سبع مفاتيح ..كل مفتاح عباره عن مكون من مكونات الكون ... ( وبطلع مفتاح القوه ) زي المفتاح ده مثلا

نور : مفتاح ايه ده

انا : ده مفتاح القوه ... ويعتبر خيط البدايه لباقي المفاتيح

مي : ازاي الكلام ده

الساحر يو : علشان المفتاح ده هيعرفنا مكان باقي المفاتيح

الساحر يارين : احنا اسفين يافرعون علشان مقولناش من الاول

الساحر ايرين : بس مكنش قدامنا طريقه تانيه غير كدا

الساحر يو : علشان كانت الطريقه الوحيده

انا : مش مهم الكلام ده دلوقتي ... المهم اني عرفت مكان باقي المفاتيح

الساحر يو : وبكده تكون اول شخص تعرف بعد الملك اراغون بنفسه

انا : تمام ... يلا بينا نبدأ التقسيم

الكل : يلا بينا

انا : اولا فيه سبع مفاتيح زي ماقولت ... وبتختلف صعوبة الحصول على كل مفتاح ... والمفاتيح هي ( القوه .. السحر .. الزمن .. الواقع ..الارواح ..التنقل .. السيطره على العقول )

الكل : تمام

مي : والتقسيمه دي هتكون ازاي

انا : اولا المسؤول عن مفتاح الارواح هيكون ( تشارلي ..استيلا .. سكاي ..وريفين ) وده بسبب قوة تشارلي الشبحيه

تشارلي : تمام يفرعون

انا : ثانيا مفتاح الواقع ..وده مسؤولية
( الفهد ..مونيكا ..مياده ..وسلمى )

الفهد : تمام يافرعون

انا : ثالثا مفتاح الانتقال ..وده مسؤولية
( تيريون .. احمد ..كيرا )

تيريون : تمام يافرعون

انا رابعا مفتاح السحر ... وده مسؤولية
( مي ..والسحره الزرق بنفسهم )

الساحر يو : تمام يافرعون

انا : والمفتاح قبل الاخير وهو مفتاح الزمن ..وهيكون مسؤوليتي انا ونور

مي : يبقى كده فاضل مفتاح اخير

انا : وده اصعب مفتاح ... ولازم نكون كلنا هناك مع بعض

الفهد : ولما ناخد المفتاح هنعمل ايه بالظبط

انا : انا اضفت سحر جديد للخواتم بتعتكوا ... اول ماتاخدوا المفاتيح تفتحوا بوابه وترموا المفتاح فيها ... وبعد كده فيه بوابه هتتفتح لأخر مفتاح








في عالم الظلام

بيغاسوس : وايه تاني

الشخص : وبيقول كمان انه هيجمع باقي المفاتيح بنفسه

بيغاسوس : طب كويس انه بلع الطعم ... خلي بقى الروح بتعتنا تتابعه من قريب .. وفي اللحظه المناسبه خليها تاخد مفتاح السحر منهم

الشخص : تمام ياسيدي ...بعد اذنك

...وهنا بيغاسوس بياخد الكلب بتاعه وبيطلع على اعلى برج وبيشوف جيش الظلام الموحد العملااااق وتجهيزاته للحرب



/////////////////////////////////////////////////////////////////////////////////////////////////////////////////////////////////////////////////////////////////////////////////////////

اذيكوا يشباب ... متأخرتش عليكم اهو

وزي العاده توقعوا مين هما الخونه اللي في مجلس الحكم

وازاي الفرعون وصل للقوه دي

وليه عاوز ياخد نور معاه من بين كل الفرقه

وهل حب استيلا للفرعون هيكمل ولا هيروح في طريق تاني

سلااام من الفرعون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الرابع // (مفاتيح سجن الوحوش الجزء الاول )


... بعد ماعرفت كل فرقه هتروح لمفتاح ايه ..عرفتهم كمان اني عملت لبس لكل واحد فيهم ..واللبس موجود في الغرف بتعتهم .. واديتهم ساعتين علشان يجهزوا نفسهم .... وكل واحد راح لغرفته


في قصر مي

ظهرت في جنينة القصر ولقيت اجمل ست قاعده على الشيزلونج ....رحت عندها ولقيتها بتقرأ في كتاب وسرحانه خالص

انا : الجميل بيعمل ايه

سمر : اه .. خضيتني ياوليد .. في حد بيتسحب كدا

انا : عامله ايه ياسمورتي

سمر بترفع الحاجب : انت مش بتسألني عامله ايه غير لما تكون عاوز حاجه

انا : بقى كده يسمورتي ... انا جاي اسأل عليكي يقلبي

سمر : انا كويسه .. انت بقى اللي عامل ايه

انا : يااااااه ( وبنام على الكرسي جنبها ) مسئلتنيش عامل ايه من زمان ... ياما نفسي اصحى من النوم ألاقينا لسه في الفيلا ..وخالو خالد هو اللي بيصحني وبيقولي يلا سمر عملالك الفطار اللي بتحبه

سمر ( قعدت على الكرسي ) : يااااه كل ده في قلبك ..( وبتاخدني في حضنها ) وانا كمان .. خالد وحشني قوي ... وحشني مووووت ( وبتدمع )

انا (جاتلي فكره) : طب احنا ممكن نشوفه

سمر بتقف : ازاي

انا : مش مهم ازاي ... تعالي معايا بس ( وبفتح بوابه وبنختفي )













عند الاميره استيلا

..بعد ماخليت استيلا تكون في فرقة تشارلي .. حست بكسره في قلبها .. واول ماخلصت الكلام بتاعي وخليتهم يطلعوا يجهزوا .. استيلا جريت على غرفتها والدموع نازله من عينها زي الشلال

..ولاحظ تشارلي الزعل اللي كانت فيه وراح على غرفتها وخبط على الباب ..

استيلا ( بصوت مبحوح) : مين !!!

تشارلي ( بيفتح الباب ) : الاميره بتاعتنا زعلانه من ايه

استيلا ( بتوتر ): ها ..لا انا تمام ... معلش اتأخرت شويه علشان بجهز نفسي

تشارلي : انا عارف ان دي اول مهمه ليكي ..وعارف قد ايه بتكون صعبه ... فالو قلقانه ..عادي ..ده شئ طبيعي

استيلا : وبتعمل ايه علشان القلق ده يروح من عندك

تشارلي ( بيقرب منها ) : اول حاجه بناخد نفس كبير ...( وبيقرب منها اكتر ) وبعدين نطلعه ..وناخد نفس تاني ( وبيقرب منها اكتر ) وبعدين نطلعه

استيلا ( بتعمل وراه ): تصدق معاك حق ... التنفس بيقلل الضغط جامد

تشارلي ( مسك ايدها ) : يلا بينا

استيلا : يلا

















عند كيرا في الغرفه

احمد ( بيخبط ) : مش يلا ولا ايه

كيرا : ادخل ياحمد

احمد : مش يلا ياقمر ولا ايه ... اووووو .. ايه الجمال ده

كيرا : جمال ايه بس .. ده ضيق عليا ومش عارفه اتنفس

احمد : ومضغطيش على الزرار ده ليه

كيرا : زرار ايه

..وهنا احمد ضغط على زرار صغير موجود في دراع اللبس ... والبدله بدأت تتظبط على جسم كيرا

كيرا : ايه ده .. وانت عرفته منين

احمد : ياسيتي يلا بينا مش وقته















عندي انا وسمر

.. ظهرت انا وسمر خارج الفيلا القديمه بتعتنا ..

سمر : انت جبتنا الفيلا ليه

انا : تعالي معايا بس

..وبندخل جوه الفيلا وبنسمع انا وسمر صوت عارفينه كويس .. واول ماسمر سمعت الصوت الدموع نزلت من عنيها وجريت عليه ..

سمر برجفه : خخخخا ...خااالد .. انت عايش

..وبتجري علشان تاخده بالحضن .. ولكن بتعدي منه اكنها شبح .. وبتقعد على الارض من الخضه والزعل .. ولكن بروح ليها

انا : متزعليش اوي كده

سمر : ابوس ايدك .. عايزه ألمسه بس ( وبتحاول تبوس ايدي .. ولكن بقومها وباخدها في حضني )

انا بدموع : عارف .. عارف يسمر ... بس مقدرش اعمل كده ... ده اخرنا

سمر : يعني اكون قريبه منه للدرجه دي وماقدرش ألمسه

انا : احنا لو ظهرناله دلوقتي ممكن يحصله حاجه ... وكمان هندمر الخط الزمني بتعنا

سمر : خلاص خليني ابصله وخلاص .. خلي عيني تتمله منه

انا بطبطب عليها : خدي راحتك

سمر : هو احنا ايه اصلا .. هو كده موتنا ولا ايه

انا : لا متخفيش .. احنا دلوقتي مجرد اشباح في الماضي












عند الظل التابع لبيغاسوس

الظل : طب كده كتير لازم اختار فرقه واروح وراها

نفسه : عندك حق ... ممكن نروح وره مفتاح الواقع

الظل : لا .. احنا لازم نستغل اقوى مفتاح ... احنا عندنا فرصه واحده بس

نفسه : يبقى مفتاح الزمن

الظل : مش هينفع

نفسه : عندك حق ... ده الفرعون بنفسه اللي هيروح ليه

الظل : يبقى لازم حد من تبعنا يساعدني

نفسه : وهنعملها ازاي دي بقى

الظل : لو على الاماكن اللي قالها الفرعون .. يبقى مكان مفتاح السحر هو انسب مكان علشان نطلب المساعده منه

نفسه : خلاص يلا بينا












عند مي والسحره الزرق

الساحر يو : معملناش مهمه مع بعض من زمان يا مي

مي : فعلا .. اخر مره كانت في المعبد القديم

الساحر ايرين : يااااه ..دي من مده طويله فعلا

الساحر يارين : ودي المهمه اللي السحر القرمزي كشف عن نفسه جواكي

مي ( بحسره ) : ياريته ماطلع والدنيا فضلت زي ماهيه

الساحر يو : ده قدرك يا مي

مي : عندك حق ... مفيش حد بيهرب من قدره

الساحر ايرين : بس احنا كنا عند وعدنا ... ولا ايه رأيك يا يارين

الساحر يارين : مظبوط كلامك يا أيرين ... فضلنا طول السنين دي بندافع عنك وعن بناتك في الضل

مي : بس انا متلبطش منكو حاجه

الساحر يو : ومين قال انك اللي طلبتي ... ده كان طلب من الفرعون

مي : مش فاهمه

الساحر ايرين : لما الفرعون رجع بالزمن ... قابلنا ايام الحرب العالمية الثانية ... وقعدنا فترة بنتدرب وبنحارب مع بعض

الساحر يارين : وطلب مننا ندافع عن الساحره القرمزيه وبناتها بعد مانخلص التدريب بتعها

مي : ياااه .. ده وليد طلع حنين اوي

الساحر يو : واكتر مما تتخيلي










عند الفهد ومونيكا ومياده

الفهد : انتي متأكده انك الانسب للمفتاح ده بالذات

مونيكا : قصدك ايه

الفهد : قاصدي ان ده مفتاح الواقع ... واحنا مش عارفين ممكن يعمل ايه

مياده : بس ده مش بيجاوب عن سؤالك

الفهد : قاصدي انه ممكن يحول الواقع للحاجه اللي بتخافي منها

مونيكا : يبقى اواجهها

الفهد : انا بقول ده لمصلحتك ... انا خايف عليكي

مياده : متقلقش ... كلنا هنكون في ضهر بعض

مونيكا : عندك حق .... لازم نكون في ضهر بعض

الفهد : طب يلا نشوف سلمى جهزت ولا لسه













عند نور وسلمى

سلمى : اهدي يانور ... انتي هتكوني مع وليد بنفسه

نور : ما هو ده اللي مقلقني

سلمى : قصدك ايه

نور : اشمعنى يختارني انا من بين كل الفرقه

سلمى : اكيد عنده اسبابه

نور : وايه الاسباب دي ... انا لا قويه زي الفهد .. ولا بستعمل السحر زي استيلا ... ولا في قوة العنقاء بتعتك

سلمى ( بتحاول تهديها ) : بس اكيد فيه قوه جواكي ... ووليد عمره ماهيضحي بيكي

نور : بس انا مش خايفه من ده

سلمى : حيرتيني معاكي ... اومال خايفه من ايه

نور : خايفه انه يحتاج مساعدتي وانا معرفش اساعده

سلمى : لا يانور ..هتقدري تساعديه

نور : انتي جايبه الثقه دي منين ... اذا كان انا معنديش الثقه في نفسي

سلمى : علشان انتي اختنا الكبيره ... وهتعرفي تحمينا كلنا












عند سكاي وريفين

سكاي : انا مش عارف ازاي الفرعون يحطني انا وانت معاهم عادي كده

ريفين : علشان كذه سبب

سكاي : وايه هي

ريفين : مثلا علشان احنا حاربنه معاه ... اه ولا علشان المملكه بتعتنا اتدمرت بسبب بيغاسوس والخدام بتوعه ..ولا ايه ولا ايه

سكاي : بس برضه ده ميدلوش الحق انه يثق فينا كل ده

ريفين ( بيقف وبيمد ايده لسكاي ) : يلا بينا يا سكاي ... لازم نساعد الفرعون ... لازم نوقف بيغاسوس حتى لو على موتنا












عند تيريون ومياده

تيريون : انتي واثقه انك هتاخدي بالك منهم

مياده : متخفش .. مونيكا وسلمى هيكونوا في عنيا

تيريون : انا اكتر حاجه خايف منها ان مونيكا تفقد السيطرة على نفسها

مياده : متقلقش .. الفهد هيكون معانا .. وهو عرف يفوقها قبل كده

تيريون : بس خدي حذرك برضه ...القوه والجبروت اللي عند مونيكا ماتفجرش لحد دلوقتي

مياده : منا خدت بالي لما حصلت اخر مره

تيريون : ازاي

مياده : كانت هتقتلني بس












عندي انا وسمر

.. بعد مرور وقت كبير واحنا بنتابع خالي خالد واحنا في هيئة اشباح ..

انا : مش كفايه

سمر : عندك حق .. انا مبقتش مستحمله اشوفه من غير مالمسه او اكلمه

انا : طب يلا بينا

.. وبفتح بوابه وبندخل فيها ... وبنطلع في القصر وبيكون غاده وشروق ويمنى قاعدين مع بعض ..

شروق : كنتوا فين

سمر : يااااااه .. كنت بشوف قلبي .. بس قلبي مش عاوز يشوفني

غاده : مالها دي

انا : انا هخدها ترتاح شويه

.. وبطلع سمر لاوضتها ترتاح .. وبنزل ليهم تاني ..

انا : ممكن تاخدوا بالكم منها اليومين دول

شروق : انت هتوصينا على سمر

انا : مقصدش كده بس

غاده : متقلقش دي صحبتي وهاخد بالي منها كويس

يمنى : هو انتو رايحين فين كلكو

انا : رايحين نجيب حاجه مهمه اوي

.. وبودعهم كلهم وبرجع للحصن تاني ..









حصن الفرعون

انا : جاهزين يا أبطال

الكل : جاهزين يافرعون

انا : اهم حاجه تاخدوا بالكم من بعض ... عايز الكل يرجع تاني .. مش عايز خساير

الكل : متقلقش يافرعون

.. وكل فرقه فتحت بوابه لعالم المفتاح بتعها ..













عالم مفتاح الانتقال ... فرقة تيريون واحمد وكيرا

..ظهروا في العالم الجديد على كوبري ممتد في الفراغ .. والكوبري معمول من كريستال شفاف .. وألوان الطيف السبعه ملوناه ..

تيريون : هنبدأ منين .. وايه الكوبري اللي احنا عليه ده

كيرا : مش عارفه .. وبعدين ده شكله مريب اوي

احمد : ياراجل ... يعني انت مش عارف احنا فين

تيريون : وهعرف منين ..هو انا جيت هنا قبل كده

كيرا : اوعى تكون عارف احنا فين

احمد ( بيشد في شعره ) : لاااااا .. مش مصدق

تيريون : ماتهدى يعم شويه وقولنا احنا فين

احمد ( بيشاور على المدينه ) : يعني انت مش عارف ايه المدينه دي

تيريون : يلا بينا ياكيرا احنا

كيرا : عندك حق ... ده شكله اتجنن

... وخدوا بعضهم وسبقوا احمد على الكوبري ... واحمد بيجري وراهم وبيشد في شعره من الجنان اللي هما فيه ...

احمد : طب استنوا طيب ...هقولكم احنا فين ... يعم استنى انتى راكب موتوسيكل

..وفعلا تيريون وكيرا وصلوا لاخر الكوبري .. واستنوا احمد ..

تيريون : قول يعم احنا فين

احمد : هو انتوا بتتكلموا بجد .. انتو عمركوا ماسمعتوا افلام خالص

كيرا : يووووووه بقى ... اديه رجع يهزر تاني

تيريون : هتتكلم ولا ارجعك للعالم بتعنا تاني

احمد : خلاص يعم هقول ... احنا في....( وبيتشل من اللي بيشوفه )

تيريون : ماتتكلم يابني .. القطه كلت لسانك

احمد : ده ..ده .. هايمد... هايمد...

كيرا : مالك يابني ...ايه اللي جرالك

احمد ( بيشاور وراهم ) : هايمدال ... حارس اسغارد وراكم

..وهنا تيريون وكيرا بيبصوا وراهم وبيشوفوا .. راجل طويل عملاق ..لابس درع ذهبي .. وماسك سيف عملاق .. وواقف على اخر الكوبري قدامهم

تيريون : ياساتر ... مين ده

احمد : يعم قولتلك اسمه هايمدال .. وهو حارس العالم تقريبا

كيرا : وعرفت الكلام ده منين

احمد : نهار اسود .... انتو مشوفتوش اي افلام لثور خالص ... ولا حتى قريتوا عن المثيلوجيا النورديه

تيريون : يعم هو احنا كنا فاضيين للقرايه ولا للافلام ... وبعدين مش وقته ... ده داخل علينا علشان يموتنا

احمد : طب اعملوا زي ما هعمل بالظبط

تيريون وكيرا : تمام

هايمدال : انتو مين وعايزين ايه

احمد : سيدي هايمدال .. حامي آسغارد وحارس جسر بيفروست ... ولدت في الايام الاولى وازدادت القوى لرغبة الملك اودين ... امهاتك التسعه من عتبة ميدغارد لتعطى الولاده للمسلح الاعظم

هايمدال ( نزل سيفه ) : وعايز ايه يا بشري

احمد : طامعين في كرمك وتورينا اسغارد ... تورينا ارض الملوك

هايمدال : من اجل تضرعك ده ... انا هوريكم اسغارد بنفسي ... تعالوا معايا

تيريون ( بيهمس ) : هو ايه الكلام اللي قالهوله ده

كيرا : مش عارفه ... ممكن تكون تعويذه















مفتاح الواقع ... فرقة مونيكا والفهد ومياده وسلمى

..ظهروا في عالم جديد .. واتخضوا من اللي شايفينه ..

مياده : ينهار اسود .. ايه ده

سلمى : انتوا متأكدين ان هو ده العالم

مونيكا ( بتبص على شاشة على دراعها ) : اه هو ده

سلمى : طب ازاي ... ازاي

مونيكا : مفيش غير اجابه واحده بس منطقيه

مياده : اكيد كسب الحرب

.. وبيكونوا في مدينة شبه لندن .. وأعلام النازيه ( بتاعة هتلر ) متعلقه في كل مكان ..

الفهد : اهدوا كده وركزوا في المهمه بتاعتنا

مونيكا : عندك حق ... وطبعا المهمه دي هتحتاج للخفه والحركه بسرعه اكتر من القوه

سلمى : مش تلفي وتدوري على الفاضي ... قصدك محتاجه جواسيس

مياده : طيب .. يبقى هنقسم نفسنا لفرقتين بحث

مونيكا : هروح انا والفهد لألمانيا ... وانتي وسلمى هتدوروا هنا في لندن

سلمى : تمام ... يلا بينا

... ومونيكا بتفتح بوابه وبتدخل فيها هي والفهد وبيختفوا ...

مياده : طب يلا نبدأ احنا

سلمى : هنبدأ منين

مياده : من قصر باكنغهام طبعا

سلمى : طب وانت عارفه هندخله ازاي ..ولا هنستعمل القوه

مياده بابتسامه : طبعا عارفه ... يلا بينا

.. وبتفتح مياده بوابه وبيدخلوا فيها .. وبيظهروا في نفق تحت الارض ..

سلمى : احنا فين

مياده : احنا تحت القصر .. والانفاق دي اتعملت ايام الحرب الاولى علشان العائلة الملكية تعرف تهرب من القصر

سلمى : وانتي عرفتي الكلام ده منين

مياده : انتي ناسيه اني بشتغل في المخابرات

سلمى : اه صحيح .. طيب وهنعمل ايه دلوقتي

مياده : تعالي معايا

.. وبيخرجوا من باب سري في النفق على القصر .. وبيدوروا على غرفة الملك .. وبيلاقوه فعلا نايم ..

مياده : عايزك تحرسي الباب .. مش عايزه حد يدخل لينا ابدا

سلمى : حاضر

.. ومياده بتدخل للملك وبتصحيه ..

الملك : انتي مين ...... يا حارس

.. مياده بتطلع سيف وتحطه على رقبته ..

مياده : لو اتكلمت من غير اذني تاني رقبتك هتطير .. فاهم

الملك بيهز راسه : فاهم

مياده : مين هو حاكم العالم ده

الملك : هيكون مين غيره

مياده : وهو فين

الملك : موجود في القصر بتاعه .. قصر البرغهوف

مياده : شكرا للمعلومه ..( وبتقطع راسه .. وبتطلع لسلمى )

سلمى : خلصتي

مياده : اه يلا بينا

.. وبتفتح بوابه وبيدخلوا فيها .. وبيظهروا في قصر هتلر .. وبيترعبوا من اللي بيشوفوه ..

..بيلاقوا مونيكا والفهد متحاصرين في وسط الساحه .. وحواليهم عساكر من كل ناحيه .. وهنا مياده وسلمى اختفوا وظهروا عندهم ..

مياده : ايه اللي بيحصل

مونيكا : مش عارفه .. بس استعدوا للهجوم

.. وهنا سلمى اتحولت للعنقاء الناريه وطلعت نار حواليهم زي الحاجز .. ومره واحده سابت النار على العساكر .. ومونيكا طلعت القوس وفضلت تضرب عليهم سهام ناريه من كل ناحيه

.. ولما العساكر حاولت تضرب عليهم رصاص .. الفهد عمل درع عليهم .. ومياده اتحكمت في الرصاص وضربتهم على العساكر من تاني .. وخلصوا عليهم كلهم ..

مونيكا : يلا بينا بسرعه ... انا شوفته في المكتب بتاعه

مياده : شوفتي ايه

الفهد : كنا قريبين منه جامد .. بس استخدم المفتاح والعساكر ظهروا من كل حته

سلمى : طيب يلا بينا بسرعه

.. وبيروحوا لهتلر في المكتب بتاعه داخل القصر .. وبيحاصروه من كل ناحيه ..

مياده : استسلم وسلم المفتاح

الفهد : انت خسرت قبل كده .. وهتخسر في كل مره

هتلر بضحك : انتوا فاكرين انكو كسبتوا ... انا ممكن افضل اعمل كده طول اليوم

مونيكا : واحنا كمان

هتلر بغضب : يبقى هنسيكم نفسكم














مفتاح السحر ... فرقة مي والسحره الزرق

.. بتظهر مي والسحره الزرق في العالم الجديد .. وبيتصدموا من كثافة السحر اللي موجوده في العالم ده ..

مي : ايه كمية السحر ده

الساحر يو : ياااااه .. انا مشوفتش كثافة السحر دي من ايام الملك اراغون

مي : يعني ايه ... يعني الملك اراغون كان بيستخدم مفتاح السحر !!!

الساحر يارين : محدش يعرف ... خلينا في المهم

الساحر ايرين : هنقسم نفسنا .. ولا هنعمل تعويذة تحديد المكان

الساحر يو ( بابتسامة ): وانت بتفكر في ايه

مي : اكيد هنعمل التعويذه يعني ... يلا بقى بسرعه

الساحر يو : التعويذه دي محتاجه اتحادنا كلنا

الكل : تمام ..يلا بينا نعملها

..وهنا السحره الزرق اتحدوا مع بعض في شكل مثلث .. ومي الساحره القرمزيه واقفه في النص ..

السحره الزرق باللغه الرونيه القديمه : ذا كي اوف هانت

.. وبيطلع منهم موجه سحريه زرقاء في اتجاه مي ..

الساحره القرمزيه باللغه الرونيه القديمه : تراك ذا كي

.. والموجه الزرقاء بتدخل فيها .. وبتطلع منها موجه سحريه قرمزيه عملاقه ..بتلف العالم كله .. وبترجع ليها تاني .. ومكان المفتاح بيظهر على الشاشه اللي معاهم

..وبيفتحوا بوابه وبيدخلوا فيها .. وبيظهورا في مكان المفتاح ..

مي : المفتاح موجود مع الشخص ده

الساحر يو : تعالوا نجيبه يلا

.. وبيروحوا للشخص ده .. وبيحاولوا ياخدوا منه المفتاح .. بس الشخص بيقاوم وبيبعد عنهم .. وبيستعد للهجوم ...

الشخص : اسبوتيفاي

.. وهنا السحره الزرق صدوا الهجوم .. ومي عملت تعويذه شلل عليه .. بس الشخص صدها بسهوله جدا ..

الساحر يو : احنا كده هنفضل كتير .. ممكن نتكلم

الشخص بهدوء : انتو مين الاول ... وليه عايزين المفتاح

الساحر يارين : مش مهم احنا مين .. بس المهم اننا محتاجين المفتاح ده جدا

الشخص : بس انا مستحيل اديهولكم

مي : يبقى هناخده بالعافيه

.. مي باللغه الرونيه الجديده : كروشيو ..

.. وهنا الشخص صدها .. واتنرفز جامد جدا ..

الشخص : انتوا ازاي تستخدموا السحر الاسود من تاني ... ازاي

مي : سحر اسود ايه

الساحر يو : شكل التعويذه دي من السحر الاسود اللي عندهم

الشخص بغضب : هقتلكم .. هقتلكم يا أكلي الموت















عالم مفتاح الارواح ... فرقة تشارلي واستيلا وسكاي وريفين

..بيظهروا في العالم الجديد .. وبيتصدموا انهم في هيئة اشباح ..

استيلا برعب : احنا موتنا ولا ايه

تشارلي : اهدوا يجماعه ..ده مجرد اسقاط نجمي لاجسامكم

سكاي : يعني ايه

ريفين : يعني اجسامنا زي ماهي في العالم بتعنا

تشارلي : ولازم تسيطروا على اجسامكم علشان تعرفوا تمشوا كويس

استيلا : هو احنا فين اصلا

تشارلي : اكيد في العالم السفلي ... عالم الارواح الاخير

سكاي : وايه اللي مخليك متأكد كده

تشارلي : علشان في كل العوالم الموازيه مفيش غير عالمين سفليين بس .. واحد عندنا في العالم ..وده التاني

ريفين : مش كفايه كلام بقى وندور على المفتاح ده

تشارلي : يلا بينا

... وبيبدأو يدوروا في العالم السفلي .. وبيشوفوا مبنى عملاق زي برج خليفه .. وفيه طابور من الارواح واقف قدام البوابه بتعته ..

تشارلي : انتو واقفين كده ليه

روح : بناخد تذكره لحفلة بليل

استيلا بصدمه : ايه

روح : ايه اللي ايه ... اه اصل مايكل جاكسون هيغني بكره

تشارلي : انت بتقول ايه

الروح : يعم فكك مني بقى ... اسأل حد تاني

سكاي : ايه العالم ده يعم .. احنا فين

تشارلي : طب بعد اذنكم بقى

استيلا : رايح فين

تشارلي : هجيب تذكره 🤣

استيلا : انت بتهزر يا تشارلي .. احنا في ايه ولا في ايه

تشارلي : عليا الطلاق لو الفرعون بنفسه اللي هنا لهحضر الحفله ... انتي بتقولي ايه .. ده مايكل جاكسون

ريفين : طب والمهمه

تشارلي بخبث : يابني انت سامعني .. بقولك مايكل جاكسون .. يعني اكيد حاكم العالم ده هيكون موجود فيها

سكاي : ومين مايكل جاكسون ده كمان

تشارلي ( بيجيله اشتباه شلل ) : انت بتقول ايه

... وبيقفوا في الطابور .. وفعلا بياخدوا تذاكر للحفله .. وبيستنوا لتاني يوم ... وبيفضلوا يستعدوا ....












مفتاح الزمن ... فرقتي انا ونور

.. ظهرنا في العالم الجديد .. وكنا في وسط التلج .. وكانت فيه عاصفه كبيره .. ودرجه الحراره مميته ..

نور بتترعش : انت جبتنا فين

انا : هو ده العالم اللي فيه مفتاح الزمن

نور : طب ودينا ليه ... انت جايبنا في وسط التلج ده ليه

انا : طب ماتفتحي بوابه وتنقلينا من هنا

.. وهنا نور بتحاول تفتح بوابه .. ولكن الخاتم مش بيستجيب ليها ..

نور : هو فيه ايه .. الخاتم مش شغال ليه

انا : مش هيستجيب غير لما قوتك الحقيقيه تطلع

نور : قوة ايه اللي تطلع .. انا روحي هتطلع من البرد

.. وفعلا جسمها كان بردان جدا .. وشفايفها ازرقت من البرد .. وهنا قلعت اللبس بتاعي من فوق ولبستهولها .. ووقفت عريان من فوق ...

نور : انت بتعمل ايه .. انت كده هتموت

انا : متخفيش عليا

نور ( بتدأت تدفا ) : ازاي يعني مخفش عليك .. دي حاجه من قوانين الطبيعة .. يعني مش هتعرف تكسره بالسحر

انا : ومين قال اني بستخدم السحر علشان اتدفا

نور : اومال بتعمل ايه ..( وبتقرب مني وبتحسس على جسمي وبتلاقيني ساخن )

انا : قولتلك متخافيش عليا

نور : طب ازاي ...( وايدها بتيجي على الجروح القديمه اللي موجوده على جسمي ) ... وايه الجروح دي

انا : اهي الجروح دي اللي بتفكرني بأصلي كل مره بخلع هدومي فيها .. مثلا الجرح ده كان اول واحد يعلمني درس مهم جدا

نور : درس ايه

انا : كانت اول مهمه اعملها في حياتي .. وكانت مع خالو خالد .. والجرح ده علمني اني مأمنش لعدوي ابدا .. حتى لو كنت رابطته وماسكه قدامي

نور : انت تعبت جدا في حياتك ياخويا .. ( وبتاخدني اول حضن احس بيه باختي فعلا في حياتي كلها )

انا بدمع : طب يلا بينا خلينا نخلص ونروح للمفتاح

نور : المفروض اعمل ايه

انا : انا عرفت انك المفروض تكوني حائكة تعويذات

نور : يعني ايه

.. وهنا استعملت سحري .. وظهرت اشعة السحر اللي في المكان قدامها ..

انا : شايفه أشعة السحر دي

نور : اه

انا : المفروض ان حائكة التعويذات بتعمل تعويذات جديده .. وبتعمل التعويذات دي من اشعة السحر دي

نور : وهعمل كده ازاي

انا : بتربطيهم مع بعض في اشكال معينه

نور : بس انت برضه مجوبتنيش ... احنا موجودين في وسط التلج ده ليه

انا : علشان الحراره القليله هي اهم سبب في نجاح حائكة التعويذات

.. وبدأت اعلمها تعمل التعويذات ازاي .. وفعلا عملنا تعويذات جديده وقويه جدا ..

.. وفتحت بوابه ودخلنا فيها .. وظهرنا في شارع بليكر في مدينة نيويورك ..

نور بتصوت : ايه ده ... احنا في نيويورك ..( وبتحضني جامد )

انا : وغير كده احنا هنقابل الهيرو بتاعك

نور : قصدك مين

انا : هيكون مين غيره ..( وبشاور على مبنى في اخر الشارع .. وبيكون مألوف جدا لنور )

نور : اوعى تكون بتهزر ... احنا هنقابل استرنج بنفسه

انا : مش عارف هنقابل اي نسخه منه ... بس هنقابله فعلا ... يلا بينا

... وبنروح لمبنى سانكتم سانتورم .. وبندخل فيه .. وبنلاقي سلم طويل واصل للسحاب في وسط المبنى ...

نور بخوف : ده شكله سترنج الشرير

انا : متخافيش .. تعالي نطلع

... ولكن بلاقي دكتور استرنج نازل من السماء وهو طاير .. ولابس العباءة الحمرا بتعته .. وشكله مهيب جدا ...

دكتور استرنج : اهلا بيك يافرعون .. واهلا بالانسه نور

انا : انت تعرفنا ؟؟؟!

