////////////////////////////////////////////////////////////////////////////////////////////////////////////////////////////////////////////////////////////////
تعريف كل الشخصيات المهمه في القصه ( متخفش من الاسماء ... كل الاسماء الجديده هتضاف دايما في اول تعليق في القصه ... علشان الناس اللي بتنسى الاسامي )
عائلة الفرعون المصري
وليد الشاذلي .... بطل القصه ... ١٨ سنه
سمر .... مرات خاله اللي ربته ... ٣٢ سنه
نور الشاذلي .... اخت وليد الكبيره .. ٢٣ سنه
سلمى الشاذلي ... اخت وليد اللي في النص ... ٢٠ سنه
مي منصور ... أم وليد .... ٤٩ سنه
الشاذلي ... ابو وليد ...مات ****
خالد منصور .... خال وليد وهو اللي رباه ..مات ***
غاده ... بتحب وليد وهو بيحبها ... ١٨ سنه
يمنى ... اخت غاده ... ١٥ سنه
شروق ... ام غاده وليها علاقه مع خيري بتاع المخابرات
فرقة الفرعون
مستر سنو ... قائد حصن ڤيلن .... ٦٧ سنه
فاير ...داخل حصن ڤيلن .... ٣٥ سنه
مونيكا .... ١٨ سنه
تيريون .... ١٨ سنه
تشارلي ... ١٨ سنه
كيرا ...انضمت للفرقه بعد مدرسة النقطه السودا .... ١٨ سنه
احمد ....صحبي وانضم للفرقه ... ١٨ سنه
قسم المخابرات ألفا
خيري ... رئيس القسم ... ٥٥ سنه
مياده ... الدراع اليمين لخيري ... ٣٧ سنه
سيد ... من اهم الظباط في القسم ... ٣٢ سنه
مدينة ڤالينور
عزيز ... حاكم المدينه
مواقع بعض الحصون والمدن والعوالم
حصن الفرعون .... على بعد دقائق من القاهره ... تحت الارض
حصن ڤيلن .... اسمه الحصن الكبير داخل جبال الألب في فرنسا
حصن كون لان .... الحصن القديم في الصين
مبنى المخابرات المصرية .... في القاهره
قصر مي .... في القاهره
سنتر سمر .... في القاهره
ڤيلا خالد وسمر القديمه ... في القاهره
مدينة ڤالينور ... مخفيه في وسط الصحراء
عالم الاحلام ... داخل العقل الباطن للفرعون
العالم السفلي .... عالم نفي الاشباح ... وحاكمه انوبيس
//////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
//////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
ملخص الاجزاء اللي فاتت
الفرعون وفرقته دخلوا جماعة العنقاء عن طريق الاستنساخ وقدروا يوصلوا للوزراء بتوع الجماعه ... ورع ظهر للفرعون وخده لبين العوالم واداله ادوات سحريه ... الفرعون استخدم الادوات دي ونفى المحاربين و والوزراء بتوع الجماعه للعالم السفلي بعد معارك وحرب كبيره بينهم ... وهربت روح مورغوث خادم الشر من العالم السفلي عن طريق بوابة الفرعون ... وساعد مورغوث رئيسة الجماعه لوسي اثناء اخر معركه وهربها ... ولكن لوسي قتلت تشارلي وروحه ارسلت للعالم السفلي ... فذهب الفرعون للعالم السفلي وعقد اتفاق مع حاكمه انوبيس ورجع تشارلي ... ومورغوث خطف سلمى وذهبوا لمعبد الشمس علشان بست تندمج في جسد سلمى ... ومي ام الفرعون اخذته للمنطقه المحرمه مدينة ڤالينور ... وتدرب الفرعون على السحر الابيض في المدينه ... ورجع الى الحصن وجهز للمعركه الاخيره ... وكانت معركه ملحميه بين مورغوث وخدامه من النازغول وبين الفرعون وفرقته ... وقضى الفرعون وفرقته على كل خدام مورغوث ... ولكن تفاجؤوا ان مورغوث رجع كل خدامه مره اخرى ... ولهذا استخدمت مي سحر محظور وهنا سنعرف ماذا حدث
//////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
الجزء الاول / مابعد النهايه
انا بحزن : اعمل حاااااجه .... مش هنسيبها تموت كدا
عزيز بحزن : انت عارف ان مفيش حاجه ممكن اعملها