سترينح : طبعا اعرفكم كويس ... دي الحرب اللي كانت بينك وبين بيغاسوس وصلت للعوالم كلها

انا : طيب حيث كدا بقى انت لخصت علينا كلام كتير ... ممكن المفتاح

سترنج ( بابتسامه شر ) : لا

انا : هو ايه اللي لا ... طالما انت عارف ايه اللي بيحصل في العوالم التانيه .. يبقى خلص وادينا المفتاح قبل ما بيغاسوس ياخده منك

سترنج ( بياخد وضع الهجوم ): خليه يحاول


يتبع ..........


/////////////////////////////////////////////////////////////////////////////////////////////////////////////////////////////////////////////////////////////////////////////////////////

توقعوا مين اللي هينجح في المهمه بتعته .. وياخد المفتاح بنجاح

ومين هو الشخص اللي معاه مفتاح السحر

وهل الظل هيتدخل فعلا وياخد مفتاح السحر

انتظروني في الجزء الثاني من مفاتيح سجن الوحوش

سلااام من الفرعون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الخامس / مفاتيح سجن الوحوش الجزء الثاني






مفتاح الانتقال ... فرقة تيريون واحمد وكيرا

... وقفنا في الجزء اللي فات لما هايمدال خد الفرقه علشان يوريهم اسغارد .. وفعلا خدهم على مدينة الملوك ...

احمد ( فاتح بقه ) : اوف ايه الجمال ده

تيريون : عندك حق ... الجمال ده مشفتوش قبل كده

كيرا : وافلام ثور اللي قولت عليها وصفت الجمال ده

احمد : وصفت جمال ايه ... دول لو قعدوا ١٠٠ سنه مش هيوصفوها

هايمدال : افلام ايه دي

احمد : لا ولا حاجه ... ممكن تورينا قصر الملك اودين

هايمدال : من اجل تضرعك اللي عملته .. اكيد

احمد : متشكر جدا ليك ياحارس الملوك

كيرا ( بتهمس لتيريون ) : هو الواد ده اتجنن

تيريون : طالما احنا لسه عايشين يبقى خلينا نمشي وراه للأخر

..وفعلا خدهم على قصر الملك اودين .. وفضلوا يلفوا في القصر ويشوفوا جماله وسحره ..

تيريون : مش كفايه مشي بقى ونعمل اللي جايين علشانه

احمد : يعم اهدى شويه انا خلاص هخليه يتبناني 😂😂

كيرا : احنا مش بنهزر ... عايزين نخلص علشان نروح للمفتاح اللي بعده

هايمدال ( من بعيد ) : مفتاح ايه اللي بتقولوا عليه ده

احمد ( بسرعه ) : لا دول يقصدوا مفتاح البيت بتعنا .. معلش اصلوا ضاع منها وبتقول عايزين نعمل واحد تاني

هايمدال : طيب ... كده خلاص الجوله بتعتكم انتهت ... يلا علشان ترجعوا للعالم بتعكم

احمد : طب ممكن اخر طلب .. تحكيلنا عن الحروب العظمى اللي شاركت فيها ... وجبت النصر لمملكه اسغارد

هايمدال ( بابتسامة فخر ) : طبعا .. تعالوا معايا

...وخدهم هايمدال على جسر بفروست ، وقعدوا قدامه يسمعوا قصص الحروب اللي شارك فيها ، وطبعا احمد قاعد مذهول من اللي بيسمعه ، وتيريون مبضون وعايز يخلص من الحكايه دي ، وكيرا كل اللي بتعمله هي نظرتها الساحره لاحمد ...

تيريون ( بهمس ) : مش هنخلص ولا ايه

كيرا : ششششش ،، خلينا نسمع القصص بتعته ( وبتبص بتوهان لاحمد )

تيريون : انتي بتبصي على ايه .. الراجل بيتكلم الناحيه دي ( وبيعدل راسها )

كيرا : يعم سبني .. انت مش شايف الواد ساحرله ازاي

تيريون : ساحر ايه

كيرا : احمد قاله كلمتين خلاه زي الخاتم في صباعه ( وهااح 🥺 )

تيريون : يادي المصيبه السودا ...ايه الفرقه اللي وقعت فيها دي


.... وبعد ما هايمدال خلص حكي القصص عن الحروب بتعته ، احمد طلب منه طلب تاني ...

هايمدال : كفايه كده لحد دلوقتي ، انتو لازم تمشوا من هنا قبل ما ثور او الملك اودين ييجوا

احمد : بس احنا بقينا أصدقائك وعايزين نقعد معاك كمان شويه

هايمدال ( بفرحه ) : انتو اصدقائي انا

كيرا : طبعا بقينا اصدقائك

هايمدال ( بيقلب جد ) : لا انا مليش اصدقاء .. انتو لازم تمشوا دلوقتي

.. وبيوجه السيف بتاعه على تيريون ، وبيطلع منه شعاع ، ولكن تيريون بيختفي بسرعه من قدامه وبيظهر على الناحيه التانيه من الجسر ..

هايمدال ( بصدمه ) : انت عملت كده ازاي

احمد : دي قوته .. زي ما قوتك انك بتشوف مسارات الطاقه بين الابعاد

هايمدال : بس القوه اللي عنده دي اختفت من زمان ... من زمان خالص

تيريون ( اختفى وظهر عندهم ) : يعني ايه اختفت من زمان

هايمدال : القوه بتعتك دي من المسافرين الاوائل

احمد : يعني ايه

تيريون : وازاي قوة المسافرين الاوائل جت عندي

هايمدال : وانا هعرف منين ... ( وبيقعد مكانه ) انا اخر واحد شوفت عنده القوه دي كان ..( وبيبتسم بدموع )

احمد : كان مين

هايمدال : كان اعز صاحب ليا

تيريون : ومات ازاي

هايمدال : معرفش اذا كان مات ولا لا

تيريون : اومال ايه اللي حصل

هايمدال : اختفى ومظهرش تاني

تيريون : يعني انت تقصد ان كل المسافرين اختفوا ومظهروش تاني ابدا

هايمدال : اه ... بس قالي على حاجه قبل مايختفي

كيرا : ايه

هايمدال ( خلع سلسه وكان فيها مفتاح الانتقال ) : قالي لما مسافر تاني يجيلك اديله المفتاح ده

تيريون : وهعمل بيه ايه

هايمدال : معرفش ..هو قالي المسافر هيعرف لوحده

..تيريون خد منه المفتاح ، ولكن عنده اسأله كتير جدا ..

هايمدال : كده بقى انتو لازم تمشوا دلوقتي

احمد وكيرا ( مصدومين انه ادلهم المفتاح ببساطه) : عندك حق

... وودعوا هايمدال .. وتيريون لمس الخاتم بتاعه ، وفيه بوابه اتفتحت ، فرمى المفتاح فيها وقفلت تاني ... وظهرت بوابه تانيه فدخلوا فيها ...

















مفتاح الواقع .... فرقة مونيكا والفهد ومياده وسلمى

...وقفنا في الجزء اللي فات لما الفرقه وقفت قدام هتلر وأمرته انه يستسلم .. بس هتلر استخدم مفتاح الواقع في اخر لحظه ...


في مكان ما داخل قصر هتلر
.. مونيكا لابسه لبس خدامه ، وماسكه قماشه وبتمسح مراية الحمام .. وبتدخل عليها واحده ست

الست : انتي يازفته لسه مخلصتيش

مونيكا : انا اسفه يهانم ، معتش غير المرايه دي

الست : يعني التانيين خلصوا ..( مونيكا هزت راسه بنعم )

.. الست راحت عند المرايه ، ومسحت بصابعها عليها وشافت بقعه .. فراحت عند مونيكا وضربتها كف وقعتها على الارض .. وداست برجلها على راس مونيكا

الست : انتي مجرد حشره افعصها تحت رجلي ، المرايات دي تتنضف من تاني .. سامعاني

مونيكا ( بدموع ) : حاضر يهانم



عند المطبخ داخل القصر
مياده وسلمى لابسين خدم برضه ، وبيقطعوا خضار للطباخ ، ولكن الطباخ زعق ليهم علشان قطع الخضار كبيره

مياده : انا اسفه .. هاعملهم بسرعه

الطباخ : بسرعه يحيوانه .. الغداء بتاع الملك كمان نص ساعه ... وانتي يابت اندهي لواحده من الخدم علشان تساعدكم بسرعه

سلمى : امرك يسيدي

..وبتطلع سلمى للقصر وبتشوف مين في الخدامين فاضي ، وبتشوف بنت خارجه من الحمام فابتروح ليها ..

سلمى : انتي فاضيه

البنت : اه فاضيه .. محتاجه حاجه يا

سلمى : انا اسمي سلمى ... تعالي معايا علشان محتاجينك في المطبخ .. هو انتي اسمك ايه

البنت : انا اسمي مونيكا

... وراحت مونيكا معاها وطبعا مش عارفين بعض ... وبيحضروا الغداء سوا ، والطباخ بيطلب من مونيكا تشيل الاكل مع الويتر ...

مياده : انا حاسه اني شوفت البنت دي قبل كده

سلمى : وانا كمان ... زي احساسي لما شوفتك اول مره برضه

مياده : غريبه




داخل جنينة القصر
..واقف الفهد بلبس المزارع وبيرش ميه على الزرع ، وبعدين بيقص الشجر بالمقص الكبير ، وبيغني بصوت حلو اوي ..وبتاخد بالها مونيكا منه وهي شايله الاكل وراحه تحطه على سفرة الاكل ..

.. ومونيكا بتحط الاكل على السفره .. وبترفع راسها وبتبص وراها وبتشوف حاجه خليتها تنزل دمعه من عينها .. وبتفوق مونيكا بتلاقي الدموع نازله على وشها

مونيكا : حتى وانتوا ميتين بتحموني

نفسها : وجه دورك انك تحمي صحابك

...وبترجع مونيكا تاني ، وبتسحب الفهد من تحت الشجره وبتعمل عليه تعويذه ...

مونيكا باللغه الرونيه القديمه : وايك أب مورون

..ومره واحده بيفوق الفهد بشرقه من الوهم اللي كان فيه ..

الفهد : ايه اللي حصل

مونيكا : شكل هتلر دخلنا في وهم .. تعالى معايا بسرعه علشان نفوق مياده وسلمى

الفهد : يلا بينا

... وفعلا دخلوا المطبخ بسرعه ، والفهد رزع الطباخ على دماغه خلاه يفقد الوعي ، ومونيكا عملت التعويذه عليهم وفوقتهم ...

مياده : انا فين .. ايه اللي حصل .. وايه اللبس ده

مونيكا : احنى دخلنا في وهم ... اجهزوا بقى علشان نخلص عليه المرادي

الفهد : بس انا عندي سؤال ... انتي ازاي فوقتي من الوهم ده

مونيكا ( بابتسامة حزن ) : شوفتهم ... شوفت خواتي وامي

سلمى : يعني ايه

الفهد ( فهم ) : يعني شافت عيلتها وهي في الجنينه

مياده : مش فاهمه برضه

مونيكا : اخر مره شوفت عيلتي فيها ، كنا بنتغدى كلنا مع بعض ... ومن شويه لما بصيت على عيلة هتلر افتكرتهم .. والدموع اللي نزلت مني خلتني افوق من الوهم

سلمى : طيب يلا بينا ( وبتتحول للعنقاء الناريه )

مونيكا بشر : يلا بينا

... وبيطلعوا الكل يقتلوا في اي حد يقابلهم ... ولما مونيكا شافت الست اللي كانت بتعذبها ، راحت ليها ...

الست برعب : انتي ايه

مونيكا بشر : انا نهايتك ..( وفضلت تضرب فيها لحد ما كسرت ايديها ورجليها .. والست قاعده تصوت ومش عارفه تهرب منها )

مونيكا ( طلعت القوس والسهم ) : بقى انتي كنتي بتذليني انا ... ( ورفعت الفستان بتعها ورشقت سهمين في طيزها .. وسابتها تصوت من الالم )

وعند سلمى كانت وصلت لهتلر وعيلته فعلا .. وهتلر كان هيستخدم المفتاح تاني .. بس الفهد استخدم سرعته القصوى وخد منه المفتاح في لحظه واحده

ولسه هتلر هيهرب ، ولكن سلمى فتحت عليه نار العنقاء من كل ناحيه ، وسيحتهم في بعض .

مونيكا : كده خلصنا ... حد عايز ينتقم من اي خول هنا

الباقي : لا كده حلو

... وهنا مونيكا لمست الخاتم وظهرت بوابه ، فرمت المفتاح فيها والبوابه قفلت ... وظهرت بوابه تانيه دخلوا فيها ....














مفتاح السحر ... فرقة مي والسحره الزرق
..وقفنا في الجزء اللي فات لما مي والسحره الزرق هجموا على الشخص اللي معاه مفتاح السحر ..ولكن الشخص صد الهجوم بتعهم ...

مي باللغه الرونيه الجديدة : كروشيو

الشخص ( صدها ) : انتو ازاي بتستخدموا السحر الاسود من تاني .. انا هقتلكم يا أكلي الموت

الساحر يو : مين دول اللي أكلي الموت ... انت بتقول ايه

الشخص ( هاجم من غير كلام ) : ماغنيتوا

... وهنا الساحر ايرين عمل درع حواليهم ... والساحر يارين عمل شراره بسحره ... والساحر يو ضرب الشراره دي وعمل منها برق عملاق ... ومي وجهة البرق على الشخص ده ...

... ولكن ظهر من ورا الشخص مجموعه من السحره .. وعملوا درع قدام الشخص ، وصدوا الهجوم ...

واحده : فيه ايه يا هاري ... ودول بيهاجموك ليه

هاري : مش عارف ... بس دول بيستخدموا السحر الاسود ... لازم نخلص عليهم يا هرميوني

هرميوني : ازاي ... يعني ايه ... يعني أكلة الموت رجعوا تاني

هاري : مش عارف

.. وهنا مي كانت عامله هجوم عليهم وقدرت تكسر الدرع بتعهم .. ولكن هرمويني ردت الهجوم بسرعه ..

هرميوني : ونغارديوم لفيوسا ( حبيبي بتوع البوترهيد اللي هيفهموها 🙂🙂)

...وهنا مي اترفعت في الجو بسبب هرمويني ، ونزلتها هبد على الارض ...

هرميوني لرون : شوفت لما تقولها صح ده اللي بيحصل

رون : مكنتش مره اللي قولتها غلط ..

... ولكن بيشدها ناحيته بسرعه علشان كان فيه هجوم عليها ...

..وفي الوقت ده مي كان مغمى عليها ، وكانت بتحلم انها دخلت على بناتها وكانوا بيتفرجوا على فيلم ..

مي : انتو بتتفرحوا على ايه

سلمى : ده فيلم حلو اوي يماما ... الناس فيه بيستخموا السحر وحاجات خياليه

مي بتوتر : سحر ... ايه الكلام الفاضي ده ... قوموا ذاكروا وشوفوا وراكم ايه

سلمى : حاضر ..هنسمع بس الحته دي وهنقوم ... وفعلا مي قعدت تتفرج معاهم لحد اخر الفيلم ...



الساحر يو : اصحي يامي ... فوقي

مي ( بتصحى بشرقه ): ايه اللي حصل

الساحر يو : احنا بنحاربهم من زمان ومحدش فينا قادر انه يهزمهم

مي ( افتكرت كل حاجه ) : لحظه واحده ... دول مش اشرار ... استنوا كل واحد يوقف الهجوم

الساحر ايرين : انتي بتقولي ايه ... احنا لو وقفنا دلوقتي هيموتونا

مي : دول مش اشرار

الساحر يارين : يعني ايه

مي ( بتعلي صوتها ) : احنا مش اكلي موت زي ما بتقول ... مش انت هاري بوتر ... اللي قتلت امير الظلام اللي اسمه فولدمورت

كل اللي عند هاري : هههههههم

هاري : ازاي تقولي كده ... ده اسمه مش بيتنطق هنا

مي : اه اسفه عندك حق

هاري : انتوا هنا ليه بقى

مي : احنا من عالم تاني ... ومحتاجين المفتاح بتاعك علشان نحارب ملك الظلام اللي موجود في العالم بتعنا

الساحر يو : انتي بتقولي ايه

مي ( بتشاورله يسكت ) : هاتعمل ايه يا هاري

هرمويني : انتي بتكذبي

مي : يعني لو انا بكذب يبقى المفروض معرفش عنك حاجه .. صح ولا لا

هاري : وتعرفي عني ايه

مي : اعرف انك كسرت العصايا الاقوى علشان محدش يستخدمها تاني

هاري بصدمه : انتي عرفتي الحكايه دي منين

مي : قولتلك انا من عالم تاني وعارفين عنك كل حاجه ... ولازم تديلنا المفتاح بتاعك علشان نحارب ملك الظلام

هاري ( بعد تفكير ) : انا موافق

هرميوني : انت بتقول ايه

هاري : هي فعلا صادقه ... ومحدش يعرف عن كسر العصايا غيري انا وانتي ورون بس

... وفعلا هاري بيطلع المفتاح وبيوجهه بالعصايا بتعته لمي ... ولكن بتظهر بوابه سودا من وسط الفراغ وبيطلع منها شخص شبه اللورد فولدمورت .. وبياخد المفتاح ...

.. وكل اللي تبع هاري اترعبوا واتشلوا من الصدمه .. وهنا السحره الزرق حاولوا يهجموا عليه بسرعه .. ولكن اللورد رد عليهم بهجوم اسود .. ورجع للبوابه تاني واختفى ....

والساحر يو بص وراه لقى الساحر يارين صدره مخروم بسبب الهجوم اللي عمله اللورد عليهم .. والساحر يارين وقع مكانه ومات في لحظتها والباقي واقف مذهول

ولكن مي لمست الخاتم بتعها بسرعه وظهرت قدامهم البوابه الاخيره ... وشالوا الساحر يارين ودخلوا فيها














مفتاح الارواح .... فرقة تشارلي واستيلا وسكاي وريفين

وقفنا في الجزء اللي فات لما تشارلي وفرقته حجزوا تذاكر لحفلة مايكل جاكسون في العالم السفلي الاخير ، وجهزوا نفسهم علشان يهجموا على حاكم العالم السفلي وياخدوا مفتاح الارواح منه

.. وفعلا جهزوا نفسهم وراحوا الحفله ..

استيلا : وشكله ايه بقى ده اللي اسمه مايكل

تشارلي : انا مش فاهم ازاي انتوا كنتو عايشين في المملكه

سكاي : يعني ايه

ريفين : شكله يقصد ان الحاكم عزيز بعد عننا كل حاجه عن العالم الخارجي اللي كنا بنحتقره

سكاي : يعني من كلامك ده تقصد ان العالم بتعكوا احسن من المملكه يا تشارلي

تشارلي : بص ياخويا .. المملكه فيها حجات كلنا كنا بنحلم بيها ... بس زي ما ريفين قال كده .. انتو عايشين في العصر الحجري

استيلا : وايه العصر الحجري ده كمان

ريفين : يقصد اننا عايشين من غير تكنولوجيا

تشارلي : هو انت المصحح بتاعي .. ماتهدى يعمنا

سكاي : وبعدين انت عرفت الكلام ده كله منين

ريفين : من قعدتي الكام شهر اللي فاتو مع نور

سكاي : اوبا .. شكلك كده وقعت

تشارلي ( بغضب ) : انت بتقول ايه ياض انت ...نور دي اختي زي ما هي اخت الفرعون

ريفين ( بسرعه ) : لا يعم اهدي انت كمان ... انا بحبها ولما نرجع من المكان ده هقولها على كل حاجه

تشارلي : وانا هارقبك بنفسي لحد ماتقولها .. يأما هقتلك بايدي

ريفين : حاضر يعم ... بس نرجع على خير بس

... وهنا استيلا بصت لتشارلي نفس النظره اللي كانت بتشوف فيها الفرعون ...


.... وفعلا حضروا الحفله وكانت دمار ( يعني حفله لمايكل جاكسون في العالم السفلي هتكون ايه 🙂 ) ... ولاحظوا وجود ملك العالم وكان معلق مفتاح الارواح على رقبته بسلسله ....

تشارلي : هو معاه المفتاح فعلا ... الخطه هتكون ..

استيلا : بس كده خطر

تشارلي : يلا مفيش وقت

.....وفعلا نفذوا الخطه وكانت ان تشارلي وسكاي هيعملوا تعويذه على الارواح ، والتعويذه هتخليهم يتجننوا ويضربوا كلهم في بعض .. وتحصل فوضى كبيره ، وفعلا كل ده حصل ...

... واستيلا وريفين اتسحبوا لحد الملك واستنوا تشارلي وسكاي .. والملك كان قاعد بيضحك ومبسوط من الفوضى اللي كانت قدامه ...

.. وعدى وقت وتشارلي وسكاي وصلوا ليهم .. وراحوا عند الملك ... وخدوا وضعية الهجوم ...

الملك هايدس : انتوا مين يا حشرات

تشارلي : هناخد منك المفتاح ...وعلى فكرة الملك اراغون بيسلم عليك

هايدس برعب : انت بتقول مين .. انت كذاب الملك اراغوان مات من زمان ... ( وبيعمل تعويذه وبيطلع من الارض نسخ من الظل زي فرقة تشارلي بالظبط )

هايدس : لو انتوا تبع الملك اراغون يبقى هتعرفوا تتغلبوا على نفسكم ... ( وقعد على الكرسي تاني )

... وهنا الظل اللي عمله هايدس هجموا على الفرقه ، وكل واحد قعد يرزع في الظل بتاعه ... وتشارلي قدر يدمر الظل بتاعه ، وراح يساعد استيلا ... وفعلا دمروا هما الاتنين الظل بتاعها ...

... وجري عليهم سكاي علشان يحارب معاهم ... ولكن ظل سكاي عمل رمح اسود عملاق ورماه على استيلا .. ولكن سكاي شاف حبيبته وهي هتموت ، فجري عليها بسرعه وخد الرمح في صدره ووقع على الارض ...

... والناحيه التانيه ريفين كان بيحارب الظل بتاعه ... واول ما شاف سكاي واخد الرمح في صدره وواقع على الارض اتشتت ... وجه الظل من وراه وضربه بالسيف في ضهره ووقع هو كمان على الارض ...

.. وتشارلي واقف وشايف صحابه بيموتوا واحد ورا التاني .. ولكن قرر بسرعه وعمل تعويذه ...

تشارلي باللغه الرونيه القديمه : امهيم سوار

.. وطلع من الارض سلاسل نور كتفت الظل اللي عمله الملك هايدس ونزلتهم في الارض تاني ..... وهنا الملك هايدس وقف على رجليه في صدمه كبيره ..

هايدس : انت ازاي عارف التعويذه دي

تشارلي : قولتلك انا تبع الملك اراغون الجديد

هايدس : وعايز ايه

تشارلي : عايز مفتاح الارواح

هايدس : بس انا مستحيل اديهولك

تشارلي : يبقى هاخده منك غصب ( وبيجري عليه )

... ولكن ظهرت بوابه سودا مره واحده ، وطلع منها ذيب عملاق ، خطف المفتاح من رقبة هايدس وجري تاني على البوابه واختفى ... وتشاري والملك هايدس واقفين مصدومين

تشارلي : ايه ده ... ايه اللي حصل

هايدس : معرفش .. انا مشوفتش الديب ده من زمان ... ده ديب لوخ نيس

تشارلي : يعني ايه

هايدس : يعني حذر الملك الجديد بتاعك ... الحرب العظمى جايه

... وظهرت بوابه ودخل فيها تشارلي واستيلا وهما شايلين جثث سكاي وريفين .....














مفتاح الزمن ..... فرقتي انا ونور

وقفنا في الجزء اللي فات لما علمت نور ازاي تكون حائكة تعويذات في القطب الشمالي .. وظهرنا بعدها عند مالك مفتاح الزمن وكان دكتور سترنج

انا : يعني مش هتدينا المفتاح

سترنج : للاسف لا ... ( وبياخد وضع الهجوم )

... وهنا جريت عليه انا ونور ... ولكن سترنج عمل علينا حركته الشهيره .. وخبطنا على صدرنا .. وطلعنا انا ونور من اجسمنا في هيئة اشباح ...

نور : وووووو ... ايه ده ..انا مش مصدقه ... الهيرو بتاعي عمل الحركه المفضلة عندي عليا

انا : اسكتي ياختي ده هيوتنا دلوقتي

... وعلشان انا متعود اني اكون في هيئة الشبح في عالم انوبيس .. فرجعت لجسمي بسهوله .. واسترنج واقف مصدوم ..

انا : انت مفكر ان الحركه دي هتكسبك ( وبترقع بصوبعي ونور بترجع لجسمها )

سترنج : امممم ... شكلك كده زي ما الاشاعات بتقول

انا : اشاعات ايه

سترنج : ان الملك اراجون رجع بهيئة جديده

انا بابتسامه : وانت هتصدق كل حاجه بتسمعها

.. ومره واحده لقيت استرنج رمى عليا حبل سحري وعايز يكتفني بيه .. بس طلعت المنجل بسرعه ولفيته في الهوا وقطعت الحبل بتاعه ..

... ولقيت استرنج بيمسك مفتاح الزمن ولسه هيستعمله ، قمت فتحت بوابه لعالم المرايا بسرعه ، وجريت عليه باقصى سرعه وخدته ودخلنا جوه البوابه ...

والناحيه التانيه نور كانت بتعمل تعويذه كنت قولتلها عليها قبل ما نروح لسترنج .

.. وبعد ما دخلنا انا وسترنج لعالم المرايا ، نزلنا رزع في بعض ، وكل واحد طلع اجمد تعويذات سحريه عنده ..

سترنج ( راكع على ركبته ) : تصدق عندهم حق .. انت فعلا تستاهل تكون خليفة للملك اراغون

انا ( راكع على ركبي ) : يعني انت اللي سهل ... كفايه انك هزمت دورماو لوحدك

سترنج : ها ، وبعدين ، هنعمل ايه

انا ( جتلي فكره ) : بقولك ايه ، انت كل اللي يهمك ان مفتاح الزمن يفضل في العالم ده صح

سترنج : صح

انا : طب انا عندي خطه .. والخطه دي هتخلي المفتاح يفضل في العالم بتاعك

سترنج : وايه هي خطتك

انا : هتكون ......

.... واتفقنا انا وسترنج على الخطه وطلعنا من عالم المرايا ... وشوفت ان نور خلصت التعويذه بتعتها .. ولكن خليتها تحتفظ بيها لوقت تاني .. وفتحت بوابه للمفتاح الاخير .. واختفينا ......















مفتاح السيطره على العقول ... كل الفرق

.. لما فتحت البوابه وظهرت انا ونور ، لقيت بوابة كل فرقه بتفتح في نفس الوقت .. وبيخرج منها باقي الفرق ..

.. ولما شوفت جثث سكاي وريفين والساحر يارين زعلت جدا ، والغضب ظهر عليا ، والهاله السودا زادت حواليا ، وباقي الفرقه اترعب من شكلي ...

.. ولكن قطع الصمت اللي كنا فيه شخص قاعد على كرسي ، وعنده هيبه وكاريزما عاليا اوي .. وحاطط رجل على رجل

بروفيسور إكزافيير : اخيرا مجموعه كبيره ... كده اللعب هيطول شويه

مي : لعب ايه

... وقبل ماتكمل كلامها لقينا إكزافيير مسك المفتاح ، ومره واحده كلنا اختفينا .. وظهر كل واحد داخل عقله الباطن ..... وكل واحد شاف اكتر حاجه بيخاف منها وطلعتله داخل عقله ...

إكزافيير : ابدأ بمين ... ابدأ بمين ... كلهم بيبصوا للشخص ده ليه ... طيب انا هبدأ بيك انت ... ومسك المفتاح بتاعه ، واتنقل لعقلي الباطن ، واترعب من اللي شافه ...

.. داخل عقلي الباطن كان عالم الاحلام ... وكل المخلوقات والوحوش اللي كنت بخاف منها وانا صغير او حتى بسمع عنها ، كانت قعده حواليا زي الحيوانات الاليفه ..

.. وانا قاعد على كرسي شبه كرسي الملوك .. والمفاتيح الاربعه بتاعة القوه والانتقال والواقع والزمن .. بيلفوا حواليا

إكزافيير برعب : انت مين

انا : مش مهم انا مين ... المهم ان فترة حراستك للمفتاح انتهت .... سلم مفتاحك يا تشارلي

إكزافيير : انت عرفت اسمي منين ... وازاي انت معاك المفاتيح التانيه

انا : قولتلك مش مهم ... سلم مفتاحك

.. وهنا إكزافيير مسك مفتاحه تاني وكان عايز يهرب ... بس المفتاح ماعملش حاجه ... وهنا شاورت عليه ، وجسمه طار عليا

انا ( بنظره مرعبه ) : سلم مفتاحك

..وهنا إكزافيير مد ايده بالمفتاح .. ونظرة الرعب مسيطره عليه ... واول ما لمست المفتاح خرجت انا وهو من عقلي الباطن ، ولقيت الفرقه بترجع واحد ورا التاني .. وكل واحد مرعوب من اللي شافه داخل عقلهم الباطن ..

انا : كده احنا معانا اخر مفتاح .... يلا نرجع للعالم بتعنا

الباقي بكسره : يلا بينا



////////////////////////////////////////////////////////////////////////////////////////////////////////////////////////////////////////////////////////////////////

ده تكملة الجزء اللي فات

ياترى ايه الخطه اللي الفرعون قالها لسترنج

وايه التعويذه الجديده اللي نور عملتها

وهل استيلا ممكن تحب تشارلي

ومين هما المسافرين الاوائل اللي تيريون معاه القوه بتعتهم

سلام من الفرعوووووون

////////////////////////////////////////////////////////////////////////////////////////////////////////////////////////////////////////////////////////////////////

الجزء السادس / الثقه



فتحت بوابه داخل حصن الفرعون ، وخرجت كل الفرقه في العالم بتعنا تاني ... وكان معانا جثث المحاربين اللي ماتوا ، وعلشان كده كان الحزن والبؤس مخيم على الكل

انا ببرود : الساحر يارين البطل مات ازاي ؟؟!

مي بكسره : مش عارفه ايه اللي حصل ، احنا خلاص كنا هناخد المفتاح بس..

انا : ايه اللي حصل

الساحر يو ( بحزن ) : فيه بوابه اتفتحت من عالم الظلام ، وخرج منها شخص شبه الموت ، وقبل مانفكر حتى نهاجم عليه كان خد المفتاح وقتل اخويا

انا بغضب : وازي مقدرتوش تدافعوا عنه

مي بدموع : قولنالك كل حاجه حصلت بسرعه

.. وفتحت بوابه وهي بتبكي واختفت من الحصن ..

انا بجمود : ودول ماتوا ازاي ( سكاي وريفين )

تشارلي ( واقف على ركبه ) : ملك العالم السفلي صنع محاربين من الظل على أشكالنا وخلاهم تقاتلنا ، ولكن مكنتش سريع كفايه ( وبيخبط الارض بقبضته )

انا بجمود : تمام ... انصراف


.. الكل مشي من قدامي وهما باصين ليا نظره مش حلوه ، ولقيت تشارلي وتيريون رايحين على جثث سكاي وريفين ..

انا : سيبوهم

تشارلي : اسيبهم ازاي ، مش المفروض ندفنهم

انا : قولتلك سيبهم وامشي

.. وهنا تشارلي اتصدم وبصلي بطريقه وحشه برضه ، واستيلا واقفه منهاره على سكاي وريفين ومش عايزه تمشي ، ولكن تشارلي سحبها من ايدها وخدها ومشي ..

تيريون : بلاش طريقتك دي ... بلاش تخسرنا احنا كمان

انا : انا غلطت لما اعتمدت عليهم ، ادينا خسرنا المفاتيح ، وموتهم راح على الفاضي

تيريون : بلاش يفرعون

انا : موتهم راح على الفاضي ،، راح على الفاضي

تيريون : يخسارتك يفرعون ( وسابني ومشي )

... لما لقيت الكل مشي ، رحت عند الجثتين ، وفتحت بوابه وخدتهم واختفيت ...











في عالم الظلام ... عند الملك بيغاسوس

.. ظهر الظل الجاسوس اللي كان في العالم بتاعي وراح عند الملك بيغاسوس ، وشاف الشخص اللي كان واخد شكل اللورد فولدمورت اللي اخد مفتاح السحر ، وشاف الذئب اللي اخد مفتاح الارواح ..

الظل : سيدي بيغاسوس

بيغاسوس : اهلا حبيبي ، اخبارك ايه

الظل : كله بخير بفضلك ياملك

بيغاسوس : ياشبح متقولش كده ، ( وبيقف ومعاه المفتاحين ) لولاك مكنتش خدت المفتاحين دول

الظل : عفوا ياسيدي ... وانا جايبلك اخبار احسن من دي

بيغاسوس : فرحني اكتر وقول

الظل : الفرعون مبقاش واثق في اي حد عنده .. وشكل فرقته اللي معاه سابته

بيغاسوس : ياعيني عليك وعلى اخبارك العسل

الظل : وكمان فيه خبر بس مش عارف حلو ولا وحش

بيغاسوس : قول

الظل : لما رجعوا مكنش معاهم اي مفاتيح تانيه ، والفرعون قال لواحد معاه انهم خسروا الحرب من قبل ما تبدأ ، علشان خسروا كل المفاتيح

بيغاسوس : كمان ، دا احسن خبر سمعته

اللورد فولدمورت : ازاي بس ده خبر حلو ... احنا كده مش هنعرف نلاقي سجن الوحوش

بيغاسوس : سجن الوحوش مبقاش مهم بالنسبالي

فولدمورت : يعني ايه

بيغاسوس : بالمفتاحين اللي معايا دول بقيت اقوى واحد في كل العوالم ، ومفيش مخلوق هيقدر يقف قدامي

فولدمورت بابتسامه : عندك حق يا ملك












عندي انا في العالم بتعنا

..ظهرت في مملكه فالينور عند بيت سيلفا ( مدرب المحاربين في مدرسة ألفيا ) ، وخبطت على الباب ..

سيلفا : اهلا اذيك يافرعون

انا : انت كنت عارف ان ابنك انضم للفرقه بتعتي

سيلفا : لا مكنتش اعرف ، بس لما عرفت كنت عايزه يسبها ، بس هو اقنعني انه يفضل معاك

انا بحزن : انت كان عندك حق ، كان المفروض يسبني

سيلفا بقلق : ايه اللي حصل يفرعون

انا : شد حيلك

سيلفا بصدمه : يعني ايه ... لا .. ابني .. لاااااا

.. وبعد مرور شوية وقت ، لقيت سيلفا هدي ..

سيلفا : هو فين

انا : دفنته هو وريفين جنب امه

سيلفا : انا رايح ليهم ... ( وطلع يجري على هناك )











عند استيلا

.. استيلا كانت في حالة صدمه كبيره ، ومش قادره تسيطر على نفسها ، وهنا تشارلي راح عندها وقعد يحتويها ...

استيلا : انا السبب .. انا السبب

تشارلي : اهدي يا استيلا .. اهدي

استيلا : انا السبب ... لو كنت قادره احميه مكنش مات

تشارلي : لو ده السبب اللي بتحاولي تقنعي نفسك بيه ، يبقى انا السبب

استيلا : فعلا هو ده السبب ، كل الناس اللي بيحبوني ماتوا وهما بيدافعوا عني ، وخلاص متبقاش حد بيحبني

تشارلي : ازاي مفيش حد بيحبك .. اومال احنا ايه ... انا ايه

استيلا : انت ايه يعني ايه

تشارلي : انا بحبك يا استيلا ، وهفضل طول عمري بدافع عنك حتى لو على موتي

استيلا ( واقفه مصدومه ) : انت بتحبني .. بتحبني انا

تشارلي : ايوا بحبك ..وبموت فيكي كمان

استيلا : بس انا ... انا لازم اجيب حقهم الاول

تشارلي : قصدك هنجيب حقهم ...كلنا هنجيب حقهم ، وحق كل الناس اللي ماتوا بسبب الكلب اللي اسمه بيغاسوس

استيلا : بس انا كنت عايزه اودعهم ، ازاي الفرعون بعدنا عنهم بالطريقه الوسخه اللي عملها دي

تشارلي : هتعرفي بعدين الفرعون عمل كده ليه

استيلا : مفيش سبب منطقي يخليه يعمل اللي عمله ده

تشارلي : لا فيه .. والفرعون اتعامل معانا بالجفاء والبرود ده بسبب جامد اوي

استيلا : يعني ايه

تشارلي : الفرعون مبيعملش معانا كده غير في الضروره القصوى












عند مي في القصر

.. ظهرت مي في وسط القصر ، وطلعت على اوضتها وهي بتبكي ... وظهرت بعدها نور ومعاها سلمى ...

غاده : ايه اللي حصل .. وليه خالتو مي بتعيط كده

سلمى : وليد اللي زعلها

شروق : زعلها ازاي

سلمى : انا مش فاهمه البني أدم ده ازاي اتصرف معانا بالبرود ده

نور : عندك حق ، انا مش مصدقه ان ده الشخص اللي كان معايا

سمر : انتوا بتقولوا ايه يجماعه ...ايه اللي حصل

سلمى : مش عارفه حاجه ....( وبتسبهم وبتطلع )

غاده : ايه اللي حصل يا نور

نور : في المهمه اللي عملناها دي ، مات مننا ٣ اشخاص

سمر والباقي : يلهوي

غاده : وفيه حاجه حصلت ليكوا

نور : لا احنا تمام

سمر : اومال ايه المشكله بقى

نور : وليد المشكله ، ده اتصرف معانا ببرود اكن اللي ماتوا دول حشرات ، مش محاربين ولا حتى صحاب في فرقته

سمر : هتلاقي عنده سبب مقنع ، انا مربتش وليد انه يكون عديم الاحساس

نور : وده تفكيري برضه ، وليد في الفتره اللي قضاها معايا في المهمه كان حنين اوي

غاده : حنين ازاي يبت

نور : يعني ظهر جانب الاخوه

غاده : انتي بتقولي ايه 🤨

نور : طول عمري انا وماما وسلمى عايشين من غير ظهر لينا ... ووليد في الكام يوم دول عرفني يعني ايه يكون ليا ظهر في الدنيا

غاده : عندك حق ... فاكره يماما لما ساعدنا زمان

شروق : انتي عايزاني انسى ... ده هو السبب في رجوع املاكنا تاني

سمر : انتوا عرفتوا منين ، مش اللي رجع حاجتكوا تاني كان مدير البنك اللي خالد جوزي كان شغال فيه

غاده ( بتبصلها 😉 ) : وهو يعني خيري طلع مدير بنك

سمر : يابني اللعيبه ياوليد ... تصدقي الكذبه دي لسه مصدقاها لحد دلوقتي

نور : وهو رجع املاكوا ازاي

غاده : معرفش الصراحه

شروق : من فلوسه هو

سمر بصدمه : من فلوس مين ... ده رجعلكوا ملايين

شروق : اللي عرفته ان وليد معاه في حساباته فوق ٥ مليار دولار

نور وسمر وغاده ( اتشلوا ) : اييييييييييييه












بعد مرور شوية وقت ... داخل حصن الفرعون

... لما الظل الجاسوس خلص كلامه مع بيغاسوس ، رجع تاني للعالم بتعنا ودخل الحصن ، ولكن شاف حاجه صدمته ...

انا : شرفتي من تاني

الظل : فيه ايه ياوليد .. واقف كده ليه

انا ( رميت السلسله عليها ) : اطلع من جسم بياتريكس

الظل ( بابتسامه ) : خدت وقت طويل لما عرفت يا مغفل ... خلاص المفاتيح وصلت لملك الظلام

انا : ومين قالك اني مكنتش عارف ، بص وراك كده

... والظل بص وراه ، لقى مونيكا واقفه وراه على طول ، وماسكه مرايه ، والظل اول مشاف المرايه ، اتسحب فيها ...

.. ولقيت بياتريكس فاقت بشرقه ، وجسمها كله بيترعش ..

انا : اهدي ، انتي كويسه ، اهدي يا بيا

بياتريكس : ايه اللي حصل ( وبصت على المرايه ، وافتكرت كل حاجه ) ... انا اسفه يوليد ( وبتبكي ) كل اللي ماتوا كان بسببي

انا ( بوقفها على رجليها ) : محدش مات بسببك ... كله بسبب الكلب ده

بياتريكس بغضب : انت ايه .. انت كلب .. انا لازم اقتلك بايدي

انا : هتقتليه .. بس مش دلوقتي ..للأسف لسه ليه دور في الحرب

..والظل واقف داخل المرايه ، وعمال يضربها بايديه ..










في عالم ٦٠٧ ... عند فارازون

... بيظهر يومير عضو مجلس حكم العوالم عند فارزون في ساحة التدريب ...

يومير : انت مبتجيش بقالك كام يوم ليه

فارازون : معلش بقى زي ما انت شايف

يومير : اه صحيح انت بتدرب الجيش من تاني ليه

فارازون : الصراحه انا قلقان بسبب دخول الفرعون في وش الحرب مباشر قدام بيغاسوس ... فلازم اعمل حسابي كويس

يومير : احنا كلنا قلقانين فعلا ، وعلشان كده جيتلك

فارازون : خير

يومير : هيكون فيه اجتماع حرب قريب جدا ، ولازم الفرعون يحضر

فارازون : ومقولتلوش بنفسك ليه

يومير : انت عارف ليه ... الفرعون مش بيثق في اي حد من مجلس الحكم

فارازون : قصدك انه بيثق فيا انا

يومير : اكيد لا ... بس ممكن يسمع منك ويحضر

فارازون : على العموم انا هبلغه وهانشوف











في الساحه الكبيره ... حصن الفرعون

.. وقفت في نص الساحه وكان معايا مونيكا وبياتريكس ، طرقعت بصوابعي ولقيت كل الفرقه ظهرت عندي ..

انا : انا عارف انكوا مش طايقني وعايزين تضربوني بالجذمه ... ومعاكوا حق انا استاهل بسبب اللي عملته

نور : طب ولما انت عارف ان ده غلط .. عملته ليه

انا : شايفين المرايه دي ... الكلب اللي محبوس فيها ده كان جاسوس لبيغاسوس ( كنت عامل تعويذه على المرايه عازله للصوت ) ، وللأسف كان متحكم في جسم بياتريكس ، وسمع خطتنا اللي عملناها ، وبسببه المحاربين الابطال ماتوا

استيلا : وليه اتعاملت معانا بالبرود ده ... وليه مخلتنيش اودع حبايبي

انا : انا اسف اني عملت معاكوا كده ... بس للأسف انا اكتشفت وجوده متأخر جدا .. وكان لازم اعمل كده علشان يوصل لبيغاسوس معلومات غلط عننا

سلمى : معلومات ايه

انا : الكلب وصل لبيغاسوس ان الفرقه اتقسمت وخسرنا بعض ... وكمان وصله اننا معرفناش نجيب المفاتيح الباقيه

الساحر يو : ومكنش فيه غير الطريقة الوسخه اللي عملتها دي

انا : للأسف مكنش فيه ... وانا بعتذر لكل واحد فيكو ... واللي متقبل أسفي ييجي معايا

... وبفتح بوابه وبدخل فيها انا ومونيكا وبياتريكس ...

تشارلي : قولتلك اكيد عنده سبب مقنع ، لو عايزه تكملي معانا تعالي معايا ( وبيفتح ايده )

استيلا : كان عندك حق فعلا ( وبتمسك ايده ، وبيدخلوا في البوابه )

احمد : هو عمل الحكايه دي قبل كده

تيريون : للأسف بيعملها كل مره

كيرا : دا ولا ممثل في الاوسكار

.. وبيدخلوا هما كمان في البوابه ...

نور : قولتلك يازفته اكيد عنده سبب

سلمى : وانا ايه اللي كان عرفني

نور : طب يلا بينا ... ( وبيدخلوا هما كمان )

الفهد : يلا بينا ، ولا البعيده عندها ددمم ونقح عليها

مياده : لا ياخفيف معنديش ... يلا بينا

..( ودخلوا وراهم ) ..

الساحر يو : هتقدروا تسامحوا

الساحر ايرين : انا هجيب حق اخونا وهعتزل بعدها

الساحر يو : وانتي يا مي

مي : انا مزعلتش من اللي عمله وليد ... انا كل اللي زعلت منه اننا ازاي مقدرناش ندافع عن نفسنا وعن يارين

الساحر يو : يبقى نجيب حقه علشان نرتاح كلنا

... ودخلوا هما كمان والبوابه اتقفلت ...












بين العوالم .... عالم الملك رع

.. لما فتحت البوابه ودخلت فيها انا ومونيكا وبياتريكس ، قعدنا مستنيين باقي الفرقه اللي قدروا يسامحوني ، وفعلا لقيتهم بيخرجوا واحد ورا التاني ، والبوابه قفلت لما الكل خرج ...

انا : كده فتحنا صفحه جديده ... احب اعرفكم اننا في منفى الملك رع

سلمى باندهاش : ده منفى ...ازااااي

رع ( في هيئة شبح ) : فعلا الفرعون كلامه صح

نور ( بخوف ) : ايه ده .. مين ده

انا : طبعا قليل فيكو اللي شاف الملك رع ... ده الملك رع ، يعتبر اول حاكم عرف يوحد العالم بتعنا بعد موت الملك اراغون ملك البشر الاول

استيلا : وهو ليه عامل كده

رع : عامل ازاي

انا : قصدها انت في هيئة شبح ليه

رع : اه ، لما حاربت مبعوث عالم الظلام اللي كان اسمه مورغوث ، ونفيته في العالم السفلي بتعنا ده ( وبيشاور على بوابة عالم انوبيس ) .. سحرة الدم اللي كانوا خدام ليه قدروا يوصلوا ليا ، وعملوا عليا سحر اسود ، ولكن بسبب ألماسة الخلود اللي كانت معايا صدت معظم السحر الاسود ، بس ده مكنش كفايه واتنفيت للعالم ده

استيلا : وووووو ، دي نفس القصص اللي كانوا بيقولوها زمان في المملكة

تشارلي : وهما عرفوا القصص دي منين

استيلا : مش عارفه .. بس احنا كنا بنفكرها قصص اساطير

سلمى : وانت اللي بنيت العالم ده .. طب ازاي

رع : كل ده اتعمل بفضل ألماسة الخلود دي ( وبيشاور على الالماسه اللي ربطه العوالم التلاته ببعض )

نور : مش الالماسه دي كانت معاك يا وليد

انا : اه كانت معايا ، بس اضطريت اني اربطها بالعوالم التلاته لما مصدر السحر بتعنا اتدمر

مي : على العموم ... انت جايبنا هنا ليه

انا : علشان اصلح غلطي واشاركوا في كل حاجه بعملها

الساحر يو : مخبي علينا ايه يفرعون

انا ( بلمس الخاتم ) : كنت مخبي الجيش الفرعوني

... واول ما لمست الخاتم ، ظهر من العدم جيش عملاق مغطي عالم رع كله وواصل لحد بوابات عالم انوبيس ...

الكل بصدمه : ايه ده !؟؟!!

الساحر ايرين : ازاااي ... جبتهم منين دول

انا : مش مهم منين ، بس المهم ان ده جيش العالم بتعنا ، ده الجيش اللي هيحمينا ويحمي كل البشر

مي : ومين اللي دربهم

رع : انا وانوبيس

الساحر يو ( بصدمه ) : يعني قصدك ان الجيش ده اتدرب في العالم السفلي

انا ( بابتسامه ) : واكتر مما تتخيل














في عالم الظلام

فولدمورت : وهتلعب معاه ازاي ياسيدي

بيغاسوس : هخليه يجيلي في المكان اللي انا عايزه ، وهلعب معاه بطريقته

فولدمورت : طب وافرض مقبلش الدعوه بتعتك

بيغاسوس : لا الفرعون اغبى من كده

فولدمورت : ازاي

بيغاسوس : علشان هو مستعد يضحي بنفسه وينقذ العالم بتاعه

فولدمورت : عندك حق ، الغبي فعلا اللي ممكن يعمل كدا

بيغاسوس : وبمساعدة المفتاح ده ، هاقدر ألعب معاه اوسخ لعبه هيلعبها في حياته

فولدمورت : لو عايزني اوصله الرساله بنفسي هروح فورا

بيغاسوس : وليه تتعب نفسك

.. وبيمسك مفتاح السحر وبتظهر رساله من العدم ، وبعدين بتختفي ..















في عالم فارازون

.. ظهرت انا وتيريون من غير بوابه ، ورحنا لفارازون في ساحة التدريب ..

فارازون : طولت المرادي

انا : كان فيه مشاكل كتير في طريقنا

فارازون : والنتيجه

انا : معانا ٥ مفاتيح

فارازون بصدمه : والباقي

تيريون : مع بيغاسوس

فارازون برعب : ينهار اسود ... يبقى كده هنخسر ... كان لازم تتصرفوا احسن من كده

تيريون بغضب : احنا مات مننا محاربين علشان نوصل للمفاتيح دي

انا : مش وقت الخناق دلوقتي ... فيه مشكله ولازم نتصرف فيها فورا

فارازون : ايه تاني

انا : بيغاسوس بعتلي رساله ... بروح امه مبسوط بمفتاح السحر

تيريون : بتقول ايه

انا : " من بيغاسوس ملك الظلام الى الفرعون الصغير .. انا اعلم بانك عدت خالي الوفاض .. واعلم ايضا انك لن تكون منافس قوي لي في الحرب .. ولكني اعطيك فرصة انقاذ عالمك .. تعالى لهذا المكان وواجهني بنفسك في قتال بيني وبينك .. واذا فزت انت عفوت على عالمك .. واذا فزت انا فعالمك من نصيبي بدون حرب .. قرار حفظ دماء شعبك في يدك "

فارازون : وهتعمل ايه

انا : ودي فيها كلام برضه

تيريون : احسن حاجه اننا معانا عنصر المفاجأة

انا : عايزك توصل لمجلس الحكم اني هحضر اجتماع الحرب

فارازون : تمام .. بس ليه

انا : علشان الخونه يعرفوا بيغاسوس اني معتش في ايدي خيار

فارازون : وبكده هنعرف نتحرك من الناحيه التانيه

تيريون : يعيني عليك وانت فاهمها وهي طايره














في حصن الفرعون

.. ظهرت انا وتيريون في الحصن .. ورحنا للمرايه اللي محبوس فيها الظل ..

انا : مش عاوز تطلع ولا ايه

الظل : ارجوك يفرعون ... ارجوك

انا : طيب انا هعملك اللي انت عاوزه

.. وبلمس المرايه وبقول تعويذه ، ولقيت الظل خرج ، ولسه هيحاول يهرب ، فمسكته بالسلاسل وربطته ..

انا : مش بالسرعه دي ، لسه هنتكلم ياشبح

الظل : ارجوك سبني امشي

انا : وانا عند كلمتي هسيبك تمشي ، بس بشرط

الظل : اي حاجه

انا : توصل الرساله دي لسيدك بيغاسوس

الظل : امرك مجاب يفرعون

انا باللغه الرونيه القديمه : ماكسيمم أليرت

.. واول مقولت التعويذه لقيت الظل دخل في حالة رعب وهلع غير طبيعيه .. فقومته وفتحت بوابه لعالم الظلام ، ومسكته رساله ورميته في البوابه ..













في عالم الظلام

.. لما الظل دخل عالم الظلام ، بيغاسوس حس بطاقة رعب في العالم محسش زيها قبل كده ، فراح ليه بسرعه ..

بيغاسوس ( من بعيد ) : ايه اللي حصلك

الظل ( برعب ) : اااااااه .. ااااااااه .. الفرعوووووووون

بيغاسوس ( بينهج ): الفرعون .. ماله

الظل : ااااااااااه .. بعتلك ، اااااااه ، رسااااااله

بيغاسوس ( مش قادر يتنفس ) : سيبها على الارض

.. واول ما الظل ساب الرساله على الارض ، بيغاسوس فتح بوابه وراء الظل ، و رماه فيها من بعيد ، وقفلها بسرعه ..

بيغاسوس ( بينهج ) : ايه ده .. ايه اللي حصل ده

فولدمورت ( فتح بوابه ودخل العالم ) : هو ايه اللي كان هنا ده

بيغاسوس ( بينهج ) : مش عارف .. انا عمري مشوفت الطاقه المميته اللي الظل اتلعن بيها دي

فولدمورت : ولا انا كمان ... دي الطاقه وصلت لحد عالم المجلس

بيغاسوس ( لسه بينهج ) : وايه الاخبار هناك

فولدمورت : هيعملوا اجتماع حرب قريب اوي

بيغاسوس : طيب روح انت

... وبعد ما فولدمورت مشي ، بيغاسوس فتح الرساله اللي كانت مع الظل ...

الرساله : " من الفرعون الى كلب العوالم .. اقبل عرضك في المكان السابق تحديده "

بيغاسوس ( بياخد نفس عميق ) : يعني اللعنه اللي اتعملت دي كانت بسبب الفرعون

نفسه : لعنة ايه ... ده كان طاقة رعب صافيه

بيغاسوس : ده شكل اللعبه هتكون حلوه

نفسه : او ممكن تكون نهايتك

بيغاسوس ( بابتسامه ) : لعبها صح الفرعون

نفسه : شدك يعني بالسحر اللي عمله ده

بيغاسوس : ده خطفني













في العالم بتعنا ... حصن الفرعون ... غرفة تيريون

شخص : مش عايز تكمل يعني

تيريون : اكمل ايه ... انت مين

شخص : فكر شويه وانت هتعرفني

تيريون : امممممم .. لا الصراحه مش عارفك

الشخص : يعني مش عايز تكمل

تيريون : يعم اكمل ايه .. وانت مين اصلا

الشخص : هجيلك تاني لما تكون جاهز ... او على الاقل تكون عايز تكمل الحكايه ... سلام

... بيفوق تيريون من الحلم الغريب ده ...

تيريون : وايه ده كمان

نفسه : يعم نام ده مجرد حلم











في عالم مجلس الحكم

الملك أرثر : الاجتماع ده لازم يتعمل في اقرب وقت

يومير : انا فعلا قولت لفارازون وكذا حاكم تاني .. وفارزون قال للفرعون

الكونتيسا : وقال ايه

ليث : اكيد هيحضر ، ده اجتماع حرب ، وهو شكله بيعشق الحرب

يومير : هو فعلا هيحضر

ارثر : وباقي العوالم

ليث : كل حكام العوالم اللي تبع حكمي هيحضروا

ارثر : وانتي

الكونتيسا : اكيد هيحضروا

... يتبع ....


/////////////////////////////////////////////////////////////////////////////////////////////////////////////////////////////////////////////////////////////////////////////////////////

ياترى ايه اللي هيحصل بين الفرعون وبيغاسوس

وايه اللي هيحصل في اجتماع الحرب

وهعملكوا مفاجأة في اجتماع الحرب ( هدخل شخصيات حقيقيه 🤣 )

ومين الشخص اللي ظهر لتيريون

سلاااااااام من الفرعون

///////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء ده صغير ليه 🙂🙂🙂
الفرعون هيفشخ بيغاسوس
واللي هيحصل ف اجتماع الحرب ان الفرعون هيظهر انه ضعيف عشان يوهم الجواسيس بكدا
اللي ظهر لتيريون حد من المسافرين الاوائل

 

[⭐ الفرعون ⭐]

الجزء ده صغير ليه 🙂🙂🙂
الفرعون هيفشخ بيغاسوس
واللي هيحصل ف اجتماع الحرب ان الفرعون هيظهر انه ضعيف عشان يوهم الجواسيس بكدا
اللي ظهر لتيريون حد من المسافرين الاوائل

تسلم ♥️♥️

 

[King07]

جزء جامد جدا تسلم ايدك بس يعنى لو مش هنتقل عليك ممكن تكبر الجزء شويه

 

[⭐ الفرعون ⭐]

جزء جامد جدا تسلم ايدك بس يعنى لو مش هنتقل عليك ممكن تكبر الجزء شويه

تسلم ياحبيبي

 

[الملك رع]

عاش يا فرعون الجزء السادس نار بالنسبة للشخص اللي كان مع تيريون فا ده اكيد واحد من المسافرين الاوال اللى هايمدال قاله عليهم

 

[انا الي انيكك بمزاجي]

تعظيم سلام ليك
في انتظار جديدك

 

[⭐ الفرعون ⭐]

عاش يا فرعون الجزء السادس نار بالنسبة للشخص اللي كان مع تيريون فا ده اكيد واحد من المسافرين الاوال اللى هايمدال قاله عليهم

تسلم ياحبيبي

 

[⭐ الفرعون ⭐]

تعظيم سلام ليك
في انتظار جديدك

تسلم ياحبيبي

 

[hazem jr]

ما تنول جزء خصوصي الصبح👈👉

 

[⭐ الفرعون ⭐]

ما تنول جزء خصوصي الصبح👈👉

صعب انزله في الوقت ده

 

[عبر سبيل]

الجزء الجاي امتا

 

[عبر سبيل]

الفرعون المصري | السلسلة الاولي |​

الفرعون المصري | السلسلة الثانية |​

الفرعون المصري | السلسلة الثالثة |​

اهلا ومرحبا بكم في السلسله الرابعه من الفرعون المصري

حرب العوالم ​

/////////////////////////////////////////////////////////////////////////////////////////////////////////////////////////////////////////////////////////////////////////////////////////

ملخص الاجزاء اللي فاتت

لما مي رجعت تاني وعرفت الفرعون انها نفت مورغوث واشباح النازغول الى الماضي ... جمع الفرعون فرقته القديمه ...وعمل خاتم بيفتح بوابة للسفر بالزمن باستخدام ألماسة الخلود ... وعمل خواتم بتفتح بوابات انتقال لكل الفرقة الجديده ... وخد فرقته القديمه وسافر علشان يقضي على مورغوث ... واثناء غيابه في الماضي ظهرت قوات سحرة الدم وسيطروا على مراكز التحكم في العالم بمساعدة مصاصين الدماء ... وقائد سحرة الدم كان حاكم المدينة الغرببه لارين ... وقدر فعلا يسيطر على مملكة ڤالينور كلها ويدمر مصدر السحر الابيض ...وقدر لارين انه يفتح بوابة عالم الظلام ...ودخل المملكه جيش عالم الظلام والملك بيغاسوس ... وأمر مصاصين الدماء بضرب النووي على العالم كله ... ولكن الفرقه الجديده قدرت تنقل معظم سكان المملكه لحصن الفرعون ... وظهرت من العدم حصون تحت كل مدينه في العالم ... وده ادى لإنقاذ البشريه من الدمار ... ولما رجع الفرعون وعرف باللي حصل ... عمل اتفاق مع الملك رع والملك انوبيس .. وربط العوالم ببعض باستخدام ألماسة الخلود .. وده أدى برجوع السحر الابيض من تاني وبشكل أقوى من الاول ... وعمل خطة هجوم على مقر ملك الظلام بيغاسوس ... وحصلت حرب كبيره بينهم ... وتم تدمير جيش عالم الظلام ... واثناء القتال الاخير ظهر الملك بيغاسوس وقعد يهدد جيش الفرعون ... ولكن الفرعون هدده بمعلومات خاصه محدش يعرفها غير ناس محدده ومنهم شخص من عالم تاني اسمه فارازون ... وهنا ملك الظلام انسحب وهرب الى العالم بتاعه تاني ... وبعد مرور ايام رجع الفرعون العالم لطبيعته من تاني ... وخرج سكان العالم من الحصون الى حياته الطبيعيه من تاني
/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الاول / فارازون




داخل حصن الفرعون ... بعد يوم من رجوع العالم لطبيعته

تشارلي : ماتقول بقى مين فارازون ده ... وازاي ملك عاااالم الظلام بجبروته يهرب بعد ماسمع اسمه

انا : يعم هحكيلك بس استنى لما الخانكه تيجي

مونيكا بتفتح الباب وبتقاطعنا : بقى انا خنقه برضه يافرعون ... طب انا هوريك ( وبتجري عليا بغضب 🤬🤬 ) ...ولسه هتمسك في هدومي ... فشدتها بسرعه وقعدتها على رجلي بحركه رومانسيه

انا : خانكه بس بحبك ( وباخدها في بوسه مشبك )

مونيكا : طب ابدأ الحكايه بقى

تيريون : كدا هتبدأوا من غيري

انا : يعم تعالى خلينا نخلص من ام الحكايه دي بقى

تشارلي : احكي بقى ... احكي ياشهريار

انا : كان يمكان .. في سالف العصر والزمان

تيريون بيقاطعني : ابتدينا نهزر ... خش يعم في الحكايه على طول خلينا نخلص

انا : تمام بس اللي هيقاطعني هعلقه من البوكسر بتاعه .... بتبدأ الحكايه لما مي كانت مغمى عليها في عالم الاحلام






.....حكاية فارازون ......فلاش باك داخل عالم الاحلام

انا : مش عاوزه تفوقي ليه يامي ... بقالك كتير نايمه يا أمي ... بس انا مش هيأس ومش هسيبك كدا ... عارفه ايه اللي معايا ده ... ده كتاب سرقته من عند رع من بين العوالم ... حسيت بيه بيناديني ... ( بابتسم بسخريه ) مش عارف اتجننت ولا ايه ... بس الصراحه الكتاب فيه تعويذات جامده جدا ... وقديمه جدا ... وانا بوعدك اني هتقن كل التعويذات اللي فيه ... وهصحيكي من تاني


وخدت بعضي وبعدت عنها .. وبدأت استخدم التعاويذ البسيطه ... ولكن مره واحده حسيت بفجوه اتفتحت في عالم الاحلام ... فاتحولت بسرعة لهيئة الملك الفرعون وطرت للمكان اللي فيه الفجوه ... ولقيت شخص واقف قدام البوابه

انا : انت مين وازاي دخلت العالم ده

الشخص بصلي : بقى انت هو الفرعون

انا ( طلعت السلاح بتاعي ) : انت مين وعايز ايه !!!