انا بانكسار : يعني كدا خلاص .... بعد كل السنين دي وتنتهي كدا .. انا هخدها من المكان النجس دا ... وشيلت مي على كتفي وفتحت بوابه واختفيت
عزيز : ياتيريون .. حات سلمى ويلا بينا من هنا
تيريون : هو ايه اللي حصل ... ومي استخدمت ايه بالظبط ... والفرعون خدها على فين
عزيز : هنعرف بعدين ... يلا بينا من هنا
راح تيريون وشال سلمى على كتفه ... وعزيز فتح بوابه ودخلوا كلهم
مدينة فالينور
ظهر عزيز وتشارلي وتيريون شايل سلمى قدام مبنى في المدينه
عزيز : خدها للحكماء فوق ياتيريون
تيريون : تمام .... وخدها تيريون واختفى
تشارلي : هتفهمني بقى ايه اللي حصل
عزيز : مش دلوقتي ...لما الفرقه كلها تجمع
تشارلي : طيب انا رايح ليهم .... سلام
في مبنى الحكماء
ظهر تيريون وهو شايل سلمى في وسط المبنى وقعد يدور على الحكماء علشان يعالجوا سلمى ..... لحد مواحد من الحكماء طلعله
حكيم راين : عايز ايه يامحارب
تيريون : اللورد عزيز بعتني علشان تعالجوا سلمى
راح الحكيم عنده وفضل يقول شوية كلمات باللغه الرونيه .... لحد ما سلمى فاقت بشرقه
الحكيم راين : خدها ترتاح شويه ... الروح اللي كانت مسيطره على جسمها كانت روح شريره
تيريون : امرك يا حكيم .... بعد اذنك
عند تشارلي
لما تشارلي ساب عزيز ..راح على باقي الفرقه في مبنى التدريبات في المدينه ... ووصل وكل الفرقه جريت عليه
مونيكا : عملتوا ايه ... والباقي فين
تشارلي بحزن : مش عارف ايه اللي حصل
نور : طب وليد وماما وسلمى فين
تشارلي : سلمى هنا في مبنى الحكماء بيعالجوها ... ومعرفش الفرعون راح فين
نور بخضه : مالها سلمى .... انطق يا تشارلي
تشارلي : كان فيه روح شريره مسيطره على جسمها ... ولما الروح سبتها فقدت الوعي ... واكيد الحكماء صحوها دلوقتي
مياده : طب والفرعون ومي راحوا فين
تشارلي بحزن ونرفزه : قولتلكم معرفش ..معرفش ... وسابهم ومشي
بعد مرور ساعات
عزيز جمع كل الفرقه في مبنى التدريبات وقعد يتكلم معاهم
مونيكا : الفرعون راح فين يا عزيز
عزيز بص ليها : الحقيقة انا معرفش
تيريون : طب ايه اللي حصل لمي ... وايه السحر اللي استخدمته ده .... وليه الفرعون قالها بلاش تستخدمه
عزيز بنظرة ضعف : مش عارف اقولكم ايه ... مي لما شافت مورغوث والخدام بتوعه مامتوش بعد كل اللي عملناه معاهم ... قررت تستخدم سحر محظور
نور : يعني ايه سحر محظور
عزيز بحزن : يعني سحر النفي
الكل مصدوم : يعني ايييييييه
وهنا انا ظهرت عندهم في وسط المجلس .... وظهرت وانا قاعد على ركبي وكلي رماد ومتحطم نفسيا
انا بانكسار : يعني مي ماتت .... أمي ماتت
نور بكسره : لااااا .... امي لااااااااااا
عزيز : اهدوا يجماعه
سلمى ببكاء هستيري : انا السبب في كل دا .... انا السبب
مونيكا بدموع : لو كنا معاكوا مكنش دا حصل
عزيز : يجماعه اهدوا ... المعركه كانت تحت سيطرتنا ... ومي اتسرعت واستخدمت السحر المحظور على طول
نور بتبصلي بدموع : وليه مامنعتهاش ... ليييييييه
انا بكسره : ملحقتش ... ملحقتش
سلمى ببكاء : طب وهي فين دلوقتي
انا : دفنتها جنب ابويا
نور وسلمى : خدنا على هناك
انا : يلا بينا .... وفتحت بوابه ودخلنا احنا التلاته بس
بعد مرور يومين في قصر مي
نور : اصحى ياوليد يلا
انا : في ايه يانور على الصبح سبيني انام
نور : النهارده المعاد
انا صحيت وقعدت على السرير : وهنقولها ازاي
نور : معرفش ... بس انت اكتر واحد عرفها
انا : انا عندي فكره حلوه ممكن تبلعها
نور : ايه هي
انا : هنقولها .....