الشخص : طيب اهدى ... انا جاي العالم ده لمصلحتك ومصلحة شعبك وبس ... ممكن نتكلم ... بعد اذنك

انا : ده اخر تحذير ليك ... انت مين ؟

الشخص : انا اسمي فارازون ... وجاي من عالم تاني غير العالم بتاعك ده

انا ( بنزل السلاح ) : احنا فعلا لازم نتكلم ... ونزلت عنده

فارازون : ايوا ..اهدى كده وخلينا نتكلم

انا : قول اللي عندك ... ( وبعرض عليه نتمشى سوا )

فارازون : قولي بقى ... تعرف ايه عن العوالم الموازيه

انا : على حسب

فارازون : على حسب ايه بالظبط

انا : اصل العوالم الموازيه مقسومه عندنا نصين ... النص الاول بيقولوا عليه فانتازيا وخيال وان العوالم دي مش موجوده في الواقع ... والنص التاني بيقول انها حقائق علميه وموجده فعلا

فارازون : وانت ... مصدق مين فيهم

انا : الاتنين

فارازون : الاتنين ازاي يعني

انا : يعني انا مصدق ان العوالم الموازيه موجوده فعلا

فارازون : حلو

انا : ومصدق انها فانتازيا وخيال

فارازون : مبقتش فاهمك يافرعون

انا : مش مهم تفهمني ... المهم هو انت ... انت عايز ايه ... وجاي العالم بتعنا ليه

فارازون : جيت علشان انبهك من اشخاص عاوزه تسيطر على العوالم كلها

انا : لا انت شكلك وراك حكايه كبيره اوي ... ( وبطلع من الارض كراسي وسفره صغيره عليها قهوه ) .. اقعد واحكيلي كل حاجه

فارازون منبهر : ايه ده ..انت عملت كدا ازاي

انا : هحكيلك قصتي بعدين ... قول قصتك بقى

فارازون : تمام ... زي ماقولتلك انا فارازون ... من العالم ٦٠٧ ... في يوم من الايام حصل على العالم بتاعي هجوم عملاق ... والهجوم ده كان من احد جيوش عالم الظلام ... واللي كان قائد الجيش ده كان صديق الملك نفسه ... ولكن بفضل واحد من مجلس حكم العوالم قدرنا نهزمهم ... وكمان لعنت القائد ده

انا : طيب واحده واحده كده ... ايه مجلس حكم العوالم ده

فارازون : ده عباره عن مجموعة حكام من كل العوالم موجوده في العالم رقم ١ ... ومن المفترض ان الحاكم اللي قابلك كان موجود هناك قبل كده

انا : ازاي كان موجود هناك ... انت ازاي مقولتليش على الكلام ده يارع

فارازون بقلق : هو انت بتكلم مين

انا بغضب : يارع ... مقولتليش ليييه

وهنا رع خرج مني : اقولك على ايه

فارازون وقف بفزع : ايه ده ... ( وبيستعد علشان يهاجم )

انا بوقفه بسرعه : استنى يعم ... ده تبعي

فارازون : تبعك ازاي ... هو انتو بتتحكموا في shadow ازاي ... انا مبقتش فاهم العالم بتاعكوا ده

انا بتجاهله : مقولتليش يعني على الكلام ده يارع

رع : اقولك على ايه ... انا لا كنت في مجلس حكم ولا اي حاجه من الكلام ده

انا : اومال انت قصدك على مين

فارازون : كان شخص عنده كاريزما وهيبه كبيره كده ... وكان من اقوى الحكام في كل العوالم

رع : يبقى قصده على ملك البشر الاول ... ( بياخد نفس ) ياخي يلعن ابو شكلك ... ده انت فزعتني

انا : لامؤاخذه يارعرع ... طير انت دلوقتي

فارازون قعد تاني : مين ال shadow ده ... وازاي مش موجود في العالم السفلي

انا : هو هيدخل العالم السفلي ازاي .. وهو اخو ملك العالم السفلي ذات نفسه

فارازون برعب : انت بتقول ان shadow ده اخو الملك هايدس

انا : هايدس مين يعم ... ده اخو الملك انوبيس ... اه ممكن يكون اسمه متغير عندكو .. مش عوالم موازية بقى

فارازون بقلق : اسمه ايه اللي متغير ... العوالم كلها عارفه ان ملك العالم السفلي اسمه هايدس ... والعالم بتاعه في نهاية كل العوالم .. عند الانشقاق

انا : مش موضوعنا ... كمل ام حكايتك اللي دخلت الدنيا في بعض دي

فارازون : وقفنا فين ... انا تهت منك

انا : وقفنا لما قولت ان الحاكم اللي قبلي كان موجود في مجلس الحكم

فارازون : اه تمام ... واحد من مجلس الحكم ده كان صاحب الملك بتاع العالم بتاعي ... والملك ده كان ابويا ... والراجل ده ساعدني بتجهيز جيش قوي ومعدات سحريه علشان نواجه جيش عالم الظلام

انا : طيب كويس ... ايه بقى عالم الظلام ده ... وليه بيعملوا غزو للعوالم التانيه

فارازون : عالم الظلام ده كان زي باقي العوالم التانيه ... ولكن طمع البشر فيه وصلهم لقوى وسحر المفروض ميقعوش في ايد البشر ... والسحر ده مع الوقت بدأ يسيطر عليهم وخلاهم تحت سيطرته ... ولكن واحد من البشر دول كان عنده حقد ونار في قلبه كافيه انها تولع في العالم كله ... ودى خلى السحر يتحد معاه وبقى الملك ... والعالم كله بقى تحت سيطرته

انا : طيب كويس لحد هنا ... بيعملوا غزوات للعوالم التانيه ليه بقى

فارازون : خليني احكيلك من الاول ... في بداية الزمان اللي نعرفه ... مكنش فيه غير العالم رقم صفر ... وكل البشر والمخلوقات كانت عايشه فيه ... ولكن في يوم من الايام سقط نيزك من السما ... والنيزك ده كان موجود فيه كل انواع السحر اللي نعرفها دلوقتي ... وحاكم العالم وقتها جاله رؤيه او حلم بالمستقبل ... والرؤيه دي ان البشر هيعمروا اكوان وعوالم كتيره جدا .. ولكنها مش هتتحقق غير باستخدام السحر ده

انا : طب والنيزك ده جه منين

فارازون : محدش يعرف

انا : طب كمل

فارازون : حاكم العالم استخدم السحر فعلا وعمل عوالم كتيره ...وعمل ادوات سحريه علشان تساعد البشر ... وبدأ البشر يروحوا العوالم دي ... وزي مانت عارف ان الطمع في ددمم البشر ... حصلت حرب بينهم ادت لدمار العالم رقم صفر ... وقبل مايموت .. فصل العوالم كلها عن بعض ... ووزع الادوات السحريه في كل العوالم

انا : يعني ملك عالم الظلام بيدور على الأدوات دي

فارازون : وهو ده سبب الغزوات بتعته

انا : طب طالما هو موجود من زمان اوي كده ... معملش غزو للعالم بتاعي ليه لحد دلوقتي

فارازون : خليني اعرفك حاجه تانيه ... الزمن والتسلسل بتاعه بيتغير من عالم للتاني ... يعني الغزو اللي عمله على العالم بتاعي حصل قبل ما المبعوث مورغوث ييجي العالم بتاعك

انا : يعني ايه ... دا المفروض مورغوث بقاله هنا ٥٠ ألف سنه

فارازون : يعني فكرة المبعوث دي اتعملت بعد فشل الغزو للعالم بتاعي ... وبقولك تاني ان الزمن بيتغير

انا : واتعملت ليه بقى

فارازون : زي ماقولتلك قبل كدا ان قائد الجيش اللي عمل غزو للعالم بتاعي كان اعز أصحاب الملك بيغاسوس ... ولما الغزو فشل وانا لعنته .. الملك بيغاسوس معرفش يرجعه لشكله الطبيعي تاني ... وعلشان كدا عمل فكرة المبعوث

انا : عملها برضه ليه

فارازون : فتح مخك معايا شويه يافرعون ... عملها علشان يبعت المبعوث للعالم اللي عايز يغزيه ... وبيستنى رد من المبعوث ده ... ان العالم جاهز للغزو او لا ... وبكدا مش هيخسر جندي واحد من جيشه

انا : اه فهمتك ... طب وانت جاي تحذرني منه ليه ... لو بتتكلم عن المبعوث بتاعه ..فاملك البشر الاول سجنه في العالم السفلي قبل ٥٠ ألف سنه تقريبا ... ولما هرب من العالم السفلي قبل فترة بسيطه قدرنا نخلص عليه من العالم تاني

فارازون : وايه اللي مخليك تتأكد كدا

انا (ببص على مي) : متأكد كويس انها مش هتضحي بنفسها من غير هدف

فارازون : بس الكلام اللي قالهولي صديقي بتاع مجلس الحكم مش كدا خالص

انا : كلام ايه

فارازون : بيقول ان مورغوث لسه موجود في العالم بتاعك لحد دلوقتي

انا : موجود ازاي ؟!

فارازون : مش عارف ... وعلشان كده جيت أحذرك ... متخليش مورغوث يرجع لعالم الظلام من تاني

انا : ودي هعملها ازاي بقى ... ما ممكن يفتح بوابه وينتقل بيها على طول

فارازون : لا متقلقش ... بوابة عالم الظلام مش هتفتح غير في المكان اللي اتفتحت فيه أول مره

انا : خلاص هندور على مورغوث من تاني وهنمحيه من على وش الارض

فارازون : حاجه اخيره لازم تعرفها ... بيغاسوس بيدور على مخلوقات ووحوش في كل العوالم ... ولازم نوقفه قبل ما يلاقي الوحوش دي وإلا هيدمرنا كلنا

انا : انا عندي بصراحه سؤال لازم اسئله

فارازون : قول

انا : هو انت ازاي هزمت جيش عالم الظلام ولعنت القائد بتاعه كمان .. ومن غير زعل يعني بقوتك دي

فارازون : مالها قوتي

انا : من غير إهانه ... انا ممكن اسفلتك على الارض حالا

فارازون بابتسامه حزن : عارف يافرعون ... عارف كويس انك قوي ... بس عايزك تعرف ان ملك عالم الظلام بيخاف من اسمي ... خليك فاكر الكلام ده كويس ... يلا سلام

انا : طب وهشوفك تاني ازاي

فارازون : لما تدمر مورغوث ..هعرف من صديقي بتاع مجلس الحكم ... وهتلاقيني عندك علشان نوقف بيغاسوس للأبد






نرجع من الفلاش باك

تيريون : طب واحده واحده كده علشان في اسئله كتير عندنا

انا : قول

تيريون : احنا كلنا شوفنا قوة الملك بيغاسوس والجيش بتاعه ... وانت بتقول أنك حسيت بضعف فارازون ... طب ازاي بيخاف منه

انا : بصراحه مش عارف لحد دلوقتي ... انا لما جبت سيرته قدام بيغاسوس في الحرب لقيته خاف جدا .. وبصراحه خوفه مش مبرر

تشارلي : طب سيبك من دي ... انت قولت من شويه ان فارازون قال ان مفيش غير عالم سفلي واحد وموجود في نهاية كل العوالم عند الانشقاق ... طب عالم انوبيس ده يكون ايه

مونيكا : انت قولتلنا قبل كدا ان ملك البشر الاول هو اللي ادى القوه للملك رع وللملك انوبيس ... وهو اللي عمل العالم السفلي اللي هنا

انا : كلامكوا صح ... وعلشان كدا انا لازم اروح عند انوبيس وافهم منه كويس

تشارلي : هو مش رع معاك دلوقتي

انا : هو ميعرفش حاجه عن الحكايه دي ... وخليته يسبني ويروح للعالم القديم بتاعه

مونيكا : طب وانت مقولتش لينا على الكلام ده من الاول ليه

انا : بصراحه انا لسه قلقان من فارازون ده ... وعلشان كده مكنتش عايز ادخلكم في مشاكل جديده غير اللي كانت عندنا

تشارلي : طب وايه اللي جد

انا : احنا خلاص قضينا على مورغوث ... وكمان هزمنا جيش من جيوش الملك بيغاسوس ... وده معناه ان فارازون هييجي تاني هنا

تيريون : وايه المطلوب مننا

انا : اولا هحتاج منك تروح للسحره الزرق وتعرف منهم اي حاجه عن عالم الظلام ... وعن عالم اسمه سجن الوحوش

مونيكا : ايه سجن الوحوش ده

انا : مش عارف ... بس كل يوم بيجيلي شخص في الحلم ويقول خلي بالك من الوحوش والسجن بتاعها

تشارلي : اهو ده اللي ناقص مش كفايه عالم الظلام

تيريون : ولما اعرف منهم اجيلك على فين

انا : لما تعرف كل حاجه منهم ..هتلمس الخاتم بتاعك وهينقلك ليا على طول

تيريون : اه صحيح نسيت ان الخواتم مربوطه ببعض

مونيكا : طب وانت هتروح فين

انا : اكيد فارازون هييجي ليا وياخدني على العالم بتاعه ... وبعدها هنروح لمجلس حكم العوالم كلها

الكل : تمام ... يلا بينا









في العالم السفلي ... قصر الملك انوبيس

ظهرت في العالم السفلي ..ورحت عند قصر انوبيس ... ولقيته في استقبالي

انوبيس : اهلا بالفرعون ... خدت وقتك يعني

انا : حبيبي يا أنو .. اخبار الدنيا معاك ايه

انوبيس : كله تمام .. والسحر هنا زاد جامد جدا بسبب ربط العوالم التلاته مع ألماسة الخلود

انا : معاك حق فعلا ... كثافة السحر والاشعه بتعته زادت بطريقه مخيفه .. وده من اسباب انتصارنا قدام جيش بيغاسوس

انوبيس : طب كويس اوي ... وانا كنت متأكد انك هتكسبوا وتخليه ينسحب

انا بخبث : ايه اللي مخليك متأكد كدا

انوبيس بقلق : ها ... لا اقصد يعني انك وريث رع ذات نفسه ..يعني قوتك اسطوريه

انا بخبث : بمناسبة الملك رع ... هو صحيح مين اللي كان قبله في الحكم

انوبيس : كان ملك البشر الاول

انا : ومقولتش ليا انه كان في مجلس حكم العوالم الموازيه ليه

انوبيس ( بتنهد ) : انت عرفت

انا : طب ازاي انت عارف ورع ميعرفش حاجه

انوبيس : طب تعالى اقعد وانا هفهمك كل حاجه

انا : ادينا قعدنا .. احكي ياسيدي

انوبيس : اولا رع ميعرفش حاجه فعلا ... ومفيش غيري انا وملك البشر الاول اللي يعرف الحكايه دي .. تمام

انا : تمام ..كمل

انوبيس : ملك البشر الاول كان اقوى حاكم في كل العوالم كلها ... ويعتبر تاني اقوى بشري بعد الملك صانع العوالم بتاع العالم صفر

انا بنبهر : ايه ..ازاي الكلام ده

انوبيس : خليني اكمل ... كل العوالم كانت بتخاف منه وبتعمله ألف حساب .. ومن الحظ السئ لبيغاسوس انه بعت مبعوث للعالم ده

انا : طب طالما كان قوي كده ..مخلصش على مورغوث على طول ليه

انوبيس : ملك البشر كان بيجيله رؤيه زي صانع العوالم ... والرؤى دي خليته يبني العالم اللي احنا فيه ده ... ومفيش حد يعرف بيه نهائي في كل العوالم ..علشان مفيش غيره اصلا ... وكان ممنوع ان اي حد من العوالم الموازيه انه يدخل العالم بتاعنا اللي هو ٦٠٨

انا : طب وهو دخل مورغوث ليه ... وسابه عايش كل السنين دي ليه

انوبيس : بصراحه معرفش

انا : طب كمل

انوبيس : في واحد من الاحلام بتعته شاف سجن مليان وحوش ... ولو حد فتح السجن ده هيدمر العوالم كلها

انا : اه منا بتجيلي الرؤيه دي برضه ... وبسمع شخص بيقولي خلي بالك من الوحوش والسجن بتاعها

انوبيس بابتسامه : هو قعد كل ده علشان يظهرلك

انا : قصدك مين ... اوعى يكون هو

انوبيس : هو فعلا ... وقالي على وصيه لازم اقولهالك لما تحلم بيه

انا : وصية ايه بالظبط

انوبيس : اولا انت مش وريث رع .. علشان رع عمره مكان ملك للبشر

انا بصدمه : اييييييه

انوبيس : انت وريث ملك البشر الاول ... انت وريث أراغون

انا : يعني ايه ... انا مبقتش فاهم حاجه خالص

القراء : ولا حتى احنا 😂😂😂

انوبيس : الملك اراغون عمل القصه دي كلها علشان مورغوث يتشغل عنه لحد ما يلاقي سجن الوحش

انا : عمل قصة ايه

انوبيس : عمل قصة الملك رع وحكاية الحرب اللي مابينهم وكدا

انا : يعم مكان يخلص عليه مره واحده ... انت هتوهني منك كده

انوبيس : هو كان عادي ممكن يقتل مورغوث ... بس حب يشغله ويشغل بيغاسوس بالمره ... ويدور براحته على سجن الوحوش

انا : طب وعمل ايه بعدها

انوبيس : معرفش .. كل اللي اعرفه انه كتب كل حاجه في كتاب سري ... وحفظه في مكان محدش هيعرفه غيرك

انا : اشمعنى انا

انوبيس : يخربيت دماغك .. علشان انت الوريث الحقيقي بتاعه

انا : دماغ ايه انت خليت فيا دماغ

انوبيس : دلوقتي انت عرفت كل حاجه ... هتعمل ايه

انا : مش عارف ... اشوفك بعدين ... وبختفي من قدامه






في عالم الاحلام

ظهرت في عالم الاحلام وقعدت اتمرن على التعويذات القديمه لحد ماظهر فارازون تاني

فارازون : ايه اخبارك يافرعون

انا : كله تمام ... اتأخرت يعني

فارازون : معلش كنت مشغول بحاجه كدا ... يلا بينا

انا : يلا بينا








في عالم ٦٠٧

طلعنا من البوابه للعالم بتاع فارازون ... وخدنا على البيت بتاعه

انا : هو مش المفروض تكون قاعد في قصر على الاقل

فارازون : ليه

انا : مش انت حاكم العالم ... والمفروض ان حاكم العالم يكون قاعد في قصر

فارازون : ومين قال اني الحاكم

انا : اومال انت ايه

فارازون : هو صحيح المفروض كنت اكون الحاكم بعد ابويا الملك ... بس انا رفضت العرض ده ... وقررت اعيش طول عمري وانا بدافع عن العالم ده

انا : هو انت عندك كام سنه بالظبط

فارازون : بالنسبه ليك ولا ليا

انا : مش فاهم

فارازون : لو بالنسبه ليك فأنا عندي ٥١ ألف سنه

انا : ياااااااااااااه كل ده

فارازون : وبالنسبه للعالم ده ... انا عندي ٢٥ سنه بس

انا : بص خلينا في حكايتنا اللي جايين نعملها ... كلامنا في الزمن مش هيفيد بحاجه

فارازون : عندك حق ... اولا انا نسختك في العالم ده ... وكل حاجه في العالم بتاعك موجوده هنا عادي

انا : كل حاجه

فارازون : لو على كلام صديقي بتاع محلس الحكم ... يبقى كل حاجه في عالم الاحياء

انا : هو مين صديقك ده بقى

فارازون : اسمه يومير ... وهتعرفه بعدين ... خليني اوريك العالم بتاعي الاول

انا : خليك انت وانا هشوفه ... ( وبتحول لهيئة الملك الفرعون بس التحول بيكون ضعيف جدا )

فارازون بابتسامه : قولتلك خليني اعرفك انا بالعالم بتاعي

انا بنهج : هي كثافة السحر ضعيفه كده ليه ... انتو بتستخدموه ازاي

فارازون : ارجع لطبيعتك طيب علشان متتعبش ... ( وهنا رجعت للهيئة البشريه تاني )

انا : هو مصدر السحر اتدمر عندكوا ولا ايه

فارازون : مش بالظبط كدا ... المصدر بيموت وبينفذ بقاله ٥٠ سنه تقريبا .. وعلشان كدا بنستخدم حجات بديله او مقويات

انا : زي ايه مثلا

فارازون : شايف الساحه اللي قدامك دي

انا : اه

فارازون : وشايف التمثال بتاعي ده

انا : ايوا

فارازون : يبقى اكيد شايف الجهاز اللي على ضهر التمثال ... الجهاز ده يعتبر مكبر للسحر

انا : وايه ده كمان

فارازون : الجهاز ده متكون من مرايتين .. واحده بتلقط اشعة السحر من اتجاه .. والتانيه بتوجهه للاتجاه تاني

انا : وجبته منين ده

فارازون : دي من الادوات السحريه اللي صانع العوالم عملها زمان ... وعلشان كدا بيغاسوس كان عايز يغزي العالم ده

انا : علشان الادوات دي كان عايز يدمر عالم كامل

فارازون : مش تستهون بالادوات دي يافرعون ... الادوات دي اللي خلتنا نهزم الجيش بتاعه ... وكمان خلتني ألعن قائد الجيش كمان

انا : هو ايه حكاية قائد الجيش ده ...انا يدوب جبت سيرته لبيغاسوس ووشه جاب ألوان

فارازون : هو انا مقولتلكش صحيح ... اصله كان صاحب الملك

انا : اوعى يكون قصدك

فارازون : بالظبط هو ده قصدي

انا : ما علينا ... هو كان عايز الادوات دي ليه بقى

فارازون : زي ماقولتلك .. الادوات دي مكبره للسحر والكثافه بتعته ... ومش كل العوالم زي العالم بتاعك

انا : وماله العالم بتاعي بقى

فارازون : حسيت فيه بجبروت محستوش من ايام الحرب دي

انا بتعجب : ازاي يعني

فارازون : قبل الغزو وبعده كنت بستعمل ٤ مكبرات للسحر كحد اقصى ...ولكن ايام الغزو استعملت ١١ مكبر للسحر ... وكنت هموت فيها ... ودي القوه اللي احتجتها علشان اهزم قائد الجيش واحوله لكلب

انا : يعني انت بتقول ان كثافة السحر في العالم بتاعي بتساوي استعمال ١١ مكبر للسحر هنا

فارازون : واكتر كمان ... وعلشان كده عرفت مصدر القوه اللي كان فيها الملك اراغون ( ملك البشر الاول بتاع العالم بتاعي )

انا : هو صحيح كان اقوى حاكم في كل العوالم

فارازون : ياااه ... ده انا شكيت انه قوته عدت صانع العوالم

انا بتوتر : ما علينا ... خلينا في القصه بتعتنا

فارازون : ماشي ... كل حكام مجلس الحكم عايزين يقابلوك

انا : ليه بقى

فارازون : علشان العالم بتاعك هيطلع منه شخص اللي المفروض يكون عارف مكان سجن الوحوش

انا : وايه اللي مخليك واثق كده

فارازون : علشان الوحيد اللي وصل ليه كان الملك اراغون ... ولما وصل ليه رجع للعالم بتاعه وقفل كل البوابات بتاعته

انا ( بصطنع الغباء ) : بوابات ايه

فارازون بانفعال : بوابات العالم بتاعك يفرعون ...ركز شويه

انا : بس انا معرفش حاجه عن الحكايه دي

فارازون : ازاي متعر........(ومره واحده لقيت تيريون ظهر عندنا وقطع كلام فارازون )

تيريون : عرفت كل حاجه يفرعون ... وكل ده موجود في كتاب ايام الزمن الفرعوني

فارازون (بياخد وضع الهجوم) : مين ده ... وازاي دخل العالم بتاعي من غير بوابه

انا : اهدى يافارازون ده تبعي ... انا لازم امشي دلوقتي وهرجعلك تاني

فارازون : تمشي فين ... والحكام اللي المفروض يقابلوك دلوقتي

انا : اللي خلاهم يستنوا كل السنين دي .. هيستنوه كام يوم كمان ... سلام ... ( وخدت تيريون واختفينا )


يتبع .......

/////////////////////////////////////////////////////////////////////////////////////////////////////////////////////////////////////////////////////////////////////////////////////////
اخباركو يجماعه عاملين ايه

اول حاجه بشكركم على كل تعليقاتكم الجميله على السلاسل اللي فاتت ... وبوعدكم بسلسله هتنسف دماغكم .... ولو فيه حاجه مش واضحه دلوقتي هتوضح بعدين

واللي عايزني اعمله منشن لما انزل الجزء الجديد يضيف اسمه في التعليقات تحت

سلام من الفرعووووون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الثاني // كتاب اراغون


بنظهر انا وتيريون تاني في العالم بتعنا وبنروح لحصن كون لان ... وبقابل السحره الزرق

الساحر يو : لقيت الاجابه اللي كنت بتسأل عنها

انا : بصراحه مش قادر احدد لسه

الساحر يارين : ومش قادر تحدد ليه

انا : اصل ايه اللي يخلي الملك أراغون يكتب كل حاجه عن سجن الوحوش في كتاب .. وميعرفش يحافظ عن الكتاب ده كويس

الساحر يو : ومين قال انه محفظش عليه كويس

انا : اصل انتو بتقولوا انه مش موجود في العالم دلوقتي ... وانه موجود في الزمن الفرعوني بس ... يبقى ده معناه ايه

الساحر يارين : ده معناه انه قدر يحفظ الكتاب من كل المخلوقات ... اصل مفيش مخلوق سعتها كان يقدر يخالف أمره

انا : ودي يعني مشكله ... ما عادي اي حد يسافر بالزمن وياخد الكتاب ... وعلى ما أعتقد ان زمن الفراعنه مكنش فيه حاكم للعالم يدافع عنه

الساحر يو : اولا انت عندك حق ... الزمن ده مكنش فيه حاكم ... بس احنا كنا موجودين وقتها وكنا بندافع عن العالم ده ... ثانيا ودي اهم معلومه ممكن تعرفها في حياتك

انا باستغراب : ايه

الساحر أيرين : على حد علمنا وعلم كل المخلوقات اللي موجوده في كل العوالم ... مفيش اي مخلوق يقدر يسافر بالزمن ... والوحيد اللي بيقدر يعمل كده هتعرفه بعدين

انا : ازاي الكلام ده ... طب انا بقدر اسافر ازاي ... ومين الوحيد اللي بتقول عليه ده

الساحر يو : اولا انت بتقدر تسافر بالزمن مش بسببك انت بس .. ده بسبب ان ألماسة الخلود اندمجت معاك وده محصلش قبل كده مع اي مخلوق في العوالم

الساحر ايرين ( بيقاطعه ) : هي حصلت مع واحد بس قبل كده

انا : قصدك اراغون !!

الساحر يارين : بالظبط كده يافرعون ... انت الحاكم الوحيد من بعد اراغون اللي قدرت تستعمل كل الطاقة من ألماسة الخلود

الساحر يو : ومسئلتش نفسك ليه ... ليه الحكام اللي قبلك واللي بعد الملك رع موصلوش للقوه دي

انا : علشان انا وريث الملك اراغون

التلاته بصدمه : انت عرفت ؟!؟؟؟

انا : مش مهم انا عرفت ولا لسه ... المهم اجيب الكتاب ده ... ودلوقتي قبل بكره ... الحلم اللي كل يوم بحلمه ده بقى مزعج بطريقه وسخه

الساحر يارين : طب احكلنا عن الحلم ده بشوية تفاصيل كمان

انا : اول الحلم بلاقي نفسك في عالم مظلم ... مش بشوف فيه اي حاجه خالص ... ومره واحده بلاقي شخص منور طاير في السما ... وبيفضل يبصلي كتير ... وفي الاخر يقولي خلي بالك من الوحوش وسجنها

الساحر يارين : ومش حاولت تكلمه ؟؟

انا : مش عارف ايه اللي بيحصلي لما بدخل العالم ده ... صوتي وحركتي بيتعدموا ... مبقدرش احرك جزء من جسمي نهائي

الساحر ايرين : دي حاجه غريبه فعلا ... بس مش وقتها دلوقتي .. خلينا في المهم ... هتسافر امتى

انا : هجمع الفرقه وهسافر على طول

الساحر يو : اولا فيه شوية حجات لازم تاخد بالك منها

انا باستغراب : ايه

الساحر يو : مينفعش حد يشوفكوا هناك ابدا ... انت والفرقه بتعتك لو قابلتونا ودخلنا معاكوا في قتال اهربوا على طول

انا : وهندخل معاكوا في قتال ليه ... ونهرب ليه برضوا

الساحر ايرين : في الزمن ده مكنش عندنا غير وظيفه واحده ... اي مخلوق خارجي نقتله فورا

انا : ومين اللي قالكوا على الوظيفه دي

الساحر يارين : ملك البشر بنفسه اللي عملنا زي ما عمل رع وانوبيس ... ومتسئلش كتير عن الحكايه دي

انا باستغراب : تمام ... هنتخفى لحد ما نوصل للكتاب .. ونرجع على طول

الساحر يو : وياريت تلبسوا زي الفراعنه كمان

انا : تمام ... فيه حاجه تاني

التلاته : لا

انا : يلا بينا يا تيريون








في حصن الفرعون

مونيكا : انا مبقتش مطمنه ... وليد غايب بقالوا كام يوم

تشارلي : اهدي يمونيكا ... انتي بتتكلمي عن الفرعون مش اي حد

مونيكا : واحنا لسه منعرفش اللي اسمه فارازون ده .. وايه نيته الحقيقه

تشارلي : حتى لو نيته وحشه الفرعون هيعرف يتصدى ليه كويس

مونيكا : لا انا هروح ليه

تشارلي : طب استني اروح معاكي ... انا مش مطمن برضه

مونيكا : ياراجل .. اومال عامل فيها اسد ومش خايف عليه ليه

تشارلي : مش وقت كلام يلا بينا .. انا قلبي مخطوف عليه

مونيكا ( بتطبطب عليه ) : اهدى يواد .. ايه اللي جرالك .. ده انت كنت بتطمني لسه

تشارلي : وانا ايه عرفني اذا كان كويس ولا لا ... انا كنت بحاول اطمنك

.... وهنا ظهرت انا وتيريون ... ولقيت تشارلي جري عليا وخدني بالحضن ..

انا : فيه ايه ياض ايه اللي جرا

تشارلي : عليا الطلاق لو سبتنا ورحت لوحدك بعد كدا لاموتك بايدي

انا بشاور لمونيكا : ده اتجنن ولا ايه

مونيكا : احنا فعلا اتجننا علشان سبناك تروح لوحدك مع الراجل ده

انا : يعني مش واثقين فيا ولا ايه

الاتنين : لا احنا خايفين عليك

تشارلي : مش انت اخونا ولا ايه

مونيكا : لا اتكلم عن نفسك ... انت عايز تضيع الواد من ايدي

انا : هو انا اطول يكون عندي خوات ذيكوا كدا

مونيكا : ايه ياخويا 🤨

انا ( بكمل بسرعه ) : وحبيبتي تكون ذيك كده

مونيكا : ايوا كده اظبط








في قصر مي

سمر : باااس ... هي دي كل الحكايه

غاده : قوليها كمان مره .... please

شروق : متسكتي بقى يبنت ... بس بصراحه قصه مؤثره جدا يسموره

مي بدموع : ياحبيبي يوليد ... بقى كل ده يحصلكوا وانا معرفش

سمر : انتي مش كنتي هربانه برضه

شروق بضحك : اه عندها حق ... احنا كنا مفكرينك ميته كمان

مي بزعل : بقى كده ... ماشي بعد اذنكوا ... ( وسابتهم وطلعت فوق )

سمر : ايه ده انا كنت بهزر معاها .. انا طالعه اصالحها

شروق : لا هي مزعلتش منك .. دي زعلت مني انا .. انا اللي هطلع لها ... ( وطلعت وراها )

نور : وخالد بقى كان عامل ازاي

سمر : كان قمر وشيك في نفسه كده ... والصراحة كان بيحبني جامد جدا ... ووليد كان واخده مثله الاعلى في كل حاجه

سلمى : وادينا عرفنا اخرة النتيجه كانت ايه

غاده : وايه اخرتها يعني .. لولا اللي عمله اونكل خالد زمان ... مكنش وليد عرف يحمي العالم كله

سلمى : مقصدش كده .. انا اقصد لو كل ده محصلش كنا عيشنا حياتنا كلها مع بعض

سمر : اهو اللي حصل بقى ... وانتي ياختي هتفضلي قاعده كده لحد ما الواد يطير منك

نور : تقصدي ايه بكلامك ده

سمر : ما تردي يغاده

غاده : وانا اعمل ايه يعني ... كلنا رجعنا القصر وهو لسه هناك .. عايزاني اعمل ايه

نور : بتتكلموا عن ايه يجماعه

سلمى : ده انتي ضايعه .. دول شكلهم بيتكلموا عن وليد

سمر : ومين اللي قالك

سلمى : مجرد استنتاج ... عموما ... انتي بتقولي الواد هيطير منها ليه

سمر : علشان هو بيحب البنت اللي كانت معاه دي من زمان بس مكنوش مع بعض .. وفي الفتره اللي فاتت كان بيحب غاده ... بس لما رجعوا من السفر بالزمن بتعهم ده ..لقيتهم مع بعض تاني

نور : وايه اللي حصل ما بينهم علشان يرجعوا تاني

سمر : محدش يعرف غير مقصوفة الرقبه دي

غاده : معرفش حاجه معرفش حاجه .. وبتبكي وبتجري على فوق كمان








عند فارازون

فارازون : معرفش ايه اللي حصل ... انا لقيت واحد ظهر من العدم وقال للفرعون حاجه ومشيوا بعدها

يومير ( صديقه بتاع مجلس حكم العوالم ) : يعني ايه ظهر من العدم

فارازون : يعني ظهر من غير بوابة

يومير : اممم .. قصدك انه من نسل المسافرين

فارازون باندهاش : هما مش انقرضوا من زمان اوي

يومير : او هما اللي عايزين كل الناس يعرفوا كده ... عموما خلينا في الفرعون ... هو مقلش هيرجع امتى ؟؟

فارازون : قال هيخلص اللي معاه وهيرجع تاني

يومير : ومقولتش ليه ان مجلس الحكم منتظرينه ليه

فارازون : قولتله ولقيت رده غريب جدا

يومير : قال ايه

فارازون : قال ان مجلس الحكم منتظرينه من سنين مجتش على كام يوم زياده

يومير بابتسامه : شكلنا كده هنشوف الملك اراغون من تاني







في حصن الفرعون

مونيكا : يعني هنسافر في الزمن تاني

تشارلي : ما دي بقت وظيفتنا خلاص

انا : يجدعان وفروا في هري الكلام ده خلونا نخلص

تيريون : كل اللي نعرفه ان الكتاب موجود في زمن الفرعنه عموما

مونيكا : بس الزمن بتعهم كبير جدا ... هنبدأ منين بقى

انا : خلونا نبدأ من الاول خالص

تشارلي : اشمعنى بقى

انا : مش عارف بس عندي احساس ان الكتاب هيكون موجود هناك

الكل : طب يلا بينا

.... وفتحت بوابة واختفينا كلنا ......








العصر الفرعوني

ظهرت انا والفرقه في وسط الصحراء ... ومفيش اثر لاي شئ حولينا

مونيكا : هو احنا المفروض فين يافرعون

انا : بصراحه مش عارف ... بس المفروض اننا في ٦ اكتوبر

تشارلي : ينهار اسود .. وكلها صحراء كده

انا : بقولك يا تيريون .. عارف هتعمل ايه

تيريون : ياخي يلعن تيريون لابو تيريون ... هو كل مره

انا : يحماار علشان انت بتتنقل بسهوله ... يلا بقى بسرعه 🤣

...وبعد خمس دقايق لقيت تيريون ظهر ومعاه ملابس فرعونيه ...

تيريون : عليا الطلاق دي اخر مره ... اصل انا مش حرامي يفرعون

انا : خلاص ياض اهدى .. هروح انا المره الجايه ... ألبسوا بقى الهدوم خلونا نخلص











عند السحره الزرق في زمن الحاضر

الساحر يو : تفتكر هيلاقوا الكتاب

الساحر ايرين : كل خوفي بس انهم يقابلونا هناك ويدخلوا معانا في قتال

الساحر يو : كان لازم نحذره اكتر

الساحر يارين : مكنش ينفع نقوله

الساحر يو : لا كان لازم نقوله ... انت عارف الفرعون كويس .. وعارف كمان انه مبيهربش من قتال ابدا

الساحر ايرين : ولو دخل في القتال معانا هيموت

الساحر يارين : خلينا نعتمد على ذكاؤه بقى










عندي انا والفرقه في زمن الفراعنه

تيريون : وهنعمل ايه يافرعون ... احنا بقالنا ايام بندور ومفيش حاجه

مونيكا : وكلنا تعبنا بصراحه

انا : يبقا مفيش قدامي غير طريقه واحده

تشارلي : طريقة ايه بالظبط

انا : الطريقه دي لازم اعملها عليك وانت بهيئة الشبح

مونيكا : انت هتعمل فيه ايه يافرعون

انا : متقلقوش يجماعه .. انا بس هخليه يشوف اشعة السحر

تشارلي : وازاي هتعمل كده

انا : هعمل عليك تعويذه قديمه ... وهنشوف تأثيرها عليك هيكون ازاي

تيريون : لا الطريقه دي شكلها خطر ... خلينا زي ما احنا

تشارلي : لا احنا بقالنا كتير جدا بندور .. وشكلنا مش هنلاقي حاجه ... انا جاهز يافرعون .. ( وبيتحول لهيئة الشبح )

مونيكا : استنوا بس يجماعه ... الطريقه دي خطر جدا

انا : جاهز ياتشارلي

تشارلي : جاهز 😖

انا باللغه الرونيه القديمه : جادو مي بيند

وطلع مني برق ابيض ضرب تشارلي الشبح ... وخلاه يطير في السما

مونيكا : انت كويس ياتشارلي

تيريون اختفى وظهر عنده .. وخده وظهر عندنا

انا : انت كويس ياتشارلي

...وتشارلي كان بهيئة الشبح .. وجسمه كله متصلب وباصص في السما ... ومش بيتكلم .. كأنه بيشوف رؤيه او حلم وهو صاحي ...

تيريون : طب هنعمل ايه دلوقتي

مونيكا : قولتكوا الطريقه دي خطر ... وبعدين انت جبت الطريقه دي منين

انا : اهدوا يجماعه تشارلي كويس ... هو مش بيرد علشان بيشوف رؤيه

مونيكا : وانت عرفت منين

انا : فاكرين التعويذات اللي علمتها ليكو من كام يوم

الاتنين : اه ... دي تعويذات قديمه خالص مش موجوده في اي كتب

انا : علشان التعويذات دي مكنتش في العالم بتعنا

تيريون : اوعى تقول انك جبت الكتاب ده من عند فارازون

انا : لا يعم مش من عنده ... ده التعويذات العاديه بتعتنا اقوى من اي تعويذه في العالم بتاعه

مونيكا : اومال جبتها منين

انا : من عالم الملك رع من بين العوالم

تيريون بخبث : وهو عارف انك خدته

انا : لا .. وعايزه يبقى يتكلم في الحكايه دي

مونيكا باستغراب : اشمعنى

انا : علشان بيخبي عني معلومات مهمه

تيريون : انت مش قولت قبل كدا انه ميعرفش حاجه

انا : ودي اوسخ من انه يعرف معلومات ويخبيها عني ... كدا هو عايش وكأنه مش معانا

... وبيقطع كلامنا تشارلي وهو بيفوق ...










في قصر مي في الوقت الحاضر

شروق بتطلع لمي في الغرفه بتعتها وبتخبط على الباب

مي : بعد اذنكو سيبوني لوحدي شويه

شروق بتفتح الباب : انا اسفه يا مي ... انا عارفه اني اتخطيت حدودي ... ولو عوزاني امشي قولي دلوقتي

مي : لا تمشي فين ...انا بس افتكرت الايام الوحشه ... ومقدرتش استحمل ... (وهنا شروق دخلت وخدتها بالحضن)

شروق : عارفه ان الحكايه دي كانت كتيره عليكي

مي بدموع : كانت كتيره اوي ... انتي مش عارفه يعني ايه الواحدة تعيش بعيد عن اهلها ... وتخلي واحده تانيه تربي ابنها

شروق : وده كان غلط مين ... انت عارفه كويس لو كنتي عرفتينا زمان ..كنا هنقف معاكي

مي : مكنتش مستحمله فكرة ان حد منكوا يموت بسببي

شروق : وانتي عارفه كويس اني هضحي بحياتي علشانك يامي

مي : ميحرمنيش منك تاني ياحبيبي








عند غاده في الاوضه بتعتها

غاده : لازم اقوله انه يختار ما بيني وما بين مونيكا

نفسها : وانتي قد النتيجه دي ... انتي عارفه كويس انه بيحبها اكتر منك وهيختارها كمان

غاده : طب اعمل ايه .. انا مبقتش قادره

نفسها : هو فعلا عنده حق ... ايه اللي فيكي يتحب

غاده بدموع : مفيش ... مفيش فيا حاجه تتحب خالص

نفسها : انتي مجرد نكره .. واحده ينام معاها لما يحب .. ويسبها لما يحب

غاده بتبكي بحرقه : عندك حق .. انا واحده رخيصه ... انا رخيصه

نفسها : والرخيص اخره ايه

غاده : الموت








عندي في زمن الفراعنه

تشارلي : هو ايه اللي حصل

مونيكا : الفرعون عمل عليك التعويذه ... انت بقى شايف ايه ... ( وهنا تشارلي بيقوم ويطير في الهوا )...

تشارلي : واااااو 😱😱😲.... ايه المنظر ده

انا : شايف ايه

تشارلي : مش هتصدقوا ... انا شايف أشعة السحر في كل مكان

انا : كويس يبقى التعويذه نجحت ... ( وبتحول لهيئة الملك الفرعون وبطير ليه )

مونيكا : هتعمل ايه تاني

انا : هنطير لارتفاع عالي علشان يشوف اكبر تركيز لاشعة السحر ... ( وباخد تشارلي الشبح وبطير لارتفاع عالي جدا )

تشارلي : بااااس .. شوفتها ...

انا : شوفت ايه

تشارلي : ده اكبر تركيز لاشعة السحر موجود في المنطقة كلها

انا : طب يلا بينا









.... وصلنا للمكان وخليت تيريون يختفي ويشوف مين اللي موجود داخل المكان ده .. وبعد شوية ظهر تاني وهو مرعوب ....

تيريون مرعوب : ينهار اسود .. هما بيعملوا ايه جوه

انا : مين دول

تيريون : هيكون مين غيرهم ... يلا بينا نهرب قبل مايشوفونا

انا : انت بتهظر ولا ايه ... اثبت وخلينا نشوف حل

تيريون : انت اللي بتهظر ... دا الحاجه الوحيده اللي حذرونا منها اننا نهرب ومندخلش معاهم في قتال

مونيكا : مين دول يجماعه اللي بتتكلموا عليهم

تيريون : السحره الزرق ... وقالوا لنا لو قابلتونا اهربوا فورا

مونيكا : واكيد مش هنهرب يعني ... ولا ايه يافرعون

تشارلي : ماتتكلم يافرعون

انا : انا خلاص عملت خطه وهنمشي عليها .. ومش عايز اعتراض ... فاهم

تيريون : فاهم

انا : واثقين فيا

الكل : طبعا

انا : طب كويس .. الخطه هتكون ان انتو التلاته هتدخلوا جوه .. تيريون هو اللي هينقلكوا .. وتشارلي هو اللي هيشوف مكان الكتاب كويس ... ومونيكا هتحمي ضهركوا كويس

تيريون : بس كده مش عدل ليك ... ليه هتواجههم لوحدك

انا : ده قدري ... وقولتلك مش عايز اعتراض ... اجهزوا بسرعه ... وانا هحاول اطلعهم برا المعبد ... يلا بسرعه







... ودخلت المعبد وانا بهيئة الملك الفرعون وطلعت سلاح الكوساري جاما وجهزت للقتال ... ومره واحده لقيت برق عملاق نازل من السما عليا ... فعملت بوابه فوقي وخليت البرق يدخل فيها .. وبعدين وجهته لداخل المعبد

.. وهنا لقيت السحره الزرق خرجوا بسرعه والمكان حصل فيه انفجار كبير ... ولقيتهم بيهجموا عليا من غير كلام ... ولقيت هجمات كتير جايه عليا من كل مكان ... وهنا عملت بوابه ودخلت فيها وظهرت قدام المعبد من بره ... والمتوقع حصل ولقتهم خرجوا ورايا وبدأنا رزع في بعض


... ومن الناحيه التانيه تيريون خد تشارلي ومونيكا واختفوا وظهروا داخل المعبد

تيريون : مكان الكتاب فين بسرعه ؟؟؟

تشارلي : لحظه واحده .. انا شايف تجمع الاشعه في التمثال ده

تيريون : طب يلا نجيبه بسرعه .. وانتي يا مونيكا احمي ضهرنا

... وفعلا تشارلي وتيريون كسروا التمثال ولقوه جواه كتابين .. وخدوهم ورجعوا عند مونيكا بسرعه ...

مونيكا : ايه دول مش المفروض يكون كتاب واحد

تشارلي : مش قادر افرق بينهم ... اشعة السحر متركزه فيهم اكتر من اي حاجه هنا

تيريون : مش مشكله ناخدهم دلوقتي ونشوف مين فيهم الكتاب بعدين

مونيكا : طب يلا بسرعه زمان الفرعون بيموت بره





... ولما خرجوا من المعبد لقوا السحره التلاته محاصريني من كل اتجاه وانا راكع على ركبي والدم مغطي جسمي ... ولقيت الساحر يو بيعمل تعويذة الموت عليا .. وانا راكع على الارض ومش قادر اتحرك ... ولكن تيريون اختفى وظهر عندي وخدني بسرعه واختفينا في وسط الصحرا في المكان اللي ظهرنا فيه اول مره ... ولقيت تشارلي ومونيكا هناك كمان


تيريون : هما عملوا فيك كدا ازاي

انا بصعوبه : مش عارف .. المهم جبتوا الكتاب

تشارلي : لقينا كتابين .. فخدتهم وجينا على هنا

مونيكا : هما ازاي عندهم القوه دي ... دول في العالم بتعنا مش اقويا كده

تيريون : علشان كده حذرونا اننا نقاتلهم

انا : كفايه كلام يلا نرجع لعالمنا ....( وبفتح بوابه زمنيه وبنرجع للعالم بتعنا )










قصر مي ... الوقت الحاضر

البوابه بتفتح في القصر وبنخرج منها ولكن من كتر التعب اغمى عليا ... وفقت بعدها ولقيت نفسي في الاوضه بتعتي في القصر ... ولقيت سمر نايمه على كرسي جنب السرير ... وجيت اقوم ولسه بمشي لقيت رجليا مش شيلاني ووقعت على السرير .. وسمر فاقت على الصوت

سمر : انت فوقت ياحبيبي ... استريح دلوقتي انت تعبان

انا : هو ايه اللي حصل

سمر : مش عارفه .. انا لقيت صحابك شايلينك وداخلين بيك القصر وانت سايح في دمك ... وبعدها مي عملت عليك سحر وجروحك اتشفت .. وبعدها جابوك على السرير علشان ترتاح

انا : هما راحوا فين

سمر : قالوا هيروحوا على الحصن

انا : تمام ... وانتي نايمه كدا ليه

سمر : نايمه كده ليه !!!! .. ده انا كنت هموت ساعة ماشوفتك

انا : ليه بس .. دي حاجه عاديه وبتحصلي تقريبا كل فتره

سمر بدموع : بس انا عمري ماشوفتك كده ... وفكرت انك هتسبني وتروح للحبايب

انا بخدها بالحضن : متقلقيش ... لسه قدامي حجات كتير علشان اعملها ... ولا عوزاني اموت بدري كده

سمر بتخبطني على صدري : بعد الشر









عند حصن الفرعون

تيريون : مش معقول الكتب دي .. حتى بعد كل ده ومش عارفين نقرأهم

تشارلي : اكيد الملك اراغون عمل سحر عليهم علشان مش اي حد يعرف يقرأهم

مونيكا : طب وهنعمل ايه

تيريون : مش قدامنا حل غير اننا نستنى الفرعون










في قصر مي

حبيت اطلع اشم هوا ... ولقيت غاده واقفه على سور البلكونه ... وهنا جريت عليها بصعوبه

انا : بتعملي ايه يا غاده ... انزلي بسرعه

غاده بدموع : لا انا لازم اموت

انا : انتي بتقولي ايه ... بقولك انزلي بسرعه

غاده : لازم اموت الروح الرخيصه اللي عايشه جوايا ... لازم تموت ... ( وبتنط من فوق السور )

وهنا نطيت وراها بسرعه ومسكت فيها ... وفتحت بوابه تحتنا ودخلنا فيها قبل ما نقع على الارض ... وظهرنا في عالم الاحلام

غاده بارتياح : يااااه بعد كل اللي عملته ده ادخل الجنه كده

انا بحاول افوقها : جنة ايه ... انتي ماموتيش ... فوقي يغاده

غاده : بس انا لازم اقتل الروح الرخيصه اللي جوايا ... هي قالتلي كده

انا : مين اللي قالتلك كده ... مفيش ارواح رخيصه جواكي

غاده : اومال سبتني ليه بعد اللي عملته فيا ... اقولك انا سبتني ليه ... علشان انا رخيصة .. ورخصت نفسي لما سبتلك جسمي

انا : بس انا مش هاسيبك يا غاده ... انا فعلا حبيتك

غاده : وهتعمل ايه في مونيكا

انا : ملكيش دعوه بيها ... انتي محفورة في قلبي ... انا مستحيل اسيبك

غاده : اومال بعدت عني كل ده ليه

انا : بصراحه حاولت ابعد عنك علشان ترتاحي مني ومن مشاكلي وقرفي ... بس ماقدرتش .. ماقدرتش

غاده : يعني انا مش رخيصه ومش هاتسبني

انا : قطع لسان اللي يقول عليكي كده ... وزي ما قولتلك مستحيل اسيبك

غاده : يعني عندك استعداد تتجوزني

انا بفكر : مش ملاحظه ان احنا لسه صغيرين على حكاية الجواز دي

غاده بدموع : يبقى انت مش بتحبني

انا بسرعه : هتجوزك ... يخربيت دماغك ... بس لما تتخرجي من الكليه الاول

غاده : وانا موافقه ... يلا بقى رجعني للقصر

انا : استني بس عاوز اعمل حاجه الاول










بعد مرور يوم ... عند حصن الفرعون

ظهرت في الحصن ولاقيت الكل قاعد بيتدرب ... وتيريون جه ليا

تيريون : بقيت كويس دلوقتي ولا ايه

انا : انا تمام ... المهم الكتب فيها ايه

تيريون : مش موجود فيها حاجه

انا : زي ما توقعت بالظبط ... مفيش حد غيري هيعرف يقرأهم

تيريون : طب يلا بينا .... ( ورحنا عند الكتابين ولاقيت تشارلي ومونيكا هناك )

انا : يلا نشوف الكتاب الاول بيقول ايه

مونيكا : انت واثق كده ليه انك هتعرف تقراه

انا : هتعرفي بعدين ... ( وبفتح الكتاب الاول وبتصدم لما بشوفه )

تيريون : ايه اللي موجود فيه ... انت مفزوع كده ليه

انا : ده الكتاب اللي قال عليه ... ده كتاب سجن الوحوش

مونيكا : طب كويس انك عرفت تقرأه ... بيقول ايه بقى

انا : لو اي حد غيري قرأ الكتاب ده هيموت على طول ... الملك اراغون عامل عليه تعويذات مشوفتش زيها

تيريون : طب كويس اننا شوفناه فاضي ... بيقول ايه بقى

انا : الكتاب بيقول ......

يتبع ....

/////////////////////////////////////////////////////////////////////////////////////////////////////////////////////////////////////////////////////////////////////////////////////////

اسف جدا على التأخير ده ... بس وانا برفع الجزء للأسف اتمسح واضطريت اكتبه من تاني ... وبوعدكم ان الجزء الجاي مش هيتأخر

توقعاتكم كالعاده
ليه السحره الزرق في زمن الفراعنه عندهم القوه دي
والكتاب الاول بيقول ايه
والكتاب التاني موجود فيه ايه
وايه اللي الفرعون كان عايز يعمله لما كان هو وغاده في عالم الاحلام


سلام من الفرعون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الثالث / مجلس الحكم





في قصر مي

سمر : شكلك مبسوطه وفرحانه كده ليه

غاده : اسكتي ده انا هموت من الفرحه

سمر : اوعي يكون وليد رجعلك تاني ... ومقولتيش ليا على طول ليه يابت انتي

غاده : الموضوع لسه حاصل اصلا ... ( وبتسرح 😌) وبعدين انا لسه مفوقتش من اللي حصل

سلمى (نازله من فوق): بتتكلموا في ايه يبنات

سمر بتغمزلها : حب جديد ..او قديم ... بصراحه مش عارفه .... البت دي قلبت دماغي 🤣

سلمى : يعني هي ووليد رجعوا لبعض

غاده بتكبر *****: ومين قال ان هو سابني اصلا 😏

سلمى : خلاص يعم براحه علينا

سمر : وانتي ياسلومه مفيش حاجه كده ولا كده

سلمى : مفيش ياسموره ... واهدي شويه

سمر : يابت انا بقول كده لمصلحتك ... ده مقصوفة الرقبه اللي اصغر منك هتتجوز اهي

غاده بتوتر ملحوظ : مين قال اني هتجوز ...اوعى يكون وليد قالك ... يوووووه كنت عاوزه اعملها مفاجأة

سمر بانفعال : ينهار ابوكي اسود ... بقى وليد عايز يتجوزك وانتي متقوليش ليا

غاده : لحظه ..انتي ..انتو

سلمى : لبستك ياهبله 🤣🤣🤣









في حصن الفرعون

تيريون : الكتاب الاول بيقول ايه بقى

انا : مكتوب فيه رساله من الملك اراجون ... والرساله بتقول

" من ملك البشر الأول الى ملك كل العوالم ... هذا الكتاب لعنة على من يحمله ... وهذه اللعنه مسؤليتك لتوجهها اينما شئت ... ولكن عند كسر حاجز الانشقاق لن يكون الكتاب هو مسؤوليتك الكبرى ... بل العالم اجمع "


مونيكا : ايه الرعب ده

تشارلي : دي شكلها احلوة اوي

تيريون : وايه اللي موجود تاني ... إطربنا

انا : لا دي البدايه بس 🤣

تيريون : كمل ياسيدي ...كمل

انا : بيقول ان فيه لغز لازم نحله علشان نوصل لمكان السجن

تشارلي : ايه اللغز ده

انا : اللغز بيقول ......
"من منبع القوه الى روح السحر ... انا الواقع في زمن الانتقال ... مصيري هو السيطره على العقول "

تشارلي : لا كده بقى هو بيهزر ... هو فيه ايه يعم

تيريون : طب واحده واحده كده وخلينا نفكر ... ايه هو منبع القوه ده

انا : اممممم ... ممكن يكون قصده الشجاعه مثلا

مونيكا : او ممكن يكون قصده الثقه ... اصل القوه مش بتيجي غير من حد عنده ثقه

تشارلي : لا احنا لو فكرنا كده يبقى فيه حجات كتير بتنطبق على الكلام ده

تيريون : طب وايه هو روح السحر ده كمان

انا : مش عارف ... ممكن يكون امممم ... لا بصراحه مش عارف

تيريون : طب بقولك ايه ... كمل قرأه في ام الكتاب ده .. ممكن يكون الحل في حته تانيه

انا بقلب في الكتاب : اممم ... لا .. والصفحه دي اممم اكيد لا ... لحظه واحده

تيريون بفرح : ايه لقيت الحل

انا : ممكن يكون عايز يورينا حاجه في اللغز ده

مونيكا : زي ايه

انا : زي ان ده مش لغز اصلا ... والكلام اللي فيه عباره عن مكونات من العوالم

تيريون : يعني قصده ندور على روح السحر ... وزمن الانتقال ... انت بتهزر يافرعون

انا ببص لتشارلي : شكلك فهمتني

تشارلي بابتسامه : دي هتحلوا اكتر يافرعون ... يلا نبدأ التخطيط










في عالم فارازون

ظهرت انا وتيريون قدام تمثال فارازون ... وشويه ولقيت فارزون جه علينا

فارازون : اتأخرت يعني

انا : معلش حصل شوية مشاكل وكان لازم تتحل

فارازون : عموما مش مشكله ... والمجلس كله في انتظارك

انا : انت مستعجل كده ليه ... خلينا نتكلم شويه

فارازون : عن ايه

تيريون : عن سجن الوحوش ده

فارازون : ماله سجن الوحوش

انا : ايه اللي تعرفوه عنه ؟؟

فارازون : معلومات قليله جدا ... واللي عرفنا عن المعلومات دي كان صانع العوالم

انا : وعرفكوا المعلومات دي ازاي وهو ميت من زمان جدا

فارازون : مش عرفنا احنا .. هو عرف اللي كانوا عايشين وقتها .. والمعلومات اتورثت على مر الزمن

تيريون : وايه بقى هي المعلومات دي

فارازون بتردد : هو ليه انا حاسس بعدم ثقه من ناحيتك يافرعون

انا : ومين قال كده بس ... احنا بس عايزين نعرف المعلومات اللي عندكوا الاول

فارازون : وبعدها ؟؟

تيريون : هل هنقدر نساعدكم ولا لا

انا : هتحكي بقى عن المعلومات دي ولا نرجع للعالم بتعنا

فارازون : تمام يافرعون هاحكي

انا : على فكره اللي بيحصل ده مش مشكله شخصيه ... ده مجرد اجراء احترازي

فارازون في سره : ما عادي يافرعون ماممكن اكدب عليك

انا : وماتفكرش انك تكدب عليا ... علشان هعرف يافرازون 😉

فارازون : اولا احنا منعرفش مكان سجن الوحوش ده .. بس اللي نعرفه ان اللي هيفتح ليهم الباب هيكونوا تحت خدمته

تيريون : تحت خدمته ازاي يعني ... يعني من غير وعي

فارازون : بالظبط

انا : وهيقعدوا تحت خدمته لامتى

فارازون : محدش يعرف

انا : يعني انتوا عايزين توصلوا لسجن الوحوش وتحرروهم او بمعنى اصح تسيطروا عليهم قبل بيغاسوس

فارازون : كلامك صح يافرعون

تيريون : طب وايه اللي يخلينا نثق فيكم علشان نوصلكوا للقوه دي

انا : ومش اي قوه ... دي السيطره على العوالم كلها .. بما فيها عالم الظلام

تيريون : وممكن العالم السفلي الاخير

فارازون : انا عارف مهما قولتكم على الحجات الكويسه اللي عملناها طول السنين ان ده مش هيغير رأيكوا

انا : ولكن

فارازون : ولكن ممكن رأيك يتغير لما تيجي معايا عند مجلس الحكم وتشوف بنفسك

انا : وانا معنديش مشكله ... يلا بينا













مجلس حكم العوالم

بنظهر انا وفارازون في عالم المجلس ... والعالم ده من جماله يكاد يكون أقرب للخيال ....عباره عن ارض خضرا على طووول النظر ... وفي وسط العالم برج عملاق مبني من الذهب ....وعلى اعلى البرج مبني مجلس الحكم على شكل حلقه




انا : ايه الجمال اللي احنا فيه ده

فارازون : لا انا عايزك تهدى كده وتسيطر على نفسك ... الجماعه هنا مبيحبوش اللي بيبص على حاجتهم

انا : حاجة ايه ... مش كل ده المفروض ملكيه عامه للعوالم كلها

فارازون : يعم وطي صوتك ... انا جبت معايا ثورجي ولا ايه

انا : لا مش اسمها ثورجي ..اسمها مناضل ... على العموم خلينا في اللي جايين علشانه


...وبنوصل للبرج الذهبي وشكله من قريب يهبل طبعا ... وبعدين ركبنا اسانسير وصلنا لحد سطح البرج ... ولقيت على السطح منظر يخض ...

انا بهمس : دول بس

فارازون : قولتلك اهدى خالص ... تعالى ورايا

... وكان المنظر عباره عن كرسي الحكم على احد جوانب السطح وبجانبه كرسيين ... وقدام كرسي الحكم طاوله مستديرة عملاقه ... وقاعد عليها ٧ اشخاص

... مشي فارازون لحد كرسي الحكم وركع قدام شخص ...

فارازون : ملك العوالم ... الملك ارثر ... هو ده الفرعون من العالم ٦٠٨

الملك ارثر : انت الفرعون

.... ولقيت فارازون بيشدني وبيقولي اركع ليه .. بس انا فضلت واقف زي مانا ....

انا : وانت ارثر الملقب باسطورة السيف

الكونتيسا ( قاعده على كرسي جنب الملك ارثر ) : احنا مش هنخلص من عجرفة العالم بتعهم ده ولا ايه

ليث ( اللي قاعد على الكرسي التاني ) : مين اللي عرفك بالمعلومات دي ياطفل

انا بهدوء : دي اخر مره تقول عليا *** ... علشان مش هتلاقي راسك لو قولتها تاني

الكونتيسا : واو .. وكمان بيخربش

فارازون برعب : انت بتعمل ايه ... دول مش بيتهزر معاهم ... ارجوك دول ممكن يمحوا عالم من الوجود بطرقة صوابع

انا : ابلع لسانك انت بقى

ارثر : انت مش خايف مننا ولا ايه يافرعون

انا : وهخاف منكوا ليه ... عملتوا لينا ايه علشان نخاف منكوا ... انا عايز اسئلك سؤال واحد من ساعة ماجيت هنا ... هو انتوا سايبين بيغاسوس بيدمر ويقتل في العوالم التانيه ليه ... ليه يا حكام العوالم

ليث : ماتبقاش غيرك ياطفل عل......

... وقبل ما يكمل كلامه طلعت المنجل وقطعت راسه في لحظه قبل ما اي حد يرمش بعينه ....والكل واقف مصدوووم ومرعوب من اللي حصل ...

فارازون مرعوب : انت عملت ايه

انا : مسمعش كلامي

أرثر وقف : انت مجنون ... انا هدمر العالم بتاعك كله

... وقبل ما يكمل كلامه طرقعت بصوابعي ... وظهر في السما بوابات كتييير جدا وواقف وراها جيوش الملك رع ....

انا : واحنا جاهزيين للحرب .. بس اوعدك ان الحرب معايا هتكون خساره ليكوا كلكو

يومير ( صديق فارازون ) : اهدوا يجماعه وخلونا نتفاهم

ارثر : نتفاهم على ايه ... انا هدمر العالم بتاعه ده

يومير : يعني هو هيسيبك تدمره كده من غير حرب ... ومتنساش ان قرار الحرب لازم يكون بالاجماع

ارثر : بس ده قتل واحد من المجلس

يومير : وهيتحاسب عليها بعدين ... المهم خلونا في المشكله الرئيسيه ... تمام ولا ايه يافرعون

انا : قول اللي عندك

يومير : اولا احنا عايزين ندمر فعلا عالم الظلام وبيغاسوس بس مش عارفين .. والقوه الوحيده اللي ممكن تدمره هي قوة الوحوش

انا : ازاي يعني مش قادرين تدمروه

يومير : صعب اشرحلك الحكايه دي دلوقتي .. واوعدك اني هشرحهالك بعدين ... بس المهم ان قوة الوحوش هي اللي قادره انها تدمره فعلا

انا : وبعد ماتدمروا العالم بتاعه ... هتعملوا ايه بالوحوش دي

يومير : هنبعتها للعالم السفلي ... وهاديس هيدمرها

انا : وايه اللي يخليني اثق في كلامك

يومير : انا عارف انك بتقرأ افكاري وافكار كل الحاضرين ... واكيد انت عارف احنا بنفكر في ايه

انا : عارف طبعا ... زي مثلا الشخص اللي جنبك ده بيقول انا جبت القوه اللي عندي دي منين .... او الشخص التاني ده بيقول هو بيستعمل سحر نوعه ايه ... بس اهم حاجه كلكو بتفكروا فيها حتى الملك ارثر بنفسه انها ازاي تهربوا من هنا

يومير : ممكن يكون كلامك صح ... بس هل كل اللي انا قولته فيه حاجه غلط او كدب مثلا

انا : الصراحه لا

يومير : يبقى اتفقنا

انا : على ايه

يومير : انك توصلنا لسجن الوحوش وتساعدنا في تدمير بيغاسوس

انا : بس انا عندي شرط واحد

يومير : واحنا تحت امرك

انا : انا اللي هتحكم في الوحوش دي

يومير : واحنا معندناش مانع

انا : تمام ... اول ماوصل لنتيجه هرجعلك تاني ... سلام











في حصن الفرعون

... ظهرت تاني داخل الحصن ولقيت الباقي في انتظاري ...

تيريون : عملت ايه

انا : الخطه ماشيه تمام ... وزي ماتوقعنا بالظبط

مونيكا : يعني مكنش فيه طريقه غير دي .. كان لازم تقتل

انا : كده احنا اثبتنا وجودنا ... ومفيش واحد فيهم هيقدر يعترض طريقنا في اللي جاي

تشارلي : هو عندك حق فعلا ... بس كل اللي حصل ده مش هيكون ليه معنى لو موصلناش ليهم

انا : هنوصل ... وانا بنفسي اللي هروح واجيب اول واحد

مونيكا : واحنا في انتظارك












في عالم مجلس الحكم

الملك ارثر : انت ازاي بتعترض عليا وتخليه يمشي من غير عقاب حتى

يومير : يعني انت كنت عايز تعمل ايه ... ده قطع راس ليث زي مايكون بيلعب

ارثر : وانت مقولتش لينا على قوته دي ليه يافارزون

فارازون برعب : علشان القوه دي مكنتش عنده ... ده لما اتحول لهيئة المحارب في العالم بتاعي كان هيموت

ارثر : يبقى لازم نعرف ايه اللي بيحصل .. وفي اسرع وقت

يومير : هنعرف بس متستعجلش ... ده الشخص الوحيد اللي ممكن يوصل لسجن الوحوش

ارثر : اهو ده السبب الوحيد اللي مخليني اصبر عليه











عند الكونتيسا

الكونتيسا : هو ازاي عنده القوه دي

نفسها : دي تبقى كارثه لو خد قوة أراغون

الكونتيسا : لا ده شئ مستحيل ... الزمن بينه وبين اراغون في العالم بتاعه حوالي ٥٠ ألف سنه

نفسها : اومال القوه اللي عنده دي مصدرها ايه

الكونتيسا : مش عارفها ... انا هتجنن

...وبيقطع كلامها دخول ليث من تاني ...

الكونتيسا : إتأخرت ليه

ليث ( اللي قطعت راسه ) : بصراحه خدت وقت لما فوقت من الصدمه

الكونتيسا : انت محظوظ جدا ... مش كل الحكام اللي كانوا حاضرين كانوا بجسم روبوتات

ليث : حتى لو كنت في جسم روبوت .. بس احساس المنجل بتاعه لسه في دماغي

الكونتيسا : مش انت اللي استفزيته ... وبعدين متزعلش اوي كده

ليث : مازعلش ازاي بس ... ده خلى شكلي زباله قدام المجلس كله

الكونتيسا : علشان كده عرفنا قوته عامله ازاي ... وده هيخلينا نتصرف صح في اللي جاي









في قصر مي

ظهرت في القصر ولقيت الكل متجمع وبيتعشوا سوا

انا : مساء الخير يجماعه

مي : مساء الفل ياحبببي ... بقى كده تمشي وانت تعبان

سمر : تعبان ايه ... ده كان متخرشم

انا : يجماعه انا كويس

سمر : طب تعالى اتعشى معانا ... ده انا اللي طابخه

انا ( جريت بسرعه ): وبتقولي دلوقتي ... ( وباكل زي المسروع )

مي : كل براحه هو الاكل هيطير

انا ( والاكل في بوقي ) : اسكتي يامي ... انا مكلتش من ايدها من زمان اوي

سلمى ( وبوقها مليان اكل ) : بصراحه اكلها يجنن


.... وبعد ماكلنا طلعنا قعدنا مع بعض في الجنينه شويه ....