نور : تصدق ممكن تنفع ...طب يلا روح عرفها
ونزلت تحت لسمر وكانت بتعمل فطار لينا
انا : صباح الخير يحبيبتي
سمر : صباح الروقان عليك ... ايه اللي مصحيك بدري كدا
انا : ااااا .. اه انا رايح المدرسه علشان الامتحانات قربت
سمر : مدرسة ايه ... انت لسه فاكرها ... بعد سفرك المده دي كلها
انا : هو حد ينسى مدرسته برضه .... انا همشي دلوقتي بقى وهرجع على الساعه ٢ تكون طيارة مي وصلت
سمر : انا مش عارفه مي ازاي تسافر ومتقولش ليا ... دي لما تيجي هموتها
اول مقالت كدا حسيت بزعل جامد وقلبي اكنه وقف
انا بحزن متستر : لما تيجي بقى اعملي اللي عاوزاه ... سلام
سمر : مش هتفطر الاول
انا : لا مليش نفس ..... سلام
عند المدرسه القديمه بتعتي
وصلت المدرسه ولقيت احمد صحبي واقف مستنيني
احمد : جاهز يفرعون
انا ببص ليها بجمود : جاهز يصحبي
دخلت انا واحمد المدرسه وكل شويه حد يجي يرحب بعودتي تاني بعد غياب شهور لحد موصلنا الفصل
طالب : ايه وليد رجع ... ياه اخبارك ايه ياويدو
انا : انا تمام ... اخبارك ايه واخبار المدرسه ايه
طالب : كلنا تمام ... قولي بقى علقت كام بنت هناك
انا بضحك : عايزني اظبطلك واحده ولا ايه
طالب : وليد الكلام دا مفهوش هزار .... انا ممكن اكتبلك شيك على بياض وتجبلي واحده من انجلترا
انا بجديه : على دسكك يلا
الطالب : ماشي يعم وليد ... مرحب برجوعك
احمد : الواد دا مش هيتغير ابدا
انا : طول عمره حيحان على الشهر الاصفر 😂
واحنا بنتكلم لقيت كتاب نازل على دماغي ... ولولا قدرات الفرعون واني اتفاديت الكتاب كان زمان راسي بقت بطاطس
غاده بغضب : بقى يحيوان بقالك اسبوعين في مصر ومتكلمنيش
انا : ايه يحبيبتي كنت هتعملي راسي شاورما
غاده بغضب : مكلمتنيش ليه يوليد
انا : انا أسف يغاده .... وهقولك الحكايه على الغداء النهارده
غاده : ومين قال اني هخرج معاك يعني
انا بغمزه : علشان انت الحب يبت 😉😙
غاده : حبك برص
انا : اوبا ليه القلبه دي .... طب حيث كدا بقى اكلم اي بنت من بتوع انجلترا واخرج معاهم
غاده مسكت هدومي وبصتلي بنظرة شر : فكر بس تعملها
انا : احنا اسفين يصلاح ... اهدى كدا وهجبلك سوشي
غاده : ايوا كدا ناس متجيش غير بالعين الحمرا
بعد المدرسه في مطعم سوشي
غاده : احكي يخويا بقى 😒
انا : معلش تعالي على نفسك شويه
غاده : طب اخلص واحكي
انا : لما رجعت من انجلترا كان معايا ورق مهم من راجل وصاني اني ارجعه بنفسي قبل مايموت
غاده : ورق ايه وراجل مين وترجعه فين
انا : يستي كان واحد مصري قاعد معايا في السكن ووصاني اني ارجع اوراق الورث بتاعه لولاده وعيلته هنا
غاده : وليه قعدت اسبوعين
انا : لحد موصلت ليهم
غاده : ماشي .. وليه مكلمتنيش ولا مره
انا : انا اسف يستي ... بس انا عارف نفسي ... لو كنت كلمتك مكنتش هعرف اسافر واسيبك تاني بعد فترة الغياب دي كلها
غاده بتوهان : يعني بتحبني اوي كدا
انا مسكت ايدها وبستها : واكتر من كدا
قعدنا نتكلم وناكل وبعدها روحتها الفيلا ومشيت
وانا في الطريق رنيت على تيريون
انا : نفذ دلوقتي