انا : يااه .. ياما نفسي اللحظه دي تفضل طول العمر

مي : وليه ماتفضلش ... ليه متفضلش معانا على طول

انا بزعل : علشان هيكون فيه اختيار من اتنين ... اول واحد اني افضل هنا واسيب العالم كله وطظ فيه

شروق : واحنا عارفين نهاية الاختيار ده هيكون ايه

مي : وعلشان كده كلنا عارفين انك هتختار الاختيار التاني

نور : اختيار ايه

غاده بزعل : انه يحمي العالم كله

انا : متزعلوش اوي كده ... ده قدري

سلمى : قصدك قدرنا كلنا

انا : يلا بقى انا لازم امشي دلوقتي

مي : هترجعلنا متخرشم تاني ولا ايه

سلمى : يعني هتكون اخر مره

انا : ولا ايه ( وببتسم ) ... يلا اشوفكم على خير ... ( وبفتح بوابه وبدخل فيها )












عند ملك الظلام بيغاسوس

بيظهر شخص داخل قصر الملك بيغاسوس وبيروح لكرسي العرش وبيركع قدامه

بيغاسوس : ايه اخر الاخبار

الشخص : هايساعدنا ..بس عنده طلب الاول

بيغاسوس : ايه

الشخص : انه يتحكم في الوحوش بنفسه

بيغاسوس : تمام ... خليه مفكر انه متحكم فينا لحد اللحظه الحاسمه

الشخص : تمام ... اي اوامر جديده

بيغاسوس : لا روح انت












في احد العوالم الموازيه

... ظهرت انا لوحدي في العالم الجديد .. وكنت بدور على مصدر القوه اللي مذكور في الكتاب الاول .. والحل الوحيد علشان اعرف مكانه كان بتعويذه مذكوره في الكتاب التاني ....وهنا اتحولت لهيئة الملك الفرعون .. وطرت في الجو

انا باللغه الفرعونيه القديمه : باور اوف هانت

.. وهنا طلع مني نبضه كهرومغناطيسية في كل انحاء الكوكب ... ولما النبضه رجعت ليا تاني .. ظهر مكان مصدر القوه على جهاز الكتروني كان معايا ... وهنا فتحت بوابه ورحت على المكان ده

... لما فتحت بوابه وخرجت كان المكان في القطب الشمالي في احد مناطق الفايكينج ... والمكان مغطيه التلج واللون الابيض في كل مكان على مد البصر ... والشفق القطبي مغطي السما باللون الاخضر وشكل المكان مهيب جدا

... ولقيت شخص عملاق قاعد على جذع شجره .. وماسك فأس كبيره وعمال يسن فيها ... وكان لابس سلسله على رقبته ومتعلق فيها مفتاح ذهبي

الشخص ( بصوت عميق ) : انت مين وازاي دخلت المنطقه بتعتي

انا بهدوء : قدامك خيارين .. انك تديني المفتاح بسلام ... او هاخده غصب عنك

الشخص نط من على جذع الشجره ونزل على الارض ... والارض اتهزت تحته ... ومسك الفأس بتعته واستعد للهجوم

الشخص : لو انت هنا علشان المفتاح يبقى عارف انك مش هتاخده بسهوله

انا بتحول لهيئة الملك الفرعون : عندك حق يا كريتوس (بتاع god of war )

..... ومره واحده لقيته رمى الفأس عليا ..ولكن طلعت السلاسل بسرعه وخليت السلسله تمسك طرف الفأس وتلفها ناحيته تاني

بس كريتوس شاور للفأس ورجعتله تاني ( زي ثور بتاع مارفل ) ... وجري عليا بأقصى سرعته والارض بتتهز تحته

وانا طرت في السما وطلعت المنجل ولفيته في الجو بسرعه ونزلت بيه على كريتوس

ولكن كريتوس طلع النصول بتعته وسحب نفسه بسرعه من تحت الهجوم بتاعي ... وانا نزلت على الارض وحصل انفجار عملاق

ولكن مره واحده لقيته رمى نصل زي السيف عليا وكان ربطته بسلسله ... وانا صديته بسرعه بالمنجل بتاعي

وفضلنا نرزع في بعض بس من بعيد لبعيد .. وكل واحد مننا استهلك طاقته في القتال من عن بعد .. ونزلنا على ركبنا من التعب ... ولقيت كريتوس بيضحك جامد

انا : بتضحك على ايه

كريتوس : مش فاكر اخر مره دخلت قتال زي ده

انا : تصدق وانا كمان ... بس كنت فاكر انك هتستخدم قوة المفتاح على طول

كريتوس : ومين قال اني بستخدمه اصلا ... انا طول حياتي مستعملتوش غير مره واحده بس

انا : قصدك لما استعملته في هيلهايم

كريتوس بغضب : انت عرفت منين ... محدش غيري يعرف ... ومحدش تاني هيعرف ... ( وبيمسك المفتاح )

... وبيحصل انفجار كبير للطاقه ... ولقيت كريتوس جاله امداد كبير للقوه ... وجري عليا بغضب جامد جدا ...

... وقبل مايوصل ليا ..لمست خاتم بوابة الانتقال .. ولقيت كمية سحر غير طبيعيه وصلت ليا .. وحصل انفجار كبير جدا جوايا .... ولون جسمي اتغير للون الاحمر

...ولكن كريتوس نزل عليا بالفأس بتعته ...وحصل انفجار جامد سبب في انكسار الفأس بتعته ...ولقيت كريتوس طار بعيد عني

... وانا طرت وراه بسرعه ونزلت عليه زي النيزك ..وحصل انفجار نووي سبب في زوبان الجليد من حوالينا ... وكريتوس فقد الوعي

...رحت عنده وخدت منه المفتاح .. وعملت عليه تعويذة شفاء للجسم ..ورجعته مكانه تاني

انا : بوعدك اني هرجع المفتاح تاني قبل ماتفوق ...( وبختفي )










في عالم مجلس الحكم

طلعت من البوابه على طاولة مجلس الحكم ..ولقيت كل المجلس متجمع

الملك ارثر : انت ازاي تدخل هنا من غير استأذان

انا : وانا مش شايف فيكم كبير علشان استأذنه

يومير بيقاطعنا : نورت يافرعون ... المهم وصلت لحاجه

انا : انا جيت اعرفكم اني وصلت لاول الطريق

يومير : ولكن !!!

انا : ولكن الباقي انا هكمله لوحدي ...ولا عندك رأي تاني يا ليث ( اللي قطعت راسه )

ليث ( من تحت ضرسه ) : لا معنديش مشكله

انا : تمام ... تعالى معايا يافارازون عايزك ...( وخدته واختفيت )









عالم فارازون

...ظهرنا انا وفارازون داخل العالم بتاعه ..ولقيت فارازون غضبان جدا ...

انا : مالك غضبان كده ليه

فارازون : بصراحه انا مش فاهمك ... ازاي بتتصرف بالطريقه بتعتك دي قدامهم

انا : هي دي الطريقه اللي تنفع معاهم

فارازون : ثانيا انت جبت القوه دي كلها منين ... انت لما كنت عندي هنا كنت هتموت لما اتحولت

انا : مش مهم تعرف ...المهم ده ( وبطلع مفتاح القوه )

فارازون : ايه ده

انا : اسمع مني الحكايه كويس علشان عايزك توصلها لمجلس الحكم كله

فارازون : حكاية ايه ... وليه متقولش انت الحكايه دي

انا : اولا هما مش هيثقوا فيا لو قولتلهم ... وثانيا عايز اقول للخاين المعلومات اللي عايزه يعرفها بس

فارازون : انت بتقول ايه ... ازاي يكون فيهم حد خاين

انا : انا مش بقول ..انا بأكدلك ان فيهم ٢ خاينين على الاقل

فارازون : ومين هما بقى

انا : مش لازم تعرف علشان كده هتكشفنا قدامهم ...هما لسه ميعرفوش اني كشفتهم

فارازون : طب وايه الخطه بتعتك بقى

انا : الخطه ..........










في عالم مجلس الحكم

الملك ارثر : انا مش مصدق الانسان ده ...ازاي بيعمل اللي عمله ده

الكونتيسا : ده ولا الملك اراغون في عز قوته

...وهنا بيظهر فارازون تاني قدامهم ....

فارازون : انا عندي معلومات مهمه جدا عن سجن الوحوش

الملك ارثر : معلومات ايه

فارازون : الفرعون حكالي على كل حاجه ... وبيقول ان فيه حجات لازم يلاقيها الاول وهي هتوصله لمكان السجن ده

الكونتيسا : ايه الحجات دي

فارازون : بيقول عباره عن مفاتيح ... والمفاتيح دي من اهم مكونات العوالم

ليث : بس المعلومه دي مش مفيده ... ده كده وسع طريق البحث علينا

فارازون : وبيقول كمان انه لقى اول مفتاح كمان

ارثر : ولقاه ازاي ..وفين ... ولسه كام مفتاح باقي

فارازون : مقلش حاجه تاني للاسف

الملك ارثر : يبقى لازم كل الباحثين بتوعنا يجيبوا المفاتيح السحريه من كل العوالم












عندي في حصن الفرعون

... جمعت كل فرقة الفرعون من تاني ..وابتدينا الخطه ....

انا : الكل بقى هنا ولا لسه حد

تيريون : الكل حضر يافرعون ... ابدأ يلا

انا : اولا شكرا على حضوركم من تاني ... والمره دي غير اي مره ... دي ممكن تكون لحظة الفرق في حياتنا كلنا

مي : ادخل في الموضوع على طول يافرعون

انا : تمام ... طبعا انتوا عايزين تعرفوا سبب الغزو بتاع بيغاسوس للعالم بتعنا

الكل : طبعا

انا : زي ما عرفتوا قبل كدا ان فيه عوالم موازيه ... واحب اعرفكم ان كان فيه ملك قبلي كان اسمه اراغون ... الملك ده وصل لمكان المفروض محدش يوصله

الاميره استيلا : مكان ايه ده

انا : مكان اسمه سجن الوحوش ... وده مكان فيه اكتر المخلوقات رعبا في الكون كله ... واللي هيحررهم من السجن ده هيكونوا تحت سيطرته تماما

سلمى : وده ايه علاقته مع بيغاسوس

انا : بيغاسوس بيدور على السجن ده بقاله قرون طويله ..ولكن ممكن في يوم انه يلاقيه ...فعلشان كده لازم نتدخل احنا ونلاقي السجن قبله

مياده : وده هنعمله ازاي بقى

انا : الملك اراغون كتب عن سجن الوحوش ده ... وكتب عن طريقة الوصول للسجن ده

مي : وايه الطريقه دي بقى

انا : اولا لازم نلاقي سبع مفاتيح ..كل مفتاح عباره عن مكون من مكونات الكون ... ( وبطلع مفتاح القوه ) زي المفتاح ده مثلا

نور : مفتاح ايه ده

انا : ده مفتاح القوه ... ويعتبر خيط البدايه لباقي المفاتيح

مي : ازاي الكلام ده

الساحر يو : علشان المفتاح ده هيعرفنا مكان باقي المفاتيح

الساحر يارين : احنا اسفين يافرعون علشان مقولناش من الاول

الساحر ايرين : بس مكنش قدامنا طريقه تانيه غير كدا

الساحر يو : علشان كانت الطريقه الوحيده

انا : مش مهم الكلام ده دلوقتي ... المهم اني عرفت مكان باقي المفاتيح

الساحر يو : وبكده تكون اول شخص تعرف بعد الملك اراغون بنفسه

انا : تمام ... يلا بينا نبدأ التقسيم

الكل : يلا بينا

انا : اولا فيه سبع مفاتيح زي ماقولت ... وبتختلف صعوبة الحصول على كل مفتاح ... والمفاتيح هي ( القوه .. السحر .. الزمن .. الواقع ..الارواح ..التنقل .. السيطره على العقول )

الكل : تمام

مي : والتقسيمه دي هتكون ازاي

انا : اولا المسؤول عن مفتاح الارواح هيكون ( تشارلي ..استيلا .. سكاي ..وريفين ) وده بسبب قوة تشارلي الشبحيه

تشارلي : تمام يفرعون

انا : ثانيا مفتاح الواقع ..وده مسؤولية
( الفهد ..مونيكا ..مياده ..وسلمى )

الفهد : تمام يافرعون

انا : ثالثا مفتاح الانتقال ..وده مسؤولية
( تيريون .. احمد ..كيرا )

تيريون : تمام يافرعون

انا رابعا مفتاح السحر ... وده مسؤولية
( مي ..والسحره الزرق بنفسهم )

الساحر يو : تمام يافرعون

انا : والمفتاح قبل الاخير وهو مفتاح الزمن ..وهيكون مسؤوليتي انا ونور

مي : يبقى كده فاضل مفتاح اخير

انا : وده اصعب مفتاح ... ولازم نكون كلنا هناك مع بعض

الفهد : ولما ناخد المفتاح هنعمل ايه بالظبط

انا : انا اضفت سحر جديد للخواتم بتعتكوا ... اول ماتاخدوا المفاتيح تفتحوا بوابه وترموا المفتاح فيها ... وبعد كده فيه بوابه هتتفتح لأخر مفتاح








في عالم الظلام

بيغاسوس : وايه تاني

الشخص : وبيقول كمان انه هيجمع باقي المفاتيح بنفسه

بيغاسوس : طب كويس انه بلع الطعم ... خلي بقى الروح بتعتنا تتابعه من قريب .. وفي اللحظه المناسبه خليها تاخد مفتاح السحر منهم

الشخص : تمام ياسيدي ...بعد اذنك

...وهنا بيغاسوس بياخد الكلب بتاعه وبيطلع على اعلى برج وبيشوف جيش الظلام الموحد العملااااق وتجهيزاته للحرب



/////////////////////////////////////////////////////////////////////////////////////////////////////////////////////////////////////////////////////////////////////////////////////////

اذيكوا يشباب ... متأخرتش عليكم اهو

وزي العاده توقعوا مين هما الخونه اللي في مجلس الحكم

وازاي الفرعون وصل للقوه دي

وليه عاوز ياخد نور معاه من بين كل الفرقه

وهل حب استيلا للفرعون هيكمل ولا هيروح في طريق تاني

سلااام من الفرعون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الرابع // (مفاتيح سجن الوحوش الجزء الاول )


... بعد ماعرفت كل فرقه هتروح لمفتاح ايه ..عرفتهم كمان اني عملت لبس لكل واحد فيهم ..واللبس موجود في الغرف بتعتهم .. واديتهم ساعتين علشان يجهزوا نفسهم .... وكل واحد راح لغرفته


في قصر مي

ظهرت في جنينة القصر ولقيت اجمل ست قاعده على الشيزلونج ....رحت عندها ولقيتها بتقرأ في كتاب وسرحانه خالص

انا : الجميل بيعمل ايه

سمر : اه .. خضيتني ياوليد .. في حد بيتسحب كدا

انا : عامله ايه ياسمورتي

سمر بترفع الحاجب : انت مش بتسألني عامله ايه غير لما تكون عاوز حاجه

انا : بقى كده يسمورتي ... انا جاي اسأل عليكي يقلبي

سمر : انا كويسه .. انت بقى اللي عامل ايه

انا : يااااااه ( وبنام على الكرسي جنبها ) مسئلتنيش عامل ايه من زمان ... ياما نفسي اصحى من النوم ألاقينا لسه في الفيلا ..وخالو خالد هو اللي بيصحني وبيقولي يلا سمر عملالك الفطار اللي بتحبه

سمر ( قعدت على الكرسي ) : يااااه كل ده في قلبك ..( وبتاخدني في حضنها ) وانا كمان .. خالد وحشني قوي ... وحشني مووووت ( وبتدمع )

انا (جاتلي فكره) : طب احنا ممكن نشوفه

سمر بتقف : ازاي

انا : مش مهم ازاي ... تعالي معايا بس ( وبفتح بوابه وبنختفي )













عند الاميره استيلا

..بعد ماخليت استيلا تكون في فرقة تشارلي .. حست بكسره في قلبها .. واول ماخلصت الكلام بتاعي وخليتهم يطلعوا يجهزوا .. استيلا جريت على غرفتها والدموع نازله من عينها زي الشلال

..ولاحظ تشارلي الزعل اللي كانت فيه وراح على غرفتها وخبط على الباب ..

استيلا ( بصوت مبحوح) : مين !!!

تشارلي ( بيفتح الباب ) : الاميره بتاعتنا زعلانه من ايه

استيلا ( بتوتر ): ها ..لا انا تمام ... معلش اتأخرت شويه علشان بجهز نفسي

تشارلي : انا عارف ان دي اول مهمه ليكي ..وعارف قد ايه بتكون صعبه ... فالو قلقانه ..عادي ..ده شئ طبيعي

استيلا : وبتعمل ايه علشان القلق ده يروح من عندك

تشارلي ( بيقرب منها ) : اول حاجه بناخد نفس كبير ...( وبيقرب منها اكتر ) وبعدين نطلعه ..وناخد نفس تاني ( وبيقرب منها اكتر ) وبعدين نطلعه

استيلا ( بتعمل وراه ): تصدق معاك حق ... التنفس بيقلل الضغط جامد

تشارلي ( مسك ايدها ) : يلا بينا

استيلا : يلا

















عند كيرا في الغرفه

احمد ( بيخبط ) : مش يلا ولا ايه

كيرا : ادخل ياحمد

احمد : مش يلا ياقمر ولا ايه ... اووووو .. ايه الجمال ده

كيرا : جمال ايه بس .. ده ضيق عليا ومش عارفه اتنفس

احمد : ومضغطيش على الزرار ده ليه

كيرا : زرار ايه

..وهنا احمد ضغط على زرار صغير موجود في دراع اللبس ... والبدله بدأت تتظبط على جسم كيرا

كيرا : ايه ده .. وانت عرفته منين

احمد : ياسيتي يلا بينا مش وقته















عندي انا وسمر

.. ظهرت انا وسمر خارج الفيلا القديمه بتعتنا ..

سمر : انت جبتنا الفيلا ليه

انا : تعالي معايا بس

..وبندخل جوه الفيلا وبنسمع انا وسمر صوت عارفينه كويس .. واول ماسمر سمعت الصوت الدموع نزلت من عنيها وجريت عليه ..

سمر برجفه : خخخخا ...خااالد .. انت عايش

..وبتجري علشان تاخده بالحضن .. ولكن بتعدي منه اكنها شبح .. وبتقعد على الارض من الخضه والزعل .. ولكن بروح ليها

انا : متزعليش اوي كده

سمر : ابوس ايدك .. عايزه ألمسه بس ( وبتحاول تبوس ايدي .. ولكن بقومها وباخدها في حضني )

انا بدموع : عارف .. عارف يسمر ... بس مقدرش اعمل كده ... ده اخرنا

سمر : يعني اكون قريبه منه للدرجه دي وماقدرش ألمسه

انا : احنا لو ظهرناله دلوقتي ممكن يحصله حاجه ... وكمان هندمر الخط الزمني بتعنا

سمر : خلاص خليني ابصله وخلاص .. خلي عيني تتمله منه

انا بطبطب عليها : خدي راحتك

سمر : هو احنا ايه اصلا .. هو كده موتنا ولا ايه

انا : لا متخفيش .. احنا دلوقتي مجرد اشباح في الماضي












عند الظل التابع لبيغاسوس

الظل : طب كده كتير لازم اختار فرقه واروح وراها

نفسه : عندك حق ... ممكن نروح وره مفتاح الواقع

الظل : لا .. احنا لازم نستغل اقوى مفتاح ... احنا عندنا فرصه واحده بس

نفسه : يبقى مفتاح الزمن

الظل : مش هينفع

نفسه : عندك حق ... ده الفرعون بنفسه اللي هيروح ليه

الظل : يبقى لازم حد من تبعنا يساعدني

نفسه : وهنعملها ازاي دي بقى

الظل : لو على الاماكن اللي قالها الفرعون .. يبقى مكان مفتاح السحر هو انسب مكان علشان نطلب المساعده منه

نفسه : خلاص يلا بينا












عند مي والسحره الزرق

الساحر يو : معملناش مهمه مع بعض من زمان يا مي

مي : فعلا .. اخر مره كانت في المعبد القديم

الساحر ايرين : يااااه ..دي من مده طويله فعلا

الساحر يارين : ودي المهمه اللي السحر القرمزي كشف عن نفسه جواكي

مي ( بحسره ) : ياريته ماطلع والدنيا فضلت زي ماهيه

الساحر يو : ده قدرك يا مي

مي : عندك حق ... مفيش حد بيهرب من قدره

الساحر ايرين : بس احنا كنا عند وعدنا ... ولا ايه رأيك يا يارين

الساحر يارين : مظبوط كلامك يا أيرين ... فضلنا طول السنين دي بندافع عنك وعن بناتك في الضل

مي : بس انا متلبطش منكو حاجه

الساحر يو : ومين قال انك اللي طلبتي ... ده كان طلب من الفرعون

مي : مش فاهمه

الساحر ايرين : لما الفرعون رجع بالزمن ... قابلنا ايام الحرب العالمية الثانية ... وقعدنا فترة بنتدرب وبنحارب مع بعض

الساحر يارين : وطلب مننا ندافع عن الساحره القرمزيه وبناتها بعد مانخلص التدريب بتعها

مي : ياااه .. ده وليد طلع حنين اوي

الساحر يو : واكتر مما تتخيلي










عند الفهد ومونيكا ومياده

الفهد : انتي متأكده انك الانسب للمفتاح ده بالذات

مونيكا : قصدك ايه

الفهد : قاصدي ان ده مفتاح الواقع ... واحنا مش عارفين ممكن يعمل ايه

مياده : بس ده مش بيجاوب عن سؤالك

الفهد : قاصدي انه ممكن يحول الواقع للحاجه اللي بتخافي منها

مونيكا : يبقى اواجهها

الفهد : انا بقول ده لمصلحتك ... انا خايف عليكي

مياده : متقلقش ... كلنا هنكون في ضهر بعض

مونيكا : عندك حق .... لازم نكون في ضهر بعض

الفهد : طب يلا نشوف سلمى جهزت ولا لسه













عند نور وسلمى

سلمى : اهدي يانور ... انتي هتكوني مع وليد بنفسه

نور : ما هو ده اللي مقلقني

سلمى : قصدك ايه

نور : اشمعنى يختارني انا من بين كل الفرقه

سلمى : اكيد عنده اسبابه

نور : وايه الاسباب دي ... انا لا قويه زي الفهد .. ولا بستعمل السحر زي استيلا ... ولا في قوة العنقاء بتعتك

سلمى ( بتحاول تهديها ) : بس اكيد فيه قوه جواكي ... ووليد عمره ماهيضحي بيكي

نور : بس انا مش خايفه من ده

سلمى : حيرتيني معاكي ... اومال خايفه من ايه

نور : خايفه انه يحتاج مساعدتي وانا معرفش اساعده

سلمى : لا يانور ..هتقدري تساعديه

نور : انتي جايبه الثقه دي منين ... اذا كان انا معنديش الثقه في نفسي

سلمى : علشان انتي اختنا الكبيره ... وهتعرفي تحمينا كلنا












عند سكاي وريفين

سكاي : انا مش عارف ازاي الفرعون يحطني انا وانت معاهم عادي كده

ريفين : علشان كذه سبب

سكاي : وايه هي

ريفين : مثلا علشان احنا حاربنه معاه ... اه ولا علشان المملكه بتعتنا اتدمرت بسبب بيغاسوس والخدام بتوعه ..ولا ايه ولا ايه

سكاي : بس برضه ده ميدلوش الحق انه يثق فينا كل ده

ريفين ( بيقف وبيمد ايده لسكاي ) : يلا بينا يا سكاي ... لازم نساعد الفرعون ... لازم نوقف بيغاسوس حتى لو على موتنا












عند تيريون ومياده

تيريون : انتي واثقه انك هتاخدي بالك منهم

مياده : متخفش .. مونيكا وسلمى هيكونوا في عنيا

تيريون : انا اكتر حاجه خايف منها ان مونيكا تفقد السيطرة على نفسها

مياده : متقلقش .. الفهد هيكون معانا .. وهو عرف يفوقها قبل كده

تيريون : بس خدي حذرك برضه ...القوه والجبروت اللي عند مونيكا ماتفجرش لحد دلوقتي

مياده : منا خدت بالي لما حصلت اخر مره

تيريون : ازاي

مياده : كانت هتقتلني بس












عندي انا وسمر

.. بعد مرور وقت كبير واحنا بنتابع خالي خالد واحنا في هيئة اشباح ..

انا : مش كفايه

سمر : عندك حق .. انا مبقتش مستحمله اشوفه من غير مالمسه او اكلمه

انا : طب يلا بينا

.. وبفتح بوابه وبندخل فيها ... وبنطلع في القصر وبيكون غاده وشروق ويمنى قاعدين مع بعض ..

شروق : كنتوا فين

سمر : يااااااه .. كنت بشوف قلبي .. بس قلبي مش عاوز يشوفني

غاده : مالها دي

انا : انا هخدها ترتاح شويه

.. وبطلع سمر لاوضتها ترتاح .. وبنزل ليهم تاني ..

انا : ممكن تاخدوا بالكم منها اليومين دول

شروق : انت هتوصينا على سمر

انا : مقصدش كده بس

غاده : متقلقش دي صحبتي وهاخد بالي منها كويس

يمنى : هو انتو رايحين فين كلكو

انا : رايحين نجيب حاجه مهمه اوي

.. وبودعهم كلهم وبرجع للحصن تاني ..









حصن الفرعون

انا : جاهزين يا أبطال

الكل : جاهزين يافرعون

انا : اهم حاجه تاخدوا بالكم من بعض ... عايز الكل يرجع تاني .. مش عايز خساير

الكل : متقلقش يافرعون

.. وكل فرقه فتحت بوابه لعالم المفتاح بتعها ..













عالم مفتاح الانتقال ... فرقة تيريون واحمد وكيرا

..ظهروا في العالم الجديد على كوبري ممتد في الفراغ .. والكوبري معمول من كريستال شفاف .. وألوان الطيف السبعه ملوناه ..

تيريون : هنبدأ منين .. وايه الكوبري اللي احنا عليه ده

كيرا : مش عارفه .. وبعدين ده شكله مريب اوي

احمد : ياراجل ... يعني انت مش عارف احنا فين

تيريون : وهعرف منين ..هو انا جيت هنا قبل كده

كيرا : اوعى تكون عارف احنا فين

احمد ( بيشد في شعره ) : لاااااا .. مش مصدق

تيريون : ماتهدى يعم شويه وقولنا احنا فين

احمد ( بيشاور على المدينه ) : يعني انت مش عارف ايه المدينه دي

تيريون : يلا بينا ياكيرا احنا

كيرا : عندك حق ... ده شكله اتجنن

... وخدوا بعضهم وسبقوا احمد على الكوبري ... واحمد بيجري وراهم وبيشد في شعره من الجنان اللي هما فيه ...

احمد : طب استنوا طيب ...هقولكم احنا فين ... يعم استنى انتى راكب موتوسيكل

..وفعلا تيريون وكيرا وصلوا لاخر الكوبري .. واستنوا احمد ..

تيريون : قول يعم احنا فين

احمد : هو انتوا بتتكلموا بجد .. انتو عمركوا ماسمعتوا افلام خالص

كيرا : يووووووه بقى ... اديه رجع يهزر تاني

تيريون : هتتكلم ولا ارجعك للعالم بتعنا تاني

احمد : خلاص يعم هقول ... احنا في....( وبيتشل من اللي بيشوفه )

تيريون : ماتتكلم يابني .. القطه كلت لسانك

احمد : ده ..ده .. هايمد... هايمد...

كيرا : مالك يابني ...ايه اللي جرالك

احمد ( بيشاور وراهم ) : هايمدال ... حارس اسغارد وراكم

..وهنا تيريون وكيرا بيبصوا وراهم وبيشوفوا .. راجل طويل عملاق ..لابس درع ذهبي .. وماسك سيف عملاق .. وواقف على اخر الكوبري قدامهم

تيريون : ياساتر ... مين ده

احمد : يعم قولتلك اسمه هايمدال .. وهو حارس العالم تقريبا

كيرا : وعرفت الكلام ده منين

احمد : نهار اسود .... انتو مشوفتوش اي افلام لثور خالص ... ولا حتى قريتوا عن المثيلوجيا النورديه

تيريون : يعم هو احنا كنا فاضيين للقرايه ولا للافلام ... وبعدين مش وقته ... ده داخل علينا علشان يموتنا

احمد : طب اعملوا زي ما هعمل بالظبط

تيريون وكيرا : تمام

هايمدال : انتو مين وعايزين ايه

احمد : سيدي هايمدال .. حامي آسغارد وحارس جسر بيفروست ... ولدت في الايام الاولى وازدادت القوى لرغبة الملك اودين ... امهاتك التسعه من عتبة ميدغارد لتعطى الولاده للمسلح الاعظم

هايمدال ( نزل سيفه ) : وعايز ايه يا بشري

احمد : طامعين في كرمك وتورينا اسغارد ... تورينا ارض الملوك

هايمدال : من اجل تضرعك ده ... انا هوريكم اسغارد بنفسي ... تعالوا معايا

تيريون ( بيهمس ) : هو ايه الكلام اللي قالهوله ده

كيرا : مش عارفه ... ممكن تكون تعويذه















مفتاح الواقع ... فرقة مونيكا والفهد ومياده وسلمى

..ظهروا في عالم جديد .. واتخضوا من اللي شايفينه ..

مياده : ينهار اسود .. ايه ده

سلمى : انتوا متأكدين ان هو ده العالم

مونيكا ( بتبص على شاشة على دراعها ) : اه هو ده

سلمى : طب ازاي ... ازاي

مونيكا : مفيش غير اجابه واحده بس منطقيه

مياده : اكيد كسب الحرب

.. وبيكونوا في مدينة شبه لندن .. وأعلام النازيه ( بتاعة هتلر ) متعلقه في كل مكان ..

الفهد : اهدوا كده وركزوا في المهمه بتاعتنا

مونيكا : عندك حق ... وطبعا المهمه دي هتحتاج للخفه والحركه بسرعه اكتر من القوه

سلمى : مش تلفي وتدوري على الفاضي ... قصدك محتاجه جواسيس

مياده : طيب .. يبقى هنقسم نفسنا لفرقتين بحث

مونيكا : هروح انا والفهد لألمانيا ... وانتي وسلمى هتدوروا هنا في لندن

سلمى : تمام ... يلا بينا

... ومونيكا بتفتح بوابه وبتدخل فيها هي والفهد وبيختفوا ...

مياده : طب يلا نبدأ احنا

سلمى : هنبدأ منين

مياده : من قصر باكنغهام طبعا

سلمى : طب وانت عارفه هندخله ازاي ..ولا هنستعمل القوه

مياده بابتسامه : طبعا عارفه ... يلا بينا

.. وبتفتح مياده بوابه وبيدخلوا فيها .. وبيظهروا في نفق تحت الارض ..

سلمى : احنا فين

مياده : احنا تحت القصر .. والانفاق دي اتعملت ايام الحرب الاولى علشان العائلة الملكية تعرف تهرب من القصر

سلمى : وانتي عرفتي الكلام ده منين

مياده : انتي ناسيه اني بشتغل في المخابرات

سلمى : اه صحيح .. طيب وهنعمل ايه دلوقتي

مياده : تعالي معايا

.. وبيخرجوا من باب سري في النفق على القصر .. وبيدوروا على غرفة الملك .. وبيلاقوه فعلا نايم ..

مياده : عايزك تحرسي الباب .. مش عايزه حد يدخل لينا ابدا

سلمى : حاضر

.. ومياده بتدخل للملك وبتصحيه ..

الملك : انتي مين ...... يا حارس

.. مياده بتطلع سيف وتحطه على رقبته ..

مياده : لو اتكلمت من غير اذني تاني رقبتك هتطير .. فاهم

الملك بيهز راسه : فاهم

مياده : مين هو حاكم العالم ده

الملك : هيكون مين غيره

مياده : وهو فين

الملك : موجود في القصر بتاعه .. قصر البرغهوف

مياده : شكرا للمعلومه ..( وبتقطع راسه .. وبتطلع لسلمى )

سلمى : خلصتي

مياده : اه يلا بينا

.. وبتفتح بوابه وبيدخلوا فيها .. وبيظهروا في قصر هتلر .. وبيترعبوا من اللي بيشوفوه ..

..بيلاقوا مونيكا والفهد متحاصرين في وسط الساحه .. وحواليهم عساكر من كل ناحيه .. وهنا مياده وسلمى اختفوا وظهروا عندهم ..

مياده : ايه اللي بيحصل

مونيكا : مش عارفه .. بس استعدوا للهجوم

.. وهنا سلمى اتحولت للعنقاء الناريه وطلعت نار حواليهم زي الحاجز .. ومره واحده سابت النار على العساكر .. ومونيكا طلعت القوس وفضلت تضرب عليهم سهام ناريه من كل ناحيه

.. ولما العساكر حاولت تضرب عليهم رصاص .. الفهد عمل درع عليهم .. ومياده اتحكمت في الرصاص وضربتهم على العساكر من تاني .. وخلصوا عليهم كلهم ..

مونيكا : يلا بينا بسرعه ... انا شوفته في المكتب بتاعه

مياده : شوفتي ايه

الفهد : كنا قريبين منه جامد .. بس استخدم المفتاح والعساكر ظهروا من كل حته

سلمى : طيب يلا بينا بسرعه

.. وبيروحوا لهتلر في المكتب بتاعه داخل القصر .. وبيحاصروه من كل ناحيه ..

مياده : استسلم وسلم المفتاح

الفهد : انت خسرت قبل كده .. وهتخسر في كل مره

هتلر بضحك : انتوا فاكرين انكو كسبتوا ... انا ممكن افضل اعمل كده طول اليوم

مونيكا : واحنا كمان

هتلر بغضب : يبقى هنسيكم نفسكم














مفتاح السحر ... فرقة مي والسحره الزرق

.. بتظهر مي والسحره الزرق في العالم الجديد .. وبيتصدموا من كثافة السحر اللي موجوده في العالم ده ..

مي : ايه كمية السحر ده

الساحر يو : ياااااه .. انا مشوفتش كثافة السحر دي من ايام الملك اراغون

مي : يعني ايه ... يعني الملك اراغون كان بيستخدم مفتاح السحر !!!

الساحر يارين : محدش يعرف ... خلينا في المهم

الساحر ايرين : هنقسم نفسنا .. ولا هنعمل تعويذة تحديد المكان

الساحر يو ( بابتسامة ): وانت بتفكر في ايه

مي : اكيد هنعمل التعويذه يعني ... يلا بقى بسرعه

الساحر يو : التعويذه دي محتاجه اتحادنا كلنا

الكل : تمام ..يلا بينا نعملها

..وهنا السحره الزرق اتحدوا مع بعض في شكل مثلث .. ومي الساحره القرمزيه واقفه في النص ..

السحره الزرق باللغه الرونيه القديمه : ذا كي اوف هانت

.. وبيطلع منهم موجه سحريه زرقاء في اتجاه مي ..

الساحره القرمزيه باللغه الرونيه القديمه : تراك ذا كي

.. والموجه الزرقاء بتدخل فيها .. وبتطلع منها موجه سحريه قرمزيه عملاقه ..بتلف العالم كله .. وبترجع ليها تاني .. ومكان المفتاح بيظهر على الشاشه اللي معاهم

..وبيفتحوا بوابه وبيدخلوا فيها .. وبيظهورا في مكان المفتاح ..

مي : المفتاح موجود مع الشخص ده

الساحر يو : تعالوا نجيبه يلا

.. وبيروحوا للشخص ده .. وبيحاولوا ياخدوا منه المفتاح .. بس الشخص بيقاوم وبيبعد عنهم .. وبيستعد للهجوم ...

الشخص : اسبوتيفاي

.. وهنا السحره الزرق صدوا الهجوم .. ومي عملت تعويذه شلل عليه .. بس الشخص صدها بسهوله جدا ..

الساحر يو : احنا كده هنفضل كتير .. ممكن نتكلم

الشخص بهدوء : انتو مين الاول ... وليه عايزين المفتاح

الساحر يارين : مش مهم احنا مين .. بس المهم اننا محتاجين المفتاح ده جدا

الشخص : بس انا مستحيل اديهولكم

مي : يبقى هناخده بالعافيه

.. مي باللغه الرونيه الجديده : كروشيو ..

.. وهنا الشخص صدها .. واتنرفز جامد جدا ..

الشخص : انتوا ازاي تستخدموا السحر الاسود من تاني ... ازاي

مي : سحر اسود ايه

الساحر يو : شكل التعويذه دي من السحر الاسود اللي عندهم

الشخص بغضب : هقتلكم .. هقتلكم يا أكلي الموت















عالم مفتاح الارواح ... فرقة تشارلي واستيلا وسكاي وريفين

..بيظهروا في العالم الجديد .. وبيتصدموا انهم في هيئة اشباح ..

استيلا برعب : احنا موتنا ولا ايه

تشارلي : اهدوا يجماعه ..ده مجرد اسقاط نجمي لاجسامكم

سكاي : يعني ايه

ريفين : يعني اجسامنا زي ماهي في العالم بتعنا

تشارلي : ولازم تسيطروا على اجسامكم علشان تعرفوا تمشوا كويس

استيلا : هو احنا فين اصلا

تشارلي : اكيد في العالم السفلي ... عالم الارواح الاخير

سكاي : وايه اللي مخليك متأكد كده

تشارلي : علشان في كل العوالم الموازيه مفيش غير عالمين سفليين بس .. واحد عندنا في العالم ..وده التاني

ريفين : مش كفايه كلام بقى وندور على المفتاح ده

تشارلي : يلا بينا

... وبيبدأو يدوروا في العالم السفلي .. وبيشوفوا مبنى عملاق زي برج خليفه .. وفيه طابور من الارواح واقف قدام البوابه بتعته ..

تشارلي : انتو واقفين كده ليه

روح : بناخد تذكره لحفلة بليل

استيلا بصدمه : ايه

روح : ايه اللي ايه ... اه اصل مايكل جاكسون هيغني بكره

تشارلي : انت بتقول ايه

الروح : يعم فكك مني بقى ... اسأل حد تاني

سكاي : ايه العالم ده يعم .. احنا فين

تشارلي : طب بعد اذنكم بقى

استيلا : رايح فين

تشارلي : هجيب تذكره 🤣

استيلا : انت بتهزر يا تشارلي .. احنا في ايه ولا في ايه

تشارلي : عليا الطلاق لو الفرعون بنفسه اللي هنا لهحضر الحفله ... انتي بتقولي ايه .. ده مايكل جاكسون

ريفين : طب والمهمه

تشارلي بخبث : يابني انت سامعني .. بقولك مايكل جاكسون .. يعني اكيد حاكم العالم ده هيكون موجود فيها

سكاي : ومين مايكل جاكسون ده كمان

تشارلي ( بيجيله اشتباه شلل ) : انت بتقول ايه

... وبيقفوا في الطابور .. وفعلا بياخدوا تذاكر للحفله .. وبيستنوا لتاني يوم ... وبيفضلوا يستعدوا ....












مفتاح الزمن ... فرقتي انا ونور

.. ظهرنا في العالم الجديد .. وكنا في وسط التلج .. وكانت فيه عاصفه كبيره .. ودرجه الحراره مميته ..

نور بتترعش : انت جبتنا فين

انا : هو ده العالم اللي فيه مفتاح الزمن

نور : طب ودينا ليه ... انت جايبنا في وسط التلج ده ليه

انا : طب ماتفتحي بوابه وتنقلينا من هنا

.. وهنا نور بتحاول تفتح بوابه .. ولكن الخاتم مش بيستجيب ليها ..

نور : هو فيه ايه .. الخاتم مش شغال ليه

انا : مش هيستجيب غير لما قوتك الحقيقيه تطلع

نور : قوة ايه اللي تطلع .. انا روحي هتطلع من البرد

.. وفعلا جسمها كان بردان جدا .. وشفايفها ازرقت من البرد .. وهنا قلعت اللبس بتاعي من فوق ولبستهولها .. ووقفت عريان من فوق ...

نور : انت بتعمل ايه .. انت كده هتموت

انا : متخفيش عليا

نور ( بتدأت تدفا ) : ازاي يعني مخفش عليك .. دي حاجه من قوانين الطبيعة .. يعني مش هتعرف تكسره بالسحر

انا : ومين قال اني بستخدم السحر علشان اتدفا

نور : اومال بتعمل ايه ..( وبتقرب مني وبتحسس على جسمي وبتلاقيني ساخن )

انا : قولتلك متخافيش عليا

نور : طب ازاي ...( وايدها بتيجي على الجروح القديمه اللي موجوده على جسمي ) ... وايه الجروح دي

انا : اهي الجروح دي اللي بتفكرني بأصلي كل مره بخلع هدومي فيها .. مثلا الجرح ده كان اول واحد يعلمني درس مهم جدا

نور : درس ايه

انا : كانت اول مهمه اعملها في حياتي .. وكانت مع خالو خالد .. والجرح ده علمني اني مأمنش لعدوي ابدا .. حتى لو كنت رابطته وماسكه قدامي

نور : انت تعبت جدا في حياتك ياخويا .. ( وبتاخدني اول حضن احس بيه باختي فعلا في حياتي كلها )

انا بدمع : طب يلا بينا خلينا نخلص ونروح للمفتاح

نور : المفروض اعمل ايه

انا : انا عرفت انك المفروض تكوني حائكة تعويذات

نور : يعني ايه

.. وهنا استعملت سحري .. وظهرت اشعة السحر اللي في المكان قدامها ..

انا : شايفه أشعة السحر دي

نور : اه

انا : المفروض ان حائكة التعويذات بتعمل تعويذات جديده .. وبتعمل التعويذات دي من اشعة السحر دي

نور : وهعمل كده ازاي

انا : بتربطيهم مع بعض في اشكال معينه

نور : بس انت برضه مجوبتنيش ... احنا موجودين في وسط التلج ده ليه

انا : علشان الحراره القليله هي اهم سبب في نجاح حائكة التعويذات

.. وبدأت اعلمها تعمل التعويذات ازاي .. وفعلا عملنا تعويذات جديده وقويه جدا ..

.. وفتحت بوابه ودخلنا فيها .. وظهرنا في شارع بليكر في مدينة نيويورك ..

نور بتصوت : ايه ده ... احنا في نيويورك ..( وبتحضني جامد )

انا : وغير كده احنا هنقابل الهيرو بتاعك

نور : قصدك مين

انا : هيكون مين غيره ..( وبشاور على مبنى في اخر الشارع .. وبيكون مألوف جدا لنور )

نور : اوعى تكون بتهزر ... احنا هنقابل استرنج بنفسه

انا : مش عارف هنقابل اي نسخه منه ... بس هنقابله فعلا ... يلا بينا

... وبنروح لمبنى سانكتم سانتورم .. وبندخل فيه .. وبنلاقي سلم طويل واصل للسحاب في وسط المبنى ...

نور بخوف : ده شكله سترنج الشرير

انا : متخافيش .. تعالي نطلع

... ولكن بلاقي دكتور استرنج نازل من السماء وهو طاير .. ولابس العباءة الحمرا بتعته .. وشكله مهيب جدا ...

دكتور استرنج : اهلا بيك يافرعون .. واهلا بالانسه نور

انا : انت تعرفنا ؟؟؟!

سترينح : طبعا اعرفكم كويس ... دي الحرب اللي كانت بينك وبين بيغاسوس وصلت للعوالم كلها

انا : طيب حيث كدا بقى انت لخصت علينا كلام كتير ... ممكن المفتاح

سترنج ( بابتسامه شر ) : لا

انا : هو ايه اللي لا ... طالما انت عارف ايه اللي بيحصل في العوالم التانيه .. يبقى خلص وادينا المفتاح قبل ما بيغاسوس ياخده منك

سترنج ( بياخد وضع الهجوم ): خليه يحاول


يتبع ..........


/////////////////////////////////////////////////////////////////////////////////////////////////////////////////////////////////////////////////////////////////////////////////////////

توقعوا مين اللي هينجح في المهمه بتعته .. وياخد المفتاح بنجاح

ومين هو الشخص اللي معاه مفتاح السحر

وهل الظل هيتدخل فعلا وياخد مفتاح السحر

انتظروني في الجزء الثاني من مفاتيح سجن الوحوش

سلااام من الفرعون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجزء الخامس / مفاتيح سجن الوحوش الجزء الثاني






مفتاح الانتقال ... فرقة تيريون واحمد وكيرا

... وقفنا في الجزء اللي فات لما هايمدال خد الفرقه علشان يوريهم اسغارد .. وفعلا خدهم على مدينة الملوك ...

احمد ( فاتح بقه ) : اوف ايه الجمال ده

تيريون : عندك حق ... الجمال ده مشفتوش قبل كده

كيرا : وافلام ثور اللي قولت عليها وصفت الجمال ده

احمد : وصفت جمال ايه ... دول لو قعدوا ١٠٠ سنه مش هيوصفوها

هايمدال : افلام ايه دي

احمد : لا ولا حاجه ... ممكن تورينا قصر الملك اودين

هايمدال : من اجل تضرعك اللي عملته .. اكيد

احمد : متشكر جدا ليك ياحارس الملوك

كيرا ( بتهمس لتيريون ) : هو الواد ده اتجنن

تيريون : طالما احنا لسه عايشين يبقى خلينا نمشي وراه للأخر

..وفعلا خدهم على قصر الملك اودين .. وفضلوا يلفوا في القصر ويشوفوا جماله وسحره ..

تيريون : مش كفايه مشي بقى ونعمل اللي جايين علشانه

احمد : يعم اهدى شويه انا خلاص هخليه يتبناني 😂😂

كيرا : احنا مش بنهزر ... عايزين نخلص علشان نروح للمفتاح اللي بعده

هايمدال ( من بعيد ) : مفتاح ايه اللي بتقولوا عليه ده

احمد ( بسرعه ) : لا دول يقصدوا مفتاح البيت بتعنا .. معلش اصلوا ضاع منها وبتقول عايزين نعمل واحد تاني

هايمدال : طيب ... كده خلاص الجوله بتعتكم انتهت ... يلا علشان ترجعوا للعالم بتعكم

احمد : طب ممكن اخر طلب .. تحكيلنا عن الحروب العظمى اللي شاركت فيها ... وجبت النصر لمملكه اسغارد

هايمدال ( بابتسامة فخر ) : طبعا .. تعالوا معايا

...وخدهم هايمدال على جسر بفروست ، وقعدوا قدامه يسمعوا قصص الحروب اللي شارك فيها ، وطبعا احمد قاعد مذهول من اللي بيسمعه ، وتيريون مبضون وعايز يخلص من الحكايه دي ، وكيرا كل اللي بتعمله هي نظرتها الساحره لاحمد ...

تيريون ( بهمس ) : مش هنخلص ولا ايه

كيرا : ششششش ،، خلينا نسمع القصص بتعته ( وبتبص بتوهان لاحمد )

تيريون : انتي بتبصي على ايه .. الراجل بيتكلم الناحيه دي ( وبيعدل راسها )

كيرا : يعم سبني .. انت مش شايف الواد ساحرله ازاي

تيريون : ساحر ايه

كيرا : احمد قاله كلمتين خلاه زي الخاتم في صباعه ( وهااح 🥺 )

تيريون : يادي المصيبه السودا ...ايه الفرقه اللي وقعت فيها دي


.... وبعد ما هايمدال خلص حكي القصص عن الحروب بتعته ، احمد طلب منه طلب تاني ...

هايمدال : كفايه كده لحد دلوقتي ، انتو لازم تمشوا من هنا قبل ما ثور او الملك اودين ييجوا

احمد : بس احنا بقينا أصدقائك وعايزين نقعد معاك كمان شويه

هايمدال ( بفرحه ) : انتو اصدقائي انا

كيرا : طبعا بقينا اصدقائك

هايمدال ( بيقلب جد ) : لا انا مليش اصدقاء .. انتو لازم تمشوا دلوقتي

.. وبيوجه السيف بتاعه على تيريون ، وبيطلع منه شعاع ، ولكن تيريون بيختفي بسرعه من قدامه وبيظهر على الناحيه التانيه من الجسر ..

هايمدال ( بصدمه ) : انت عملت كده ازاي

احمد : دي قوته .. زي ما قوتك انك بتشوف مسارات الطاقه بين الابعاد

هايمدال : بس القوه اللي عنده دي اختفت من زمان ... من زمان خالص

تيريون ( اختفى وظهر عندهم ) : يعني ايه اختفت من زمان

هايمدال : القوه بتعتك دي من المسافرين الاوائل

احمد : يعني ايه

تيريون : وازاي قوة المسافرين الاوائل جت عندي

هايمدال : وانا هعرف منين ... ( وبيقعد مكانه ) انا اخر واحد شوفت عنده القوه دي كان ..( وبيبتسم بدموع )

احمد : كان مين

هايمدال : كان اعز صاحب ليا

تيريون : ومات ازاي

هايمدال : معرفش اذا كان مات ولا لا

تيريون : اومال ايه اللي حصل

هايمدال : اختفى ومظهرش تاني

تيريون : يعني انت تقصد ان كل المسافرين اختفوا ومظهروش تاني ابدا

هايمدال : اه ... بس قالي على حاجه قبل مايختفي

كيرا : ايه

هايمدال ( خلع سلسه وكان فيها مفتاح الانتقال ) : قالي لما مسافر تاني يجيلك اديله المفتاح ده

تيريون : وهعمل بيه ايه

هايمدال : معرفش ..هو قالي المسافر هيعرف لوحده

..تيريون خد منه المفتاح ، ولكن عنده اسأله كتير جدا ..

هايمدال : كده بقى انتو لازم تمشوا دلوقتي

احمد وكيرا ( مصدومين انه ادلهم المفتاح ببساطه) : عندك حق

... وودعوا هايمدال .. وتيريون لمس الخاتم بتاعه ، وفيه بوابه اتفتحت ، فرمى المفتاح فيها وقفلت تاني ... وظهرت بوابه تانيه فدخلوا فيها ...

















مفتاح الواقع .... فرقة مونيكا والفهد ومياده وسلمى

...وقفنا في الجزء اللي فات لما الفرقه وقفت قدام هتلر وأمرته انه يستسلم .. بس هتلر استخدم مفتاح الواقع في اخر لحظه ...


في مكان ما داخل قصر هتلر
.. مونيكا لابسه لبس خدامه ، وماسكه قماشه وبتمسح مراية الحمام .. وبتدخل عليها واحده ست

الست : انتي يازفته لسه مخلصتيش

مونيكا : انا اسفه يهانم ، معتش غير المرايه دي

الست : يعني التانيين خلصوا ..( مونيكا هزت راسه بنعم )

.. الست راحت عند المرايه ، ومسحت بصابعها عليها وشافت بقعه .. فراحت عند مونيكا وضربتها كف وقعتها على الارض .. وداست برجلها على راس مونيكا

الست : انتي مجرد حشره افعصها تحت رجلي ، المرايات دي تتنضف من تاني .. سامعاني

مونيكا ( بدموع ) : حاضر يهانم



عند المطبخ داخل القصر
مياده وسلمى لابسين خدم برضه ، وبيقطعوا خضار للطباخ ، ولكن الطباخ زعق ليهم علشان قطع الخضار كبيره

مياده : انا اسفه .. هاعملهم بسرعه

الطباخ : بسرعه يحيوانه .. الغداء بتاع الملك كمان نص ساعه ... وانتي يابت اندهي لواحده من الخدم علشان تساعدكم بسرعه

سلمى : امرك يسيدي

..وبتطلع سلمى للقصر وبتشوف مين في الخدامين فاضي ، وبتشوف بنت خارجه من الحمام فابتروح ليها ..

سلمى : انتي فاضيه

البنت : اه فاضيه .. محتاجه حاجه يا

سلمى : انا اسمي سلمى ... تعالي معايا علشان محتاجينك في المطبخ .. هو انتي اسمك ايه

البنت : انا اسمي مونيكا

... وراحت مونيكا معاها وطبعا مش عارفين بعض ... وبيحضروا الغداء سوا ، والطباخ بيطلب من مونيكا تشيل الاكل مع الويتر ...

مياده : انا حاسه اني شوفت البنت دي قبل كده

سلمى : وانا كمان ... زي احساسي لما شوفتك اول مره برضه

مياده : غريبه




داخل جنينة القصر
..واقف الفهد بلبس المزارع وبيرش ميه على الزرع ، وبعدين بيقص الشجر بالمقص الكبير ، وبيغني بصوت حلو اوي ..وبتاخد بالها مونيكا منه وهي شايله الاكل وراحه تحطه على سفرة الاكل ..

.. ومونيكا بتحط الاكل على السفره .. وبترفع راسها وبتبص وراها وبتشوف حاجه خليتها تنزل دمعه من عينها .. وبتفوق مونيكا بتلاقي الدموع نازله على وشها

مونيكا : حتى وانتوا ميتين بتحموني

نفسها : وجه دورك انك تحمي صحابك

...وبترجع مونيكا تاني ، وبتسحب الفهد من تحت الشجره وبتعمل عليه تعويذه ...

مونيكا باللغه الرونيه القديمه : وايك أب مورون

..ومره واحده بيفوق الفهد بشرقه من الوهم اللي كان فيه ..

الفهد : ايه اللي حصل

مونيكا : شكل هتلر دخلنا في وهم .. تعالى معايا بسرعه علشان نفوق مياده وسلمى

الفهد : يلا بينا

... وفعلا دخلوا المطبخ بسرعه ، والفهد رزع الطباخ على دماغه خلاه يفقد الوعي ، ومونيكا عملت التعويذه عليهم وفوقتهم ...

مياده : انا فين .. ايه اللي حصل .. وايه اللبس ده

مونيكا : احنى دخلنا في وهم ... اجهزوا بقى علشان نخلص عليه المرادي

الفهد : بس انا عندي سؤال ... انتي ازاي فوقتي من الوهم ده

مونيكا ( بابتسامة حزن ) : شوفتهم ... شوفت خواتي وامي

سلمى : يعني ايه

الفهد ( فهم ) : يعني شافت عيلتها وهي في الجنينه

مياده : مش فاهمه برضه

مونيكا : اخر مره شوفت عيلتي فيها ، كنا بنتغدى كلنا مع بعض ... ومن شويه لما بصيت على عيلة هتلر افتكرتهم .. والدموع اللي نزلت مني خلتني افوق من الوهم

سلمى : طيب يلا بينا ( وبتتحول للعنقاء الناريه )

مونيكا بشر : يلا بينا

... وبيطلعوا الكل يقتلوا في اي حد يقابلهم ... ولما مونيكا شافت الست اللي كانت بتعذبها ، راحت ليها ...

الست برعب : انتي ايه

مونيكا بشر : انا نهايتك ..( وفضلت تضرب فيها لحد ما كسرت ايديها ورجليها .. والست قاعده تصوت ومش عارفه تهرب منها )

مونيكا ( طلعت القوس والسهم ) : بقى انتي كنتي بتذليني انا ... ( ورفعت الفستان بتعها ورشقت سهمين في طيزها .. وسابتها تصوت من الالم )

وعند سلمى كانت وصلت لهتلر وعيلته فعلا .. وهتلر كان هيستخدم المفتاح تاني .. بس الفهد استخدم سرعته القصوى وخد منه المفتاح في لحظه واحده

ولسه هتلر هيهرب ، ولكن سلمى فتحت عليه نار العنقاء من كل ناحيه ، وسيحتهم في بعض .

مونيكا : كده خلصنا ... حد عايز ينتقم من اي خول هنا

الباقي : لا كده حلو

... وهنا مونيكا لمست الخاتم وظهرت بوابه ، فرمت المفتاح فيها والبوابه قفلت ... وظهرت بوابه تانيه دخلوا فيها ....














مفتاح السحر ... فرقة مي والسحره الزرق
..وقفنا في الجزء اللي فات لما مي والسحره الزرق هجموا على الشخص اللي معاه مفتاح السحر ..ولكن الشخص صد الهجوم بتعهم ...

مي باللغه الرونيه الجديدة : كروشيو

الشخص ( صدها ) : انتو ازاي بتستخدموا السحر الاسود من تاني .. انا هقتلكم يا أكلي الموت

الساحر يو : مين دول اللي أكلي الموت ... انت بتقول ايه

الشخص ( هاجم من غير كلام ) : ماغنيتوا

... وهنا الساحر ايرين عمل درع حواليهم ... والساحر يارين عمل شراره بسحره ... والساحر يو ضرب الشراره دي وعمل منها برق عملاق ... ومي وجهة البرق على الشخص ده ...

... ولكن ظهر من ورا الشخص مجموعه من السحره .. وعملوا درع قدام الشخص ، وصدوا الهجوم ...

واحده : فيه ايه يا هاري ... ودول بيهاجموك ليه

هاري : مش عارف ... بس دول بيستخدموا السحر الاسود ... لازم نخلص عليهم يا هرميوني

هرميوني : ازاي ... يعني ايه ... يعني أكلة الموت رجعوا تاني

هاري : مش عارف

.. وهنا مي كانت عامله هجوم عليهم وقدرت تكسر الدرع بتعهم .. ولكن هرمويني ردت الهجوم بسرعه ..

هرميوني : ونغارديوم لفيوسا ( حبيبي بتوع البوترهيد اللي هيفهموها 🙂🙂)

...وهنا مي اترفعت في الجو بسبب هرمويني ، ونزلتها هبد على الارض ...

هرميوني لرون : شوفت لما تقولها صح ده اللي بيحصل

رون : مكنتش مره اللي قولتها غلط ..

... ولكن بيشدها ناحيته بسرعه علشان كان فيه هجوم عليها ...

..وفي الوقت ده مي كان مغمى عليها ، وكانت بتحلم انها دخلت على بناتها وكانوا بيتفرجوا على فيلم ..

مي : انتو بتتفرحوا على ايه

سلمى : ده فيلم حلو اوي يماما ... الناس فيه بيستخموا السحر وحاجات خياليه

مي بتوتر : سحر ... ايه الكلام الفاضي ده ... قوموا ذاكروا وشوفوا وراكم ايه

سلمى : حاضر ..هنسمع بس الحته دي وهنقوم ... وفعلا مي قعدت تتفرج معاهم لحد اخر الفيلم ...



الساحر يو : اصحي يامي ... فوقي

مي ( بتصحى بشرقه ): ايه اللي حصل

الساحر يو : احنا بنحاربهم من زمان ومحدش فينا قادر انه يهزمهم

مي ( افتكرت كل حاجه ) : لحظه واحده ... دول مش اشرار ... استنوا كل واحد يوقف الهجوم

الساحر ايرين : انتي بتقولي ايه ... احنا لو وقفنا دلوقتي هيموتونا

مي : دول مش اشرار

الساحر يارين : يعني ايه

مي ( بتعلي صوتها ) : احنا مش اكلي موت زي ما بتقول ... مش انت هاري بوتر ... اللي قتلت امير الظلام اللي اسمه فولدمورت

كل اللي عند هاري : هههههههم

هاري : ازاي تقولي كده ... ده اسمه مش بيتنطق هنا

مي : اه اسفه عندك حق

هاري : انتوا هنا ليه بقى

مي : احنا من عالم تاني ... ومحتاجين المفتاح بتاعك علشان نحارب ملك الظلام اللي موجود في العالم بتعنا

الساحر يو : انتي بتقولي ايه

مي ( بتشاورله يسكت ) : هاتعمل ايه يا هاري

هرمويني : انتي بتكذبي

مي : يعني لو انا بكذب يبقى المفروض معرفش عنك حاجه .. صح ولا لا

هاري : وتعرفي عني ايه

مي : اعرف انك كسرت العصايا الاقوى علشان محدش يستخدمها تاني

هاري بصدمه : انتي عرفتي الحكايه دي منين

مي : قولتلك انا من عالم تاني وعارفين عنك كل حاجه ... ولازم تديلنا المفتاح بتاعك علشان نحارب ملك الظلام

هاري ( بعد تفكير ) : انا موافق

هرميوني : انت بتقول ايه

هاري : هي فعلا صادقه ... ومحدش يعرف عن كسر العصايا غيري انا وانتي ورون بس

... وفعلا هاري بيطلع المفتاح وبيوجهه بالعصايا بتعته لمي ... ولكن بتظهر بوابه سودا من وسط الفراغ وبيطلع منها شخص شبه اللورد فولدمورت .. وبياخد المفتاح ...

.. وكل اللي تبع هاري اترعبوا واتشلوا من الصدمه .. وهنا السحره الزرق حاولوا يهجموا عليه بسرعه .. ولكن اللورد رد عليهم بهجوم اسود .. ورجع للبوابه تاني واختفى ....

والساحر يو بص وراه لقى الساحر يارين صدره مخروم بسبب الهجوم اللي عمله اللورد عليهم .. والساحر يارين وقع مكانه ومات في لحظتها والباقي واقف مذهول

ولكن مي لمست الخاتم بتعها بسرعه وظهرت قدامهم البوابه الاخيره ... وشالوا الساحر يارين ودخلوا فيها














مفتاح الارواح .... فرقة تشارلي واستيلا وسكاي وريفين

وقفنا في الجزء اللي فات لما تشارلي وفرقته حجزوا تذاكر لحفلة مايكل جاكسون في العالم السفلي الاخير ، وجهزوا نفسهم علشان يهجموا على حاكم العالم السفلي وياخدوا مفتاح الارواح منه

.. وفعلا جهزوا نفسهم وراحوا الحفله ..

استيلا : وشكله ايه بقى ده اللي اسمه مايكل

تشارلي : انا مش فاهم ازاي انتوا كنتو عايشين في المملكه

سكاي : يعني ايه

ريفين : شكله يقصد ان الحاكم عزيز بعد عننا كل حاجه عن العالم الخارجي اللي كنا بنحتقره

سكاي : يعني من كلامك ده تقصد ان العالم بتعكوا احسن من المملكه يا تشارلي

تشارلي : بص ياخويا .. المملكه فيها حجات كلنا كنا بنحلم بيها ... بس زي ما ريفين قال كده .. انتو عايشين في العصر الحجري

استيلا : وايه العصر الحجري ده كمان

ريفين : يقصد اننا عايشين من غير تكنولوجيا

تشارلي : هو انت المصحح بتاعي .. ماتهدى يعمنا

سكاي : وبعدين انت عرفت الكلام ده كله منين

ريفين : من قعدتي الكام شهر اللي فاتو مع نور

سكاي : اوبا .. شكلك كده وقعت

تشارلي ( بغضب ) : انت بتقول ايه ياض انت ...نور دي اختي زي ما هي اخت الفرعون

ريفين ( بسرعه ) : لا يعم اهدي انت كمان ... انا بحبها ولما نرجع من المكان ده هقولها على كل حاجه

تشارلي : وانا هارقبك بنفسي لحد ماتقولها .. يأما هقتلك بايدي

ريفين : حاضر يعم ... بس نرجع على خير بس

... وهنا استيلا بصت لتشارلي نفس النظره اللي كانت بتشوف فيها الفرعون ...


.... وفعلا حضروا الحفله وكانت دمار ( يعني حفله لمايكل جاكسون في العالم السفلي هتكون ايه 🙂 ) ... ولاحظوا وجود ملك العالم وكان معلق مفتاح الارواح على رقبته بسلسله ....

تشارلي : هو معاه المفتاح فعلا ... الخطه هتكون ..

استيلا : بس كده خطر

تشارلي : يلا مفيش وقت

.....وفعلا نفذوا الخطه وكانت ان تشارلي وسكاي هيعملوا تعويذه على الارواح ، والتعويذه هتخليهم يتجننوا ويضربوا كلهم في بعض .. وتحصل فوضى كبيره ، وفعلا كل ده حصل ...

... واستيلا وريفين اتسحبوا لحد الملك واستنوا تشارلي وسكاي .. والملك كان قاعد بيضحك ومبسوط من الفوضى اللي كانت قدامه ...

.. وعدى وقت وتشارلي وسكاي وصلوا ليهم .. وراحوا عند الملك ... وخدوا وضعية الهجوم ...

الملك هايدس : انتوا مين يا حشرات

تشارلي : هناخد منك المفتاح ...وعلى فكرة الملك اراغون بيسلم عليك

هايدس برعب : انت بتقول مين .. انت كذاب الملك اراغوان مات من زمان ... ( وبيعمل تعويذه وبيطلع من الارض نسخ من الظل زي فرقة تشارلي بالظبط )

هايدس : لو انتوا تبع الملك اراغون يبقى هتعرفوا تتغلبوا على نفسكم ... ( وقعد على الكرسي تاني )

... وهنا الظل اللي عمله هايدس هجموا على الفرقه ، وكل واحد قعد يرزع في الظل بتاعه ... وتشارلي قدر يدمر الظل بتاعه ، وراح يساعد استيلا ... وفعلا دمروا هما الاتنين الظل بتاعها ...

... وجري عليهم سكاي علشان يحارب معاهم ... ولكن ظل سكاي عمل رمح اسود عملاق ورماه على استيلا .. ولكن سكاي شاف حبيبته وهي هتموت ، فجري عليها بسرعه وخد الرمح في صدره ووقع على الارض ...

... والناحيه التانيه ريفين كان بيحارب الظل بتاعه ... واول ما شاف سكاي واخد الرمح في صدره وواقع على الارض اتشتت ... وجه الظل من وراه وضربه بالسيف في ضهره ووقع هو كمان على الارض ...

.. وتشارلي واقف وشايف صحابه بيموتوا واحد ورا التاني .. ولكن قرر بسرعه وعمل تعويذه ...

تشارلي باللغه الرونيه القديمه : امهيم سوار

.. وطلع من الارض سلاسل نور كتفت الظل اللي عمله الملك هايدس ونزلتهم في الارض تاني ..... وهنا الملك هايدس وقف على رجليه في صدمه كبيره ..