تيريون : انت متأكد ... مش لازم تكون معاهم
انا : انا على وصول ... نفذ انت بس
تيريون : تمام يفرعون
بعد خمس دقايق وصلت قصر مي
دخلت القصر وسمعت صوت صراخ وبكاء ... جريت على جوه لقيت سلمى ونور بيعيطوا وسمر بتسكت فيهم
انا : ايه اللي حصل
سمر جريت وخدتني في حضنها : اهدى يحبيبي ... كلنا هنموت في الاخر
انا : ايه اللي حصل حد يفهمني
نور بعياط : طيارة ماما وقعت وكل اللي فيها مات
انا : ايه ... ازاي دا حصل
سلمى بعياط : محدش يعرف ... بيقولوا فيه صاروخ ضرب الطياره ووقعها ... وواحد كلمنا من المطار بنفسه ( تيريون )
انا : يعني امي ماتت .... مي ماتت
سمر : اهدى يحبيبي كلنا هنموت
انا : انا ملحقتش اشبع منها .... وجريت على فوق
سمر : انا هروح وراه
نور : لا خليكي وانا ههديه .... وجت نور لعندي
انا : بلعتها ولا ايه
نور بحزم : طبعا بلعتها .... يلا خير وحلو اوي لحد كدا
انا : اديني بعمل بوصية خالي وببعدها عن كل الحياه دي على قد ماقدر
نور : وهنرجع المدينه امتى
انا : معرفش .... بس انتي عايزه ترجعي ليه
نور : اولا علشان اعرف اتحكم بالسحر اللي عندي ... وكمان سلمى متعرفش ايه سحرها والقدرات بتعتها
انا : انا عندي اقتراح تاني
نور بتقاطعني : وانا رفضاه تماما .... ماما فضلت طول عمرها باعدانا عن السحر والعالم بتعكوا دا ... وشوفت نتيجت اللي حصل .... لازم نكون مستعدين للي هيحصل بعد كدا
انا : كان نفسي ابعد عن العالم دا كله بس شكله مكتوب عليا
قعدنا ايام كتير بنتدرب في المدينه بس الفريق بتعنا لوحده من غير محد يدربنا .... وكل يوم بنبات في القصر علشان سمر .... وجت فترة الامتحانات بتاعت المدرسه ودخلنا انا وغاده واحمد صحبي ونجحنا كلنا .... وكل دا خلال شهر بس
اول يوم اجازه في القصر
نور طلعت ليا الاوضه بتعتي وفضلت تصحي فيا
انا : عايزه ايه .... احنا في اجازه حرام عليكي
نور : احنا لازم نطلع فكره او اي حجه علشان نقعد في المدينه شويه حلوين
انا : وايه هي الفكره ... وبعدين انا هبعد عن المدينه شويه
نور : تبعد ولا متبعدش انا مليش دعوه ... هنروح انا وسلمى
انا : ماشي ... شوفي اي حجه علشان سمر
نور : منا بصحيك ليه .... شوف هي هتفكر ازاي وطلعلي فكره يلا
انا : هعيط منك ... سبيني انام حرام عليكي ... وانا هجبلك فكره حلوه ...تمام
نور بتضربني بالمخده : نام ... اتخمد
على الظهر كدا صحيت ونزلت تحت لقتهم قاعدين في الجنينه
انا : صباح الخير على القمرات
الكل : صباح الخير ياوليد
سمر : ها قررت تدخل ايه
انا : يستي اصبري اقعد طيب .... وبعدين لسه مش عارف
نور : ممكن تدخل حاسبات وتجيلي بقى
انا : اجيلك ازاي يعني
سلمى : انت متعرفش صحيح ... دي اتعينت معيده وقرفتني في عيشتي
انا : وعيزاني اجيلك برجلي
نور : متقلقش هظبطك هناك
انا : ماشي يستي انا موافق
سمر بنظرة فرح : اخيرا شوفتك وانت داخل الجامعه ... نفسي اشوفك بقى وانت في الكوشه
انا بهرب منهم : لا كدا كتير ... سلام
سمر : خد ياض خلاص انا بهزر 😆
انا : ايوه كدا ارجعي عن اللي في دماغك
نور : ها ملقتش فكره في دماغك !!