هايدس : انت ازاي عارف التعويذه دي

تشارلي : قولتلك انا تبع الملك اراغون الجديد

هايدس : وعايز ايه

تشارلي : عايز مفتاح الارواح

هايدس : بس انا مستحيل اديهولك

تشارلي : يبقى هاخده منك غصب ( وبيجري عليه )

... ولكن ظهرت بوابه سودا مره واحده ، وطلع منها ذيب عملاق ، خطف المفتاح من رقبة هايدس وجري تاني على البوابه واختفى ... وتشاري والملك هايدس واقفين مصدومين

تشارلي : ايه ده ... ايه اللي حصل

هايدس : معرفش .. انا مشوفتش الديب ده من زمان ... ده ديب لوخ نيس

تشارلي : يعني ايه

هايدس : يعني حذر الملك الجديد بتاعك ... الحرب العظمى جايه

... وظهرت بوابه ودخل فيها تشارلي واستيلا وهما شايلين جثث سكاي وريفين .....














مفتاح الزمن ..... فرقتي انا ونور

وقفنا في الجزء اللي فات لما علمت نور ازاي تكون حائكة تعويذات في القطب الشمالي .. وظهرنا بعدها عند مالك مفتاح الزمن وكان دكتور سترنج

انا : يعني مش هتدينا المفتاح

سترنج : للاسف لا ... ( وبياخد وضع الهجوم )

... وهنا جريت عليه انا ونور ... ولكن سترنج عمل علينا حركته الشهيره .. وخبطنا على صدرنا .. وطلعنا انا ونور من اجسمنا في هيئة اشباح ...

نور : وووووو ... ايه ده ..انا مش مصدقه ... الهيرو بتاعي عمل الحركه المفضلة عندي عليا

انا : اسكتي ياختي ده هيوتنا دلوقتي

... وعلشان انا متعود اني اكون في هيئة الشبح في عالم انوبيس .. فرجعت لجسمي بسهوله .. واسترنج واقف مصدوم ..

انا : انت مفكر ان الحركه دي هتكسبك ( وبترقع بصوبعي ونور بترجع لجسمها )

سترنج : امممم ... شكلك كده زي ما الاشاعات بتقول

انا : اشاعات ايه

سترنج : ان الملك اراجون رجع بهيئة جديده

انا بابتسامه : وانت هتصدق كل حاجه بتسمعها

.. ومره واحده لقيت استرنج رمى عليا حبل سحري وعايز يكتفني بيه .. بس طلعت المنجل بسرعه ولفيته في الهوا وقطعت الحبل بتاعه ..

... ولقيت استرنج بيمسك مفتاح الزمن ولسه هيستعمله ، قمت فتحت بوابه لعالم المرايا بسرعه ، وجريت عليه باقصى سرعه وخدته ودخلنا جوه البوابه ...

والناحيه التانيه نور كانت بتعمل تعويذه كنت قولتلها عليها قبل ما نروح لسترنج .

.. وبعد ما دخلنا انا وسترنج لعالم المرايا ، نزلنا رزع في بعض ، وكل واحد طلع اجمد تعويذات سحريه عنده ..

سترنج ( راكع على ركبته ) : تصدق عندهم حق .. انت فعلا تستاهل تكون خليفة للملك اراغون

انا ( راكع على ركبي ) : يعني انت اللي سهل ... كفايه انك هزمت دورماو لوحدك

سترنج : ها ، وبعدين ، هنعمل ايه

انا ( جتلي فكره ) : بقولك ايه ، انت كل اللي يهمك ان مفتاح الزمن يفضل في العالم ده صح

سترنج : صح

انا : طب انا عندي خطه .. والخطه دي هتخلي المفتاح يفضل في العالم بتاعك

سترنج : وايه هي خطتك

انا : هتكون ......

.... واتفقنا انا وسترنج على الخطه وطلعنا من عالم المرايا ... وشوفت ان نور خلصت التعويذه بتعتها .. ولكن خليتها تحتفظ بيها لوقت تاني .. وفتحت بوابه للمفتاح الاخير .. واختفينا ......















مفتاح السيطره على العقول ... كل الفرق

.. لما فتحت البوابه وظهرت انا ونور ، لقيت بوابة كل فرقه بتفتح في نفس الوقت .. وبيخرج منها باقي الفرق ..

.. ولما شوفت جثث سكاي وريفين والساحر يارين زعلت جدا ، والغضب ظهر عليا ، والهاله السودا زادت حواليا ، وباقي الفرقه اترعب من شكلي ...

.. ولكن قطع الصمت اللي كنا فيه شخص قاعد على كرسي ، وعنده هيبه وكاريزما عاليا اوي .. وحاطط رجل على رجل

بروفيسور إكزافيير : اخيرا مجموعه كبيره ... كده اللعب هيطول شويه

مي : لعب ايه

... وقبل ماتكمل كلامها لقينا إكزافيير مسك المفتاح ، ومره واحده كلنا اختفينا .. وظهر كل واحد داخل عقله الباطن ..... وكل واحد شاف اكتر حاجه بيخاف منها وطلعتله داخل عقله ...

إكزافيير : ابدأ بمين ... ابدأ بمين ... كلهم بيبصوا للشخص ده ليه ... طيب انا هبدأ بيك انت ... ومسك المفتاح بتاعه ، واتنقل لعقلي الباطن ، واترعب من اللي شافه ...

.. داخل عقلي الباطن كان عالم الاحلام ... وكل المخلوقات والوحوش اللي كنت بخاف منها وانا صغير او حتى بسمع عنها ، كانت قعده حواليا زي الحيوانات الاليفه ..

.. وانا قاعد على كرسي شبه كرسي الملوك .. والمفاتيح الاربعه بتاعة القوه والانتقال والواقع والزمن .. بيلفوا حواليا

إكزافيير برعب : انت مين

انا : مش مهم انا مين ... المهم ان فترة حراستك للمفتاح انتهت .... سلم مفتاحك يا تشارلي

إكزافيير : انت عرفت اسمي منين ... وازاي انت معاك المفاتيح التانيه

انا : قولتلك مش مهم ... سلم مفتاحك

.. وهنا إكزافيير مسك مفتاحه تاني وكان عايز يهرب ... بس المفتاح ماعملش حاجه ... وهنا شاورت عليه ، وجسمه طار عليا

انا ( بنظره مرعبه ) : سلم مفتاحك

..وهنا إكزافيير مد ايده بالمفتاح .. ونظرة الرعب مسيطره عليه ... واول ما لمست المفتاح خرجت انا وهو من عقلي الباطن ، ولقيت الفرقه بترجع واحد ورا التاني .. وكل واحد مرعوب من اللي شافه داخل عقلهم الباطن ..

انا : كده احنا معانا اخر مفتاح .... يلا نرجع للعالم بتعنا

الباقي بكسره : يلا بينا



////////////////////////////////////////////////////////////////////////////////////////////////////////////////////////////////////////////////////////////////////

ده تكملة الجزء اللي فات

ياترى ايه الخطه اللي الفرعون قالها لسترنج

وايه التعويذه الجديده اللي نور عملتها

وهل استيلا ممكن تحب تشارلي

ومين هما المسافرين الاوائل اللي تيريون معاه القوه بتعتهم

سلام من الفرعوووووون

////////////////////////////////////////////////////////////////////////////////////////////////////////////////////////////////////////////////////////////////////

الجزء السادس / الثقه



فتحت بوابه داخل حصن الفرعون ، وخرجت كل الفرقه في العالم بتعنا تاني ... وكان معانا جثث المحاربين اللي ماتوا ، وعلشان كده كان الحزن والبؤس مخيم على الكل

انا ببرود : الساحر يارين البطل مات ازاي ؟؟!

مي بكسره : مش عارفه ايه اللي حصل ، احنا خلاص كنا هناخد المفتاح بس..

انا : ايه اللي حصل

الساحر يو ( بحزن ) : فيه بوابه اتفتحت من عالم الظلام ، وخرج منها شخص شبه الموت ، وقبل مانفكر حتى نهاجم عليه كان خد المفتاح وقتل اخويا

انا بغضب : وازي مقدرتوش تدافعوا عنه

مي بدموع : قولنالك كل حاجه حصلت بسرعه

.. وفتحت بوابه وهي بتبكي واختفت من الحصن ..

انا بجمود : ودول ماتوا ازاي ( سكاي وريفين )

تشارلي ( واقف على ركبه ) : ملك العالم السفلي صنع محاربين من الظل على أشكالنا وخلاهم تقاتلنا ، ولكن مكنتش سريع كفايه ( وبيخبط الارض بقبضته )

انا بجمود : تمام ... انصراف


.. الكل مشي من قدامي وهما باصين ليا نظره مش حلوه ، ولقيت تشارلي وتيريون رايحين على جثث سكاي وريفين ..

انا : سيبوهم

تشارلي : اسيبهم ازاي ، مش المفروض ندفنهم

انا : قولتلك سيبهم وامشي

.. وهنا تشارلي اتصدم وبصلي بطريقه وحشه برضه ، واستيلا واقفه منهاره على سكاي وريفين ومش عايزه تمشي ، ولكن تشارلي سحبها من ايدها وخدها ومشي ..

تيريون : بلاش طريقتك دي ... بلاش تخسرنا احنا كمان

انا : انا غلطت لما اعتمدت عليهم ، ادينا خسرنا المفاتيح ، وموتهم راح على الفاضي

تيريون : بلاش يفرعون

انا : موتهم راح على الفاضي ،، راح على الفاضي

تيريون : يخسارتك يفرعون ( وسابني ومشي )

... لما لقيت الكل مشي ، رحت عند الجثتين ، وفتحت بوابه وخدتهم واختفيت ...











في عالم الظلام ... عند الملك بيغاسوس

.. ظهر الظل الجاسوس اللي كان في العالم بتاعي وراح عند الملك بيغاسوس ، وشاف الشخص اللي كان واخد شكل اللورد فولدمورت اللي اخد مفتاح السحر ، وشاف الذئب اللي اخد مفتاح الارواح ..

الظل : سيدي بيغاسوس

بيغاسوس : اهلا حبيبي ، اخبارك ايه

الظل : كله بخير بفضلك ياملك

بيغاسوس : ياشبح متقولش كده ، ( وبيقف ومعاه المفتاحين ) لولاك مكنتش خدت المفتاحين دول

الظل : عفوا ياسيدي ... وانا جايبلك اخبار احسن من دي

بيغاسوس : فرحني اكتر وقول

الظل : الفرعون مبقاش واثق في اي حد عنده .. وشكل فرقته اللي معاه سابته

بيغاسوس : ياعيني عليك وعلى اخبارك العسل

الظل : وكمان فيه خبر بس مش عارف حلو ولا وحش

بيغاسوس : قول

الظل : لما رجعوا مكنش معاهم اي مفاتيح تانيه ، والفرعون قال لواحد معاه انهم خسروا الحرب من قبل ما تبدأ ، علشان خسروا كل المفاتيح

بيغاسوس : كمان ، دا احسن خبر سمعته

اللورد فولدمورت : ازاي بس ده خبر حلو ... احنا كده مش هنعرف نلاقي سجن الوحوش

بيغاسوس : سجن الوحوش مبقاش مهم بالنسبالي

فولدمورت : يعني ايه

بيغاسوس : بالمفتاحين اللي معايا دول بقيت اقوى واحد في كل العوالم ، ومفيش مخلوق هيقدر يقف قدامي

فولدمورت بابتسامه : عندك حق يا ملك












عندي انا في العالم بتعنا

..ظهرت في مملكه فالينور عند بيت سيلفا ( مدرب المحاربين في مدرسة ألفيا ) ، وخبطت على الباب ..

سيلفا : اهلا اذيك يافرعون

انا : انت كنت عارف ان ابنك انضم للفرقه بتعتي

سيلفا : لا مكنتش اعرف ، بس لما عرفت كنت عايزه يسبها ، بس هو اقنعني انه يفضل معاك

انا بحزن : انت كان عندك حق ، كان المفروض يسبني

سيلفا بقلق : ايه اللي حصل يفرعون

انا : شد حيلك

سيلفا بصدمه : يعني ايه ... لا .. ابني .. لاااااا

.. وبعد مرور شوية وقت ، لقيت سيلفا هدي ..

سيلفا : هو فين

انا : دفنته هو وريفين جنب امه

سيلفا : انا رايح ليهم ... ( وطلع يجري على هناك )











عند استيلا

.. استيلا كانت في حالة صدمه كبيره ، ومش قادره تسيطر على نفسها ، وهنا تشارلي راح عندها وقعد يحتويها ...

استيلا : انا السبب .. انا السبب

تشارلي : اهدي يا استيلا .. اهدي

استيلا : انا السبب ... لو كنت قادره احميه مكنش مات

تشارلي : لو ده السبب اللي بتحاولي تقنعي نفسك بيه ، يبقى انا السبب

استيلا : فعلا هو ده السبب ، كل الناس اللي بيحبوني ماتوا وهما بيدافعوا عني ، وخلاص متبقاش حد بيحبني

تشارلي : ازاي مفيش حد بيحبك .. اومال احنا ايه ... انا ايه

استيلا : انت ايه يعني ايه

تشارلي : انا بحبك يا استيلا ، وهفضل طول عمري بدافع عنك حتى لو على موتي

استيلا ( واقفه مصدومه ) : انت بتحبني .. بتحبني انا

تشارلي : ايوا بحبك ..وبموت فيكي كمان

استيلا : بس انا ... انا لازم اجيب حقهم الاول

تشارلي : قصدك هنجيب حقهم ...كلنا هنجيب حقهم ، وحق كل الناس اللي ماتوا بسبب الكلب اللي اسمه بيغاسوس

استيلا : بس انا كنت عايزه اودعهم ، ازاي الفرعون بعدنا عنهم بالطريقه الوسخه اللي عملها دي

تشارلي : هتعرفي بعدين الفرعون عمل كده ليه

استيلا : مفيش سبب منطقي يخليه يعمل اللي عمله ده

تشارلي : لا فيه .. والفرعون اتعامل معانا بالجفاء والبرود ده بسبب جامد اوي

استيلا : يعني ايه

تشارلي : الفرعون مبيعملش معانا كده غير في الضروره القصوى












عند مي في القصر

.. ظهرت مي في وسط القصر ، وطلعت على اوضتها وهي بتبكي ... وظهرت بعدها نور ومعاها سلمى ...

غاده : ايه اللي حصل .. وليه خالتو مي بتعيط كده

سلمى : وليد اللي زعلها

شروق : زعلها ازاي

سلمى : انا مش فاهمه البني أدم ده ازاي اتصرف معانا بالبرود ده

نور : عندك حق ، انا مش مصدقه ان ده الشخص اللي كان معايا

سمر : انتوا بتقولوا ايه يجماعه ...ايه اللي حصل

سلمى : مش عارفه حاجه ....( وبتسبهم وبتطلع )

غاده : ايه اللي حصل يا نور

نور : في المهمه اللي عملناها دي ، مات مننا ٣ اشخاص

سمر والباقي : يلهوي

غاده : وفيه حاجه حصلت ليكوا

نور : لا احنا تمام

سمر : اومال ايه المشكله بقى

نور : وليد المشكله ، ده اتصرف معانا ببرود اكن اللي ماتوا دول حشرات ، مش محاربين ولا حتى صحاب في فرقته

سمر : هتلاقي عنده سبب مقنع ، انا مربتش وليد انه يكون عديم الاحساس

نور : وده تفكيري برضه ، وليد في الفتره اللي قضاها معايا في المهمه كان حنين اوي

غاده : حنين ازاي يبت

نور : يعني ظهر جانب الاخوه

غاده : انتي بتقولي ايه 🤨

نور : طول عمري انا وماما وسلمى عايشين من غير ظهر لينا ... ووليد في الكام يوم دول عرفني يعني ايه يكون ليا ظهر في الدنيا

غاده : عندك حق ... فاكره يماما لما ساعدنا زمان

شروق : انتي عايزاني انسى ... ده هو السبب في رجوع املاكنا تاني

سمر : انتوا عرفتوا منين ، مش اللي رجع حاجتكوا تاني كان مدير البنك اللي خالد جوزي كان شغال فيه

غاده ( بتبصلها 😉 ) : وهو يعني خيري طلع مدير بنك

سمر : يابني اللعيبه ياوليد ... تصدقي الكذبه دي لسه مصدقاها لحد دلوقتي

نور : وهو رجع املاكوا ازاي

غاده : معرفش الصراحه

شروق : من فلوسه هو

سمر بصدمه : من فلوس مين ... ده رجعلكوا ملايين

شروق : اللي عرفته ان وليد معاه في حساباته فوق ٥ مليار دولار

نور وسمر وغاده ( اتشلوا ) : اييييييييييييه












بعد مرور شوية وقت ... داخل حصن الفرعون

... لما الظل الجاسوس خلص كلامه مع بيغاسوس ، رجع تاني للعالم بتعنا ودخل الحصن ، ولكن شاف حاجه صدمته ...

انا : شرفتي من تاني

الظل : فيه ايه ياوليد .. واقف كده ليه

انا ( رميت السلسله عليها ) : اطلع من جسم بياتريكس

الظل ( بابتسامه ) : خدت وقت طويل لما عرفت يا مغفل ... خلاص المفاتيح وصلت لملك الظلام

انا : ومين قالك اني مكنتش عارف ، بص وراك كده

... والظل بص وراه ، لقى مونيكا واقفه وراه على طول ، وماسكه مرايه ، والظل اول مشاف المرايه ، اتسحب فيها ...

.. ولقيت بياتريكس فاقت بشرقه ، وجسمها كله بيترعش ..

انا : اهدي ، انتي كويسه ، اهدي يا بيا

بياتريكس : ايه اللي حصل ( وبصت على المرايه ، وافتكرت كل حاجه ) ... انا اسفه يوليد ( وبتبكي ) كل اللي ماتوا كان بسببي

انا ( بوقفها على رجليها ) : محدش مات بسببك ... كله بسبب الكلب ده

بياتريكس بغضب : انت ايه .. انت كلب .. انا لازم اقتلك بايدي

انا : هتقتليه .. بس مش دلوقتي ..للأسف لسه ليه دور في الحرب

..والظل واقف داخل المرايه ، وعمال يضربها بايديه ..










في عالم ٦٠٧ ... عند فارازون

... بيظهر يومير عضو مجلس حكم العوالم عند فارزون في ساحة التدريب ...

يومير : انت مبتجيش بقالك كام يوم ليه

فارازون : معلش بقى زي ما انت شايف

يومير : اه صحيح انت بتدرب الجيش من تاني ليه

فارازون : الصراحه انا قلقان بسبب دخول الفرعون في وش الحرب مباشر قدام بيغاسوس ... فلازم اعمل حسابي كويس

يومير : احنا كلنا قلقانين فعلا ، وعلشان كده جيتلك

فارازون : خير

يومير : هيكون فيه اجتماع حرب قريب جدا ، ولازم الفرعون يحضر

فارازون : ومقولتلوش بنفسك ليه

يومير : انت عارف ليه ... الفرعون مش بيثق في اي حد من مجلس الحكم

فارازون : قصدك انه بيثق فيا انا

يومير : اكيد لا ... بس ممكن يسمع منك ويحضر

فارازون : على العموم انا هبلغه وهانشوف











في الساحه الكبيره ... حصن الفرعون

.. وقفت في نص الساحه وكان معايا مونيكا وبياتريكس ، طرقعت بصوابعي ولقيت كل الفرقه ظهرت عندي ..

انا : انا عارف انكوا مش طايقني وعايزين تضربوني بالجذمه ... ومعاكوا حق انا استاهل بسبب اللي عملته

نور : طب ولما انت عارف ان ده غلط .. عملته ليه

انا : شايفين المرايه دي ... الكلب اللي محبوس فيها ده كان جاسوس لبيغاسوس ( كنت عامل تعويذه على المرايه عازله للصوت ) ، وللأسف كان متحكم في جسم بياتريكس ، وسمع خطتنا اللي عملناها ، وبسببه المحاربين الابطال ماتوا

استيلا : وليه اتعاملت معانا بالبرود ده ... وليه مخلتنيش اودع حبايبي

انا : انا اسف اني عملت معاكوا كده ... بس للأسف انا اكتشفت وجوده متأخر جدا .. وكان لازم اعمل كده علشان يوصل لبيغاسوس معلومات غلط عننا

سلمى : معلومات ايه

انا : الكلب وصل لبيغاسوس ان الفرقه اتقسمت وخسرنا بعض ... وكمان وصله اننا معرفناش نجيب المفاتيح الباقيه

الساحر يو : ومكنش فيه غير الطريقة الوسخه اللي عملتها دي

انا : للأسف مكنش فيه ... وانا بعتذر لكل واحد فيكو ... واللي متقبل أسفي ييجي معايا

... وبفتح بوابه وبدخل فيها انا ومونيكا وبياتريكس ...

تشارلي : قولتلك اكيد عنده سبب مقنع ، لو عايزه تكملي معانا تعالي معايا ( وبيفتح ايده )

استيلا : كان عندك حق فعلا ( وبتمسك ايده ، وبيدخلوا في البوابه )

احمد : هو عمل الحكايه دي قبل كده

تيريون : للأسف بيعملها كل مره

كيرا : دا ولا ممثل في الاوسكار

.. وبيدخلوا هما كمان في البوابه ...

نور : قولتلك يازفته اكيد عنده سبب

سلمى : وانا ايه اللي كان عرفني

نور : طب يلا بينا ... ( وبيدخلوا هما كمان )

الفهد : يلا بينا ، ولا البعيده عندها ددمم ونقح عليها

مياده : لا ياخفيف معنديش ... يلا بينا

..( ودخلوا وراهم ) ..

الساحر يو : هتقدروا تسامحوا

الساحر ايرين : انا هجيب حق اخونا وهعتزل بعدها

الساحر يو : وانتي يا مي

مي : انا مزعلتش من اللي عمله وليد ... انا كل اللي زعلت منه اننا ازاي مقدرناش ندافع عن نفسنا وعن يارين

الساحر يو : يبقى نجيب حقه علشان نرتاح كلنا

... ودخلوا هما كمان والبوابه اتقفلت ...












بين العوالم .... عالم الملك رع

.. لما فتحت البوابه ودخلت فيها انا ومونيكا وبياتريكس ، قعدنا مستنيين باقي الفرقه اللي قدروا يسامحوني ، وفعلا لقيتهم بيخرجوا واحد ورا التاني ، والبوابه قفلت لما الكل خرج ...

انا : كده فتحنا صفحه جديده ... احب اعرفكم اننا في منفى الملك رع

سلمى باندهاش : ده منفى ...ازااااي

رع ( في هيئة شبح ) : فعلا الفرعون كلامه صح

نور ( بخوف ) : ايه ده .. مين ده

انا : طبعا قليل فيكو اللي شاف الملك رع ... ده الملك رع ، يعتبر اول حاكم عرف يوحد العالم بتعنا بعد موت الملك اراغون ملك البشر الاول

استيلا : وهو ليه عامل كده

رع : عامل ازاي

انا : قصدها انت في هيئة شبح ليه

رع : اه ، لما حاربت مبعوث عالم الظلام اللي كان اسمه مورغوث ، ونفيته في العالم السفلي بتعنا ده ( وبيشاور على بوابة عالم انوبيس ) .. سحرة الدم اللي كانوا خدام ليه قدروا يوصلوا ليا ، وعملوا عليا سحر اسود ، ولكن بسبب ألماسة الخلود اللي كانت معايا صدت معظم السحر الاسود ، بس ده مكنش كفايه واتنفيت للعالم ده

استيلا : وووووو ، دي نفس القصص اللي كانوا بيقولوها زمان في المملكة

تشارلي : وهما عرفوا القصص دي منين

استيلا : مش عارفه .. بس احنا كنا بنفكرها قصص اساطير

سلمى : وانت اللي بنيت العالم ده .. طب ازاي

رع : كل ده اتعمل بفضل ألماسة الخلود دي ( وبيشاور على الالماسه اللي ربطه العوالم التلاته ببعض )

نور : مش الالماسه دي كانت معاك يا وليد

انا : اه كانت معايا ، بس اضطريت اني اربطها بالعوالم التلاته لما مصدر السحر بتعنا اتدمر

مي : على العموم ... انت جايبنا هنا ليه

انا : علشان اصلح غلطي واشاركوا في كل حاجه بعملها

الساحر يو : مخبي علينا ايه يفرعون

انا ( بلمس الخاتم ) : كنت مخبي الجيش الفرعوني

... واول ما لمست الخاتم ، ظهر من العدم جيش عملاق مغطي عالم رع كله وواصل لحد بوابات عالم انوبيس ...

الكل بصدمه : ايه ده !؟؟!!

الساحر ايرين : ازاااي ... جبتهم منين دول

انا : مش مهم منين ، بس المهم ان ده جيش العالم بتعنا ، ده الجيش اللي هيحمينا ويحمي كل البشر

مي : ومين اللي دربهم

رع : انا وانوبيس

الساحر يو ( بصدمه ) : يعني قصدك ان الجيش ده اتدرب في العالم السفلي

انا ( بابتسامه ) : واكتر مما تتخيل














في عالم الظلام

فولدمورت : وهتلعب معاه ازاي ياسيدي

بيغاسوس : هخليه يجيلي في المكان اللي انا عايزه ، وهلعب معاه بطريقته

فولدمورت : طب وافرض مقبلش الدعوه بتعتك

بيغاسوس : لا الفرعون اغبى من كده

فولدمورت : ازاي

بيغاسوس : علشان هو مستعد يضحي بنفسه وينقذ العالم بتاعه

فولدمورت : عندك حق ، الغبي فعلا اللي ممكن يعمل كدا

بيغاسوس : وبمساعدة المفتاح ده ، هاقدر ألعب معاه اوسخ لعبه هيلعبها في حياته

فولدمورت : لو عايزني اوصله الرساله بنفسي هروح فورا

بيغاسوس : وليه تتعب نفسك

.. وبيمسك مفتاح السحر وبتظهر رساله من العدم ، وبعدين بتختفي ..















في عالم فارازون

.. ظهرت انا وتيريون من غير بوابه ، ورحنا لفارازون في ساحة التدريب ..

فارازون : طولت المرادي

انا : كان فيه مشاكل كتير في طريقنا

فارازون : والنتيجه

انا : معانا ٥ مفاتيح

فارازون بصدمه : والباقي

تيريون : مع بيغاسوس

فارازون برعب : ينهار اسود ... يبقى كده هنخسر ... كان لازم تتصرفوا احسن من كده

تيريون بغضب : احنا مات مننا محاربين علشان نوصل للمفاتيح دي

انا : مش وقت الخناق دلوقتي ... فيه مشكله ولازم نتصرف فيها فورا

فارازون : ايه تاني

انا : بيغاسوس بعتلي رساله ... بروح امه مبسوط بمفتاح السحر

تيريون : بتقول ايه

انا : " من بيغاسوس ملك الظلام الى الفرعون الصغير .. انا اعلم بانك عدت خالي الوفاض .. واعلم ايضا انك لن تكون منافس قوي لي في الحرب .. ولكني اعطيك فرصة انقاذ عالمك .. تعالى لهذا المكان وواجهني بنفسك في قتال بيني وبينك .. واذا فزت انت عفوت على عالمك .. واذا فزت انا فعالمك من نصيبي بدون حرب .. قرار حفظ دماء شعبك في يدك "

فارازون : وهتعمل ايه

انا : ودي فيها كلام برضه

تيريون : احسن حاجه اننا معانا عنصر المفاجأة

انا : عايزك توصل لمجلس الحكم اني هحضر اجتماع الحرب

فارازون : تمام .. بس ليه

انا : علشان الخونه يعرفوا بيغاسوس اني معتش في ايدي خيار

فارازون : وبكده هنعرف نتحرك من الناحيه التانيه

تيريون : يعيني عليك وانت فاهمها وهي طايره














في حصن الفرعون

.. ظهرت انا وتيريون في الحصن .. ورحنا للمرايه اللي محبوس فيها الظل ..

انا : مش عاوز تطلع ولا ايه

الظل : ارجوك يفرعون ... ارجوك

انا : طيب انا هعملك اللي انت عاوزه

.. وبلمس المرايه وبقول تعويذه ، ولقيت الظل خرج ، ولسه هيحاول يهرب ، فمسكته بالسلاسل وربطته ..

انا : مش بالسرعه دي ، لسه هنتكلم ياشبح

الظل : ارجوك سبني امشي

انا : وانا عند كلمتي هسيبك تمشي ، بس بشرط

الظل : اي حاجه

انا : توصل الرساله دي لسيدك بيغاسوس

الظل : امرك مجاب يفرعون

انا باللغه الرونيه القديمه : ماكسيمم أليرت

.. واول مقولت التعويذه لقيت الظل دخل في حالة رعب وهلع غير طبيعيه .. فقومته وفتحت بوابه لعالم الظلام ، ومسكته رساله ورميته في البوابه ..













في عالم الظلام

.. لما الظل دخل عالم الظلام ، بيغاسوس حس بطاقة رعب في العالم محسش زيها قبل كده ، فراح ليه بسرعه ..

بيغاسوس ( من بعيد ) : ايه اللي حصلك

الظل ( برعب ) : اااااااه .. ااااااااه .. الفرعوووووووون

بيغاسوس ( بينهج ): الفرعون .. ماله

الظل : ااااااااااه .. بعتلك ، اااااااه ، رسااااااله

بيغاسوس ( مش قادر يتنفس ) : سيبها على الارض

.. واول ما الظل ساب الرساله على الارض ، بيغاسوس فتح بوابه وراء الظل ، و رماه فيها من بعيد ، وقفلها بسرعه ..

بيغاسوس ( بينهج ) : ايه ده .. ايه اللي حصل ده

فولدمورت ( فتح بوابه ودخل العالم ) : هو ايه اللي كان هنا ده

بيغاسوس ( بينهج ) : مش عارف .. انا عمري مشوفت الطاقه المميته اللي الظل اتلعن بيها دي

فولدمورت : ولا انا كمان ... دي الطاقه وصلت لحد عالم المجلس

بيغاسوس ( لسه بينهج ) : وايه الاخبار هناك

فولدمورت : هيعملوا اجتماع حرب قريب اوي

بيغاسوس : طيب روح انت

... وبعد ما فولدمورت مشي ، بيغاسوس فتح الرساله اللي كانت مع الظل ...

الرساله : " من الفرعون الى كلب العوالم .. اقبل عرضك في المكان السابق تحديده "

بيغاسوس ( بياخد نفس عميق ) : يعني اللعنه اللي اتعملت دي كانت بسبب الفرعون

نفسه : لعنة ايه ... ده كان طاقة رعب صافيه

بيغاسوس : ده شكل اللعبه هتكون حلوه

نفسه : او ممكن تكون نهايتك

بيغاسوس ( بابتسامه ) : لعبها صح الفرعون

نفسه : شدك يعني بالسحر اللي عمله ده

بيغاسوس : ده خطفني













في العالم بتعنا ... حصن الفرعون ... غرفة تيريون

شخص : مش عايز تكمل يعني

تيريون : اكمل ايه ... انت مين

شخص : فكر شويه وانت هتعرفني

تيريون : امممممم .. لا الصراحه مش عارفك

الشخص : يعني مش عايز تكمل

تيريون : يعم اكمل ايه .. وانت مين اصلا

الشخص : هجيلك تاني لما تكون جاهز ... او على الاقل تكون عايز تكمل الحكايه ... سلام

... بيفوق تيريون من الحلم الغريب ده ...

تيريون : وايه ده كمان

نفسه : يعم نام ده مجرد حلم











في عالم مجلس الحكم

الملك أرثر : الاجتماع ده لازم يتعمل في اقرب وقت

يومير : انا فعلا قولت لفارازون وكذا حاكم تاني .. وفارزون قال للفرعون

الكونتيسا : وقال ايه

ليث : اكيد هيحضر ، ده اجتماع حرب ، وهو شكله بيعشق الحرب

يومير : هو فعلا هيحضر

ارثر : وباقي العوالم

ليث : كل حكام العوالم اللي تبع حكمي هيحضروا

ارثر : وانتي

الكونتيسا : اكيد هيحضروا

... يتبع ....


/////////////////////////////////////////////////////////////////////////////////////////////////////////////////////////////////////////////////////////////////////////////////////////

ياترى ايه اللي هيحصل بين الفرعون وبيغاسوس

وايه اللي هيحصل في اجتماع الحرب

وهعملكوا مفاجأة في اجتماع الحرب ( هدخل شخصيات حقيقيه 🤣 )

ومين الشخص اللي ظهر لتيريون

سلاااااااام من الفرعون

/////////////////////////////////////////////////////////////////////////////////////////////////////////////////////////////////////////////////////////////////////////////////////////

الجديد امتا

 

[⭐ الفرعون ⭐]

يشباب فاضل لسه اربع اجزاء
فانا ههدي شويه .... وهحاول اكبر الاجزاء على قد ماقدر
واكيد عملكوا كذا مفجأه

 

[hazem jr]

يشباب فاضل لسه اربع اجزاء
فانا ههدي شويه .... وهحاول اكبر الاجزاء على قد ماقدر
واكيد عملكوا كذا مفجأه

تلحق تخلص قبل الجيش؟

 

[El_5dewy]

ماشي يعمنا اعمل مفاجأت زي منتا عاثز بس الجزء ينزل النهارده