سمر : فكرت ايه !؟؟
انا : ها ... اه عايزين نسافر كدا نغير جو شويه
سمر : تصدق عندك حق ... بس للأسف مش هعرف اسافر واسيب السنتر ... سافروا انتوا وغيروا جو
انا بحزن متصنع : لا .. كدا يسمر مش هتسافري معانا
نور بتحاول تكتم ضحكتها : خلاص بقى يوليد متزودش عليها ... احنا هنسافر شويه نغير جو ونرجعلها
انا : خلاص وعد مني اني اخدك لوحدك يا سمورتي وألففك العالم
سمر : ميحرمنيش منك يقلبي ... اموه 😙
سلمى : دا ايه المحن ... بنات اخر زمن
انا بضربها على قفاها : ملكيش دعوه يبت انتي بحبيبتي
بليل في القصر
جهزت الشنط في العربيه وسلمى ونور ركبوا وسمر فضلت واقفه على الباب ... فارحت ليها
انا : انتي عارفه انا بعمل كدا ليه
سمر حضنتي قوي : عارفه يحبيبي ... خالي بالك منهم وحاول تطلعهم من الزعل
انا : هحاول ... خلي بالك من نفسك وكلميني كل ساعه ... ولو احتجتي اي حاجه قوليلي وهتلاقيني عندك في لحظه
سمر شدتني اكتر لحضنها لدرجه دقات قلبها وصلت لقلبي ودمعت شويه
سمر : يلا روح بقى
انا : سلام يقلبي
سمر : سلام يروحي
ركبت العربيه وطلعت بيها من القصر وفضلت ماشي شويه لحد مطلعنا على الطريق الصحراوي .... فتحت بوابه كبيره ودخلت فيها بالعربيه وقفلتها ... وظهرت في مدينة ڤالينور
بعد يومين من التدريبات الغير مجديه في المدينه بالنسبه للفرقه ..... رحت عند قصر عزيز ... ودخلت ليه
عزيز : اهلا بالفرعون الغالي
انا : اهلا ياعزيز ... عايز اتكلم معاك شويه
عزيز : طبعا ... تعالى معايا ... وطلعنا في الجنيه
انا : احنا عايزين نغير التدريبات بتعتنا
عزيز مستغرب : ليه بس
انا : يعم التدريبات دي ولا حاجه بالنسبه لينا
عزيز : ازاي ... دي تدريبات حراس المدينه
انا متفاجئ : ينهار اسود .... دا لو قوتهم نفس قوة التدريبات دي تبقى كارثه
عزيز : خلاص انا عندي فكره احسن بس لازم موافقة ناس تانيه
انا مستغرب : ناس مين
عزيز : حكام المدن الباقيه
انا بصدمه : مدن تانيه ....ازاي !!!؟
عزيز : ايوه فيه مدن تانيه موجوده في المملكه هنا
انا : لا انت تفهمني واحده واحده
عزيز : طب تعالى معايا ..... وخدني عزيز وقالي اتحول لهيئة الفرعون وخلاني اطير فوق المدينه لحد موصلنا للسحاب
اول موصلت لنقطه معينه في السماء شوفت المملكه كامله ... والمملكه عباره عن المدينه الرئيسيه ڤالينور موجوده في نص المملكه بالظبط .... وفيه مدينه كبيره في كل اتجاه ... من الشمال والجنوب والشرق والغرب
انا : ايه المدن الكبيره دي كلها
عزيز : دول اكبر ٥ مدن في المملكه ... وانا حاكم اكبر مدينه اللي هي ڤالينور ... فيه بقى المدينه الشماليه والحاكمه هناك روزيلا .... وحاكم المدينه الغربيه هو لارين .... وحاكم المدينه الجنوبيه هو لوران ... وحاكم المدينه الشرقيه هو ايلين
انا : ومقولتليش عنهم ليه قبل كدا
عزيز : مكنوش مستعدين لمقابلتك لسه ... ودلوقتي معاد المقابله بكره
انا : تمام
بعد شوية وقت في مبنى التدريبات
انا : لو عرفت هعملك اللي انت عاوزه
تشارلي : تمام يلا بينا
تشارلي جري عليا وطار في الجو ... اتشقلبت انا لورا ... تشارلي جري تاني عليا ... وفضل يحاول يضربني بالبوكسات وانا بتفاداه ...
تشارلي تعب شويه ... وخرج من جسمه على هيئة شبح وطار عليا ... وقتها ظهرت سلاح الفرعون ... وخليت السلسله تلف على جسمه كله ... وسحبته عليا بسرعه كبيره ... وقبل ميوصل ليا عملت تعويذه على ايدي اليمين بالسحر الابيض ... وضربته بوكس خليته يفقد الوعي
انا : ها مين اللي بعده ... يلا ياحمد
احمد : لا انا كويس ... حد تاني عايز يجرب
تيريون : طب ايه رأيك كلنا عليك
انا : معنديش مشكله و ..
وقبل مكمل كلامي لقيت مونيكا ضربت سهم ناري عليا من اليمين ... ومياده رمت كورة نار من الشمال ... ركزت بسرعه ونطيت في الجو واتفاديت الضربات بتعتهم ...
اول منزلت على الارض لقيت تيريون ظهر ورايا ولسه هيضربني بالرجل ... نزلت على الارض وضربت رجله الثابته ووقعته ... وانا لسه على الارض لقيت احمد طاير في الجو ونازل بجسمه عليا زي النيزك
استخدمت سرعة الفرعون وجريت بسرعه .. واحمد نزل على الارض وحصل انفجار عمل حفره كبيره تحته
ساعتها عملت تعويذه بالسحر الابيض على السلسله ورميتها على احمد وكتفته بيها ... وخليت السلسله ترفعه في الجو وتنزل بيه على الارض مره واتنين وتلاته لحد ما اغمى عليه
في الوقت دا لقيت نور بتسحب مايه كتير وبتعمل كورة كبيره ... وسلمى وافقه مش عارفه تستخدم سحرها لسه ... نور ركزت شويه ورمت عليا كورة المايه ... قمت انا استخدمت السلاح بتاعي وفضلت ألف السلسله في الهوا ونزلت بالمنجل الناري على كورة المايه وبخرتها
لقتهم كلهم وقفوا مع بعض ضدي في ناحيه واحد ... ساعته قولت تعويذه
انا باللغه الرونيه القديمه : ميناث ارشيم
وطلع مني نور ابيض جامد وخبط فيهم خلاهم يغمى عليهم كلهم
بعد شويه لقتهم فاقوا وقعدنا نتكلم
انا : اعتقد كدا انا اللي كسبت
تشارلي : كسبت بس .. دا محدش قدر يلمسك
انا : وخلتكم تفقدوا الوعي كمان
مونيكا : بس التدريبات بتعتنا مش هتنفع كدا ... احنا بنستخدم السحر بالعافيه
انا : خلاص كلها يوم ونشوف حل
مياده : انا مش فاهمه ازاي مش عارفين ندخل البرج زيك
انا : فعلا حاجه غريبه .. مفيش غيري انا وتيريون اللي دخلناه .. ومن يوم اللي حصل محدش عارف يدخله غيري
نور : كان زمانا اتعلمنا السحر في دقيقه زيك
تاني يوم ساعة المقابله
خدت بعضي ورحت عند قصر عزيز قبل المقابله بشويه ... ولقيت عزيز مجهز صالة الاستقبال بورد وزينه وكان شكلها تحفه
انا : ايه كل دا
عزيز : دا الطبيعي بتعنا ... دلوقتي بقى عايزين نتفق هنقول ايه بالظبط
انا : الاول انا عايز اعرف .. هو فيه مدارس للسحر هنا ولا فيه مدرسه واحده ... ولا الحكايه بتمشي ازاي
عزيز : فيه مدرسه واحده كبيره ... كل السحره الكبار متخرجين منها ... اسمها ألفيا
انا : طب انا عندي اقتراح ولازم نعمله
عزيز : ايه هو
انا : مش هنعرف حد من الحكام بقوتي او قدراتي على استخدام السحر ... انا عاوز ادخل المدرسه مع فرقتي
عزيز مستغرب : ليه ... انت كدا كدا هتكون حاكم المملكه كلها
انا : علشان كدا ... انا مش عاوزهم يخافوا او يقلقوا مني ... عايزهم طبيعيين .. علشان اعرف مين اللي هيرفضني ومين اللي هيرحب بيا
عزيز : خلاص فهمتك .... يلا بينا بقى علشان زمانهم حضروا
طلعنا انا وعزيز بره القصر ولقيت فيه عربيه ملكيه وشددها حصانين ونزل منها اجمل ست شوفتها في حياتي
عزيز : خلي بالك من الكلام معاها ... دي الملكه روزيلا
انا : تمام
عزيز : اهلا اهلا بالملكه .... كدا تغيبي عننا المده دي كلها
روز : اهلا ياعزيز ... وحشتني اوي ....
بعد شويه في غرفة الاجتماعات
عزيز : مره تانيه برحب بالحكام ... احب اعرفكم بوريث الملك رع .. وملك البشر من قبله .... الفرعون وليد الشاذلي
الكل : مرحب بعودتك يافرعون
عزيز : دلوقتي الفرعون كان في ضيافتي بقاله كام شهر ... وللأسف تدريبات السحر بتعتنا مجبتش معاه او مع فرقته اي نتيجه ... وعلشان كدا انا بقترح انهم يدخلوا مدرسة السحر ... مدرسة ألفيا
روز ( حاكمة المدينة الشمالية ) : دي خطوه كبيره جدا ... حد من خارج المملكه يدخل مدرسة السحر ... وانت بتقترح ان فيه محاربين تانيين كمان ... دي خطوه خطيرة
لارين ( حاكم المدينه الغربيه ) : فعلا خطوه كبيره بس ده وريث الملك ... ولازم نساعده
لوران ( حاكم المدينة الجنوبية ) : ونتأكد منين انه الوريث زي مابيقول
ايلين ( حاكم المدينه الشرقيه ) : فعلا احنا لازم نتأكد بنفسنا
انا قاعد سامعهم بيتكلموا كتير وبصراحه اتبضنت منهم فعملت تخاطر مع حد وبعدها قطعت كلامهم
انا : بعد اذنكم انا عايز اتكلم ... مهو الاجتماع معمول علشاني ولا ايه
عزيز : اتفضل يافرعون
انا : اول حاجه .. انا مش مجبر اثبتلكوا حاجه ... بس لو هقول ان دا عربون نيتي في الخير يبقى هعمله
روز : هتقدم ايه
انا : هو هيقولكم بنفسه ... وخليت رع يظهرلهم بهيئة شبح
رع : مرحب بالحكام
الحكام اول مشافوه رع انحنوا ليه على طول
رع : دلوقتي بعد ما اتأكدتوا ان الفرعون هو وريثي ... هو وفرقته لازم يدخلوا المدرسه من بكرا
لارين : طبعا يامولاي وانا اول واحد موافق
روز : وانا كمان موافقه
عزيز : وانا كمان ... كدا بقينا ٣ ضد ٢ والاغلبيه لينا
ايلين من تحت ضرسه : وانا كمان موافق
لوران : يعني جت عليا .. انا كمان موافق ... بس افتكروا اني مش متفائل خير بالموضوع ده
تاني يوم عزيز خدنا ورحت انا والفرقه على المدرسه ... والمدرسه بعيده عن كل المدن وموجوده لوحدها في ارض واسعه ...
دخلنا انا والفرقه مع عزيز من ابواب المدرسه ... ولقيت عزيز بيشيل حاجز سحري محاوط المدرسه من كل ناحيه ومفيش حد بيعرف يعدي منه
بعدها دخلنا لساحة المدرسه الاماميه وكان فيه طلاب كتير قاعدين بيستخدموا السحر .. وفيه اللي بيعمل قتال وهكذا
واحنا ماشيين لاقيت كل الطلاب وقفوا اللي بيعملوا وركذوا معانا ... لحد مدخلنا مكتب المديره
ناريس ( مديرة المدرسه ) : اهلا بالحاكم عزيز وبالكل
عزيز : اهلا ناريس ... اعتقد انك عارفه الحكايه كلها
ناريس : طبعا عارفه ... متقلقش ممكن تسيبهم وانا هعرفهم كل حاجه هنا
عزيز : ماشي ... انا همشي انا تعالى معايا يافرعون
نزلت مع عزيز .... وناريس خدت باقي الفرقه تعرفهم على اوضهم وعلى المدرسه
عزيز : عايزك تاخد بالك من كل تصرفاتك .. مش عايز حد ياخد باله انت مين او بتعمل ايه هنا
انا مستغرب : على فكره ..دا كان اقتراحي انا
عزيز : لا غير كدا .. انت متعرفش حاجه لسه عن المدن التانيه
انا : ومين السبب في كدا انا ولا انت
عزيز : بص انا هحكيلك علشان متوقعش نفسك في الغلط ... المدن دي زمان مكنتش جنب بعض او حتى كانت مملكه واحده ... ملك البشر زمان كان معاه المدينه الشماليه والغربيه ومدينة ڤالينور ... بس المدن التانيه كانت تحت حكم خادم الشر
انا : ينهار اسود ... طب ورجعوا تاني ازي
عزيز : المدن الجنوبيه والشرقيه دخلت معانا حرب واحنا كسبناها ... وقضينا على كل سحرة الدم اللي فيها
انا : وايه سحرة الدم دول
عزيز : سحرة الدم دول مش عندهم سحر طبيعي زينا ..وعلشان كدا كانوا بيقتلوا السحره ويخدوا السحر بتعهم
انا : والسحره دول لسه موجودين
عزيز : ملهمش اثر من زمان ... بس كان لازم احذرك واعرفك اصلهم كويس
انا : ماشي ... لسه فيه مفاجأت تانيه
عزيز : بص طالما عايز تعرف يبقى تعرف كل حاجه .... انت كل مره بتسمع ان مورغوث هو خادم الشر ... مسئلتش نفسك مين هو الشر ده
انا : لا .. هو الشر ده شخص .. انا مفكره شر ..يعني شئ مطلق
عزيز : لا الشر ده شخص وموجود في عالم الظلام
انا : موجود فييييييين !!!!
//////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
برحب بيكم في السلسله التالته ... واوعدكم هتكون نااااار على الكل
عاوزكوا تتوقعوا احداث السلسله هتمشي ازاي وعلى فين ... بس اوعدكم محدش هيعرف يجبها صح 😆
سلاااام من الفرعون
//////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
مكتملة الفرعون المصري | السلسة الخامسة | ـ ثمانية اجزاء 5/12/2023
مكتملة سلاح مرات خالي الفتاك | السلسلة الثانية | ـ عشرة أجزاء 2/5/2024
مكتملة اولاد الذوات | السلسلة الثالثة | ـ عشرة أجزاء 6/11/2023
متسلسلة واقعية رحيم - السلسله الثانيه - حتي الجزء الرابع 25/5/2024